ᐅᖃᓚᐅᑎᓯᐅᑏᑦ

You are here

ᖃᓄᖅ ᑖᒃᓯᒥᒃ ᐊᖁᑦᑐᓐᓇᐅᑎᑖᕈᓐᓇᖅᐳᖓ?

ᖃᓄᖅ ᑖᒃᓯᒥᒃ ᐊᖁᑦᑐᓐᓇᐅᑎᑖᕈᓐᓇᖅᐳᖓ?

ᑐᒃᓯᕋᐅᑎᓕᐅᕆᐊᖃᕐᐳᑎᑦ ᑖᒃᓯᒥᑦ ᐊᖁᑦᑐᓐᓇᐅᑎᒥᒃ ᓚᐃᓴᓐᓯᑖᕈᒪᓂᕐᒧᑦ/ᐱᔪᓐᓇᖅᑎᑕᐅᔾᔪᑎᒥᒃ ᓄᓇᓕᐅᑉ ᒧᓂᓯᐹᓕᑎᒃᑯᖓᓂ ᐅᕝᕙᓘᓐᓃᑦ ᕼᐊᒻᓚᒃᑯᑦ ᑎᑎᕋᕐᕕᖓᓂ, ᒪᓕᒡᓗᒋᑦ ᒪᓂᓯᐹᓕᑎᒃᑯᑦ ᕼᐊᒻᓚᒃᑯᓪᓗᓃᑦ ᑖᒃᓯᖃᕐᓂᕐᒧᑦ ᒪᓕᒐᕋᓛᖏᑦ. ᑐᒃᓯᕋᓚᐅᖏᓂᕐᓂ, ᐊᑐᕐᑐᒥᒃ ᓄᓇᕗᒻᒥᑦ ᐊᖁᑦᑐᓐᓇᐅᑎᖃᕆᐊᖃᕐᐳᑎᑦ ᐳᕐᑐᓂᖅ 4, 3, 2, 1-ᓗᓃᑦ, ᒪᓕᒡᓗᒋᑦ ᓄᓇᕗᒻᒥᑦ ᐊᖁᑦᑐᓐᓇᐅᑎᖃᕐᓂᕐᒧᑦ ᓚᐃᓴᓐᓯᓄᑦ ᒪᓕᒐᐃᑦ.

ᓄᓇᕗᒻᒥ ᐊᖁᑦᑐᓐᓇᐅᑎᒥᒃ ᓚᐃᓴᓐᓯᖃᕈᕕᑦ ᐳᖅᑐᓂᖅ 5-ᑐᐊᒥᒃ ᐊᒻᒪ ᑐᒃᓯᕋᕈᒪᒍᕕᑦ ᑖᒃᓯᒥᒃ ᐊᖁᑦᑐᓐᓇᐅᑎᑕᕈᒪᓗᑎᑦ ᓚᐃᓴᓐᓯᒥᒃ/ᐱᔪᓐᓇᖅᑎᑕᐅᔾᔪᑎᒥᒃ, ᐃᒪᐃᒋᐊᖃᕐᐳᑎᑦ:

  1. 18-ᓂᒃ ᐅᑭᐅᖃᕐᓗᑎᑦ
  2. ᐊᑐᕐᑐᒥᒃ ᓄᓇᕗᒻᒥ ᐊᖁᑦᑐᓐᓇᐅᑎᖃᕐᓗᓂ ᐳᖅᑐᓂᓕᒃ 5-ᒥᑦ ᐅᓄᖏᓐᓂᖅᐹᖃᕐᓗᓂ ᐊᕐᕌᒍᓕᒫᒥᒃ ᐊᖁᑦᑐᓐᓇᖅᓯᓯᒪᓂᖓ
  3. ᓄᓇᕗᒻᒥ ᐊᖁᑦᑐᓐᓇᐅᑎᖓᑕ ᓚᐃᓴᓐᓯᖓ ᓄᖃᖅᑎᑕᐅᓯᒪᔭᕆᐊᖃᖏᑦᑐᖅ ᐅᕝᕙᓘᓐᓃᑦ ᐃᓱᓕᕕᐊᓂᒃ ᖄᖏᖅᓯᓯᒪᔭᕆᐊᖃᖏᑦᑐᖅ
  4. ᐊᖁᑦᑐᓐᓇᐅᑎᑕᕋᓱᓐᓂᕐᒥᒃ ᐳᖅᑐᓂᓕᒃ 4-ᒥᑦ ᐊᓐᓂᐊᓯᐅᖅᑎᒧᑦ ᖃᐅᔨᓴᖅᑕᐅᓗᓂ ᐱᔭᕇᖅᓯᑦᑎᐊᕆᐊᓕᒃ ᐊᖁᑦᑐᓐᓇᐅᑎᑖᖅᑐᒃᓴᐅᒻᒪᖓᑦ ᖃᐅᔨᓴᖅᑕᐅᔾᔪᑎᖓᓂᒃ ᑐᓂᓯᓗᓂ ᐃᖏᕐᕋᔫᓕᕆᔨᒃᑯᓐᓄᑦ ᐅᕝᕙᓘᓐᓃᑦ ᓄᓇᓕᓕᕆᔨᒃᑯᓐᓄᑦ (MLO) ᐅᕝᕙᓘᓐᓃᑦ ᒐᕙᒪᓕᕆᔨᒃᑯᓐᓄᑦ (GLO). ᐋᓐᓂᐊᓯᐅᖅᑎᒧᑦ ᖃᐅᔨᓴᖅᑕᐅᔾᔪᑎ ᐊᑭᖃᕐᒥᔪᖅ.
  5. ᖃᐅᔨᓴᖅᑕᐅᔾᔪᑎᐅᑉ ᐊᑭᖓᓂᒃ ᐊᑭᓖᓗᓂ $35.25 ($10.25 ᐅᑭᐅᓖᑦ 60-ᒥᑦ ᐊᖓᔪᒃᓯᐅᓂᖅᓴᐃᓪᓗ). ᑕᓐᓇ ᐊᑭ ᑐᕌᖓᔪᖅ ᖃᐅᔨᓴᖅᑕᐅᓗᓂ ᑎᑎᕋᕈᑎᒥᒃ ᐊᒻᒪᓗ ᐊᖁᑎᒃᑯᑦ ᐊᖁᓪᓗᓂ ᖃᐅᔨᓴᖅᑕᐅᔾᔪᑎᒧᑦ. ᖃᐅᔨᓴᖅᑕᐅᔪᒪᓂᕐᒧᑦ ᐃᓂᓕᐅᖅᓯᒪᔭᕆᐊᖃᕐᐳᑎᑦ.
  6. ᐃᓕᓴᕆᐊᓕᒃ ᑕᒪᖏᓐᓂᒃ ᓄᓇᕗᒻᒥᑦ ᐊᖁᑦᑕᕆᐅᒃᓴᓂᕐᒧᑦ ᐃᓕᓐᓂᐅᑎᒥᒃ ᐊᒻᒪᓗ ᓄᓇᕗᒻᒥᑦ ᐱᔪᓐᓇᐅᑎᓪᓚᕆᑕᕈᒪᓂᕐᒧᑦ ᐅᖃᓕᒫᒐᕐᒥᒃ.​
  7. ᒐᕙᒪᒃᑯᓐᓄᑦ ᓄᓇᕗᒻᒥ ᐊᖁᑦᑕᕆᐅᓴᑎᑦᑎᓂᕐᒥᒃ ᖃᐅᔨᓴᖅᑎᒃᑰᕐᓗᓂ ᑎᑎᕋᖅᓯᒪᔪᒥᒃ ᖃᐅᔨᓴᖅᑕᐅᔾᔪᑎᒥᒃ ᐱᔭᕇᖅᓯᑦᑎᐊᕇᕈᓂ, ᑕᐅᑐᑦᓯᐊᕐᒪᖔᕐᐱᑦ ᖃᐅᔨᓴᖅᑕᐅᔭᕆᐊᖃᕋᔭᖅᑐᑎᑦ ᐱᔭᕇᑦᑎᐊᕐᓗᒍᓗ.
  8. ᐳᖅᑐᓂᓕᒃ 4-ᒥᑦ ᐊᖅᑯᑎᒃᑯᑦ ᐊᖁᑦᑐᓐᓇᕐᓯᒻᒪᖓᕐᐱᑦ ᖃᐅᔨᓴᖅᑕᐅᓂᐊᕐᓗᑎᑦ, ᐊᑐᕆᐊᖃᖅᐳᑎᑦ ᑎᓴᒪᓂᒃ ᐹᓕᒃᒥᑦ ᓄᓇᒃᑰᕈᑎᑐᐃᓐᓇᒥᒃ/ᓄᓇᒃᑰᕈᑎᑲᓪᓚᒻᒥᓪᓗᓃᑦ, ᐅᕝᕙᓘᓐᓃᑦ ᐊᒥᓱᓂ ᐅᓯᔪᓐᓇᖅᑐᒥᒃ ᓄᓇᒃᑰᕈᑎᑯᑖᖕᒥᒃ (ᐅᓄᕐᓂᕐᐹᕆᔪᓐᓇᕐᓗᓂᐅᒃ ᐅᓯᔪᓐᓇᖅᑕᖓ 24ᓂᒃ ᐃᒃᓯᕙᐅᑕᓕᒃ). ᐊᖁᑎᒃᑯᑦ ᐊᖁᑦᑐᓐᓇᕐᓯᒻᒪᖔᑦ ᖃᐅᔨᓴᖅᑕᐅᓂᐅᑉ ᐃᓚᒋᒻᒥᔭᖓ, ᐱᔭᕇᖅᓯᔭᕆᐊᖃᕆᕗᑎᑦ "ᐱᓱᒡᓗᑎᑦ ᑲᐃᕙᓪᓗᒍ ᕿᒥᕐᕈᕙᒌᕈᓐᓇᕐᓂᖅ ᖃᐅᔨᓴᖄᓚᐅᕐᓗᒍ ᐃᖏᕐᕋᔫᕆᓂᐊᖅᑕᐃᑦ.
  9. ᐱᔭᕇᖅᓯᑦᑎᐊᕇᕈᕕᑦ ᐳᖅᑐᓂᒃᓕᒃ 4-ᒥᒃ ᐊᖅᑯᑎᒃᑯᑦ ᖃᐅᔨᓴᖅᑕᐅᔾᔪᑎᒥᒃ, "ᖁᕝᕙᕆᐊᕈᑎᐅᑉ" ᐊᑭᖓᓂᒃ ᐊᑭᓕᔭᕆᐊᖃᕐᐳᑎᑦ $15.40 ($12.40 60-ᓂᒃ ᐅᑭᐅᓕᖕᓄᑦ ᐊᖓᔪᒃᓯᐅᓂᕐᓴᓄᓪᓗ)
  10. ᓄᓇᕗᒻᒥᑦ ᐊᖁᑦᑐᓐᓇᐅᑏᑦ ᐳᖅᑐᓂᓕᒃ 5-ᒥᑦ ᖁᕝᕙᕆᐊᓕᕈᕕᐅᒃ ᐳᖅᑐᓂᓕᒃ 4-ᒧᑦ, ᑕᑯᑎᑦᑎᔭᕆᐊᖃᕐᐳᑎᑦ ᓄᓇᕗᒻᒥ ᐊᖁᑦᑐᓐᓇᐅᑏᑦ ᓚᐃᓴᓐᓯᑐᖃᕐᓂᒃ ᐳᖅᑐᓂᓕᒃ 5-ᒥᑦ ᐃᓚᖃᕐᓗᒍ ᒐᕙᒪᒃᑯᓐᓄᑦ ᐊᕿᒃᑕᐅᓯᒪᔪᒥᒃ ᓇᓗᓇᐃᒃᑯᑕᑲᓐᓃᖕᓂᒃ ᒪᕐᕉᖕᓂᒃ ᓴᕿᔭᖅᑐᖃᕐᓗᓂ ᐃᓅᕕᕕᑦ ᐅᓪᓗᖓᓂᒃ.