ᐅᖃᓚᐅᑎᓯᐅᑏᑦ

You are here

ᒥᓂᔅᑕᐅᑉ ᑐᙵᓵᕆᓂᖓᑦ

ᒥᓂᔅᑕ ᖁᐊᓴ ᑯᓱᒐᖅ

ᖁᐊᓴ ᑯᓱᒐᖅ ᓂᕈᐊᖅᑕᐅᒃᑲᓐᓂᓚᐅᖅᑐᖅ ᐊᒃᑑᐸ 25, 2021−ᒥ ᓂᕈᐊᕐᔪᐊᕐᓇᖅᑕᖃᖅᑎᓪᓗᒍ, ᑭᒡᒐᖅᑐᐃᔨᐅᓂᐊᖅᖢᓂ ᑲᖏᖅᖠᓂᐅᑉ ᓂᒋᐊᓂᒃ ᐊᕐᕕᓂᓕᖓᓐᓂ ᓄᓇᕗᒻᒥ ᒪᓕᒐᓕᐅᖅᑎᓂ.

ᒥᔅᑐ ᑯᓱᒐᖅ ᒥᓂᔅᑕᐃᑦ ᑲᑎᒪᔨᖏᓐᓅᓚᐅᖅᓯᒪᔪᖅ ᓄᕕᐱᕆ 17, 2021-ᒥ, ᓄᓇᕗᒻᒥ ᓯᕗᓕᖅᑏᑦ ᕿᒥᕐᕈᔭᐅᓂᖃᓚᐅᖅᑎᓪᓗᒋᑦ. ᒥᓂᔅᑕ ᑯᓱᒐᖅ ᑎᑎᕋᕐᕕᖕᒥᓄᑦ ᐊᖏᖅᑎᑕᐅᓚᐅᖅᑐᖅ ᓄᕕᐱᕆ 19, 2021-ᒥ. ᒪᓕᒐᓕᐅᕐᕕᖕᒥ ᒐᕙᒪᒃᑯᓐᓄᑦ ᓯᕗᒃᑲᖅᑕᖅᑎᒋᔭᐅᓯᒪᔪᖅ, ᒥᓂᔅᑕᕆᔭᐅᓪᓗᓂᓗ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔾᔪᑎᓕᕆᔨᒃᑯᓐᓄᓪᓗ ᐊᒻᒪ ᒥᓂᔅᑕ ᐱᓕᕆᐊᖃᖅᖢᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ.

ᒥᔅᑕ ᑯᓱᒐᖅ ᐱᖓᔪᐊᓐᓂ ᑕᓪᓕᒪᖓᓐᓂᓗ ᒪᓕᒐᓕᐅᖅᑎᐅᓯᒪᔪᖅ, ᐊᑕᐅᓯᐅᓐᖏᑦᑐᓂᒃ ᐱᓕᕆᐊᖃᖅᓯᒪᓪᓗᓂ, ᐃᓚᓕᐅᓪᓗᒍ ᒪᓕᒐᓕᐅᕐᕕᖕᒥ ᒐᕙᒪᒃᑯᓐᓄᑦ ᓯᕗᒃᑲᖅᑕᖅᑎᐅᓂᖅ, ᓄᓇᓕᖕᓂ ᒐᕙᒪᒃᑯᓂᓪᓗ ᐱᓕᕆᕕᐊᓄᑦ ᒥᓂᔅᑕ, ᐋᓐᓂᐊᖃᕐᓇᓐᖏᑦᑐᓕᕆᔨᒃᑯᓐᓄᑦ ᒥᓂᔅᑕ ᐊᒻᒪ ᒥᓂᔅᑕ ᐱᓕᕆᐊᓕᒃ ᐃᖅᑲᓇᐃᔭᖅᑏᑦ ᐊᑦᑕᓇᔾᔭᐃᖅᑕᐅᓯᒪᓂᖏᓐᓄᑦ ᐊᑭᓕᖅᓱᖅᑕᐅᓂᖏᓐᓄᓪᓗ ᑲᒥᓴᓂᒃ.

ᒥᔅᑐ ᑯᓱᒐᖅ ᐊᑕᐅᓯᐅᓐᖏᑦᑐᓂᒃ ᐃᖅᑲᓇᐃᔮᖃᖅᓯᒪᔪᖅ, ᐃᓚᓕᐅᓪᓗᒍ ᐱᖓᓱᐊᖅᑕᖅᖢᓂ ᒪᐃᔭᐅᓂᖅ ᑲᖏᖅᖠᓂᕐᒧᑦ. ᒥᔅᑐ ᑯᓱᒐᖅ ᐃᖅᑲᓇᐃᔮᖃᖃᑦᑕᖅᓯᒪᔪᖅ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᖓᔪᖅᑳᖑᓂᖅ ᐊᒻᒪ ᓄᓇᓄᒻᒥ ᐊᑐᓕᖅᑎᑦᑎᓂᕐᒧᑦ ᐱᓕᒻᒪᒃᓴᐃᔩᑦ ᑲᑎᒪᔨᕋᓛᖏᓐᓄᑦ ᐊᖓᔪᖅᑳᖑᓂᖅ.

ᓗᐊᓐ ᐊᒻᒪ ᓵᓕ ᑯᓱᒐᖅ ᕿᑐᕐᖓᖃᖅᐴᒃ ᑲᓇᑕᐃᓯᒥᒃ, ᓄᐊᑏᒥᒃ ᐊᒻᒪ ᑎᐅᕆ.