You are here
ᐱᓕᕆᕝᕕᖕᒥᐅᑦ
ᐱᓕᕆᕝᕕᒃ ᑎᓴᒪᐃᓕᖓᔪᖅ: ᐊᒡᓚᒡᕕᖕᒥ ᐊᐅᓚᑦᑎᔩᑦ, ᐱᕙᓪᓕᐊᔪᓕᕆᔩᑦ, ᓄᓇᓕᖕᓂ ᐊᐅᓚᓂᐅᔪᑦ ᐃᖏᕐᕋᔪᓕᕆᔩᓪᓗ
ᐊᒡᓚᒡᕕᖕᒥ ᐊᐅᓚᑦᑎᔩᑦ
ᐊᖓᔪᖅᑲᐅᑏᑦ
ᖓᔪᖅᑲᐅᑏᑦ ᐱᓕᕆᐊᒃᓴᖃᖅᐳᑦ ᑕᒪᐃᓐᓂ ᐊᐅᓚᑦᑎᓂᕐᒧᑦ ᐅᐸᓗᖓᐃᔭᖅᓯᒪᔪᒥᒡᓗ ᑐᑭᒧᐊᒃᑎᑦᑎᓂᕐᒧᑦ ᐱᓕᕆᕝᕕᖕᒥ ᐊᒡᓚᒡᕕᖓᑦᑎᒍᑦ ᒥᓂᔅᑕᐅᑉ ᑐᒡᓕᐊᑕ, ᐃᑲᔪᖅᑎᖓᓄᑦ ᒥᓂᔅᑕᐅᑉ ᑐᒡᓕᐊᑕ ᒥᓂᔅᑕᐅᓪᓗ ᑐᒡᓕᒃᑲᓐᓂᖓᑦᑕ. ᐊᖓᔪᖅᑲᐅᑏᑦ ᑲᒪᒋᔭᖃᕐᒥᕗᑦ ᐊᑐᓕᖅᑎᑦᑎᓂᕐᒥᑦ ᓯᕗᒧᑦ ᐊᑉᓗᖅᑕ-ᒥ, ᐃᓄᐃᑦ ᖃᐅᔨᒪᔭᑐᖃᖏᓐᓂ ᐊᓯᖏᓐᓂᒡᓗ ᓄᓇᕗᑦ ᒐᕙᒪᐅᑉ ᐅᐸᓗᖓᐃᔭᐅᑎᖏᓐᓂ.
ᐊᒡᓚᒡᕕᓕᕆᓂᕐᒧᑦ ᐱᔨᑦᑎᕋᖅᑏᑦ
ᐊᒡᓚᒡᕕᓕᕆᓂᕐᒧᑦ ᐱᔨᑦᑎᕋᖅᑏᑦ ᓯᕗᓕᖅᑎᓄᑦ ᐊᒡᓚᒡᕕᓕᕆᓂᕐᒧᑦ ᐃᑲᔪᖃᑦᑕᖅᐳᑦ ᒥᓂᔅᑕᐅᑉ ᑐᒡᓕᐊᓄᑦ, ᐃᑲᔪᖅᑎᖓᓄᑦ ᒥᓂᔅᑕᐅᑉ ᑐᒡᓕᐊᑕ ᒥᓂᔅᑕᐅᓪᓗ ᑐᒡᓕᒃᑲᓐᓂᖓᓄᑦ. ᐱᓕᕆᐊᒃᓴᖃᕆᕗᖅ ᐊᒡᓚᒡᕕᖕᒧᑦ ᑎᑎᕋᕐᕕᖕᒧᓪᓗ ᐊᐅᓚᑦᑎᓂᕐᒧᑦ ᐱᔨᑦᑎᕋᕐᓂᕐᒧᑦ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᑐᑦᑕᕐᕕᖓᓄ.
ᑮᓇᐅᔭᓕᕆᔩᑦ ᐊᐅᓚᑦᑎᔩᓪᓗ
ᑮᓇᐅᔭᓕᕆᔩᑦ ᐊᐅᓚᑦᑎᔩᓪᓗ ᐱᓕᕆᐊᒃᓴᖃᖅᐳᑦ ᑮᓇᐅᔭᓕᕆᓂᕐᒧᑦ ᐸᕐᓇᐅᑎᓕᐅᕐᓂᕐᒧᑦ, ᐱᓕᒻᒪᒃᓴᐃᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ, ᐊᒡᓚᒡᕕᓕᕆᓂᕐᒧᑦ, ᑮᓇᐅᔭᓕᕆᓂᕐᒧᑦ ᐃᖅᑲᓇᐃᔭᖅᑐᓕᕆᓂᕐᒧᓪᓗ ᐊᐅᓚᑦᑎᓂᕐᒥᒃ ᐱᓕᕆᕝᕕᖕᒧᑦ.
ᐊᑐᐊᒐᓕᕆᔩᑦ, ᐸᕐᓇᐅᑎᓕᕆᔩᑦ, ᑐᓴᐅᒪᖃᑦᑕᐅᑎᔪᓕᕆᔩᓪᓗ
ᐊᑐᐊᒐᓕᕆᔩᑦ, ᐸᕐᓇᐅᑎᓕᕆᔩᑦ, ᑐᓴᐅᒪᖃᑦᑕᐅᑎᔪᓕᕆᔩᓪᓗ ᐱᓕᕆᐊᒃᓴᖃᖅᐳᑦ ᐊᑐᐊᒐᕐᒥᑦ ᐱᕙᓪᓕᐊᑎᑦᑎᓂᕐᒧᑦ, ᐸᕐᓇᖕᓂᕐᒧᑦ ᐃᑲᔪᐃᕙᒃᖢᑎᒃ ᐅᖃᐅᔾᔨᒋᐊᕐᓂᕐᒧᓪᓗ, ᐱᓕᕆᕝᕕᐅᓪᓗ ᐃᓗᐊᓂ ᓯᓚᑖᓂᓪᓗ ᑐᓴᐅᒪᖃᑎᒌᑦᑎᐊᕐᓂᕐᒥᒃ ᐱᓕᕆᕝᕕᖕᒧᑦ.
ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎ (NNI) ᑐᖅᑲᖅᑕᕐᕕᒃ
ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎ ᑐᖅᑲᖅᑕᕐᕕᒃ ᐱᓕᕆᐊᒃᓴᖃᖅᐳᖅ ᐃᑲᔪᐃᓂᕐᒥᒃ, ᐱᓕᕆᖃᑎᖃᕐᓂᕐᒥᒃ ᐊᑐᓕᖅᑎᑦᑎᓂᕐᒥᒡᓗ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎᒥ ᐊᔭᐅᕆᔨᓪᓗᐊᑕᐅᓪᓗᓂᓗ ᑕᒪᑐᒥᖓ ᐊᑐᐊᒐᕐᒥᑦ ᓄᓇᕗᑦ ᒐᕙᓚᒃᑯᓐᓂ. ᑕᑯᔭᐅᔪᒪᔪᖅ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎᒥ ᓇᓗᓇᐃᕈᒪᓪᓗᑎᒃ ᖁᕝᕙᕆᐊᖅᓯᖁᔨᓪᓗᑎᒡᓗ ᐊᑯᓂᐅᔪᒧ ᖃᑭᒪᓇᓱᐊᕈᑎᒥ ᐱᕙᓪᓕᐊᑎᑦᑎᓂᕐᒧᑦ ᓄᓇᕗᒻᒥ ᐅᓄᕐᓂᖅᐹᖑᑎᓐᓇᓱᐊᕐᓗᒋᑦ ᐃᓚᐅᖃᑕᐅᔪᑦ ᓄᓇᕗᒻᒥᐅᑦ, ᐃᓄᐃᑦ ᐃᓱᒪᒋᔭᐅᓪᓗᐊᑕᕐᓗᑎᒃ, ᑕᒪᐃᓐᓂ ᐃᖅᑲᓇᐃᔭᕐᕕᖕᓂᑦ ᒐᕙᒪᐅᓪᓗ ᑮᓇᐅᔭᖃᖅᑎᑕᖏᑦᑕ ᐱᓕᕆᐊᒃᓴᓂ.
ᐱᕙᓪᓕᐊᔪᓕᕆᓂᖅ
ᐳᓚᕋᖅᑐᓕᕆᔩᑦ ᐃᓕᖅᑯᓯᓕᕆᔩᓪᓗ
ᐳᓚᕋᖅᑐᓕᕆᔩᑦ ᐃᓕᖅᑯᓯᓕᕆᔩᓪᓗ ᐱᓕᕆᖃᑎᖃᓲᑦ ᓄᓇᕗᒻᒥᐅᓂ ᐱᕙᓪᓕᐊᑎᑦᑎᓇᓱᐊᖅᖢᑎᒃ ᓴᙱᔪᒥᒃ ᑲᔪᓯᔪᓐᓇᑦᑎᐊᖅᑐᒥᒡᓗ ᐳᓚᕋᖅᑐᓕᕆᓂᕐᒥᑦ ᐃᓕᖅᑯᓯᓕᕆᓂᕐᒧᓪᓗ ᓄᓇᕗᒻᒥᐅᓕᒫᓂ. ᑕᒪᒃᑯᐊ ᑐᑭᓯᒋᐊᕈᑎᖃᖅᑎᑦᑎᓲᑦ ᐅᖃᐅᔾᔨᒋᐊᖅᐸᒃᖢᑎᒡᓗ ᓇᖕᒥᓂᖃᖅᑎᓄᑦ; ᐃᑲᔪᖅᐸᒃᖢᑎᒃ ᓄᓇᓕᖕᓂ ᑎᒥᐅᔪᓂᑦ, ᒐᕙᒪᐅᙱᑦᑐᑦ ᑎᒥᐅᔪᓂᑦ ᑕᐃᒪᐃᑦᑐᓕᕆᔪᓂᒡᓗ ᑲᑐᔾᔨᖃᑎᒌᖕᓂᑦ; ᐊᐅᓚᑦᑎᓪᓗᓂᓗ ᐊᑐᓕᖅᑎᑦᑎᓂᕐᒥᑦ ᓄᓇᕗᑦ ᒐᕙᒪᐅᑉ ᓴᓇᙳᐊᖅᑐᓕᕆᓂᕐᒧᑦ ᐳᓚᕋᖅᑐᓕᕆᓂᕐᒧᓪᓗ ᐱᕙᓪᓕᐊᑎᑦᑎᓂᕐᒥᒃ ᐅᐸᓗᖓᐃᔭᐅᑎᓂᑦ.
ᐅᔭᕋᖕᓂᐊᕐᓂᕐᒧᑦ ᐅᖅᓱᐊᓗᓕᕆᓂᕐᒧᓪᓗ
ᐅᔭᕋᖕᓂᐊᕐᓂᕐᒧᑦ ᐅᖅᓱᐊᓗᓕᕆᓂᕐᒧᓪᓗ ᐱᓕᕆᔩᑦ ᐱᓕᕆᐊᖃᕈᒪᕗᑦ ᑲᔪᓯᔪᓐᓇᑦᑎᐊᖅᑐᒥᒃ ᐊᑐᒐᒃᓴᓂ ᕿᓂᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᓄᓇᕗᓕᒫᒥ. ᑕᒪᒃᑯᐊ ᖁᕝᕙᕆᐊᖅᑎᑦᑎᓇᓱᐊᖅᐳᑦ ᐱᕙᓪᓕᐊᑎᑦᑎᓂᕐᒥᒃ ᐊᑑᑎᓂᖃᑦᑎᐊᖅᑐᒥᑦ ᒪᓕᒃᑕᐅᔭᕆᐊᖃᖅᑐᓂ, ᐊᐅᓚᑦᑎᕙᒃᖢᓂ ᐅᔭᕋᖕᓂᐊᕐᓂᕐᒧᑦ ᐅᔭᕋᒃᓯᐅᕐᓂᕐᒧᓪᓗ ᐅᐸᓗᖓᐃᔭᐅᑎᓂᒃ ᐱᓕᕆᐊᒃᓴᓕᐅᖅᐸᒃᖢᓂᓗ ᐱᕚᓪᓕᖅᑎᑦᑎᔪᓐᓇᖅᑐᒥ ᓄᓇᓕᖕᓂ ᐊᑑᑎᑦᑎᐊᖁᓪᓗᒍ ᐅᔭᕋᖕᓂᐊᕐᕕᐅᔪᖅ ᐱᕙᓪᓕᐊᓂᕆᔭᐅᔪᕐᓗ. ᑕᒪᒃᑯᐊ ᐱᕙᓪᓕᐊᑎᑦᑎᓇᓱᐊᓲᑦ ᐅᔭᕋᖕᓂᐊᕐᓂᕐᒥᒃ ᐅᖅᓱᐊᓗᓕᕆᓂᕐᒥᒡᓗ ᐃᑲᔪᖅᓯᖅᖢᑎᒃ ᐊᕙᑎᒥ ᑭᒡᓕᓯᓂᐊᕐᓂᕐᒥᑦ ᐊᒻᒪ ᐱᓕᒻᒪᒃᓴᐃᕙᒃᖢᑎᒃ ᐊᒻᒪ ᑮᓇᐅᔭᖃᖅᑎᑦᑎᕙᒃᖢᑎᒃ ᓄᓇᓕᖕᓂᕐᒥᐅᑕᓂᒃ ᐅᔭᕋᖕᓂᐊᖅᑎᓂ ᖁᕝᕙᕆᐊᖁᓪᓗᒍ ᐃᑲᔪᖅᓯᖅᑑᑉ ᖁᓱᙱᓐᓂᖓ ᓄᓇᕗᒻᒥ. ᐊᐅᓚᑦᑎᖕᒥᔪᖅ ᐱᖓᓲᓕᖅᑲᖓᔪᖅ ᐊᒡᒍᖅᓯᒪᔪᑦ ᐃᓅᖃᑎᒌᓄᑦ ᐱᕙᓪᓕᐊᓂᕐᒧᑦ ᖃᐅᔨᓴᖅᐸᓪᓕᐊᔨᑦ ᑲᑎᒪᔨᕋᓛᖏᓐᓂ ᓄᓇᕗᒻᒥ.
ᓄᓇᓕᖕᓂ ᐊᐅᓚᓂᐅᔪᑦ
ᓄᓇᓕᖕᓂ ᐊᐅᓚᓂᐅᔪᑦ ᐱᓕᕆᐊᒃᓴᖃᖅᐳᑦ ᑕᒪᐃᓐᓂ ᐱᓕᕆᐊᓂ ᐊᑐᓕᖅᑎᑦᑎᓂᕐᒧᑦ ᑮᓇᐅᔭᓂᒡᓗ ᐊᐅᓚᑦᑎᓂᕐᒧᑦ, ᐊᒡᓚᒡᕕᓕᕆᓂᕐᒧᓪᓗ ᐱᔨᑦᑎᕋᐅᑎᓂᒃ ᑎᓴᒪᐃᓕᖓᔪᑦ ᐊᒡᒍᖅᓯᒪᔪᑦ ᐊᐅᓚᓂᐅᔪᑦ ᐊᒡᓚᒡᕕᖕᓂ ᖁᕐᓗᖅᑑᕐᒥ, ᑲᖏᖅᖠᓂᕐᒥ, ᐸᓐᓂᖅᑑᕐᒥ ᒥᑦᑎᒪᑕᓕᖕᒥᓪᓗ. ᓄᓇᓕᖕᓂ ᐊᐅᓚᓂᐅᔪᑦ ᓇᓗᓇᐃᖅᐸᒃᐳᖅ ᐱᓕᕆᕝᕕᖕᒥ ᐱᓕᕆᐊᒃᓴᐅᔪᑦ ᐊᑐᖅᑕᐅᒐᓗᐊᕐᒪᖔᑦ ᐊᐅᓚᑕᐅᒐᓗᐊᕐᒪᖔᓪᓗ ᑎᑭᐅᒪᖁᓪᓗᒍ ᑕᒪᐃᓐᓄ ᐊᒡᒍᖅᓯᒪᔪᓄ ᓄᓇᓕᖏᓐᓄᓪᓗ. ᑕᒪᒃᑯᐊ ᐱᓕᕆᐊᒃᓴᖃᕆᕗᑦ ᐊᒡᒍᖅᓯᒪᔪᒃᑯ ᐃᖏᕐᕋᔪᓕᕆᓂᕐᒧᑦ ᖃᓄᐃᓕᐅᕈᑕᐅᔪᓂ ᓇᖕᒥᓂᕆᔭᐅᔪᓄᓪᓗ ᐱᕙᓪᓕᐊᑎᑦᑎᓂᕐᒧᑦ ᐱᔨᑦᑎᕋᐅᑎᓂᑦ.
ᕿᑎᕐᒥᐅᑦ ᓄᓇᓕᖕᓂ ᐊᐅᓚᓂᕆᔭᐅᔪᑦ ᐊᒡᓚᒡᕕᖓ ᖁᕐᓗᖅᑑᕐᒥᑦ ᐱᔨᑦᑎᖅᐳᖅ ᐃᖃᓗᒃᑑᑦᑎᐊᕐᒥᑦ, ᐅᖅᓱᖅᑑᖅ, ᖁᕐᓗᖅᑑᖅ, ᑰᒑᕐᔪᒃ ᑕᓗᕐᔪᐊᕐᓗ.
ᑭᕙᓪᓕᖅ ᓄᓇᓕᖕᓂ ᐊᐅᓚᓂᕆᔭᐅᔪᑦ ᐊᒡᓚᒡᕕᖓ ᑲᖏᖅᖠᓂᕐᒥᑦ ᐱᔨᑦᑎᖅᐳᖅ ᐊᕐᕕᐊᕐᒥᑦ, ᖃᒪᓂᑦᑐᐊᖅ, ᐃᒡᓗᓕᒑᕐᔪᒃ, ᓴᓪᓕᖅ, ᑲᖏᖅᖠᓂᖅ, ᓇᐅᔮᑦ ᑎᑭᕋᕐᔪᐊᕐᓗ.
ᕿᑭᖅᑖᓘᑉ ᐅᐊᖕᓇᖓᓂ ᓄᓇᓕᖕᓂ ᐊᐅᓚᓂᕆᔭᐅᔪᑦ ᐊᒡᓚᒡᕕᖓ ᒥᑦᑎᒪᑕᓕᖕᒥ ᐱᔨᑦᑎᖅᐳᖅ ᐃᒃᐱᐊᕐᔪᖕᒥᑦ, ᑲᖏᖅᑐᒑᐱᒃ, ᐊᐅᓱᐃᑦᑐᖅ, ᓴᓂᕋᔭᒃ, ᐃᒡᓗᓕᒃ, ᒥᑦᑎᒪᑕᓕᒃ ᖃᐅᔨᓱᐃᑦᑐᕐᓗ.
ᕿᑭᖅᑖᓘᑉ ᓂᒋᖓᓂ ᓄᓇᓕᖕᓂ ᐊᐅᓚᓂᕆᔭᐅᔪᑦ ᐊᒡᓚᒡᕕᖓ ᐸᓐᓂᖅᑑᕐᒥᑦ ᐱᔨᑦᑎᖅᐳᖅ ᑭᙵᓂᑦ, ᐃᖃᓗᐃᑦ, ᑭᒻᒥᕈᑦ, ᐸᓐᓂᖅᑑᖅ, ᓴᓂᑭᓗᐊᕐᓗ.
ᐃᖏᕐᕋᔪᓕᕆᓂᖅ
ᐃᖏᕐᕋᔾᔪᑎᓕᕆᔨᒃᑯᑦ
ᐃᖏᕐᕋᔾᔪᑎᓕᕆᔨᒃᑯᑦ ᐱᓕᕆᐊᒃᓴᖃᖅᐳᑦ ᐊᖅᑯᒻᒥᑦ ᐊᑦᑕᕐᓇᖅᑕᐃᓕᓂᕐᒥᑦ, ᐊᖁᑦᑕᕆᐅᖅᓴᓂᕐᒧᑦ ᖃᐅᔨᓴᐃᓂᕐᒥᑦ, ᐊᖅᑯᑦᑐᓐᓇᐅᑎᑖᕐᓂᕐᒥᑦ ᑎᑎᕋᖅᓯᒪᔪᖁᑎᒋᔭᐅᔪᓂᒡᓗ, ᐊᑎᓕᐅᖅᓯᓂᖅ ᖃᐅᔨᓴᕐᓂᕐᓗ ᐊᐅᓚᐅᑎᓕᖕᓂ ᐃᖏᕐᕋᔾᔪᑎᓂ, ᐊᔾᔨᙳᐊᓕᖕᓂ ᓇᓗᓇᐃᒃᑯᑕᖅᑖᖅᑎᑦᑎᕙᒃᖢᑎᒃ ᐸᐸᑦᑎᓪᓗᑎᒡᓗ ᐃᖏᕐᕋᔾᔪᑎᒃᑯ ᐱᕐᕈᓗᐊᕿᔪᕕᓂᕐᓂ ᑎᑎᖅᑲᓂ.
ᐃᖏᕐᕋᔪᓕᕆᓂᕐᒧᑦ ᐊᑐᐊᒐᓕᕆᔩᑦ ᐸᕐᓇᐅᑎᓕᕆᔩᓪᓗ
ᐃᖏᕐᕋᔪᓕᕆᓂᕐᒧᑦ ᐊᑐᐊᒐᓕᕆᔩᑦ ᐸᕐᓇᐅᑎᓕᕆᔩᓪᓗ ᐱᓕᕆᐊᒃᓴᖃᖅᐳᑦ ᐸᕐᓇᐅᑎᓕᐅᕐᓂᕐᒧᑦ ᐊᖅᑯᒻᒥᑦ, ᑕᕆᐅᕐᒥᑦ ᖃᖓᑕᓲᒃᑯᓪᓗ ᐊᐅᓚᔪᓐᓇᐅᑎᓂᒃ ᓄᓇᕗᒻᒧ. ᑕᒪᒃᑯᐊ ᐱᔨᑦᑎᕆᕗᑦ ᐊᔭᐅᕆᔨᐅᓪᓗᑎᒃ ᓄᓇᕗᑦ ᐱᔭᕆᐊᖃᖅᑐᖁᑎᖏᓐᓄ ᒐᕙᒪᑐᖃᐅᑉ ᐃᖏᕐᕋᔪᓕᕆᓂᕐᒧᑦ ᐊᑐᐊᒐᖓᓂ ᖃᓄᐃᓕᐅᕈᑎᒋᔭᖓᓂ. ᑖᒃᑯᐊ ᐱᓕᕆᐊᒃᓴᖃᖅᐳᑦ ᐊᐅᓚᑦᑎᓂᕐᒥᑦ ᐃᖏᕐᕋᔪᓕᕆᓂᕐᒧᑦ ᐅᐸᓗᖓᐃᔭᐅᑎᒥᒃ ᐊᓯᑲᓪᓚᖏᓐᓂᒡᓗ ᒐᕙᒪᑐᖃᐅᑉ ᑮᓇᐅᔭᖃᖅᑎᑕᖏᑦ ᐱᓕᕆᐊᑦ ᐱᖃᓯᐅᔾᔨᓪᓗᓂ ᐅᐸᓗᖓᐃᔭᖅᓯᒪᔪᖅ ᐊᖅᑯᑎᑯᑖᓄᑦ ᐱᓕᕆᔾᔪᑎ. ᐱᓕᕆᐊᒃᓴᖃᕐᒥᔪᖅ ᑲᓇᑕᒥ ᓯᑯᓯᐅᑎᓕᕆᔨᒃᑯᑦ ᐅᖓᓯᑦᑐᒧᑦ ᐅᓯᑲᖅᑕᖃᑦᑕᖅᑐᑦ ᐊᖏᖃᑎᒌᒍᑦ ᑐᑭᓯᐅᒪᖃᑎᒌᓐᓂᒃᑯᑦ.
ᐃᖃᓗᖕᓂ ᖃᖓᑕᓲᒃᑯᕕᓕᕆᔩᑦ
ᐃᖃᓗᖕᓂ ᖃᖓᑕᓲᒃᑯᕕᓕᕆᔩᑦ ᐱᓕᕆᐊᒃᓴᖃᖅᐳᑦ ᐊᑦᑕᕐᓇᙱᒃᑐᒥᑦ, ᐃᖏᕐᕋᓂᖃᑦᑎᐊᖅᑐᒥᑦ ᐊᑑᑎᒃᑎᐊᖅᑐᒥᒡᓗ ᐊᐅᓚᑦᑎᓂᕐᒥᒃ ᐃᖏᕐᕋᑎᑦᑎᓂᕐᒥᒡᓗ ᐃᖃᓗᐃᑦ ᖃᖓᑕᓲᒃᑯᕕᖓᓂ. ᑖᓐᓇ ᖃᖓᑕᓲᒃᑯᕕᒃ ᑎᒃᑯᐊᖅᑕᐅᓯᒪᔪᖅ ᐃᖏᕐᕋᔪᓕᕆᔨᒃᑯᑦ ᑲᓇᑕᒥ ᑲᓇᑕᒥ ᖃᖓᑕᓲᒃᑯᕕᐅᓪᓗᓂ. ᐃᖃᓗᐃᑦ ᖃᖓᑕᓲᒃᑯᕕᖓ ᐱᔨᑦᑎᖅᐳᖅ ᐱᒻᒪᕆᖕᒥ ᐱᓕᕆᐊᒃᓴᖃᖅᖢᓂ ᐃᑲᔪᕐᓂᕐᒥᒃ ᖃᖓᑕᓲᓕᕆᓂᕐᒧᑦ ᓄᓇᕗᒻᒥ, ᐊᑦᓛᑎᐅᑉ ᑕᕆᐅᖓᒍᑦ ᖃᖓᑕᓂᕐᒥᑦ, ᐅᑭᐅᖅᑕᖅᑐᒃᑰᕈᑕᐅᕙᒃᑐᑦ ᑲᓇᑕᒥ ᐊᒥᐊᓕᑲᐃᓪᓗ ᓄᓇᖓᓐᓂ ᖃᖓᑕᓲᒃᑯᑦ ᐅᓇᓖᑦ ᖃᐅᔨᓴᖅᑎᓄᓪᓗ. ᖃᖓᑕᓲᒃᑯᕕᒃ ᐊᐅᓚᓂᕆᔭᐅᕗᖅ ᖃᓄᐃᓕᐅᕈᑕᐅᔪᓂᒃ ᓲᕐᓗ ᑐᐊᕕᕐᓇᖅᑐᒃᑯ ᐋᓐᓂᐊᕕᓕᐊᖅᑐᓄ, ᖃᖓᑕᓲᒃᑯᑦ ᖃᐅᔨᓴᕐᓂᖅ, ᓂᒡᓚᓱᒃᑐᒃᑯ ᖃᐅᔨᓴᕐᓂᖅ ᐅᓇᑕᖅᑐᒃᓴᓂᓪᓗ ᐱᔨᑦᑎᕈᑕᐅᓪᓗᓂ ᐅᖅᓴᒡᕕᐅᕙᒃᖢᓂᓗ.
ᓄᓇᕗᒻᒥ ᖃᖓᑕᓲᒃᑯᕕᓕᕆᔩᑦ
ᓄᓇᕗᒻᒥ ᖃᖓᑕᓲᒃᑯᕕᓕᕆᔩᑦ ᐱᓕᕆᐊᒃᓴᖃᖅᐳᑦ ᐊᑦᑕᕐᓇᙱᒃᑐᒥᑦ, ᐃᖏᕐᕋᓂᖃᑦᑎᐊᖅᑐᒥᑦ ᐊᑑᑎᒃᑎᐊᖅᑐᒥᒡᓗ ᐊᐅᓚᑦᑎᓂᕐᒥᒃ ᐃᖏᕐᕋᑎᑦᑎᓂᕐᒥᒡᓗ ᖃᖓᑕᓲᒃᑯᕕᖕᓂ ᓄᓇᕗᒻᒥ. ᑖᒃᑯᐊ ᓇᓗᓇᐃᖅᐸᒃᐳᑦ ᐃᒡᓗᖁᑏᑦ, ᓄᓇᓕᓐᓂ ᖃᖓᑕᓲᓕᕆᔨᐅᔪᓂᒃ ᓈᓚᐅᓯᕆᔨᐅᔪᑦ ᐱᖁᑎᖏᓐᓂᒡᓗ ᑎᑭᐅᒪᒐᓗᐊᕐᒪᖔᑦ ᖄᖏᐅᑎᒐᓗᐊᕐᒪᖔᓘᓐᓃ ᒐᕙᒪᑐᖃᐅᑉ ᐊᑐᖅᑕᐅᔭᕆᐊᖃᖅᑐᖁᑎᖏᓐᓄ. ᑖᓐᓇ ᐃᓚᐅᑎᑦᑎᕗᖅ ᖃᓂᑦᑐᒃᑯ ᐱᓕᕆᖃᑎᖃᖃᑦᑕᕐᓂᕐᒥᒃ ᐃᖏᕐᕋᔪᓕᕆᔨᒃᑯᑦ ᑲᓇᑕᒥ ᐊᒻᒪᐃᓛᒃ ᓄᓇᓕᖕᓂ ᕼᐋᒻᒪᓚᐅᔪᓂ ᐊᖏᕈᑎᖃᖅᑎᑕᐅᓯᒪᔪᑦ ᐃᖏᕐᕋᑎᑦᑎᓂᕐᒥᒃ ᑲᔪᓯᑎᑦᑎᓂᕐᒥᒡᓗ ᖃᖓᑕᓲᒃᑯᕕᖕᓂ.