ᐅᖃᓚᐅᑎᓯᐅᑏᑦ

You are here

ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᐊᒻᒪᓗ ᐃᖃᓗᐃᑦ ᖃᖓᑕᔫᒃᑯᕕᖓ ᐱᓕᕆᐊᕆᔭᐅᓇᓱᒃᑐᖅ ᐱᓕᕆᕙᓪᓕᐊᓂᖏᓐᓄᑦ

ᐊᒐᓯ 16, 2013

ᑖᓐᓇ ᑐᓴᕋᑦᓴᖅ ᐊᑐᐃᓐᓇᐅᑎᑦᓯᓂᕐᒥᑦ ᓄᓇᕗᒻᒥᐅᓂᑦ ᐱᓗᐊᖅᑐᒥᑦ ᐃᖃᓗᒻᒥᐅᓂᑦ ᒫᓐᓇᓕᑕᕐᓂᖅ ᑐᑭᓯᐅᒪᑎᑦᓯᓂᕐᒥᑦ, ᑐᓴᕐᑕᐅᔭᕆᐊᖃᖏᑦᑐᓂᑦ ᑐᓂᔭᐅᓯᒪᑎᓪᓗᒋᑦ ᓂᐅᕕᖃᑦᑕᓂᕐᒧᑦ ᐃᖃᓗᐃᑦ ᖃᖓᑕᔫᒃᑯᕕᖓᓄᑦ ᐱᕚᓪᓕᑎᑦᓯᓂᕐᒧᑦ ᐱᓕᕆᐊᕆᔭᐅᓇᓱᒃᑐᖅᒧᑦ.

ᐱᖓᓱᑦ ᐃᓱᒪᒋᔭᐅᓗᐊᕆᐊᓕᓐᓄᑦ ᐱᔾᔪᑕᐅᔪᑦ ᐃᓱᒪᒋᔭᐅᒋᐊᓖᑦ ᓴᓇᓂᐊᕐᓗᓂ ᖃᖓᑕᔫᒃᑯᕕᒻᒥᑦ - ᓇᒻᒥᓕᒫᖅ ᓯᓚᕐᔪᐊᕐᒥᑦ: ᐊᑦᑕᓇᑦᑕᐃᓕᒪᓂᕐᒧᑦ, ᑲᔪᓯᓂᖃᑦᓯᐊᕈᓐᓇᕐᓂᖅ, ᐊᒻᒪᓗ ᐊᑲᐅᔪᒥᑦ - ᑕᐃᒪᐃᓕᖓᓂᐊᖅᑎᓪᓗᒍ. ᑐᓴᕋᑦᓴᖅ ᓇᓗᓇᐃᖅᓯᓂᐅᕗᖅ ᖃᓄᖅ ᐃᓱᒪᒋᔭᐅᓗᐊᕆᐊᓕᓐᓄᑦ ᐱᔾᔪᑕᐅᔪᑦ ᐃᓱᒪᒋᔭᐅᓯᒪᒻᒪᖔᑕ ᖃᓄᖅᑑᖅᓂᕐᒥᑦ ᐱᒋᐊᖅᑎᑦᓯᓂᕐᒥᑦ ᐃᖃᓗᐃᑦ ᖃᖓᑕᔫᒃᑯᕕᖓᓂᑦ ᐱᕚᓪᓕᑎᑦᓯᕐᓂᕐᒧᑦ ᐱᓕᕆᐊᕆᔭᐅᓇᓱᒃᑐᒥᑦ.

ᓱᒻᒪᑦ ᐃᖃᓗᐃᖅ ᐱᔭᕆᐊᖃᖅᑲᑦ ᓄᑖᒥᑦ ᖃᖓᑕᔪᒃᑯᕕᒻᒥᑦ ᒫᓐᓇ?

ᐃᓚᒋᑦ ᐊᑐᖅᑕᐅᔾᔪᑕᐅᒍᓐᓇᖅᑐᑦ - ᖃᖓᑕᔫᓄᑦ ᒥᕝᕕᐅᕙᑦᑐᖅ ᑎᑭᓯᒪᓕᖅᒪᑦ ᐊᑐᕋᑦᓴᐅᒍᓐᓃᕐᓂᖓᓄᑦ, ᖃᖓᑕᔫᒃᑯᕕᒃ ᑲᒪᒋᔭᖃᕈᓐᓇᐃᓕᒻᒪᑕ ᐃᖏᕐᕋᕕᐅᖃᑦᑕᕐᓂᖓᓄᑦ - ᑕᒪᒃᑮᑎᒍᑦ ᖃᖓᑕᔫᑦ ᐊᒻᒪᓗ ᐃᑭᒪᕙᑦᑐᓪᓗ, ᖃᖓᑕᔫᒃᑯᕕᐅᑉ ᖃᐅᒻᒪᖅᑯᑎᖏᑦ ᐊᓯᖏᓪᓗ ᐊᑦᑕᓇᑦᑕᐃᓕᒪᓂᕐᒨᖓᔪᑦ ᐊᑐᖅᑕᐅᕙᑦᑐᑦ ᐊᖏᓪᓕᕚᓪᓕᖅᓯᒪᒻᒪᑕ ᐱᔭᕆᐊᑐᔪᒥᑦ ᐱᓯᒪᑦᓯᖏᓐᓇᓂᕐᒥᑦ ᐊᐅᓚᑦᓯᓂᕐᒥᓪᓗ, ᐊᒻᒪᓗ ᑭᓐᖑᓪᓕᖅᐹᒥᑦ ᐃᓪᓗ ᐃᓂᒋᔭᖓᑦ ᖃᑦᑎᕆᔨᒃᑯᑦ ᓄᓇᓂᐅᓯᖏᑦ, ᑐᐊᕕᕐᓇᖅᑐᓕᕆᔨᒃᑯᑦ ᐃᖏᕐᕋᔾᔪᑎᖏᑦ, ᓴᓕᒎᑏᑦ ᐊᓯᖏᓪᓗ ᖃᖓᑕᔫᒃᑯᑦ ᐃᖏᕐᕋᔾᔪᑎᖏᑦ ᒥᑭᓗᐊᓕᕐᒪᑦ ᐱᓯᒪᑦᓯᓂᕐᒥᑦ ᐱᖁᑎᖏᓐᓂᑦ.

ᐊᕐᕌᒍᐃᑦ ᐊᕙᑎᑦ ᖄᖏᖅᓯᒪᓕᑦᑐᑦ ᖃᖓᑕᔫᒃᑯᕕᒃ ᖁᐊᖅᑎᑕᒐᓕᖅᑕᐅᓚᐅᓯᒪᑎᓪᓗᒍ, ᑎᑭᓕᖅᓱᓂᓗ ᐊᑐᕋᑦᓴᐅᒍᓐᓃᕐᓂᖓᓄᑦ. ᖃᖓᑕᔫᒃᑯᕕᐅᓪᓗ ᖃᐅᒻᒪᖅᑯᑎᖏᑦ ᐊᑐᖅᑕᐅᕙᑦᑐᑦ ᐱᑐᖃᐅᓂᖅᓴᐅᑦᓱᑎᒃ. ᓇᓗᓇᖏᑦᑐᖅ, ᐅᑕᖅᑭᓂᖅ ᐊᑐᖅᑕᐅᕙᑦᑐᑦ ᐱᒍᓐᓇᐃᓕᑉᐸᑕ ᐊᓯᐊᒎᖔᕈᑎᑕᐅᒍᓐᓇᖏᓪᓚᖅ ᒐᕙᒪᒃᑯᓐᓄᑦ. ᑕᐃᒪᐃᒃᑲᓗᐊᖅᑎᓪᓗᒍ ᐊᒥᓱᓐᖑᖅᓯᒪᓂᖏᓐᓂᑦ ᐃᖏᕐᕋᓂᐅᕙᑦᑐᑦ, ᓱᓂ ᖁᐊᖅᑎᑕᒐᓖᑲᓐᓂᕆᐊᖃᖅᑐᒍᑦ ᖃᖓᑕᔫᒃᑯᕕᐅᑉ ᒥᕝᕕᖓᓂᑦ ᐊᒻᒪᓗ ᐊᓯᔾᔨᕐᓗᒋᑦ ᒥᕝᕕᐅᕙᑦᑑᑉ ᖃᐅᒻᒪᖅᑯᑎᖏᓐᓂᑦ ᐊᑭᒋᓂᐊᖅᑕᖏᑦ $120 ᒥᓕᐊᓐᓂᑦ.

ᐃᓘᓐᓇᑎᑲᓴᒃ ᐊᑦᑕᓇᑦᑕᐃᓕᒪᓂᕐᒧᑦ, ᐅᓗᕆᐊᓇᖅᑐᒦᑦᑕᐃᓕᑎᑦᓯᓂᖅ, ᐊᒻᒪᓗ ᐱᔨᑦᓯᕋᕐᓂᕐᒥᑦ ᐱᓕᕆᐊᖑᓇᔭᖅᑐᑦ ᓂᕈᐊᖅᓱᑎᒃ ᐊᖏᖃᑎᒌᓐᓂᖅ ᐃᓕᓯᒪᔪᑦ ᐊᐅᓚᖏᓐᓇᖁᓪᓗᒍ: ᐊᐅᓪᓚᓚᖓᓗᓂ ᖃᐅᔨᒋᐊᕐᕖᑦ ᐊᔪᓐᓇᖅᑐᖅᓯᐅᖅᑐᑦ; ᐊᐅᓪᓚᓚᖓᔪᓄᑦ ᖃᐅᔨᓴᕐᑕᐅᔪᓄᑦ ᐅᑕᖅᑭᕕᒻᒧᓄᑦ ᐊᕝᕕᕋᕋᔪᓲᑦ ᐃᓄᓐᓂᑦ ᑕᒪᒃᑮᑎᒍᑦ ᐃᑭᓚᖓᔪᓄᑦ ᐃᑦᓯᕐᕕᒥᓐᓂᓪᓗ ᐱᒐᓱᐊᖅᑐᓂᑦ; ᐊᒻᒪᓗ ᑎᑭᑉᐸᓪᓕᐊᔪᓄᑦ ᐃᑦᓯᕐᕕᓐᓄᑦ ᐊᐅᓚᑕᐅᒋᐊᖃᓲᑦ ᑕᒪᒃᑮᓐᓄᑦ ᖃᖓᑕᓲᓕᕆᔩᑦ ᐃᑭᒪᔪᒥᓃᑦ ᑕᑕᑦᑐᒃᑯᑦ ᑎᑭᑉᐸᓪᓕᐊᔪᓄᑦ/ᐊᐅᓪᓚᐸᓪᓕᐊᔪᓄᑦ ᓄᓇᓯᐅᑎᓄᑦ ᓄᖅᑲᖓᕕᓐᓅᓚᐅᖅᑎᓐᓇᒋᑦ ᑲᒪᒋᔭᖃᕈᓐᓇᖏᑦᑐᖅ ᐊᒥᓲᓂᖏᓐᓂᑦ ᐃᖏᕐᕋᔾᔪᑏᑦ,

ᖃᖓᑕᔫᒃᑯᕕᒻᒥᑦ ᐃᖏᕐᕋᕙᓐᓂᖅ ᐱᕈᖅᓯᒪᓕᖅᑐᖅ 5-ᐳᓴᓐᑎᒥᑦ ᐊᕐᕌᒍᓕᒫᖅ ᐊᕐᕌᒍᓐᓂᑦ ᖁᓕᓂᑦ ᐊᓂᒍᖅᑐᓂᑦ ᐊᒻᒪᓗ ᐃᖃᓗᐃᑦ ᖃᖓᑕᔫᒃᑯᕕᖓ ᐱᔭᕆᐊᖃᖅᑐᖅ ᐱᓪᓚᕆᐊᓘᕗᑦ ᐱᕈᖅᓴᐃᓂᐅᔪᖅ ᐃᑲᔪᖅᑐᓂᕐᒥᑦ ᓄᓇᕗᑦ ᐱᕈᖅᐸᓪᓕᐊᓂᖏᓐᓄᑦ ᖃᑦᓯᐅᓂᖏᑦ

ᐊᒻᒪᓗ ᖃᖓᑕᔫᒃᑯᑦ ᐃᖏᕐᕋᖃᑦᑕᕐᓂᖅ ᐱᔭᕆᐊᖃᕐᓂᖓ. ᖃᖓᑕᔫᒃᑯᕕᒃ ᐊᑐᖅᑐᒻᒪᕆᐅᕗᖅ ᒪᑭᒪᔾᔪᑎᑦᓴᓄᑦ ᐃᖃᓗᓐᓂᑦ ᓄᓇᕗᒻᒥᓪᓗ: ᖃᖓᑕᔫᒃᑯᑦ ᐃᖏᕐᕋᖃᑦᑕᕐᓂᖅ ᐅᓄᕐᓂᖅᐸᐅᔪᑦ ᐃᒻᒥᒃᑰᖅᑐᑦ ᑎᒥᒋᔭᐅᔪᑦ ᐃᖅᑲᓇᐃᔭᖅᑎᖃᕆᐊᖏᓐᓂᑦ ᐃᖃᓗᓐᓂᑦ; ᐃᖃᓗᐃᑦ ᐅᓄᕐᓂᖅᐹᖅ ᓇᒻᒥᓂᖁᑎᖃᕐᓂᕐᒧᑦ ᓄᓇᕗᒻᒥᐅᓄᑦ ᐅᖓᑖᓄᑦ 20 ᑕᐅᓴᐃᑦ ᖃᖓᑕᔫᑦ ᐊᐅᓚᓂᖏᓐᓂᑦ 2012-ᒥᑦ; ᐃᖃᓗᐃᑦ ᖃᖓᑕᔫᒃᑯᑦ ᑎᑎᕋᖅᓯᒪᔪᖁᑎᖃᖅᑐᑦ ᐅᖓᑖᓂᑦ 30-ᐳᓴᓐᑎ ᐃᓘᓐᓇᖏᓐᓂᑦ ᖃᖓᑕᔫᒃᑯᑦ ᓱᓕᕆᓂᕐᒧᑦ ᓄᓇᕗᒻᒥ; ᒫᓐᓇᐅᔪᖅ ᐃᑭᒪᕙᑦᑐᐃᑦ ᐊᐅᓚᓂᖏᑦ ᐅᖓᑖᓅᖅᑐᑦ 140,000 - ᒪᕐᕈᐊᑎᖅᓯᓱᒍ ᐊᒥᓱᓐᖑᖅᑐᖅ 1985-ᒥᓂᑦ; ᐊᒻᒪᓗ ᐅᖓᑖᓂᑦ 40-ᐳᓴᓐᑎ ᐃᓘᓐᓇᑎᒃ ᓄᓇᕗᒻᒥᐅᑦ ᐊᐅᓪᓚᖃᑦᑕᖅᑐᑦ ᐃᑭᕙᑦᑐᑦ ᐅᕝᕙᓘᓐᓃᑦ ᓂᐅᑦᓱᑎᓪᓗ ᐃᖃᓗᐃᑦ ᖃᖓᑕᔫᒃᑯᕕᒻᒥᑦ.

ᒫᓐᓇ ᖃᖓᑕᔫᒃᑯᕕᐅᑉ ᓄᓇᓖᑦ ᐊᑐᖅᐸᑦᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᓂᖃᖅᑎᑦᓯᔪᓐᓇᔾᔮᖏᑦᑐᖅ ᐊᑦᑐᐊᓕᓂᓐᓂᑦ ᐅᓄᖅᓯᓯᒪᓂᖏᓐᓄᑦ ᖃᖓᑕᔫᒃᑯᑦ ᐃᖏᕐᕋᕙᓐᓂᖅ ᐱᔭᕆᐊᖃᕐᓂᖓᓄᑦ ᐊᖏᓪᓕᒋᐊᖅᑕᐅᓯᒪᑎᓐᓇᒍ ᐱᓕᕆᕝᕕᒃ, ᓄᖅᑲᑕᕐᕕᓐᓄᑦ ᐊᖏᓪᓕᒋᐊᖅᑕᐅᓂᖓᓄᑦ ᓄᓇᐅᓪᓗ ᐱᕚᓪᓕᕈᑎᑦᓴᓄᑦ.

ᓱᓇᓂᑦ ᐃᓚᒋᔭᖃᖅᑲ ᐱᓕᕆᐊᕆᔭᐅᓇᓱᒃᑐᖅ?

ᓯᑕᒪᑦ ᐃᓚᒋᔭᐅᔪᑦ ᐱᓕᕆᐊᕆᔭᐅᓇᓱᒃᑯᑦ:

1) ᖁᐊᖅᑎᑕᒐᓕᐅᕆᓂᖅ ᒥᕝᕕᒻᒥᑦ;

2) ᐃᓕᐅᖅᑲᖅᑕᐅᓂᖏᓐᓄᑦ ᓄᑖᑦ ᒥᕝᕕᐅᑉ ᖃᐅᒻᒪᖅᑯᑎᖏᓐᓂᑦ, ᐅᐊᔭᓂᑦ ᐊᒻᒪᓗ ᐊᓯᖏᓐᓂᑦ ᐊᑦᑕᓇᖅᑕᐅᓕᒪᓂᕐᒧᑦ ᐊᑐᖅᑕᐅᕙᑦᑐᓂᑦ;

3) ᓴᓇᔭᐅᓂᖓᓂᑦ ᓄᑖᒥᑦ ᐊᔾᔨᒌᖏᑦᑐᓄᑦ ᐱᔨᑦᓯᕋᕐᓂᕐᒧᑦ ᐃᓪᓗ (CBS) ᖃᑦᑎᕆᔨᒃᑯᑦ ᓄᓇᓯᐅᑎᖏᑦ, ᓴᓕᒎᑎᓄᑦ ᐊᓯᖏᓐᓄᓪᓗ ᒫᓐᓇᐅᔪᖅ ᐃᓪᓗ ᐊᖏᔫᖏᒻᒪᑦ ᐱᓯᒪᑦᓯᓂᕐᒥᑦ ᐃᓘᓐᓇᖏᓐᓂᑦ ᐱᖁᑎᓂᑦ; ᐊᒻᒪᓗ

4) ᓴᓇᔭᐅᓂᖓᓂᑦ ᓄᑖᒥᑦ ᖃᖓᑕᔫᒃᑯᕕᒻᒥᑦ (ATB)

ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ (P3) ᐱᕕᑦᓴᑐᐊᖅ ᐅᕝᕙᓘᓐᓃᑦ ᐱᐅᓂᖅᐹᖅ ᐱᕕᑦᓴᖅ ᐱᓕᕆᐊᕆᔭᐅᓇᓱᒃᑐᒧᑦ?

ᒐᕙᒪᒃᑯᑦ ᓄᓇᕗᒻᒥ (GN) ᕿᒥᕐᕈᓯᒪᔪᑦ ᐃᓘᓐᓇᖏᓐᓂᑦ ᐱᕕᕐᓴᓂᑦ ᓇᓗᓇᐃᖅᓯᓯᒪᑦᓱᑎᓪᓗ ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᐱᐅᓂᖅᐹᑦ ᐊᑐᕐᓗᒋᑦ ᑭᒃᑯᑐᐃᓐᓇᕐᓅᖓᔪᓂᑦ ᑮᓇᐅᔭᓂᑦ:

ᓇᓗᓇᐃᖅᓯᓯᒪᔪᓂᑦ ᖃᐅᔨᓴᕐᓂᕐᒥᑦ ᐊᑭᖏᓐᓂᑦ, ᐅᓗᕆᐊᓇᕐᓂᖏᓐᓂᑦ, ᐋᖅᑭᑦᓱᖅᑕᐅᓯᒪᔪᓄᑦ, ᐊᓯᖏᓐᓄᓪᓗ., ᑲᑐᔾᔨᖃᑎᒌᓐᓂᖅ ᓂᕈᐊᖅᑕᐅᓯᒪᔪᖅ ᐱᐅᓂᖅᐸᐅᒋᐊᖓᓂᑦ ᐱᓕᕆᐊᕆᔭᐅᓇᓱᒃᑐᒧᑦ ᑲᔪᓯᓂᖃᑦᓯᐊᓂᖏᓐᓄᖅ ᑖᒃᓯᔭᖅᐸᑦᑐᓄᑦ’ ᑮᓇᐅᔭᐃᑦ, ᑭᓯᐊᓂ ᓅᑦᓯᓂᒃᑯᑦ ᐅᓗᕆᐊᓇᖅᑐᓂᑦ ᓇᒻᒥᓂᖁᑎᓕᓐᓄᑦ ᑲᑐᔾᔨᖃᑎᖏᓐᓄᑦ ᐊᖅᑯᑕᑦᓱᓂ ᐱᓕᕆᕝᕕᒻᒧᑦ ᑐᓐᖓᕕᖃᕐᓂᕐᒥᑦ, ᐊᑭᖏᓐᓂᑦ ᐋᖅᑭᑦᓯᒪᔪᓂᑦ ᑳᓐᑐᕌᒃᑯᑦ.

ᐊᑖᓂᑦ ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ, ᑖᒃᓰᔭᖅᐸᑦᑐᑦ ᐊᑭᓖᕙᑦᑐᑦ ᐱᓕᕆᐊᕆᔭᐅᓇᓱᒃᑐᓂᑦ ᐃᓚᒋᔭᖏᓐᓂᑦ ᐱᓕᕆᕝᕕᐅᑉ ᓴᓇᔭᐅᓂᖓᓂᑦ, ᐊᒻᒪᓗ ᐊᐅᓚᔾᔪᑎᓕᐅᖅᑎᓪᓗᒋᑦ, ᐊᑭᓕᖅᑕᐅᓂᖏᑦ ᑐᓐᖓᕕᓖᑦ ᑲᒪᒋᔭᖏᓐᓄᑦ. ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᑕᑯᑦᓴᐅᑎᑦᓯᒋᐊᓖᑦ ᑭᒃᑯᑐᐃᓐᓇᐃᑦ ᐱᔭᕆᐊᓕᖏᑦ ᑐᓂᔭᐅᒐᔭᖅᑐᑦ ᐊᒻᒪᓗ ᑮᓇᐅᔭᐅᑉ ᖃᓄᖅ ᐊᑭᖃᕐᓂᖓᓂᑦ ᑲᔪᓯᑎᑕᐅᔪᓐᓇᖅᑐᖅ, ᑕᐃᒪᐃᑲᓗᐊᖅᑎᓪᓗᒍ ᐱᓕᕆᐊᕆᔭᐅᓇᓱᒃᑐᖅ ᑲᔪᓯᒐᔭᖏᑦᑐᖅ ᑲᑐᔾᔨᖃᑎᒌᓪᓗᓂᑦ.

ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᐊᑐᐃᓐᓇᐅᑎᑦᓯᒋᐊᓖᑦ ᐊᔾᔨᒌᖏᑦᑐᓂᑦ ᐃᑲᔫᑎᓂᑦ ᑐᓂᓯᓂᐊᕐᓂᕐᒧᑦ ᐱᐅᔪᓂᑦ ᓴᖅᑭᖅᑎᑕᐅᓂᖏᓐᓂᑦ ᒐᕙᒪᒃᑯᓐᓄᑦ ᐊᒻᒪᓗ ᓄᓇᓕᒻᒥᐅᑕᐅᖃᑕᐅᔪᓄᑦ: ᓈᒻᒪᓈᑦᓯᐊᕐᓗᑎᑦ ᑭᖑᕙᖏᓪᓗᑎᒃ: ᐊᑑᑎᖃᖁᓪᓗᒋᑦ ᐊᑕᖏᖅᑐᓂᑦ ᐱᓕᕆᐊᕆᔭᐅᓇᓱᒃᑐᖅ, ᐃᓚᒋᔭᐅᑦᓱᓂ ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᐊᑐᖅᑕᐅᔪᓐᓇᖅᑐᑦ, ᒐᕙᒪᒃᑯᑦ ᓴᓇᔪᓐᓇᖅᑐᑦ ᐊᑕᖏᑦᑐᒥᑦ ᓄᓇᓖᑦ ᐊᑐᖅᐸᑦᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᖃᓗᐃᑦ ᖃᖓᑕᔫᒃᑯᕕᖓ ᐱᔭᕆᐊᖃᕐᓂᖓ ᐊᑯᓂᐅᓗᐊᖏᑦᑐᒥᑦ; ᑖᓐᓇ, ᓇᓗᓇᐃᖅᓯᓂᕐᒥᑦ ᐱᖁᔭᑎᒍᑦ ᓱᓕᕆᕋᕈᑎ, ᐅᓗᕆᐊᓇᖏᑦᑐᒥᑦ ᐊᐅᓚᑦᓯᓂᕐᒥᑦ ᐊᒻᒪᓗ ᐊᑯᓂᑦ ᐊᑐᖅᑕᐅᒐᔭᕐᓂᖓᓄᑦ ᑲᒪᒋᔭᐅᕐᓂᕐᒧᑦ ᐱᓕᕆᐊᖑᖃᑦᑕᕋᔭᖅᑐᒥᑦ ᐊᕐᕌᒍᓐᓄᑦ 30-ᓄᑦ; ᐊᒻᒪᓗ ᐊᑐᓕᖅᑎᑕᐅᓂᖏᓐᓂᑦ ᐱᔭᐅᒍᓐᓇᖅᑐᑦ ᒐᕙᒪᑐᖃᒃᑯᓐᓂᑦ ᑮᓇᐅᔭᖃᕐᑎᑕᐅᓂᕐᒧᑦ ᐃᑲᔫᑎᓂᑦ ᐊᖅᑯᑕᐅᓗᓂ ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᑲᓇᑕᒥ ᑮᓇᐅᔭᖁᑎᒋᔭᐅᔪᑦ.

ᓅᑦᓯᓂᒃᑯᑦ ᐅᓗᕆᐊᓇᖅᑐᓂᑦ: ᐱᖅᑯᓯᑎᑐᑦ ᒐᕙᒪᒃᑯᑦ ᓴᓇᓂᕐᒧᑦ ᐱᓕᕆᐊᕆᔭᐅᓇᓱᒃᑐᖅ, ᑳᓐᑐᕌᓐᑐᔅ ᑐᓂᓯᒐᔪᓲᖑᕗᑦ ᐊᑭᑦᑐᕆᐊᕈᑕᐅᓯᒪᔪᓂᑦ ᐋᖅᑭᑦᑕᐅᓯᒪᔪᓂᑦ ᑭᖑᕙᕆᐊᕈᑕᐅᓯᒪᔪᓂᑦ ᐊᒻᒪᓗ ᖄᖏᐅᑎᓗᐊᖃᑦᑕᕐᓂᖏᓐᓄᑦ ᐱᖁᑏᑦ ᐃᖅᑲᓇᐃᔭᕐᓂᐅᔪᓪᓗ. ᑕᐃᒪᐃᑦᑎᓪᓗᒋᑦ ᒐᕙᒪᒃᑯᑦ ᐊᑭᓖᖃᑦᑕᕆᐊᖃᕐᒥᔪᑦ ᐋᖅᑭᒋᐊᖅᑕᐅᓂᖏᓐᓄᑦ ᐊᑲᐅᖏᓪᓕᐅᕈᑎᐅᔪᑦ ᑲᔪᓯᖏᓐᓇᕐᓂᐊᖅᑎᓪᓗᒋᑦ ᐊᐅᓚᔾᔪᑏᑦ ᐱᓯᒪᑦᓯᖏᓐᓇᓂᕐᓗ. ᐊᑖᓂᑦ ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ - ᐱᓗᐊᖅᑐᒥᑦ ᐃᒻᒥᒃᑰᖅᑐᑦ ᑎᒥᒋᔭᐅᔪᑦ ᐱᓕᕆᐊᖃᕈᒪᑎᓪᓗᒋᑦ ᐊᐅᓚᑦᓯᓂᕐᒥᑦ ᓄᑖᒥᑦ ᐱᓕᕆᕝᕕᒻᒥᑦ ᐋᖅᑭᑦᑕᐅᓯᒪᒌᖅᑐᓄᑦ - ᑳᓐᑐᕌᑦᑐ, ᒐᕙᒪᒃᑰᖏᑦᑐᖅ, ᓵᑕᐅᓕᕈᓐᓇᖅᑐᖅ ᐊᑭᖏᓐᓄᑦ. ᑳᓐᑐᕌᑦᑐᐃᑦ ᑐᓂᓯᖏᑉᐸᑕ ᐊᑭᓕᖅᑕᐅᔾᔮᖏᑦᑐᑦ.

ᐊᓯᔾᔨᐸᓪᓕᐊᓂᕆᔭᐅᔪᒧᑦ: ᓇᒻᒥᓂᖃᖅᑏᑦ ᑲᒪᒋᔭᖃᕆᐊᓖᑦ ᖄᖏᐅᑎᓗᐊᖃᑦᑕᕐᓂᖏᓐᓄᑦ ᐊᔭᐅᖅᓯᓂᖅᓴᐅᒋᐊᓖᑦ ᐊᓯᔾᔩᓂᕐᒥᑦ ᑕᒪᑦᓱᒥᖓ ᑲᒪᒋᔭᒥᑦ: ᑕᐅᑦᑐᑦᓴᖓᓂᑦ, ᑮᓇᐅᔭᖃᖅᑎᑦᓯᓂᕐᒧᑦ, ᓴᓇᔭᐅᓂᖓᓄᑦ ᐊᑐᖅᑕᐅᕙᓪᓕᐊᓇᔭᖅᑐᑦ, ᐊᒻᒪᓗ ᐊᐅᓚᓂᖏᓐᓄᑦ ᐱᓯᒪᑦᓯᓂᕐᒥᓪᓗ. ᐊᓯᔾᔨᐸᓪᓕᐊᓂᕆᔭᐅᔪᒧᑦ ᑮᓇᐅᔭᓕᕆᔾᔪᑏᑦ ᐱᐅᓂᖅᐹᒃᑯᑦ ᑮᓇᐅᔭᖅᑐᓗᐊᖏᓂᕐᒧᑦ ᒐᕙᒪᒃᑯᓐᓄᑦ ᐊᒻᒪᓗ ᓴᖅᑭᖅᓯᕙᑦᑐᖅ ᐱᐅᓂᖅᓴᓂᑦ ᐊᑐᕆᐊᓕᓐᓂᑦ ᐱᔨᑦᓯᕋᕈᑎᖏᓐᓄᓪᓗ. ᐃᖅᑲᓇᐃᔮᑦᓴᓂᑦ ᓴᖅᑭᖅᑎᕆᓂᖅ: ᐱᕈᖅᓴᐃᓂᖅ ᓴᖅᑭᑎᑦᓯᓲᖑᕗᑦ ᐃᖅᑲᓇᐃᔮᓂᑦ. ᐊᒻᒪ, ᓴᓇᓂᕐᒥᑦ ᓄᓇᓖᑦ ᐊᑐᖅᐸᑦᑕᖏᑦ ᐊᐅᓚᔪᓐᓇᖁᓪᓗᒋᑦ - ᓲᕐᓗ ᐃᓕᓐᓂᐊᕐᕖᑦ, ᐊᓐᓂᑭᑦᑐᕐᕖᑦ, ᐋᓐᓂᐊᕐᕖᑦ, ᐊᑐᕆᐊᑦ ᐊᒻᒪᓗ ᖃᖓᑕᔫᒃᑯᕖᑦ - ᐋᖅᑭᑦᓱᐃᓂᕐᕗᖅ ᐱᕈᖅᐸᓪᓕᐊᑎᑦᓯᓂᕐᒥᑦ ᐱᕕᖃᖅᑎᑦᓯᓂᕐᒥᓪᓗ. ᐊᖅᑯᑕᐅᑦᓱᑎᑦ ᑳᓐᑐᕌᑦ ᐱᓕᕆᔾᔪᓰᑦ, ᒐᕙᒪᒃᑯᑦ ᓄᓇᕗᒻᒥ ᐋᖅᑭᑦᓱᐃᒍᓐᓇᖅᑐᑦ ᐊᑐᐊᒐᖃᕆᐊᖃᕐᓂᖏᓐᓂᑦ ᐃᓄᐃᑦ ᓇᒻᒥᓂᖁᑎᓕᓐᓄᑦ ᐃᖅᑲᓇᐃᔭᖅᑏᓪᓗ ᐃᓚᒋᔭᐅᒋᐊᖃᕐᓂᖏᓐᓄᑦ.

ᐃᓘᓐᓇᑎᒃ ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᐱᓕᕆᐊᕆᔭᐅᓇᓱᒃᑐᑦ, ᒐᕙᒪᒃᑯᑦ ᐱᓯᒪᑦᓯᔪᑦ ᓇᒻᒥᓂᖁᑎᖃᕐᓂᕐᒥᑦ, ᐊᐅᓚᑦᓯᓂᕐᒥᑦ ᐊᒻᒪᓗ ᑲᒪᒋᔭᖃᕆᐊᖃᕐᓂᕐᒥᑦ. ᐋᖅᑭᑦᓯᓂᕐᒥᑦ ᐊᑐᐊᒐᑦᓴᐃᑦ ᐋᖅᑭᑦᑕᐅᓯᒪᓂᖏᓐᓂᑦ ᐊᖅᑯᑕᐅᑦᓱᑎᑦ ᑳᓐᑐᕌᕆᔭᐅᔪᑦ ᒪᓕᒐᐃᓪᓗ, ᐊᒻᒪᓗ ᖃᐅᔨᓴᑦᓯᐊᓂᕐᒥᑦ ᐊᑐᕆᐊᓕᓐᓂᑦ ᐱᔨᑦᓯᕋᕐᓂᕐᒧᑦ ᑐᓂᓯᓂᕐᒥᓪᓗ, ᒐᕙᒪᒃᑯᑦ ᓇᓗᓇᐃᖅᓯᔪᑦ ᑭᒃᑯᑐᐃᓐᓇᐃᑦ ᐱᔭᕆᐊᓕᖏᑦ ᑲᑎᑕᐅᒐᓗᐊᕐᒪᖔᑕ - ᐊᒻᒪᓗ ᑭᒃᑯᑐᐃᓐᓇᐃᑦ ᐱᔭᕆᐊᓕᖏᑦ ᑐᓂᔭᐅᒐᓗᐊᕐᒪᖔᑕ.

ᐱᔭᕆᐊᑭᓐᓂᖅᐹᒃᑯᑦ ᐊᑐᖅᑕᐅᔾᔪᑕᐅᒍᓐᓇᖅᑐᑦ, ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᐃᓪᓗᒥᑦ ᐊᑭᓕᖅᑐᐃᓂᐊᖅᑐᕐᔫᔮᖅᑐᖅ - ᒐᕙᒪᒃᑯᑦ ᓄᓇᕗᒻᒥ ᐊᑭᓖᖃᑦᑕᕐᓂᐊᖅᑐᑦ ᐱᓕᕆᐊᕆᔭᐅᓇᓱᒃᑐᒧᑦ, ᐊᑕᖏᖏᖔᖅᓗᒍ ᐊᑕᐅᑦᓯᑯᐊᓗᒃ, ᐱᕕᖃᖅᑎᑦᓯᔪᑦ ᒐᕙᒪᒃᑯᑦ ᓄᓇᕗᒻᒥ ᑐᓂᓯᕐᓂᒥᑦ ᐊᓯᖏᓐᓂᑦ ᐊᑭᑐᔪᓂᑦ ᐱᓕᕆᐊᓂᑦ ᑖᓐᓇ ᐊᖏᔪᒻᒪᕆᒃ ᑲᒪᒋᔭᐅᑎᓪᓗᒍ.

ᑖᒃᑯᐊ ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᐱᓕᕆᐊᕆᔭᐅᓇᓱᒃᑐᖅ ᐱᐅᔪᕚᑦ ᓇᒻᒥᓂᖁᑎᓕᓐᓄ?

ᒫᓐᓇ, ᐅᖓᑖᓂᑦ 100 ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᐱᓕᕆᐊᕆᓇᓱᒃᑕᖏᑦ ᐊᔾᔨᒌᖏᑦᑐᓂᑦ ᐊᐅᓚᓂᐅᔪᓂᑦ ᐱᓇᓱᐊᕐᓃᑦ ᑲᓇᑕᒥᑦ, ᐃᓚᒋᔭᐅᑦᓱᑎᒃ ᐱᓕᕆᐊᕆᔭᐅᓇᓱᒃᑐᑦ ᕕᒃᑐᐊᓕᕋᒥᑦ, ᐃᑦᒥᓐᑕᓐᒥᑦ, ᐋᑐᕚᒥᑦ, ᐊᒻᒪᓗ ᑐᓛᓐᑐᒥᑦ. ᒐᕙᒪᒃᑯᑦ ᓄᓇᕗᒻᒥ ᓂᕈᐊᖅᓯᒪᔪᑦ ᐱᓇᓱᐊᕐᓃᑦ ᐱᓕᕆᔾᔪᓯᕐᒥᑦ ᑕᑯᑦᓴᐅᑎᑦᓯᓯᒪᔪᒥᑦ ᑲᔪᓯᓂᖃᑦᓯᐊᕐᓂᕐᒥᑦ ᓄᓇᓕᐸᐅᔭᕐᓂᑦ ᓄᓇᓕᕋᓛᓂᓪᓗ ᑲᓇᑕᒥ ᐊᒻᒪᓗ ᓯᓚᑖᓂᑦ.

ᐊᕐᕌᒍᐃᑦ ᐊᕙᑎᑦ ᖄᖏᑦᑐᑦ, 198-ᖑᓯᒪᔪᑦ ᑲᑐᔾᔨᖃᑎᖏᑦ ᐱᓕᕆᐊᕆᔭᐅᓇᓱᒃᑐᑦ ᑲᓇᑕᓕᒫᒥᑦ ᑲᑎᑦᓱᑎᒃ ᐱᕈᖅᓴᐃᓇᓱᓐᓂᖅ $61 ᕕᓕᐊᓐᓂᑦ.

ᐃᓘᓐᓇᒍᑦ ᐃᑲᔫᑏᑦ ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᐱᓕᕆᐊᕆᔭᐅᓇᓱᒃᑐᑦ ᐱᔭᕆᐊᑭᑦᑐᑦ:

ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᐱᓕᕆᐊᕆᔭᐅᓇᓱᒃᑐᖅ ᓈᒻᒪᓈᖃᑦᑕᓲᑦ, ᑮᓇᐅᔭᖅᑑᑎᑦᓴᓂᑦ, ᐊᒻᒪᓗ ᑲᒪᒋᔭᐅᖃᑦᑕᖅᓱᑎᒃ-ᑐᓐᖓᕕᖃᖅᓱᑎᑦ ᐊᑯᓂᐅᔪᒧᑦ ᑳᓐᑐᕌᓕᕆᓂᕐᒧᑦ ᐱᐅᓂᖅᐹᒃᑯᑦ ᐊᑐᖅᑎᑦᓯᑦᓱᑎᑦ ᑖᒃᓰᔭᖅᑏᑦ ᑮᓇᐅᔭᖏᓐᓂᑦ.

ᓱᓇᐅᕙ ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᐱᓕᕆᐊᕆᔭᐅᓇᓱᒃᑐᖅ ᐱᓕᕆᔾᔪᓯᖅ?

ᐊᖏᔫᓂᖓᓄᑦ ᑖᑦᓱᒪ ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᐱᓕᕆᐊᕆᔭᐅᓇᓱᒃᑐᑦ ᐱᓕᕆᔾᔪᓯᖅ ᐊᑯᓂᐅᒐᔪᓲᖅ ᐃᓚᖏᓐᓂᑦ ᐱᓇᓱᐊᕐᓃᑦ. ᓯᑕᒪᐅᔪᓐᖏᒐᖅᑐᑦ ᐊᐅᓚᓂᐅᔪᑦ ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᓂᐅᕕᖃᑦᑕᓂᕐᒧᑦ.

1) ᓴᖅᑭᑎᑦᓯᓂᕐᒥᑦ ᑕᐅᑦᑐᖓᓂᑦ ᐃᓚᒋᔭᐅᓗᑎᒃ ᐃᓘᓐᓇᑎᒃ ᐃᓚᒋᔭᐅᔪᑦᓴᐃᑦ ᐱᓕᕆᐊᕆᔭᐅᓇᓱᒃᑐᒧᑦ ᐱᔭᕆᐊᖃᕋᔭᖅᑐᑦ - ᖃᓂᖏᒃᑲᓗᐊᖅᑎᓪᓗᒍ ᑭᖑᓪᓕᖅᐹᖓᓄᑦ ᑕᐅᑦᑐᖓᓄᑦ ᑭᓯᐊᓂ ᑕᑯᑦᓴᐅᑎᑦᓯᔪᖅ ᐃᓘᓐᓇᖏᓐᓂᑦ ᐃᓗᓕᖏᓐᓂᑦ ᖃᓄᐃᓕᐅᕈᑕᐅᔪᒪᔪᑦ ᐱᔭᕆᐊᓖᑦ ᐱᓕᕆᐊᕆᔭᐅᓇᓱᒃᑐᒧᑦ.

2) ᐊᐱᖅᑯᑎᒋᒍᒃ ᑐᑦᓯᕋᐅᑎ ᐱᔪᓐᓇᓂᕆᔭᓐᓂᑦ (RFQ) - ᐱᕕᖃᖅᑎᑦᓲᑦ ᓇᒻᒥᓂᖁᑎᓕᓐᓂᑦ ᑕᑯᑦᓴᐅᑎᑦᓯᓂᕐᒥᑦ ᑮᓇᐅᔭᑎᒍᑦ ᐱᔪᓐᓇᕐᓂᖃᕆᐊᖏᓐᓂᑦ ᐊᒻᒪᓗ ᐋᖅᑭᐅᒪᒍᓐᓇᓂᕐᒥᑦ ᐱᔪᓐᓇᓂᖏᓐᓂᑦ ᑲᔪᓯᑎᑦᓯᓂᕐᒥᑦ ᐱᓕᕆᐊᕆᔭᐅᓇᓱᒃᑐᒥᑦ.

3) ᕿᒥᕐᕈᓗᒋᑦ ᑐᓂᓯᓯᒪᔪᑦ ᑐᑦᓯᕋᐅᑎᓂᑦ ᓂᕈᐊᕐᕕᒋᓗᒋᓪᓗ ᐱᖓᓱᑦ ᖁᑦᓯᑦᑐᑦ.

4) ᐊᐱᖅᑯᑎᒋᒍᒃ ᓴᓇᔪᒪᓂᕐᒧᑦ ᑐᑦᓯᕋᐅᑦ (RFP) ᖃᐃᖁᓗᒋᓪᓗ ᐱᖓᓱᑦ ᖁᑦᓯᑦᑐᑦ ᐱᔪᓐᓇᕐᓂᓖᑦ ᓇᒻᒥᓂᖁᑎᓖᑦ ᑐᓂᓯᖁᓗᒋᑦ ᑐᑦᓯᕋᐅᑎᓂᑦ ᐱᓕᕆᐊᕆᔭᐅᓇᓱᒃᑐᒧᑦ ᐃᓚᒋᔭᐅᔪᑦᓴᓄᑦ:

a. ᑕᐅᑦᑐᖓ;

b. ᓴᓇᒪᓂᖓ;

c. ᑮᓇᐅᔭᑎᒍᑦ;

d. ᐊᐅᓚᑦᓯᓂᖅ; ᐊᒻᒪᓗ

e. ᐱᓯᒪᑦᓯᓂᕐᒥᑦ.

5) ᕿᒥᕐᕈᓗᒋᑦ ᐱᓕᕆᔾᔪᑎᓄᑦ ᐱᐅᓂᖏᓐᓄᑦ ᑐᓂᔭᐅᓯᒪᔪᐃᑦ ᓇᓗᓇᐃᖅᓯᓂᕐᒥᑦ ᐅᖃᐅᓯᖃᖅᓯᒪᒻᒪᖔᑕ ᐃᓘᓐᓇᖏᓐᓂᑦ ᐱᓕᕆᐊᕆᔭᐅᓇᓱᒃᑐᒧᑦ ᐊᑐᐊᒐᖃᕆᐊᓕᖏᓐᓄᑦ ᐊᑐᐊᒐᑦᓴᐃᑦ ᐋᖅᑭᑕᐅᓯᒪᓂᖏᓐᓂᑦ ᓴᓇᔪᒪᓂᕐᒧᑦ ᑐᑦᓯᕋᐅᑎᓂᑦ, ᐃᓚᒋᔭᐅᑦᓱᑎᒃ ᐊᑦᑕᓇᑦᑕᐃᓕᒪᓂᕐᒧᑦ, ᑲᔪᓯᓂᖃᑦᓯᐊᕈᓐᓇᕐᓂᖅ, ᐊᒻᒪᓗ ᐊᑲᐅᔪᒥᑦ.

6) ᓂᕈᐊᕆᑦ ᑲᔪᓯᓂᖃᑦᓯᐊᖅᑐᒥᑦ ᑲᒻᐸᓂᒥᑦ ᑐᓐᖓᕕᒋᓗᒋᑦ ᐊᑭᑭᓐᓂᖅᐹᑦ ᐊᑐᐃᓐᓇᐅᑎᑦᓯᓂᕐᒥᑦ ᐃᓘᓐᓇᖏᓐᓄᑦ ᐱᓕᕆᐊᕆᔭᐅᓇᓱᒃᑐᓄᑦ ᐃᓚᒋᔭᐅᔪᑦᓴᓄᑦ.

7) ᐱᔭᕇᖅᓗᒍ ᐊᒻᒪᓗ ᐊᑐᓕᖅᑎᓪᓗᒍ ᑳᓐᑐᕌᑦ - ᓇᓗᓇᐃᖅᓯᓂᕐᒥᑦ ᓱᓇᐃᑦ ᑐᑦᓯᕋᐅᑎᒦᒻᒪᖔᑕ ᑳᓐᑐᕌᒻᒥᓪᓗ ᐊᑦᑐᐊᓂᖃᕐᓂᐊᖅᑐᑦ ᐱᔭᕇᖅᑕᐅᓯᒪᔪᒥᑦ ᐊᑐᕆᐊᓕᓐᓂᑦ ᐱᔨᑦᓯᕋᕈᑎᖏᓐᓂᓪᓗ ᑐᓂᔭᐅᒋᐊᓕᓐᓂᑦ

ᖃᓄᐃᓕᖓᕕᑕ ᐱᓕᕆᔾᔪᓯᕐᒥᑦ ᐊᒻᒪᓪᓗ ᓱᒻᒪᑦ ᓱᓇᑐᐃᓐᓇᐃᑦ ᖃᐅᔨᔭᐅᔭᕆᐊᖃᖏᓪᓚᑦ?

ᒫᓐᓇ, ᒐᕙᒪᒃᑯᑦ ᓄᓇᕗᒻᒥ ᐃᖅᑲᓇᐃᔮᖃᖅᑐᑦ ᐱᔭᕇᖅᓯᓂᕐᒥᑦ ᓯᑕᒪᐅᔪᓐᖏᒐᖅᑐᑦ ᐊᐅᓚᓂᐅᔪᑦ. ᑲᔪᓯᓂᖃᑦᓯᐊᖅᓯᒪᔪᖅ ᑲᒻᐸᓂ ᓂᕈᐊᖅᑕᐅᓯᒪᔪᖅ ᐊᒻᒪᓗ ᑳᓐᑐᕌᑦ ᐱᔭᕇᖅᑕᐅᕙᓪᓕᐊᔪᖅ.

ᐃᓘᓐᓇᖏᑎᑐᑦ ᓂᐅᕕᖃᑦᑕᓂᕐᒧᑦ ᑲᒪᒋᔭᐃᑦ ᒐᕙᒪᒃᑯᓐᓄᑦ ᓄᓇᕗᒻᒥ, ᐱᓕᕆᔾᔪᓯᖅ ᐃᓗᓕᖏᓪᓗ ᑳᓐᑐᕌᑦ ᖃᐅᔨᔭᐅᔭᕆᐊᖃᖏᓪᓚᑦ ᐊᑎᓕᐅᖅᑕᐅᑉᐸᑕ ᑭᓯᐊᓂ ᑕᒪᒃᑮᓐᓄᑦ ᐃᓚᒋᔭᐅᔫᓐᓄᑦ.

ᒫᓐᓇᐅᔪᖅ, ᐋᔩᖃᑎᒌᓐᓃᑦ ᑲᔪᓯᓂᖃᑦᓯᐊᖅᑐᑦ ᐊᑎᓕᐅᕐᓂᖅ ᐋᖅᑭᑦᑕᐅᓯᒪᓂᖓᓂᑦ ᐱᔭᕆᐊᓕᒃ ᕿᑎᐊᓂᖅ ᓯᑦᑎᒻᕙ.

ᓱᒻᒪᑦ ᐊᕐᕌᒍᓐᓄᑦ 30-ᓄᑦ ᐊᑭᓕᖅᑐᐃᓚᖓᕕᑕ ᐊᒻᒪᓗ ᓱᓇᓄᑦ ᐅᑎᕐᕕᐅᓚᖓᕕᑕ ᑭᖑᓂᐊᒍᑦ?

ᐊᑯᓃᖅᑐᒧᑦ ᐸᕐᓇᐅᑎ - ᐱᐅᔪᑦ ᒐᕙᒪᒃᑯᑦ ᑕᐃᒪᐃᖃᑦᑕᓲᑦ. ᑕᑯᓐᓇᓲᖑᒻᒪᑕ ᐃᓪᓗᓄᑦ ᓄᓇᓖᑦ ᐊᑐᖅᐸᑦᑕᖏᑦ ᐊᐅᓚᔪᓐᓇᖁᓪᓗᒋᑦ ᐊᑯᓂᑦ ᑭᖑᓂᖓᒍᑦ ᐃᓱᓕᑦᓯᒪᓕᖅᑎᓪᓗᒋᑦ ᐃᓚᒋᔭᐅᔪᑦ.

ᐊᒻᒪᓗ ᑭᖑᓂᖓᒍᑦ ᐱᓂᐊᖅᑕᕗᑦ ᐱᐅᔪᖅ ᖃᓄᐃᓐᓂᖓ - ᐅᑎᖅᑎᑦᓯᕕᐅᒍᒪᓂᕐᒥᑦ ᖃᓄᐃᑦᑑᖁᔨᓯᒪᔪᒍᑦ ᑎᑎᕋᖅᓯᒪᔪᓂᑦ ᑳᓐᑐᕌᑦᒧᑦ ᖃᖓᑕᔫᒃᑯᕕᒃ ᑲᔪᓯᓂᖃᖏᓐᓇᕈᓐᓇᕐᓂᐊᖅᒪᑦ ᐊᐅᓚᓂᖓ ᐊᕐᕌᒍᒐᓴᕐᓄᑦ ᐃᓱᓕᑦᓯᒪᓕᕋᓗᐊᖅᑎᓪᓗᒍ ᑳᓐᑐᕌᑦ.

ᖃᖓᑕᔫᒃᑯᕕᒃ ᐱᓯᒪᔭᐅᑦᓯᐊᕆᐊᓕᒃ ᐅᑎᑦᑎᑕᐅᑐᐊᖅᐸᑦ ᒐᕙᒪᒃᑯᓐᓄᑦ ᖁᓕᓐᓄᑦ ᐊᕐᕌᒍᓐᓄᑦ ᐊᐅᓚᔪᓐᓇᕐᓂᐊᖅᑎᓪᓗᒍ ᐃᓘᓐᓇᖏᓐᓂᑦ ᐃᓚᒋᔭᐅᔪᓂᑦ ᐱᓕᕆᐊᕆᔭᐅᓇᓱᒃᑑᑉ.

ᖃᓄᖅ ᐃᓄᐃᑦ ᐃᓚᒋᔭᐅᓂᐊᖅᑲᑦ ᐱᓕᕆᐊᕆᔭᐅᓇᓱᒃᑐᒧᑦ ᐊᐅᓚᑕᐅᖏᑐᐊᖅᐸᑕ ᐃᓄᐃᑦ ᑲᒻᐸᓂᖏᓐᓄᑦ?

ᐊᓯᐊᒍᖔᕈᑕᐅᓯᒪᔪᖅ ᓄᓇᕗᒻᒥ ᓇᒻᒥᓂᖃᖅᑐᓄᑦ ᐃᑲᔫᑎᓄᑦ ᐊᑐᐊᒐᖓ ᐋᖅᑭᑦᓱᖅᑕᐅᓯᐊᖅᓯᒪᔪᖅ ᐃᖃᓗᐃᑦ ᖃᖓᑕᔫᒃᑯᕕᐊᖓᓄᑦ ᒐᕙᒪᒃᑯᑦ ᓇᒻᒥᓂᖃᕐᑐᓪᓗ ᑲᑐᔾᔨᖃᑎᖏᑦ ᐱᓕᕆᐊᕆᔭᐅᓇᓱᒃᑐᖅ ᓇᓗᓇᐃᖅᓯᓂᕐᒥᑦ ᑎᑎᖃᖅ ᐊᒻᒪᓗ ᑐᕌᖓᔪᓄᑦ ᑎᑎᕋᖅᓯᒪᔪᒥᑦ 24 ᓄᓇᕗᒻᒥ ᓄᓇᑖᕈᑎᓂᑦ ᐊᖏᕈᑎᒦᑦᑐᒥ ᐃᑉᐱᒋᔭᐅᑦᓯᐊᖁᓪᓗᒋᑦ.

ᐃᖅᑲᓇᐃᔭᖃᑎᖃᖅᓯᒪᔪᒍᑦ ᓄᓇᕗᒻᒥ ᑐᓐᖓᕕᒃᑯᓐᓂᑦ (NTI) ᐊᒻᒪᓗ ᐃᓄᓐᓄᑦ ᓇᒻᒥᓂᕆᔭᓂᓪᓗ ᐱᕚᓪᓕᑎᑦᓯᓂᕐᒥᑦ ᐊᓯᐊᒍᖔᖅ ᓄᓇᕗᒻᒥ ᓇᒻᒥᓂᖃᖅᑐᓄᑦ ᐃᑲᔫᑎᓄᑦ ᐊᑐᐊᒐᕐᒥᑦ, ᐊᒻᒪᓗ ᑭᐅᔾᔪᑕᐅᓯᒪᔪᑦ ᑐᓴᖅᑎᑦᓯᓯᒪᔪᑦ ᐱᓇᓱᐊᕐᓂᑎᓐᓂᑦ.

ᐃᓛᒃᑯᖅᑐᑦ ᑲᑐᔾᔨᖃᑎᒌᑦ ᐱᔭᕆᐊᖃᕐᓂᐊᖅᑐᑦ ᑲᔪᓯᑎᑦᓯᓂᕐᒥᑦ ᐱᔭᐅᔭᕆᐊᓕᓐᓂᑦ ᐊᑐᐊᒐᖃᕆᐊᖃᕐᒪᑕ ᐃᓄᓐᓄᑦ ᓇᒻᒥᓂᕆᔭᓕᓐᓄᑦ ᐊᒻᒪᓗ ᐃᓄᓐᓂᑦ ᐃᖅᑲᓇᐃᔭᖅᑎᖃᕐᓂᕐᒥᑦ, ᐊᒻᒪᓗ ᓴᓐᖏᔪᒥᑦ ᐱᔾᔪᑎᒋᓗᐊᑕᖅᑕᖃᕐᓂᐊᖅᑐᑦ ᐃᓐᓄᓂᑦ ᐃᓕᓐᓂᐊᑎᑦᓯᓂᕐᒥᑦ.

ᐊᐱᖅᑯᑎᒃᑲᓐᓃᑦ?

ᑐᓴᐅᒪᔪᓕᕆᓂᕐᒧᑦ - ᐅᖄᓚᒋᑦ ᐊᐱᖅᓱᖅᑕᐅᒍᒪᓐᓂᕈᕕᑦ ᖃᖓᑐᐃᓐᓇᖅ ᐅᖃᖃᑎᖃᕐᓂᕐᒥᑦ ᑕᒪᒃᑯᓂᖓ ᐊᑖᓃᖏᑦᑐᓄᑦ ᖃᐅᔨᔭᐅᔭᕆᐊᖃᖏᑦᑐᓄᑦ ᐱᔭᕆᐊᓖᑦ ᐱᓕᕆᐊᕆᔭᐅᓇᓱᒃᑐᒧᑦ.

ᓄᓇᕗᒻᒥᐅᑦ - ᐱᓕᕆᐊᕆᔭᐅᓇᓱᒃᑐᖅ ᐊᑎᓕᐅᖅᑕᐅᓯᒪᓕᑐᐊᖅᐸᑦ ᑮᓇᐅᔭᑎᒍᑦ ᑳᓐᑐᕌᑦ (ᕿᑎᐊᓂᑦ ᓯᑦᑎᒻᕙ), ᒐᕙᒪᒃᑯᑦ ᓄᓇᕗᒻᒥ ᐃᓄᓕᒫᓂᑦ ᑲᑎᒪᑎᑦᓯᓛᖅᑐᑦ ᐃᖃᓗᓐᓂᑦ ᓄᓇᕗᒻᒥᐅᑦ ᐊᐱᕆᒍᓐᓇᓛᖅᒪᑕ ᑲᑎᒪᔨᓂᑦ ᐊᐱᖁᑎᖏᓐᓂᑦ. ᐅᓪᓗᖓ, ᖃᑦᓯᒥ ᐊᒻᒪᓗ ᓇᒦᓛᖅᒪᖔᑕ ᓴᖅᑭᔮᖅᑎᑕᐅᓛᖅᑐᖅ ᓄᓇᓕᓐᓂᑦ, ᒐᕙᒪᒃᑯᑦ ᓄᓇᕗᒻᒥ ᑐᐃᑐᖓᓂᑦ ᐊᒻᒪᓗ ᕖᔅᕗᒃᒥᑦ ᐊᒻᒪᓗ ᐃᖃᓗᐃᑦ ᑭᒃᑯᑐᐃᓐᓇᕐᓄᑦ ᑐᓴᕋᑦᓴᐃᑦ ᕖᔅᕗᒃᒥᑦ ᓇᓗᓇᐃᖅᓯᕕᐅᑐᐊᕈᑦᑕ.

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᑦᓴᖅ:

ᓗᐊᕋᓐ ᓵᓪᓯᑭ ᐃᓇᖐᒪᔪᖅ ᑐᑭᒧᐊᑦᑎᑦᓯᔨᖓᓂᑦ ᑐᓴᐅᒪᖃᑦᑕᐅᑎᓕᕆᔨᒃᑯᑦ ᒐᕙᒪᓕᕆᔨᒃᑯᑦ 867-975-6004 lsolski@gov.nu.ca