ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᒐᕙᒪᒃᑯᑦ ᓄᓇᕘᓕᒫᒥ ᑲᑎᒪᑎᑦᑎᑲᑕᖕᓂᐊᖅᑐᑦ ᐃᓕᓐᓂᐊᕐᓂᐅᑉ ᒥᒃᓵᓄᑦ ᑐᓴᕋᓱᒡᓗᑎᒃ

ᓯᑎᐱᕆ 04, 2018

ᐱᕙᓪᓕᐊᔪᖅ ᓴᖅᑭᑎᑕᐅᔪᖅ:

ᓴᖅᑭᑕᐅᑲᐅᑎᒋᔭᕆᐊᓕᒃ

ᓄᓇᕗᑦ ᒐᕙᒪᒃᑯᑦ ᓄᓇᕘᓕᒫᒥ ᑲᑎᒪᑎᑦᑎᑲᑕᖕᓂᐊᖅᑐᑦ ᐃᓕᓐᓂᐊᕐᓂᐅᑉ ᒥᒃᓵᓄᑦ ᑐᓴᕋᓱᒡᓗᑎᒃ
ᐃᖃᓗᐃᑦ, ᓄᓇᕗᑦ (ᓯᑎᐱᕆ 4, 2018)
− ᐃᓕᓐᓂᐊᕐᓂᓕᕆᔨᒃᑯᑦ ᐅᓪᓗᒥ ᑐᓴᖅᑎᑦᑎᖅᑲᐅᕗᑦ ᓄᓇᕘᓕᒫᒥ ᑭᒃᑯᑐᐃᓐᓇᓂᒃ ᑐᓴᕋᓱᒡᓗᑎᒃ ᑲᑎᒪᑎᑦᑎᑲᑕᖕᓂᐊᕐᒪᑕ ᐃᓕᓐᓂᐊᕐᓂᐅᑉ ᒥᒃᓵᓄᑦ, ᓯᑎᐱᕆ−ᒥᑦ ᑎᓯᐱᕆ−ᒧᑦ 2018.
ᐃᑲᔪᖅᑐᐃᓪᓗᑎᒃ ᑲᑎᒪᑎᑦᑎᑲᑕᖕᓂᐊᖅᑐᓂᒃ ᐊᒻᒪ ᐅᖃᖃᑎᒌᖕᓂᐊᖅᑐᑦ ᐱᒋᐊᕈᑎᒋᓂᐊᖅᑕᖓᓂᒃ ᓴᖅᑭᑦᑎᖁᓪᓗᒋᑦ, ᐃᓕᓐᓂᐊᕐᓂᓕᕆᔨᒃᑯᑦ ᐋᖅᑭᒃᓯᓚᐅᖅᐳᑦ ᐆᒥᖓ ᐃᓕᓐᓂᐊᕐᓂᓕᕆᓂᖅ ᑐᕌᖅᐸᓪᓕᐊᔭᕗᑦ – ᑐᕌᒐᕆᔭᕗᑦ ᐃᓕᓐᓂᐊᕐᓂᕐᒧᑦ. ᑖᓐᓇ ᑐᒃᓯᕋᐅᑦ ᑐᕌᒐᖃᖅᐳᖅ ᐃᓕᓐᓂᐊᕐᕕᖕᒥ ᐱᓕᕆᖃᑕᐅᔪᑦ ᐃᓚᐅᖃᑦᑕᖁᓪᓗᒋᑦ, ᓂᕈᐊᖅᑕᐅᓯᒪᔪᑦ ᐃᖅᑲᓇᐃᔭᖅᑏᑦ ᐊᒻᒪ ᓄᓇᕗᒻᒥᐅᑦ ᑲᑐᔾᔨᓗᑎᒃ ᐋᖅᑭᒋᐊᕈᑎᒃᓴᓕᐅᖅᐸᒡᓗᑎᒃ ᓄᓇᕗᒻᒥ ᐃᓕᓐᓂᐊᖅᑐᓕᕆᔾᔪᑎ ᐋᖅᑭᒋᐊᖁᓪᓗᒍ.

“ᐱᐅᓯᒋᐊᖅᓯᒪᓪᓗᓂ ᐃᓕᓐᓂᐊᖅᑐᓕᕆᔾᔪᑎ ᐋᖅᑭᒃᓱᖅᑕᐅᔪᖅ ᓄᓇᕗᒻᒥᐅᓂᒃ ᓄᓇᕗᒻᒥᐅᓄᓪᓗ ᒐᕙᒪᒃᑯᓐᓄᑦ ᓯᕗᓪᓕᐅᔾᔭᐅᔪᒪᓛᖑᖃᑕᐅᕗᖅ. ᐊᒃᑐᐊᓂᖃᕆᐊᓕᒃ ᐱᒻᒪᕆᐅᒋᔭᐅᔪᓂᑦ ᐊᒻᒪ ᓯᕗᓪᓕᐅᔾᔭᐅᔪᒪᔪᓂᑦ ᓄᓇᕘᒥ, ᐊᒻᒪ ᓴᖅᑭᑎᑦᑎᓗᑎᒃ ᐊᓂᒍᐃᔪᓂᑦ ᑲᔪᓯᑎᑦᑎᔪᓐᓇᖅᑐᓂᑦ ᑭᓱᑐᐃᓐᓇᕐᒥᒃ ᑲᔪᓯᑎᑉᐸᓪᓕᐊᔪᒪᔭᒥᓂᒃ,” ᓯᕗᓕᖅᑎ ᔫ ᓴᕕᑲᑖᖅ ᐅᖃᖅᑐᖅ. “ᐊᑖᑕᑦᑎᐊᖑᓪᓗᖓ, ᓄᓇᓕᖕᓄᑦ ᐃᓚᒋᔭᐅᓪᓗᖓ ᐊᒻᒪ ᓯᕗᓕᖅᑎᐅᓪᓗᖓ, ᐊᖏᖅᓯᒪᑦᑎᐊᖅᐳᖓ ᐱᐅᓯᕚᓪᓕᖅᑎᑦᑎᔪᒪᓪᓗᖓ. ᓄᓇᕗᒻᒥᐅᑦ ᐃᓚᒋᔭᐅᖁᓂᐊᖅᐸᒃᑲ ᐃᓱᒪᒋᔭᖏᓐᓂᒃ ᑐᓴᖅᑎᑦᑎᖁᓪᓗᒋᑦ.”

ᐅᖃᐅᓯᖃᓗᐊᕐᓂᐊᖅᑐᑦ ᐊᖅᑯᑕᐅᓇᔭᖅᑐᓂᒃ ᐃᓕᓐᓂᐊᕐᓂᕐᒥᒃ ᐊᑐᕈᓐᓇᑦᑎᐊᖁᓪᓗᒋᑦ, ᐃᓕᓐᓂᐊᖅᑐᓕᕆᔨᒃᑯᑦ ᑭᒡᒐᖅᑐᐃᔨᖏᑦ ᓴᙱᒃᑎᒋᐊᕐᓗᒋᑦ ᓄᓇᓕᖕᓂ ᓄᓇᕗᒻᒥ, ᐅᖃᕈᓐᓇᑦᑎᐊᕐᓂᖅ ᐊᒻᒪ ᐊᐅᓚᑦᑎᔾᔪᑎᑦ ᓄᓇᕗᒻᒧᑦ ᑐᕌᖓᔪᑦ.

“ᐃᓕᓐᓂᐊᖅᑎᑦᑎᑦᑎᐊᕐᓂᐊᕐᓗᓂ ᐃᓚᐅᑎᑦᑎᖃᑦᑕᕆᐊᖃᖅᐳᑦ, ᐊᖏᖅᓯᒪᑦᑎᐊᕐᓗᑎᒃ ᐊᒻᒪ ᐃᑲᔪᖅᑐᐃᓗᑎᒃ. ᓄᓇᕗᒻᒥᐅᑦ ᑎᓕᐅᖅᐸᕗᑦ ᐃᓱᒪᒋᔭᖏᓐᓂᒃ ᑐᓴᖅᑎᑦᑎᖁᓪᓗᒋᑦ ᐅᕙᑦᑎᓐᓄᑦ,” ᒥᓂᔅᑕ ᐃᓕᓐᓂᐊᕐᓂᓕᕆᓂᕐᒧᑦ ᑕᐃᕕᑦ ᔪᐊᓇᓯ ᐅᖃᖅᑐᖅ. “ᑐᑭᖃᑦᑎᐊᖅᑐᓂᒃ ᐅᖃᖃᑎᒌᒡᓗᑎᒃ

ᐃᓕᓐᓂᐊᕐᓂᐅᑉ ᐋᖅᑭᒋᐊᖅᑕᐅᓂᖓᓂᒃ ᑭᒃᑯᑐᐃᓐᓇᑦ ᑲᑎᒪᑎᓪᓗᒋᑦ ᐋᖅᑭᒃᓱᐃᔾᔪᑎᒋᔪᓐᓇᕐᓂᐊᖅᐸᕗᑦ ᐃᓕᓐᓂᐊᖅᑐᓕᕆᔾᔪᑎᒥᒃ ᐃᓄᐃᑦ ᐅᖃᐅᓯᖓᓂᒃ, ᐃᓕᖅᑯᓯᖓᓂᒃ ᐊᒻᒪ ᐱᓕᕆᔾᔪᓯᖏᓐᓂᒃ ᓴᖅᑭᔮᖅᑎᑦᑎᔪᓂᒃ ᐊᒻᒪ ᐃᑲᔪᖅᑐᐃᔪᓂᒃ ᐃᓕᓐᓂᐊᕈᑎᓕᕆᔪᓐᓇᑦᑎᐊᖅᑐᓂᒃ.
ᓄᓇᕗᒻᒥᐅᑦ ᐅᕗᙵᕈᓐᓇᖅᐳᑦ gov.nu.ca/education/information/education-act-consultations ᐅᖃᐅᓯᒃᓴᒥᓂᒃ ᑎᑎᕋᕈᒪᔪᑦ ᐊᒻᒪ ᑐᑭᓯᒋᐊᒃᑲᓐᓂᕈᒪᔪᑦ ᑲᑎᒪᑎᑦᑎᔪᑦ ᒥᒃᓵᓄᑦ, ᐅᖃᐅᓯᐅᓪᓗᐊᑕᖅᑐᓂᑦ ᐊᒻᒪ ᓄᓇᓕᖕᓂ ᐋᖅᑭᒃᓱᖅᑕᐅᓯᒪᔪᓂᑦ.

###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:


ᔩᓐ ᐱᓕᑉ ᓚᐳᕆᔅ
ᐊᐅᓚᑦᑎᔨ, ᑐᓴᐅᒪᔪᓕᕆᓂᕐᓄᑦ
ᐃᓕᓐᓂᐊᕐᓂᓕᕆᔨᒃᑯᑦ
867-975-5645
jplaprise@gov.nu.ca


ᐃᓕᓐᓂᐊᕐᓂᓕᕆᓂᖅ ᑐᕌᖅᐸᓪᓕᐊᔭᕗᑦ
ILLINNIARNILIRINIQ TURAAQPALLIAJAVUT
ᑐᕌᒐᕗᑦ ᐃᓕᓐᓂᐊᕐᓂᕐᒧᑦ

ᓄᓇᕗᑦ ᒐᕙᒪᒃᑯᑦ ᐋᖅᑭᒃᓱᐃᓚᐅᖅᐳᑦ ᑲᑎᓯᒪᔪᓂᒃ ᑐᒃᓯᕋᐅᑎᓂᒃ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᕐᒥ ᐊᒻᒪ ᐃᓄᐃᑦ ᐅᖃᐅᓯᖏᑦ ᓴᐳᔾᔭᐅᓂᖏᓐᓄᑦ ᐱᖁᔭᕐᒥ ᖃᐅᔨᒪᖁᓪᓗᒋᑦ ᓄᓇᕗᒥᐅᑦ ᐃᓕᓐᓂᐊᑦᑎᐊᕈᓐᓇᕐᓂᖏᓐᓂᒃ ᐱᐅᓯᒋᐊᖅᑕᐅᖁᓪᓗᒍᓗ ᐃᓕᓐᓂᐊᖅᑎᑦ ᐃᓕᓐᓂᐊᕆᐊᖃᑦᑕᕐᓂᖏᑦ ᐊᒻᒪ ᐃᓄᒃᑑᕈᓐᓇᖅᓯᒃᑲᓐᓂᕐᓗᑎᒃ. ᐱᒋᐊᕈᑕᐅᓂᐊᕐᒪᑕ ᐅᖃᖃᑎᒌᓕᖅᐸᑕ ᓄᓇᕗᒻᒥᐅᓪᓗ ᑎᓕᐅᖅᐸᕗᑦ ᐃᓱᒪᒋᔭᒥᓂᒃ ᑐᓴᖅᑎᑦᑎᖁᓪᓗᒋᑦ ᐊᒻᒪ ᐅᖃᐅᓯᒃᓴᒥᓂᒃ ᑎᑎᕋᕐᓗᑎᒃ.

ᐱᓕᕆᐊᒃᓴᑦ ᑲᒪᒋᔭᒃᓴᓪᓗ

ᐃᓕᓐᓂᐊᕐᓂᓕᕆᔨᒃᑯᑦ:

  • ᐊᐅᓚᑦᑎᓗᑎᒃ ᐊᔾᔨᒌᒃᑎᑦᑎᓂᖅ ᐃᓕᓐᓂᐊᕐᓂᕐᒧᑦ ᐊᔪᐃᓐᓇᕆᐊᕈᑎᓂᑦ.
  • ᐊᐅᓚᑦᑎᓗᑎᒃ ᐃᓕᓐᓂᐊᑎᑦᓯᔩᑦ ᐊᖓᔪᖅᑳᖓᓂᑦ ᑐᓪᓕᐊᑕᓗ-ᐃᓕᓐᓂᐊᑎᑦᓯᔩᑦ ᐊᖓᔪᖅᑳᖓᑕ ᐱᔭᑦᓴᑖᖅᑎᑕᐅᓂᖓᓄᑦ ᐱᔭᑦᓴᑖᖅᑎᑕᐅᑲᓐᓂᕐᓂᖓᓄᓪᓗ ᑲᑎᒪᔨᓄᑦ.
  • ᐋᖅᑭᒃᓱᐃᓗᑎᒃ ᐱᖓᓱᓂᒃ ᐃᓕᓐᓂᐊᕐᕖᑦ ᐅᓪᓗᖅᓯᐅᑎᖏᓐᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐃᓚᒋᓗᒋᑦ, ᐱᒋᐊᕐᕕᖏᑦ ᐃᓱᓕᕝᕕᖏᓪᓗ ᐊᔾᔨᒌᙱᓪᓗᑎᒃ, ᓄᓇᓕᖕᓂ ᐃᓕᓐᓂᐊᖅᑐᓕᕆᔨᑦ ᓂᕈᐊᕐᓂᐊᖅᑕᖏᓐᓂᒃ.
  • ᓴᖅᑭᑎᑦᑎᓗᑎᒃ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐱᓕᕆᐊᖑᓂᐊᖅᑐᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᑕᐃᒪᐃᓕᐅᕈᒪᙱᒃᑯᑎᒃ.

ᐃᓕᓐᓂᐊᖅᑐᓕᕆᔨᒃᑯᑦ:     

  • ᑐᒃᓯᕋᕐᓗᑎᒃ ᓇᓗᓇᐃᖅᑕᐅᓯᒪᔪᓂᒃ ᐱᔨᑦᑎᕋᐅᑎᓂᒃ ᐊᒻᒪ ᖃᐅᔨᓴᕈᑎᓂᒃ, ᐅᑯᓂᖓᓗ ᐊᔾᔨᒌᒃᑎᑦᑎᓂᖅ ᐃᓕᓐᓂᐊᕐᓂᕐᒧᑦ ᐊᔪᐃᓐᓇᕆᐊᕈᑎᑦ ᐊᖓᔪᖅᑳᕆᔭᐅᔪᑦ ᐊᒻᒪ ᐃᓐᓇᐃᑦ ᐃᓕᓐᓂᐊᖅᑎᑦ ᑭᒡᒐᖅᑐᖅᖢᒋᑦ.
  • ᓇᓗᓇᐃᖅᓯᓕᕐᓗᑎᒃ ᐊᓯᖏᓐᓂᑦ ᐱᓕᕆᐊᖑᓇᔭᖅᑐᓂᑦ ᐃᓕᓐᓂᐊᕐᕕᐅᑉ ᐅᓪᓗᖅᓯᐅᑎᖓᓂᑦ, ᓄᓇᓕᖕᓂᑦ ᓯᕗᓪᓕᐅᔾᔭᐅᔪᒪᔪᑦ ᑐᙵᕕᒋᓪᓗᒋᑦ, ᐱᙱᑕᑐᐊᕆᓪᓗᒍ ᐃᓕᓴᐃᔩᑦ ᐱᕚᓪᓕᕈᑎᒃᓴᖏᓐᓄᑦ ᐅᓪᓗᐃᑦ.
  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐃᓕᓐᓂᐊᕐᕖᑦ ᐊᖓᔪᖅᑳᖏᓐᓂᒃ ᐊᔪᕆᖅᓲᔾᔨᓗᑎᒃ ᐃᓕᓐᓂᐊᕐᕕᖕᒥ ᐱᓕᕆᐊᖑᕙᒃᑐᑦ ᐊᒻᒪ ᓄᓇᓕᖕᓂ ᐱᓕᕆᐊᖑᕙᒃᑐᑦ ᐱᔾᔪᑎᒋᓪᓗᒋᑦ ᐃᓕᓐᓂᐊᕐᕕᖕᒥ ᐱᓕᕆᐊᖑᖃᑦᑕᖅᑐᓂᐅᙱᑦᑐᖅ.
  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᓯᕗᓪᓕᕐᒥᑦ ᓂᕈᐊᕐᓂᖃᕐᓂᐊᖅᑐᑦ ᐊᑐᐃᓐᓇᐅᑎᑦᓯᓂᕐᒥᑦ ᐃᓕᓐᓂᐊᕆᐅᖅᓴᔪᓕᕆᓂᕐᒧᑦ ᐱᓕᕆᐊᓂᑦ. ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐱᓕᕆᐊᒃᓴᓂᒃ ᓴᖅᑭᑎᑦᑎᔪᒪᔪᑦ ᓇᖕᒥᓂᖅ ᐱᓕᕆᐊᒃᓴᖅᑖᖅᑎᑦᑎᖃᑦᑕᕐᓂᐊᖅᑐᑦ ᓯᓚᑖᓃᑦᑐᓂᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐱᓕᕆᐊᒃᓴᖅᑖᖅᑎᑦᑎᔨᓂᑦ ᐊᑐᙱᓪᓗᑎᒃ.

ᐃᓕᓐᓂᐊᕐᕖᑦ ᐊᖓᔪᖅᑳᖏᑦ:

  • ᐊᑐᓕᖅᑎᑦᑎᓗᑎᒃ ᐊᔾᔨᒌᒃᑎᑦᑎᓂᖅ ᐃᓕᓐᓂᐊᕐᓂᕐᒥᒃ ᐊᒻᒪ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ ᑐᓴᖅᑎᑦᑎᓗᑎᒃ ᐊᑐᓕᖅᑎᑕᐅᔪᒥᑦ.
  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ ᐱᑎᑦᑎᕗᑦ ᖃᓄᐃᑉᐸᓪᓕᐊᓂᕐᒧᑦ ᐅᓂᒃᑳᓕᐊᓂᒃ ᐃᓕᓐᓂᐊᕐᕕᖕᒥ ᐱᓕᕆᐊᒃᓴᖅᑖᖅᑎᑦᑎᔪᓂᑦ ᑲᑎᒪᔨᓄᑦ ᐃᑲᔫᑕᐅᓪᓗᓂ ᓄᓇᓕᖕᓂ ᓯᕗᓪᓕᐅᔾᔭᐅᔪᒪᔪᓂᑦ ᑭᒡᒐᖅᑐᐃᔨᐅᓪᓗᑎᒃ.

ᐃᑲᔫᑕᐅᓪᓗᐊᑕᖅᑐᑦ:

  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑕ ᐊᒡᓚᕝᕕᓕᕆᔾᔪᑎᖏᑦ ᐊᒃᓱᕈᕐᓇᓗᐊᕈᓐᓃᕐᓗᑎᒃ.
  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐱᓕᕆᐊᖃᕐᓂᖅᓴᐅᓕᕐᓗᑎᒃ, ᓄᓇᓕᖕᓂ ᐊᐅᓚᑕᐅᔪᓂᑦ ᐱᓕᕆᐊᒃᓴᓂᑦ.
  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᑭᒡᒐᖅᑐᐃᒃᑲᓐᓂᕈᓐᓇᖅᓯᓗᑎᒃ ᓄᓇᓕᖕᒥᓂ.

ᒪᕐᕉᖕᓂᒃ ᐅᖃᐅᓯᓖᖕᓄᑦ ᐃᓕᓐᓂᐊᕐᓂᓕᕆᓂᖅ ᐊᒻᒪᓗ ᐅᖃᐅᓯᖅ ᐃᓕᓴᐃᔾᔪᑕᐅᓇᔭᖅᑐᖅ.

  • ᑐᑭᓯᓇᖅᑐᒥᑦ ᐸᕐᓇᐅᑎᓕᐅᕐᓗᑎᒃ ᖃᓄᖅᑑᕈᑎᓄᑦ ᐃᑲᔪᖅᑐᐃᓗᑎᒃ ᒪᕐᕉᖕᓂᒃ ᐅᖃᐅᓯᓕᖕᓄᑦ ᐃᓕᓐᓂᐊᕐᓂᓕᕆᓂᖅ ᐃᓱᓕᕝᕕᒃᓴᖏᑕ ᐅᖓᕙᕆᐊᖅᑕᐅᓂᖓᓄᑦ, ᐃᓕᓐᓂᐊᕐᓂᓕᕆᔨᒃᑯᑦ ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓂᕐᒧᑦ ᐱᕙᒌᔭᐅᑦ ᐃᓱᓕᕝᕕᒃᓴᖓᒪᓕᒡᓗᒍ.
  • ᐋᖅᑭᒃᓯᒪᔾᔪᑕᐅᔪᓂᒃ ᐃᓚᓕᐅᔾᔨᓗᑎᒃ ᓄᓇᕗᑦ ᒐᕙᒪᒃᑯᓐᓂ ᓴᖅᑭᑎᑦᑎᔪᓐᓇᖅᑎᑦᑎᓂᐊᖅᑐᓂᒃ ᐃᓄᒃᑐᑦ ᐃᓕᓐᓂᐊᖅᑎᑦᑎᔾᔪᑎᓂᒃ ᐃᓐᓄᒍᓐᓇᕐᓂᖏᑦ ᐃᑲᔫᑎᒃᓴᖏᓪᓗ ᐅᓄᖅᓯᒋᐊᖅᐸᑕ.
  • ᓄᑖᓂᒃ ᐊᓯᔾᔨᖅᐸᓪᓕᐊᔪᓄᑦ ᒪᕐᕉᖕᓂᒃ ᐅᖃᐅᓯᓕᖕᓄᑦ ᐃᓕᓐᓂᐊᖅᑎᑦᑎᔾᔪᑎᒃᓴᓂᒃ ᐋᖅᑭᒃᓱᐃᓗᑎᒃ ᐃᓄᒃᑐᑦ ᐅᖃᐅᓯᖓᒍᑦ ᐃᓕᓐᓂᐊᖅᑎᑦᑎᔾᔪᑎᑦ ᐱᑕᖃᓕᒃᑲᓐᓂᖁᓪᓗᒋᑦ.
  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᓂᕈᐊᕈᓐᓇᖅᑎᓪᓗᒋᑦ ᒪᕐᕉᖕᓂᒃ ᐅᖃᐅᓯᓕᖕᓄᑦ ᐃᓕᓐᓂᐊᖅᑎᑦᑎᔾᔪᑎᒃᓴᓂᒃ ᐃᑲᔪᖅᑐᖅᑕᐅᔪᓐᓇᕐᓗᓂ ᓄᓇᓕᖕᓂ ᐃᓕᓐᓂᐊᖅᑎᑦᑎᔪᓐᓇᖅᑐᓂᑦ.
  • ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᐊᒃᓴᖅᑖᖅᑎᑦᑎᔪᓐᓇᕐᓂᐊᖅᐳᑦ ᐅᖃᐅᓯᕐᒥᒃ ᐃᓕᓴᐃᔾᔪᑕᐅᕙᒃᑐᒥᑦ ᐊᒻᒪ ᐱᕕᒃᓴᖅᑖᖅᑎᑦᑎᔪᓐᓇᕐᓗᑎᒃ ᐊᑐᓂ ᐱᓕᕆᐊᒃᓴᖏᓐᓄᑦ ᐊᔪᙱᓐᓂᖏᑦ ᒪᓕᒡᓗᒋᑦ. ᖃᐅᔨᒪᓕᕐᓂᐊᕆᕗᑦ ᐃᓕᓐᓂᐊᖅᑎᑦᑎᔪᓐᓇᖅᑐᓂᑦ ᒪᕐᕉᖕᓂᒃ ᐅᖃᐅᓯᓕᖕᓄᑦ ᐃᓕᓐᓂᐊᕐᓂᕐᒧᑦ, ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ ᑐᒃᓯᕋᕈᓐᓇᖅᑎᑦᑎᓗᓂ ᓇᓗᓇᐃᔭᐃᖁᔨᓗᑎᒃ ᐃᓱᒪᓕᐅᕈᑕᐅᔪᒥᑦ ᓄᓇᓕᖕᓂ ᐃᓕᓐᓂᐊᖅᑎᑦᑎᔪᓐᓇᖅᑐᓂᑦ.
  • ᐃᓕᓐᓂᐊᕐᓂᓕᕆᔨᒃᑯᑦ ᐊᕐᕌᒍᑕᒫ ᐅᓂᒃᑳᓕᐅᖃᑦᑕᕐᓂᐊᖅᐳᑦ ᒪᕐᕉᖕᓂᒃ ᐅᖃᐅᓯᓕᖕᓄᑦ ᐃᓕᓐᓂᐊᕐᓂᕐᒧᑦ ᐊᑐᓕᖅᑎᑦᑎᔪᓂᑦ ᐊᑐᓂ ᓄᓇᓕᖕᓂ.
  • ᐱᖃᓯᐅᑎᓗᒍ ᑐᑭᖓ “ᒪᕐᕉᖕᓂᒃ ᐅᖃᐅᓯᓕᖕᓄᑦ ᐃᓕᓐᓂᐊᕐᓂᖅ” ᑐᑭᓯᓇᖅᓯᑎᒃᑲᓐᓂᕈᒪᓪᓗᒍ ᓯᕗᓪᓕᕐᒥ ᑐᕌᒐᕆᔭᐅᓚᐅᖅᑐᖅ ᐃᓄᐃᑦ ᐅᖃᐅᓯᖓᑕ ᓴᐳᒻᒥᔭᐅᓂᖓᓄᑦ ᐱᖁᔭᕐᒥ.

ᐃᑲᔫᑕᐅᓪᓗᐊᑕᖅᑐᑦ:

  • ᒪᓕᑦᑎᐊᓕᒃᑲᓐᓂᕐᓗᑎᒃ ᐃᓕᓐᓂᐊᕈᑎᒃᓴᖅᑖᖅᑎᑦᑎᓂᕐᒥᒃ ᐊᒻᒪ ᐅᖃᕈᓐᓇᑦᑎᐊᕐᓂᕐᒥᒃ.
  • ᐊᓯᔾᔨᕆᐊᕈᓐᓇᖅᓯᒃᑲᓐᓂᕐᓗᑎᒃ ᑲᒪᒋᔭᐅᖁᓪᓗᒍ ᐊᒻᒪ ᐋᖅᑭᒃᓯᓇᓱᒃᑎᓪᓗᒋᑦ ᐃᓄᒃᑐᑦ−ᐅᖃᐅᓯᓕᖕᓂᒃ ᐃᓕᓴᐃᔨᒃᓴᖃᑦᑎᐊᖃᑦᑕᙱᑦᑐᑦ.
  • ᐋᖅᑭᑦᑎᐊᖅᓯᒪᓗᑎᒃ ᐊᒻᒪ ᖃᐅᔨᓴᑦᑎᐊᖅᓯᒪᓗᑎᒃ ᐃᓕᓐᓂᐊᖅᑏᑦ ᖃᓄᐃᑉᐸᓪᓕᐊᓂᖏᓐᓂᒃ.
  • ᓇᓗᓇᐃᕈᑕᐅᓯᒪᔪᑦ−ᑐᙵᕕᒋᓗᒋᑦ ᐃᓱᒪᓕᐅᕈᑕᐅᔪᑦ ᐃᓕᓐᓂᐊᖅᑎᑦᑎᔪᑦ ᑎᑦᑕᑯᓗᖏᑦ ᐱᔾᔪᑎᒋᓪᓗᒋᑦ.

ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ

  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ ᓴᖅᑭᑎᑦᑎᓗᑎᒃ (DEAC), ᐃᒻᒥᒃᑰᕐᓗᑎᒃ ᐃᓕᓐᓂᐊᕐᓂᓕᕆᔨᒃᑯᓐᓂ.
  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ DEAC−ᑯᑦ ᑲᑎᒪᔨᒃᓴᖏᓐᓂᒃ ᓂᕈᐊᕐᓂᐊᖅᐳᑦ ᓇᖕᒥᓂᖅ ᓂᕈᐊᖅᓯᒪᔭᒥᓂᒃ ᑭᒡᒐᖅᑐᐃᔨᓂᒃ.
  • ᐃᒻᒥᒃᑰᖅᑐᑦ ᐃᓕᓐᓂᐊᖅᑐᓕᕆᔨᒃᑯᓐᓂ ᑲᑎᒪᔨᙳᖅᑐᑦ ᐃᓕᓐᓂᐊᖅᑎᑦᑎᔭᕆᐊᓖᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ, ᐃᑲᔪᖅᑕᐅᓗᑎᒃ ᐱᕙᓪᓕᐊᑎᑦᑎᔪᑦ ᐃᓕᓴᐃᔨᑦ ᑐᑭᓯᑎᑕᐅᕚᓪᓕᕐᓗᑎᒃ ᐱᓕᕆᐊᒃᓴᖏᓐᓂᒃ, ᐊᒻᒪ ᐃᓕᓐᓂᐊᕈᑎᒃᓴᓕᐅᕐᓗᑎᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐃᑲᔪᕐᓗᒋᑦ ᐱᓕᕆᐊᒃᓴᓕᐅᖅᑎᓪᓗᒋᑦ.
  • ᐃᒻᒥᒃᑰᖅᑐᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ ᑐᓂᓯᔭᕆᐊᓖᑦ ᐃᓅᖃᑎᒌᑦᑎᐊᕐᓂᕐᒥᒃ ᐊᒻᒪ ᑎᑎᕋᖅᑕᐅᓯᒪᔪᑦ ᐃᓕᓐᓂᐊᕆᐊᖅᐸᒃᑐᓪᓗ ᐊᑐᐊᒐᖏᓐᓂᒃ ᐱᖃᙱᑉᐸᑕ.
  • ᐃᓕᓐᓂᐊᕐᓂᓕᕆᔨᒃᑯᑦ ᐊᒻᒪ ᐃᒻᒥᒃᑰᖅᑐᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᓈᒻᒪᒃᓯᔭᕌᖓᑦ ᖃᐅᔨᒃᑲᐃᖃᑦᑕᕐᓂᐊᖅᐳᑦ ᐃᓕᓐᓂᐊᖅᑐᓕᕆᔾᔪᑎᐅᑉ ᐱᔾᔪᑎᖏᓐᓂᒃ.
  • ᐃᒻᒥᒃᑰᖅᑐᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐅᓂᒃᑳᓕᐊᓂᒃ ᑐᓂᓯᖃᑦᑕᕐᓂᐊᖅᐳᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᑐᒃᓯᕋᖅᑕᐅᔭᕌᖓᑦ.
  • ᐃᒻᒥᒃᑰᖅᑐᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᑖᕌᓂᒃᐸᑕ, ᓄᓇᕗᒻᒥ ᐃᓕᓐᓂᐊᖅᑐᓕᕆᔨᒃᑯᑦ ᐱᓕᕆᖃᑎᒌᖏᑦ ᒐᕙᒪᒃᑯᓐᓂ ᑮᓇᐅᔭᖅᑖᖅᑎᑕᐅᖃᑦᑕᔾᔮᙱᑉᐳᑦ.

ᐃᑲᔫᑕᐅᓪᓗᐊᑕᖅᑐᑦ:

  • ᐃᓚᒋᐊᕐᓗᒋᑦ ᐊᐅᓚᔾᔪᑎᓄᑦ ᐃᑲᔪᖅᑐᐃᔾᔪᑎᑦ ᐃᓕᓐᓂᐊᖅᑐᓕᕆᔨᒃᑯᓐᓄᑦ.
  • ᐅᓄᖅᓯᒋᐊᕐᓗᒋᑦ ᐃᖅᑲᓇᐃᔭᖅᑎᒃᓴᖅᓯᐅᕈᓐᓇᕐᓂᖏᑦ ᐱᓕᕆᐊᒃᓴᖅᑖᖅᑎᑦᑎᖁᓪᓗᒋᑦ.
  • ᓴᖅᑭᑎᑦᑎᓗᑎᒃ ᓂᐱᖃᕐᓂᖅᓴᐅᓂᐊᖅᑐᓂᒃ ᒪᓕᒐᓕᐅᕐᕕᖕᒥ.

ᓅᑕᐅᔪᓄᑦ ᒪᓕᒃᑕᐅᔭᕆᐊᓖᑦ

ᐃᓕᓐᓂᐊᕐᓂᓕᕆᔨᒃᑯᑦ:

  • ᒥᓂᔅᑕ ᐃᓕᓐᓂᐊᕐᓂᓕᕆᓂᕐᒧᑦ ᐋᖅᑭᒃᓱᐃᔪᓐᓇᖅᑎᓪᓗᒍ ᓅᑕᐅᔪᓄᑦ ᒪᓕᒃᑕᐅᔭᕆᐊᓕᖕᓂᒃ.

ᐃᑲᔫᑎᑦ:

  • ᐅᓄᖅᓯᒋᐊᕐᓗᒋᑦ ᐊᐅᓚᑦᑎᔾᔪᑎᑦ ᐊᓯᔾᔨᕆᐊᕈᓐᓇᕐᓂᖏᑦ.



ᑐᕌᒐᕆᔭᕗᑦ ᐅᖃᐅᓯᕆᓚᐅᕐᓚᕗᑦ ᐃᓕᓐᓂᐊᕐᓂᐅᑉ ᒥᒃᓵᓄᑦ
ᐃᑭᐊᖅᑭᕕᒃᑯᑦ: ourgoalsforeducation.ca
ᐃᕐᖐᓇᖅᑕᐅᒃᑯᑦ: info.edu@gov.nu.ca
ᑎᑎᖅᑲᒃᑯᕕᒃᑯᑦ:
Education Act Consultations,
Government of Nunavut,
PO Box 1000, Stn 900,
Iqaluit, NU X0A 0H0
ᐅᖃᐅᓯᒃᓴᓄᑦ ᑎᑎᕋᕐᕕᒃᓴᖅ: ᓄᓇᕗᒻᒥᐅᑦ ᑎᑎᕋᕐᕕᒃᓴᒥᒃ ᐊᐃᒃᖠᕈᓐᓇᖅᐳᑦ ᐊᒡᔭᖅᓯᔪᓐᓇᖅᖢᑎᒡᓗ ᓄᓇᓕᖕᓂ ᒐᕙᒪᒃᑯᑦ ᑐᓴᐅᒪᑎᑦᑎᔨᖓᓄᑦ ᐊᒻᒪ ᐃᓕᓐᓂᐊᕐᓂᓕᕆᔨᒃᑯᑦ ᑎᑎᕋᕐᕕᖓᓄᑦ.