ᐅᖃᓚᐅᑎᓯᐅᑏᑦ

You are here

ᒐᕙᒪᑐᖃᖅᑯᓐᓂᑦ ᑮᓇᐅᔭᑦ ᐊᑐᐃᓐᓇᐅᓕᖅᑐᑦ ᓄᓇᕗᒻᒥᐅᓄᑦ ᓄᓇᓕᖕᓄᑦ

ᐄᐳᕈ 07, 2014

ᐱᕙᓪᓕᐊᔪᑦ ᓴᖅᑭᑕᑦ

ᓴᖅᑭᑕᐅᑲᐅᑎᒋᔭᕆᐊᓕᒃ

ᒐᕙᒪᑐᖃᖅᑯᓐᓂᑦ ᑮᓇᐅᔭᑦ ᐊᑐᐃᓐᓇᐅᓕᖅᑐᑦ ᓄᓇᕗᒻᒥᐅᓄᑦ ᓄᓇᓕᖕᓄᑦ

ᑲᓇᑕᐅᑉ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᑦ ᐃᑲᔪᖅᑐᐃᕙᒃᐳᑦ ᓄᓇᓕᖕᓂᑦ ᐋᖅᑭᐅᒪᓂᖕᒧᑦ ᓯᕗᓪᓕᐅᔾᔭᐅᔭᕆᐊᓕᖕᓂᑦ ᓄᓇᕗᓕᒫᒥᑦ.

ᐄᑉᕈ 7, 2014 ᐃᖃᓗᐃᑦ, ᓄᓇᕗᑦ

 

ᒪᓕᒐᓕᐅᕐᕕᒃᔪᐊᖕᒥᐅᑕᖅ ᓕᐅᓇ ᐊᒡᓘᒃᑲᖅ, ᒥᓂᔅᑕᒋᔭᖅ ᐊᕙᑎᓕᕆᔨᒃᑯᓐᓄᑦ, ᒥᓂᔅᑕ ᑲᓇᑕᒥ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᔨᒃᑯᓐᓄᑦ, ᒥᓂᔅᑕ ᐅᑭᐅᖅᑕᖅᑐᒥ ᑲᑎᒪᔨᖏᓐᓄᑦ ᐊᒻᒪᓗ ᐃᓚᒋᔭᐅᔪᖅ ᒪᓕᒐᓕᐅᕐᕕᒃᔪᐊᒥ ᓄᓇᕗᒻᒥᑦ ᐊᒻᒪᓗ ᒪᓕᒐᓕᐅᖅᑎ ᑖᒻ ᓴᒻᒧᖅᑐᖅ, ᓄᓇᕗ ᒐᕙᒪᒃᑯᖏᓐᓄᑦ ᒥᓂᔅᑕᐅᔪᖅ ᓄᓇᓕᖕᓂᑦ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ, ᖁᕕᐊᓲᑎᖃᖅᑲᐅᕘᒃ ᐅᓪᓗᒥ ᐊᖏᕈᑎᒥ ᓄᑖᙳᕆᐊᖅᑕᐅᓂᖓᓂ ᒐᕙᒪᑐᖃᖅᑯᑦ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᓐᓂᑦ ᓇᓗᓇᙱᔾᔫᒥᔪᒥ, ᐅᓗᕆᐊᓇᙱᑦᑐᓂᑦ ᑮᓇᐅᔭᖃᕈᓐᓇᖁᓪᓗᒋᑦ ᑭᒃᑯᓕᒫᓄᑦ ᐋᖅᑭᐅᒪᓂᖏᓐᓄᑦ ᓄᓇᕗᓕᒫᒥᑦ.

ᒐᕙᒪᑐᖃᖅᑯᑦ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᑦ ᕼᐋᒻᓚᐅᔪᓂᑦ ᑮᓇᐅᔭᖃᖅᑎᑦᑎᕙᒃᐳᑦ ᐱᓕᕆᐊᒃᓴᓄᑦ ᓄᓇᓕᖏᑦᑕ ᐱᔭᕆᐊᓕᖏᓐᓂᑦ ᓯᕗᓪᓕᐅᔾᔭᐅᔭᕆᐊᓕᖁᑎᖏᓐᓂᒃᓗ. ᑖᓐᓇ ᓄᑖᙳᕆᐊᖅᓯᒪᔪᖅ ᐊᖏᕈᑎ ᐊᐅᓚᑦᑎᕗᖅ ᒐᕙᒪᑐᖃᖅᑯᑦ ᑮᓇᐅᔭᖁᑎᖏᑦᑕ ᐃᖏᕐᕋᓂᖏᓐᓂᑦ ᐊᕕᒃᑐᖅᓯᒪᔪᓕᒫᓄᑦ ᑲᓇᑕᒥ ᐊᕐᕌᒍᓄᑦ ᖁᓕᓄᑦ, 2014-15-ᒥᑦ 2023-24-ᒧᑦ.

2006-ᒥᓂᓂᑦ, ᐱᐅᓯᒋᐊᖅᓯᒪᕚᓪᓕᖅᑕᐅᓚᐅᖅᐳᑦ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᑦ; ᐅᐃᒍᒋᐊᖅᑕᐅᓯᒪᓕᖅᐳᑦ, ᒪᕐᕈᐃᓕᕆᐊᖅᑕᐅᓯᒪᓪᓗᑎᒃ, ᐋᖅᑭᒃᓱᖅᓯᒪᑦᑎᐊᓕᖅᖢᑎᒃᓗ ᐊᒻᒪᓗ ᑕᐃᒪᐃᖏᓐᓇᖅᑐᒃᓴᐅᑕᐅᓪᓗᓂ. ᑕᒪᒃᑯᐊᓗ ᓇᓗᓇᐃᖅᑕᐅᑦᑎᐊᖅᓯᒪᓕᕐᓗᑎᒃ ᐊᖏᕈᑕᐅᓯᒪᔪᑦ ᒪᓕᒐᓕᐅᖕᓂᒃᑯᑦ, ᐊᕕᒃᑐᖅᓯᒪᔪᑦ ᕼᐋᒻᓚᐅᔪᓪᓗ ᐱᔪᓐᓇᑦᑎᐊᖕᓂᐊᖅᐳᑦ ᑲᔪᓯᑦᑎᐊᕐᑐᓂᑦ ᑮᓇᐅᔭᓂ ᑲᒪᔪᓐᓇᖁᓪᓗᒋᑦ ᕼᐋᒻᓚᐃᑦ ᐋᖅᑭᐅᒪᓂᖏᑦᑕ ᐱᔭᕆᐊᖃᖕᓂᖏᓐᓂᑦ ᓯᕗᓪᓕᐅᔾᔭᐅᔭᕆᐊᓕᖏᓐᓂᒃᓗ.

ᓄᑖᒥ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᓐᓂᑦ, ᓄᓇᕗᑦ ᑲᒪᒋᔭᖃᐃᓐᓇᖕᓂᐊᖅᐳᑦ ᐋᖅᑭᐅᒪᔭᕆᐊᓖᑦ ᓯᕗᓪᓕᐅᔾᔭᐅᔭᕆᐊᓖᑦ ᐃᒪᐃᑦ, ᑯᕕᖅᑕᖕᓃᑦ, ᐊᒃᑕᑯᐃᑦ ᐊᒻᒪᓗ ᐃᒡᓗᔪᐊᖁᑎᒋᔭᕆᐊᓕᑎᒃ.

ᑕᒪᑐᒪᓂ ᐊᖏᕈᑎᒥᑦ ᑲᓇᑕᐅᑉ ᒐᕙᒪᒃᑯᖏᑦ ᑲᔪᓯᑦᑎᐊᖕᓂᖕᒥᑦ ᑭᓗᒃᓗᒐᓂ ᓅᑎᕆᓇᓱᐊᖅᐳᑦ ᓄᑖᒥ ᑲᓇᑕᓕᐅᖕᓂᖕᒧᑦ ᐸᖕᓇᐅᑎᒥᑦ, ᐊᑯᓂᐅᓂᖅᐹᖅ ᐊᖏᓛᖑᓪᓗᓂᓗ ᒐᕙᒪᑐᖃᖅᑯᑦ ᐊᖏᕈᑎᒋᓯᒪᔭᖏᑦ ᐱᙱᖕᓇᐃᔭᐃᓂᖕᓂᑦ ᑲᓇᑕᐅᑉ ᑭᒃᑯᓕᒫᓄᑦ ᐋᖅᑭᐅᒪᔾᔪᑎᖏᓐᓂ ᑲᓇᑕᑉᑕ ᖃᓄᐃᓕᐅᖕᓂᖏᓐᓂᑦ .

ᓱᓕᔪᑦ

• ᑲᓇᑕᐅᑉ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᑦ ᑐᓂᓯᓯᒪᓕᖅᐳᑉ $13 ᐱᓕᐊᓐᓂᒃ ᑲᓇᑕᐅᑉ ᓄᓇᓕᖁᑎᖏᓐᓄᑦ ᐅᓪᓗᒥᒧᑦ. ᑖᒃᑯᐊ ᐊᑐᓪᓗᐊᖅᖢᑎᒃ ᐊᕐᕌᒍᓄᑦ ᖁᓕᓄᑦ ᑖᒃᑯᐊ ᓄᑖᒥ ᑲᓇᑕᓕᐅᖕᓂᖕᒧᑦ ᐸᖕᓇᐅᑎᒥᑦ 2014-ᒥᑦ 2024-ᒧᑦ, ᑖᓐᓇ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᑦ ᑐᓂᓯᓂᐊᖅᐳᑦ $22 ᐱᓕᐊᓐᑲᓴᖕᓂᑦ ᕼᐋᒻᓚᐅᔪᓄᑦ.

• ᑲᑎᖦᖢᒋᑦ, ᑖᒃᑯᐊ ᓄᑖᒥ ᑲᓇᑕᓕᐅᖕᓂᖕᒧᑦ ᐸᖕᓇᐅᑎᒥᑦ ᑐᓂᓯᓂᐊᖅᑐᑦ $53 ᐱᓕᐊᓐᓂᒃ ᓄᓇᓕᓕᒫᓄᑦ ᑲᓇᑕᒥ ᐊᕐᕌᒍᓄᑦ ᖁᓕᓄᑦ. ᓄᓇᕗᒻᒧᓪᓕ, ᐃᒻᒪᖄ ᒫᓃ $419 ᒥᓕᐊᓐᓃᓐᓂᐊᖅᑐᑦ ᑐᕌᖅᑎᑕᐅᔪ ᒐᕙᒪᑐᖃᖅᑯᑦ ᑮᓇᐅᔭᖏᓐᓂᑦ, ᐃᓚᖃᖅᖢᓂ $256 ᒥᓕᐊᓐ ᐅᖓᑖᓄᑦ ᑕᒡᕙᖓᑦ ᓄᑖᒥ ᑲᓇᑕᓕᐅᖕᓂᖕᒧᑦ ᑮᓇᐅᔭᓂᑦ ᐊᒻᒪᓗ ᓇᓚᐅᑦᑖᖅᑕᐅᓯᒪᔪᖅ $163 ᒥᓕᐊᓐ ᑖᒃᑯᓇᖓᑦ ᒐᕙᒪᑐᖃᖅᑯᑦ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᓐᓂᑦ*.

• ᐊᕕᒃᑐᖅᓯᒪᔪᐃᑦ ᐊᑲᐅᓈᕈᑎᓂᐊᕆᕗᑦ ᑲᓇᑕᐅᑉ ᒐᕙᒪᒃᑯᖏᑦᑕ ᑮᓇᐅᔭᖏᓐᓄᑦ ᐱᓕᕆᐊᖑᔪᓄ: o $4 ᐱᓕᐊᓐ ᐊᑐᐃᓐᓇᐅᔪᑦ ᑲᓇᑕᓕᒫᒥᑦ ᐱᓕᕆᐊᒃᓴᓄᑦ ᑲᓇᑕᒥ ᐱᓪᓚᕆᐅᔪᓄᑦ,

o $1.25 ᐱᓕᐊᓐᑲᓐᓂᖕᓂᑦ ᐊᑐᐃᓐᓇᐅᔪᑦ ᑖᒃᑯᓇᙵᑦ P3-ᑯᑎᒍᑦ ᐱᓕᕆᐊᒃᓴᐃᑦ ,

o $10.4 ᐱᓕᐊᓐᓂ ᐅᑎᖅᑎᑕᐅᓂᒃᑯᑦ ᐱᖁᑎᓄᑦ ᑖᒃᓰᔭᐃᔾᔪᑎᑦ, ᕼᐋᒻᓚᐅᔪᓂᑦ ᐱᖃᖅᑲᓐᓂᕈᑕᐅᓲᖅ ᐋᖅᑭᐅᒪᔾᔪᑎᖏᓐᓄᑦ ᓯᕗᓪᓕᖅᐸᐅᔭᕆᐊᓕᖁᑎᖏᓐᓄᑦ

• ᑲᑎᖦᖢᒋᑦ 46-ᖑᔪᑦ ᐊᑲᐅᓈᕈᑎᓕᓚᐅᕆᕗᑦ ᑕᒡᕙᙵᑦ ᑮᓇᐅᔭᒥᑦ ᑭᖑᓪᓕᖅᐹᒥ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᑦ ᐊᖏᕈᑕᐅᓚᐅᖅᑐᒥᑦ ᓄᓇᕗᒻᒥᑦ.

• ᐆᒃᑑᑎᒋᓗᒍ, ᑖᒃᑯᐊ ᒐᕙᒪᑐᖃᒃᑯᑦ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᑦ ᐃᑲᔪᖅᓯᓚᐅᖅᐳᑦ ᐱᓕᕆᐊᓂᒃ ᒪᑯᓂᖓ:

 

*ᖃᐅᔨᒪᔭᐅᓕ: ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᑦ ᐱᔪᓐᓇᖕᓂᖃᕐᕕᖏᑎᒍᑦ ᐊᕐᕌᒍᓄᑦ ᓯᕗᓪᓕᕐᓄᑦ ᑕᓪᓕᒪᓄᑦ (2014-2019) ᒪᓕᒃᖢᑎᒃ 2011-ᒥᑦ ᓇᐃᓴᐃᔾᔪᑎᕕᓂᖕᓂ. ᑖᒃᓰᔭᕈᑎᕕᓂᖕᓄᑦ ᑮᓇᐅᔭᑦ 2019-2024-ᒧᑦ ᒪᓕᖕᓂᐊᖅᑐᑦ 2016-ᒥᑦ ᓇᐃᔭᐃᔾᔪᑎᕕᓂᖕᓂ. ᑕᑯᔭᒃᓴᐅᖁᓪᓗᒋᑦ, 2011-ᒨᖓᔪᑦ ᐊᑐᖅᑕᐅᓚᐅᖅᐳᑦ ᑕᒪᐃᓐᓄᑦ ᐊᕐᕌᒍᓄᑦ ᖁᓕᓅᖓᔪᓄᑦ. ᐋᖅᑭᒃᓱᖅᑕᐅᓯᒪᓂᖏᓐᓄᑦ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓂ, ᑮᓇᐅᔭᑦ 2019-2024-ᒧᑦ ᓂᕆᐅᒋᔭᐅᕗᑦ ᐊᔾᔨᓪᓗᐊᑕᕆᔭᐅᓂᐊᕋᓱᒋᔭᐅᓪᓗᑎᒃ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᑦᑕ ᑮᓇᐅᔭᖏᑦ ᐊᕐᕌᒍᓄᑦ ᓯᕗᓪᓕᕐᓄᑦ ᑕᓪᓕᒪᓄᑦ .

o ᖃᒪᓂ’ᑐᐊᒥᑦ ᐃᒥᖅᑕᖅᕕᐊ - ᓄᑖᒥ ᐃᒥᖅᑕᕐᕕᒃᑖᓚᐅᖅᐳᑦ ᐃᒥᖅᑕᖅᑕᐅᑦᑎᐊᖃᑦᑕᖁᓪᓗᒋᑦ ᐊᒻᒪᓗ ᐱᓕᕆᑯᑖᖕᓇᕈᓐᓃᖅᖢᓂ ᐃᒥᖅᑕᖅᑕᐅᓂᖕᓂᑦ. ᑕᒪᓐᓇ ᐱᓕᕆᐊ ᐱᐅᓯᕚᓪᓕᕈᑕᐅᓚᐅᖅᐳᖅ ᕼᐋᒻᓚᑦᑯᑦ ᐱᔨᑦᑎᖕᓂᖏᓐᓂᑦ ᐃᑭᑦᑕᐃᓕᒪᓂᖏᓐᓄᓪᓗ ᓄᓇᓕᖏᓐᓂᑦ.

o ᐃᑲᓗᒃᑑᑦᐊᖅ ᐊᒃᑕᕐᕕᐊ - ᑖᓐᓇ ᓄᑖᖅ ᓄᓇᓕᖕᓂᑦ ᐱᐅᓯᕚᓪᓕᕈᑕᐅᕗᖅ ᐊᒃᑕᕐᕕᐊᓂ. ᓄᓇᓖᑦ ᐊᒃᑕᑯᓄᑦ ᐊᐅᓚᑦᑎᖃᑕᐅᓕᕐᑐᑦ ᐊᒻᒪᓗ ᐱᒋᐊᖅᓯᒪᓕᕐᖢᑎᒃ ᐊᑐᒃᑲᓐᓂᕐᑎᑦᑎᓂᖕᓂᑦ.

ᐅᖃᐅᓯᐅᓯᒪᔪᑦ

"ᒐᕙᒪᕗᑦ ᐊᖏᖅᓯᒪᓂᖏᑦᖏ ᐅᑭᐅᖅᑕᖅᑑᑉ ᓄᓇᓕᖏᓐᓄᑦ ᓴᙱᓂᖅᐹᖑᓯᒪᕗᖅ. ᐊᑐᖅᑕᐅᓚᐅᖅᓯᒪᙱᑦᑐᑎᒍᑦ ᑮᓇᐅᔭᑎᒍᑦ ᐃᑲᔪᖅᑐᐃᓂᖕᓂᑦ ᑭᒃᑯᓕᒫᑦ ᐋᖅᑭᐅᒪᔾᔪᑎᒃᓴᖏᓐᓄᑦ, ᑖᒃᑯᐊ ᓄᓇᓖᑦ ᓄᓇᕗᒻᒥᑦ ᐊᒻᒪᓗ ᑲᓇᑕᓕᒫᒥ ᐱᐅᓛᓂᑦ ᐃᓅᓯᖃᑦᑎᐊᕈᓐᓇᖁᓪᓗᒋᑦ, ᓄᑖᓂᒃᓗ ᐱᕙᓪᓕᐊᔪᓂᒃ ᐊᑐᐃᓐᓇᐅᔪᓂ ᐊᒻᒪᓗ ᐊᑦᑕᖕᓇᖏᑦᑐᒃᑯᑦ ᖃᓄᐃᙱᑦᑎᐊᖅᓂᒃᑯ ᐊᕙᑎᖃᖁᓪᓗᒋᑦ"

ᒪᓕᒐᓕᐅᕐᕕᒃᔪᐊᖕᒥᐅᑕᖅ ᓕᐅᓇ ᐊᒡᓘᒃᑲᖅ, ᒥᓂᔅᑕᒋᔭᖅ ᐊᕙᑎᓕᕆᔨᒃᑯᓐᓄᑦ, ᒥᓂᔅᑕ ᑲᓇᑕᒥ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᔨᒃᑯᓐᓄᑦ, ᒥᓂᔅᑕ ᐅᑭᐅᖅᑕᖅᑐᒥ ᑲᑎᒪᔨᖏᓐᓄᑦ ᐊᒻᒪᓗ ᐃᓚᒋᔭᐅᔪᖅ ᒪᓕᒐᓕᐅᕐᕕᒃᔪᐊᒥ ᓄᓇᕗᒻᒥᑦ

ᑭᒡᒐᖅᑐᐃᓪᓗᓂ

ᒪᓕᒐᓕᐅᖅᑎᒥ ᑕᓂᔅ ᓕᐳ

ᒥᓂᔅᑕᐅᑉ ᐋᖅᑭᐅᒪᔪᓕᕆᔨᒃᑯᑦ, ᓄᓇᓕᖕᓂᑦ ᒐᕙᒪᓕᕆᔨᒃᑯᓪᓗ ᐊᒻᒪ

ᒥᓂᔅᑕ ᐱᕙᓪᓕᐊᔪᓕᕆᔨᒃᑯᓐᓄᑦ ᑲᓇᑕᒥ ᑯᐃᐸᒃ ᐊᕕᒃᑐᖅᓯᒪᔭᖏᓐᓄᑦ

"ᐱᐅᓯᕚᓪᓕᖅᑎᑦᑎᓂᖅ ᑭᒃᑯᓕᒫᓄᑦ ᐋᖅᑭᐅᒪᓂᖕᓄᑦ ᓄᓇᑦᑎᓐᓂᑦ ᐱᒻᒪᕆᐊᓘᕗᖅ ᓄᓇᕗ ᒐᕙᒪᒃᑯᖏᓐᓄᑦ. ᐱᕙᓪᓕᐊᓕᖅᑎᓪᓗᒋᑦ ᐱᕙᓪᓕᐊᓂᓕᕆᓂᖅ ᓄᓇᕗᓕᒫᒥᑦ, ᓄᓇᓕᖁᑎᕗᑦ ᐱᕈᖅᐸᓪᓕᐊᓕᖕᒪᑕ ᐊᒻᒪᓗ ᐱᐅᓯᕚᓪᓕᖃᑦᑕᕆᐊᖃᖅᖢᑎᒃ ᐋᖅᑭᐅᒪᔾᔪᑎᖏᑦ ᓲᕐᓗ ᐃᒪᑦ, ᑯᕕᖅᑕᖅᑕᐅᓃᑦ ᐊᒃᑕᖅᑕᐅᓃᓪᓗ ᐊᖑᒻᒪᑎᖁᓪᓗᒋ ᐱᕈᖅᐸᓪᓕᐊᓂᖏᓐᓄᑦ. ᑖᓐᓇ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᑦ ᐊᖏᕈᑖ ᐱᔭᕆᐊᖃᒻᒪᕆᒋᔭᐅᔪᓂᑦ ᐋᖅᑭᐅᒪᔾᔪᑎᒃᓴᓄᑦ ᐊᑐᖅᑕᐅᔪᓐᓇᖕᓂᐊᖅᑐᑦ ᓄᓇᕗᓕᒫᒥ."

ᒪᓕᒐᓕᐅᖅᑎ ᑖᒻ ᓴᒻᒧᖅᑐᖅ

ᒥᓂ"ᑕ ᓄᓇᓕᖕᓄᑦ ᒐᕙᒪᒃᑯᓐᓄᓪᓗ ᐱᔨᑦᑎᕋᖅᑎᒃᑯᓐᓄᑦ ᓄᓇᕗ ᒐᕙᒪᒃᑯᖏᑦ

ᑲᓱᕐᕖᑦ ᐱᓕᕆᖃᑎᒋᔭᐅᔪᓄᑦ

ᖃᐅᔨᒋᐊᒃᑲᓐᓂᕈᒪᒍᕕᑦ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᑦ ᐅᕗᙵᐅᓗᑎᑦ: http://www.infrastructure.gc.ca/prog/index-eng.html

ᑕᑯᓗᒍ ᓄᑖᖅ ᑲᓇᑕᒥ-ᓄᓇᕗᒻᒥᑦ ᒐᕙᒪᑐᖃᖅᑯᑦ ᐅᖅᓱᕐᒧᑦ ᑖᒃᓰᔭᕈᑕᐅᕙᒃᑐᓄᑦ ᑮᓇᐅᔭᖏᑦᑕ ᐊᖏᕈᑖ ᐅᕙᓂ: http://www.infrastructure.gc.ca/prog/agreements-ententes/gtf-fte/2014-nu...

- 30 -

ᑐᑭᓯᒋᐊᕐᕖᑦ

ᕕᓐᓴᓐᑦ ᕋᐹᑦ

ᐱᕙᓪᓕᐊᔪᓕᕆᓂᖕᓄᑦ ᑎᑎᖃᖅᑎ

ᑎᑎᕋᕐᕕᐊᓂᑦ ᒥᓂᔅᑕᐅᑉ ᐋᖅᑭᐅᒪᔪᓕᕆᔨᒃᑯᑦ, ᓄᓇᓕᖕᓂᑦ ᒐᕙᒪᓕᕆᔨᒃᑯᓪᓗ ᐊᒻᒪ

ᒥᓂᔅᑕ ᐱᕙᓪᓕᐊᔪᓕᕆᔨᒃᑯᓐᓄᑦ ᑲᓇᑕᒥ ᑯᐃᐸᒃ ᐊᕕᒃᑐᖅᓯᒪᔭᖏᓐᓄᑦ

613-943-1838

 

ᕼᐃᓗᕆ ᑲᐃᓯ

ᑐᓴᒐᒃᓴᓕᕆᔨ

ᓄᓇᓕᖕᓂᑦ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᓄᓇᕗ ᒐᕙᒪᒃᑯᖏᑦ

867-975-5342

hcasey@gov.nu.ca

 

ᑲᓇᑕᒥᑦ ᐋᖅᑭᐅᒪᔪᓕᕆᔨᒃᑯᑦ

613-960-9251

ᐊᑭᖃᙱᑦᑐᒃᑯᑦ: 1-877-250-7154

media@infc.gc.ca

ᑐᐃᑐᒃᑯᑦ ᒪᓕᒐᒃᓴᑦ ᐅᕘᓇ @INFC_eng