ᐅᖃᓚᐅᑎᓯᐅᑏᑦ

You are here

ᓄᓇᕗᒥᑦ ᐃᒡᓗᓕᕆᔨᔪᐊᒃᑯᑦ ᓄᑖᖑᕗᖅ ᓯᕗᓪᓕᖅᑎᐅᓂᕐᒧᑦ

ᒫᑦᓯ 24, 2014

ᐱᕙᓪᓕᐊᔪᑦ ᓴᖅᑭᑎᑕᖅ

ᓴᖅᑭᑕᐅᑲᑎᒋᓇᓱᒃᑐᖅ

ᓄᓇᕗᒥᑦ ᐃᒡᓗᓕᕆᔨᔪᐊᒃᑯᑦ ᓄᑖᖑᕗᖅ ᓯᕗᓪᓕᖅᑎᐅᓂᕐᒧᑦ

ᐃᖃᓗᐃᑦ, ᓄᓇᕗᑦ (ᒫᔾᔨ 24, 2014-ᒥᑦ) - ᑲᑎᒪᔨᖏᑦ ᐊᓯᔾᔨᕐᒪᑕ ᓯᕗᓕᖅᑎᖏᑦ ᓄᓇᕗᒥᑦ ᐃᒡᓗᓕᕆᔨᕐᔪᐊᒃᑯᑦ ᒥᓂᔅᑕ ᔪᐊᔾ ᑯᒃᓱᒃ ᐅᓪᓗᒥᑦ ᐅᓐᓂᖅᓯᐅᐳᖅ, ᐊᕐᕕᐊᕐᒥᐅᑕᖅ ᐹᑉ ᓚᓄᑦ ᓂᕈᐊᖅᑕᐅᓗᓂ, ᐃᒃᓯᕙᐅᑕᐅᓂᕐᒧᑦ.

ᓚᓄᑦ, 2013-ᒥᑦ ᑲᑎᒪᔨᓄᑦ ᓂᕈᐊᖅᑕᐅᑲᓐᓂᓚᐅᖅᑐᖅ, ᑭᖑᕝᕕᖅᖢᓂᐅᒃ ᔫᔨ ᓕᑉᓯ Thunday Bay-ᒥᐅᑕᖅᓴᔭ, ᐊᓐᑎᐅᕆᔭᐅ, ᐅᑐᑉᐱᕆ 2014-ᒥᒃ ᐃᓱᓕᕐᕕᖃᖅᖢᓂ.

"ᐊᔪᕈᓐᓃᕋᖓᒥᒃ, ᐅᑭᐅᖅᑕᖅᑐᒥᐅᓄᑦ ᓯᕗᓪᓕᖅᑎᖁᔨᓲᖑᒐᑦᑕᑦ ᑭᒃᑯᑐᐃᓐᓇᕐᓄᑦ ᑭᒡᒐᖅᑐᐃᔪᓂᒃ,’ ᒥᓂᔅᑕ ᑭᒃᓱᒃ ᐅᖃᖅᐳᖅ. ᓚᓄᑦ ᐱᔪᓐᓇᕐᓂᖏᓐᓂᒃ ᐊᑐᓲᖑᕗᖅ ᐱᓕᕆᐊᖃᖃᑦᑕᕐᓂᑰᓪᓗᓂ ᑲᑎᒪᔨᓄᑦ ᐃᒃᓯᕙᐅᑕᐅᓂᕐᒧᑦ ᓄᓇᕗᒥᐅᑕᓲᔭᖅᖢᓂᓗ ᓄᓇᖓᓐᓂᒡᓗ ᐱᒻᒪᕆᒋᔭᐅᓗᓂ."

ᓚᓄᑦ, ᓄᓇᕘᒥ ᐱᒋᐊᖅᑎᑦᑎᔨᐅᓗᓂᓐ ᐃᒡᓗᓕᕆᔨᕐᔪᐊᒃᑯᓐᓂ ᑲᑎᒪᔨᓂᒃ ᐊᒻᒪᓗ ᐊᒻᒪ ᐊᕐᕕᐊᓂᒃ ᒪᐃᔫᓪᓗᓂ, ᐃᒡᓗᓕᐅᕐᓂᕐᒧᑦ ᐱᓕᕆᕕᖕᒥ ᐊᕐᕌᒍᓄᑦ 30-ᓄᑦ ᐱᓕᕆᓚᐅᖅᓯᒪᓂᑯᔪᖅ. ᖃᐅᔨᒪᓂᖃᓪᓚᒃᐳᖅ ᐱᓇᓱᐊᕐᓂᕐᒥᒃ, ᐃᖅᑲᓇᐃᔭᖃᑎᖃᕐᓂᑰᓪᓗᓂ ᓄᓇᓖᖕᓂᒃ ᐊᓯᖏᓐᓂᒡᓗ ᓇᖕᒥᓂᕆᔭᐅᔪᓂᒃ ᐊᔾᔨᒌᖏᑦᑐᒥᒃ ᑎᒥᐅᔪᓂᒃ ᑭᒃᑯᑐᐃᓐᓇᕐᓄᓗ ᐱᖁᔭᖏᓐᓂᒃ.

"ᓄᓇᕗᒥᑦ ᐃᒡᓗᓕᕆᔨᕐᔪᐊᒃᑯᓐᓄᑦ ᐱᔨᑦᑎᓚᐅᕐᓂᕐᒥᓂᒃ ᖁᔭᓕᔪᒪᕗᖓ ᓕᓯᒥᒃ ᐊᒻᒪ ᖁᓚᖏᑦᑎᐊᖅᑐᖓ ᐱᓕᕆᐊᕆᖃᑦᑕᓂᑯᖏᑦ ᐊᑐᕐᓗᓂᒋᑦ ᐱᔨᑦᑎᓐᓇᕐᓂᐊᖅᑐᖅ ᐱᓇᓱᐊᖅᑕᒥᓂᒃ," ᒥᓂᔅᑕ ᑯᒃᓱᒃ ᐅᖃᖅᐳᖅ. "ᓄᓇᕗᒥᑦ ᐃᒡᓗᓕᕆᔨᕐᔪᐊᒃᑯᑦ ᐊᐅᓚᑦᑎᓂᕆᔭᖓᓂᒃ ᐱᓕᕆᖃᑦᑕᕐᓂᑰᔪᖅ ᐃᑲᔫᑎᑦᑎᐊᖅᖢᓂᓗ ᐃᓕᓴᕆᔨᐅᓗᓂ ᑲᑎᒪᔩᑦ ᓯᕗᓪᓕᕐᒥᒃ ᑲᑎᓚᐅᖅᓯᒪᑎᓪᓗᒋᑦ.

ᓯᕗᓪᓕᕐᒥᒃ ᐃᒃᓯᕙᐅᑕᐅᓚᖅᓯᒪᔪᖅ ᓂᕈᐊᖅᑕᐅᓗᓂ ᑲᑎᒪᔨᓄᑦ 2011 ᔫᔩᓐ ᓕᓯ.

ᒪᓕᒡᓗᒍ ᓄᓇᕗᒥᑦ ᐃᒡᓗᓕᕆᔨᕐᔪᐊᒃᑯᑦ ᐱᖁᔭᖓᓂᒃ, ᑲᑎᒪᔨᑦ ᐃᓱᒪᖅᓯᐅᕈᑎᒋᔭᐅᕗᑦ ᒥᓂᔅᑕᒥᒃ ᐊᒻᒪ ᓂᕈᐊᕐᓗᑎᒃ ᑲᑎᒪᔨᖓᓂᒃ. ᑎᑎᕋᕐᕕᖕᒥᑦ ᐱᔭᒃᓴᖃᖅᐳᖅ ᑲᑎᒪᔨ, ᐃᓱᓕᕝᕕᖃᓗᓂ ᐊᕐᕌᒍᓂᒃ ᐱᖓᓂᒃ ᑲᑎᒪᔨᐅᓂᕐᒥᓂᒃ.

###

ᐱᕙᓪᓕᐊᔪᑦ ᓴᖅᑭᑎᑕᖅ

ᐅᖃᖃᑎᒌᔪᓐᓇᖅᑕᑦ:

ᑎᒨᑎ ᑲᔪᖅ

ᐊᐅᓚᑦᓯᔨ, ᐊᑐᐊᒐᓕᕆᓂᕐᒧᑦ ᐸᕐᓇᐃᓂᕐᒧᓪᓗ

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ

867-975-7200 ᐃᓪᓛᑯᑦ 7207

tbrown@gov.nu.ca