ᐅᖃᓚᐅᑎᓯᐅᑏᑦ

You are here

ᐱᑖᖁᔨᓇᔭᕐᓂᖅ ᒫᓐᓇ ᒪᑐᐃᙶᓕᖅᐳᖅ ᐱᙳᐊᖅᑐᓕᕆᓂᕐᒧᑦ ᑐᓐᓂᖅᑯᑕᐅᕙᒃᑐᓂᒃ ᐃᓕᓐᓂᐊᕈᑕᐅᔪᓐᓇᓕᖅᐸᒃᑐᓂᒡᓗ ᑮᓇᐅᔭᓂᒃ

ᒪᐃ 23, 2014

ᑭᒃᑯᑐᐃᓐᓇᓂᒃ ᐱᔨᑦᑎᕋᕐᕕᖃᖅᐸᖕᓂᕐᒧᑦ ᐅᖃᐅᓯᐅᔪᖅ

ᐱᑖᖁᔨᓇᔭᕐᓂᖅ ᒫᓐᓇ ᒪᑐᐃᙶᓕᖅᐳᖅ ᐱᙳᐊᖅᑐᓕᕆᓂᕐᒧᑦ ᑐᓐᓂᖅᑯᑕᐅᕙᒃᑐᓂᒃ ᐃᓕᓐᓂᐊᕈᑕᐅᔪᓐᓇᓕᖅᐸᒃᑐᓂᒡᓗ ᑮᓇᐅᔭᓂᒃ

ᐱᒋᐊᕐᕕᒃᓴᖓᑕ ᐅᓪᓗᐊ: ᒪᐃ 23, 2014

ᐃᓱᓕᕝᕕᒃᓴᖓᑕ ᐅᓪᓗᐊ: ᔫᓂ 2, 2014

ᓄᓇᕗᑦ 60-ᓄᑦ ᑎᑦᑕᑯᓗᖕᓄᑦ

ᖃᐅᔨᒪᔭᖃᖅᐲᑦ ᐱᙳᐊᖅᑎᑦᑎᐊᕙᒻᒪᕆᖕᒦᒃ, ᐱᙳᐊᖅᑐᓂᒃ ᑲᒪᔨᐅᕙᒃᑐᒦᒃ ᐊᑭᓕᖅᓱᖅᑕᐅᓇᓂᓘᓐᓃᑦ ᐱᓕᕆᕙᒃᑐᒦᒃ ᓄᓇᔅᓯᓐᓃ?

ᐱᑖᖁᔨᓇᔭᕐᓂᖅ ᒫᓐᓇ ᒪᑐᐃᙶᓕᖅᐳᖅ 2014-ᒧᑦ ᐱᙳᐊᖅᑐᓕᕆᓂᕐᒧᑦ ᑐᓐᓂᖅᑯᑕᐅᕙᒃᑐᓄᑦ 2014-ᒥᓗ ᐱᙳᐊᖅᑐᓕᕆᓂᕐᒧᑦ ᑭᐱᙳᐃᔭᖅᑎᑦᑎᕙᖕᓂᕐᒧᓪᓗ ᐃᓕᓐᓂᐊᕈᑕᐅᕙᒃᑐᓄᑦ ᑮᓇᐅᔭᓄᑦ.

2014-ᒥ ᐱᙳᐊᖅᑐᓕᕆᓂᕐᒧᑦ ᑐᓐᓂᖅᑯᑕᐅᕙᒃᑐᑦ ᐃᓕᓴᖅᓯᔾᔪᑕᐅᕙᒃᐳᑦ ᐱᓕᕆᐊᖑᓯᒪᔪᓂᒃ ᐃᑲᔪᕈᑕᐅᓯᒪᔪᓂᒡᓗ ᓄᓇᕘᒥ ᐱᙳᐊᖅᑎᓂᑦ, ᐱᙳᐊᖅᑐᓄᑦ ᑲᒪᔨᒋᔭᐅᕙᒃᑐᓂᒃ, ᐱᓕᕆᔨᓪᓚᕆᖕᓂᒃ, ᐱᙳᐊᖃᑎᒌᒃᐸᒃᑐᓂᒃ ᐊᑭᓕᖅᓱᖅᑕᐅᓇᑎᒡᓗ ᐱᓕᕆᕙᒃᑐᓂᒃ ᓲᕐᓗ ᒪᑯᑎᒎᓇᖅ, "ᐱᙳᐊᖅᑎᑦᑎᐊᕙᐅᒋᔭᐅᓂᖅᐹᖅ ᐊᕐᕌᒍᒧᑦ", "ᐱᙳᐊᖃᑎᒌᑦᑎᐊᕐᓂᖅᐹᑦ ᐊᕐᕌᒎᒧᑦ" ᐊᒻᒪᓗ "ᐱᙳᐊᖅᑎᓂᒃ ᑲᒪᔨᑦᑎᐊᕙᐅᓂᖅᐹᖅ ᐊᕐᕌᒍᒧᑦ". ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᐅᔪᓂ ᐱᙳᐊᖅᑐᓕᕆᓂᕐᒧᑦ ᑭᐱᙳᐃᔭᖅᑎᑦᑎᓂᕐᒧᓪᓗ ᑲᑐᔾᔨᖃᑎᒌᑦ, ᕼᐋᒻᓚᒃᑯᑦ ᑲᑎᒪᔨᖏᑦ, ᑮᓇᐅᔭᓕᐅᕋᓱᒃᑎᐅᓇᑎᒃ ᑲᑐᔾᔨᖃᑎᒌᑦ ᐃᓄᑐᐃᓐᓇᐃᓪᓗ ᑎᓕᐅᖅᑕᐅᕗᑦ ᑐᓂᓯᖁᔭᐅᓪᓗᑎᒃ ᐱᑖᖅᑎᑦᑎᔾᔪᑕᐅᔪᓐᓇᖅᑐᓂᒃ.

2014-ᒧᑦ ᐱᙳᐊᖅᑐᓕᕆᓂᕐᒧᑦ ᑭᐱᙳᐃᔭᖅᑎᑦᑎᕙᖕᓂᕐᒧᓪᓗ ᐃᓕᓐᓂᐊᕈᑕᐅᔪᓐᓇᖅᐸᒃᑐᑦ ᑮᓇᐅᔭᐃᑦ ᑐᓐᓂᖅᑯᑕᐅᕙᒃᐳᑦ ᐱᔪᒥᒋᔭᐅᔪᓄᑦ ᓄᓇᕘᒥ ᓄᓇᓕᖕᓄᑦ ᐃᓕᓐᓂᐊᖅᑎᓄᑦ ᐱᓇᔪᒃᑐᓄᑦ ᐃᓕᓐᓂᐊᒃᑲᓐᓂᕈᒪᓂᕐᒥᒃ ᐅᑯᑎᒎᓇᖅ, ᐃᓕᓐᓂᐊᕐᓂᓕᕆᓂᕐᒥᒃ/ᑎᒥᐅᑉ ᐊᐅᓚᔾᔪᓯᕆᕙᒃᑕᖏᓐᓂᒃ, ᐱᙳᐊᖅᑐᓕᕆᓂᕐᒥᒃ ᐊᐅᓚᑦᑎᕙᖕᓂᕐᒥᒃ, ᐱᙳᐊᖅᑐᓕᕆᓂᕐᒧᑦ ᖃᐅᔨᓴᖅᑐᓕᕆᓂᐅᕙᒃᑐᓂᒃ ᑭᐱᙳᐃᔭᖅᑎᑦᑎᓂᕐᒧᓪᓘᓐᓃᑦ ᐃᓕᓴᕆᔭᐅᓯᒪᔪᒥ ᓯᓚᑦᑐᖅᓴᕐᕕᖕᒥ ᓯᓚᑦᑐᖅᓴᕐᕕᒡᔪᐊᒥᓘᓐᓃᑦ. ᐱᙳᐊᖅᑐᓕᕆᓂᕐᒧᑦ ᑭᐱᙳᐃᔭᖅᑎᑦᑎᓂᕐᒧᓪᓗ ᐃᓕᓐᐊᕈᑎᒃᓴᐃᑦ ᑮᓇᐅᔭᐃᑦ $5,000-ᒧᑦ ᐊᑐᓂᑦ ᑎᑭᖦᖢᒍ ᐅᓄᕐᓂᖃᖅᐸᒃᐳᑦ.

ᐱᓇᔪᒍᑕᐅᔪᓐᓇᖅᑐᑦ ᐱᙳᐊᖅᑐᓕᕆᓂᕐᒧᑦ ᑐᓐᓂᖅᑯᑕᐅᕙᒃᑐᓄᑦ ᐃᓕᓐᓂᐊᕈᑕᐅᔪᓐᓇᖅᑐᓄᓪᓗ ᑮᓇᐅᔭᓄᑦ ᒪᑐᓂᐊᖅᐳᑦ ᐱᓇᔪᒃᑕᐅᔪᓐᓇᐃᓪᓕᓗᑎᒃ ᔫᓂ 2-ᖑᓕᖅᐸᑦ. ᑐᓴᖅᑕᖃᒃᑲᓐᓂᕈᒪᒍᕕᑦ ᖃᓄᖅ ᐱᓇᔪᒐᔭᕆᐊᒃᓴᖅ, ᖃᐅᔨᒋᐊᕐᕕᒋᓗᒋᑦ ᐱᙳᐊᖅᑐᓕᕆᓂᕐᒧᑦ ᑭᐱᙳᐃᔭᖅᑎᑦᑎᕙᖕᓂᕐᒧᓪᓗ ᐱᓕᕆᕝᕕᒋᔭᐅᕙᒃᑐᖅ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᓐᓂ, ᐊᑭᓕᕆᐊᖃᙱᑦᑐᒃᑯᑦ ᐅᕗᖓ, 1-888-765-5506, ᖃᕆᑕᐅᔭᒃᑯᓪᓘᓐᓃᑦ ᐅᕗᖓ, SportProgramRegistration@gov.nu.ca ᑕᑯᔭᖅᑐᕐᓗᒍᓘᓐᓃᑦ ᓄᓇᕗᑦ ᒐᕙᒪᖓᑕ Facebookᒧᑦ ᒪᒃᐱᖅᑐᒐᕆᔭᖓ.

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:

ᕼᐃᓗᕆ ᑲᐃᓯ

ᑐᓴᐅᒪᑎᑦᑎᓂᕐᒧᑦ ᐱᓕᕆᔨ

ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ

ᐅᖄᓚᐅᑖ: 867-975-5342

ᖃᕆᑕᐅᔭᒃᑯᑦ: hcasey@gov.nu.ca