ᐅᖃᓚᐅᑎᓯᐅᑏᑦ

You are here

ᑐᓴᕋᒃᓴᖅ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓂᑦ

ᑐᓴᕋᒃᓴᖅ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓂᑦ

ᐆᒻᒪᖅᑯᑏᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᑦ ᒥᓂᔅᑕᒧᑦ ᐱᔭᒃᓴᖃᖅᑐᖅ ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᓐᓄᑦ ᐅᖃᐅᔾᔩᕗᑦ ᑐᒃᓯᕋᐅᖅᑎᓄᑦ ᐊᖏᖅᑕᐅᖁᔭᐅᓗᑎᒃ ᐱᓕᕆᐊᒃᓴᒧᑦ ᐊᖏᕈᑎᖏᓐᓂᑦ, ᐊᑭᑐᔫᑎᕐᔪᐊᑦ ᓴᓇᐅᔪᖃᕐᓂᐊᖅᑎᓪᓗᒍ. ᑕᐃᑲᓂ ᐃᓚᖓ 18.1−ᒥᑦ ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᑦ ᐱᖁᔭᖓᓂ, ᑲᑐᔾᔨᖃᑎᒌᖓᑦ ᒥᓂᔅᒧᑦ ᑐᒃᓯᕋᐅᑎᓕᐅᕆᐊᓖᑦ ᐱᔪᓐᓇᐅᑎᒥᑦ ᐱᓕᕆᐊᒃᓴᑐᐃᓐᓇᕐᒧᑦ ᐅᖓᑖᓄᕋᔭᖅᑐᒥᑦ 5−ᒥᓕᐊᓂᒃ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᖏᔫᑎᓄᑦ ᐱᓕᕆᔅᓴᒥᑦ ᐱᔪᓐᓇᐅᑎᑖᕈᑎᒥᑦ ᑐᔅᓯᕋᐅᑎᓕᐅᖅᑐᑦ ᒥᓂᔅᑕᒧᑦ ᑲᒪᒋᔭᖃᖅᑐᒧᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᐆᒻᒪᖅᑯᑎᖃᕐᕕᓕᐅᕈᒪᓪᓗᑎᑦ ᓄᑖᒥᑦ ᐃᒃᐱᐊᕐᔪᒻᒥᑦ. ᑖᓐᓇ ᐱᓕᕆᔅᓴᓕᐊᖑᔪᒪᔪᖅ ᓈᒻᒪᖏᔾᔪᒋᔭᐅᔪᓂᑦ ᒫᓐᓇ ᐆᒻᒪᖅᑯᑎᖃᕐᕕᒋᖏᑕ ᐋᖅᑭᔾᔪᑕᐅᒐᔭᖅᑐᖅ ᑕᐃᓐᓇ ᓴᓇᔭᐅᓚᐅᖅᓯᒪᔪᖅ 1974ᖑᓪᓗᒍ. 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑕᔅᓱᒧᖓ ᐱᓕᕆᐊᒃᓴᒧᑦ ᐊᑭᑐᔫᑎᓄᑦ ᐊᑭᓕᐅᑎᔅᓴᓄᑦ ᐊᖏᖅᑕᐅᓇᐊᖅᐳᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᒃᓯᕋᐅᑎᐊ ᓇᓂᔭᐅᔪᓐᓇᖅᑐᖅ www.qec.nu.ca−ᒥ ᐊᑐᐃᓐᓇᐅᒋᕗᓪᓗ ᑐᒃᓯᕋᖅᑐᖃᕌᖓᑦ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓂᒃ ᐅᕝᕙᓘᓐᓃᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.

ᓇᒃᓯᐅᔭᐅᔪᑦ ᐊᐅᓪᓚᖅᑎᑕᐅᔪᓐᓇᖅᑐᑦ ᐅᑯᓂᖓ:

ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ – URRC@gov.nu.ca
ᑐᑭᒧᐊᒃᑎᑦᑎᔨᒻᒪᕆᒃ ᐆᒻᒪᖅᑯᑎᓄᑦ ᐊᑭᓕᐅᑕᐅᕙᒃᑐᓄᑦ ᕿᒥᕐᕈᓂᕐᒧᑦ ᑲᑎᒪᔩᑦ,
ᑎᑎᖅᑲᒃᑯᕕᒃ 1000, ᐃᓂᖓ 200
ᐃᖃᓗᐃᑦ, ᓄᓇᕗᑦ, X0A 0H0

ᓄᓇᕗᒻᒥᐅᑦ ᑎᑎᕋᖅᓯᒪᔪᒥᑦ ᑕᔅᓱᒧᖓ ᐱᓕᕆᐊᒃᓴᒧᑦ ᐱᔪᓐᓇᐅᑎᒥᑦ ᑐᒃᓯᕋᑐᐃᓐᓇᕆᐊᓖᑦ.

ᐃᓱᓕᕝᕕᐊ ᑎᑎᕋᖅᓯᒪᔪᒥᑦ
ᑐᒃᓯᕋᐅᑎᓕᐅᕐᓂᖅ ᐅᓇᐅᕗᖅ: 5−ᒥᑦ ᐅᓐᓄᓴᒃᑯᑦ. (ᑲᓇᓐᓂᕐᒥᑦ) ᑎᓯᐱᕆ 20, 2019.

ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ ᐃᒻᒥᒃᑰᖅᑎᐅᓪᓗᑎᑦ ᑲᑎᒪᔨᐅᕗᑦ ᐅᖃᐅᔾᔪᐃᕙᒃᖢᑎᒃ
ᓄᓇᕗᑦ ᒐᕙᒪᒃᑯᖏᓐᓄᑦ ᐆᒻᒪᖅᑯᑎᓄᑦ ᐊᑭᒋᔭᒃᓴᖏᓐᓂᑦ ᐆᒻᒪᖅᑯᑎᓂᑦ ᐊᑐᖅᑐᐊᕐᓂᕐᒧᑦ.