ᐅᖃᓚᐅᑎᓯᐅᑏᑦ

You are here

2021−ᒥ ᓯᕗᓕᐅᖅᑎᐅᑉ ᑲᑎᒪᔨᖏᑦ ᑲᑐᔾᔨᖃᑎᒌᓂ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᑦ ᑐᓐᓂᖅᑯᑕᐅᕙᒃᑐᒥ

ᒪᐃ 07, 2021

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

2021−ᒥ ᓯᕗᓕᐅᖅᑎᐅᑉ ᑲᑎᒪᔨᖏᑦ ᑲᑐᔾᔨᖃᑎᒌᓂ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᑦ ᑐᓐᓂᖅᑯᑕᐅᕙᒃᑐᒥ

ᓂᕈᐊᒐᒃᓴᓕᐅᕈᓐᓇᖅᓯᔪᑦ 2021-ᒥ ᑲᑎᒪᔩᑦ ᑲᑐᔾᔨᖃᑎᒌᖑᔪᑦ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᓪᓗ ᑐᓐᓂᖅᑯᓯᐊᕈᑎᒃᓴᓂᒃ. ᓯᕗᓕᖅᑎ ᔫ ᓴᕕᑲᑖᖅ ᐱᔪᓐᓇᖅᓯᑎᑦᑎᔪᖅ ᐱᓇᓱᐊᕈᑎᓂᑦ ᐃᓕᓴᕆᔭᐅᖁᔭᐅᔪᓂᒃ ᐃᑲᔪᖅᑐᐃᓲᓂᒃ, ᑎᓕᐅᕆᓲᓂᒃ ᐊᒻᒪ ᖃᐅᔨᑎᑦᑎᓲᓂᒃ ᖃᓄᖅ ᓴᙱᓕᑎᑦᑎᓂᕐᒥᑦ ᑎᑎᕋᕈᓐᓇᕐᓂᖅᒥ/ᐅᖃᓕᒫᕈᓐᓇᕐᓂᕐᒥ ᐱᕚᓪᓕᕈᑕᐅᔪᓐᓇᖅᑐᓂᒃ ᓄᓇᕗᒻᒥ.

2021-ᒥ ᓄᓇᕗᒻᒥ ᑲᑎᒪᔩᑦ ᑲᑐᔾᔨᖃᑎᒌᑦ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᓪᓗ ᑐᓐᓂᖅᑯᓯᐊᕈᑎᒃᓴᖅ ᐃᓕᓴᖅᓯᓂᐊᖅᑐᖅ ᐃᑲᔪᖅᑐᐃᕙᒃᑐᒥᑦ ᐱᔪᒃᓯᑎᑦᑎᕙᒃᑐᒥᓪᓗ ᐊᓯᖏᓐᓂᒃ ᐃᓄᒃᑑᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᐅᖃᓕᒫᒐᒃᓴᓂᒃ ᑎᑎᕋᒐᒃᓴᓂᓪᓗ − ᓂᐱᒃᑯᑦ, ᑎᑎᖅᑲᒃᑯᑦ ᓴᓇᙳᐊᕐᓂᒃᑯᓪᓘᓐᓃᑦ.

ᓂᕈᐊᒐᒃᓴᙳᖅᑎᑦᑎᒋᑦ ᐱᓕᕆᕐᔪᐊᖅᓯᒪᔪᒥᒃ ᐃᑲᔪᖅᑐᐃᕐᔪᐊᖅᓯᒪᔪᒥᒡᓗ ᐊᒻᒪ ᑎᓕᐅᕆᔪᓐᓇᖅᑐᒥᒃ ᐊᓯᖏᓐᓂᒃ ᐱᕙᓪᓕᐊᑎᑦᑎᓂᕐᒥᒃ ᐅᖃᓕᒫᕆᐅᖅᓴᓂᕐᒧᑦ ᑎᑎᕋᕆᐅᖅᓴᓂᕐᒧᑦ. ᐃᓕᓐᓂᐊᖅᑎᐅᔪᓐᓇᖅᑐᖅ, ᐃᓕᓴᐃᔨ, ᓄᓇᓕᖕᓂ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᒥᑦ, ᐃᓐᓇᖅ ᐅᕝᕙᓘᓐᓃᑦ ᐃᖅᑲᓇᐃᔭᖃᑎᒋᔭᐅᔪᑦ ᖁᕝᕙᕆᐊᖅᑎᑦᑎᔪᓐᓇᖅᑐᒥ ᐱᒻᒪᕆᐅᓂᖓᓂᒃ ᐃᓕᑦᑎᕙᓪᓕᐊᓂᖅ ᐊᒃᑐᐊᖃᑦᑕᐅᑎᓂᕐᓗ, ᓄᕙᕐᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᐅᔪᖅ ᐱᑕᖃᕋᓗᐊᖅᑎᓪᓗᒍ. ᓵᓚᒃᓴᖅᑐᖅ ᐃᓕᑕᕆᔭᐅᓛᖅᑐᖅ ᐅᔭᒥᒃᑖᖅᑎᑕᐅᓗᓂ ᐊᒻᒪ ᓇᓗᓇᐃᒃᑯᑕᖅᑖᒃᓗᓂ ᑐᓂᔭᐅᓛᖅᖢᓂ ᓯᕗᓕᖅᑎ ᓴᕕᑲᑖᕐᒧᑦ ᐅᑭᐊᒃᓵᖅ. $300.00−ᑖᖅᑎᑕᐅᓂᐊᕆᕗᑦ ᐃᓕᓐᓂᐊᕈᒪᔭᒥᓄᑦ ᑐᕌᖓᔪᒥᒃ ᐅᕝᕙᓘᓐᓃᑦ ᐅᖃᓕᒫᕈᓐᓇᕐᓂᕐᒧᑦ ᐊᒃᑐᐊᓂᓕᖕᒥᒃ ᓵᓚᒃᓴᐅᓯᐊᒃᓴᒥᒃ ᐃᓕᓐᓂᐊᕈᑎᒧᓪᓘᓐᓃᑦ ᐃᑲᔫᓯᐊᒃᓴᒥᒃ.

ᓂᕈᐊᒐᒃᓴᙳᖅᑎᑦᑎᓂᕐᒧᑦ ᑕᑕᑎᒐᒃᓴᖅ ᓇᓂᔭᐅᔪᓐᓇᖅᑐᖅ ᐅᕙᓂ.

ᒪᑐᕕᒃᓴᓕᒃ ᓂᕈᐊᒐᒃᓴᓕᐅᕆᓂᖅ ᔫᓂ 17, 2021−ᒥ.

###

ᓂᕈᐊᒐᒃᓴᓕᐅᕈᒪᒍᕕᑦ ᑐᑭᓯᒋᐊᒃᑲᓐᓂᕈᒪᒍᕕᓪᓘᓐᓃᑦ, ᖃᐅᔨᒋᐊᕐᕕᒋᓗᒍ:

ᓯᐃᐅᕋ ᓕᑉᓛᖕ
ᑐᓴᐅᒪᖃᑦᑕᐅᑎᓕᕆᔨᒻᒪᕆᒃ
ᒐᕙᒪᓕᕆᔨᒃᑯᑦ 867-975-6032
sleblanc2@gov.nu.ca