ᐅᖃᓚᐅᑎᓯᐅᑏᑦ

You are here

ᐊᐅᓚᑦᑎᔨᒻᒪᕇᑦ ᐊᓯᔾᔨᕐᑕᑦ ᓄᓇᕗᑦ ᒐᕙᒪᒃᑯᖏᓐᓂᑦ

ᒪᐃ 25, 2022

ᑭᒃᑯᑐᐃᓐᓇᑦ ᑐᓴᒐᒃᓴᑦ

ᐊᐅᓚᑦᑎᔨᒻᒪᕇᑦ ᐊᓯᔾᔨᕐᑕᑦ ᓄᓇᕗᑦ ᒐᕙᒪᒃᑯᖏᓐᓂᑦ

ᓯᕗᓕᖅᑎ ᐊᕿᐊᕈᖅ, ᓇᓗᓇᐃᕐᓯᖕᒪᑦ ᐱᖓᓱᓂ ᐊᓯᔾᔨᕐᑐᓂ ᐊᐅᓚᑦᑎᔨᒻᒪᕆᖕᓂᑦ ᓄᓇᑦ ᒐᕙᒪᒃᑯᖏᓐᓂᑦ.

ᑲᐃᐅᓪ ᓰᓕ ᐃᖅᑲᓇᐃᔮᕐᑖᖅᑐᖅ ᒥᓂᔅᑕᐅᑉ ᑐᒡᓕᐊ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ. ᐃᖅᑲᓇᐃᔮᑖᕆᓚᐅᕐᑕᖓ ᒪᐃ 2021−ᒥᑦ ᐊᕐᕌᒍᒧᑦ ᐊᑕᐅᓯᖕᒧᑦ. ᑲᐃᐅᓪ ᐊᑯᓂᐊᓗ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᕐᑎᐅᓕᕐᑐᖅ ᐊᒻᒪᓗ ᐊᐅᓚᑦᑎᔨᒻᒪᕆᐅᓯᒪᓪᓗᓂ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ.

ᓚᔅ ᕼᐃᑭ ᓅᑕᐅᔪᖅ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᑕᖅᑭᓄᑦ 6 ᓅᑕᐅᓯᒪᓂᐊᕐᖢᓂ ᒥᓂᔅᑕᐅᑉ ᑐᒡᓕᖓᓄ ᐃᑲᔪᖅᑐᕆᐊᖅᑐᕐᓗᓂ ᐱᓕᕆᕝᕕᖕᒥᑦ. ᓅᑕᐅᓯᒪᔪᖅ ᐊᐅᓚᑦᑎᔨᒻᒪᕆᖕᓂᑦ ᒐᕙᒪᓕᕆᔨᒃᑯᓐᓂᑦ. ᓚᔅ ᐃᑲᔫᑎᒻᒪᕆᐊᓘᓚᐅᕐᑐᖅ ᓄᓇᕗᑦ ᒐᕙᒪᒃᑯᖏᓐᓄᑦ ᐊᕐᕌᒍᒐᓴᖕᓄᑦ ᐊᒥᓱᓂᓪᓗ ᐱᓕᕆᐊᖃᕐᔪᐊᕐᓯᒪᓪᓗᓂ.

ᑖᓐ ᕝᓘᕆᔫᓐ ᐃᓚᐅᓕᕐᑐᖅ ᓄᓇᕗᑦ ᒐᕙᒪᒃᑯᖏᓐᓂ ᓴᔅᑳᑦᑐᐊᓐᒥᙶᕐᖢᓂ, ᒥᓂᔅᑕᐅᑉ ᑐᒡᓕᐊᓄᐊᕐᖢᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑕᖅᑭᓄᑦ 6−ᓄᑦ. ᐃᓕᓐᓂᐊᕐᑎᑦᑎᓲᖅ ᐃᖅᑲᓇᐃᔮᖃᕐᖢᓂᓗ ᑐᑭᒧᐊᒃᑎᑦᑎᔨᒻᒪᕆᖕᒥᑦ−ᐊᐃᓯᒪᔪᓂ ᔮᓐᓴᓐ−ᓱᔮᒪ ᐃᓕᓐᓂᐊᕐᕕᖕᒥᑦ ᑭᒃᑯᑐᐃᓇᑦ ᐊᑐᐊᒐᓕᕆᓂᖕᓂᑦ ᐊᑯᓂᓗ ᐋᓐᓂᐊᖅᑕᐃᓕᒪᔪᓕᕆᓂᖕᒧᑦ ᑐᑭᒧᐊᒃᑎᑦᑎᔨᐅᓯᒪᓪᓗᓂ, ᐊᕐᕌᒍᑦ 30 ᑎᑎᕋᕐᕕᖕᒥᑦ ᐱᓕᕆᓯᒪᓂᑯ ᐋᓐᓂᐊᖅᑕᐃᓕᒪᔪᓕᕆᓂᖕᓂᑦ ᑲᑐᔾᔨᖃᑎᒌᓄ ᓴᔅᑳᑦᑐᐊᓐᒥᑦ. ᑖᓐ ᒥᓂᔅᑕᐅᑉ ᑐᒡᓕᕆᓚᐅᕐᑕᖓ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ, ᒥᓂᔅᑕᐅᑉ ᑐᖏᓕᖓᑕ ᐃᑲᔪᖅᑎᒋᓯᒪᓪᓗᓂᐅᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐊᒻᒪᓗ ᒥᓂᔅᑕᐅᑉ ᑐᒡᓕᐊ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᓴᔅᑳᑦᑐᐊᓐᒥᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐊᔾᔨᒌᙱᑦᑐᓂ ᓄᓇᕗᑦ ᒐᕙᒪᒃᑯᖏᑕ ᐱᓕᕆᕝᕕᖏᓐᓂᑦ, ᐅᕗᙵᐅᓗᑎᑦ https://www.gov.nu.ca/departmental-contacts.

###

ᑐᓴᒐᒃᓴᓕᕆᔨᓄᑦ ᖃᐅᔨᒋᐊᕐᕕᒃᓴᖅ:

ᓯᐅᓪᓯ ᕼᐊᓪᕗᕐᓴᓐ 
ᑐᓴᒐᒃᓴᓕᕆᔨᒻᒪᕆᒃ
ᒐᕙᒪᓕᕆᔨᒃᑯᑦ
867-975-6048
chalvorson1@gov.nu.ca