ᐅᖃᓚᐅᑎᓯᐅᑏᑦ

You are here

ᑲᔪᖏᖅᓴᐃᓂᖅ ᐃᓄᒃᑎᑐᑦ ᐅᖃᐅᓯᕐᒥᑦ ᐃᙱᐅᓯᓕᐅᕐᓂᒃᑯᑦ ᐱᓕᐅᑎᑎᑦᓯᓂᒃᑯᑦ

ᐊᒐᓯ 07, 2015

ᑭᒃᑯᓕᒫᓄᑦ ᑐᓴᒐᒃᓴᖅ

ᑲᔪᖏᖅᓴᐃᓂᖅ ᐃᓄᒃᑎᑐᑦ ᐅᖃᐅᓯᕐᒥᑦ ᐃᙱᐅᓯᓕᐅᕐᓂᒃᑯᑦ ᐱᓕᐅᑎᑎᑦᓯᓂᒃᑯᑦ

ᕿᓚᐅᑦ, ᓄᓇᕗᒻᒥ ᓄᑖᖑᔪᖅ ᐊᕐᕌᒍᑕᒫᑦ ᐃᓄᒃᑎᑐᑦ ᐃᙱᐅᓯᓕᐅᕐᓂᒃᑯᑦ ᐱᓕᐅᑎᑎᑦᓯᓂᐅᕙᑦᑐᖅ, ᓴᖅᑭᑕᐅᓂᐅᓴᕗᖅ ᓄᓇᕐᔪᐊᒥ ᓄᓇᖃᖅᑳᖅᓯᒪᔪᑦ ᐅᓪᓗᐊᓂ, ᐋᒡᒌᓯ 9, 2015.

ᕿᓚᐅᑦ ᓴᖅᑭᑕᐅᓚᐅᖅᐳᖅ ᓇᓪᓕᐅᓂᖅᓯᐅᕈᑕᐅᓪᓗᓂ ᓄᓇᕗᒻᒥ ᐆᒻᒪᕆᑦᑐᒻᒪᕆᒻᒥᑦ ᐃᓄᒃᑎᑐᑦ ᓂᔾᔭᐅᓯᔭᕐᓂᕐᒥᑦ ᐊᒻᒪᓗ ᑲᔪᖏᖅᓴᐃᔾᔪᑕᐅᓪᓗᓂ ᐊᑐᒃᑲᓐᓂᖃᑦᑕᖁᓪᓗᒋᑦ ᐃᓄᒃᑎᑐᑦ ᐅᖃᐅᓯᕐᒥᑦ ᖃᐅᑕᒫᑦ. ᐊᑎᖓ ᕿᓚᐅᑦ, ᑐᑭᖃᖅᑐᖅ "ᑕᑦᑕᒐᕐᒥ", ᓂᕈᐊᖅᑕᐅᓚᐅᖅᐳᖅ ᓂᖅᑕᐃᔾᔪᑕᐅᓪᓗᓂ ᐃᓕᖅᑯᓯᑐᖃᖅᑎᒍᑦ ᐊᒻᒪᓗ ᒫᓐᓇᓕᓴᖅᑎᒍᑦ ᐃᓄᒃᑎᑐᑦ ᓂᔾᔭᐅᓯᓴᕈᓯᕐᓂᑦ. ᐃᙱᖅᑐᑎᒃ ᐃᓄᒃᑎᑐᑦ, ᓄᓇᕗᒻᒥᐅᑦ ᐃᑲᔫᑎᖃᖅᐳᑦ ᐆᒻᒪᕆᓐᓂᖓᓄᑦ ᐊᒻᒪᓗ ᓴᙱᓂᖓᓂᒃ ᐃᓄᐃᑦ ᐃᓕᖅᑯᓯᑐᖃᖓᑦ.

ᓄᓇᕗᒻᒥᐅᓕᒫᑦ ᑐᙵᓱᑦᑎᑕᐅᕗᑦ ᑐᓂᓯᖁᔭᐅᓪᓗᑎᒃ ᐊᔾᔨᐅᙱᑦᑐᒥᑦ ᐃᓄᒃᑎᑐᑦ ᐃᙱᐅᓯᕐᓂᑦ ᓵᓚᒃᓴᕋᓱᐊᖁᓪᓗᒋᑦ ᑮᓇᐅᔭᓂᒃ. ᓵᓚᒃᓴᖅᑐᓂᑦ ᓂᐱᓕᐅᖅᑕᐅᒐᔭᖅᐳᑦ ᓂᔾᔭᐅᓯᓕᐅᖅᑎᓪᓚᑦᑖᓄᑦ. ᑲᑎᑎᖅᑕᐅᔪᑦ ᐃᙱᐅᓰᑦ ᓴᖅᑭᑕᐅᒐᔭᖅᐳᑦ ᕕᕝᕗᐋᕆ 2016-ᒥ, ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ ᐊᑐᖅᑕᐅᓕᖅᐸᑦ, ᓄᓇᕗᒻᒥ ᐊᕐᕌᒍᑕᒫᖅᓯᐅᑦ ᐃᓄᒃᑎᑐᑦ ᐅᖃᐅᓯᕐᒥᑦ ᐊᒻᒪᓗ ᐃᓄᐃᑦ ᐃᓕᖅᑯᓯᑐᖃᖓᓐᓂᑦ.

ᐊᑐᐊᒐᕐᓂᒃ ᐱᓕᐅᑎᖃᑕᐅᔪᓄᑦ ᐊᒻᒪᓗ ᑐᑭᓯᒋᐊᒃᑲᓐᓂᕈᒪᔪᓄᑦ ᕿᓚᐅᑦ 2015 ᒥᒃᓵᓄᑦ, ᖃᕋᓴᐅᔭᒃᑯᑦ ᐅᕗᙵᕈᓐᓇᖅᐳᑦ www.ch.gov.nu.ca .

###

ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᑦᓴᖅ:

ᖃᔮᖅ ᐃᐊᓪᔅᕗᑦ
ᐊᖓᔪᖅᑳᖅ ᑐᓴᐅᒪᖃᑎᒌᑦᑐᓕᕆᓂᕐᒧᑦ
ᐃᓕᖅᑯᓯᓕᕆᔨᒃᑯᑦ
867-975-5526
QEllsworth@gov.nu.ca