ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᐃᕐᓂᓱᒃᓰᔨᓂᒃ ᐃᓕᓴᖅᓯᔩᑦ ᑲᑎᒪᔨᕋᓛᖏᑦ ᕿᓂᖅᑐᑦ ᒪᕐᕉᖕᓂᒃ ᐃᓚᐅᖃᑕᐅᓂᐊᖅᑐᓂᒃ

ᐊᒐᓯ 21, 2015

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᓄᓇᕗᒻᒥ ᐃᕐᓂᓱᒃᓰᔨᓂᒃ ᐃᓕᓴᖅᓯᔩᑦ ᑲᑎᒪᔨᕋᓛᖏᑦ ᕿᓂᖅᑐᑦ ᒪᕐᕉᖕᓂᒃ ᐃᓚᐅᖃᑕᐅᓂᐊᖅᑐᓂᒃ

ᐱᒋᐊᕐᓗᓂ ᐅᓪᓗᖅ: ᐊᐅᒍᓯ 21, 2015

ᐃᓱᓕᓪᓗᓂ ᐅᓪᓗᖅ: ᓯᑎᐱᕆ 30, 2015 60 sec.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᕐᕉᖕᓂᒃ ᒪᑐᐃᖓᔪᖃᖅᑐᖅ ᐱᔪᒪᑦᑎᐊᖅᑑᓐᓂᒃ ᐃᓄᖕᓂᒃ ᐱᔨᑦᑎᕋᕈᒪᔪᓂᒃ ᓄᓇᕗᒻᒥ ᐃᕐᓂᓱᒃᓰᔨᓂᒃ ᐃᓕᓴᖅᓯᔩᑦ ᑲᑎᒪᔨᕋᓛᓄᑦ, ᐱᓕᕆᐊᒃᓴᙳᖅᑎᑕᖅ ᐃᕐᓂᓱᒃᓰᔨᐅᓂᕐᒧᑦ ᐱᖁᔭᕐᒥ.

ᓄᓇᕗᒻᒥ ᐃᕐᓂᓱᒃᓰᔨᓂᒃ ᐃᓕᓴᖅᓯᔩᑦ ᑲᑎᒪᓕᕋᓛᑦ ᐅᖃᐅᔾᔨᒋᐊᓲᑦ ᒥᓂᔅᑕᒥᑦ ᐱᔾᔪᑎᓄᑦ ᓲᕐᓗ ᐃᕐᓂᓱᒃᓰᓂᕐᒧᑦ ᐱᔨᑦᑎᕋᐅᑎᓄᑦ, ᑐᒃᓯᕋᐅᑎᓄᑦ ᐃᓕᓴᕆᔭᐅᒍᒪᔪᓄᑦ ᐃᕐᓂᓱᑦᓰᔨᐅᓂᕐᒧᑦ, ᐃᕐᓂᓱᒃᓰᓂᕐᒧᑦ ᑐᑭᒧᐊᕈᑎᒃᓴᑦ ᐱᔪᓐᓇᕐᓃᓪᓗ, ᐃᓚᐅᓪᓗᓂ ᓴᖅᑭᑎᑦᑎᓂᖅ ᐱᖅᑯᓯᑐᖃᒃᑯᑦ ᐃᓄᐃᑦ ᐃᕐᓂᓱᒃᓰᔾᔪᑎᖏᓐᓂᒃ ᖃᐅᔨᒪᓂᕐᓂᑦ ᐱᔪᓐᓇᖅᑕᐅᔪᓂᑦ ᐃᓱᒪᓕᐅᕈᑕᐅᕙᑦᑐᓂᓪᓗ.

ᐃᓚᒋᔭᐅᔪᑦ ᐸᕐᓇᒃᓯᒪᔭᕆᐊᓖᑦ ᑐᓂᓯᒪᓂᐊᕐᓗᑎᒃ ᒪᕐᕉᓐᓂᒃ ᑕᓪᓕᒪᓄᑦ ᐃᑲᕐᕋᓄᑦ ᑕᖅᑭᑕᒫᑦ ᑲᑎᒪᖃᑦᑕᕐᓂᕐᒥᑦ ᑕᒪᑐᒧᖓᓗ ᑐᕌᖓᔪᓂᒃ ᖃᓄᐃᓕᐅᕈᑎᓄᑦ, ᓲᕐᓗ ᖃᐅᔨᓴᕐᓂᖅ ᕿᒥᕐᕈᓂᕐᓗ ᑎᑎᖅᑲᓂᑦ. ᐃᕐᓂᓱᒃᓰᔨᑦ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖅᑏᑦ ᐃᓚᐅᖃᑕᐅᔪᓐᓇᐅᑎᖃᙱᑦᑐᑦ ᑖᒃᑯᓄᖓ ᐃᓂᐅᔪᓄᑦ. ᑖᓐᓇ ᐊᑭᓕᖅᓱᖅᑕᐅᙱᓪᓗᓂ ᐱᓕᕆᐊᑦᓴᖅ.

ᐱᔪᒪᓂᖃᕈᕕᑦ, ᑐᓐᓂᖅᑯᑎᒋᓗᒍ ᑎᑎᖅᑲᖅ ᐱᔪᒪᓂᕐᒧᑦ, ᐃᖅᑲᓇᐃᔭᕐᓂᑯᕕᓂᕐᑎᑦ ᓇᓗᓇᐃᕈᑎᖏᑦ ᒪᕐᕉᓐᓂᓪᓗ ᖃᐅᔨᒪᔪᒃ ᐃᓕᖕᓂᒃ ᓯᑎᐱᕆ 30, 2015−ᖑᓚᐅᖏᑎᓪᓗᒍ, 5 ᐅᓐᓄᓴᒃᑯᑦ ᐅᕗᖓ:

ᐹᕐᐳᕋ Hᐊᕕ ᑐᑭᒧᐊᖅᑎᑦᑎᔨ ᖃᐅᔨᒪᔨᑕᕐᓂᒃ ᐃᓕᓴᖅᓯᖃᑦᑕᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓄᓇᕗᒻᒥ ᒐᕙᒪᖓᑦ ᑎᑎᖅᑲᒃᑯᕕᐊ 390 ᖁᕐᓗᕐᑐᖅ, ᓄᓇᕗᑦ X0B 0E0

HSSnunavutregistrar@gov.nu.ca

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᕋᓴᐅᔭᒃᑯᑦ ᑕᑯᒋᐊᕐᓗᒍ mmoon@gov.nu.ca ᐅᖃᓗᒃᓗᑎᓪᓘᓐᓃᑦ ᐅᕗᖓ 867-975-5778.

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:
ᐋᑐᕆ ᓚᒥᐅ
ᑐᓴᐅᒪᔪᓕᕆᔨᒃᑯᑦ ᑭᒃᑯᑐᐃᓐᓇᕐᓂᓗ ᑐᓴᐅᒪᑎᑦᓯᔨ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
alemieux@gov.nu.ca