ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᒐᕙᒪᒃᑯᑦ ᐅᖃᖅᑐᑦ ᐊᖓᔪᖅᑲᐅᑎᓂᒃ ᑎᓕᔭᓂᑦ

ᓯᑎᐱᕆ 26, 2014

ᐱᕙᓪᓕᐊᔪᑦ ᓴᖅᑭᑕᑦ

ᓴᖅᑭᑕᐅᑲᐅᑎᒋᔭᕆᐊᓕᒃ

ᓄᓇᕗᑦ ᒐᕙᒪᒃᑯᑦ ᐅᖃᖅᑐᑦ ᐊᖓᔪᖅᑲᐅᑎᓂᒃ ᑎᓕᔭᓂᑦ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 26, 2014) – ᓄᓇᕗᑦ ᒐᕙᒪᒃᑯᖏᑦ ᐅᓪᓗᒥ ᐅᖃᖅᑲᐅᕗᑦ ᐅᑯᓂᖓ ᐊᓯᔾᔨᖅᑐᓂᑦ ᐊᖓᔪᖅᑲᐅᑎᓂᑦ.

ᐱᒋᐊᕐᓗᓂ ᐅᑐᐱᕆ 6, 2014-ᒥᑦ, ᐅᓖᐱᑲ ᐅᐃᓕᐊᒻᔅ ᑯᕝᕙᕆᐊᖅᑕᐅᔪᖅ ᒥᓂᔅᑕᐅᑉ ᑐᒡᓕᖓᓄᑦ ᐃᓄᓕᕆᔨᒃᑯᓐᓄᑦ ᒥᓂᔅᑕᐅᑉ ᑐᒡᓕᖓᑕ ᐃᑲᔪᖅᑎᐊᓃᓚᐅᖅᖢᓂ ᒪᓕᒐᓕᕆᔨᒃᑯᓐᓄᑦ: ᐅᐃᓕᐊᒻᔅacting ᒥᓂᔅᑕᐅᑉ ᑐᒡᓕᖑᐊᕆᔭᐅᑲᐃᓐᓇᓚᐅᖅᑐᖅ ᒪᓕᒐᓕᕆᔨᒃᑯᓐᓄᑦ ᓄᕕᐱᕆ 2013-ᒥᓂᓂᑦ ᐱᓕᕆᐊᖃᖕᓂᑰᓪᓗᓂᓗ ᐃᓄᓕᕆᓂᖕᒥᑦ ᐋᓐᓂᐊᓯᐅᑎᐅᓂᖕᒥᓪᓗ. ᒪᓕᒐᓕᐅᖅᑎᐅᓚᐅᖅᓯᒪᓪᓗᓂᓗ ᖁᑦᑎᒃᑐᖕᒧᑦ..

ᐊᐃᕇᓐ ᑕᓄᔭᖅ ᓅᑦᑐᖅ ᒥᓂᔅᑕᐅᑉ ᑐᒡᓕᖓᑕ ᐃᑲᔪᖅᑎᖓᓄ ᐃᓄᓕᕆᔨᒃᑯᓐᓄᑦ ᐃᓕᖅᑯᓯᓕᕆᔨᒃᑯᓐᓂᖔᕐᓗᓂ. ᑕᓄᔭᖅ ᐊᕐᕌᒍᓄᑦ 9-ᓄᑦ ᐱᓕᕆᓯᒪᓂᑰᓕᖅᑐᖅ ᒥᓂᔅᑕᐅᑉ ᑐᒡᓕᖓᑕ ᐃᑲᔪᖅᑎᖓᓄ ᐃᓕᓐᓂᐊᖕᓂᓕᕆᔨᒃᑯᓐᓄᑦ ᐃᓕᖅᑯᓯᓕᕆᔨᒃᑯᓐᓄᓪᓗ. ᐃᖅᑲᓇᐃᔮᖃᑯᑖᒃᓯᒪᔪᖅ ᐃᓕᓐᓂᐊᖕᓂᓕᕆᓂᖕᓂᑦ ᐃᖅᑲᓇᐃᔮᓂᒃᓗ ᐱᕙᓪᓕᐊᑎᑦᑎᓂᖕᓂᑦ ᓄᓇᕗᒻᒥᑦ.

ᓇᐅᓪᓚᖅ ᐊᕐᓇᖅᑯᖅ ᐅᑎᖅᑐᖅ ᐃᓂᒥᓄᑦ ᒥᓂᔅᑕᐅᑉ ᑐᒡᓕᖓᑕ ᐃᑲᔪᖅᑎᖓᓄ ᐃᓕᖅᑯᓯᓕᕆᔨᒃᑯᓐᓄᑦ. ᐊᕐᓇᖅᑯᖅ ᐊᕐᕌᒎᖕᓄᒃ ᒪᕐᕉᖕᓄ ᐃᓕᓐᓂᐊᖕᓂᖕᒧᑦ ᕿᑲᑲᐃᓐᓇᓚᐅᖅᑐ PhD-ᑖᕋᓱᐊᖅᖢᓂ ᐃᓕᓐᓂᐊᖕᓂᖕᓂ ᖃᐅᔨᓴᐃᓂᖕᓂᑦ.

"ᑖᒃᑯᐊ ᐊᖓᔪᖅᑲᐅᑏᑦ ᐊᓯᔾᔨᖅᑎᓪᓗᒋᑦ, ᑖᒃᑯᐊᓕᒫᑦ ᒥᓂᔅᑕᐅᑉ ᑐᒡᓕᖓᓃᑦᑐᐃᑦ ᒐᕙᒪᑦᑎᓐᓂ ᐃᓐᓄᒃᑐᐃᓐᓇᐅᕗᐃᑦ:, ᓯᕗᓕᖅᑎ ᐲᑕ ᑕᑉᑑᓇ ᐅᖃᖅᑐᕕᓂᖅ. "ᓂᕆᐅᒃᐳᖓ ᓄᑖᓂ ᐊᖓᔪᖅᑲᐅᑎᓂᑦ ᐱᓕᕆᕝᕕᐅᔪᓂᑦ, ᐱᓕᕇᓐᓇᖕᓂᖃᕐᓗᑎᒃᓗ ᑖᒃᑯᓇᓂ ᐱᒻᒪᕆᐅᔪᓂᑦ ᐱᓕᕆᐊᓂᑦ. ᓅᓐᓂᖃᖅᑎᑦᑎᑦᑎᐊᕋᓱᐊᖕᓂᐊᖅᐳᖓ, ᐃᓯᖅᐸᓪᓕᐊᔪᑦ ᓱᖏᐅᑎᕙᓪᓕᐊᖁᓪᓗᒋᑦ ᐱᓕᕆᐊᓄᑦ, ᐊᑐᐊᒐᓄᑦ ᐱᓕᕆᔾᔪᓯᐅᕙᒃᑐᓂᓪᓗ."

ᓴᐃᒪᓐ ᐊᕙ ᑎᓕᔭᐅᒃᑲᓐᓂᖕᓂᐊᓕᖅᑐᖅ ᐊᖓᔪᖅᑲᐅᑎᖃᕐᕕᖕᒥᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂᑦ. ᐱᒋᐊᕐᓗᓂ ᐅᑐᐱᕆ 14, 2014. ᐊᕙ ᐊᑯᓂᐊᓗᒃ ᒥᓂᔅᑕᐅᑉ ᑐᒡᓕᖓᓃᓯᒪᓕᖅᑐᖅ ᐃᓚᒋᔭᐅᓚᐅᖅᓯᒪᓪᓗᓂᓗ ᓴᖅᑭᑕᐅᓂᖓᓂ ᓄᓇᕗᒻᒥ ᓄᓇᑖᕈᑎᓄᑦ ᐊᖏᕈᑎᓕᐅᖕᓂᖕᓂᑦ, ᐊᒻᒪᓗᑦᑕᐅᖅ ᑐᑭᒧᐊᒃᑎᑦᑎᔨᐅᓯᒪᓂᑰᓪᓗᓂ ᓄᓇᕗᒻᒥᑦ ᐊᑐᓕᖅᑎᑦᑎᕙᓪᓕᐊᓂᖕᒧᑦ ᑲᑎᒪᔨᖏᓐᓄᑦ.

ᒪᐃᒃ ᓲᑕᐃᔅ, ᐊᕐᕌᒍᑦ 20 ᐅᖓᑖᓄᑦ ᓄᓇᕗᒻᒥᑦ ᓯᓚᑦᑐᓴᕐᕕᐊᓃᓕᖅᑐᖅ, ᓄᖅᑲᓛᓕᖕᒪᑦ ᐅᑐᐱᕆ 25, 2014-ᖑᓕᖅᐸᑦ. ᓲᑕᐃᔅ ᐊᖓᔪᖅᑳᖑᓯᒪᔪᖅ ᓄᓇᕗᒻᒥᑦ ᓯᓚᑦᑐᓴᕐᕕᐊᓄᑦ 2011-ᒥᓂᓂᑦ. ᖃᐅᔨᒪᓂᖃᖕᓂᖓ ᓄᓇᕗᒥᑦ ᓯᓚᑦᑐᓴᕐᕕᖕᒥᑦ ᑭᖑᓂᖃᕆᔭᐅᓂᐊᖅᑐᖅ.

ᐲᑕ ᒫ ᐅᑎᖕᓂᐊᖅᑐᖅ ᐊᖓᔪᖅᑲᐅᓂᖕᒧᑦ ᓄᓇᕗᒻᒥᑦ ᓯᓚᑦᑐᓴᕐᕕᐊᓄᑦ ᐱᒋᐊᕐᓗᓂ ᐅᑐᐱᕆ 14, 2014-ᒥᑦ. ᒫ ᒫᓐᓇ ᐊᖓᔪᖅᑲᐅᔪᖅ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᓐᓄᑦ. ᓯᕗᕐᖓᓂ ᒫ ᐊᔾᔨᒌᙱᑦᑑᑎᓂᑦ ᒥᓂᔅᑕᐅᑉ

ᑐᒡᓕᖓᓃᖃᑦᑕᖅᓯᒪᔪᑦ ᓄᓇᕗᑦ ᒐᕙᒪᒃᑯᖏᓐᓂᑦ; ᑎᑎᕋᕐᕕᖕᒥᐅᑕᓕᕆᔪᓐᓇᑦᑎᐊᖕᓂᖓ ᐊᑲᐅᓈᕈᑕᐅᓂᐊᖅᑐᖅ ᑖᑉᓱᒧᖓ ᓄᑖᒧᑦ ᐱᓕᕆᐊᒧᑦ.

ᐊᓚᐃᓐ ᐱᐅᕆᐆ, ᐊᖓᔪᖅᑳᙳᖅᑐᖅ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᖏᓐᓄᑦ ᐱᒋᐊᕐᓗᓂ ᐅᑐᐱᕆ 14, 2014-ᒥᑦ. ᐱᐅᕆᐆ ᐊᖓᔪᖅᑲᐅᓯᒪᑯᑖᒃᓯᒪᔪᖅ ᓄᓇᕗᒻᒥᑦ ᐃᒡᓗᓕᕆᔨᕐᔪᐊᒃᑯᖏᓐᓄᑦ ᐊᕐᕌᒍᒐᓴᖕᓄᑦ, ᐃᖅᑲᓇᐃᔭᓚᐅᓵᖕᓂᑰᓪᓗᓂᓗ ᑎᑎᕋᖅᑎᒻᒪᕆᒋᔭᐅᓪᓗᓂ ᓯᕗᓕᖅᑎᒧᑦ ᐲᑕ ᑕᑉᑑᓇᒧᑦ ᓄᑖᙳᖅᐸᓪᓕᐊᓕᖅᑎᓪᓗᒍ ᒐᕙᒪ.

ᐱᒋᐊᕐᓗᓂ ᓯᑎᐱᕆ 23, 2014-ᒥᑦ, ᔮᓐ ᒥᒃᑖᓄᑦ ᑎᓕᔭᐅᓂᐊᖅᑐᖅ ᒥᓂᔅᑕᐅᑉ ᑐᒡᓕᖓᑕ ᐃᑲᔪᖅᑎᖓᓄ ᐃᓕᓐᓂᐊᖕᓂᓕᕆᔨᒃᑯᓐᓄᑦ. ᒥᒃᑖᓄᑦ ᓂᕈᐊᖅᑕᐅᓚᐅᖅᑐᖅ ᒥᓂᔅᑕᐅᑉ ᑐᒡᓕᖓᑕ ᐃᑲᔪᖅᑎᖓᓄ ᐱᓇᔪᒃᑎᓪᓗᒋᑦ. ᐊᖓᔪᖅᑲᐅᖃᑦᑕᖅᓯᒪᔪᖅ ᑕᒪᐃᓐᓄ ᐃᓄᓕᕆᔨᒃᑯᓐᓄᑦ ᐃᓕᓐᓂᐊᖕᓂᓕᕆᔨᒃᑯᓐᓄᓪᓗ.

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃ:

ᔮᒦᓇ ᐱᐸ

ᐱᕙᓪᓕᐊᔪᓕᕆᓂᖕᓄᑦ ᑎᑎᕋᖅᑎᖓ ᓯᕗᓕᖅᑎᐅᑉ ᑕᑉᑑᓇᐅᑉ

ᓄᓇᕗᑦ ᒐᕙᒪᒃᑯᑦ

ᐅᖄᓚᐅᑖ: 867-975-5059

ᐃᕐᖐᓐᓇᒃᑰᕈᑖ: ypepa@gov.nu.ca