ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᒻᒥ ᒐᕙᒪᒃᑯᑦ ᓄᑖᙳᕆᐊᖅᑎᑕᖏᑦ - ᔫᓂ 11, 2020

ᔫᓂ 11, 2020

ᓯᕗᓕᖅᑎᒥᑦ ᑐᓴᒐᒃᓴᖅ:

ᐅᓪᓛᒃᑯᑦ. ᓱᓕ ᓇᓗᓇᐃᖅᓯᒪᓪᓚᕆᒃᑐᓂᒃ ᑕᐃᒪᐃᓐᓇᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᐱᑕᖃᙱᓚᖅ ᓄᓇᕗᒻᒥ. 

ᐅᓪᓗᒥᒧᑦ ᑎᑭᖦᖢᒍ, ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᕝᕕᐅᓯᒪᔪᑦ 1,197−ᖑᕗᑦ. 128 ᐃᓄᐃᑦ ᒫᓐᓇ ᖃᐅᔨᓴᖅᑕᐅᕙᓪᓕᐊᖏᓐᓇᖅᐳᑦ.

ᐅᖓᕙᕆᐊᖅᓯᕗᒍᑦ ᓄᓇᕗᒻᒥᐅᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᑭᒃᑯᑐᐃᓐᓇᓂᒃ ᑐᐊᕕᕐᓇᖅᑐᖁᑎᖓᓂᒃ, ᓱᓕ ᐱᓇᓱᐊᕈᓯᒃᑲᓐᓃᖕᓄᑦ ᒪᕐᕉᖕᓄᑦ, ᔫᓂ 25−ᖑᕋᓱᖕᓂᖓᓂ.

ᑐᓴᖅᑎᑕᐅᓯᒪᕗᖓ ᐊᔾᔨᒌᙱᓐᓂᕆᔭᐅᔪᓂᒃ ᐃᓚᖏᓐᓂ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓂᒋᔭᐅᔪᓂ. ᑕᒪᓐᓇ ᖃᐅᔨᒋᐊᖅᓯᒪᕙᕗᑦ, ᓇᓗᓇᐃᕐᕕᒋᑦᑎᐊᕈᒪᕙᒃᑲᓗ ᓄᓇᕗᒻᒥᐅᑦ ᑭᓇᑐᐃᓐᓇ ᒪᓕᙱᑦᑐᖅ ᒪᓕᒋᐊᓕᖕᓂᒃ − ᑖᒃᑯᐊ ᒪᓕᒋᐊᓖᑦ ᐊᑐᖅᑎᓪᓗᒋᑦ ᑭᓇᑐᐃᓐᓇᑦᑎᐊᓄᑦ ᓄᓇᕗᒻᒧᙵᐅᔪᓄᑦ− ᐱᒋᐊᒃᑲᓐᓂᕆᐊᖃᕋᔭᖅᐳᖅ ᐅᐸᒃᑕᐅᑦᑕᐃᓕᒪᒃᑲᓐᓂᕐᓂᕐᒥᒃ ᐊᒻᒪᓗ 14−ᑲᓐᓂᕐᓂᒃ ᐅᓪᓗᓂᒃ ᐅᐸᒃᑕᐅᑦᑕᐃᓕᒪᒃᑲᓐᓂᓕᕐᓗᓂ.

ᑕᒪᓐᓇ ᐅᐸᒃᑕᐅᑦᑕᐃᓕᒪᓂᖅ ᓄᓇᕗᒻᒧᙵᐅᓂᕐᓗ ᐱᒻᒪᕆᐊᓘᑎᑉᐸᕗᑦ ᑕᐃᒪᙵᑦ ᑕᒪᓐᓇ ᓄᓇᕐᔪᐊᓕᒫᒥ ᖃᓂᒪᓐᓇ ᐱᒋᐊᓚᐅᖅᑎᓪᓗᒍ ᑕᖅᑭᓂ ᐱᖓᓱᓂ.  ᑕᒪᓐᓇ ᐊᑐᖅᑕᐅᔪᖅ ᐅᕙᑦᑎᓐᓂᒃ ᒫᓐᓇᒧᑦ ᑎᑭᖦᖢᒍ ᓄᕙᒡᔪᐊᕐᓇᕐᒥᒃ ᐱᑕᖃᙱᑎᑦᑎᓯᒪᕗᖅ. ᒪᕐᕈᐃᓕᖅᑲᖓᖅᑰᔨᔫᖕᓂᒃ ᐊᑐᖅᑕᐅᓇᔭᖅᑑᖕᓂᒃ ᐱᑕᖃᔾᔮᙱᑦᑎᐊᖅᐳᖅ, ᐊᔾᔨᒌᒃᑎᑦᑎᔪᖃᕐᓂᐊᖅᐳᖅ ᑲᒪᒋᔭᖃᕐᓂᕐᒥᒃ ᑕᒪᒃᑯᓂᖓ ᐅᐸᒃᑕᐅᑦᑕᐃᓕᒪᔪᒦᑦᑐᓂᒃ, ᖃᓄᑐᐃᓐᓇᕐᓗ ᑭᑭᑕᐅᔪᖃᖃᑦᑕᔾᔮᓇᓂ. 

ᑕᒪᓐᓇ ᐊᒃᑐᐊᓂᖃᙱᒃᑲᓗᐊᖅᑎᓪᓗᒍ ᓄᕙᒡᔪᐊᕐᓇᖅᑐᒧᑦ, ᐅᖃᕈᒪᕗᖓ ᐱᑐᐃᓐᓇᐅᙱᑦᑐᒻᒪᕆᖕᒥᒃ, ᓇᓪᓕᐅᓐᓂᖅᓯᐅᑦᑎᐊᖁᔨᓂᕐᒥᒃ ᐆᒥᖓ, ᖄᐱᒃ ᐊᑕᒍᑦᑎᐊᖅ, ᐅᓪᓗᒥ ᐃᕐᐱᐊᕐᔪᖕᒥ ᑖᓐᓇ ᐊᕐᕌᒍᖃᓕᖅᑎᓪᓗᒍ 100-ᓂᒃ. ᑖᓐᓇ ᐊᒥᓱᒻᒪᕆᖕᓄᑦ ᐃᓄᖕᓄᑦ ᐊᔾᔪᒥᒍᓱᒃᑎᑦᑎᓯᒪᖃᑦᑕᕐᓂᖓᓄᑦ, ᐃᒃᐱᒍᓱᑦᑎᐊᖅᖢᑕᓗ ᐃᓱᒪᑐᓂᖓᓄᑦ ᐃᓕᓴᐃᖃᑦᑕᖅᓯᒪᓂᖓᓄᓪᓗ. ᓇᓪᓕᐅᓐᓂᖅᓯᐅᑦᑎᐊᕆᑦ ᖄᐲᒃ − ᖁᔭᓐᓇᒦᖑᔪᑎᑦ ᑭᓱᑐᐃᓐᓇᑦᑎᐊᓄᑦ!

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓂ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:

 

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦᐱᔨᑦᑎᕋᕐᓂᕆᕙᒃᑕᖏᓐᓄᑦ

ᓄᕙᒡᔪᐊᕐᓇᖅ-19−ᒧᑦ ᐅᖄᓚᕝᕕᒃᓴᖅ, ᓇᖕᒥᓂᕐᓗ ᖃᐅᔨᓴᕐᓂᕐᒧᑦ ᐊᑐᖅᑕᐅᔪᓐᓇᖅᑐᖅ

ᑭᓇᑐᐃᓐᓇᑦᑎᐊᖅ ᐃᓱᒪᒋᔭᖃᕈᓂ ᐊᐴᑎᓯᒪᓚᐅᕋᓱᒋᓗᓂ ᓄᕙᒡᔪᐊᕐᓇᖅ-19−ᒧᑦ ᐅᖄᓚᖁᔭᐅᕗᖅ ᓄᕙᒡᔪᐊᕐᓇᒧᑦ ᐅᖄᓚᕝᕕᐅᔪᓐᓇᖅᑐᒧᑦ ᐅᕗᖓ, 1-888-975-8601  10−ᒥᑦ ᐅᓪᓛᒃᑯᑦ 6−ᓗ ᐅᓐᓄᒃᑯᑦ ᐊᑯᓐᓂᖓᓂ, ᐅᕝᕙᓘᓐᓃᑦ ᖃᐅᔨᑎᑲᐅᑎᒋᓗᒋᑦ ᓄᓇᓕᖕᓂ ᐋᓐᓂᐊᕕᖓᑦ,  ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᑎᓪᓗ ᐊᖏᕐᕋᖅᓯᒪᓗᑎᓪᓗ ᐅᓪᓗᓄᑦ 14-ᓄᑦ.

ᑭᓇᑐᐃᓐᓇᑦᑎᐊᖅ ᖃᕆᑕᐅᔭᒃᑰᕈᓐᓇᐅᑎᖃᖅᑐᖅ ᐱᓕᕆᔪᓐᓇᕆᕗᖅ ᐃᑭᐊᖅᑭᕕᒃᑯᑦ ᓇᖕᒥᓂᖅ−ᖃᐅᔨᓴᕈᒪᔪᑦ ᐅᕙᓂ, nu.thrive.health

ᓄᑖᖅ ᖃᕆᑕᐅᔭᒃᑯᑦ ᑎᑎᕋᕐᕕᐅᔪᓐᓇᖅᑐᖅ ᓄᒃᑕᖅᑎᓄᑦ

ᓄᑖᒥᒃ ᖃᕆᑕᐅᔭᒃᑯᑦ ᑐᕌᕈᑎᒥᒃ ᐋᖅᑭᒃᓯᔪᖃᖅᓯᒪᕗᖅ ᓄᓇᕗᒻᒥᐅᓄᑦ ᐊᐅᓚᕈᒪᓂᐊᖅᑐᓄᑦ ᐊᕕᒃᓯᒪᓂᖓᑕ ᐅᑭᐅᖅᑕᖅᑐᒥ ᓯᓚᑕᓄᑦ. ᑕᒪᕐᒥᑦᑎᐊᖅ ᓄᒃᑕᖅᑐᑦ ᑐᓂᓯᔭᕆᐊᖃᖅᐳᑦ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓂᑖᕈᒪᓂᕐᒧᑦ ᐱᔪᒪᔾᔪᑕᐅᔪᒥᒃ ᐅᑯᓄᖓ, NUisolationreservations@nunavutcare.ca ᖃᐅᔨᒪᓕᑐᐊᕈᑎᒃ ᓄᒃᑕᕐᓂᕐᒧᑦ ᐱᕙᒌᔭᖅᑕᐅᓯᒪᓂᕐᒥᓂᒃ, ᓇᓗᙱᑦᑎᐊᕈᒪᓂᕐᒧᑦ ᑖᒃᑯᐊ ᓄᒃᑕᖅᑐᖃᖅᐸᖕᓂᖓᓄᑦ ᐱᓕᕆᔨᑦ ᓇᓗᓇᐃᖅᓯᔪᓐᓇᖁᓪᓗᒋᑦ ᐃᒡᓗᕈᓯᕐᒥᒃ ᒪᓂᒪᔪᖃᕐᒪᖔᑦ ᐃᓂᒃᓴᓕᐅᕐᓗᑎᒡᓗ ᐃᓂᒋᓂᐊᖅᑕᒥᓂᒃ ᓇᓗᓇᐃᖅᑕᐅᓯᒪᔪᓂ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓂᒋᔭᐅᔪᓂ. ᑐᓴᖅᑕᐅᔪᒃᓴᒃᑲᓐᓂᕐᓂᒃ ᓇᓂᓯᔪᖃᕈᓐᓇᖅᐳᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓂ.

 

ᐅᐸᒃᑕᐅᑦᑕᐃᓕᒪᕝᕕᐅᔪᓂ ᐃᓂᓂ ᐃᓱᒫᓘᑎᖃᕐᓂᕐᒧᑦ ᐃᓕᐅᖅᑲᐃᕝᕕᒃ.

ᓄᑖᒥᒃ ᖃᕆᑕᐅᔭᒃᑯᑦ ᑐᕌᕈᑎᒥᒃ ᐋᖅᑭᒃᓯᓯᒪᔪᖃᓕᖅᐳᖅ ᐱᐅᓂᖅᓴᒃᑯᑦ ᑭᐅᓯᖃᑦᑕᕈᒪᓂᕐᒧᑦ ᐃᓱᒫᓘᑕᐅᔪᓂᒃ ᐅᖃᐅᓯᐅᓯᒪᔪᓂᒡᓗ ᐱᓕᕆᕝᕕᒋᔭᐅᓯᒪᔪᓂᑦ ᐱᔭᕇᖅᓯᔪᓂᑦ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᕖᖕᓃᑦᑐᓂᒃ ᖃᓪᓗᓈᓂ ᑲᓇᑕᒥ. ᑖᓐᓇ ᓄᑖᖅ ᖃᕆᑕᐅᔭᒃᑯᑦ ᑎᑎᕋᕐᕕᒃ ᐲᖅᓯᓂᐊᖅᐳᖅ ᐊᒃᓱᕈᓐᓇᖅᑎᑦᑎᔪᒥᒃ ᓄᕙᒡᔪᐊᕐᓇᒧᑦ ᐊᑭᖃᙱᑦᑐᒧᑦ ᐅᖄᓚᕝᕕᒃᓴᐅᕙᒃᑐᒧᑦ, ᐃᓗᐊᖅᓴᖅᑕᐅᔭᖅᑐᖅᓯᒪᔪᓂᒃ ᐃᓅᖃᑎᖃᖅᐸᖕᓂᕐᒥᒃ ᐊᒻᒪᓗ CPHOTravelRequests ᐃᓕᐅᖅᑲᐃᕝᕕᒋᑎᑉᐸᒃᑕᖓᓄᑦ. ᐅᕝᕙ ᓄᑖᖅ ᑐᕌᕈᑖ isolationrelations@gov.nu.ca.

ᐅᓄᕐᓂᖏᑦ

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐊᓂᑦᑕᐃᓕᔭᕆᐊᖃᖅᑐᓄᑦ ᐃᓃᑦ)

ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ

ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᔫᓂ 10-ᒥᑦ ᐱᒋᐊᖅᖢᓂ

ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᓯᒪᔪᑦ

174

ᑭᒃᑯᑐᐃᓐᓇᑦ

226

ᐃᓕᓐᓂᐊᖅᑏᑦ

0

ᑲᑎᖦᖢᒋᑦ

400


ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:

ᐊᐅᓪᓚᕐᕕᒃᓴᖓᑕ ᐅᓪᓗᐊ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐅᐸᒃᑕᐅᑦᑕᐃᓕᒪᔪᓂᖔᖅᑐᑦ

ᔫᓂ 11

30

ᔫᓂ 12

21

ᔫᓂ 13

7

ᔫᓂ 14

6

ᔫᓂ 15

47


ᐱᕕᒡᔪᐊᓂᒃ ᐃᖅᑲᓇᐃᔭᖅᑎᓂᒃ ᐱᔪᒪᔾᔪᑕᐅᔪᑦ

ᔫᓂ 10−ᒥ ᐱᒋᐊᖅᖢᓂ, 1,520−ᓂᒃ ᑐᒃᓯᕋᖅᓯᒪᔪᖃᖅᐳᖅ, 1143−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᕈᑕᐅᔪᑦ.

ᑐᒃᓯᕋᕈᑕᐅᓯᒪᔪᑦ ᖃᓄᐃᓕᖓᓂᖏᑦ

#

%

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᒻᒪᕆᐊᓗᖕᓂᑦ ᐱᒻᒪᕆᐅᓗᐊᙱᑦᑐᓂᒡᓗ)

1335

87.8%

ᐊᖏᕐᑕᐅᙱᑦᑐᑦ

183

10.7%

ᐅᑕᖅᑭᔪᑦ

2

.1%

ᑲᑎᖦᖢᒋᑦ

1520

100%

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᐱᔪᒪᔾᔪᑕᐅᔪᑦ ᓄᓇᕗᒻᒧᐊᕈᒪᓪᓗᓂ ᐃᒡᓗᓕᐅᕐᓂᕐᒧᑦᐊᒃᑐᐊᓂᓕᖕᓄᑦ ᐱᓕᕆᐊᒃᓴᓄᑦ

ᒪᐃ 15, 2020−ᒥ ᐱᒋᐊᕐᓗᓂ, ᐱᔪᒪᔾᔪᑕᐅᔪᑦ ᐃᓯᕈᒪᓗᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒧᑦ ᐃᒡᓗᓕᐅᕐᓂᕐᒧᑦ ᐊᒃᑐᐊᓂᓕᖕᓄᑦ ᐱᓕᕆᐊᒃᓴᓄᑦ, ᓄᒃᑕᕈᒪᓗᓂᓘᓐᓃᑦ ᐊᕕᒃᓯᓂᐅᑉ ᐃᓗᐊᓂ ᐃᒡᓗᓕᐅᕐᓂᕐᒧᑦ ᐊᒃᑐᐊᓂᓕᖕᓄᑦ ᐱᓕᕆᐊᒃᓴᓄᑦ, ᓇᒃᓯᐅᔾᔭᐅᔪᓐᓇᖅᐳᑦ ᐅᕗᖓ,  CPHOconstructionrequests@gov.nu.ca  

ᐃᒡᓗᓕᐅᖅᑏᑦ ᐱᔭᕇᖅᓯᔪᑦ ᐅᐸᒃᑕᐅᑦᑕᐃᓕᒪᓂᕐᒥᒃ

ᐅᓪᓗᒥᒧᑦ ᑎᑭᖦᖢᒍ ᑲᑎᖦᖢᒋᑦ: 120

ᐊᐅᓪᓚᕐᕕᒃᓴᖓᑕ ᐅᓪᓗᐊ

ᓈᓴᐅᑎᖓ

ᓇᒧᙵᐅᓂᐊᖅᐸᑦ

8/ᔫᓂ/20

8

ᒥᑦᑎᒪᑕᓕᒃ

29

ᐃᖃᓗᐃᑦ

6

ᑰᒑᕐᔪᒃ

9/ᔫᓂ/20

5

ᐃᒃᐱᐊᕐᔪᒃ

17

ᐃᖃᓗᐃᑦ

4

ᐃᒡᓗᓕᒑᕐᔪᒃ

4

ᐅᖅᓱᖅᑑᖅ

10/ᔫᓂ/20

1

ᑰᒑᕐᔪᒃ

2

ᐃᖃᓗᐃᑦ

6

ᐃᒃᐱᐊᕐᔪᒃ

29

ᐃᖃᓗᐃᑦ

4

ᖃᐅᓱᐃᑦᑐᖅ

5

ᑲᖏᖅᖠᓂᖅ

 

ᓄᓇᕗᑦ ᒐᕙᒪᖓᑕ ᑎᑎᕋᕐᕕᖏᑦ ᑕᒪᐃᓐᓂ ᓄᓇᓕᖕᓂ ᓱᓕ ᒫᓐᓇ ᒪᑐᓯᒪᕗᑦ ᑭᒃᑯᑐᐃᓐᓇᓄᑦ ᐅᐸᒃᑕᐅᔪᓐᓇᙱᖦᖢᑎᒃ ᒫᓐᓇᐅᔪᒃᑯᑦ. ᑭᓇᑐᐃᓐᓇᒥᒃ ᑕᖅᑳᙵᑐᐃᓐᓇᖅ ᑲᑎᖃᑎᖃᕆᐊᖃᖅᑐᖃᖅᐸᑦ ᓄᓇᕗᑦ ᒐᕙᒪᖓᑕ ᐊᑐᕆᐊᖃᓪᓚᕆᒃᑐᓂᒃ ᐱᔨᑦᑎᕋᕐᕕᖃᕐᓂᕐᒧᑦ ᐃᖅᑲᓇᐃᔭᖅᑎᒥᒃ, ᐊᓯᐊᒍᖔᖅ ᐋᖅᑭᒃᓱᖅᑕᐅᔪᓂᒃ ᐋᖅᑭᒃᓱᖅᑕᐅᔪᖃᕆᐊᖃᖅᐳᖅ.  ᐅᖄᓚᖅᑳᕐᓂᐊᖅᐳᑎᑦ ᓯᕗᓂᑲᓪᓚᖓᒍᑦ ᐃᓂᒃᓴᓕᐅᕐᓗᑎᓪᓗ.

 

ᓄᓇᕗᒻᒥᐅᓂᑦ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᕆᔭᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦᓱᓕᑦᑕᕐᓃᑦ  ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔾᔪᑕᐅᔪᓂᑦ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᕕᑦ.