ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᒻᒥ ᒐᕙᒪᒃᑯᑦ ᓄᑖᙳᕆᐊᖅᑎᑕᖏᑦ - ᔫᓂ 15, 2020

ᔫᓂ 15, 2020

 

ᓯᕗᓕᖅᑎᒥᑦ ᑐᓴᒐᒃᓴᖅ:

ᐅᓪᓛᒃᑯᑦ. ᓱᓕ ᓇᓗᓇᐃᖅᓯᒪᓪᓚᕆᒃᑐᓂᒃ ᑕᐃᒪᐃᓐᓇᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᐱᑕᖃᙱᓚᖅ ᓄᓇᕗᒻᒥ. 

ᐅᓪᓗᒥᒧᑦ ᑎᑭᖦᖢᒍ, ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᕝᕕᐅᓯᒪᔪᑦ 1,239−ᖑᕗᑦ. 152 ᐃᓄᐃᑦ ᒫᓐᓇ ᖃᐅᔨᓴᖅᑕᐅᕙᓪᓕᐊᖏᓐᓇᖅᐳᑦ.

ᐅᓪᓗᒥ ᐱᒋᐊᕐᖢᓂ, ᐃᖃᐃᓕᓴᕐᕖᑦ ᐅᒃᑯᐃᕈᓐᓇᕐᓯᔪᑦ ᐃᓄᑑᓗᑎᒃ ᐃᖃᐃᓕᓴᕐᓗᑎᑦ ᐳᐃᔾᔪᕋᕐᕖᓪᓗ ᐅᒃᑯᐃᕈᓐᓇᕐᓯᔪᑦ ᐳᐃᔾᔪᕋᕆᐊᖅᑐᓄᑦ. ᑭᒍᑎᓕᕆᕝᕖᑦ, ᑎᒥᒃᑯᑦ ᐃᖃᐃᓕᓴᐃᔩᑦ, ᓄᑭᖕᓂᑦ ᖃᓱᓴᐃᔩ, ᐃᖃᐃᓕᓴᖅᑕᐅᓗᓂᓗ ᑲᒪᒋᔭᐅᓃᑦ ᐱᒋᐊᕈᓐᓇᖅᓯᑎᑕᐅᒋᕗᑦ, ᓴᐳᔾᔨᔾᔪᑎᓂᒃ ᐊᓐᓄᕌᓯᒪᑐᐊᕈᑎᒃ.

ᓘᒃᑖᖅ ᐹᑐᓴᓐ ᐅᖃᐅᓯᖃᖕᓂᐊᕐᑐᖅ ᐅᐊᑦᑎᐊᕈ ᑭᖑᓪᓕᕐᒥ ᖃᓄᐃᑉᐸᓪᓕᐊᓂᐅᑉ ᓇᓃᓐᓂᕆᓕᖅᑕᖓᓂ ᖃᓱᕙᓪᓕᐊᑎᓪᓗᒋᑦ ᓄᖅᑲᖅᑎᑕᐅᓯᒪᔪᑦ, ᐃᖅᑲᐃᓯᔪᒪᓪᓗᒋᓪᓗ ᐃᓄᐃᑦ ᐅᒃᑯᐃᕐᐸᓪᓕᐊᔪᓐᓇᕋᑦᑕ ᐊᑦᑕᖕᓇᖅᑕᐃᓕᒪᐃᓐᓇᕈᑦᑕ ᐊᑐᓪᓚᕆᒡᓗᒍᓗ ᐃᓅᖃᑎᓂᑦ ᐅᖓᓯᒌᖕᓃᑦ, ᓴᓗᒪᑦᑎᐊᕐᓂᑦ ᐃᓱᒪᐃᓪᓗ ᐊᑐᑦᑎᐊᕐᓗᒍ. ᐊᓯᔅᓯᓐᓂᒃ ᐃᓱᒪᒋᔭᖃᕐᓗᓯ ᖃᓄᐃᙱᑦᑎᐊᕐᑐᐃᓐᓇᐅᓗᑕ ᐊᑦᑕᖕᓇᙱᑦᑐᒦᓪᓗᑕᓗ.

ᑭᖑᓪᓕᕐᐹᒥᑦ, ᐅᓪᓗᒥ ᓄᓇᕐᔪᐊᕐᒥ ᐃᓐᓇᐃᑦ ᐱᑦᑎᐊᖅᑕᐅᖃᑦᑕᙱᓐᓂᖏᑦᑕ ᐅᔾᔨᖅᓱᖕᓂᖕᒧᑦ ᐅᓪᓗᒋᕙᐅᒃ. ᖃᐅᔨᒪᔪᒍᑦ ᓄᕙᒡᔪᐊᕐᓇᖅ-19 ᐊᑦᑐᐃᓂᕐᓴᐅᓲᖑᖕᒪᑦ ᐃᓐᓇᑐᖃᖕᓂᑦ ᐊᓯᖏᓐᓂᑦ, ᐱᒻᒪᕆᐅᕗᖅ ᐃᖅᑲᐅᒪᓗᑕ ᓴᐳᔾᔨᔭᕆᐊᖃᕋᑦᑕ ᐃᓐᓇᑐᖃᓂᑦ ᒫᓂ ᓄᓇᕗᒻᒥᑦ. ᐃᓐᓇᑐᖃᕗᑦ ᓯᕗᓕᑦᑎᓐᓄᑦ ᑲᑎᙵᐅᑎᒋᕙᕗᑦ, ᐱᒻᒪᕆᐊᓘᓪᓗᓂ ᐅᖃᐅᓯᑦᑎᓐᓄᑦ ᐃᓕᖅᑯᓯᑦᑎᓐᓄᓪᓗ, ᓴᙱᔪᐊᓗᖕᒥᓪᓗ ᐆᒃᑑᑎᒋᓪᓗᑎᒍᑦ ᒪᑭᒪᔪᓐᓇᕐᓂᖕᒥᑦ ᓱᖏᐅᑎᓴᕋᐃᑦᑐᓐᓇᖕᓂᖕᓂᓪᓗ.

ᐱᓕᕆᖃᑎᒌᓚᐅᕐᑕ ᖃᓄᐃᓕᐅᕐᓗᑕ ᐸᖅᑭᓗᑎᒍ, ᐃᓐᓇᑐᖃᑯᓗᒃᐳᓪᓗ ᐊᓐᓂᕐᓇᖅᑐᑦ ᓴᐳᑎᓯᒪᓗᑎᒍ ᖃᓄᐃᑕᐅᑎᙱᓪᓗᒋᓪᓗ ᐋᓐᓂᕐᓇᖅᑐᒧᑦ, ᐱᓗᐊᕐᑐᒥᑦ ᒫᓐᓇ ᓄᑖᒦᑎᓪᓗᑕ ᓄᕙᒡᔪᐊᕐᓇᖅ-19−ᒥᑦ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᓄᑖᙳᕆᐊᖅᑎᑕᖏᑦ

ᐅᓪᓛᒃᑯᑦ,

ᐅᓪᓗᑐᐃᓐᓇᐅᓚᐅᕐᑐᒥᑦ, ᓄᓇᑦᑎᐊᑉ ᒐᕙᒪᒃᑯᖏᑦ ᑐᓴᖅᑎᑦᑎᓚᐅᕐᒪᑕ ᓄᓇᕗᒻᒥᐅᓂᑦ ᓄᓇᑦᑎᐊᒧᐊᕈᓐᓇᕐᓯᑎᑦᑎᓪᓗᑎᒃ ᐃᓄᑑᐊᖑᒋᐊᖃᖏᓪᓗᑎᒃ ᐅᓪᓗᓄᑦ 14-ᓄᑦ. ᐊᓕᐊᓇᐃᒍᓱᒃᐳᖓ ᑐᓴᕋᓱᖃᑎᒋᓚᐅᕐᖢᒋᑦ ᐱᓕᕆᖃᑎᒃᑲ ᓄᓇᑦᑎᐊᑉ ᒐᕙᒪᒃᑯᖏᓐᓂᑦ, ᐅᓪᓗᒥ, ᓄᓇᑦᑎᐊᒥᐅᑦ ᓄᓇᕗᒻᒧᙵᐅᔪᓐᓇᕐᓯᔪᑦ ᐃᓄᑑᓚᐅᖅᑳᖏᓪᓗᑎᒃ ᑎᑭᓐᓂᐊᓕᕈᑎᒃ.

ᐋᖅᑭᒃᑕᐅᓂᖓ ᐊᐅᓪᓚᕐᓂᐅᑉ ᖃᖓᑕᓲᒃᑯᑦ ᓄᓇᐃᓐᓇᒃᑯᓪᓘᓐᓃᑦ ᑖᒃᑯᓇᙵᒃ ᒪᕐᕉᖕᓂᒃ ᐅᑭᐅᕐᑕᕐᑐᒥᐅᓂᑦ ᐃᓚᖃᕐᐳᑦ ᒪᓕᒃᑕᐅᓪᓚᕆᒋᐊᖃᒻᒪᕆᒃᑐᓂᑦ ᓂᕆᐅᒋᔭᓂᒡᓗ:

  • ᐊᐅᓪᓚᕆᐊᖃᖅᑐᑦ ᓄᓇᕗᒻᒥᑦ ᓄᓇᑦᑎᐊᒧᑦ ᐅᕝᕙᓘᓐᓃᑦ ᓄᓇᑦᑎᐊᒥᑦ ᓄᓇᕗᒻᒧᑦ.
  • ᐊᐅᓪᓚᕐᓂᐊᕐᑐᑦ ᓄᓇᒥᓃᓯᒪᓗᑎᒃ ᐱᓇᓱᐊᕈᓰᖕᓄ ᒪᕐᕉᖕᒧ ᐊᐅᓪᓚᓚᐅᖅᑳᕋᑎᑦ ᓄᓇᑦᑎᐊᒧᑦ ᓄᓇᕗᒻᒧᓪᓘᓐᓃᑦ.
  • ᐊᐅᓪᓚᕐᑐᐃᑦ ᓇᓕᐊᓐᓃᑦᑕᕆᐊᓕᑦ ᓄᓇᑦᑎᐊᒥ/ᓄᓇᕗᒻᒥᓪᓗ ᐊᐅᓪᓚᕐᓯᒪᑎᓪᓗᒋᑦ.

ᐊᐅᓪᓚᕐᑐᑦ ᓄᓇᑦᑎᐊᒥᑦ ᓄᓇᕗᒻᒧᐊᕈᒪᔪᑦ, ᑎᑎᕋᕆᐊᖃᖅᑐᑦ ᐅᕗᖓ : cphotravelrequests@gov.nu.ca  ᑎᑎᕋᕐᓗᒋᑦ ᐊᑎᓕᐅᕐᓗᒋᓪᓗ ᓄᓇᕗᒻᒥᑦ ᓄᓇᑦᑎᐊᒧᓪᓗ ᐊᐅᓪᓚᕐᓂᐊᕐᓗᓂᓗ ᓇᓗᓇᐃᔭᐅᑎᒥᑦ. ᑕᐃᒪᐃᙱᑉᐸᑕ ᐊᒃᑐᐃᓂᖃᑐᐃᓐᓇᕆᐊᓕᒃ ᓄᓇᕗᒻᒧᐊᕋᓱᖕᓂᖓᓂ. ᑭᐅᑦᑎᐊᙱᓪᓗᓂ ᓱᓕᙱᓪᓗᓂ ᐊᑭᓕᒃᓴᕐᑖᕐᑎᑕᐅᑐᐃᓐᓇᕆᐊᓕᑦ. ᑕᒪᓐᓇ ᑐᕌᖓᖕᒥᔪᖅᑕᐅᖅ ᓄᓇᕗᒻᒥᐅᓄᑦ ᐅᑎᕈᒪᔪᑦ ᓄᓇᑦᑎᐊᒦᓚᐅᕐᑎᓪᓗᒋᑦ.

ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᐅᑉ ᑎᑎᕋᕐᕕᐊ ᑎᑎᕋᖃᑦᑕᕐᓂᐊᕐᑐᑦ ᐊᖏᕈᑎᒥᑦ. ᐊᐅᓪᓚᕐᓂᐊᕐᑐᑦ ᓴᖅᑭᑦᑎᔭᕆᐊᖃᖃᑦᑕᕐᓂᐊᕐᑐᑦ ᐊᖏᕈᑎᒥᑦ ᑎᑎᖅᑲᒥᑦ ᐃᑭᓚᐅᙱᓐᓂᖏᓐᓂᑦ ᖃᖓᑕᓲᒧ ᓄᓇᕗᓕᐊᕐᑐᒥᑦ.

ᐃᓄᑑᔭᕆᐊᖃᖕᓂᖅ ᓄᓇᕗᒻᒧᐊᓚᐅᖅᑳᕋᓂ ᐃᒪᐃᒃᑯᕕᑦ:

  • ᓄᓇᕗᒻᒥᐅᑕᐅᒍᕕᑦ ᐅᑎᓕᕐᓗᑎᒃ ᐊᖏᕐᕋᒧᑦ ᖃᓪᓗᓈᓂᙵᕐᓗᑎᒃ ᑲᓇᑕᒥᑦ ᔭᓗᓇᐃᕝᑯᑦ. ᑕᐃᒪᐃᑉᐸᑦ, ᐃᓄᑑᔭᕆᐊᖃᖕᓂᐊᕐᐳᑎᑦ ᓄᓇᕗᑦ ᒐᕙᒪᒃᑯᖏᑦᑕ ᐃᓄᑐᐊᒃᑯᕕᐊᓂᑦ ᔭᓗᓇᐃᕝᒥᑦ.
  • ᓄᓇᑦᑎᐊᒥᐅᑕᐅᒍᕕᑦ ᓄᓇᕕᑦ ᓯᓚᑖᓅᕐᓯᒪᓗᑎᑦ ᐱᓇᓱᐊᕈᓰᒃ ᒪᕐᕉᒃ ᑐᖔᓂ ᑎᑭᓚᐅᖅᑳᖕᓇᒃ ᓄᓇᕗᒻᒧᑦ. ᑕᐃᒪᐃᑉᐸᑦ, ᐊᑐᕆᐊᖃᕐᓂᐊᕐᐸᐃᑦ ᓄᓇᑦᑎᐊᑉ ᐃᓄᑑᔭᕆᐊᖃᕐᓂᖏᑦ ᓄᓇᕗᒻᒧᐊᓚᐅᙱᓐᓂᖕᓂᑦ.

ᐅᖃᐅᑎᒃᑲᓐᓂᕈᒪᕙᒃᑲ ᓄᓇᕗᒻᒥᐅᑦ ᒫᓐᓇ ᖃᓄᐃᓕᖓᓂᖓ ᐊᓯᔾᔨᑳᓪᓚᖕᓂᕐᐸᑦ ᓇᓕᐊᓐᓂᑦ ᐅᑭᐅᕐᑕᕐᑐᒥᑦ, ᖃᐅᔨᓴᒃᑲᓐᓂᓛᕐᐳᒍᑦ ᐊᐅᓪᓚᕈᓐᓇᕐᓃᑦ ᖃᓄᐃᓕᐅᕐᓗᑕᓗ ᓴᐳᑎᓇᓱᐊᕐᓗᑎᒍᑦ ᖃᓄᐃᙱᑦᑎᐊᕐᓂᖏᑦ ᐊᑦᑕᖕᓇᖅᑕᐃᓕᒪᓂᖏᑕᓗ ᓄᓇᕗᒻᒥᐅᑦ.

ᑐᑭᓯᒋᐊᒃᑲᓐᓂᕈᓐᓇᖅᑐᑦ ᐊᐅᓪᓚᖕᓂᐅᑉ ᐃᓄᑑᓂᐅᓪᓗ ᒥᒃᓵᓂᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᐊᓂᑦ ᐅᕙᓂ https://gov.nu.ca/health/information/travel-and-isolation.

ᐅᓪᓗᒥᑦᑕᐅᖅ ᐊᐃᑉᐸᕆᓕᕐᑕᖓᓂ ᒪᕐᕈᐃᕐᖢᒍ−ᐱᓇᓱᐊᕈᓯᖕᒥᑦ ᑐᓴᖅᑎᑦᑎᖃᑦᑕᖕᓂᕗᑦ ᖃᓄᐃᓕᖓᓕᖕᓂᖏᓐᓂᑦ ᒫᓐᓇ ᐋᓐᓂᐊᖃᖅᑕᐃᓕᒪᔾᔪᑕᐅᔪᐃᑦ.

ᐱᒋᐊᕐᓗᓂ ᔫᓂ 22:

  • ᐃᓄᖕᒧᑦ ᐱᔨᑦᑎᕋᖅᑏᑦ ᐅᒃᑯᐃᕈᓐᓇᕐᓯᓂᐊᓕᖕᒥᔪᑦ ᐃᓄᑑᐊᖑᑎᑦᑎᕙᒡᓗᑎᒃ ᐱᔨᑦᑎᕋᓕᕌᖓᒥᒃ. ᐅᑯᐊ ᓄᔭᓕᕆᕝᕕᑦ ᑯᑭᓕᕆᕝᕖᓪᓗ. ᓱᓕᑦᑕᐅᖅ, ᑖᒃᑯᐊᒃ ᑲᒪᒋᔭᖃᖕᓂᐊᕐᑐᑦ ᓴᐳᔾᔨᓯᒪᔾᔪᑎᓂᑦ ᐊᓐᓄᕌᓂ ᐊᑐᐃᓐᓇᖃᕐᓗᑎᒃ ᑕᒪᐃᓐᓄᑦ ᐱᔨᑦᑎᕋᕐᕕᒋᔭᒥᓄᒃ ᐱᔨᑦᑎᕋᖅᑎᓄᓪᓗ ᑐᒃᓯᕌᖑᒑᖓᒥ.
  • ᐃᒥᕐᕖᑦ ᓂᕆᕝᕖᓪᓗ ᐅᒃᑯᐃᕈᓐᓇᓛᓕᕐᑐᑦ ᐅᒃᑯᐃᖓᓗᑎᒃᓗ ᓇᑉᐸᐃᓐᓇᖓᓂ ᐃᓄᒋᐊᒍᓐᓇᕐᑕᖏᓐᓂᑦ. ᑭᖑᓪᓕᕐᐹᒥᑦ ᐃᒥᐊᓗᖕᒥᑦ ᑎᑭᓴᐃᓐᓇᖃᑦᑕᓛᖅᑐᖅ 9−ᒥᑦ ᐅᓐᓄᒃᑯᑦ. ᐊᐅᓚᑦᑎᔨᑦ ᑲᒪᑦᑎᐊᕆᐊᖃᖕᓂᐊᕐᑐᑦ ᑖᒃᑯᐊ ᐃᒥᕆᐊᖅᑐᖅᓯᒪᔪᑦ/ᓂᕆᔭᖅᑐᕐᓯᒪᔪᑦ ᐃᓅᖃᑎᒥᓂᒃ ᐅᖓᓯᒃᑲᓗᐊᕆᐊᒃᓴᖏᓐᓂᑦ. ᐃᒥᐊᓗᖕᓂᑦ ᖃᐅᔨᓴᖅᑎᑦ ᐱᔪᓐᓇᖕᓂᖃᖅᐳᐃᑦ ᐊᑐᕐᓗᑎᒃ ᑎᓕᐅᕆᔾᔪᑎᓂᒃ ᐃᓅᖃᑎᒥ ᐅᖓᓯᖕᓂᖕᒧᑦ, ᖃᐅᔨᓴᖃᑦᑕᕐᓂᐊᕐᖢᑎᒃᓗ ᒪᓕᒃᑕᐅᒐᓗᐊᕆᐊᒃᓴᖏᓐᓂᑦ ᑖᒃᑯᐊ ᒪᓕᒃᑕᐅᔭᕆᐊᖃᖅᑐᑦ.
  • ᑕᕐᕆᔭᕐᕖᑦ ᑐᒃᓯᐊᕐᕖᓪᓗ ᐅᒃᑯᐃᕈᓐᓇᓛᓕᖕᒥᔪᑦ ᔫᓂ 22.

ᔫᓂ 29−ᒥᑦ:

  • ᒪᒃᑯᒃᑐᒃᑯᕕᑦ ᐅᓪᓗᒃᑯᓪᓗ ᐱᓕᕆᔭᕐᑐᕖᑦ ᑲᔪᓯᔪᓐᓇᖕᓂᐊᓕᖕᒥᔪᑦ ᐊᐅᓚᓕᕐᓗᑎᒃ.
  • ᐊᑯᓂᐅᔪᒧᑦ−ᐸᖅᑭᕖᑦ ᐳᓛᖅᑕᐅᔪᓐᓇᕐᓯᓂᐊᓕᖕᒥᔪᑦ ᐃᓄᒋᐊᓗᐊᙱᓪᓗᑎᒃ; ᐊᑕᐅᓯᖕᒥᑦ ᒪᒃᕉᖕᓂᓪᓘᓐᓃᑦ ᐳᓛᖅᑎᖃᕐᐸᒡᓗᑎᒃ, ᑖᒃᑯᐊᓗ ᐳᓛᕆᐊᖅᑐᑦ ᐃᓚᒋᔭᐅᑐᐊᕈᑎᒃ.

ᐊᑐᕐᑕᐅᔭᕆᐊᓕᑦ ᐅᒃᑯᐃᖕᓂᖕᒧᑦ ᐊᑐᐃᓐᓇᐅᓂᐊᕐᑐᑦ ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᐊᓂᑦ ᐊᒡᒋᖅᑐᓂᑦ ᐅᓪᓗᓂᑦ.

ᓇᓚᐅᑦᑖᕈᓐᓇᕋᓗᐊᕐᖢᑕ ᖃᓄᐃᓛᕐᑐᓂᑦ ᐱᓇᓱᐊᕈᓯᖕᒥᑦ ᒪᕐᕉᖕᓂᑦ, ᐅᔾᔨᕐᓱᐃᓐᓇᕆᐊᖃᖅᐳᒍᑦ ᐊᓯᔾᔨᕆᐊᖃᑐᐃᓐᓇᓕᕆᐊᖃᖕᓂᖓᓂᑦ ᓴᖅᑭᑦᑎᒃᑲᓐᓂᖔᕐᓗᑎᒃᓘᓐᓃᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ. ᐃᓂᖃᓕᕋᓗᐊᕐᖢᑕ ᖃᓱᓴᐃᓂᖕᓂᑦ ᓄᖅᑲᖅᑎᓯᒪᔪᓂᑦ, ᐊᑦᑕᖕᓇᕋᑦᑕ ᓱᓕ ᐊᒃᑐᐃᓇᔭᖕᓂᖓᓂ ᐆᒪ ᓄᓇᕐᔪᐊᒥᑦ ᖃᓂᒪᓂᖅ.

ᐱᓇᓱᐊᕈᓯᑕᒫᑦ, ᓄᑖᓂᑦ ᑐᓴᒐᒃᓴᓂᑦ ᐊᑐᐃᓐᓇᖅᑕᖃᖃᑦᑕᕐᐳᖅ. ᐱᓇᓱᐊᕈᓯᑕᒫᑦ, ᖃᓄᐃᓕᖓᓂᖓ ᐊᓯᔾᔨᕈᓐᓇᖅᐳᖅ. ᐊᓯᔾᔨᙱᑦᑐᕐᓕ ᐃᓅᖃᑎᒥᑦ ᐅᖓᓯᒋᖕᓂᖅ, ᐅᐊᓴᖃᑦᑕᕐᓂᖅ ᐊᒡᒐᓂᑦ ᐊᐃᓯᒪᓗᑎᒃᓗ ᐋᓐᓂᐊᕈᑎᒃ ᑖᒃᑯᐊ ᐱᖓᓱᐃ ᖃᓄᐃᓕᐅᒐᒃᓴᐃᑦ ᑕᒪᑦᑕᓗ ᐊᑐᕈᓐᓇᕐᑕᕗᑦ ᐃᓚᕗᑦ ᓄᓇᓕᕗᓪᓗ ᐊᑦᑕᖕᓇᖅᑐᒦᖁᓇᒋᑦ.

ᖁᔭᓐᓇᒦᒃ.

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓂ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᕐᓂᕆᕙᒃᑕᖏᓐᓄᑦ

ᐅᖃᓗᒃᐸᒌᖕᓂᖅ ᐋᓐᓂᐊᕕᖕᓄᑦ

ᑭᓯᐊᓂ ᑐᐊᕕᖕᓇᖅᑐᒃᑯᑦ ᐋᓐᓂᐊᓕᕈᕕᑦ, ᐅᖃᓗᖅᑳᕆᑦ ᐋᓐᓂᐊᕕᖕᒧᑦ ᐅᐸᓚᐅᙱᓐᓂᖕᓂᑦ. ᐅᖃᐅᓯᕆᓗᒋᑦ ᖃᓄᐃᓐᓂᕆᔭᑎᑦ, ᐋᓐᓂᐊᓯᐅᑎᓪᓗ ᐅᖃᓘᑎᒃᑯᑦ ᖃᐅᔨᓴᕈᓐᓇᖅᑐᐃᑦ ᐃᓂᒃᓴᓕᐅᕆᔪᓐᓇᕐᖢᑎᒃᓗ ᐃᓅᓕᓴᐃᑦᑎᐊᕐᓂᐊᕐᓗᑎᒃ.

ᒪᑐᐊᕐᓯᒪᖃᑦᑕᖕᓂᖅ ᐋᓐᓂᐊᕕᖕᓂᑦ

ᐋᓐᓂᐊᕕᓕᐊᕈᕕᑦ ᐊᓂᕐᓂᖕᓄᑦ ᖃᓄᐃᔾᔪᑎᐅᔪᒥᑦ ᓲᕐᓗ ᖁᐃᕐᓱᑲᑕᒃᓗᑎᒃ, ᑕᒋᐅᒃᓴᑲᑕᒃᓗᑎᒃ, ᑲᒃᑭᓕᑲᑕᒡᓗᑎᓪᓘᓐᓃᑦ, ᒪᑐᐊᕐᓯᒪᓂᐊᕐᐳᑎᑦ. ᒪᑐᐊᕈᑎᒃᓴᖃᙱᒃᑯᕕᑦ, ᐅᖃᐅᑎᓂᐊᕐᐸᐃᑦ ᑕᑯᔭᑦ ᐋᓐᓂᐊᕕᖕᒥᑦ ᖃᓄᐃᓐᓂᕆᔭᐃᑦ, ᑐᓂᔭᐅᔪᓐᓇᖕᓂᐊᕐᐳᑎᓪᓗ.

ᓄᑖᖅ ᖃᕆᑕᐅᔭᒃᑯᑦ ᑎᑎᕋᕐᕕᐅᔪᓐᓇᖅᑐᖅ ᓄᒃᑕᖅᑎᓄᑦ

ᓄᑖᒥᒃ ᖃᕆᑕᐅᔭᒃᑯᑦ ᑐᕌᕈᑎᒥᒃ ᐋᖅᑭᒃᓯᔪᖃᖅᓯᒪᕗᖅ ᓄᓇᕗᒻᒥᐅᓄᑦ ᐊᐅᓚᕈᒪᓂᐊᖅᑐᓄᑦ ᐊᕕᒃᓯᒪᓂᖓᑕ ᐅᑭᐅᖅᑕᖅᑐᒥ ᓯᓚᑕᓄᑦ. ᑕᒪᕐᒥᑦᑎᐊᖅ ᓄᒃᑕᖅᑐᑦ ᑐᓂᓯᔭᕆᐊᖃᖅᐳᑦ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓂᑖᕈᒪᓂᕐᒧᑦ ᐱᔪᒪᔾᔪᑕᐅᔪᒥᒃ ᐅᑯᓄᖓ, NUisolationreservations@nunavutcare.ca ᖃᐅᔨᒪᓕᑐᐊᕈᑎᒃ ᓄᒃᑕᕐᓂᕐᒧᑦ ᐱᕙᒌᔭᖅᑕᐅᓯᒪᓂᕐᒥᓂᒃ, ᓇᓗᙱᑦᑎᐊᕈᒪᓂᕐᒧᑦ ᑖᒃᑯᐊ ᓄᒃᑕᖅᑐᖃᖅᐸᖕᓂᖓᓄᑦ ᐱᓕᕆᔨᑦ ᓇᓗᓇᐃᖅᓯᔪᓐᓇᖁᓪᓗᒋᑦ ᐃᒡᓗᕈᓯᕐᒥᒃ ᒪᓂᒪᔪᖃᕐᒪᖔᑦ ᐃᓂᒃᓴᓕᐅᕐᓗᑎᒡᓗ ᐃᓂᒋᓂᐊᖅᑕᒥᓂᒃ ᓇᓗᓇᐃᖅᑕᐅᓯᒪᔪᓂ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓂᒋᔭᐅᔪᓂ. ᑐᓴᖅᑕᐅᔪᒃᓴᒃᑲᓐᓂᕐᓂᒃ ᓇᓂᓯᔪᖃᕈᓐᓇᖅᐳᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓂ.

ᐅᐸᒃᑕᐅᑦᑕᐃᓕᒪᕝᕕᐅᔪᓂ ᐃᓂᓂ ᐃᓱᒫᓘᑎᖃᕐᓂᕐᒧᑦ ᐃᓕᐅᖅᑲᐃᕝᕕᒃ.

ᓄᑖᒥᒃ ᖃᕆᑕᐅᔭᒃᑯᑦ ᑐᕌᕈᑎᒥᒃ ᐋᖅᑭᒃᓯᓯᒪᔪᖃᓕᖅᐳᖅ ᐱᐅᓂᖅᓴᒃᑯᑦ ᑭᐅᓯᖃᑦᑕᕈᒪᓂᕐᒧᑦ ᐃᓱᒫᓘᑕᐅᔪᓂᒃ ᐅᖃᐅᓯᐅᓯᒪᔪᓂᒡᓗ ᐱᓕᕆᕝᕕᒋᔭᐅᓯᒪᔪᓂᑦ ᐱᔭᕇᖅᓯᔪᓂᑦ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᕖᖕᓃᑦᑐᓂᒃ ᖃᓪᓗᓈᓂ ᑲᓇᑕᒥ. ᑖᓐᓇ ᓄᑖᖅ ᖃᕆᑕᐅᔭᒃᑯᑦ ᑎᑎᕋᕐᕕᒃ ᐲᖅᓯᓂᐊᖅᐳᖅ ᐊᒃᓱᕈᓐᓇᖅᑎᑦᑎᔪᒥᒃ ᓄᕙᒡᔪᐊᕐᓇᒧᑦ ᐊᑭᖃᙱᑦᑐᒧᑦ ᐅᖄᓚᕝᕕᒃᓴᐅᕙᒃᑐᒧᑦ, ᐃᓗᐊᖅᓴᖅᑕᐅᔭᖅᑐᖅᓯᒪᔪᓂᒃ ᐃᓅᖃᑎᖃᖅᐸᖕᓂᕐᒥᒃ ᐊᒻᒪᓗ CPHOTravelRequests ᐃᓕᐅᖅᑲᐃᕝᕕᒋᑎᑉᐸᒃᑕᖓᓄᑦ. ᐅᕝᕙ ᓄᑖᖅ ᑐᕌᕈᑖ isolationrelations@gov.nu.ca.

ᐅᓄᕐᓂᖏᑦ

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐊᓂᑦᑕᐃᓕᔭᕆᐊᖃᖅᑐᓄᑦ ᐃᓃᑦ)

ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ

ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᔫᓂ 14-ᒥᑦ ᐱᒋᐊᖅᖢᓂ

ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᓯᒪᔪᑦ

201

ᑭᒃᑯᑐᐃᓐᓇᑦ

206

ᐃᓕᓐᓂᐊᖅᑏᑦ

0

ᑲᑎᖦᖢᒋᑦ

407

 

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:

ᐊᐅᓪᓚᕐᕕᒃᓴᖓᑕ ᐅᓪᓗᐊ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐅᐸᒃᑕᐅᑦᑕᐃᓕᒪᔪᓂᖔᖅᑐᑦ

ᔫᓂ 13

7

ᔫᓂ 14

6

ᔫᓂ 15

46

ᔫᓂ 16

49

ᔫᓂ 17

35


ᐱᕕᒡᔪᐊᓂᒃ ᐃᖅᑲᓇᐃᔭᖅᑎᓂᒃ ᐱᔪᒪᔾᔪᑕᐅᔪᑦ

ᔫᓂ 13−ᒥ ᐱᒋᐊᖅᖢᓂ, 1,574−ᓂᒃ ᑐᒃᓯᕋᖅᓯᒪᔪᖃᖅᐳᖅ, 1,181−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᕈᑕᐅᔪᑦ.

ᑐᒃᓯᕋᕈᑕᐅᓯᒪᔪᑦ ᖃᓄᐃᓕᖓᓂᖏᑦ

#

%

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᒻᒪᕆᐊᓗᖕᓂᑦ ᐱᒻᒪᕆᐅᓗᐊᙱᑦᑐᓂᒡᓗ)

1379

87.6%

ᐊᖏᕐᑕᐅᙱᑦᑐᑦ

186

11.8%

ᐅᑕᖅᑭᔪᑦ

9

0.6%

ᑲᑎᖦᖢᒋᑦ

1574

100%

 

ᑲᔪᓰᓐᓇᖅᑐᑦ ᐱᔨᑦᑎᕋᐅᑕᐅᔪᑦ:

ᐋᓐᓂᐊᖃᕐᓇᙱᑦᑐᓕᔨᓄᑦ ᐱᔨᑦᑎᕋᕐᓂᕆᔭᐅᕙᒃᑐᓄᑦ ᐃᑲᔪᖅᑕᐅᓂᐅᖃᑦᑕᖅᑐᑦ ᓱᓕ ᐊᑐᐃᓐᓇᐅᔪᑦ ᑕᒪᐃᓐᓄᑦ ᓄᓇᓕᖕᓂ 7-ᓄᑦ ᐅᓪᓗᓄᑦ ᐱᓇᓱᐊᕈᓯᕐᒥ. ᑐᐊᕕᕐᓇᙱᑦᑐᓕᒫᑦ ᑲᒪᒋᔭᕆᐊᓖᑦ ᐱᓕᕆᐊᖑᖃᑦᑕᕐᓂᐊᖅᑐᑦ ᖃᐅᑕᒫᑦ ᑐᐊᕕᕐᓇᓂᖏᑦ ᒪᓕᓪᓗᒋᑦ. ᑐᐊᕕᕐᓇᖅᑐᓕᕆᔨᓄᑦ ᐋᓐᓂᐊᕕᖕᒥᑦ ᐱᔨᑎᕋᐅᑎᖏᑦ ᓱᓕ ᐊᑐᐃᓐᓇᖏᓐᓇᕐᓂᐊᖅᑐᑦ 24−ᓄᑦ ᐃᑲᕐᕋᓄᑦ, ᐱᓇᓱᐊᕈᓯᓕᒫᑦᑎᐊᖅ. ᐃᓗᐊᖅᓴᖅᑕᐅᔭᕆᐊᖃᖅᑐᓕᒫᑦ ᐅᖄᓚᖃᑦᑕᖁᔭᐅᕗᑦ ᓴᖅᑭᓚᐅᙱᓐᓂᕐᒥᓂ ᐋᓐᓂᐊᕐᕕᖕᒧᑦ.

ᐱᒋᐊᕐᖢᓂ ᔫᓂ 8−ᒥᑦ, ᐊᒥᓲᓂᕐᓴᓂ ᒪᓂᒪᓂᖅᑕᖃᖃᑦᑕᕐᓂᐊᓕᖅᐳᖅ ᐅᐸᒃᓯᓗᓂ ᖃᓄᐃᙱᓐᓂᕐᒧᑦ ᖃᐅᔨᓴᖅᑕᐅᓂᕐᓂᒃ ᐋᓐᓂᐊᕕᓕᐊᕐᕕᖕᓂ ᑕᒫᓂᓕᒫᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ. 

  • ᐃᖃᓗᖕᓂ, ᐅᖁᒪᐃᓐᓂᕐᓂᐊᕐᕕᒃ, ᑐᐊᕕᕐᓇᖅᑐᓕᕆᕝᕕᒃ ᐃᒡᓗᕈᓯᖅ ᐅᓂᒃᓯᒪᕝᕕᐅᕙᒃᑐᕐᓗ ᒪᑐᐃᖓᐃᓐᓇᕐᓂᐊᖅᑐᑦ.
  • ᖃᓄᐃᙱᑦᑎᐊᖅᑐᓄᑦ ᓄᑕᕋᓛᕐᓄᑦ ᐱᓕᕆᐊᖑᕙᒃᑐᑦ, ᓯᖓᐃᔪᓄᑦ ᑕᑯᔭᐅᕙᒃᑐᑦ ᑲᐱᔭᐅᕙᒃᑐᓪᓗ ᑲᔪᓰᓐᓇᖅᐳᑦ ᓄᓇᕘᓕᒫᒥ.
  • ᓘᒃᑖᑦ ᑲᔪᓰᓐᓇᕐᓂᐊᖅᑐᑦ ᓄᓇᓕᖕᓄᑦ ᐳᓚᕋᖃᑦᑕᕐᓂᖏᑦ. ᑕᒪᓐᓇ ᐊᔪᕐᓇᕐᓂᖅᐸᑦ, ᑕᑯᔭᐅᖃᑦᑕᕐᓂᐊᖅᑐᑦ ᑕᓚᕖᓴᒃᑯᑦ ᐃᓗᐊᖅᓴᖅᑕᐅᓗᑎᒃ ᐅᖄᓚᐅᑎᒃᑯᓪᓘᓐᓃᑦ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᐃᓂᒃᓴᓕᐅᖅᑐᑦ ᐋᓐᓂᐊᕕᖕᒧᑦ ᑐᐊᕕᕐᓇᕐᓂᕆᔭᖏᑦ ᒪᓕᒃᑕᐅᖃᑦᑕᕐᓂᐊᖅᐳᑦ; ᑕᐃᒪᐃᒻᒪᑦ ᐅᖃᓘᑎᒃᑯᑦ ᐃᓂᒃᓴᓕᐅᖃᑦᑕᕐᓂᐊᖅᐳᑦ ᐅᕝᕙᓘᓐᓃᑦ ᐅᐸᒡᓗᑎᒃ.

ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖃᑦᑕᖅᑐᑦ ᐅᓄᕈᓐᓃᕆᐊᖅᑕᐅᔪᑦ ᑭᓯᐊᓂ ᑐᐊᕕᕐᓇᓐᑐᓄᑦ ᐋᓐᓂᐊᕕᓕᐊᕆᐊᓕᖕᓄᑐᐊᖅ ᐊᐅᓚᖅᑎᑕᐅᖃᑦᑕᕐᓂᐊᖅᑐᑦ. ᑲᒪᒋᔭᐅᕙᒃᑐᑦ ᐅᖃᐅᔾᔪᖅᑕᐅᓂᐊᖅᐳᑦ ᐊᓯᔾᔨᖅᑕᐅᔪᓂᑦ ᐅᖃᖃᑎᒌᖃᑕᐅᓗᑎᒡᓗ ᑐᓴᕆᐊᓕᖏᓐᓂᑦ.

ᐃᖃᓗᖕᓂ, ᐋᓂᐊᕐᕕᓕᐊᖃᑦᑕᖅᑐᓄᑦ ᐊᒻᒪ ᑎᒥᒃᑯᑦ ᐃᖃᐃᓕᓴᕆᐊᓖᑦ ᑕᑯᔭᐅᖃᑦᑕᖅᑐᑦ ᑐᐊᕕᕐᓇᕐᓂᖏᑦ ᒪᓕᓪᓗᒋᑦ ᑕᑯᔭᐅᖃᑦᑕᖅᑐᑦ ᐊᒻᒪ ᑕᑯᔭᒃᓴᓕᐊᖑᓯᒪᔪᓂ ᓱᓕ ᑕᑯᖃᑦᑕᖅᑐᑦ. ᐊᐅᖏᖅᑕᐅᓯᒪᔪᓂᑦ ᖃᐅᔨᓴᕐᕕᖓ ᐊᒻᒪ ᑕᕐᕋᖅᑐᖅᑕᐅᕕᖓ ᕿᑭᖅᑕᓂ ᐋᓐᓂᐊᕕᖕᒥ ᐃᓚᐃᓐᓇᖏᓐᓂᑦ ᑲᒪᖃᑦᑕᕐᓂᐊᖅᑐᑦ. ᑕᒪᕐᒥᑦᑎᐊᖅ ᑕᑯᔭᔅᓴᓕᐊᖑᓯᒪᔪᑦ ᐃᓂᔅᓴᓕᐅᖅᑕᐅᓯᒪᔪᑦ ᑐᐊᕕᕐᓇᓂᖏᑦᑎᒍᑦ ᒪᓕᓪᓗᒋᑦ ᐋᖅᑭᒃᒋᐊᖅᑕᐅᒃᑲᓐᓂᖅᐸᓪᓕᐊᕗᑦ.

MHA−ᑯᑦ ᐅᖄᓚᐅᑎᒃᑯᖔᖅ ᖃᐅᔨᓴᖅᑕᐅᖃᑦᑕᕐᓂᐊᓕᖅᑐᑦ ᐃᑲᔪᖅᑕᐅᖃᕐᓗᑎᓪᓗ ᐃᓚᖏᓐᓄᑦ ᐃᓄᓕᕆᔭᐅᖃᑦᑕᖅᑐᓄᑦ. ᑕᑯᔭᔅᓴᓕᐊᖑᓯᒪᔪᑦ ᐃᔭᒐᖏᓐᓂᑦ ᐊᐃᔅᓯᕆᐊᓖᑦ ᐊᒻᒪ ᐱᓕᕆᖃᖅᑕᕐᓂᕆᕙᑦᑕᖏᑦ ᓱᓕ ᐊᓯᔾᔨᖏᑦᑐᑦ. ᑐᐅᕕᕐᓇᖅᑐᒦᓪᓚᕆᒃᑯᕕᑦ, ᐋᓐᓂᐊᕐᕕᖕᒧᐊᕐᓗᑎᑦ. ᐊᖏᕐᕋᕆᔭᐅᔪᓂ ᐅᐸᒃᓯᕙᖕᓃᑦ ᐃᓗᐊᖅᓴᐃᔭᖅᑐᕐᓗᓂ ᐱᓕᕆᐊᖑᓂᐊᖅᐳᑦ ᐊᑕᐅᓯᐅᓈᖅᑎᕐᓗᒋᑦ ᑕᐃᒪᐃᓕᐅᕆᐊᖃᖅᐸᑕ.

ᐱᒋᐊᕐᓗᓂ ᔫᓂ 15, ᑭᒍᑎᓕᕆᔨᒃᑯᑦ ᐅᒃᑯᐃᕈᓐᓇᕐᓯᓂᐊᓕᕐᑐᑦ, ᑕᒪᓐᓇ ᐱᔨᑦᑎᕋᐅᑎ ᐊᑐᐃᓐᓇᐅᙱᑐᐃᓐᓇᕆᐊᓖᑦ ᓄᓇᓕᓕᒫᓂ ᒫᓐᓇᑲᐅᑎᒋ. ᓄᓇᓕᖕᓄᑦ ᐱᔨᑦᑎᕋᐅᑎᑦ ᑭᖑᕙᓯᖕᓂᐊᕐᑐᓄᑦ, ᑐᐊᕕᖕᓇᖅᑐᒃᑰᕈᓐᓇᓛᖕᒥᔪᑦ.

 

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

ᐱᑐᐃᓐᓇᐅᙱᑦᑐᔨᕆᕝᕖᑦ ᐃᓗᐊᖅᓴᖅᑕᐅᓃᑦ ᓄᖅᑲᖅᑎᑕᐅᓯᒪᓕᖅᐳᑦ. ᐱᓕᕆᔪᖃᖅᐸᓪᓕᐊᕗᖅ ᖃᐅᔨᒪᓕᕈᒪᓂᕐᒧᑦ ᓇᓕᐊᒃ ᐃᓗᐊᖅᓴᖅᑕᐅᔭᕆᐊᓖᑦ ᑲᒪᒋᔭᐅᔪᓐᓇᕐᒪᖔᑕ ᐅᖄᓚᐅᑎᒃᑯᑦ/ᖃᕆᓴᐅᔭᒃᑯᑦ ᑲᒪᒋᔭᐅᓗᑎᒃ.

ᐊᐅᓪᓚᕆᐊᓖᑦ ᐱᔭᕆᐊᖃᓪᓚᕆᖏᑦᑐᑦ ᐃᓱᒪᓕᕆᔨᒃᑯᑎᒍᑦ ᐱᓕᕆᕝᕕᐅᕙᒃᑐᓄᑦ ᐃᓚᒌᓐᓄᓪᓗ ᓄᖅᑲᖅᑎᑕᐅᕗᑦ. ᐊᐅᓪᓚᕆᐊᖃᖅᑐᓕᒫᑦ ᖃᑕᙳᑎᒥᓂᒃ ᐋᓐᓂᐊᕐᕕᖕᒦᑦᑐᒥᒃ ᑕᑯᔭᖅᑐᖅᐸᒃᑐᑦ ᓄᖅᑲᖅᑎᑕᐅᔪᑦ.

ᐳᓛᕆᐊᖅᑐᖃᖃᑦᑕᕈᓐᓇᔾᔮᙱᑦᑐᖅ ᐊᕗᖓᑲᓪᓚ ᑲᒪᒋᔭᖃᖅᐸᖕᓂᕐᒧᑦ ᐃᓂᒋᔭᐅᔪᐅᓂ ᓄᓇᕗᒻᒥ − ᑎᒥᒥᒍᑦ ᐃᓕᖅᑯᓯᖅᓱᙱᑦᑐᓄᑦ ᐃᓂᒋᔭᐅᔪᓂ ᐃᓐᓇᐃᓪᓗ ᐊᖏᕐᕋᕆᔭᖏᓐᓂ.

 

ᒪᓕᒐᓕᕆᔨᒃᑯᓐᓂᑦ ᐱᔨᑦᑎᕋᐅᑎᑦ

ᐃᓚᒋᔭᐅᔪᐃᑦ ᐳᓛᕆᐊᖃᑦᑕᕈᓐᓇᖅᓯᖕᒥᔪᑦ ᑎᒍᔭᐅᒪᕕᑦᑎᓐᓂᑦ ᐃᓂᒃᓴᓕᐅᕐᓂᒃᑯᑦ.

ᐃᓚᖏᓐᓂᑦ ᑭᒡᓕᖃᖕᓂᐊᕐᑐᑦ ᐊᑦᑕᖕᓇᖅᑕᐃᓕᒪᐃᓐᓇᖁᓪᓗᒋᑦ ᑎᒍᔭᐅᒪᔪᑦ ᐃᖅᑲᓇᐃᔭᖅᑎᓪᓗ. ᑲᔪᓰᓐᓇᖕᓂᖓᓂᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᑐᐊᕕᕐᓇᖅᑐᖅ ᐊᓯᔾᔨᑐᐃᓐᓇᕆᐊᓕᒃ ᑐᓴᖅᑎᑦᑎᙱᓪᓗᑎᒃ.

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᐱᔪᒪᔾᔪᑕᐅᔪᑦ ᓄᓇᕗᒻᒧᐊᕈᒪᓪᓗᓂ ᐃᒡᓗᓕᐅᕐᓂᕐᒧᑦ−ᐊᒃᑐᐊᓂᓕᖕᓄᑦ ᐱᓕᕆᐊᒃᓴᓄᑦ

ᐱᔪᒪᔾᔪᑕᐅᔪᑦ ᐃᓯᕈᒪᓗᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒧᑦ ᐃᒡᓗᓕᐅᕐᓂᕐᒧᑦ ᐊᒃᑐᐊᓂᓕᖕᓄᑦ ᐱᓕᕆᐊᒃᓴᓄᑦ, ᓄᒃᑕᕈᒪᓗᓂᓘᓐᓃᑦ ᐊᕕᒃᓯᓂᐅᑉ ᐃᓗᐊᓂ ᐃᒡᓗᓕᐅᕐᓂᕐᒧᑦ ᐊᒃᑐᐊᓂᓕᖕᓄᑦ ᐱᓕᕆᐊᒃᓴᓄᑦ, ᓇᒃᓯᐅᔾᔭᐅᔪᓐᓇᖅᐳᑦ ᐅᕗᖓ,  CPHOconstructionrequests@gov.nu.ca

 

ᐃᒡᓗᓕᐅᖅᑏᑦ ᐱᔭᕇᖅᓯᔪᑦ ᐅᐸᒃᑕᐅᑦᑕᐃᓕᒪᓂᕐᒥᒃ

ᐅᓪᓗᒥᒧᑦ ᑎᑭᖦᖢᒍ ᑲᑎᖦᖢᒋᑦ: 120

ᐊᐅᓪᓚᕐᕕᒃᓴᖓᑕ ᐅᓪᓗᐊ

ᓈᓴᐅᑎᖓ

ᓇᒧᙵᐅᓂᐊᖅᐸᑦ

8/ᔫᓂ/20

8

ᒥᑦᑎᒪᑕᓕᒃ

 

29

ᐃᖃᓗᐃᑦ

 

6

ᑰᒑᕐᔪᒃ

9/ᔫᓂ/20

5

ᐃᒃᐱᐊᕐᔪᒃ

 

17

ᐃᖃᓗᐃᑦ

 

4

ᐃᒡᓗᓕᒑᕐᔪᒃ

 

4

ᐅᖅᓱᖅᑑᖅ

10/ᔫᓂ/20

1

ᑰᒑᕐᔪᒃ

 

2

ᐃᖃᓗᐃᑦ

 

6

ᐃᒃᐱᐊᕐᔪᒃ

 

29

ᐃᖃᓗᐃᑦ

 

4

ᖃᐅᓱᐃᑦᑐᖅ

 

5

ᑲᖏᖅᖠᓂᖅ

11/ᔫᓂ/20

3

ᓴᓂᕋᔭᒃ

 

2

ᐸᓐᓂᖅᑑᖅ

 

6

ᐃᖃᓗᒃᑑᑦᑎᐊᖅ

12/ᔫᓂ/20

1

ᑲᖏᖅᖠᓂᖅ

 

26

ᐃᖃᓗᐃᑦ

 

9

ᐃᒡᓗᓕᒑᕐᔪᒃ

13/ᔫᓂ/20

6

ᐅᖅᓱᖅᑑᖅ

14/ᔫᓂ/20

4

ᐃᖃᓗᐃᑦ

 

4

ᑲᖏᖅᑐᒑᐱᒃ


ᓄᓇᕗᑦ ᒐᕙᒪᖓᑕ ᑎᑎᕋᕐᕕᖏᑦ ᑕᒪᐃᓐᓂ ᓄᓇᓕᖕᓂ ᓱᓕ ᒫᓐᓇ ᒪᑐᓯᒪᕗᑦ ᑭᒃᑯᑐᐃᓐᓇᓄᑦ ᐅᐸᒃᑕᐅᔪᓐᓇᙱᖦᖢᑎᒃ ᒫᓐᓇᐅᔪᒃᑯᑦ. ᑭᓇᑐᐃᓐᓇᒥᒃ ᑕᖅᑳᙵᑐᐃᓐᓇᖅ ᑲᑎᖃᑎᖃᕆᐊᖃᖅᑐᖃᖅᐸᑦ ᓄᓇᕗᑦ ᒐᕙᒪᖓᑕ ᐊᑐᕆᐊᖃᓪᓚᕆᒃᑐᓂᒃ ᐱᔨᑦᑎᕋᕐᕕᖃᕐᓂᕐᒧᑦ ᐃᖅᑲᓇᐃᔭᖅᑎᒥᒃ, ᐊᓯᐊᒍᖔᖅ ᐋᖅᑭᒃᓱᖅᑕᐅᔪᓂᒃ ᐋᖅᑭᒃᓱᖅᑕᐅᔪᖃᕆᐊᖃᖅᐳᖅ.  ᐅᖄᓚᖅᑳᕐᓂᐊᖅᐳᑎᑦ ᓯᕗᓂᑲᓪᓚᖓᒍᑦ ᐃᓂᒃᓴᓕᐅᕐᓗᑎᓪᓗ.

 

ᓄᓇᕗᒻᒥᐅᓂᑦ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᕆᔭᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦᓱᓕᑦᑕᕐᓃᑦ  ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔾᔪᑕᐅᔪᓂᑦ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᕕᑦ.