ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᒻᒥ ᒐᕙᒪᒃᑯᑦ ᓄᑖᙳᕆᐊᖅᑎᑕᖏᑦ - ᔫᓂ 4, 2020

ᔫᓂ 04, 2020

ᒥᓂᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦᑭᒡᒐᖅᑐᖅᖢᒍ ᓯᕗᓕᖅᑎ ᓄᑖᙳᕆᐊᖅᑎᑕᐅᔪᑦ:

ᐅᓪᓛᒃᑯᑦ. ᓱᓕ ᓇᓗᓇᐃᖅᓯᒪᓪᓚᕆᒃᑐᓂᒃ ᑕᐃᒪᐃᓐᓇᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᐱᑕᖃᙱᓚᖅ ᓄᓇᕗᒻᒥ. 

ᐅᓪᓗᒥᒧᑦ ᑎᑭᖦᖢᒍ, ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᕝᕕᐅᓯᒪᔪᑦ 1,122−ᖑᕗᑦ. 106 ᐃᓄᐃᑦ ᒫᓐᓇ ᖃᐅᔨᓴᖅᑕᐅᕙᓪᓕᐊᖏᓐᓇᖅᐳᑦ.

ᓇᒡᒐᔾᔭᒥ ᐱᒋᐊᕐᓗᒍ, ᔫᓂ 8-ᒥ, ᐃᖃᓗᖕᓂ ᐃᒥᐊᓗᑕᕐᕕᒃ ᒪᑐᐃᙶᖃᑦᑕᕐᓂᐊᓕᖅᑐᖅ ᐃᓐᓇᕐᓄᑦ 60 ᐅᖓᑖᓂ ᐊᕐᕌᒍᓕᖕᓄᑐᐊᖅ 1-ᒥᑦ 4−ᒧᑦ, ᓇᒡᒐᔾᔭᒃᑯᑦ. ᑕᒪᓐᓇ ᐊᑐᖅᑕᐅᓇᔭᖅᐳᖅ ᓇᓗᙱᑦᑎᐊᕈᒪᓂᕐᒧᑦ ᐃᓅᖃᑎᒌᑦ ᐅᖓᓯᒌᖃᑦᑕᕋᓗᐊᕐᒪᖔᑕ ᐃᓄᒋᐊᒃᑐᒦᑎᑦᑕᐃᓕᒪᑎᑦᑎᓂᕐᒧᓪᓗ ᐃᓐᓇᕆᔭᑦᑎᓐᓂᒃ, ᑭᒃᑯᑐᐃᓐᓇᐃᓪᓗ ᐊᐱᕙᒃᑲ ᑕᒪᑐᒥᖓ ᐃᒃᐱᒋᔭᖃᑦᑎᐊᖁᓪᓗᒋᑦ ᐃᓱᒪᒥᐅᑕᕆᑦᑎᐊᕐᓗᒍᓗ. ᑭᒃᑯᑐᐃᓐᓇᐃᑦ ᐃᖅᑲᐃᑎᑦᑐᒪᕙᒃᑲ, ᐊᓯᖕᓂᒃ ᓂᐅᕕᖅᑎᑦᑎᒍᕕᑦ ᖃᐅᑕᒫᑦ ᓂᐅᕕᕈᓐᓇᖃᑦᑕᖅᑕᕐᓂᒃ ᑕᐃᑲᙵᑦ ᐃᒥᐊᓗᒃᑖᕐᕕᖕᒥᑦ ᐃᓱᒪᒋᔭᐅᓂᐊᖅᐳᖅ ᐱᕋᔭᖕᒥᒃ ᓱᕋᐃᓪᓗᑎᑦ ᓂᐅᕕᕐᓂᕐᓂᒃ.

ᐃᓄᐃᑦ ᐃᖅᑲᐃᑎᑦᑐᒪᕙᒃᑲ ᖃᓄᐃᓕᐅᕐᓂᐊᕋᓗᐊᕈᕕᑦ ᑕᒪᑐᒪᓂ ᐱᓇᓱᐊᕈᓯᐅᑉ ᓄᙳᐊᓂ, ᐊᑐᐃᓐᓇᕐᓂᐊᖅᐳᑎᑦ ᒪᕐᕖᖕᓂᒃ ᒦᑖᖕᓂᒃ ᑎᒥᒃᑯᑦ ᐅᖓᓯᒃᓴᖅᐸᖕᓂᕐᒥᒃ, ᐊᒡᒐᑎᑦ ᐅᐊᓴᕋᔪᒡᓗᒋᑦ, ᐊᖏᕐᕋᖅᓯᒪᕙᒡᓗᑎᓪᓗ ᖃᓂᒪᒑᖓᕕᑦ.

ᐊᑐᖃᑦᑕᕆᐊᖃᖅᑕᕗᑦ ᐅᕙᑦᑎᓐᓂᒃ ᓴᐳᔾᔨᓯᒪᕗᑦ.  ᒪᓐᓇ ᖃᓱᑎᑦᑎᕙᓪᓕᐊᓕᖅᑎᓪᓗᑕ ᐊᔪᖅᑎᑦᑎᓯᒪᔾᔪᑎᓂᒃ, ᑕᒪᑦᑕ ᑲᔪᓰᓐᓇᕆᐊᖃᖅᐳᒍᑦ ᐊᑐᓂᑦ ᖁᐊᖅᓵᕐᓇᖅᑐᒦᑎᙱᓪᓗᑕ ᖃᓄᐃᙱᓪᓗᑕᓗ.

 

ᒥᓂᔅᑕ ᐃᓄᓕᕆᔨᒃᑯᓐᓄᑦ ᓄᑖᙳᕆᐊᖅᑎᑕᖏᑦ

ᐅᓪᓛᑯᑦ,

ᐃᓚᒋᔭᐅᓪᓗᓂ ᑲᓇᑕᐅᑉ ᒐᕙᒪᖓᑕ ᑭᐅᓂᕆᔭᖓᓄᑦ ᓄᕙᒡᔪᐊᕐᓇᖅ 19-ᒧᑦ ᓄᓇᕐᔪᐊᓕᒫᒦᓕᖅᑐᒧᑦ ᖃᓂᒪᓐᓇᒧᑦ, ᐃᓐᓇᐃᑦ ᐱᕙᒃᑐᑦ ᐃᓐᓇᖅᓯᐅᑎᑖᕆᔭᐅᕙᒃᑐᓂᒡᓘᓐᓃᑦ ᐅᕝᕙᓘᓐᓃᑦ ᑐᓂᔭᐅᓪᓚᕆᖕᓂᐊᖅᑐᒥᒃ ᑮᓇᐅᔭᓕᐅᕐᓂᕐᒧᑦ ᐊᑭᓕᐅᑕᐅᒃᑲᓐᓂᖅᐸᒃᑐᒥᒃ ᐱᓂᐊᖅᐳᑦ ᐊᑕᐅᓯᐊᖅᑕᐅᔪᒥᒃ ᑖᒃᓰᔭᕆᐊᖃᙱᑦᑐᒥᒃ ᐊᑭᓕᖅᑕᐅᓂᕐᒥᒃ. 

ᑕᒪᒃᑯᐊ ᐃᓐᓇᐃᑦ ᐊᔪᖅᑎᑕᐅᙱᑦᑐᑦ ᐃᓐᓇᖅᓯᐅᑎᑖᕈᓐᓇᕐᓂᕐᒥᒃ ᐱᑎᑕᐅᓂᐊᖅᑐᑦ ᖄᒃᑲᓐᓂᐊᒍᑦ $300−ᑲᓐᓂᕐᓂᒃ, ᑕᐃᒃᑯᐊᓗ ᐃᓐᓇᐃᑦ ᐊᔪᖅᑎᑕᐅᙱᑦᑐᑦ ᑐᓂᔭᐅᓪᓚᕆᖕᓂᐊᖅᑐᒥᒃ ᑮᓇᐅᔭᓕᐅᕐᓂᕐᒧᑦ ᐊᑭᓕᐅᑕᐅᒃᑲᓐᓂᖅᐸᒃᑐᒥᒃ ᐱᑎᑕᐅᓂᐊᖅᐳᑦ $200−ᑲᓐᓂᕐᓂᒃ. 

ᑖᓐᓇ ᐊᑭᓕᐅᑕᐅᓂᐊᖅᑐᖅ ᒪᓂᒪᓂᐊᖅᐳᖅ ᐃᓄᖕᓄ ᐊᔪᖅᑎᑕᐅᕙᒌᙱᑦᑐᓄᑦ ᐱᔪᓐᓇᕐᓂᕐᒥᒃ ᐃᓐᓇᖅᓯᐅᑎᑖᖅᐸᖕᓂᕐᒥᒃ ᐅᕝᕙᓘᓐᓃᑦ ᑐᓂᔭᐅᓪᓚᕆᖕᓂᐊᖅᑐᒥᒃ ᑮᓇᐅᔭᓕᐅᕐᓂᕐᒧᑦ ᐊᑭᓕᐅᑕᐅᒃᑲᓐᓂᖅᐸᒃᑐᒥᒃ ᔫᓂ 2020−ᐅᓕᖅᐸᑦ. ᑕᒪᒃᑯᐊ ᐊᑭᓕᐅᑕᐅᓂᐊᖅᑐᑦ ᐱᓕᕆᕝᕕᐅᙱᒃᑲᓗᐊᕐᓗᑎᒃ ᐃᓕᔭᐅᓂᐊᖅᐳᑦ.

ᓄᓇᕗᑦ ᒐᕙᒪᖓ ᐱᓕᕆᐊᖃᓪᓚᕆᒍᒪᕗᖅ ᖃᐅᔨᒪᑦᑎᐊᕈᒪᓪᓗᑎᒃ ᐃᓐᓇᖅᐳᑦ ᐱᑎᑕᐅᑦᑎᐊᖃᑦᑕᕋᓗᐊᕐᒪᖔᑕ. ᑕᐃᒪᐃᓐᓂᖓᓄᓪᓗ, ᖁᕕᐊᓱᒃᐳᖓ ᐅᖃᕈᓇᕋᒪ ᓄᓇᕗᑦ ᒐᕙᒪᖓ ᐱᒋᐊᖅᑎᑦᑎᓯᒪᓂᖏᓐᓂᒃ ᑭᑭᑦᑎᓂᕐᒧᑦ ᒪᓕᒋᐊᓕᖕᒥᒃ ᑕᒪᑐᒧᖓ ᐊᑕᐅᓯᐊᖅᑕᐅᓗᓂ ᐊᑭᓕᐅᑕᐅᓂᐊᖅᑐᒧᑦ ᐅᓄᖅᓯᒋᐊᕈᑎᒧᑦ ᐃᓐᓇᖅᓯᐅᑎᑖᕆᔭᐅᕙᒃᑐᓄᑦ ᐊᒻᒪᓗ ᑐᓂᔭᐅᓪᓚᕆᖕᓂᐊᖅᑐᒥᒃ ᑮᓇᐅᔭᓕᐊᕐᓂᕐᒧᑦ ᐊᑭᓕᐅᑕᐅᒃᑲᓐᓂᖅᐸᒃᑐᒥᒃ. ᑕᒪᓐᓇ ᐱᑎᑦᑎᓂᐊᖅᐳᖅ ᐅᓄᓛᖑᔪᓐᓇᖅᑐᓂᒃ ᐱᔭᐅᔪᓐᓇᖅᑐᓂᑦ ᑲᓇᑕᐅᑉ ᒐᕙᒪᖓᓂᑦ ᓄᓇᕗᓪᓗ ᒐᕙᒪᖓᓂᑦ ᐃᓐᓇᕐᓄᑦ ᓂᖃᐃᓱᖅᐸᒃᑐᓄᑦ ᐊᒃᑐᖅᑕᐅᓴᕋᐃᑦᑐᓄᑦ ᑮᓇᐅᔭᖃᑦᑎᐊᙱᑦᑐᓄᓪᓗ.

ᖁᔭᓐᓇᒦᒃ.

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓂ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᐊᑐᕆᐊᖃᓪᓚᕆᒃᑐᓄᑦ ᐃᖅᑲᓇᐃᔭᖅᑎᓄᑦ ᑭᑭᑦᑎᔪᓐᓇᕐᓂᕐᒥᒃ ᖃᐅᔨᒃᑲᐃᓂᖅ ᓄᓇᓕᖕᓄᑦ ᕿᒪᐃᓕᖅᑐᓄᑦ ᐅᑎᓕᖅᑐᓄᓪᓘᓐᓃᑦ ᓄᓇᕗᒻᒧᑦ

ᒫᓐᓇ ᓄᒃᑕᕐᓂᖅ ᓄᓇᕗᑦ ᓯᓚᑖᓄᑦ ᐊᑐᖃᑦᑕᖁᔭᐅᙱᓯᒪᕗᖅ, ᐊᑐᖅᑕᐅᒃᐸᓪᓗ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᔭᕆᐊᖃᕐᓂᕐᒥᒃᐊᑐᖅᑐᖃᕆᐊᖃᕋᔭᖅᖢᓂ ᑕᒪᒃᑯᐊ ᓄᒃᑕᖅᑏᑦ ᐅᑎᕈᓐᓇᓚᐅᙱᓐᓂᖏᓐᓂ ᑕᒪᐅᖓ ᐅᑭᐅᖅᑕᖅᑐᒧᑦ. ᑕᒪᕐᒥᑦᑎᐊᖅ ᓄᓇᕗᒻᒥᐅᓕᒫᑦᑎᐊᑦ, ᑭᒃᑯᓐᓄᑦ ᐃᖅᑲᓇᐃᔭᖦᖤᕋᓗᐊᕈᑎᒃ, ᐊᑐᕆᐊᖃᖅᑎᑕᐅᕗᑦ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᓂᒥᒃ. ᑕᐃᒃᑯᐊᑐᐊᖅ ᐱᕕᔾᔪᐊᑦ ᐃᖅᑲᓇᐃᔭᖅᑏᑦ ᐱᓇᔪᒍᓐᓇᖅᐳᑦ ᐅᐸᒃᑕᐅᑦᑕᐃᓕᒪᓂᕐᒥᒃ ᑭᑭᑕᐅᔪᓐᓇᕐᓂᕐᒥᒃ. ᐊᖏᖅᑕᐅᓂᖅ ᑭᑭᑕᐅᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑎᑎᕋᕐᕕᐊᑕ ᐃᓱᒪᖅᓲᑎᒋᕙᒃᐸᐅᒃ ᐊᖏᖅᑕᐅᔪᓐᓇᙱᖦᖢᓂᓗ ᓇᓕᐊᕐᓄᑐᐃᓐᓇᖅ ᓄᓇᕗᒻᒥ ᐃᖅᑲᓇᐃᔭᖅᑎᒧᑦ.

ᐅᒃᐱᕆᔭᖃᕈᕕᑦ ᐱᕕᒡᔪᐊᖑᓇᓱᒋᓗᑎᑦ ᐃᖅᑲᓇᐃᔭᖅᑎᐅᓗᑎᑦ, ᐱᓇᔪᒋᑦ CPHO−ᑯᓐᓄᑦ ᑐᓂᓯᓗᑎᑦ ᐱᕕᒡᔪᐊᖑᓂᕐᒧᑦ ᐃᖅᑲᓇᐃᔭᖅᑎᐅᓂᕐᒧᑦ ᑭᑭᑕᐅᔪᒪᓂᕐᒥᒃ ᑎᑎᕋᕆᐊᓕᖕᒥᒃ ᐅᕗᖓ CPHOTravelRequests@gov.nu.ca. ᐊᖏᖅᑕᐅᙱᒃᑯᕕᑦ CPHO-ᑯᓐᓂᑦ ᐱᒻᒪᕆᐊᓗᖕᒧᑦ ᑭᑭᑕᐅᓂᕐᒧᑦ, ᐃᓕᖕᓂᒃ ᐅᐸᒃᑕᐅᑦᑕᐃᓕᒪᑎᑦᑕᕆᐊᖃᖅᐳᑎᑦ 14−ᓄᑦ ᐅᓪᓗᓄᑦ ᓄᓇᕗᑦ ᒐᕙᒪᖓᑕ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓂᒋᑎᑕᖓᓂ.

ᑐᓴᖅᑕᖃᒃᑲᓐᓂᕈᒪᒍᕕᑦ ᓄᒃᑕᕐᓂᕐᒧᑦ ᐊᔪᖅᑎᑕᐅᓂᕐᒥᒃ, ᐱᒻᒪᕆᐊᓗᖕᒧᑦ ᐃᖅᑲᓇᐃᔭᖅᑎᐅᓂᕐᒧᑦ ᐊᑐᖅᑕᐅᕙᒃᑐᓄᑦ ᐅᕝᕙᓘᓐᓃᑦ ᒫᓐᓇ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑐᖅᑕᐅᔭᕆᐊᓕᖕᓄᑦ, ᐅᕗᙵᐅᓗᑎᑦ https://www.gov.nu.ca/health/information/covid-19-novel-coronavirus

ᓄᕙᒡᔪᐊᕐᓇᖅ-19−ᒧᑦ ᐅᖄᓚᕝᕕᒃᓴᖅ, ᓇᖕᒥᓂᕐᓗ ᖃᐅᔨᓴᕐᓂᕐᒧᑦ ᐊᑐᖅᑕᐅᔪᓐᓇᖅᑐᖅ

ᑭᓇᑐᐃᓐᓇᑦᑎᐊᖅ ᐃᓱᒪᒋᔭᖃᕈᓂ ᐊᐴᑎᓯᒪᓚᐅᕋᓱᒋᓗᓂ ᓄᕙᒡᔪᐊᕐᓇᖅ-19−ᒧᑦ ᐅᖄᓚᖁᔭᐅᕗᖅ ᓄᕙᒡᔪᐊᕐᓇᒧᑦ ᐅᖄᓚᕝᕕᐅᔪᓐᓇᖅᑐᒧᑦ ᐅᕗᖓ, 1-888-975-8601  10−ᒥᑦ ᐅᓪᓛᒃᑯᑦ 6−ᓗ ᐅᓐᓄᒃᑯᑦ ᐊᑯᓐᓂᖓᓂ, ᐅᕝᕙᓘᓐᓃᑦ ᖃᐅᔨᑎᑲᐅᑎᒋᓗᒋᑦ ᓄᓇᓕᖕᓂ ᐋᓐᓂᐊᕕᖓᑦ,  ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᑎᓪᓗ ᐊᖏᕐᕋᖅᓯᒪᓗᑎᓪᓗ ᐅᓪᓗᓄᑦ 14-ᓄᑦ.

ᑭᓇᑐᐃᓐᓇᑦᑎᐊᖅ ᖃᕆᑕᐅᔭᒃᑰᕈᓐᓇᐅᑎᖃᖅᑐᖅ ᐱᓕᕆᔪᓐᓇᕆᕗᖅ ᐃᑭᐊᖅᑭᕕᒃᑯᑦ ᓇᖕᒥᓂᖅ−ᖃᐅᔨᓴᕈᒪᔪᑦ ᐅᕙᓂ, nu.thrive.health

 

ᐅᐸᒃᑕᐅᑦᑕᐃᓕᒪᕝᕕᐅᔪᓂ ᐃᓂᓂ ᐃᓱᒫᓘᑎᖃᕐᓂᕐᒧᑦ ᐃᓕᐅᖅᑲᐃᕝᕕᒃ.

ᓄᑖᒥᒃ ᖃᕆᑕᐅᔭᒃᑯᑦ ᑐᕌᕈᑎᒥᒃ ᐋᖅᑭᒃᓯᓯᒪᔪᖃᓕᖅᐳᖅ ᐱᐅᓂᖅᓴᒃᑯᑦ ᑭᐅᓯᖃᑦᑕᕈᒪᓂᕐᒧᑦ ᐃᓱᒫᓘᑕᐅᔪᓂᒃ ᐅᖃᐅᓯᐅᓯᒪᔪᓂᒡᓗ ᐱᓕᕆᕝᕕᒋᔭᐅᓯᒪᔪᓂᑦ ᐱᔭᕇᖅᓯᔪᓂᑦ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᕖᖕᓃᑦᑐᓂᒃ ᖃᓪᓗᓈᓂ ᑲᓇᑕᒥ. ᑖᓐᓇ ᓄᑖᖅ ᖃᕆᑕᐅᔭᒃᑯᑦ ᑎᑎᕋᕐᕕᒃ ᐲᖅᓯᓂᐊᖅᐳᖅ ᐊᒃᓱᕈᓐᓇᖅᑎᑦᑎᔪᒥᒃ ᓄᕙᒡᔪᐊᕐᓇᒧᑦ ᐊᑭᖃᙱᑦᑐᒧᑦ ᐅᖄᓚᕝᕕᒃᓴᐅᕙᒃᑐᒧᑦ, ᐃᓗᐊᖅᓴᖅᑕᐅᔭᖅᑐᖅᓯᒪᔪᓂᒃ ᐃᓅᖃᑎᖃᖅᐸᖕᓂᕐᒥᒃ ᐊᒻᒪᓗ CPHOTravelRequests ᐃᓕᐅᖅᑲᐃᕝᕕᒋᑎᑉᐸᒃᑕᖓᓄᑦ. ᐅᕝᕙ ᓄᑖᖅ ᑐᕌᕈᑖ isolationrelations@gov.nu.ca.

ᐅᓄᕐᓂᖏᑦ

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐊᓂᑦᑕᐃᓕᔭᕆᐊᖃᖅᑐᓄᑦ ᐃᓃᑦ)

ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ

ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᔫᓂ 3-ᒥᑦ ᐱᒋᐊᖅᖢᓂ

ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᓯᒪᔪᑦ

208

ᑭᒃᑯᑐᐃᓐᓇᑦ

154

ᐃᓕᓐᓂᐊᖅᑏᑦ

0

ᑲᑎᖦᖢᒋᑦ

362


ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:

ᐊᐅᓪᓚᕐᕕᒃᓴᖓᑕ ᐅᓪᓗᐊ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐅᐸᒃᑕᐅᑦᑕᐃᓕᒪᔪᓂᖔᖅᑐᑦ

ᔫᓂ 4

33

ᔫᓂ 5

13

ᔫᓂ 6

2

ᔫᓂ 7

12

ᔫᓂ 8

28


ᐱᕕᒡᔪᐊᓂᒃ ᐃᖅᑲᓇᐃᔭᖅᑎᓂᒃ ᐱᔪᒪᔾᔪᑕᐅᔪᑦ

ᔫᓂ 2−ᒥ ᐱᒋᐊᖅᖢᓂ, 1,352−ᓂᒃ ᑐᒃᓯᕋᖅᓯᒪᔪᖃᖅᐳᖅ, 1025−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᕈᑕᐅᔪᑦ.

ᑐᒃᓯᕋᕈᑕᐅᓯᒪᔪᑦ ᖃᓄᐃᓕᖓᓂᖏᑦ

#

%

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᒻᒪᕆᐊᓗᖕᓂᑦ ᐱᒻᒪᕆᐅᓗᐊᙱᑦᑐᓂᒡᓗ)

1161

85.9%

ᐊᖏᕐᑕᐅᙱᑦᑐᑦ

153

11.3%

ᐅᑕᖅᑭᔪᑦ

38

2.8%

ᑲᑎᖦᖢᒋᑦ

1352

100%

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᓄᓇᕗᑦ ᒐᕙᒪᖓᑕ ᑎᑎᕋᕐᕕᖏᑦ ᑕᒪᐃᓐᓂ ᓄᓇᓕᖕᓂ ᓱᓕ ᒫᓐᓇ ᒪᑐᓯᒪᕗᑦ ᑭᒃᑯᑐᐃᓐᓇᓄᑦ ᐅᐸᒃᑕᐅᔪᓐᓇᙱᖦᖢᑎᒃ ᒫᓐᓇᐅᔪᒃᑯᑦ. ᑭᓇᑐᐃᓐᓇᒥᒃ ᑕᖅᑳᙵᑐᐃᓐᓇᖅ ᑲᑎᖃᑎᖃᕆᐊᖃᖅᑐᖃᖅᐸᑦ ᓄᓇᕗᑦ ᒐᕙᒪᖓᑕ ᐊᑐᕆᐊᖃᓪᓚᕆᒃᑐᓂᒃ ᐱᔨᑦᑎᕋᕐᕕᖃᕐᓂᕐᒧᑦ ᐃᖅᑲᓇᐃᔭᖅᑎᒥᒃ, ᐊᓯᐊᒍᖔᖅ ᐋᖅᑭᒃᓱᖅᑕᐅᔪᓂᒃ ᐋᖅᑭᒃᓱᖅᑕᐅᔪᖃᕆᐊᖃᖅᐳᖅ.  ᐅᖄᓚᖅᑳᕐᓂᐊᖅᐳᑎᑦ ᓯᕗᓂᑲᓪᓚᖓᒍᑦ ᐃᓂᒃᓴᓕᐅᕐᓗᑎᓪᓗ.

 

ᓄᓇᕗᒻᒥᐅᓂᑦ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᕆᔭᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦᓱᓕᑦᑕᕐᓃᑦ  ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔾᔪᑕᐅᔪᓂᑦ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᕕᑦ.