ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᑎᓯᐱᕆ 14, 2020

ᑎᓯᐱᕆ 14, 2020

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᑎᓯᐱᕆ 14, 2020

ᓯᕗᓕᖅᑎᒥᑦ ᑐᓴᒐᒃᓴᖅ:

ᐅᓪᓛᒃᑯᑦ. ᐅᓪᓗᒥ, ᓄᓇᕗᒻᒥ 19−ᓂᑦ ᓄᕙᒃᔪᐊᕐᓇᖅ-19−ᑖᖅᑐᖃᖅᓯᒪᓕᕐᒥᔪᖅ, ᑕᒪᕐᒥᒃ ᐊᕐᕕᐊᕐᒦᖦᖢᑎᒃ.

ᓄᓇᕗᒻᒥ ᒫᓐᓇ ᑲᑎᖦᖢᒋᑦ 49−ᖑᓕᖅᑐᑦ ᓄᕙᒃᔪᐊᕐᓇᖅ-19−ᒧᑦ ᖃᓂᒻᒪᒃᑐᑦ. ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 5377−ᖑᓕᖅᑐᑦ. 642 ᐃᓄᐃᑦ ᒫᓐᓇ ᖃᐅᔨᓴᖅᑕᐅᓯᒪᓕᖅᑐᑦ. 207 ᓄᓇᕗᒻᒥᐅᑦ ᖃᓂᒻᒪᓚᐅᖅᑐᑦ ᖃᓄᐃᑦᑐᓐᓃᖅᑐᑦ.

ᐱᕙᒌᔭᖅᐸᓪᓕᐊᑎᓪᓗᑕ ᓴᖅᑭᑎᑦᑎᔪᖃᕐᓂᐊᕐᓂᖓᓂᒃ Moderna ᑲᐴᑎᒥᒃ ᑕᒫᓂ ᐅᑭᐅᖅᑕᖅᑐᒥ ᐊᑯᒃᓯᒪᓂᕐᒥ, ᑕᐃᒪᑐᖅ ᑕᒪᕐᒥᑦᑎᐊᖅ ᓄᓇᕗᒻᒥᐅᑦ ᓇᖕᒥᓂᖅ ᐱᕕᒃᓴᖃᖅᑎᑦᑎᓂᐊᖅᐳᑦ ᐃᓕᑦᑎᓂᕐᒥᒃ ᖃᓄᖅ ᑕᒪᓐᓇ ᑐᑭᖃᕐᒪᖔᑦ ᖃᓄᐃᒻᒪᓪᓗ ᖁᐊᖅᓵᕐᓇᙱᒻᒪᖔᑦ ᑲᔪᓯᓂᖃᑦᑎᐊᕈᓐᓇᕐᓗᓂᓗ. ᖃᐅᔨᒪᕗᖓ ᐃᓚᖏᓐᓂ ᑐᓴᕐᓂᕐᓗᒃᓯᒪᔪᖃᖅᐳᖅ ᑲᑉᐱᐊᓱᒃᑐᖃᖅᐳᒡᓗ ᑕᒪᑐᒧᖓ ᑲᐴᑎᒧᑦ.

ᑕᒪᓐᓇ ᐱᐅᓛᖑᓂᐊᖅᐳᖅ ᐅᕙᑦᑎᓐᓂᒃ ᓴᐳᑎᓯᒪᓗᓂ ᓄᕙᒡᔪᐊᕐᓇᖅ-19−ᒧᑦ, ᑕᒪᑐᒪᓗ ᖃᐅᔨᓴᖅᑕᐅᓯᒪᓂᖓ ᐊᖏᔪᑲᓪᓚᐅᓯᒪᓪᓗᓂ ᐊᑕᖐᑦᑎᐊᖅᓯᒪᓪᓗᓂᓗ.

ᖃᐅᔨᒪᑦᑎᐊᖁᕙᔅᓯ, ᐃᓚᒃᑲ ᐅᕙᖓᓗ ᑲᐱᔭᐅᓂᐊᖅᐳᒍᑦ ᑕᐃᒪᐃᑦᑕᕆᐊᖃᓕᕈᑦᑕ. ᑕᒪᓐᓇ ᑲᐴᑎ ᖃᐅᒪᓂᐅᑐᐃᓐᓇᕆᐊᖃᖅᐳᖅ ᐃᓱᒋᓗᓂᐅᒃ ᓱᓪᓗᑯᑖᑉ. ᐊᒻᒪᑦᑕᐅᖅ, ᐊᐱᕆᓂᐊᖅᐸᑦᑎᒋᑦ ᐱᔭᒃᓴᑎᑦ ᐱᓕᕆᐊᕆᓗᒋᑦ ᑖᓐᓇ ᑲᐱᔭᐅᔾᔪᑎᒃᓴᖅ ᐱᓂᐊᕐᓗᒍ ᐃᑲᔪᕐᓂᐊᕐᓗᒋᑦ ᓄᓇᕗᒻᒥᐅᑦ ᐃᑲᔪᕐᓗᑕᓗ ᐅᓇᑖᕆᔭᖃᕐᓂᕐᒥᒃ ᓄᕙᒡᔪᐊᖕᓇᖅ-19−ᒥᒃ.

ᐊᒡᒐᑎᑦ ᐅᐊᓴᐃᓐᓇᖃᑦᑕᕐᓗᒋᑦ ᐊᑐᖅᐸᒡᓗᑎᓪᓗ ᒪᑐᐊᓂᒃ, ᑲᑎᓐᓂᐅᕙᒃᑐᓪᓗ ᐃᓅᖃᑎᒋᕙᒃᑕᑎᓪᓗ ᐃᓱᓕᑦᑕᖅᑎᑉᐸᒡᓗᒋᑦ ᐊᔪᙱᑐᐊᕌᖓᕕᑦ. ᖃᓂᒪᒍᕕᑦ ᐊᖏᕐᕋᖅᓯᒪᓗᑎᑦ. ᖃᓄᐃᙱᑦᑎᐊᕆᑦ ᖃᓂᒪᙱᓪᓗᑎᓪᓗ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:

ᐅᓪᓛᒃᑯᑦ. ᐱᓇᓱᐊᕈᓯᐅᓚᐅᖅᑐᒥ ᐅᖃᐅᓯᖃᓚᐅᖅᐳᒍᑦ ᓄᓇᕗᑦ ᐱᓂᐊᕐᓂᖓᓂᒃ Moderna ᑲᐴᑎᒥᒃ 2021 ᐱᒋᐊᓕᓵᖅᐸᑦ. ᑖᓐᓇ ᑲᐴᑎ ᒫᓐᓇ ᐊᖏᖅᑕᐅᕙᓪᓕᐊᔪᒦᑉᐳᖅ ᐋᓐᓂᐊᖃᖕᓇᙱᑦᑐᓕᕆᔨᒃᑯᓐᓂᑦ ᑲᓇᑕᒥᐅᓄᑦ. ᑖᓐᓇ ᐅᑭᐅᖅᑕᖅᑐᒥ ᐊᕕᒃᓯᒪᓂᖅ ᐱᓂᐊᖅᐳᖅ ᓈᒻᒪᒃᑐᓂᒃ ᑲᐴᑎᓂᒃ ᑲᐱᔭᐅᓂᐊᖅᖢᑎᒃ 75−ᐳᓴᖏᑦ ᐃᓐᓇᐃᑦ ᐃᓄᒋᔭᐅᔪᑦ.

ᐱᕙᒌᔭᖅᐸᓪᓕᐊᓂᑦᑎᓐᓂ ᑎᑭᓛᕐᓂᖓᓂᒃ, ᐱᕕᒃᓴᖃᕐᓂᕐᓂ ᐅᖃᐅᓯᖄᕐᔪᒍᒪᕗᖓ ᑕᒪᑐᒪ ᑲᐴᑎᐅᑉ ᐋᖅᑭᒃᓱᖅᑕᐅᕙᓪᓕᐊᓂᕆᓯᒪᔭᖓᓂᒃ, ᖃᖓᒃᑰᓛᕐᓂᖓ ᑕᒪᐅᖓ ᐅᑭᐅᖅᑕᖅᑐᒧᑦ ᑎᑭᓛᕐᓂᖓᑕ, ᐱᕙᒌᔭᖅᓯᒪᔭᕗᓪᓗ ᓇᓗᙱᑦᑎᐊᕈᒪᓂᕐᒧᑦ ᑕᒫᓃᓕᑐᐊᖅᐸᑦ, ᐊᑐᖅᑕᐅᒐᓗᐊᕐᒪᖔᑦ ᖁᐊᖅᓵᕐᓇᙱᑦᑐᒃᑯᑦ ᓈᒻᒪᖅᑯᑦᑎᓗᓂᓗ, ᓄᓇᕗᒻᒥᐅᓕᒫᓄᑦ.

ᐃᓄᐃᑦ ᐅᕙᓐᓄᑦ ᐊᐱᕆᓯᒪᕗᑦ ᑖᓐᓇ ᑲᐴᑎ ᖁᐊᖅᓵᕐᓇᙱᒃᑲᓗᐊᕐᒪᖔᑦ. ᖁᐊᖅᓵᕐᓇᙱᑦᑐᖅ. ᑕᐃᒪᓐᓇ  ᐅᖃᖅᐳᖓ ᐱᓕᕆᕐᔪᐊᖃᑦᑕᖅᓯᒪᔪᖃᕐᓂᖓᓄᑦ ᑖᓐᓇ ᐋᖅᑭᒃᓱᖅᑕᐅᕙᓪᓕᐊᓂᖓᓂ. mRNA ᑲᐴᑎᑦ ᐋᖅᑭᒃᓱᖅᑕᐅᕙᓪᓕᐊᖏᓐᓇᖃᑦᑕᖅᓯᒪᕗᑦ ᐊᕐᕌᒍ ᐊᕙᑎᑦ ᐅᖓᑖᓄᑦ. ᐃᓗᐊᖅᓴᖅᑕᐅᕝᕕᖕᓂ ᐆᒃᑑᒪᔭᒍᑕᐅᖃᑦᑕᖅᑐᑦ Moderna−ᑐᐊᒧᑦ 30,000−ᓂᒃ ᐃᓚᐅᕝᕕᐅᓚᐅᖅᐳᖅ ᐊᔾᔨᒌᙱᑦᑐᓂᑦ ᐃᓄᖕᓂᑦ.

ᑲᓇᑕᑦᐅᖅ ᑭᑭᑦᑎᙱᑦᑎᐊᖅᑐᒥᒃ ᖃᐅᔨᓴᖅᑕᐅᓯᒪᓂᖓᒍᑦ ᑲᐴᑎᓄᑦ ᐊᖏᖅᓯᓂᐊᕐᓂᕐᒧᑦ ᐱᓕᕆᐊᖃᓲᖑᕗᖅ ᓇᓗᙱᑦᑎᐊᕈᒪᓂᕐᒧᑦ ᑕᒪᑐᒪ ᑲᐴᑎᐅᑉ ᖁᐊᖅᓵᕐᓇᙱᓐᓂᖓᓂᒃ.

ᐃᒪᓐᓇᐅᒐᔪᒃᐸᒃᑲᓗᖅᐳᒍᑦ, ᐅᑕᖅᑭᕙᒃᐳᒍᑦ ᑕᖅᑭᒐᓴᖕᓂᒃ ᐋᖅᑭᒃᓱᖅᑕᐅᕙᓪᓕᐊᓂᖏᓐᓄᑦ ᑮᓇᐅᔭᖅᑖᒃᑲᓐᓂᕈᒪᓂᕐᒧᑦ ᐊᑐᖅᑕᐅᒃᑲᓐᓂᖅᑐᒃᓴᓂᒡᓘᓐᓃᑦ, ᑕᒪᓐᓇᓗ ᑕᐃᒪᐃᒃᑳᖓᑦ ᐱᓕᕆᐊᖑᕙᓪᓕᐊᔪᒥᒃ ᓱᒃᑲᐃᒡᓕᑎᑦᑎᒋᐊᖅᐸᒃᐳᖅ.  ᖃᓄᕆᑦᑑᓂᖓ ᓄᓇᔪᐊᓕᒫᒥ ᐱᓕᕆᖃᑎᒌᖕᓂᖅ ᖃᐅᔨᖃᑦᑕᖅᓯᒪᔭᕗᑦ, ᐊᖏᔪᒻᒪᕇᑦ ᐱᓇᔪᖕᓂᕆᔭᐅᔪᑦ ᐱᓂᐊᕐᓗᓂ ᑮᓇᐅᔭᑎᒍᑦ, ᐃᓄᖕᓂᒃ ᐱᓕᕆᔾᔪᑎᓂᒡᓗ ᐊᑐᖅᑕᐅᔪᓐᓇᖅᑐᓂᒃ ᐱᔭᐅᔭᕆᐊᓕᖕᓂᒃ, ᐱᕕᒃᓴᖃᖅᑎᑦᑎᓚᐅᖅᐳᖅ ᐊᒥᓱᓂᒃ ᐱᓕᕆᐊᖑᔪᓐᓇᖅᑐᓂᒃ ᑲᐴᒻᒥᒃ ᓴᓇᔪᖃᖅᐸᓪᓕᐊᓂᖓᓂ ᑕᒪᓐᓇ ᐊᑕᐅᑦᑎᒃᑰᖁᓪᓗᒍ, ᑕᐃᒪᐃᓕᐅᕐᓂᕐᒥᓂᓗ ᖃᐅᔨᒪᑦᑎᐊᕐᓗᑎᒃ ᖁᐊᖅᓵᕐᓇᙱᓐᓂᖓᓂᒃ, ᓇᐅᒃᑯᓕᒫᑦᑎᐊᖅ.

ᐱᕙᒌᔭᖅᓯᒪᔭᕗᑦ ᑲᐴᑎᐅᑉ ᓇᒧᙵᖅᑎᑕᐅᕙᓪᓕᐊᓇᔭᕐᓂᖓᓂᒃ ᒫᓐᓇ ᐱᓕᕆᐊᖑᓕᖅᐳᖅ ᐱᓕᕆᐊᒃᓴᐃᓪᓗ ᐱᓕᕆᐊᖑᕙᓪᓕᐊᓕᕇᖅᐳᑦ ᑕᒪᑐᒪ ᑲᐴᑎᐅᑉ ᑎᑭᓐᓇᔭᕐᓂᖓᓄᑦ. ᐱᓕᕆᔾᔪᑎᑦ ᓲᕐᓗ ᑲᐴᑏᑦ ᒥᖅᑯᑏᑦ, ᐋᓪᑲᕼᐋᓪ−ᓖᓪᓗ ᐊᓪᓚᕈᑏᑦ ᐊᓯᖏᓪᓗ ᐱᖁᑏᑦ ᐱᔭᐅᔭᕆᐊᓖᑦ ᐊᐅᓚᑦᑎᕝᕕᒋᓂᐊᕐᓗᒍ ᑕᒪᓐᓇ ᑲᐱᓯᔾᔪᑎ ᑕᒫᓃᑉᐸᒌᓕᖅᑐᖅ ᐊᕕᒃᓯᒪᓂᕐᒥ ᐅᑭᐅᖅᑕᖅᑐᒥ.

ᒪᕐᕉᖕᓂᒃ, ᐃᓗᐊᖅᓴᐅᑎᓄᑦ−ᐊᑐᖅᑕᐅᔪᓐᓇᖅᑑᖕᓂᒃ ᐱᑎᑕᐅᓪᓗᑎᒃ ᑭᒃᑯᑐᐃᓐᓇᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑐᑦᑕᕐᕕᒋᔭᐅᔪᒥᑦ ᑲᓇᑕᒥᐅᓄᑦ ᐱᓇᓇᓱᐊᖁᓯᐅᑉ ᓄᙳᐊᓂ ᑎᑭᑦᑐᖃᓚᐅᖅᐳᖅ ᐃᑲᔪᕈᑕᐅᓂᐊᖅᖢᑎᒡᓗ ᐊᖏᒡᓕᒋᐊᖅᑎᑦᑎᓗᑎᒃ ᑐᖅᑯᖅᓯᓯᒪᓂᕐᒧᑦ ᐊᔪᙱᓐᓂᕆᔭᑦᑎᓐᓂᒃ ᑕᒪᐃᖕᓂ ᐃᖃᓗᖕᓂ ᑲᖏᖅᖠᓂᕐᒥᓗ.

ᖃᐅᔨᒪᑎᓪᓗᑕ ᓯᕗᓪᓕᕐᓂ ᐱᖓᓱᓂ ᑕᖅᑭᓂ 2021−ᒥ, ᐱᓂᐊᕐᓂᑦᑎᓐᓂᒃ ᓈᒻᒪᒃᑐᓂᒃ ᑲᐱᔭᐅᔪᖃᕈᓐᓇᕐᓂᐊᕐᓗᓂ 75-ᐳᓴᖏᓐᓂᒃ ᐃᓐᓇᕐᓂᒃ, ᖃᐅᔨᒪᙱᓚᒍᑦ ᖃᓄᑦ ᑲᐱᓯᓈᔭᕐᓃᑦ ᐋᖅᑭᒃᓱᖅᓯᒪᓇᔭᕐᒪᖔᑕ. ᑕᒪᓐᓇ ᐃᓱᒪᒥᐅᑕᕆᓗᒍ, ᐋᖅᑭᒃᓱᐃᕙᓪᓕᐊᕗᒍᑦ ᐱᕙᒌᔭᖅᓯᒪᔪᓂᒃ ᑐᙵᕕᖃᖅᑎᖦᖢᙱᒍ ᐊᔾᔨᒌᙱᑦᑐᓂᒃ ᖃᓄᐃᓕᖓᓂᕆᔭᐅᓇᔭᖅᑐᓂᒃ. ᓲᕐᓗ ᐃᒪᓐᓇ, ᐱᒍᑦᑕ ᐅᓄᙱᑦᑐᓂᒃ ᑲᐱᔭᐅᔾᔪᑎᒃᓴᓂᒃ ᔭᓄᐊᕆ ᐱᒋᐊᓕᓵᖅᑎᓪᓗᒍ, ᖃᐅᔨᒪᙱᓪᓗᑕᓗ ᖃᔅᓯᓂᒃ ᑲᐱᔭᐅᔾᔪᑎᒃᓴᓂᒃ ᑎᑭᑦᑐᖃᕐᓂᐊᕐᒪᖔᑦ ᑯᕗᐊᕆᒥ ᖃᖓᒃᑯᓪᓘᓐᓃᑦ, ᐱᓕᕆᐊᖃᓕᕐᓂᐊᖅᐳᒍᑦ ᑕᐅᑐᒐᖃᑦᑎᐊᕐᓂᕐᒥᒃ ᐱᓕᕆᐊᒃᓴᒥᒃ, ᓯᕗᓪᓕᕐᒥᒃ ᑲᐱᓯᓗᑕ ᑕᐃᒃᑯᓂᖓ ᖁᑦᑎᓛᒦᑦᑐᓂᒃ ᐊᑲᐅᙱᓕᐅᖁᑎᖃᓕᕋᔭᕐᓂᕐᒥᒃ ᓄᕙᒡᔪᐊᕐᓇᖅ-19-ᒥᑦ.

ᐃᒪᓐᓇᐅᒃᐸᑦ, ᐃᓱᓕᑦᑕᖅᑐᓂᒃ ᐱᖃᕈᑦᑕ ᓯᕗᓪᓕᕐᒥᒃ, ᐃᓐᓇᐃᑦ ᐃᓂᖏᑦ, ᐊᕗᖓᑲᓪᓚᒃ ᑲᒪᒋᔭᐅᕙᒃᑐᑦ ᐃᓂᓖᑦ, ᐃᖅᑲᓇᐃᔭᖅᑏᓪᓗ ᑕᐃᒃᑯᓂᖓ ᐱᓕᕆᖃᑎᖃᖅᑐᑦ, ᓯᕗᓪᓕᖅᐹᒥᒃ ᑲᐱᔭᐅᖅᑳᓛᖅᐳᑦ. ᐃᒪᓐᓇᐅᔪᓐᓇᕆᓪᓗᓂᓗ, ᐱᒍᑦᑕ ᓈᒻᒪᒃᑐᓂᒃ ᑲᐱᓯᔾᒧᑎᓂᒃ ᔭᓄᐊᕆᒥ, ᐱᓕᕆᑐᐃᓐᓇᕆᐊᖃᖅᐳᒍᑦ ᐊᒥᓱᑲᓪᒪᖕᓄᑦ ᑲᐱᔭᐅᔪᓐᓴᕐᓂᕐᒧᑦ ᐃᓂᒃᓴᖃᖅᑎᑦᑎᓗᑕ, ᑐᕌᕆᔭᖃᕐᓗᑕ ᑲᐱᓯᓇᔭᕐᓂᕐᒥᒃ ᐊᒥᓲᔪᓐᓇᕐᓂᓕᒫᖏᑦ ᐃᓐᓇᐃᑦ ᒪᓕᒡᓗᒍ.

ᖃᓄᐃᓕᐅᖅᑕᐅᓂᐊᖅᑐᖅ ᑕᐅᑐᒃᖢᒍ, ᒫᑦᓯ ᐃᓱᓕᓯᒪᓕᖅᐸᑦ ᐱᓯᒪᓕᓛᖅᐳᒍᑦ ᓈᒻᒪᒃᑐᓂᒃ ᑲᐱᓯᔾᔪᑎᓂᒃ 75−ᐳᓴᖏᓐᓄᑦ ᐃᓐᓇᐃᑦ ᓄᓇᕗᒻᒥ. ᐱᓪᓗᐊᑕᐅᓂᖓ ᐅᕙᑦᑎᓐᓄᑦ, ᓱᕐᓗ ᓄᓇᕗᑦ ᐊᑐᖅᐸᓪᓕᐊᔭᖓᑐᑦ, ᐊᓯᔾᔨᕈᓐᓇᑦᑎᐊᕐᓗᑕ ᐱᕙᒌᔭᖅᓯᒪᓗᑕᓗ ᐊᔾᔨᒌᙱᑦᑐᓄᒃ ᖃᓄᐃᓕᖓᓕᕐᓂᕆᔭᐅᕙᒃᑐᓄᑦ.

ᑕᒪᑐᒪᓂᓕᒫᖅ ᐱᓕᕆᓂᐅᔪᓕᒫᒥ, ᐱᒻᒪᕆᐅᕗᖅ ᐃᖅᑲᐅᒪᓂᐊᕐᓗᓂ ᓄᓇᕗᒻᒥᐅᑦ ᖃᓄᐃᓕᖓᓪᓚᑦᑖᕐᓂᖏᑦ ᐱᔭᕆᐊᖃᖅᐳᑦ ᐋᖅᑭᒃᓱᖅᑕᐅᓯᒪᕙᒌᖅᑐᒥᒃ ᐊᑐᖅᑕᐅᓇᔭᖅᑐᒥᒃ ᐱᓕᕆᕐᔪᐊᖃᑦᑕᖅᓯᒪᓂᕐᒥᒡᓗ ᑲᔪᓯᑎᑦᑎᓂᕐᒥᒃ ᐊᐅᓚᑦᑎᓂᕐᒥᒡᓗ ᑲᐴᑎᓂᒃ ᐅᑭᐅᖅᑕᖅᑐᒧᑦ ᐃᓱᒪᒋᓗᒋᑦ.

ᐃᖅᑲᓇᐃᔭᖅᑎᖁᑎᕗᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑕᒪᑐᒥᖓ ᐱᓕᕆᓯᒪᓂᑰᕗᑦ, ᑐᑭᓯᐅᒪᓪᓗᑎᒡᓗ ᐊᓂᒍᖅᑎᓐᓇᓱᒋᐊᓕᖕᓂᒃ  ᓵᑦᑎᐊᕐᒥᐅᑕᕆᔭᑦᑎᓐᓂᒃ. ᑕᒪᓐᓇ ᓯᕗᓪᓕᖅᐹᖑᙱᓚᖅ ᐱᓕᕆᐊᖃᕆᐊᖃᖅᓯᒪᓪᓗᑕ ᓱᒃᑲᓕᔪᒥᒃ ᖁᐊᖅᓵᕐᓇᙱᓪᓗᓂᓗ ᐊᔾᔨᖃᙱᑦᑐᓂ ᖃᓄᐃᓕᖓᓂᕆᔭᐅᔪᓂ. ᐊᕐᕌᒍᑕᒫᑦ, ᑲᐱᓯᓂᕐᒧᑦ ᐱᓕᕆᐊᖑᕙᒃᑐᑦ ᑕᒫᓂᓕᒫᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ ᐱᓕᕆᐊᖑᕙᒃᐳᑦ ᖃᔅᓯᑲᓪᓚᖕᓂᒃ ᐱᓕᕆᐊᖃᕐᓂᕐᒧᒃ ᐊᓂᒍᖅᑎᓐᓇᓱᒋᐊᓕᖕᓂᒃ ᐃᓚᖃᖅᐸᒃᖢᓂ. H1N1−ᒧᑦ ᓄᓇᕐᔪᐊᓕᒫᒥ ᖃᓂᒪᓐᓇᖅᑐᖅᑕᖃᖅᑎᓪᓗᒍ, ᐱᓕᕆᖃᑎᒋᔭᕗᑦ ᐊᔪᓚᐅᙱᓚᑦ ᐱᕙᒌᔭᕐᓂᕐᒥᒃ ᐱᑎᑦᑎᓂᕐᒥᒡᓗ ᓈᒻᒪᖅᑯᑦᑎᔪᓂᒃ ᑲᐱᓯᓂᕐᒧᑦ ᐱᓕᕆᐊᖑᓇᔭᖅᑐᓂᒃ ᑕᒫᓂᓕᒫᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ. ᑕᒪᓐᓇ ᑲᐱᓯᓂᕐᒧᑦ ᐱᓕᕆᐊᖑᓂᐊᖅᑐᖅ ᑕᐃᒪᐃᒃᑭᕗᖅᑕᐅᖅ.

ᑭᖑᓪᓕᖅᐹᒥᒃ, ᐊᐱᕆᔪᒪᕙᒃᑲ ᓄᓇᕗᒻᒥᐅᑦ ᐅᑕᖅᑭᑦᑎᐊᖃᑦᑕᖁᓪᓗᒋᑦ, ᒪᓐᓴᓗ ᐱᒻᒪᕆᐅᓛᖑᓪᓗᓂ, ᐊᑐᖃᑦᑕᕐᓗᑎᒃ ᐅᒃᐱᕆᔭᐅᑦᑎᐊᖅᑐᓂᒃ ᐊᑐᖅᑕᐅᔪᓐᓴᖅᑐᓂᒃ ᑐᓴᐅᒪᓂᕐᒧᑦ ᑐᓴᖅᐸᓪᓕᐊᓕᕈᑎᒃ ᑕᒪᑐᒧᖓ ᑲᐱᔭᐅᔾᔪᑎᒧᑦ ᐊᓯᖏᓐᓄᓪᓗ ᓄᑖᓄᑦ ᑭᒃᑯᑐᐃᓐᓇᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᒃ ᐱᓕᕆᐊᖑᔪᓂᒃ. ᑐᑭᓯᐅᒪᑦᑎᐊᖅᐳᖓ ᐃᓚᖓ ᑕᒪᑐᒪ ᑐᓴᖅᑕᐅᔪᒃᓴᐅᑉ ᓄᑖᖑᓂᖓᓂᒃ, ᐊᒻᒪᑦᑕᐅᖅ ᐃᒪᐃᒃᑭᕗᖅᒪ ᑕᒪᓐᓇ ᓄᕙᒡᔪᐊᕐᓇᖅ-19 ᖃᖓᑦᑎᐊᓵᖅ ᓄᑖᖑᓚᐅᕆᕗᖅ, ᑭᓯᐊᓂᓗᑦᑕᐅᖅ ᑲᑐᔾᔨᓪᓗᑕ, ᐊᑐᖅᖢᑕᓗ ᖃᐅᔨᓴᕐᓂᕐᒧᑦ−ᑐᙵᕕᓕᖕᓂᒃ ᓱᓕᔪᓂᒃ, ᐊᕙᙵᑲᓪᓚᖕᓂᙶᖅᐳᒍᑦ ᑐᑭᓯᐅᒪᒪᓕᕐᓂᕐᒥᒃ ᑕᒪᑐᒥᖓ ᖃᓂᒪᓐᓇᒥᒃ, ᐊᑐᖅᓯᓂᕐᒥᒡᓗ ᐊᑐᖅᑕᐅᔭᕆᐊᓕᖕᓂᒃ ᖁᐊᖅᓵᕐᓇᖅᑕᐃᓕᒪᑎᑦᑎᔾᔪᑎᓂᒃ ᐅᕙᑦᑎᓐᓂᒃ ᓴᐳᑎᓯᒪᔪᒪᓗᑕ, ᐃᓚᑦᑎᓐᓂᒃ, ᓄᓇᓕᑦᑎᓐᓂᒡᓗ.

ᖁᔭᓐᓇᒦᒃ.

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓄᑦ ᓴᐳᔾᔨᓯᔪᒪᓪᓗᑎᒃ ᓄᓇᕗᒻᒥᐅᓂᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: https://www.gov.nu.ca/health/information/nunavuts-path

 

ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ: ᑎᓯᐱᕆ 14

ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ
256 49 207 5377 642

ᓄᕙᕐᔪᐊᕐᓇᖅ-19−ᒧᑦ ᓄᓇᓕᖕᓂ ᐱᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᑎᓯᐱᕆ 14

ᓄᓇᓕᒃ ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ   ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ
ᐊᕐᕕᐊᑦ 205 214 9 165 49
ᑎᑭᕋᕐᔪᐊᖅ 21 21 0 21 0
ᑲᖏᖅᖠᓂᖅ 19 19 0 19 0
ᓴᓂᑭᓗᐊᖅ  2 2 0 2 0
ᑲᑎᖦᖢᒋᑦ  247 256 9 207 49

ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᑎᓯᐱᕆ 14

ᓄᓇᓕᒃ  ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ
ᐊᕐᕕᐊᑦ  214 899
ᑎᑭᕋᕐᔪᐊᖅ  21 144
ᑲᖏᖅᖠᓂᖅ 19 251
ᓴᓂᑭᓗᐊᖅ  2 189
ᑲᑎᖦᖢᒋᑦ  256 1483

ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐃᓄᑐᐊᒃᑯᕖᑦ)

 

ᐊᐅᓪᓚᕈᑎᒋᔭᐅᓯᒪᔪᑦ

ᑐᔪᕐᒥᕕᖕᒦᑦᑐᑦ ᐊᓂᑦᑕᐃᓕᑎᑕᐅᔪᑦ ᑎᓯᐱᕆ 13−ᒥ ᐱᒋᐊᖅᖢᓂ

ᐋᓐᓂᐊᕐᕕᓕᐊᖅᑐᑦ

184

ᑭᒃᑯᑐᐃᓐᓇᑦ

321
ᑐᐊᕕᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓄᑦ ᐃᓄᑑᔭᕆᐊᖃᕐᓂᕐᓗ 8

ᑲᑎᖢᒋᑦ

513

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ

ᑎᓯᐱᕆ 12 

4

ᑎᓯᐱᕆ 13 

0

ᑎᓯᐱᕆ 14 

65

ᑎᓯᐱᕆ 15 

18

ᑎᓯᐱᕆ 16 

71

ᑲᑎᖢᒋᑦ

161

ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:

ᑎᓯᐱᕆ 11−ᒥ ᐱᒋᐊᖅᖢᓂ, 10043−ᓂᒃ ᑐᒃᓯᕋᖅᑐᖃᓚᐅᖅᐳᖅ, 4719−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ

# %

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ)

6472 67.1%

ᐊᖏᖅᑕᐅᙱᑦᑐᑦ

285 2.8%
ᐅᑕᖅᑭᔪᑦ 232 2.3%

ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ

2784 27.7%
ᑲᑎᖢᒋᑦ 10043 100%

 

 

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᑐᒃᓯᕋᐅᑎᑦ ᐅᑭᐅᖅᑕᖅᑐᒧᐊᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ ᐅᕝᕙᓘᓐᓃᑦ ᓄᓇᕗᒻᒧᑦ ᐊᐅᓪᓚᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ, ᐃᕐᙲᓐᓈᖅᑕᐅᒃᑯᑦ ᓇᓂᔭᐅᔪᓐᓇᖅᐳᖅ ᐅᕙᙵᑦ CPHOconstructionrequests@gov.nu.ca

ᐃᒡᓗᓕᐅᖅᑏᑦ ᐊᓂᒍᐃᔪᑦ ᐃᓄᑐᐊᒃᑯᕕᖕᒥ ᒫᓐᓇᒧᑦ ᑎᑭᖦᖢᒍ: 2,248.

 

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᓇᓗᓇᐃᒃᑯᑕᖅᑖᕐᓂᕐᒧᑦ ᐱᓕᕆᐊᖑᔪᑦ

ᓇᓗᓇᒃᑯᑕᖅᑖᕐᓂᕐᒧᑦ ᐱᓕᕆᐊᖑᔪᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᓱᒪᖅᓲᑕᐅᓂᐊᖅᐳᑦ 2020-21 ᐃᓕᓐᓂᐊᕐᓇᖅ ᐊᑐᖅᑎᓪᓗᒍ.

ᖃᐅᔨᒪᑦᑎᐊᕈᒪᓂᕐᒧᑦ ᐱᐅᓛᒥᒃ ᓂᕈᐊᕆᔭᐅᔪᒥᒃ ᐱᔪᖃᕋᓗᐊᕐᒪᖔᑦ ᑕᒪᐃᓐᓄᑦ ᐊᑐᓂᑦ ᐃᓕᓐᓂᐊᖅᑎᓄᑦ, ᓂᕈᐊᕐᓂᖅ ᐊᑐᔾᔮᙱᓐᓂᕐᒧᑦ ᐊᑕᐅᑦᑎᒃᑯᑦ ᐱᓕᕆᐊᖑᓪᓗᐊᖅᐳᖅ ᐱᓕᕆᖃᑎᒋᓗᒋᑦ ᐃᓪᓕᓐᓂᐊᖅᑎᐅᑉ ᐊᖓᔪᖅᖔᖏᒃ/ᑲᒪᔨᖏᒃ.  ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᓇᒃᓯᐅᔾᔨᕕᐅᓚᐅᖅᐳᑦ ᔭᓄᐊᕆ 2021 −ᒥ ᐊᑐᖅᓯᓂᐊᕐᓂᕐᒧᑦ ᑎᑎᕋᕆᐊᓕᖕᒥᒃ ᐅᓪᓗᑐᐃᓐᓇᒥ, ᑎᓯᐱᕆ 11, 2020−ᒥ.

ᐃᓕᓐᓂᐊᖅᑏᑦ ᑎᑎᕋᕈᒪᔪᑦ ᔭᓄᐊᕆ 2021−ᒧᑦ ᓇᓗᓇᐃᒃᑯᑕᖅᑖᕐᓂᕐᒧᑦ ᖃᐅᔨᓴᖅᑕᐅᓂᕐᒥᒥᓂᒃ ᐱᔭᕇᖅᓯᔭᕆᐊᖃᕐᓂᐊᖅᐳᑦ ᐃᓱᒪᖅᓱᕐᓗᓂ ᐊᑐᖅᓯᔪᒪᓂᕐᒧᑦ ᑎᑎᕋᕆᐊᓕᖕᒥᒃ ᑐᓂᓗᒍᓗ ᐃᓕᓐᓂᐊᕐᕕᐅᑉ ᐊᖓᔪᖅᑳᖓᓄᑦ ᐊᔪᕐᓇᕈᓐᓃᑐᐊᖅᐸᑦ. ᐃᓕᓐᓂᐊᖅᑏᑦ ᓂᕈᐊᕆᔭᓖᑦ ᑎᑎᕋᖅᓯᓂᕐᒥᒃ ᖃᐅᔨᓴᖅᑕᐅᔾᔪᑎᒥᓂᒃ, ᓈᒻᒪᒃᓴᙱᓪᓗᑎᒡᓗ ᖃᐅᔨᓴᖅᑕᐅᔾᔪᑎᒥᓂᒃ ᐱᓇᔪᒍᓐᓇᙱᓚᑦ ᑭᑭᑕᐅᔪᓐᓇᕐᓂᕐᒥᒃ ᖃᐅᔨᓴᖅᑕᐅᓂᖅ ᐅᓪᓗ ᐊᓂᒍᐊᓪᓚᓚᐅᖅᑎᓪᓗᒍ.

ᐃᓕᓐᓂᐊᖅᑏᑦ ᐊᑐᕈᒪᙱᑦᑐᑦ ᑎᑎᖃᖅᓯᓂᕐᒥᒃ ᖃᐅᔨᓴᖅᑕᐅᓂᕐᒥᓂᒃ ᐱᑎᑕᐅᓂᐊᖅᐳᑦ ᑭᑭᑕᐅᓯᑲᐅᑎᒋᓂᕐᒥᒃ, ᑕᒪᓐᓇ ᐊᔪᕈᓐᓃᖅᓴᕐᓂᕆᔭᖓᑕ ᓇᓗᓇᐃᒃᑯᑕᖓ 100−ᐳᓴᐅᑎᑕᐅᓗᓂ ᑭᖑᓪᓕᖅᐹᕆᓗᒍ ᐱᓂᐊᕐᓗᓂᐅᒃ. 

ᐃᓕᓐᓂᐊᖅᑏᑦ ᐱᓇᔪᒍᒪᔪᑦ ᐃᓕᓐᐊᕐᕕᖕᓂ ᐃᓕᓐᓂᐊᕌᓪᓚᓚᐅᕐᓗᑎᒃ ᑎᓕᐅᖅᑕᐅᕗᑦ ᑭᒥᕐᕈᐊᖅᓯᖁᔭᐃᓪᓗᑎᒃ ᐃᓚᐅᓂᐊᕐᓂᕐᒧᑦ ᒪᓕᒋᐊᓕᖕᓕᓂᒃ ᑖᔅᓱᒧᖓ ᐱᓕᕆᐊᒃᓴᒧᑦ ᐱᓇᔪᒡᕕᒋᔭᒥᓄᑦ, ᑎᑎᕋᕐᓯᙱᒃᑯᑎᒃ ᖃᐅᔨᓴᖅᑕᐅᔾᒧᑎᒥᒃ ᐊᒃᑐᖅᓯᑐᐃᓐᓇᕆᐊᖃᖅᐳᖅ ᐊᖏᖅᑕᐅᓇᔭᕐᓂᖏᓐᓄᑦ. 

 

 

ᓄᓇᕗᒻᒥᐅᑦ ᖃᓄᐃᙱᑦᑎᐊᖅᐸᖕᓂᖏᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.