ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᑎᓯᐱᕆ 2, 2020

ᑎᓯᐱᕆ 02, 2020

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᑎᓯᐱᕆ 2, 2020

ᓯᕗᓕᖅᑎᒥᑦ ᑐᓴᒐᒃᓴᖅ:

ᐅᓪᓛᒃᑯᑦ. ᐅᓪᓗᒥ, ᓄᓇᕗᒻᒥ ᖁᓕᓪᓗ ᐊᑕᐅᓯᕐᒥᓪᓗ ᓄᕙᒡᔪᐊᕐᓇᖅ-11−ᑖᖅᑐᖃᖅᓯᒪᓕᕐᒥᔪᖅ, ᑕᒪᕐᒥᒃ ᐊᕐᕕᐊᕐᒦᖦᖢᑎᒃ.

ᓄᓇᕗᒻᒥ ᒫᓐᓇ ᑲᑎᖦᖢᒋᑦ 80−ᖑᓕᖅᑐᑦ ᓄᕙᒡᔪᐊᕐᓇᖅ-19−ᒧᑦ ᖃᓂᒻᒪᒃᑐᑦ. ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 4964−ᖑᓕᖅᑐᑦ. 724 ᐃᓄᐃᑦ ᒫᓐᓇ ᖃᐅᔨᓴᖅᑕᐅᔪᑦ. 113 ᓄᓇᕗᒻᒥᐅᑦ ᖃᓂᒻᒪᓚᐅᖅᑐᑦ ᖃᓄᐃᑦᑐᓐᓃᖅᑐᑦ.

ᐅᓪᓗᖅ ᓯᕗᓪᓕᖅᐹᖅ ᑭᒡᓕᖃᖅᑎᑕᐅᔪᑦ ᐊᑐᕈᓐᓃᖅᐸᓪᓕᐊᑎᓪᓗᒋᑦ ᓄᓇᓕᖕᓂ ᑕᒪᐃᓐᓂᒃ ᑭᓯᐊᓂ ᐊᕐᕕᐊᑦ, ᐃᖅᑲᐃᓯᔪᒪᕙᔅᓯ ᐋᓐᓂᐊᖅᑐᓕᕆᔨᒃᑯᓐᓂ ᐊᑐᖅᑕᐅᔭᕆᐊᓖᑦ ᓴᐳᔾᔨᔾᔪᑎᑦᑎᐊᕙᐅᓛᖑᕗᑦ ᐅᓄᖅᓯᕙᓪᓕᐊᖁᙱᖦᖢᒋᑦ.  ᑕᒻᒪᐅᑎᖃᖅᑕᐃᓕᒋᑦ ᑭᒡᓕᖃᖅᑎᑕᐅᔪᑦ ᐊᑐᓗᐊᕈᓐᓃᖅᑎᑕᐅᓂᖏᓐᓂᒃ ᐱᓕᕆᖃᑕᐅᙱᓪᓗᑎᑦ ᐅᕝᕙᓘᓐᓃᑦ ᐱᕙᒌᔭᖅᓯᒪᓂᕐᒧᑦ ᓄᕙᕐᔪᐊᕐᓇᖅ-19−ᒧᑦ. 

ᓄᓇᕗᑦ ᐊᑐᖅᓯᒪᕗᑦ ᖃᓂᒪᓐᓇᖅ ᖃᓄᖅ ᐊᐃᑦᑐᕐᓘᑕᐅᖃᑦᑕᕐᒪᖔᑦ, ᑕᐃᒪᓕ ᐊᒃᓱᕈᕐᓗᑕ ᐱᓕᕆᔭᕆᐊᖃᖅᐳᒍᑦ ᐊᒻᒪ ᐅᔾᔨᖅᓱᑦᑎᐊᖏᓐᓇᕐᓗᑕ.

ᐊᒡᒐᑎᑦ ᐅᐊᓴᕋᔪᒡᓗᒋᑦ; ᐃᓅᖃᑎᑎᑦ ᖃᓂᒋᓗᐊᖃᑦᑕᙱᓪᓗᒋᑦ ᐊᒻᒪ ᒪᑐᐊᖅᓯᒪᕙᒡᓗᑎᑦ ᐅᖓᓯᒌᒍᓐᓇᙱᒃᑯᔅᓯ; ᑲᑎᙵᔪᑦ ᐃᓄᒋᐊᓗᐊᖃᑦᑕᙱᓪᓗᑎᒃ; ᐊᒻᒪ ᐊᖏᕐᕋᖅᓯᒪᐃᓐᓇᕐᓗᑎᑦ ᖃᓂᒪᒍᕕᑦ.

ᑕᒪᑦᑕ ᑕᑎᒌᒃᑐᐃᓐᓇᐅᕗᒍᑦ ᓄᓇᑦᑎᓐᓂ ᐊᑦᑕᕐᓇᖅᑕᐃᓕᒪᑎᑦᑎᓪᓗᑕ.

ᑕᒪᑦᑕ ᖃᓄᐃᙱᑦᑎᐊᕋᓱᒡᓗᑕ ᐊᒻᒪ ᐊᑦᑕᕐᓇᖅᑕᐃᓕᒪᓗᑕ ᐱᓕᕆᖃᑕᐅᓗᑕ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:

ᐅᓪᓛᒃᑯᑦ. ᓯᕗᓪᓕᕐᒥ, ᐱᕕᖃᓚᐅᑲᒍᒪᕗᖓ ᐅᖃᐅᓯᕆᔪᒪᓪᓗᒋᑦ ᓱᓕ ᐊᑐᖁᔭᐅᔪᑦ ᐊᕐᕕᐊᓂ.  ᒫᓐᓇᐅᔪᖅ, ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑭᒡᓕᖃᖅᑎᑕᐅᔪᑦ ᓄᓇᓕᖕᓂ ᓱᓕ ᑕᐃᒪᐃᓕᖓᕗᑦ ᐱᓇᓱᐊᕈᓰᖕᓂ ᒪᕐᕉᖕᓂᒃ, ᓄᓇᓕᖕᓂ ᐊᐃᑦᑐᕐᓗᐃᑲᑕᒍᓐᓃᖁᓪᓗᒋᑦ. ᐃᓄᒋᐊᒃᑐᓂᑦ ᒪᑐᐊᖅᓯᒪᔭᕆᐊᖃᖅᐳᑦ. ᓯᓚᒥ ᑲᑎᙵᔪᑦ ᑕᓪᓕᒪᑦ ᐅᖓᑖᓃᑦᑕᕆᐊᕋᙱᑦᑐᑦ. ᐅᒡᓚᕋᕆᐊᖃᙱᑦᑐᑦ ᐃᒡᓗᒋᔭᐅᔪᓄᑦ ᐃᒡᓗᕋᓛᕆᔭᐅᔪᓄᓪᓗ. ᐊᕐᕕᐊᑦ ᓯᓚᑖᓄᑦ ᓱᓕ ᐊᐅᓪᓚᑲᑕᒋᐊᖃᙱᑦᑐᑦ.

ᖃᐅᔨᒪᔪᖓ ᑕᒪᓐᓇ ᐊᔪᕐᓇᕐᓂᖓᓂᒃ ᓱᓕ ᑖᒃᑯᐊ ᐊᑐᖁᔭᐅᓪᓚᕆᒃᑎᓪᓗᒋᑦ, ᑭᓯᐊᓂ ᑐᑭᓯᐅᒪᖁᔭᐅᕗᓯ ᐊᕐᕕᐊᕐᒥᐅᓄᑦ ᐊᓄᓪᓚᒍᑕᐅᓇᓱᙱᒻᒪᑦ, ᑕᐃᒪᓐᓇ ᑭᓯᐊᓂ ᓄᓇᓕᖕᓂ ᐊᐃᑦᑐᕐᓗᐃᑲᑕᖕᓂᖅ ᓄᖅᑲᖅᐸᓪᓕᐊᓕᕐᓂᐊᕐᒪᑦ ᐊᒻᒪ ᕿᓚᒻᒥᐅᓛᖅ ᑭᒡᓕᖃᖅᑎᑕᐅᔪᓄᑦ ᐊᑐᕈᓐᓃᖅᐸᓪᓕᐊᔾᔪᑕᐅᓂᐊᖅᖢᓂ.

ᐅᖃᒃᑲᓐᓂᕈᒪᕗᖓ, ᑭᒥᕐᕈᐊᓪᓚᓚᐅᖅᖢᒍ ᓄᑖᖑᓛᑦ ᐋᓐᓂᐊᖅᑐᓕᕆᔨᒃᑯᑦ ᑐᓴᖅᑕᐅᔭᕆᐊᓖᑦ, ᑎᑭᕋᕐᔪᐊᕐᒥ ᑲᖏᖅᖠᓂᕐᒥᓗ ᓱᓕ ᒪᑐᐊᖅᓯᒪᔭᕆᐊᖃᓪᓚᕆᖕᓂᐊᖅᐳᑦ. ᓯᕗᒻᒧᐊᒃᐸᓪᓕᐊᓗᑕ, ᓄᓇᓕᓕᒫᑦ ᓄᕙᒡᔪᐊᕐᓇᖅ-19−ᖃᖅᑐᑦ ᒪᑐᐊᖅᓯᒪᔭᕆᐊᖃᓪᓚᕆᒃᐳᑦ.

ᐅᓪᓗᒥ, ᐅᖃᐅᓯᖃᕈᒪᖕᒥᔪᖓ ᐊᐱᖅᑯᑕᐅᓚᐅᖅᑐᒥᒃ ᖃᓄᖅ ᐊᑯᓂᐅᑎᒋᔪᖅ ᐊᖏᕐᕋᒥᓂ ᐃᓄᑑᔭᕆᐊᖃᖅᑎᑕᐅᔪᑦ ᐃᒡᓗᒥᐅᖃᑎᒌᑦ ᐊᐃᑦᑐᕐᓗᐃᖃᑦᑕᐅᑎᑎᓪᓗᒋᑦ.

ᐃᓄᑑᔭᕆᐊᖃᖅᑎᑕᐅᔪᑦ ᐃᓄᐃᑦ ᓄᕙᒡᔪᐊᕐᓇᖅ-19−ᖃᕐᓂᕋᖅᑕᐅᔪᑦ ᐅᓪᓗᓄᑦ ᖁᓕᓄᑦ ᐃᓄᑑᔭᕆᐊᖃᖅᐳᑦ ᐱᖃᕐᓂᕋᖅᑕᐅᓂᖓᓂ ᐱᒋᐊᕐᓗᓂ ᐅᕝᕙᓘᓐᓃᑦ ᖃᓂᒪᑲᑕᓯᒋᐊᕐᕕᖓᓂ ᐱᒋᐊᕐᓗᑎᒃ−ᓇᓕᐊᑐᐃᓐᓇᖅ ᓯᕗᓪᓕᐅᔪᖅ ᒪᓕᒡᓗᒍ. ᐅᓪᓗᑦ ᖁᓕᑦ ᐊᓂᒍᖅᐸᑦ, ᑖᓐᓇ ᐊᐃᑦᑐᕐᓗᐃᔪᓐᓇᐃᓪᓕᓂᕋᖅᑕᐅᕗᖅ ᐋᓐᓂᐊᖃᕐᓇᙱᑦᑐᓕᕆᔨᓂᓪᓗ ᐊᓂᑎᑕᐅᔪᓐᓇᖅᓯᓗᓂ.

ᐊᑦᑕᕐᓇᖅᑐᒦᓪᓚᕆᒃᑐᑦ ᖃᓂᒋᔭᐅᔪᕕᓃᑦ−ᑕᐃᒃᑯᐊᓗ ᓄᕙᒡᔪᐊᕐᓂᕋᖅᑕᐅᔫᑉ  ᐃᒡᓗᒥᐅᖃᑎᖏᑦ − ᐊᑦᑕᕐᓇᖅᑐᒦᓪᓚᕆᒃᐳᑦ ᐃᓄᑑᔭᕆᐊᖃᓯᑲᐅᑎᒋᓗᓂᓗ ᐃᒡᓗᒥᐅᖃᑎᒥᓂᒃ ᐱᖃᕐᓂᕋᖅᑕᐅᔪᖃᖅᐸᑦ ᓄᓇᓕᖕᓂ ᐊᐃᑦᑐᕐᓗᐃᑎᑦᑎᑦᑕᐃᓕᒪᓗᑎᒃ. ᐅᓪᓗᓄᑦ 14-ᑲᓐᓂᕐᓄᑦ ᐃᓄᑑᔭᕆᐊᖃᓕᕋᔭᖅᐳᑦ ᐃᓄᒃ ᑭᖑᓪᓕᖅᐹᖅ ᐱᖃᕐᓂᕋᖅᑕᐅᓚᐅᖅᑐᖅ ᐃᒡᓗᒥᐅᖃᑎᒥᓂᒃ ᐊᐃᑦᑐᕐᓗᐃᔪᓐᓇᐃᓪᓕᓚᐅᖅᑎᓪᓗᒍ.

ᓲᖃᐃᒻᒪ ᖃᓂᒻᒪᓐᓇᒥᑦ ᖃᖓᑐᐃᓐᓇᑦᑎᐊᖅ ᐊᐃᑦᑐᕐᓗᒃᑕᐅᔪᓐᓇᕐᒪᑕ ᐃᒡᓗᒥᐅᖃᑎᖓᓂ ᐱᖃᕐᓂᕋᖅᑕᐅᔪᖃᖅᑎᓪᓗᒍ ᐊᒻᒪ ᐅᓪᓗᓄᑦ ᖁᓕᓄᑦ ᐃᓄᑑᔭᕆᐊᖃᖅᑎᓪᓗᒍ. 

ᖃᐅᔨᒪᔭᕆᐊᖃᓪᓚᕆᒃᐳᑦ, ᐃᒡᓗᒥᐅᖃᑎᒌᑦ ᐊᐃᑦᑐᕐᓗᐃᖃᑦᑕᐅᑎᙱᓐᓂᖅᓴᐅᔪᓐᓇᕐᒪᑕ ᖃᓂᒌᓗᐊᑲᑕᙱᒃᑯᑎᒃ ᖃᖓᓕᒫᖅ, ᐊᓪᓕᕋᐃᑦ ᐊᒃᑐᖅᑕᐅᒐᔪᒃᑐᑦ ᐅᐊᓴᕋᔪᒡᓗᒋᑦ, ᓲᕐᓗ ᐹ ᑎᒍᒻᒥᕕᖏᑦ ᐊᒻᒪ ᑭᐴ ᖃᖏᑦ, ᐃᓛᒃᑯᑦ ᐊᓇᕐᕕᖃᕐᓗᑎᒃ ᐊᔪᕐᓇᙱᑉᐸᑦ, ᐃᒥᐅᑎᓂᒃ ᓂᕆᔾᔪᑎᓂᓪᓗ ᐊᒥᖅᑳᖃᑦᑕᙱᓪᓗᑎᒃ, ᒪᑐᐊᖅᓯᒪᕙᒡᓗᑎᒃ, ᐊᒡᒐᑎᓪᓗ ᐅᐊᓴᕋᔪᒡᓗᒋᑦ. 

ᑭᖑᓪᓕᖅᐹᒥ, ᓄᓇᕗᒻᒥᐅᑦ ᖁᔭᓕᔪᒪᕙᒃᑲ ᐱᓕᕆᖃᑎᒌᑦᑎᐊᖏᓐᓇᕐᒪᑕ. ᐊᐃᑦᑐᕐᓗᐃᖃᑦᑕᐅᑎᔪᓐᓃᕈᓐᓇᖅᐳᒍᑦ ᑭᓯᐊᓂ ᐱᓕᕆᖃᑎᒌᒃᑯᑦᑕ. 

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᑦ ᐱᓇᔪᒃᑕᖏᓐᓄᑦ ᓴᐳᔾᔨᓯᔪᒪᓪᓗᑎᒃ ᓄᓇᕗᒻᒥᐅᓂᒃ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: https://www.gov.nu.ca/health/information/nunavuts-path

 

ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ: ᑎᓯᐱᕆ 2

ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ
193 80 113 4964 724

ᓄᕙᕐᔪᐊᕐᓇᖅ-19−ᒧᑦ ᓄᓇᓕᖕᓂ ᐱᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᑎᓯᐱᕆ 2

ᓄᓇᓕᒃ ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ   ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ
ᐊᕐᕕᐊᑦ 140 151 11 86 65
ᑎᑭᕋᕐᔪᐊᖅ 21 21 0 14 7
ᑲᖏᖅᖠᓂᖅ 19 19 0 11 8
ᓴᓂᑭᓗᐊᖅ  2 2 0 2 0
ᑲᑎᖦᖢᒋᑦ  182 193 11 113 80

ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᑎᓯᐱᕆ 2

ᓄᓇᓕᒃ  ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ
ᐊᕐᕕᐊᑦ  151 588
ᑎᑭᕋᕐᔪᐊᖅ  21 125
ᑲᖏᖅᖠᓂᖅ 19 219
ᓴᓂᑭᓗᐊᖅ  2 184
ᑲᑎᖦᖢᒋᑦ  193 1116

ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐃᓄᑐᐊᒃᑯᕖᑦ)

 

ᐊᐅᓪᓚᕈᑎᒋᔭᐅᓯᒪᔪᑦ

ᑐᔪᕐᒥᕕᖕᒦᑦᑐᑦ ᐊᓂᑦᑕᐃᓕᑎᑕᐅᔪᑦ ᑎᓯᐱᕆ 1−ᒥ ᐱᒋᐊᖅᖢᓂ

ᐋᓐᓂᐊᕐᕕᓕᐊᖅᑐᑦ

362

ᑭᒃᑯᑐᐃᓐᓇᑦ

163

ᑲᑎᖢᒋᑦ

270

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ

ᑎᓯᐱᕆ 02 

92

ᑎᓯᐱᕆ 03 

39

ᑎᓯᐱᕆ 04 

18

ᑎᓯᐱᕆ 05 

1

ᑎᓯᐱᕆ 06 

6

ᑲᑎᖢᒋᑦ

156

ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:
ᑎᓯᐱᕆ 1−ᒥ ᐱᒋᐊᖅᖢᓂ, 9693−ᓂᒃ ᑐᒃᓯᕋᖅᑐᖃᓚᐅᖅᐳᖅ, 4511−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ

# %

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ)

6459 66.6%

ᐊᖏᖅᑕᐅᙱᑦᑐᑦ

281 2.9%
ᐅᑕᖅᑭᔪᑦ 247 2.6%

ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ

2706 27.8%
ᑲᑎᖢᒋᑦ 9693 100%

 

ᒪᓕᒐᓕᕆᔨᒃᑯᓐᓂᑦ ᐱᔨᑦᑎᕋᐅᑎᑦ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᒪᓕᒐᓕᕆᔨᒃᑯᓐᓂ ᐱᔨᑦᑎᕋᐅᑎᑦ ᓄᓇᓕᖕᓂ ᑕᒪᐃᓐᓂᒃ ᑲᖏᖅᖠᓂᖅ, ᑎᑭᕋᔪᐊᖅ ᐊᒻᒪ ᐊᕐᕕᐊᑦ ᐱᙱᖦᖢᒋᑦ, ᑭᒃᑯᑐᐃᓐᓇᓄᑦ ᒪᑐᐃᒃᑲᓐᓂᕐᓂᐊᓕᖅᐳᑦ ᐅᑯᐊ ᑎᑎᕋᕐᕖᑦ:

  • ᓄᓇᓕᖕᓂᑦ ᐃᖅᑲᖅᑐᐃᔪᓕᕆᔨᑦ ᑎᑎᕋᕐᕕᖏᑦ.
  • ᐱᕋᔭᒃᑕᐅᓯᒪᔪᓄᑦ ᐱᔨᑦᑎᕋᕐᕕᑦ ᑎᑎᕋᕐᕕᖓ.
  • ᓄᓇᓕᖕᓂ ᑎᒍᔭᐅᓯᒪᔪᓕᕆᔨᑦ ᑎᑎᕋᕐᕕᖏᑦ.
  • ᑲᒪᒋᔭᐅᒋᐊᓕᖕᓄᑦ ᐸᖅᑭᔨᑦ ᕿᒪᒃᑕᐅᔪᓄᓪᓗ ᑎᑎᕋᕐᕕᖓ.
  • ᒪᓕᒐᑎᒍᑦ ᓇᓗᓇᐃᖅᓯᕕᑦ.
  • ᐊᑐᖅᑐᐊᖅᑎᓄᑦ ᑎᑎᕋᕐᕕᒃ.
  • ᓄᓇᕗᒻᒥ ᐃᖅᑲᖅᑐᐃᕕᓕᕆᔨᑦ ᐃᒡᓗᖁᑖ.
  • ᐃᖅᑲᓇᐃᔭᖅᑐᓕᕆᔨᒃᑯᑦ ᑎᑎᕋᕐᕕᖓ.
  • ᖃᑕᙳᑎᒌᓂᒃ ᐃᑲᔪᖅᑐᐃᔨ ᑎᑎᕋᕐᕕᖓ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

ᑎᒍᔭᐅᓯᒪᕝᕖᑦ ᓱᓕ ᑭᒃᑯᑐᐃᓐᓇᓄᑦ ᒪᑐᓯᒪᓂᐊᖅᑐᑦ. ᐋᖅᑭᒃᑕᐅᓯᒪᔪᑦ ᐅᔾᔨᖅᓱᖁᔨᔾᔪᑏᑦ ᓱᓕ ᐊᑐᕐᓂᐊᖅᑐᑦ.

ᓄᓇᓕᖕᓂ ᐃᑲᔪᖅᑕᐅᕕᑦ

ᐊᕐᕕᐊᓂ, ᑲᖏᖅᖠᓂᕐᒥ ᐊᒻᒪ ᑎᑭᕋᔪᐊᕐᒥ ᑎᑎᕋᕐᕖᑦ ᓱᓕ ᒪᑐᓯᒪᓂᐊᖅᑐᑦ ᑲᒪᒋᔭᐅᔭᕆᐊᓖᓪᓗ ᑎᑎᕋᕐᕕᖕᒧᑦ ᓱᓕ ᖃᐅᔨᒋᐊᖃᑦᑕᖁᔭᐅᕗᑦ ᐊᑖᓃᑦᑐᑦ ᓈᓴᐅᑎᑦ ᐊᑐᕐᓗᒋᑦ:  

ᐊᕕᑦᑐᖅᓯᒪᔪᓂ ᓄᓇᓕᒃ ᖃᐅᔨᒋᐊᕐᕕᐅᔪᓐᓇᖅᑑᑉ ᐊᑎᖓ ᓈᓴᐅᑎᖓ ᐅᖄᓚᐅᑎᒃᑯᑦ  

ᑭᕙᓪᓕᖅ:

ᑲᖏᖅᖠᓂᖅ, ᑎᑭᕋᕐᔪᐊᖅ ᕉᓯ ᐅᓴᒃ 867-645-6458
  ᐊᕐᕕᐊᑦ ᔩᓂ ᐊᓕᑯᑦ 867-857-8509

ᓄᓇᓕᖕᓂ ᒪᓕᒐᓕᕆᔨᑦ

ᐅᐸᒍᑎᓗᑎᒃ ᑲᑎᒪᕙᒃᑐᑦ ᓄᓇᓕᖕᓂ ᒪᓕᒐᓕᕆᔨᒃᑯᓐᓄᑦ ᐊᕐᕕᐊᓂ, ᑲᖏᖅᖠᓂᕐᒥ ᐊᒻᒪ ᑎᑭᕋᔪᐊᕐᒥ ᓱᓕ ᐊᔪᖅᑎᑕᐅᕗᑦ ᑭᓯᐊᓂ ᑐᐊᕕᕐᓇᖅᑐᓄᑦ ᑕᐃᓐᓇ ᐱᓕᕆᖃᑎᒋᔭᐅᔪᖅ ᐅᖄᓚᐅᑎᖃᕈᓐᓇᙱᑉᐸᑦ ᐊᑦᑕᕐᓇᙱᑦᑐᒥᓪᓘᓐᓃᑦ ᐃᓂᖃᙱᑉᐸᑦ ᐱᓕᕆᔨᑦᑎᓐᓄᑦ ᖃᐅᔨᒋᐊᕆᐊᒃᓴᖅ ᐅᖄᓚᐅᑎᒃᑯᑦ. ᐃᓄᐃᑦ ᐊᐱᕆᔭᐅᕗᑦ ᖃᐅᔨᒋᐊᖁᔭᐅᓪᓗᑎᒃ ᐃᓚᒌᓂᑦ ᐱᓂᕐᓗᒃᑕᐃᓕᒪᑎᑦᑎᓂᕐᒧᑦ ᐱᖁᔭᕐᒥᑦ (FAIA) ᐅᖄᓚᕝᕕᐅᔪᓐᓇᖅᑐᒧᑦ ᐊᐱᖅᑯᑎᒃᓴᖃᕐᓂᕈᑎᒃ ᐃᑲᔪᖅᑕᐅᔭᕆᐊᖃᕈᑎᒡᓘᓐᓃᑦ ᐅᕗᖓ ᓈᓴᐅᑎᒧᑦ, 1-844-534-1038. ᐅᖄᓚᔪᖅ ᖃᐅᔨᓴᖅᑕᐅᓂᐊᖅᐳᖅ ᑐᑭᓯᓇᓱᒡᓗᑎᒃ ᐃᑲᔪᖅᑕᐅᔭᕆᐊᓕᖕᒥᒃ ᑐᕌᖅᑎᑕᐅᓗᓂ ᓄᓇᓕᖕᓂ ᒪᓕᒐᓕᕆᔨᒻᒪᕆᖕᒧᑦ ᑖᓐᓇᓗ ᐃᑲᔪᕈᓐᓇᖅᖢᓂ ᐱᓇᔫᑎᖓᓄᑦ ᐃᑲᔫᑎᒃᓴᓂᓪᓗ ᓇᓗᓇᐃᖅᓯᔪᓐᓇᖅᖢᓂ.

 

 

ᐃᓄᓕᕆᔨᒃᑯᑦ

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

ᓂᖃᐃᓱᕐᕖᑦ ᑎᑎᕋᕐᕕᖏᑦ ᓄᓇᕘᓕᒫᒥ ᒫᓐᓇ ᐱᓕᕆᔾᔪᓯᖏᓐᓂᒃ ᐊᑐᕐᓗᑎᒃ ᑲᔪᓯᑎᑦᑎᓂᐊᖅᐳᑦ.

ᓂᖃᐃᓱᖅᑎᑦ ᑕᑯᔭᐅᕝᕕᒃᓴᓖᑦ ᐅᖄᓚᐅᑎᒃᑯᑦ ᑲᒪᒋᔭᐅᖃᑦᑕᕐᓂᐊᖅᑐᑦ ᐊᔪᕐᓇᖏᑐᐊᖅᐸᑦ ᐅᐸᑦᑕᐅᖃᑦᑕᖏᒑᕐᓗᑎᑦ ᐃᓂᒃᓴᓕᐅᖅᓯᒪᔪᓄᑦ ᐱᔭᕆᐊᖃᖅᐸᑕ ᑭᓯᐊᓂ. ᑲᒪᒋᔭᐅᓂᐊᖅᑐᑦ ᐅᖄᓚᔭᕆᐊᖃᖅᐳᑦ ᓂᖃᐃᓱᖅᑐᓕᕆᔨᒥᓄᑦ ᐅᕝᕙᓘᓐᓃᑦ ᐊᕕᒃᑐᖅᓯᒪᔪᑦ ᑎᑎᕋᕐᕕᖓᓄᑦ ᐃᓂᒃᓴᓕᐅᕋᓱᒡᓗᑎᒃ ᓂᐱᓕᐅᕐᓗᑎᒡᓗ ᑭᐅᔭᐅᙱᑉᐸᑕ, ᐅᖄᓚᕝᕕᐅᓛᖅᐳᓪᓗ.

 

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

ᐊᑐᕆᐊᓕᒃ 4 - ᐊᕐᕕᐊᑦ

ᐃᓕᓐᓂᐊᕐᕕᓕᒫᑦ ᐊᕐᕕᐊᓂ ᓱᓕ ᐊᑐᕆᐊᓕᒃ 4−ᒥᑦ ᐱᓕᕆᐊᖑᕙᓪᓕᐊᔪᒪᔪᑦ ᐸᕐᓇᐅᑎᖓᓂᒃ ᓱᓕ ᐊᑐᓕᖅᑎᑦᑎᓂᐊᖅᐳᑦ ᐃᓕᓐᓂᐊᕐᕕᓕᒫᑦ ᐊᕐᕕᐊᓂ ᒪᑐᓯᒪᐃᓐᓇᕐᓗᑎᒃ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ. ᐃᓕᓐᓂᐊᖅᑎᑕᐅᓂᐊᖅᑐᓕᒫᑦ  ᐊᕐᕕᐊᓂ ᓱᓕ ᖃᕆᓴᐅᔭᒃᑯᑦ ᐱᓕᕆᐊᖑᓂᐊᖅᐳᑦ ᐃᓕᓴᐃᔩᑦ/ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᑎᒥᓄᑦ ᖃᑕᙳᑎᖏᓐᓄᑦ ᖃᐅᔨᒋᐊᖃᑦᑕᕐᓂᐊᖅᐳᑦ ᓈᒻᒪᒃᓯᔭᕌᖓᑦ.

ᐋᖅᑭᒋᐊᖅᑕᐅᔪᑦ ᐱᔨᑦᑎᕋᐅᑏᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᑎᓯᐱᕆ 2, 2020- ᐱᒋᐊᕐᓗᓂ ᐃᓕᓐᓂᐊᕐᕖᑦ ᓄᓇᕗᒻᒥ ᐅᑯᓂᖓ ᐊᑐᓕᕐᓂᐊᖅᐳᑦ:

  • ᐊᑐᕆᐊᓕᒃ 3 - ᑲᖏᖅᖠᓂᖅ ᐊᒻᒪ ᑎᑭᕋᕐᔪᐊᖅ
  • ᐊᑐᕆᐊᓕᒃ 2 − ᐊᓯᓕᒫᖏᑦ ᐃᓕᓐᓂᐊᕐᕖᑦ ᓄᓇᕗᒻᒥ

ᐊᑐᕆᐊᓕᒃ 3 - ᑲᖏᖅᖠᓂᖅ ᐊᒻᒪ ᑎᑭᕋᔪᐊᖅ

ᑎᓯᐱᕆ 2, 2020−ᒥ ᐱᒋᐊᕐᓗᓂ:

  • ᓄᑲᒃᖡᑦ ᐃᓕᓐᓂᐊᕐᕕᖏᓐᓂ ᐃᓕᓐᓂᐊᖅᑎᑦ ᑲᖏᖅᖠᓂᕐᒥ ᑎᑭᕋᔪᐊᕐᒥᓗ ᐃᓕᓐᓂᐊᕐᕕᐅᑉ ᐃᓗᐊᓂ ᐊᒻᒪ ᖃᕆᓴᐅᔭᒃᑯᑦ ᐃᓕᓐᓂᐊᖅᑎᑕᐅᑲᑕᖕᓂᐊᖅᐳᑦ. ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒦᖃᑦᑕᕐᓂᐊᖅᑐᑦ ᐅᓪᓗᓂᑦ ᐱᖓᓱᓂᑦ ᐱᓇᓱᐊᕈᓯᕐᒥ. ᐋᖅᑭᒃᑕᐅᓯᒪᔪᑦ ᐃᓕᓐᓂᐊᖅᑕᐅᔪᒃᓴᑦ ᐃᓱᒪᓕᐊᖑᖃᑦᑕᕐᓂᐊᖅᐳᑦ ᖃᐅᑕᒫᑦ ᐃᓕᓐᓂᐊᕐᕕᖕᒥ ᐊᑐᕆᐊᓕᒃ 3 ᐱᓕᕆᐊᖑᔪᒃᓴᑦ ᐸᕐᓇᐅᑎᖓᓂᒃ.
  • ᐊᑯᓪᓕᕐᒥ ᖁᑦᑎᖕᓂᖅᓴᒥᓪᓗ ᐃᓕᓐᓂᐊᕐᕕᖏᓐᓂ ᐃᓕᓐᓂᐊᖅᑎᑦ ᑲᖏᖅᖠᓂᕐᒥ ᑎᑭᕋᔪᐊᕐᒥᓗ ᐃᓕᓐᓂᐊᕐᕕᐅᑉ ᐃᓗᐊᓂ ᐊᒻᒪ ᖃᕆᓴᐅᔭᒃᑯᑦ ᐃᓕᓐᓂᐊᖅᑎᑕᐅᑲᑕᖕᓂᐊᖅᐳᑦ. ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒦᖃᑦᑕᕐᓂᐊᖅᑐᑦ ᐅᓪᓘᖕᓄᑦ ᒪᕐᕉᖕᓄᑦ ᐱᓇᓱᐊᕈᓯᕐᒥ. ᐋᖅᑭᒃᑕᐅᓯᒪᔪᑦ ᐃᓕᓐᓂᐊᖅᑕᐅᔪᒃᓴᑦ ᐃᓱᒪᓕᐊᖑᖃᑦᑕᕐᓂᐊᖅᐳᑦ ᖃᐅᑕᒫᑦ ᐃᓕᓐᓂᐊᕐᕕᖕᒥ ᐊᑐᕆᐊᓕᒃ 3 ᐱᓕᕆᐊᖑᔪᒃᓴᑦ ᐸᕐᓇᐅᑎᖓᓂᒃ.

ᐊᑐᕆᐊᓕᒃ 2 - ᓄᓇᓕᓕᒫᑦ ᓄᓇᕗᒻᒥ, ᐊᕐᕕᐊᑦ, ᑲᖏᖅᖠᓂᖅ ᐊᒻᒪ ᑎᑭᕋᔪᐊᖅ ᐱᒋᖦᖢᒋᑦ

ᑎᓯᐱᕆ 2, 2020−ᒥ ᐱᒋᐊᕐᓗᓂ:

  • ᓄᑲᖅᖡᑦ ᐃᓕᓐᓂᐊᕐᕕᖏᑦ ᑕᒪᐃᓐᓂᒃ ᓄᓇᓕᖕᓂ ᓄᓇᕗᒻᒥ, ᐊᕐᕕᐊᑦ, ᑲᖏᖅᖠᓂᖅ ᐊᒻᒪ ᑎᑭᕋᔪᐊᖅ ᐱᖏᖦᖢᒋᑦ, ᐅᓪᓗᓕᒫᖅ ᒪᑐᐃᖓᖃᑦᑕᕐᓂᐊᖅᐳᑦ, ᐅᓪᓗᓄᑦ ᑕᓪᓕᒪᓄᑦ ᐱᓇᓱᐊᕈᓯᕐᒥ.
  • ᐊᑯᓪᓕᖅ ᖁᑦᑎᖕᓂᖅᓴᒥᓪᓗ ᐃᓕᓐᓂᐊᕐᕖᑦ ᓄᓇᓕᓕᒫᓂᑦ ᓄᓇᕗᒻᒥ, ᐊᕐᕕᐊᑦ, ᑲᖏᖅᖠᓂᖅ ᐊᒻᒪ ᑎᑭᕋᔪᐊᖅ ᐱᖏᖦᖢᒋᑦ ᐃᓕᓐᓂᐊᕐᕕᐅᑉ ᐃᓗᐊᓂ ᐊᒻᒪ ᖃᕆᓴᐅᔭᒃᑯᑦ ᐃᓕᓐᓂᐊᖅᑎᑕᐅᑲᑕᖕᓂᐊᖅᐳᑦ. ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒦᖃᑦᑕᕐᓂᐊᖅᑐᑦ ᐅᓪᓗᓂᑦ ᒪᕐᕉᖕᓂᒃ ᐱᖓᓱᓄᑦ ᑎᑭᓪᓗᒍ ᐱᓇᓱᐊᕈᓯᕐᒥ. ᐋᖅᑭᒃᑕᐅᓯᒪᔪᑦ ᐃᓕᓐᓂᐊᖅᑕᐅᔪᒃᓴᑦ ᐃᓱᒪᓕᐊᖑᖃᑦᑕᕐᓂᐊᖅᐳᑦ ᖃᐅᑕᒫᑦ ᐃᓕᓐᓂᐊᕐᕕᖕᒥ ᐊᑐᕆᐊᓕᒃ 2 ᐱᓕᕆᐊᖑᔪᒃᓴᑦ ᐸᕐᓇᐅᑎᒥᒃ.

ᓄᑖᙳᕆᐊᖅᓯᒪᔪᓂᒃ ᓄᓇᓕᖕᒥᐅᑦ ᖃᓄᐃᓕᕙᓪᓕᐊᓂᖏᓐᓄᑦ ᑕᑯᒃᓴᕈᖅᑎᑕᐅᓂᐊᖅᐳᑦ ᐃᓕᓐᓂᐊᕐᓂᓕᕆᔨᒃᑯᑦ ᐃᑭᐊᖅᑭᕕᖓᓂ ᐅᕙᓂ: https://gov.nu.ca/education/information/2020-21-opening-plan-nunavut-sch...

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

  • ᐱᑕᖃᓪᓚᕆᓕᕐᓂᖓᓄᑦ ᓄᕙᒡᔪᐊᕐᓇᖅ-19-ᒥᒃ ᐊᕐᕕᐊᓂ, ᐸᐃᕆᕝᕖᑦ ᒪᑐᓯᒪᐃᓐᓇᖁᔭᐅᕗᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ. ᓄᓇᕗᑦ ᒐᕙᒪᒃᑯᑦ ᑮᓇᐅᔭᖃᖅᑎᑕᖓ ᐱᔪᓐᓇᐅᑎᓕᖕᓄ ᐸᐃᕆᕝᕕᖕᓄᑦ ᐊᕐᕕᐊᓂ ᓱᓕ ᑕᐃᒪᓐᓇ ᑲᔪᓰᓐᓇᕐᓂᐊᖅᐳᑦ.
  • ᑎᓯᐱᕆ 2, 2020-ᒥ ᐱᒋᐊᕐᓗᓂ, ᐸᐃᕐᕆᕝᕕᓕᒫᑦ ᓄᓇᓕᖕᓂ ᓄᓇᕗᒻᒥ, ᐊᕐᕕᐊᑦ ᐱᖏᖦᖢᒍ, ᒪᑐᐃᕈᓐᓇᖅᓯᕗᑦ ᒫᓐᓇ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐊᑐᐊᒐᐃᑦ ᐊᑐᖅᑕᐅᔭᕆᐊᓖᓪᓗ ᒪᓕᒡᓗᒋᑦ.

ᐃᐊᑦᔅᐱ ᖃᓄᐃᑉᐸᓪᓕᐊᓂᖓ

29 ᐃᓕᓐᓂᐊᕐᕖᑦ 45-ᖑᓪᓗᑎᒃ ᐃᓕᓐᓂᐊᖅᑎᑦ ᐃᓯᕈᓐᓇᐅᑎᖃᓕᖅᐳᑦ. 16 ᐃᓕᓐᓂᐊᕐᕖᑦ ᓱᓕ ᐱᓕᕆᐊᖑᕙᓪᓕᐊᔪᑦ ᐅᕝᕙᓘᓐᓃᑦ ᓱᓕ ᐱᐊᓂᒃᑕᐅᙱᑦᑐᑦ. 

 

 

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕝᕕᖓᑕ ᐱᔨᑦᑎᕈᑎᖏᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

  • ᒥᑦᑕᕐᕕᖕᒥ ᐊᐅᓚᓂᕆᔭᐅᔪᑦ ᑲᒪᒋᔭᐅᕙᒃᑐᓪᓗ ᑲᔪᓰᓐᓇᕐᓂᐊᖅᐳᑦ.
    • ᑕᒪᕐᒥᒃ ᒥᑦᑕᕐᕕᐅᑉ ᐅᑕᖅᑭᕕᖓᓂᒃ ᐃᖅᑲᓇᐃᔭᖅᑎᓄᑐᐊᖅ ᐃᓯᖅᑕᐅᔪᓐᓇᖅᐳᑦ, ᖃᖓᑕᓂᐊᖅᑐᓄᑦ, ᐃᓄᖕᓄᓪᓗ ᐃᑲᔪᖅᑐᓄᑦ ᐃᑭᒪᔪᓂᑦ.
    • ᒪᑐᐊᑦ ᖃᖓᓕᒫᑦᑎᐊᒃᑯᑦ ᐊᑐᖅᑕᐅᔭᕆᐊᖃᖅᐳᑦ ᑕᒪᐃᓐᓂᒃ ᓄᓇᕗᒻᒥ ᒥᑦᑕᕐᕕᐅᑉ ᐅᑕᖅᑭᕕᖏᓐᓂᒃ.
    • ᒪᓕᒃᐸᒡᓗᒋᑦ ᑕᒪᕐᒥᒃ ᐋᓐᓂᐊᖅᑐᓕᕆᔨᒃᑯᓐᓂ ᒪᓕᒃᑕᐅᖁᔭᐅᔪᑦ.
  • ᐱᓕᕆᕝᕕᖕᒥ ᐱᔨᑦᑎᕋᖅᑎᑦ ᐊᕐᕕᐊᑦ ᓯᓚᑖᓃᑦᑐᑦ ᑎᑎᕋᕐᕕᖕᒧᑦ ᐅᑎᖅᓯᒪᓕᖅᐳᑦ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᐋᓐᓂᐊᖅᑐᓕᕆᔨᓄᑦ ᑭᒡᓕᖃᖅᑎᑕᐅᔪᑦ ᐊᑐᓗᐊᕈᓐᓃᖅᑎᑕᐅᓚᐅᖅᑎᓪᓗᒋᑦ, ᐱᓕᕆᕝᕕᖕᒥ ᑎᑎᕋᕐᕖᑦ ᐊᕐᕕᐊᑦ ᓯᓚᑖᓃᑦᑐᑦ ᒪᑐᐃᒃᑲᓐᓂᕐᓂᐊᓕᖅᐳᑦ.

  • ᑭᒃᑯᑐᐃᓐᓇᐃᑦ ᐱᔨᑦᑎᕋᖅᑕᐅᕙᒃᑐᑦ ᐊᕐᕕᐊᑦ ᐊᓯᐊᓂ ᐅᐸᒍᑎᓗᑎᒃ ᐊᑐᐃᓐᓇᐅᓕᖅᐳᑦ.
    • ᐃᓅᖃᑎᒌᑦ ᖃᖓᓕᒫᖅ ᖃᓂᒌᓗᐊᖅᑎᑦᑕᐃᓕᔭᕆᐊᒃᓴᖅ ᐊᔪᕐᓇᕐᒪᑦ, ᒪᑐᐊᖅᓯᒪᖃᑦᑕᕆᐊᖃᕐᓂᐊᖅᐳᑦ ᐅᐸᒍᑎᓪᓗᑎᒃ ᐱᔨᑦᑎᕋᖅᑕᐅᓂᐊᖅᑐᑦ.
    • ᑲᖏᖅᖠᓂᕐᒥ ᓄᓇᓯᐅᑎᓕᕆᔨᑦ ᑎᑎᕋᕐᕕᖓ ᒪᑐᐃᒃᑲᓐᓂᓛᖅᐳᖅ ᐅᐸᒍᑎᓗᑎᒃ ᐱᔨᑦᑎᕋᖅᑕᐅᔪᒪᔪᓄᑦ ᓇᒡᒐᔾᔭᒥ, ᑎᓯᐱᕆ 7-ᒥ.
    • ᓄᓇᕗᒻᒥᐅᑦ ᖃᕆᓴᐅᔭᒃᑯᑦ ᐱᔨᑦᑎᕋᐅᑎᓂᒃ ᐊᑐᖃᑦᑕᖁᔭᐅᕗᑦ ᐅᕝᕙᓘᓐᓃᑦ ᐅᖄᓚᓗᑎᒃ ᐊᔪᕐᓇᙱᑉᐸᑦ.
  • ᓄᓇᓯᐅᑎᓕᕆᔨᑦ ᖃᐅᔨᓴᖃᑦᑕᖅᑐᑦ ᐱᔨᑦᑎᕋᐅᑎᓂᒃ ᐱᒋᐊᒃᑲᓐᓂᖅᐳᑦ. ᓄᓇᓕᖕᓂ ᐊᖁᑦᑕᕆᐅᖅᓴᔪᓄᑦ ᖃᐅᔨᓴᖅᑕᐅᕝᕕᒋᖃᑦᑕᕐᓂᐊᖅᑕᖏᑦ ᐋᖅᑭᒃᓱᖅᑕᐅᕙᓪᓕᐊᓕᖅᐳᑦ.
  • ᐅᓄᖅᑐᑦ ᓄᓇᓯᐅᑎᓕᕆᔨᑦ ᐱᔨᑦᑎᕋᐅᑎᖏᑦ ᓱᓕ ᖃᕆᓴᐅᔭᒃᑯᑦ ᐊᑐᐃᓐᓇᐅᕗᑦ ᐅᕙᓂ gov.nu.ca/motorvehicles ᐅᑯᐊᖑᓪᓗᑎᒃ:
    • ᐊᖁᑦᑐᓐᓇᐅᑎᓄᑦ ᓄᑖᙳᕆᐊᖅᑎᑦᑎᓂᖅ
    • ᓄᓇᕗᒻᒥᑦ ᓇᓗᓇᐃᒃᑯᑕᕐᓄᑦ ᓄᑖᙳᕆᐊᖅᑎᑦᑎᓂᖅ
    • ᓄᓇᒃᑰᕈᑎᓄᑦ ᐊᑎᓕᐅᕐᕕᖕᒧᑦ ᓄᑖᙳᕆᐊᖅᑎᑦᑎᓂᖅ
    • ᑐᒃᓯᕋᐅᑏᑦ ᐊᖁᑦᑐᓐᓇᐅᑎᓂᑦ, ᓄᓇᑰᕈᑎᓯᐅᕐᓂᖅ, ᐊᒻᒪᓗ ᐱᕐᕈᓗᐊᕿᔪᓂ ᐅᓂᑳᕐᓂᖅ

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

  • ᑕᒪᕐᒥᒃ ᐅᐸᒍᑎᓪᓗᑎᒃ ᐱᓕᕆᕝᕕᖕᒥ ᐊᐅᓚᑕᐅᔪᑦ ᑲᑎᒪᕐᔪᐊᖃᑦᑕᖅᑐᑦ ᐊᒻᒪ ᐊᔪᕈᓐᓃᖅᓴᖅᑎᑕᐅᖃᑦᑕᖅᑐᑦ.
  • ᐱᓕᕆᕝᕕᖕᒥ ᑎᑎᕋᕐᕖᑦ ᐊᕐᕕᐊᓂ ᓱᓕ ᒪᑐᓯᒪᓂᐊᖅᑐᑦ.

 

 

ᐊᕙᑎᓕᕆᔨᒃᑯᑦ ᐱᔨᑦᑎᕋᖅᑎᖏᑦ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

  • ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐅᑎᖅᐸᓪᓕᐊᓕᖅᐳᑦ ᐊᐅᓚᓂᕆᕙᒃᑕᖏᓐᓄᑦ ᓄᓇᓕᓕᒫᓂᒃ ᓄᓇᕗᒻᒥ, ᐊᕐᕕᐊᑦ ᐱᖏᖦᖢᒍ.
  • ᐊᕐᕕᐊᓂ, ᐱᓕᕆᕝᕕᖕᒥ ᓱᓕ ᑭᐅᖃᑦᑕᕐᓂᐊᖅᐳᑦ ᐊᑲᐅᙱᓕᐅᕈᑎᒋᐅᔪᓄᑦ ᓂᕐᔪᑎᓄᑦ ᑯᕕᔪᓄᓪᓗ.
    • ᓇᓄᓕᕆᔩᑦ ᓱᓕ ᓇᐅᑦᑎᖅᓱᖃᑦᑕᖅᐳᑦ ᐊᕐᕕᐊᓂ, ᐊᔪᕆᖅᓱᖅᑕᐅᓯᒪᓗᑎᑦ ᑖᒃᑯᐊ ᐃᓄᖕᓂᑦ ᑭᒃᑯᑐᐃᓐᓇᓂᒃ ᑲᑎᓯᔭᕆᐊᖃᙱᑦᑐᑦ ᐊᒻᒪ ᒪᓕᓪᓗᒋᑦ ᒪᓕᒋᐊᓖᑦ ᓇᓗᓇᐃᖅᑕᐅᓯᒪᔪᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓘᑦᑖᖅ ᐊᖓᔪᖅᑳᖓᑕ. ᐆᒻᒪᔪᕐᓂᐊᖅᑎᓄᑦ ᐱᓕᕆᐊᒃᓴᖅᑕᖃᖅᐸᑦ ᒪᑐᐃᖓᐃᓐᓇᕐᓂᐊᖅᑐᑦ ᐊᑐᐃᓐᓇᐅᖏᓐᓇᕐᓂᐊᖅᑐᑦ ᖃᖓᓕᒫᒃᑯᑦ, ᐅᖃᓛᓗᑎᑦ ᐅᕗᖓ 867-857-6944.
    • ᑕᒪᕐᒥᑦᑎᐊᖅ ᑯᕕᔪᑦ ᐅᖃᐅᓯᐅᔭᕆᐊᖃᖅᐳᑦ ᓄᓇᕗᒻᒥ ᑯᕕᔪᓄ ᐅᖄᓚᕝᕕᐅᕙᒃᑐᒧᑦ ᐅᕗᖓ, 867-920-8130, 24−ᓄᑦ ᐃᑲᕐᕋᓄᑦ ᐅᓪᓗᒥ: https://www.gov.nu.ca/environment/documents/spill-response  
  • ᐃᓘᓐᓇᑎᒃ ᓄᓇᕗᒻᒥ ᒥᕐᖑᐃᖅᓯᕖᑦ ᒪᑐᐃᖅᐳᑦ. ᐃᖃᓗᐃ, ᑰᖓᓂ ᒥᕐᙳᐃᖅᓯᕐᕕᒃ ᒪᑐᐃᖅᑕᐅᓯᒪᓕᖅᐳᖅ ᑰᓕᐊᕈᒪᔪᓄᑦ.

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

  • ᐆᒪᔪᓕᕆᔨᒃᑯᑦ ᑎᑎᕋᕐᕕᖓ ᐊᕐᕕᐊᓂ ᑭᒃᑯᑐᐃᓐᓇᓄᑦ ᒪᑐᓯᒪᔪᖅ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.

 
 

ᒐᕙᒪᓕᕆᔨᒃᑯᑦ ᐱᔨᑦᑎᕋᖅᑎᖏᑦ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

  • ᒐᕙᒪᒃᑯᑦ ᑐᓴᐅᒪᑎᑦᑎᔨᑦ ᑎᑎᕋᕐᕕᖓ ᒪᑐᐃᖓᔪᑦ ᑭᓯᐊᓂ ᐊᕐᕕᐊᓂ ᑎᑭᕋᕐᔪᐊᕐᒥᓗ.
  • ᑲᖏᖅᖠᓂᕐᒥ ᑎᑎᕋᕐᕕᖏᓐᓂᒃ ᒪᑐᐊᖅᓯᒪᔭᕆᐊᖃᓪᓚᕆᒃᐳᑦ.

 

 

ᓄᓇᕗᒻᒥᐅᑦ ᖃᓄᐃᙱᑦᑐᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.