ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᑎᓯᐱᕆ 4, 2020

ᑎᓯᐱᕆ 04, 2020

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᑎᓯᐱᕆ 4, 2020

ᓯᕗᓕᖅᑎᒥᑦ ᑐᓴᒐᒃᓴᖅ:

ᐅᓪᓛᒃᑯᑦ. ᐅᓪᓗᒥ, ᓄᓇᕗᒻᒥ 8−ᓂᑦ ᓄᕙᒃᔪᐊᕐᓇᖅ-19−ᑖᖅᑐᖃᖅᓯᒪᓕᕐᒥᔪᖅ, ᑕᒪᕐᒥᒃ ᐊᕐᕕᐊᕐᒦᖦᖢᑎᒃ.

ᓄᓇᕗᒻᒥ ᒫᓐᓇ ᑲᑎᖦᖢᒋᑦ 51−ᖑᓕᖅᑐᑦ ᓄᕙᒃᔪᐊᕐᓇᖅ-19−ᒧᑦ ᖃᓂᒻᒪᒃᑐᑦ. ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 5122−ᖑᓕᖅᑐᑦ. 752 ᐃᓄᐃᑦ ᒫᓐᓇ ᖃᐅᔨᓴᖅᑕᐅᔪᑦ. 155 ᓄᓇᕗᒻᒥᐅᑦ ᖃᓂᒻᒪᓚᐅᖅᑐᑦ ᖃᓄᐃᑦᑐᓐᓃᖅᑐᑦ.

ᑐᕌᓕᕋᑦᑕ ᓯᕗᓪᓕᖅᐹᒥ ᐱᓇᓱᐊᕈᓯᖅ ᓄᙳᖓᓄᑦ ᑭᒃᓕᖃᖅᑎᑕᐅᓗᐊᕈᓐᓃᖅᑎᓪᓗᒍ ᑕᒪᕐᒥᑲᓴᒃ ᓄᓇᓕᑦᑎᓐᓂ. ᓱᓕᒃᑲᓐᓂᖅ, ᐱᖁᕙᒃᑲ ᓄᓇᕗᒻᒥᐅᓕᒫᑦ, ᐱᓗᐊᖅᑐᒥᒃ ᐊᕕᐊᓂ, ᐋᖅᑭᒃᓯᒪᑏᓐᓇᕐᓚᕗᑦ ᒫᓐᓇ ᐋᓐᓂᐊᖃᕐᑕᐃᓕᒪᓂᕐᒧᑦ ᐆᒃᑑᑎᕗᑦ. ᐱᖃᖅᑐᓄᑦ ᖃᔅᓯᐅᓂᖏᑦ ᒥᒃᖠᒋᐊᖅᑐᑦ, ᑭᓯᐊᓂ ᑐᑭᖃᖅᑑᙱᑦᑐᖅ ᓴᐃᓕᓕᕐᓗᑕ ᐱᓕᕆᕐᔪᐊᖅᑕᑦᑎᓐᓂ ᐅᓇᑕᕐᓗᒍ ᑖᓐᓇ ᐋᓐᓂᐊᕐᓇᖅ.

ᖃᐅᔨᒪᔪᐃᓐᓇᐅᔪᒍᑦ ᐊᒃᓱᕈᕐᓇᕐᓂᖓᓂᒃ, ᐱᓗᐊᖅᑐᒥᒃ ᑖᔅᓱᒥᖓ ᐊᕐᕌᒍᒋᔭᑦᑕ ᐃᓗᐊᓂ, ᐃᓱᖃᖅᑎᓪᓗᒋᑦ ᐳᓚᕋᕐᓃᑦ ᐃᓅᖃᑎᒥᒃᓗ ᐅᖓᓯᒃᓴᖅᐸᒃᓗᑕ ᑲᑎᙵᓂᕐᓂᒃᓗ ᒥᑭᑎᓪᓗᒍ, ᐱᔭᕆᐊᖃᕐᒪᑦ ᐃᓛᒃ.

ᐱᔭᕆᐊᖃᓪᓚᕆᒃᑐᖅ ᐃᓐᓇᑐᖃᑦᑎᓐᓄᑦ ᐊᒃᑐᖅᑕᐅᓴᕋᐃᓐᓂᖅᓴᓄᓪᓗ; ᐱᔭᕆᐊᖃᓪᓚᕆᒃᑐᖅ ᓄᓇᓕᑦᑎᓐᓄᑦ; ᐱᔭᕆᐊᖃᓪᓚᕆᒃᑐᕐᓗ ᑭᒃᑯᑐᐃᓐᓇᕐᓄᑦ ᐱᓕᕆᐊᖃᖅᓯᒪᔪᓄᑦ ᐊᑦᑕᕐᓇᖅᑐᒦᖁᓇᓯ. ᐃᓱᒪᒋᑦᑎᐊᕐᓗᒋᑦ ᑭᒃᑯᑐᐃᓐᓇᑦ. ᑕᒪᑦᑕ ᐃᓱᒪᖅᓲᑎᒋᔭᕗᑦ. 

ᐊᒡᒐᑎᑦ ᐅᐊᓴᕋᔪᒡᓗᒋᑦ; ᐃᓅᖃᑎᑎᑦ ᖃᓂᒋᓗᐊᖃᑦᑕᙱᓪᓗᒋᑦ ᐊᒻᒪ ᒪᑐᐊᖅᓯᒪᕙᒡᓗᑎᑦ ᐅᖓᓯᒌᒍᓐᓇᙱᒃᑯᔅᓯ; ᑲᑎᙵᔪᑦ ᐃᓄᒋᐊᓗᐊᖃᑦᑕᙱᓪᓗᑎᒃ; ᐊᒻᒪ ᐊᖏᕐᕋᖅᓯᒪᐃᓐᓇᕐᓗᑎᑦ ᖃᓂᒪᒍᕕᑦ.

ᖃᓄᐃᙱᑦᑎᐊᖅᑐᐃᓐᓇᐅᓚᐅᖅᑕ ᐊᑦᑕᕐᓇᖅᑐᒦᖏᓪᓗᑕᓗ, ᑖᓐᓇᓗ ᖁᕕᐊᓱᒃᕕᒃ ᐊᕐᕌᒍᖓ ᐊᑦᑕᕐᓇᙱᑦᑐᒦᑎᓪᓗᒍ ᐊᔪᕐᓇᙱᓐᓂᓕᒫᖓᓂ, ᑭᒃᑯᓕᒫᓄᑦ. 

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:

ᐅᓪᓛᒃᑯᑦ. ᐱᓇᓱᐊᕈᓯᕆᓵᖅᑕᑦᑎᓐᓂ, ᑕᑯᓯᒪᒐᑦᑕ ᐃᓄᖕᓂᑦ ᐊᓂᒍᐃᔪᓂᒃ ᓄᕙᒃᔪᐊᕐᓇᖅ−19−ᒧᑦ. ᒫᓐᓇᐅᓂᖓᓂᑦ, ᐱᖃᖅᑐᐃᓐᓇᐅᓚᐅᖅᑐᑦ ᖃᐅᔨᔭᕐᓂ ᑲᖏᕐᖠᓂᕐᒥ ᓴᓂᑭᓗᐊᕐᒥᓗ ᖃᓄᐃᑦᑐᓐᓃᖅᓯᒪᔪᑦ. ᑖᓐᓇ ᑐᓴᕈᒥᓇᑦᑎᐊᖅᑐᖅ.  ᑐᑭᖃᖅᑐᖅ ᑕᒻᒪᙱᑦᑐᒧᑦ ᑐᑭᒧᐊᖕᓂᑦᑎᓐᓂ ᓂᕆᐅᖕᓂᖃᑦᑎᐊᕈᓐᓇᕐᖢᑕᓗ. ᑖᓐᓇ ᑐᑭᖃᕈᑎᐅᙱᑦᑐᖅ ᓴᐃᓕᔪᓐᓇᖅᓯᓂᑦᑎᓐᓂᒃ ᐋᓐᓂᐊᖅᑖᖅᑕᐃᓕᒪᓂᕐᒧᑦ ᐆᒃᑑᑎᓄᑦ ᑐᑭᖃᕐᓗᓂᐅᙱᑦᑐᕐᓗ ᐱᑖᑲᑕᒃᑐᑦ ᐃᓱᓕᓐᓂᖓᓂ.

ᓴᓂᑭᓗᐊᕐᒥ, ᑭᒃᑯᓕᒫᑦ ᐃᓄᑑᔭᕆᐊᖃᖅᑎᑕᐅᔪᓐᓃᖅᑎᑕᕗᑦ. ᓄᑖᓂᒃ ᖃᐅᔨᔭᕐᓂ ᐱᖃᖅᑐᖃᓕᙱᑉᐸᑦ ᓴᓂᑭᓗᐊᕐᒥ, ᓯᐊᒻᒪᔭᓐᓂᖓ ᐃᓱᓕᓐᓂᐊᖅᑐᖅ ᐅᖓᑖᓄᐸᓗᒃ ᒪᕐᕉᒃ ᐱᓇᓱᐊᕈᓰᒃ. ᑲᖏᕐᖠᓂᕐᒥ, ᐃᓄᒃᑕᓕᒃ ᐃᓄᑑᔭᕆᐊᖃᖅᑐᓂᑦ ᖁᓕᑦ ᐅᓪᓗᒃᑲᓐᓂᕐᓄᑦ. ᑕᖅᑭᓕᒫᑲᓴᐅᑐᐃᓐᓇᕆᐊᓕᒃ, ᐃᓱᒪᒋᓗᒍ ᓄᑖᓂᒃ ᐱᑖᖅᑐᖃᙱᓪᓗᓂ ᓄᕙᒃᔪᐊᕐᓇᖅ−19−ᒥ, ᐅᖃᐅᓯᕆᔪᓐᓇᖅᓯᓗᒍ ᓯᐊᒻᒪᔭᓐᓂᖓ ᑲᖏᕐᖠᓂᕐᒥ ᐃᓱᓕᓐᓂᖓᓂ. ᑎᑭᕋᕐᔪᐊᖅ 7−ᓂᒃ ᐱᖃᖅᑐᖃᖅᑐᖅ, ᓄᑖᓂᒃᓗ ᐱᖃᓕᖅᑐᓂᒃ ᐱᑕᖃᙱᑦᑐᖅ ᐅᓪᓗᒐᓴᐅᓕᖅᑐᓄᑦ.

ᐊᕐᕕᐊᓂ, ᐱᕚᓪᓕᕈᑎᖃᖅᓯᒪᔪᑦ, ᑭᓯᐊᓂ ᖃᐅᔨᓇᖅᑐᖃᐃᓐᓇᖅᑐᖅ ᓱᓕ ᓄᓇᓕᖕᒥ ᐊᐃᑦᑐᕐᓗᐃᓂᕐᓂ. ᖃᐅᔨᒪᔪᖓ ᐊᒃᓱᕈᕐᓇᖅᓯᒪᓂᖓᓂᒃ ᐊᕐᕕᐊᒥᐅᓄᑦ ᖁᔭᓕᓪᓗᑎᒍᓪᓗ ᑕᒪᕐᒥᒃ ᐃᑲᔪᖃᑎᒌᖕᓂᖏᓐᓂ. ᐱᒻᒪᕆᐊᓘᔪᖅ ᒪᓖᓐᓇᕐᓗᑎᒍᑦ ᒪᓕᖁᔭᐅᔪᑦ ᐋᓐᓂᐊᖅᑖᖅᑕᐃᓕᒪᓂᕐᒧᑦ ᐆᒃᑐᕋᐅᑎᑦ ᓄᖅᑲᖅᑎᑦᑐᓐᓇᕐᓂᐊᕋᑦᑎᒍᑦ ᓯᐊᒻᒪᒍᓐᓇᕐᓂᖓ ᐋᓐᓂᐊᖅ ᓄᓇᓕᖕᒥ. ᑎᓕᐅᕆᕙᒃᑲ ᐃᓄᐃᑦ ᐃᓄᑑᖁᔭᐅᓯᒪᔪᑦ ᑭᒃᑯᑐᐃᓐᓇᕐᓂᑦ ᐋᓐᓂᐊᖅᑐᓕᕆᔨᓂᑦ ᐃᓄᑑᙱᓐᓇᕐᓗᑎᒃ. ᐱᒻᒪᕆᐅᖕᒪᑦ ᐃᓄᑑᙱᓐᓇᕐᓗᓂ ᑭᓯᐊᓂ ᑭᒃᑯᑐᐃᓐᓇᕐᓂᑦ ᐋᓐᓂᐊᖅᑐᓕᕆᔨᑦ ᐃᖅᑲᓇᐃᔭᖅᑎᖏᑦ ᐅᖃᐅᔾᔨᒃᐸᑕ ᐊᑦᑕᕐᓇᕈᓐᓃᕐᓂᕐᒥᒃ ᐊᓂᔭᕆᐊᒃᓴᖅ.

ᓱᓕᒃᑲᓐᓂᖅ, ᖃᐅᔨᒪᔪᖓ ᐃᓄᑑᓂᖅ ᑕᖃᓇᕈᓐᓇᕐᓂᖓᓂᒃ, ᐃᑲᔪᖅᑎᓂᒃᓗ ᐊᑐᐃᓐᓇᖅᑕᓕᒃ. ᐳᓛᕐᕕᒃ ᑲᓪᓗᒃ ᑐᙵᓇᖅᓵᕐᕕᒃ ᐃᓄᐃᑦ ᐱᖅᑯᓯᖏᑎᒍᑦ ᐃᓅᓯᓕᕆᔨᖃᖅᑐᑦ ᐊᑐᐃᓐᓇᐅᔪᓂᒃ ᑭᕙᓪᓕᕐᒥᐅᓄᑦ ᒪᑐᐃᖓᕙᒃᖢᓂ 9-ᒥ ᐅᓪᓛᒃᑯᑦ 4-ᒧᑦ ᐅᓐᓄᓴᒃᑯᑦ. ᓇᒡᒐᔾᔭᐅᒥ ᐅᓪᓗᑐᐃᓐᓇᕐᒧᑦ ᐅᖃᓗᒃᓗᑎᑦ 1-844-654-3580. ᖃᐅᔨᒋᐊᕈᓐᓇᕐᒥᔪᓯ ᑲᒪᑦᓯᐊᖅᑐᑦ ᐅᖃᓗᒡᕕᒃ ᐃᑲᔪᖅᑕᐅᔭᕆᐊᓕᖕᓄᑦ ᐅᕗᖓ 1-867-979-3333 ᐅᕝᕙᓘᓐᓃᑦ ᐊᑭᖃᙱᑦᑐᒧᑦ ᐅᕗᖓ 1-800-265-3333.

ᖁᔭᓐᓇᒦᒃ.

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓄᑦ ᓴᐳᔾᔨᓯᔪᒪᓪᓗᑎᒃ ᓄᓇᕗᒻᒥᐅᓂᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: https://www.gov.nu.ca/health/information/nunavuts-path

 

ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ: ᑎᓯᐱᕆ 4

ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ
206 51 155 5122 752

ᓄᕙᕐᔪᐊᕐᓇᖅ-19−ᒧᑦ ᓄᓇᓕᖕᓂ ᐱᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᑎᓯᐱᕆ 4

ᓄᓇᓕᒃ ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ   ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ
ᐊᕐᕕᐊᑦ 156 164 8 120 44
ᑎᑭᕋᕐᔪᐊᖅ 21 21 0 14 7
ᑲᖏᖅᖠᓂᖅ 19 19 0 19 0
ᓴᓂᑭᓗᐊᖅ  2 2 0 2 0
ᑲᑎᖦᖢᒋᑦ  198 206 8 155 51

ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᑎᓯᐱᕆ 4

ᓄᓇᓕᒃ  ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ
ᐊᕐᕕᐊᑦ  164 678
ᑎᑭᕋᕐᔪᐊᖅ  21 125
ᑲᖏᖅᖠᓂᖅ 19 226
ᓴᓂᑭᓗᐊᖅ  2 184
ᑲᑎᖦᖢᒋᑦ  206 1213

ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐃᓄᑐᐊᒃᑯᕖᑦ)

 

ᐊᐅᓪᓚᕈᑎᒋᔭᐅᓯᒪᔪᑦ

ᑐᔪᕐᒥᕕᖕᒦᑦᑐᑦ ᐊᓂᑦᑕᐃᓕᑎᑕᐅᔪᑦ ᑎᓯᐱᕆ 3−ᒥ ᐱᒋᐊᖅᖢᓂ

ᐋᓐᓂᐊᕐᕕᓕᐊᖅᑐᑦ

294

ᑭᒃᑯᑐᐃᓐᓇᑦ

208

ᑲᑎᖢᒋᑦ

502

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ

ᑎᓯᐱᕆ 04 

46

ᑎᓯᐱᕆ 05 

1

ᑎᓯᐱᕆ 06 

4

ᑎᓯᐱᕆ 07 

71

ᑎᓯᐱᕆ 08 

22

ᑲᑎᖢᒋᑦ

144

ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:

ᑎᓯᐱᕆ 3−ᒥ ᐱᒋᐊᖅᖢᓂ, 9798−ᓂᒃ ᑐᒃᓯᕋᖅᑐᖃᓚᐅᖅᐳᖅ, 4584−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ

# %

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ)

6475 66.1%

ᐊᖏᖅᑕᐅᙱᑦᑐᑦ

281 2.9%
ᐅᑕᖅᑭᔪᑦ 324 3.3%

ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ

2718 27.7%
ᑲᑎᖢᒋᑦ 9798 100%

 

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐊᕐᕕᐊᑦ

ᐃᑲᔪᖅᓱᕐᓗᒍ ᐅᐸᒃᓯᒪᙱᒃᑲᓗᐊᕐᓗᒍ ᐃᓕᑦᑎᕙᓪᓕᐊᓂᖅ ᐊᕐᕕᐊᓂ, ᐃᓕᓐᓂᐊᕐᓂᓕᕆᔨᒃᑯᑦ ᓴᖅᑮᓇᓱᒃᑐᑦ ᖃᕆᑕᐅᔭᒃᑰᕈᓐᓇᐅᑎᓂᒃ ᐱᕙᒌᖅᓯᒪᔪᓂᒃ ᐊᐃᐹᑦᓂᑦ ᖁᕝᕙᓯᖕᓂᓕᖕᓄᑦ 11 ᐊᒻᒪ 12 ᐃᓕᓐᓂᐊᖅᑎᓄᑦ ᐊᒻᒪ ᖁᕝᕙᓯᖕᓂᓖᑦ 11 ᐊᒻᒪ 12 ᐃᓕᓴᐃᔨᓄᑦ. ᐊᐃᐹᑦᓕᒫᑦ ᖃᕆᑕᐅᔭᒃᑰᕈᓐᓇᐅᑎᓂᒃ ᐴᖅᓯᔾᔪᑎᖃᕐᓂᐊᖅᑐᑦ ᐱᖁᓪᓗᒋᑦ ᖃᕆᑕᐅᔭᒃᑯᑦ ᐃᓕᑦᑎᕙᓪᓕᐊᓂᕐᒥᒃ. ᑖᒃᑯᐊ ᖃᕆᑕᐅᔭᒃᑰᕈᓐᓇᐅᑎᑦ ᓇᒃᓯᐅᔾᔭᐅᓂᐊᖅᑐᑦ ᐊᕐᕕᐊᓄᑦ ᑎᓯᐱᕆ 6, 2020-ᒥ.

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS)

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐃᖅᑲᓇᐃᔭᖅᑎᑦ ᐱᔨᑦᑎᕋᐃᓐᓇᖅᑐᑦ ᐃᓚᐅᓪᓗᑎᒃ:

  • ᐱᓇᔫᑎᑦ ᑮᓇᐅᔭᖃᖅᑎᑕᐅᔾᔪᑎᓄᑦ ᐱᓕᕆᐊᕆᓗᒋᑦ;
  • ᐊᐅᓪᓚᕐᓂᕐᒧᑦ ᑐᒃᓯᕋᖅᑕᑦ;
  • ᐊᑭᓕᖅᓱᐃᔾᔪᑎᓂᒃ ᑎᑎᕋᕐᓂᖅ; ᐊᒻᒪᓗ,
  • ᑭᐅᖃᑦᑕᕐᓂᖅ ᑐᓴᐅᒪᔾᔪᑎᒃᓴᓄᑦ.

ᑐᓴᐅᒪᔾᔪᑎᒃᓴᓕᒫᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐃᕐᖐᓐᓈᖅᑕᐅᓗᑎᒃ ᐅᕗᖓ fans@gov.nu.ca. ᑭᐅᔭᐅᓃᑦ ᓱᒃᑲᐃᓐᓂᖅᓴᐅᑐᐃᓐᓇᕆᐊᖃᖅᐳᑦ ᐊᑐᖅᑕᐅᕙᖕᓂᖏᑕ ᓱᒃᑲᐃᓐᓂᖅᓴᐅᓗᓂ.

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS)

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᑎᑎᕋᕐᕕᖓ ᐊᕐᕕᐊᓂ ᑭᒃᑯᑐᐃᓐᓇᓄᑦ ᒪᑐᓯᒪᔪᖅ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.

 

 

ᓄᓇᕗᒻᒥᐅᑦ ᖃᓄᐃᙱᑦᑐᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.