ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᑎᓯᐱᕆ 7, 2020

ᑎᓯᐱᕆ 07, 2020

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᑎᓯᐱᕆ 7, 2020

ᓯᕗᓕᖅᑎᒥᑦ ᑐᓴᒐᒃᓴᖅ:

ᐅᓪᓛᒃᑯᑦ. ᐅᓪᓗᒥ, ᓄᓇᕗᒻᒥ ᐱᖓᓱᓂᒃ ᓄᕙᒃᔪᐊᕐᓇᖅ-19−ᑖᖅᑐᖃᖅᓯᒪᓕᕐᒥᔪᖅ ᐊᕐᕕᐊᓂ. ᖁᓕᑦ ᓄᑖᑦ ᐱᖃᖅᑐᑦ ᖃᐅᔨᔭᐅᓚᐅᖅᑐᑦ ᐊᕐᕕᐊᓂ ᐱᓇᓱᐊᕈᓯᖅ ᓄᙳᐊᓂ.

ᓄᓇᕗᒻᒥ ᒫᓐᓇ ᑲᑎᖦᖢᒋᑦ 51−ᖑᓕᖅᑐᑦ ᓄᕙᒃᔪᐊᕐᓇᖅ-19−ᒧᑦ ᖃᓂᒻᒪᒃᑐᑦ. ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 5190−ᖑᓕᖅᑐᑦ. 688 ᐃᓄᐃᑦ ᒫᓐᓇ ᖃᐅᔨᓴᖅᑕᐅᓯᒪᓕᖅᑐᑦ. 168 ᓄᓇᕗᒻᒥᐅᑦ ᖃᓂᒻᒪᓚᐅᖅᑐᑦ ᖃᓄᐃᑦᑐᓐᓃᖅᑐᑦ.

ᐅᖃᓪᓚᑯᑖᔾᔮᙱᑦᑐᖓ ᐅᓪᓗᒥ, ᑭᓯᐊᓂ ᐅᖃᒃᑲᓐᓂᕈᒪᑐᐃᓐᓇᖅᑐᖓ ᐱᕐᔪᐊᓪᓚᕆᐅᓂᖓᓂᒃ ᐊᓂᑲᑕᙱᓐᓂᖅ. ᐱᖁᔭᐅᓯᒪᒍᕕᑦ ᐊᓂᑲᑕᙱᓐᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᖃᑎᒌᖏᓐᓂ, ᐱᔭᕆᐊᖃᖅᑐᖅ ᑕᐃᒪᓐᓇ ᓴᐳᒻᒥᓗᒍ ᓄᓇᒋᔭᑦ.

ᖃᐅᔨᒪᔪᖓ ᐊᒃᓱᕈᕐᓇᕐᓂᖓᓂ, ᑕᐅᕗᖓᑰᔨᑐᐃᓐᓇᖅᑕᒃᓴᕆᔭᐃᓪᓗ, ᑭᓯᐊᓂ ᐊᓯᐊᒎᕐᕕᖃᙱᑦᑐᖅ ᓄᖅᑲᖁᒍᕕᐅᒃ ᓄᕙᒃᔪᐊᕐᓇᖅ ᓄᓇᕗᒻᒥ. ᒪᓕᒃᓗᒋᑦ ᐱᔾᔪᑎᒋᓗᒋᑦ ᖃᑕᙳᑎᑎᑦ, ᐱᖃᓐᓇᕆᔭᑎᑦ ᓄᓇᕗᓪᓗ. ᑭᐱᙳᓂᖅ ᓈᒻᒪᒍᓱᙱᓐᓂᕐᓗ ᐱᔾᔪᑕᐅᔭᕆᐊᖃᙱᑦᑐᑦ. ᐊᑐᖁᔭᐅᔪᓂᒃ ᐊᑐᖅᑐᐃᓐᓇᐅᔭᕆᐊᖃᖅᑐᒍᑦ.

ᐊᓂᑲᑕᖁᔭᐅᓯᒪᙱᒃᑯᕕᑦ, ᖃᓄᐃᓕᐅᕈᑎᑎᑦ ᒫᓐᓇ ᐊᒃᑐᐃᔪᑦ ᑭᒃᑯᑐᐃᓐᓇᑦᑎᐊᑦ ᖃᓄᐃᙱᔾᔪᓯᖏᓐᓂ. ᐊᖏᕐᕋᖅᓯᒪᒋᑦ, ᕿᓄᐃᓵᕐᓗᑎᑦ ᐃᑲᔪᕐᓗᒋᓪᓗ ᐃᓄᓕᒫᑦ ᐊᑦᑕᕐᓇᙱᑦᑐᒦᑎᓪᓗᒋᑦ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:

ᐅᓪᓛᒃᑯᑦ,

ᑕᒪᑐᒪᓂ ᐱᓇᓱᐊᕈᓯᕐᒥ, ᐃᑲᔪᖅᑕᐅᓂᕐᒧᑦ ᖃᖏᕈᑎᒃᑯᑦ ᒐᕙᒪᑐᖃᒃᑯᓐᓄᑦ ᐊᒻᒪ ᑐᐊᕕᕐᓇᖅᑐᖃᖅᑎᓪᓗᒍ ᐃᑲᔪᕆᐊᖅᑎᓄᑦ, ᐱᒋᐊᕐᓂᐊᓕᖅᑐᒍᑦ ᓱᒃᑲᔪᒃᑯᑦ ᖃᐅᔨᓴᕈᑎᓂᒃ ᕕᓂᐸᐃᒃ ᐃᓄᑐᐊᒃᑯᕕᑦ ᑐᔪᕐᒥᕕᐅᔪᓐᓇᖅᑐᓂ ᓴᐳᒻᒦᒃᑲᓐᓂᕈᑎᒃᓴᓄᑦ ᐃᓄᑑᔭᕆᐊᖃᕐᓂᕐᒦᓪᓗᓂ.

ᕕᓂᐸᐃᒃᒥ, ᑐᐊᕕᕐᓇᖅᑐᖃᖅᑎᓪᓗᒍ ᐃᑲᔪᕆᐊᖅᑎᑦ ᐊᑐᕐᓂᐊᖅᑐᑦ ᐹᓐᐱᐅ ᓱᒃᑲᔪᒃᑯᑦ ᖃᐅᔨᓴᕈᑎ ᐱᖁᑎᖏᓐᓂ ᖃᓄᐃᓕᖓᖕᒪᖔᒃ ᖃᐅᔨᑎᑦᑎᔪᓐᓇᖅᑐᓂᒃ 15 ᑎᑦᑕᑯᓗᒃᑎᒍᐸᓗᒃ. ᐃᓄᑐᐊᒃᑯᕕᒃ ᑐᔪᕐᒥᕕᐅᔪᓐᓇᖅᑐᓄᐊᖅᑐᑦ ᖃᐅᔨᓴᖅᑕᐅᕙᒃᓗᑎᒃ ᐃᓯᕐᖓᕆᐅᓕᕌᖓᑕ, ᐅᓪᓗᖓᓂᒃᓗ ᑕᓪᓕᒪᑦ, ᐊᐅᓪᓚᕐᓂᐊᓵᓕᖅᑎᓪᓗᒋᓪᓗ, ᐅᓪᓗᖓᓂ 12.

ᐹᓐᐱᐅ ᑎᒥᐅᑉ ᓈᒻᒪᒋᙱᑕᖏᓐᓄᑦ ᖃᐅᔨᓴᕈᑎᐅᔪᖅ, ᑕᑯᓇᓱᒃᐸᒃᑐᖅ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᑦ ᓂᕿᓂ ᓄᑭᑦᑎᐊᕆᖕᓇᖅᑐᓄᑦ ᖃᐅᔨᓇᓲᑎ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᓂ. ᐱᖃᓐᓂᕋᐃᔾᔪᑎ ᖃᐅᔨᓴᕈᑎᒥᒃ ᐹᓐᕆᐅᒧᑦ ᐱᑎᑦᑎᓇᔭᖅᑐᖅ ᐱᖃᑖᓂᒃ ᐊᓪᓚᖅᑕᐅᓗᓂ ᓇᒃᓯᐅᔾᔭᐅᓗᓂᓗ ᖃᐅᔨᓴᕐᕕᖕᒧᑦ ᓇᓗᓇᐃᕈᑎᓪᓚᕆᖕᓄᑦ ᖃᐅᔨᓴᖅᑕᐅᓂᕐᓄᑦ. ᑭᓇᑐᐃᓐᓇᖅ ᖃᐅᔨᓴᖅᑕᐅᔾᔪᑎᖓᓄᑦ ᐱᖃᕐᓂᕋᖅᑕᐅᔪᖅ ᐹᓐᐱᐅ ᐱᖁᑎᒧᑦ ᐊᕗᑎᓯᒪᑎᑕᐅᓇᔭᖅᑐᖅ ᐃᒡᓗᕈᓯᖓᓂ. ᖃᐅᔨᓴᕐᕕᖕᒥ ᖃᐅᔨᓴᕈᑕᐅᔪᖅ ᓇᓗᓇᐃᖅᓯᒃᐸᑦ ᐱᖃᕐᓂᕋᐃᓗᓂ, ᑲᒪᒋᔭᐅᔪᖅ ᐃᓄᑑᔭᕆᐊᖃᐃᓐᓇᕐᓂᐊᖅᑐᖅ ᐅᓪᓗᓄᑦ ᖁᓕᓄᑦ ᖃᐅᔨᓴᕈᑎ ᐱᔭᐅᓚᐅᕐᕕᖓᓂ.  ᖃᐅᔨᓴᖅᑕᐅᓂᖅ ᓇᐃᒃᓕᒋᐊᖅᑎᑦᑎᔾᔮᙱᑦᑐᖅ ᐃᓄᑑᔭᕆᐊᖃᕐᓂᕐᒥᒃ.

ᒫᓐᓇᐅᓂᖓᓂ, ᖃᐅᔨᓴᖅᑕᐅᔾᔪᑎᑦ ᐱᔪᒪᓂᒃᑰᕐᓂᐊᖅᑐᑦ. ᑭᓇᑐᐃᓐᓇᖅ ᖃᐅᔨᓴᕈᑎᑖᕐᕕᐅᔪᒪᙱᑦᑐᖅ ᒪᓕᒐᔭᖅᑐᖅ ᐊᑐᑲᑕᒃᑐᒥᒃ ᐅᓪᓗᓄᑦ 14−ᓄᑦ ᐃᓄᑑᔭᕆᐊᖃᕐᓂᕐᒥᒃ. ᐊᒃᓱᕈᕐᖢᖓ ᑎᓕᐅᕆᕗᖓ ᐃᓄᖕᓂᒃ ᐃᓚᐅᖃᑕᐅᓗᑎᒃ ᐃᑲᔪᕐᓂᐊᕐᓂᖓᓄᑦ ᒥᒃᖠᒋᐊᖅᑎᓪᓗᒍ ᐊᑦᑕᕐᓇᕐᓂᖓ ᓄᕙᒃᔪᐊᕐᓇᖅ−19−ᑖᖅᑎᑦᑎᓐᓇᖅᑐᖅ ᓄᓇᕗᒻᒧᑦ ᐱᑎᑦᑎᓗᑕᓗ ᓴᐳᒻᒦᒃᑲᓐᓂᕈᑎᓂᒃ ᖃᑕᙳᑎᑦᑎᓐᓄᑦ ᓄᓇᓕᑦᑎᓐᓄᓪᓗ.

ᐱᔭᕆᐊᖃᓪᓚᕆᒃᑐᖅ ᒪᓕᒃᓗᒋᑦ ᒪᓕᒋᐊᖃᖅᑎᑕᑦ ᐃᓄᑑᔭᕆᐊᖃᕐᕖᑦ ᑐᔪᕐᒥᕕᖕᓂ. ᐃᓄᑑᓂᖅ ᐱᔭᕇᖅᑕᐅᑦᑎᐊᖅᐸᑦ, ᑐᑭᖃᖅᑐᖅ ᒪᓕᒋᐊᓕᑦ ᒪᓕᒃᑕᐅᔪᑦ, ᐅᓪᓗᓄᑦ 14-ᓄᑦ ᐃᓄᑑᔭᕆᐊᖃᕐᓂᖅ ᐊᑑᑎᖃᑦᑎᐊᕐᖢᓂ ᐊᑐᒐᒃᓴᐅᔪᖅ ᐊᑦᑕᕐᓇᓗᐊᕈᓐᓃᖅᑎᓪᓗᒍ ᐊᐃᑦᑐᐃᔪᓐᓇᕐᓂᖅ. ᖃᐅᔨᓇᓱᒃᑕᐅᔾᔪᑎ ᐊᑑᑎᖃᑦᑎᐊᖅᑎᑦᑎᒃᑲᓐᓂᕐᓂᐊᖅᑐᖅ, ᑭᓯᐊᓂ ᐅᖃᐅᓯᕆᔭᐅᓯᒫᓂᒃᑐᒃᑯᑦ, ᐱᑕᖃᙱᑦᑐᖅ ᐱᐅᑦᑎᐊᖅᑐᒥᒃ.

ᒪᑐᐊᖅᓯᒪᖃᑦᑕᕐᓂᖅ, ᐃᓅᖃᑎᒥ ᖃᓂᒃᓴᓗᐊᖅᑕᐃᓕᓂᖅ, ᐊᒡᒐᖕᓂ ᐅᐊᓴᖃᑦᑕᕐᓂᖅ ᐃᒡᓗᕈᓯᕐᓃᖏᓐᓇᕐᓂᕐᓗ ᐊᔪᕐᓇᙱᓐᓂᓕᒫᖓᓂ ᑐᑭᓯᐅᒪᓇᖅᑎᑕᐅᓇᓱᒃᑐᑦ ᑐᔪᕐᒥᕕᖕᓂ ᑖᔅᓱᒧᖓ ᐱᔾᔪᑎᒧᑦ.

ᖃᐅᔨᔭᐅᓇᓱᒍᑎᑦ ᐃᓄᑑᕝᕕᐅᔭᕆᐊᓕᖕᓂ ᑐᔪᕐᒥᕕᖕᓂ ᒪᓕᒃᑐᑦ ᓱᒃᑲᔪᒥᒃ ᓯᐊᒻᒪᒍᓐᓇᕐᓂᖓᑕ ᓄᕙᒃᔪᐊᕐᓇᖅ−19 ᑲᓇᑕᓕᒫᒥ. ᓄᕙᒃᔪᐊᕐᓇᖅᑖᕐᓂᕐᒧᑦ ᓈᓴᐃᔾᔪᑎᑦ ᑲᓇᑕᓕᒫᒥ ᖁᕝᕙᖅᐸᓪᓕᐊᖏᓐᓇᕐᓂᖏᓐᓄᑦ, ᐱᒻᒪᕆᐅᔪᖅ ᐃᓚᓯᒃᑲᓐᓂᕐᓗᑕ ᐆᒃᑐᕆᐊᕈᑎᒃᑲᓐᓂᕐᓂᒃ ᒥᒃᖠᒋᐊᖅᑎᓪᓗᒍ ᐊᑦᑕᕐᓇᕐᓂᖓ ᓄᓇᕗᒻᒥᐅᓄᑦ.

ᖁᔭᓐᓇᒦᒃ.

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓄᑦ ᓴᐳᔾᔨᓯᔪᒪᓪᓗᑎᒃ ᓄᓇᕗᒻᒥᐅᓂᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: https://www.gov.nu.ca/health/information/nunavuts-path

ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ: ᑎᓯᐱᕆ 7

ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ
219 51 168 5190 688

ᓄᕙᕐᔪᐊᕐᓇᖅ-19−ᒧᑦ ᓄᓇᓕᖕᓂ ᐱᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᑎᓯᐱᕆ 7

ᓄᓇᓕᒃ ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ   ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ
ᐊᕐᕕᐊᑦ 174 177 3 128 49
ᑎᑭᕋᕐᔪᐊᖅ 21 21 0 19 2
ᑲᖏᖅᖠᓂᖅ 19 19 0 19 0
ᓴᓂᑭᓗᐊᖅ  2 2 0 2 0
ᑲᑎᖦᖢᒋᑦ  216 219 3 168 51

ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᑎᓯᐱᕆ 7

ᓄᓇᓕᒃ  ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ
ᐊᕐᕕᐊᑦ  177 729
ᑎᑭᕋᕐᔪᐊᖅ  21 137
ᑲᖏᖅᖠᓂᖅ 19 237
ᓴᓂᑭᓗᐊᖅ  2 189
ᑲᑎᖦᖢᒋᑦ  219 1292

ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐃᓄᑐᐊᒃᑯᕖᑦ)

 

ᐊᐅᓪᓚᕈᑎᒋᔭᐅᓯᒪᔪᑦ

ᑐᔪᕐᒥᕕᖕᒦᑦᑐᑦ ᐊᓂᑦᑕᐃᓕᑎᑕᐅᔪᑦ ᑎᓯᐱᕆ 6−ᒥ ᐱᒋᐊᖅᖢᓂ

ᐋᓐᓂᐊᕐᕕᓕᐊᖅᑐᑦ

184

ᑭᒃᑯᑐᐃᓐᓇᑦ

213

ᑲᑎᖢᒋᑦ

397

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ

ᑎᓯᐱᕆ 05

1

ᑎᓯᐱᕆ 06 

9

ᑎᓯᐱᕆ 07 

70

ᑎᓯᐱᕆ 08 

18

ᑎᓯᐱᕆ 09 

67

ᑲᑎᖢᒋᑦ

164

ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:

ᑎᓯᐱᕆ 4−ᒥ ᐱᒋᐊᖅᖢᓂ, 9798−ᓂᒃ ᑐᒃᓯᕋᖅᑐᖃᓚᐅᖅᐳᖅ, 4584−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ

# %

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ)

6475 66.1%

ᐊᖏᖅᑕᐅᙱᑦᑐᑦ

281 2.9%
ᐅᑕᖅᑭᔪᑦ 324 3.3%

ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ

2718 27.7%
ᑲᑎᖢᒋᑦ 9798 100%

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᑭᕙᓪᓕᖅ ᐋᓐᓂᐊᕕᖕᒥᑦ ᓘᒃᑖᓕᐊᕐᕖᑦ

ᓘᒃᑖᑦ ᓄᓇᓕᒃ ᒪᑐᓯᓂᖅ ᑐᓴᖅᑎᑦᑎᒋᐊᕈᑎ

ᓘᒃᑖᖅ ᒐᐅᓚᑦ

ᐃᓅᓕᓴᐅᑎᓕᕆᓂᖅ ᐃᓗᐊᓃᑦᑐᓂᒃ

ᑲᖏᖅᖠᓂᖅ/ᑎᑭᕋᕐᔪᐊᖅ   ᐅᖓᕙᕆᐊᖅᑕᖅ ᔭᓄᐊᕆ 24−ᒧᑦ

ᓘᒃᑖᖅ ᔭᐃᒥᓯ

ᕿᑐᕐᖓᒃᓴᖃᖅᑐᓕᕆᔨ ᐃᒡᓕᐊᓕᕆᔨᓗ

ᓴᓪᓕᖅ ᑎᓯᐱᕆ 7-10 

ᐅᖓᕙᕆᐊᖅᑕᖅ ᔭᓄᐊᕆᒧᑦ (ᐅᓪᓗᖏᓐᓂ ᐅᑕᖅᑭᔪᑦ)

ᓘᒃᑖᖅ Hᐃᐅᓪᑕᔅ-ᕆᑉᓯᑏᓐ                                                      ᑎᓯᐱᕆ 7-10  ᐱᑎᑦᑎᓂᐊᖅᑐᑦ ᖃᐅᔨᔭᐅᒋᐊᒃᑲᓐᓂᕈᑎᓂᒃ ᐅᖃᓘᑎᒃᑯᑦ. ᓘᒃᑖᖅ ᓕᕉ ᐃᑲᔪᕐᓂᐊᖅᑐᖅ ᑎᒥᒃᑯᑦ ᖃᐅᔨᓴᕈᑎᓂᒃ ᐱᔭᕆᐊᖃᕌᖓᑦ
ᓘᒃᑖᖅ ᓂᐅᒪᓐ                                       ᓴᓪᓕᖅ ᑎᓯᐱᕆ 14-17                                          

ᑲᔪᓯᔪᑦ ᐸᕐᓇᒃᑕᐅᓯᒪᓂᖓᒍᑦ

ᓘᒃᑖᖅ Hᐃᐅᓪ

ᖃᒪᓂ'ᑐᐊᖅ

ᑎᓯᐱᕆ 6-10 

ᐱᑎᑕᐅᕋᔮᕐᓂᐊᖅᑐᖅ

ᓘᒃᑖᖅ ᑐᕆᖕᑕᓐ ᓇᐅᔮᑦ ᑎᓯᐱᕆ 7-16  ᐅᖓᕙᕆᐊᖅᑕᖅ, ᑭᓯᐊᓂ ᖃᐅᔨᒋᖃᒃᑲᓐᓂᖃᑦᑕᕐᓂᐊᖅᑐᖅ ᐃᓗᐊᖅᓴᐃᔨᓂᑦ ᕿᒥᕐᕈᓗᒋᑦ ᐱᔾᔪᑕᐅᔪᑦ

 

 

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᑲᔪᓰᓐᓇᖅᑐᑦ ᐱᔨᑦᑎᕋᐅᑕᐅᔪᑦ:

ᑐᒃᓯᕋᐅᑎᑦ ᐅᑭᐅᖅᑕᖅᑐᒧᐊᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ ᐅᕝᕙᓘᓐᓃᑦ ᓄᓇᕗᒻᒧᑦ ᐊᐅᓪᓚᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ, ᐃᕐᙲᓐᓈᖅᑕᐅᒃᑯᑦ ᓇᓂᔭᐅᔪᓐᓇᖅᐳᖅ ᐅᕙᙵᑦ CPHOconstructionrequests@gov.nu.ca

ᐃᒡᓗᓕᐅᖅᑏᑦ ᐊᓂᒍᐃᔪᑦ ᐃᓄᑐᐊᒃᑯᕕᖕᒥ ᒫᓐᓇᒧᑦ ᑎᑭᖦᖢᒍ: 2,242.

 

 

ᓄᓇᕗᒻᒥᐅᑦ ᖃᓄᐃᙱᑦᑐᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.