ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᐊᐃᕐᕆᓕ 20, 2021

ᐄᐳᕈ 20, 2021

ᓯᕗᓕᖅᑎᒥᑦ ᑐᓴᒐᒃᓴᖅ:

ᐅᓐᓄᒃᓴᒃᑯᑦ. ᐅᓪᓗᒥ, ᑕᓪᓕᒪᓂᒃ ᓄᑖᓂ ᓇᓗᓇᐃᖅᓯᖅᑲᐅᕗᒍᑦ ᓄᕙᒡᔪᐊᕐᓇᖅ-19−ᑖᖅᑐᓂᒃ ᓄᓇᕗᒻᒥ. ᒫᓐᓇ 33−ᖑᓕᖅᑐᑦ ᓄᕙᒡᔪᐊᓕᖅᑐᑦ - 31 ᐃᖃᓗᖕᓃᖦᖢᑎᒃ ᒪᕐᕉᒡᓗ ᑭᙵᕐᓂ.

ᒫᓐᓇᒧᑦ ᑎᑭᖦᖢᒍ, 14,393 ᓄᓇᕗᒥᐅᑦ ᓯᕗᓪᓕᕐᒥ ᑲᐱᔭᐅᓯᒪᓕᖅᑐᑦ Moderna-ᒥᒃ, ᐊᒻᒪ 11,282 ᓄᓇᕗᒥᐅᑦ ᑲᐱᔭᓯᒫᓂᓕᖅᑐᑦ ᓄᕙᒡᔪᐊᕇᒃᑯᑎᒧᑦ.

ᖃᐅᔨᒪᔪᖓ ᒫᓐᓇ ᓇᓗᓇᖅᑐᒻᒦᓐᓇᑦᑕ, ᑭᓯᐊᓂ ᐅᐃᒻᒪᖁᔨᙱᑉᐳᖓ ᐃᓕᔅᓯᓐᓂᓕᒫᖅ ᓴᙱᔫᖏᓐᓇᕐᓗᑕᓗ.

ᐊᐱᕆᔭᐅᑲᑕᒃᐳᒍᑦ ᒥᑦᑕᕐᕖᑦ ᒪᑐᖁᔭᐅᓪᓗᑎᒃ ᐊᒻᒪ ᐊᐅᓪᓚᖃᑦᑕᖅᑐᓕᒫᑦ ᖃᖓᑕᓲᒃᑯᑦ ᐃᓚᖏᓐᓄᑦ ᓄᓇᓕᖕᓄᙵᐅᔪᑦ ᓄᓇᓕᖕᓂᙶᖅᑐᓪᓗ. ᓇᓗᓇᐃᖅᓯᔭᕆᐊᖃᖅᐳᖓ ᑕᒪᓐᓇ ᐋᖅᑭᒋᐊᕈᑎᑦᑎᐊᕙᐅᓇᔭᙱᒻᒪᑦ − ᐱᔾᔪᑎᒃᓴᖃᐃᓐᓇᐅᔭᖅᐳᒍᑦ ᖃᓄᐃᒻᒪᑦ ᑲᑎᙵᔭᕆᐊᖃᕐᒪᖔᑦᑕ.  ᐱᒻᒪᕆᐅᔪᑦ ᓂᐅᕕᐊᒃᓴᐃᑦ ᐱᔨᑦᑎᕋᐅᑎᓪᓗ, ᑐᐊᕕᕐᓇᖅᑐᓄᑦ ᐊᑦᑕᕐᓇᖅᑕᐃᓕᒪᓂᖅ, ᐋᓐᓂᐊᕐᕕᖕᒥ ᑐᐊᕕᕐᓇᖅᑐᑦ ᐊᓯᒃᑲᓐᓂᖏᓪᓗ.

ᑭᓯᐊᓂ, ᐊᐅᓪᓚᕆᐊᖃᓪᓚᕆᙱᑦᑐᑦ ᐊᐅᓪᓚᖁᔭᐅᙱᑦᑎᐊᓕᖅᐳᑦ.  ᐃᖅᑲᐃᓯᔪᒪᕙᔅᓯ ᒫᓐᓇ ᐊᐅᓪᓚᕆᐊᖃᓪᓚᕆᙱᒃᑯᔅᓯ, ᐊᐅᓪᓚᖅᑕᐃᓕᒋᑦᑎ. ᑕᐃᒪᓐᓇ ᐊᔪᕐᓇᙱᑦᑐᖅ, ᓲᖃᐃᒻᒪ ᒫᓐᓇ ᖃᓄᐃᓕᐅᕐᓂᔅᓯᓐᓄᑦ ᑭᒃᑯᑐᐃᓐᓇᓂᒃ ᖃᓄᐃᙱᑦᑐᓂᒃ ᐊᒃᑐᐃᔪᓐᓇᕐᒪᑦ.

ᓱᓕᒃᑲᓐᓂᖅ, ᐃᖃᓗᖕᓃᓚᐅᕐᓗᑎᑦ ᐊᖏᕐᕋᖅᓯᒪᓕᕈᕕᑦ, ᐊᐃᕐᕆᓕ 7-ᒥ ᐱᒋᐊᕐᓗᓂ, ᐅᓪᓗᓄᑦ 14-ᓄᑦ ᐊᓂᑦᑕᐃᓕᔭᕆᐊᖃᖅᑐᑎᑦ. ᓂᐅᕕᕆᐊᖅᑕᐃᓕᒋᑦ ᓂᕆᔭᒃᓴᓂᑦ, ᐱᓕᕆᔭᖅᑐᖅᑕᐃᓕᒋᑦ, ᐅᓗᕆᐊᓇᖅᑐᒦᓕᖅᑎᑦᑎᑦᑕᐃᓕᒋᑦ. ᑕᒪᓐᓇ ᐱᒻᒪᕆᐅᑐᐃᓐᓇᙱᓚᖅ, ᐊᑐᕆᐊᖃᓪᓚᑦᑖᖅᐳᕐᓕ. ᓄᓇᖅᑲᑎᓯ ᐅᓗᕆᐊᓇᖅᑐᒦᓕᖅᑎᑦᑕᐃᓕᒃᑭᑦ.

ᓄᓇᕗᒻᒥᐅᑦ, ᒫᓐᓇ ᐅᖃᕈᓘᔭᕆᐊᖃᙱᑉᐳᒍᑦ ᓄᕙᒡᔪᐊᕐᓇᖅ-19 ᓄᓇᕗᒻᒧᐊᓚᐅᕐᓂᖓ ᐱᔾᔪᑎᒋᓪᓗᒍ ᐅᕝᕙᓘᓐᓃᑦ ᑭᒃᑯᑦ ᖃᓂᒪᓕᕐᒪᖔᑕ. ᒫᓐᓇ ᑐᑭᓯᓂᕐᓗᒃᑕᐅᔪᓂᒃ ᑐᓴᖅᑎᑦᑎᕈᓘᔭᕆᐊᖃᙱᑉᐳᒍᑦ ᐅᕝᕙᓘᓐᓃᑦ ᐃᓄᖕᓂᒃ ᑲᑉᐱᐊᓱᒃᑎᑦᑎᑲᑕᓕᕐᓗᑕ ᓱᓕᙱᑦᑐᓂᒃ. ᒫᓐᓇᓕ ᑕᕝᕙ ᑭᓇᑐᐃᓐᓇᒥᒃ ᐸᓯᔭᕆᐊᖃᙱᓚᒍᑦ.

ᓂᕆᐅᖕᓂᖃᑦᑎᐊᕐᓗᑕ, ᐱᑦᑎᐊᕐᓗᑕ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖁᔭᖏᑦ ᒪᓕᒋᐊᖃᓪᓚᕆᒃᐸᕗᑦ. ᐊᒻᒪ ᓱᓕ ᑲᐱᔭᐅᓚᐅᙱᒃᑯᕕᑦ – ᐃᓂᒃᓴᓕᐅᕐᓂᐊᖅᐳᑎᑦ! ᑲᐱᐊᓱᖕᓂᖅ ᐊᑑᑎᖃᙱᑦᑐᖅ ᐱᕙᒌᔭᖅᓯᒪᖔᓕᕆᓪᓕ.

ᐊᑦᑕᕐᓇᖅᑐᒦᑦᑕᐃᓕᒋᑦ. ᒪᑐᐊᕐᓯᒪᓗᑎᑦ. ᐊᒡᒐᑎᑦ ᐅᐊᓴᖃᑦᑕᕐᓗᒋᑦ. ᐊᕐᕕᓂᓕᖕᓂ ᐃᓯᒃᑲᓐᓂᒃ ᐅᖓᓯᒌᒃᑎᒋᕙᒡᓗᓯ ᐊᓃᖅᑎᓪᓗᓯ. ᐊᖏᕐᕋᖅᓯᒪᕙᒡᓗᑎᑦ ᐊᔪᕐᓇᙱᓐᓂᓕᒫᖓᓂ. ᑲᐱᔭᐅᓗᑎᑦ ᐋᓐᓂᐊᓕᕇᒃᑯᑎᒧᑦ.

 

ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᑐᓴᒐᒃᓴᖏᑦ:

ᐅᓪᓛᒃᑯᑦ. ᐅᓪᓗᒥ, ᐃᓕᓴᖅᓯᔪᒪᕗᖓ ᑕᒪᑐᒪᓂ ᐱᓇᓱᐊᕈᓯᕐᒥ ᐋᓐᓂᐊᕐᕕᖕᒥ ᖃᐅᔨᓴᕐᕖᑦ ᓘᒃᑖᖏᑕ ᐱᓇᓱᐊᕈᓯᒋᖕᒪᒍ.

ᓄᓇᕗᑦ ᒐᕙᒪᒃᑯᑦ ᑭᒡᒐᖅᑐᖅᖢᒋᑦ, ᖁᔭᓐᓇᒦᕈᒪᕙᒃᑲ ᖃᐅᔨᓴᕐᕕᖕᒥ ᐃᖅᑲᓇᐃᔭᖅᑎᐅᔪᑦ, ᐱᓕᕆᖃᑦᑕᕐᒪᑕ ᐊᒃᓱᕈᑦᑎᐊᖅᖢᑎᒃ, ᑭᓯᐊᓂ ᑕᐃᒪᙵᓂᑦ ᓄᕙᒡᔪᐊᕐᓇᖃᓕᓚᐅᕐᒪᑦ ᐊᕐᕌᓂ ᓄᖅᑲᓚᐅᖅᓯᒪᙱᑦᑎᐊᓕᖅᑐᑦ.  ᐱᓕᕆᖃᑦᑕᕐᓂᖏᑦ ᑐᓂᓯᒪᑦᑎᐊᕐᓂᖏᓪᓗ ᐱᒻᒪᕆᐅᓂᖅᐹᖑᖃᑕᐅᕗᑦ ᓄᕙᒡᔪᐊᕐᓇᖅ-19−ᒧᑦ ᖃᓄᐃᓕᐅᕋᓱᒃᑎᓪᓗᑕ. ᖁᔭᓐᓇᒦᒃ!

ᐅᖃᒃᑲᓐᓂᕈᒪᕗᖓ ᐃᓚᖏᓐᓂᒃ ᓯᕗᓕᖅᑎᐅᑉ ᐅᖃᐅᓯᕆᖅᑲᐅᔭᖏᓐᓂᒃ. ᐱᕐᔪᐊᒻᒪᕆᐊᓘᕗᖅ ᑕᒪᑦᑕ – ᑕᒪᑦᑕᑦᑎᐊᖅ – ᐅᔾᔨᖅᓱᑦᑎᐊᕐᓗᑕ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖁᔭᖏᓐᓂᒃ ᒪᓕᓪᓚᕆᒡᓗᑕ. ᑕᐃᒪᐃᑦᑕᕆᐊᖃᖅᐳᒍᑦ ᓄᓇᓕᕗᑦ ᐱᓪᓗᒍ, ᐊᔪᕐᓇᕋᓗᐊᖅᐸᑦ.

ᐊᒃᓱᕈᕐᓇᖅᑐᒃᑰᕈᕕᑦ, ᐃᓄᑑᓗᐊᖅᑰᔨᒍᕕᑦ, ᑲᑎᙵᖃᑕᐅᙱᒃᑯᕕᑦ ᐅᕝᕙᓘᓐᓃᑦ ᓯᕘᕋᒍᕕᑦ, ᐱᖃᓐᓇᕆᔭᕐᓄᑦ, ᐃᓚᖕᓄᑦ, ᐃᑲᔪᖅᑕᐅᔪᒪᒋᑦ, ᓄᓇᕗᒻᒥ ᑲᒪᑦᓯᐊᖅᑐᒃᑯᑦ ᐅᖄᓚᕝᕕᒋᓗᒋᑦ ᐅᕝᕙᓘᓐᓃᑦ ᐃᓴᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ ᑲᑎᒪᔨᖏᑦ ᐅᕗᖓ 1-866-804-2782 ᐅᕝᕙᓘᓐᓃᑦ www.inuusiq.com.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:

ᐅᓐᓄᒃᓴᒃᑯᑦ

ᐃᑉᐸᒃᓴᖅ ᒪᕐᕉᖕᓂᒃ ᓇᓗᓇᐃᖅᓯᓚᐅᖅᐳᒍᑦ ᓄᕙᒡᔪᐊᕐᓇᖅ-19−ᓕᖕᓂᑦ ᑭᙵᕐᓂ. ᖃᐅᔨᒪᒐᑦᑕ ᑖᒃᑯᐊ ᒪᕐᕉᒃ ᐃᓅᒃ ᐃᖃᓗᖕᓂᙶᓚᐅᕐᒪᑕ ᓯᕗᓪᓕᖅ ᓄᕙᒡᔪᐊᕐᓇᖅ−19-ᓕᒃ ᓱᓕ ᖃᐅᔨᔭᐅᓚᐅᙱᑎᓪᓗᒍ, ᓯᕗᓪᓕᖅᐹᒥ ᐊᐃᑦᑐᕐᓗᒃᑕᐅᑐᐃᓐᓇᕆᐊᓕᖕᓂᒃ ᖃᐅᔨᓴᖅᑕᐅᓚᐅᖅᑐᑦ ᑐᑭᓯᔪᓐᓇᓚᐅᙱᑉᐳᑦ ᐊᒃᑐᐊᓂᖃᓪᓚᕆᖕᒪᖔᑦ ᑖᒃᑯᓇᓂ ᓄᕙᒡᔪᐊᓕᖅᑑᖕᓂᒃ ᐊᒻᒪ ᓇᓗᓇᐃᖅᑕᐅᓚᐅᖅᑐᓂᒃ ᐃᖃᓗᖕᓂ.  ᐅᓪᓛᒃ ᓴᖅᑭᑦᑎᔪᓐᓇᖅᓯᖅᑲᐅᕗᒍᑦ ᐊᑦᑕᑕᕐᕕᐅᑲᐅᑎᒋᔪᓐᓇᖅᑐᒥᒃ ᐃᖃᓗᖕᓂ ᐊᐃᑦᑐᕐᓗᐃᖃᑦᑕᐅᑎᔪᓂᑦ, ᑭᓯᐊᓂ ᑕᑯᒃᓴᐅᑎᑦᑎᕗᖅ ᐅᓗᕆᐊᓇᖅᑐᒦᒃᑲᓐᓂᕐᓂᖓᓂᒃ ᓄᕙᒡᔪᐊᕐᓇᖅ-19 ᖃᓂᒪᓐᓇᖅ ᓇᓗᓇᐃᖅᑕᐅᓂᐊᕐᓗᓂ ᐊᓯᖏᓐᓄᑦ ᓄᓇᓕᖕᓄᑦ ᕿᑭᖅᑖᓗᖕᒥ.

ᐅᓪᓗᒥ ᐱᒋᐊᖅᖢᓂ, ᑭᙵᕐᒥ, ᐱᔭᕆᐊᖃᓪᓚᕆᙱᑦᑐᑦ ᐱᔨᑦᑎᕋᖅᑏᑦ ᐊᒻᒪ ᒐᕙᒪᒃᑯᑦ ᑎᑎᕋᕐᕕᖏᑦ ᒪᑐᔭᕆᐊᖃᓕᖅᐳᑦ. ᐃᒡᓘᑉ ᐃᓗᐊᓂ ᐃᒡᓗᒥᐅᖃᑎᒌᑐᐊᑦ ᑲᑎᖃᑦᑕᕆᐊᖃᓕᖅᐳᑦ ᑕᓪᓕᒪᒃᑲᓐᓂᕐᓂᓪᓗ ᑐᐊᕕᕐᓇᖅᑐᖃᖅᐸᑦ ᑭᓯᐊᓂ, ᓯᓚᒥ ᑕᓪᓕᒪᐃᓐᓇᐃᑦ ᑲᑎᖃᑦᑕᕆᐊᖃᓕᖅᐳᑦ. ᐃᓄᒋᐊᒃᑐᑦ ᑲᑎᙵᖃᑦᑕᕆᐊᖃᕈᓐᓃᖅᐳᑦ. ᐃᓕᓐᓂᐊᕐᕖᑦ ᐊᑐᕆᐊᓕᒃ 4−ᒧᐊᖅᐳᑦ, ᐸᐃᕆᕝᕖᓪᓗ ᒪᑐᔭᕆᐊᖃᓕᖅᖢᑎᒃ.

ᖃᐅᒃᐸ ᐱᒋᐊᕐᓗᓂ, ᑕᒪᕐᒥᒃ ᑭᙵᕐᓂᙶᖃᑦᑕᖅᑐᑦ ᑭᙵᓕᐊᖃᑦᑕᖅᑐᓪᓗ, ᓄᓇᒃᑯᓪᓗ ᐊᐅᓪᓚᖃᑦᑕᖅᑐᑦ ᑭᒡᓕᖃᖅᑎᑕᐅᓕᖅᐳᑦ.  ᑭᓇᑐᐃᓐᓇᖅ ᑭᙵᓕᐊᕈᒪᔪᖅ ᑭᙵᕐᓂᓪᓗ ᐊᐅᓪᓚᕈᒪᔪᖅ, ᐊᓂᔪᓐᓇᕐᓂᕋᐃᔪᒥᒃ ᐱᔭᕆᐊᖃᖅᐳᖅ ᑎᑎᕋᕐᕕᑦᑎᓐᓂ. ᐃᕐᖐᓐᓈᖅᑕᐅᒃᑯᑦ CPHOtravelrequests@gov.nu.ca, ᐱᔪᓐᓇᐅᑎᑖᖅᑎᑕᐅᓂᐊᖅᑐᑦ ᐊᐅᓪᓚᕐᓂᐊᖅᑐᑦ ᐃᓚᐃᓐᓇᙱᑦ ᐱᔾᔪᑎᖃᑦᑎᐊᕐᓗᑎᒃ ᑭᓯᐊᓂ.

ᐊᓯᖏᓐᓂᒃ ᕿᑭᖅᑖᓗᖕᒥ ᓄᓇᓕᖏᓐᓂ, ᐃᒡᓘᑉ ᐃᓗᐊᓂ ᑲᑎᙵᖃᑦᑕᖅᑐᑦ ᐃᒡᓗᒥᐅᖃᑎᒌᑐᐊᖑᔭᕆᐊᓕᑦ ᑕᓪᓕᒪᒃᑲᓐᓂᕐᓂᓪᓗ, ᐃᒡᓗᒥᐅᖃᑎᒋᙱᑕᖏᑦ. ᐃᒡᓘᑉ ᐃᓗᐊᓂ ᑲᑎᙵᖃᑦᑕᖅᑐᑦ ᐱᙳᐊᕐᕕᖕᓂ, ᑲᑎᒪᕕᒡᔪᐊᕐᕕᖕᓂ, ᒐᕙᒪᒃᑯᑦ ᑎᑎᕋᕐᕕᖏᑦ, ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪ ᕼᐋᒪᓚᒃᑯᑦ 25-ᓂᒃ ᐃᓄᖃᕆᐊᖃᓕᖅᐳᑦ ᐅᕝᕙᓘᓐᓃᑦ 50-ᐳᓴᓐ ᐃᓐᓄᒍᓐᓇᕐᓂᖓᑕ, ᓇᓕᐊᑐᐃᓐᓇᖅ ᐅᓄᙱᓐᓂᖅᓴᖅ. ᓯᓚᒥ ᑲᑎᙵᖃᑦᑕᖅᑐᑦ 25-ᖑᔭᕆᐊᖃᖅᐳᑦ ᐃᓄᐃᑦ. ᐃᓕᓐᓂᐊᕐᕖᑦ ᐊᑐᕆᐊᓕᒃ 3−ᒧᐊᕐᓂᐊᓕᖅᐳᑦ, ᐸᐃᕆᕝᕖᓪᓗ ᒪᑐᐃᖓᐃᓐᓇᕈᓐᓇᖅᐳᑦ.

ᑭᙵᕐᓂ ᓄᕙᒡᔪᐊᕐᓇᖅᑖᖅᑐᖅ ᐃᓱᒫᓘᑕᐅᕗᖅ ᐊᐃᑦᑐᕐᓗᐃᖃᑦᑕᐅᑎᑐᐃᓐᓇᕆᐊᖃᕐᓂᖏᓐᓂᒃ ᐃᖃᓗᖕᓂ. ᑭᒃᑯᓕᒫᑦᑎᐊᑦ ᒪᓕᒋᐊᖃᓪᓚᕆᒃᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖁᔭᖏᓐᓂᒃ, ᒪᑐᐊᖅᓯᒪᕙᒡᓗᑎᒃ ᐊᒻᒪ ᐊᖏᕐᕋᖅᓯᒪᐃᓐᓇᖅᐸᒡᓗᑎᒃ ᐊᔪᕐᓇᙱᓐᓂᓕᒫᖓᓂ.

ᐅᓪᓗᒥᑦᑕᐅᖅ, ᐱᖓᓱᒃᑲᓐᓂᕐᓂᒃ ᓄᕙᒡᔪᐊᖅᑐᑦ ᐃᓚᖅᑲᐅᔪᑦ ᐃᖃᓗᖕᓂ. ᑖᒃᑯᐊᓕᒫᖅ ᓄᕙᒡᔪᐊᓕᖅᑐᑦ ᐊᒃᑐᐊᓂᖃᖅᐳᑦ ᓄᕙᒡᔪᐊᓕᓚᐅᖅᑐᓄᑦ ᐃᖃᓗᖕᓂ.

ᖃᓂᒪᒍᕕᑦ ᐅᕝᕙᓘᓐᓃᑦ ᓄᕙᒡᔪᐊᕐᓇᖅ-19−ᓕᖕᒧᑦ ᐅᐸᒍᑎᓯᒪᓚᐅᕋᓱᒋᒍᕕᑦ, 1-866-975-8601-ᒧᑦ ᐅᖄᓚᓂᐊᖅᐳᑎᑦ  ᖃᐅᔨᓴᖅᑕᐅᔭᕆᐊᖃᕐᒪᖔᖅᐱᑦ ᑐᑭᓯᓇᓱᒡᓗᑎᑦ. ᐋᓐᓂᐊᕐᕕᖕᒧᑦ ᐋᓐᓂᐊᕕᐊᓗᖕᒧᓪᓘᓐᓃᑦ ᐅᖄᓚᑦᑕᐃᓕᒋᑦ ᑭᓯᐊᓂ ᐅᖃᓗᖁᔭᐅᒍᕕᑦ.

ᒫᓐᓇ, ᐃᖃᓗᖕᓂ ᓇᒧᑐᐃᓐᓇᖅ ᐊᐅᓪᓚᕐᓇᕐᓂᖓᓄᑦ, ᐊᓯᔾᔩᔭᕆᐊᖃᕋᓱᒋᙱᑦᑐᒍᑦ ᒪᓕᒃᑕᐅᒋᐊᓕᖕᓂᒃ ᑭᕙᓪᓕᕐᒥ ᐅᕝᕙᓘᓐᓃᑦ ᕿᑎᕐᒥᐅᓂ. ᑭᓯᐊᓂ, ᐅᔾᔨᖅᓱᑦᑎᐊᖁᔨᓪᓗᑕ, ᒫᓐᓇ ᒪᑐᐊᖅᓯᒪᔭᕆᐊᖃᓕᖅᐳᑦ ᑲᖏᖅᖠᓂᕐᒥ.

ᑕᒪᓐᓇ ᖃᐅᔨᓴᖅᐸᓪᓕᐊᔭᕗᑦ, ᐊᓯᔾᔩᓂᐊᖅᐳᒍᓪᓗ ᒪᓕᒋᐊᓕᖏᓐᓂᒃ ᐊᓯᖏᓐᓂᒃ ᓄᓇᓕᖕᓂ ᐱᔭᕆᐊᖃᖅᐸᑦ.

ᖁᔭᓐᓇᒦᒃ.

 

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᑦ ᐱᓇᔪᒃᑕᖏᓐᓄᑦ ᓄᓇᕗᒻᒥᐅᓂᒃ ᓴᐳᔾᔨᓯᒪᓇᓱᒃᖢᑎᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: https://www.gov.nu.ca/health/information/nunavuts-path

ᑐᑭᓯᒋᐊᕈᒪᒍᕕᑦ ᑲᐱᔭᐅᓐᓇᐅᓛᕐᑐᓂᑦ ᐅᕗᙵᐅᓗᑎᑦ: https://gov.nu.ca/health/information/covid-19-vaccination

 

ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ:  ᐊᐃᕆᓕ 20

ᑲᑎᓕᒫᖅᖢᒋᑦ ᖃᐅᔨᓴᖅᑕᐅᓯᒪᔪᑦ ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑐᖁᔪᑦ ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ
10,549 428 33 391 4 7493 254

*ᓇᓗᓇᐃᖅᑕᐅᓯᒪᔪᑦ ᐊᒻᒪ ᑕᐃᒪᐃᑦᑐᖃᑐᐃᓐᓇᕆᐊᓕᑦ ᐱᖃᓯᐅᔾᔨᕗᑦ ᑲᓇᑕᓕᒫᒥ ᖃᓂᒪᓇᓱᒋᔭᐅᔪᑦ ᖃᐅᔨᓴᖅᑕᐅᓯᒪᔪᓂᑦ. ᐅᑯᐊ ᐃᓄᐃᑦ ᖃᐅᔨᓴᖅᑕᐅᖃᑕᐅᔪᑦ ᓇᓗᓇᐃᖅᑕᐅᔪᑦ ᐋᓐᓂᐊᑲᑕᖕᓂᖏᓐᓂᒃ ᐊᒻᒪ ᐊᑦᑕᕐᓇᖅᑐᒦᓚᐅᖅᑐᑦ ᐊᓯᖏᓪᓗ ᓇᖕᒥᓂᖅ ᓇᐅᑦᑎᖅᓱᖅᑐᑦ ᐅᕝᕙᓘᓐᓃᑦ ᐅᐸᒃᑕᐅᑦᑕᐃᓕᔪᑦ.    ᑖᒃᑯᐊᓕᒫᖅ ᐋᓐᓂᐊᑲᑕᒐᔭᙱᑦᑐᑦ ᐅᕝᕙᓘᓐᓃᑦ ᖃᐅᔨᓴᖅᑕᐅᔪᐃᓐᓇᐅᔭᕆᐊᖃᙱᑦᑐᑦ.

*ᑭᖑᕙᓯᒃᑐᖃᑐᐃᓐᓇᕆᐊᓕᒃ ᐅᖃᐅᓯᖃᕐᓂᐊᕐᓗᓂ ᖃᓄᐃᓕᖓᓂᖏᓐᓄᑦ ᑭᒡᓕᓯᓂᐊᖅᑕᐅᓯᒪᔪᓂᓪᓗ ᖃᓄᐃᓕᖓᔪᓂᑦ ᐱᔭᐅᔪᓂᑦ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥ. ᖁᓕᓪᓗ ᒪᕐᕉᒡᓗ ᓄᕙᒡᔪᐊᖅᑐᑦ ᖃᐅᔨᔭᐅᓚᐅᖅᑐᑦ ᓄᓇᕗᑦ ᓯᓚᑖᓂ ᓇᓗᓇᐃᖅᑕᐅᓚᐅᖅᐳᑦ ᓄᓇᕗᒻᒧᑦ. ᐱᖓᓱᑦ ᐃᓅᔪᓐᓃᖅᑐᑦ ᐱᖃᓯᐅᔾᔭᐅᓪᓗᑎᒃ. ᓄᓇᕗᒥᐅᑦ ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᕗᑦ ᓯᓚᑖᓂ ᖃᐅᔨᔭᐅᔪᑦ ᓇᓗᓇᐃᖅᑕᐅᔪᐃᓐᓇᐅᔾᔮᙱᑉᐳᑦ ᓄᓇᕗᒻᒧᑦ.

ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔪᑦ ᖃᓄᐃᓕᖓᓂᖏᑦ: ᐊᐃᕆᓕ 20

ᓯᕗᓪᓕᖅᐹᑦ ᑲᐱᔭᐅᔾᔪᑏᑦ ᐊᑐᖅᑕᐅᕗᑦ ᑐᒡᓕᖏᑦ ᑲᐱᔭᐅᔾᔪᑏᑦ ᐊᑐᖅᑕᐅᕗᑦ ᑲᑎᖦᖢᒋᑦ ᑲᐱᔭᐅᔾᔪᑏᑦ ᐊᑐᖅᑕᐅᔪᑦ
14,393 11,282 25,675

*ᑲᑎᓕᒫᖅᖢᒋᑦ ᑲᐱᔭᐅᓃᑦ ᓄᑖᙳᕆᐊᖅᑎᑕᐅᖃᑦᑕᖅᐳᑦ ᐊᔪᕐᓇᕈᓐᓃᑐᐊᕌᖓᑦ, ᑭᓯᐊᓂᓗ ᐊᑦᑎᖕᓂᖅᓴᐅᑐᐃᓐᓇᕆᐊᖃᖅᖢᑎᒃ ᓈᓴᖅᑕᐅᓯᒪᓪᓚᕆᒃᑐᓂᑦ.

ᓄᕙᕐᔪᐊᕐᓇᖅ-19−ᒧᑦ ᓄᓇᓕᖕᓂ ᐱᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᐊᐃᕆᓕ 20

ᓄᓇᓕᒃ ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ   ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ ᑐᖁᔪᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ
ᐃᖃᓗᐃᑦ 28 31 3 0 0 31
ᑭᙵᐃᑦ 0 2 2 0 0 2
ᐊᕐᕕᐊᑦ 339 339 0 1 338 0
ᑎᑭᕋᕐᔪᐊᖅ 23 23 0 0 23 0
ᑲᖏᖅᖠᓂᖅ 19 19 0 0 19 0
ᓴᓂᑭᓗᐊᖅ  2 2 0 0 2 0
ᑲᑎᖦᖢᒋᑦ  411 416 5 1 382 33

ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᐊᐃᕆᓕ 20

ᓄᓇᓕᒃ  ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ
ᐃᖃᓗᐃᑦ 31 235
ᑭᙵᐃᑦ 2 ᐊᑐᙱᑦᑐᖅ
ᐊᕐᕕᐊᑦ  339 2883
ᑎᑭᕋᕐᔪᐊᖅ  23 352
ᑲᖏᖅᖠᓂᖅ 19 399
ᓴᓂᑭᓗᐊᖅ  2 202
ᑲᑎᖦᖢᒋᑦ  416 4071

ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:

ᐊᐅᓪᓚᕈᑎᒋᔭᐅᓯᒪᔪᑦ

ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᐊᐃᕐᕆᓕ 20-ᒥᑦ ᐱᒋᐊᖅᖢᓂ

ᐋᓐᓂᐊᕐᕕᓕᐊᖅᑐᑦ

362

ᑭᒃᑯᑐᐃᓐᓇᑦ

220
ᑐᐊᕕᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓄᑦ ᐃᓄᑑᔭᕆᐊᖃᕐᓂᕐᓗ 68
ᐃᒡᓗᓕᐅᖅᑎᑦ 78

ᑲᑎᖢᒋᑦ

728

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ

ᐊᐃᕐᕆᓕ 20  

66

ᐊᐃᕐᕆᓕ 21

59

ᐊᐃᕐᕆᓕ 22 

78

ᐊᐃᕐᕆᓕ 23

41

ᐊᐃᕐᕆᓕ 24  

1

ᑲᑎᖢᒋᑦ

245

ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:

ᐊᐃᕆᓕ 19−ᒥ ᐱᒋᐊᖅᖢᓂ, 15,139−ᓂᒃ ᑐᒃᓯᕋᖅᑐᖃᓚᐅᖅᐳᖅ, 7,510−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ

# %

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ)

11440 75.6%

ᐊᖏᖅᑕᐅᙱᑦᑐᑦ

306 2.0%
ᐅᑕᖅᑭᔪᑦ 466 3.1%

ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ

2927 19.3%
ᑲᑎᖢᒋᑦ 15139 100%

 

 

ᒪᓕᒐᓕᕆᔨᒃᑯᓐᓂᑦ ᐱᔨᑦᑎᕋᐅᑎᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᐃᖅᑲᓇᐃᔭᕐᕕᖕᓂ ᒪᓕᒃᑕᐅᔭᕆᐊᓖᑦ

ᐃᖅᑲᓇᐃᔭᖅᐸᖕᓂᕐᒧᑦ ᐊᑐᖅᑕᐅᕙᒃᑐᓄᑦ ᑎᑎᕋᕐᕕᒃ ᐅᖄᓚᕝᕕᐅᔪᓐᓇᖅᐳᖅ ᐅᑯᓄᖓ ᓈᓴᐅᑎᓄᑦ:

  • ᐅᖄᓚᐅᑦ: 1-867-975-6322  
  • ᐊᑭᖃᙱᑦᑐᒃᑯᑦ: 1-877-806-8402.    
  • ᓱᑲᔪᒃᑯᑦ: 1-867-975-6367.

ᑎᑎᕋᕐᕕᖕᒥ ᓱᓕ ᐊᑐᐃᓐᓇᐅᔪᑦ ᐊᐱᖅᑯᑎᓂᑦ ᑭᐅᔪᓐᓇᖅᑐᑦ ᓄᓇᕗᒻᒥᐅᓄᑦ ᐊᐱᖅᑯᑎᒃᓴᖃᖅᐸᑕ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᖁᔭᕐᒥᑦ ᐊᒻᒪ ᒪᓕᒐᖏᑦ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᐅᑎᑦ:

ᓄᓇᓕᖕᓂ ᒪᓕᒐᓕᕆᔨᑦ

ᐊᐴᑎᓯᒪᓗᑎᒃ ᑲᑎᒪᓃᑦ ᑭᓯᐊᓂ ᑐᐊᕕᕐᓇᖅᑐᓄᑦ ᐊᔪᕐᓇᙱᑎᑕᐅᕗᑦ, ᑕᐃᓐᓇ ᐱᓕᕆᖃᑎᒋᔭᐅᔪᖅ ᐅᖄᓚᐅᑎᖃᕈᓐᓇᙱᑉᐸᑦ ᑯᐊᖅᓵᕐᓇᙱᑦᑐᒥᓘᓐᓃᑦ ᐃᓂᖃᕈᓐᓇᙱᓪᓗᓂ ᐱᓕᕆᔨᑦᑎᓐᓄᑦ ᖃᐅᔨᒋᐊᕆᐊᒃᓴᖅ ᐅᖄᓚᐅᑎᒃᑯᑦ. ᐃᓄᐃᑦ ᖃᐅᔨᒋᐊᖁᔭᐅᕗᑦ ᐃᓚᒌᓂ ᐋᓐᓂᖅᓯᖅᑕᐅᕙᒃᑐᑦ ᐱᖁᔭᕐᒥ (FAIA) ᐅᖄᓚᕝᕕᐅᔪᓐᓇᖅᑐᒧᑦ ᐊᐱᖅᑯᑎᒃᓴᖃᕐᓂᕈᑎᒃ ᐃᑲᔪᖅᑕᐅᔭᕆᐊᖃᕈᑎᒡᓘᓐᓃᑦ ᐆᒥᖓ ᓈᓴᐅᒻᒥᒃ ᐊᑐᕐᓗᑎᒃ, 1-844-534-1038. ᐅᖄᓚᔪᑦ ᖃᐅᔨᓴᖅᑕᐅᓂᐊᖅᐳᑦ ᑐᑭᓯᓇᓱᒡᓗᑎᒃ ᐃᑲᔪᖅᑕᐅᔭᕆᐊᓕᖕᒥᒃ ᑐᕌᖅᑎᑕᐅᓗᓂᓗ ᓄᓇᓕᖕᓂ ᒪᓕᒐᓕᕆᔨᓪᓚᕆᖕᒧᑦ ᑖᓐᓇᓗ ᐃᑲᔪᕈᓐᓇᖅᖢᓂ ᐱᓇᔫᑎᖏᓐᓄᑦ ᐃᑲᔫᑎᒃᓴᓄᑦ ᑕᑯᔭᒃᓴᙳᖅᑎᑕᐅᓂᐊᖅᖢᓂ.

ᐃᑲᔪᖅᑕᐅᕝᕖᑦ

ᐃᑲᔪᖅᑕᐅᕝᕖᑦ ᐊᑐᓕᖅᑎᑦᑎᓂᐊᖅᐳᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒋᐊᓕᖕᓂᒃ ᓄᕙᒡᔪᐊᕐᓇᖅ-19 ᐃᒡᓗᖁᑎᖏᓐᓄᐊᖅᑎᑦᑕᐃᓕᒪᓗᒋᑦ ᐊᒻᒪ ᐅᓗᕆᐊᓇᙱᓐᓂᖅᓴᐅᑎᓪᓗᒍ ᐊᐃᑦᑐᕐᓗᐃᓇᔭᖅᑐᑦ ᑕᐃᒪᐃᓐᓇᔭᕐᓂᖅᐸᑦ.  ᐊᑐᖅᑕᐅᓕᖅᑐᑦ ᐃᓕᔭᐅᓯᒪᕙᖐᖅᑐᑦ ᐅᑯᐊᖑᕗᑦ ᓄᖅᑲᖅᑎᑕᐅᓪᓗᑎᒃ ᑕᒪᕐᒥᒃ ᑕᒫᓂᕐᒥᐅᑕᐅᙱᑦᑐᑦ ᐳᓛᕆᐊᖃᑦᑕᖅᑐᑦ ᐱᔭᕆᐊᖃᓪᓚᕆᙱᑦᑐᓪᓗ ᐃᖏᕐᕋᕙᒃᑐᑦ. ᖁᔭᓕᕗᒍᑦ ᐅᑕᖅᑭᑦᑎᐊᖃᑦᑕᕐᓂᖏᓐᓄᑦ ᐃᑲᔪᖅᑐᐃᖃᑦᑕᕐᓂᖏᓐᓄᓪᓗ ᑎᒍᔭᐅᓯᒪᔪᓂᑦ ᐃᓚᖏᓐᓂᓪᓗ ᑕᐃᒪᐃᓕᐅᓕᕐᓂᖏᓐᓄᑦ ᖃᐅᔨᒪᓪᓗᑕᓗ ᑕᒪᓐᓇ ᐱᔭᕆᑐᓚᐅᕐᓂᖓᓂ.

ᖁᕝᕙᕆᐊᖅᓯᒪᓕᕐᓂᖏᓐᓄᑦ ᖁᐊᖅᓵᕐᓇᑐᐃᓐᓇᕆᐊᓖᑦ ᐊᒃᑐᐊᓂᓖᑦ ᑎᒍᔭᐅᓯᒪᕝᕕᖕᓄᑦ, ᒫᓐᓇ ᓇᓗᓇᐃᔭᖅᓯᒪᑦᑎᐊᖅᑐᓂᒃ ᐱᑎᑦᑎᔪᓐᓇᖅᓯᕗᒍᑦ ᐱᔾᔪᑎᒋᓪᓗᒍ ᐃᓛᒃᑰᖅᑐᑦ ᑎᒍᔭᐅᓯᒪᕝᕕᖕᓄᑦᑦ ᐸᕐᓇᐅᑎᑦ. ᑭᓯᐊᓂ, ᐅᑯᓂᖓ ᑐᓴᖅᑕᐅᔪᒃᓴᓂᒃ ᐱᑎᑦᑎᔪᓐᓇᖅᐳᒍᑦ ᖃᓄᐃᓕᐅᖅᑕᐅᕙᓪᓕᐊᓕᖅᑐᓂᒃ ᐱᔾᔪᑎᓕᖕᓂᒃ:

  • ᑕᒪᕐᒥᑦᑎᐊᖅ ᑕᐃᑯᙵᖅᑎᑕᐅᔪᑦ ᐅᐸᒃᑕᐅᑦᑕᐃᓕᒪᕗᑦ ᐅᓪᓗᓄᑦ 14-ᓄᑦ ᑕᐃᑯᙵᕌᖓᒥᒃ.
  • ᑎᒍᔭᐅᓯᒪᕖᑦ ᐃᓚᔨᐅᔾᔨᕗᑦ ᐊᒡᒐᓄᑦ ᐆᒪᔪᐃᔭᐅᑎᓂᒃ ᐊᖅᑯᓵᖅᑕᐅᒐᔪᖕᓂᖏᓐᓂᒃ.
  • ᑭᐅᓂᕐᒧᑦ/ᐊᑕᐅᓰᓐᓇᕐᒦᑎᑦᑎᓂᕐᒧᑦ ᐊᑐᖅᑕᐅᔪᓐᓇᖅᑐᑦ ᐃᓪᓕᖅᓱᖅᑕᐅᕗᑦ ᐊᒡᒑᖕᓂᒃ, ᒪᑐᐊᕐᓂᒃ, ᑮᓇᒧᑦ ᓴᐴᓗᑕᕐᓂᒃ, ᐊᑕᔪᕐᓂᒃ ᐊᔪᕆᖅᓲᔾᔨᓯᒪᔪᓂᓪᓗ ᑖᒃᑯᓂᖓ ᐊᑐᕐᓂᐊᖅᑐᓄᑦ.
  • ᐃᓗᐊᖅᓴᐃᔩᑦ ᖃᐅᔨᓴᖃᑦᑕᓪᓚᕆᒃᐳᑦ ᑎᒍᔭᐅᓯᒪᔪᓂᒃ ᑎᒍᔭᐅᒑᖓᑕ ᓄᕙᒡᔪᐊᖅᑐᑦ-19-ᒥᒃ ᖃᓂᒪᙱᒃᑲᓗᐊᕐᒪᖔᑦ.
  • ᓴᓗᒻᒪᖅᓴᐃᔾᔪᑎᓄ ᒪᓕᒋᐊᓖᑦ ᐅᓄᖅᓯᒋᐊᖅᐳᑦ ᑭᐳᐃᑦ ᖄᖏᑦ ᓴᓗᒻᒪᖅᓴᖅᑕᐅᑦᑎᐊᖃᑦᑕᖁᓪᓗᒋᑦ ᐅᓄᖅᓯᒋᐊᖅᓯᒪᔪᑦ  ᓴᓗᒻᒪᖅᓴᐃᕝᕕᐅᕙᒃᑐᑦ ᐅᓪᓗᓕᒫᒥ.

ᐃᖅᑲᖅᑐᐃᕕᓕᕆᓂᕐᒧᑦ ᐱᔨᑦᑎᕋᖅᑎᑦ

ᐃᖅᑲᖅᑐᐃᕕᐅᑉ ᐃᒡᓗᖁᑖ ᒪᑐᓯᒪᓂᐊᓕᖅᐳᖅ ᑭᒃᑯᑐᐃᓐᓇᓄᑦ. ᐃᖅᑲᖅᑐᐃᕕᓕᕆᓂᕐᒧᑦ ᓇᓗᓇᐃᔭᕐᓂᖅ ᐊᑐᐃᓐᓇᐅᓂᐊᖅᐳᖅ ᐃᑲᔪᖅᑐᐃᓂᐊᕐᓗᓂ ᑭᒃᑯᑐᐃᓐᓇᓂᒃ ᐅᖄᓚᐅᑎᒃᑯᑦ ᖃᕆᑕᐅᔭᒃᑯᓪᓗ ᑎᑎᕋᖃᑦᑕᐅᑎᕝᕕᒃᑯᑦ. ᐅᑯᐊ ᐊᑐᕐᓗᒋᑦ ᖃᐅᔨᒋᐊᕐᕕᐅᔪᓐᓇᖅᑐᑦ ᐱᔨᑦᑎᕋᕐᓂᐊᕐᓗᓂ.

ᐱᔾᔪᑎᒋᔭᐃᑦ ᐱᖃᓯᐅᔾᔨᒃᐸᑦ ᐱᕋᔭᖕᓂᕐᒥᒃ ᒪᒃᑯᒃᑐᒥᓪᓘᓐᓃᑦ ᐃᖅᑲᖅᑐᖅᑕᐅᔪᒥᒃ, ᐱᕋᔭᒃᑐᑦ ᑎᑎᖅᑭᕆᔨᖓᓄᑦ ᖃᐅᔨᒋᐊᕈᓐᓇᖅᐳᑎᑦ ᐅᕗᖓ; 867-975-6101; ncj.criminal@gov.nu.ca..

ᐱᔾᔪᑎᒋᔭᐃᑦ ᐱᖃᓯᐅᔾᔨᒃᐸᑦ ᐃᓅᖃᑎᒥᒃ, ᐃᓚᒌᓂᑦ ᓄᑕᖅᑲᓂᓪᓘᓐᓃᑦ ᒪᓕᒐᖅᑎᒍᑦ ᐃᖅᑲᖅᑐᖅᑕᐅᔾᔪᑎᒥᒃ ᐃᓅᖃᑎᒌᓄᑦ ᑎᑎᖅᑭᕆᔨ ᖃᐅᔨᒋᐊᕐᕕᒋᓗᒍ ᐅᕗᖓ 867-975-6102; ncj.civil@gov.nu.ca..

ᐊᒻᒪᓗᑦᑕᐅᖅ, ᐱᔾᔪᑎᒋᔭᐃᑦ ᐱᔾᔪᑎᖃᖅᐸᑦ ᐃᓅᖃᑎᒥᒃ ᒪᓕᒋᐊᓕᖏᓐᓂᒃ, ᖃᐅᔨᒋᐊᕐᕕᒋᓗᒍ ᐃᖅᑲᖅᑐᐃᕕᖕᒥ ᐸᓖᓯᙳᐊᕆᔭᐅᔪᖅ ᐅᕙᓂ 867-975-6103; ncj.sheriff@gov.nu.ca..

ᒪᓕᒐᖅᑎᒍᑦ ᓇᓗᓇᐃᖅᓯᕕᒃ

ᒪᓕᒐᖅᑎᒍᑦ ᓇᓗᓇᐃᖅᓯᕝᕕᐅᑉ ᑎᑎᕋᕐᕕᖓ ᐃᖅᑲᖅᑐᐃᓂᕐᒧᑦ ᒪᑐᓯᒪᓂᐊᓕᖅᐳᖅ ᑭᒃᑯᑐᐃᓐᓇᓄᑦ. ᐃᓄᐃᑦ ᓱᓕ ᐱᔨᑦᑎᕈᑎᐅᔪᓂᑦ ᐱᔪᓐᓇᖅᑐᑦ ᐅᖄᓚᓗᑎᑦ 867-975-6590 ᐅᕙᓗ ᐃᕐᖐᓈᖅᑕᐅᑎᖓᓐᓄ corporate.Registries@gov.nu.ca.

ᐱᓂᕐᓗᒃᑕᐅᓯᒪᔪᑦ ᐱᔨᑦᑎᕋᖅᑎᖏᑦ

ᐱᓂᕐᓗᒃᑕᐅᓯᒪᔪᑦ ᐱᔨᑦᑎᕋᖅᑎᑦ ᑎᑎᕋᕐᕕᖏᑦ ᒫᓐᓇ ᑭᒃᑯᑐᐃᓐᓇᓄᑦ ᒪᑐᓯᒪᕗᑦ. ᑭᓯᐊᓂᓗᑦᑕᐅᖅ, ᓄᓇᕗᒻᒥᐊᑦ ᑎᑎᕋᕐᕕᖕᒧᑦ ᐅᖄᓚᔭᕆᐊᓖᑦ ᐅᖄᓚᔪᓐᓇᖅᐳᑦ ᐅᕗᖓ ᐊᑭᓕᕆᐊᖃᙱᑦᑐᒧᑦ, 1-866-456-5216-ᒧᑦ ᐅᕗᖓᓘᓐᓃᑦ ᖃᕆᑕᐅᔭᒃᑯᑦ ᑎᑎᕋᕐᓗᑎᒃ, victimservices@gov.nu.ca. ᐱᔨᑦᑎᕋᕐᓂᕆᔭᐅᔪᑦ ᐱᑎᑕᐅᖃᑦᑕᕐᓂᐊᖅᐳᑦ ᐊᑕᐅᓯᐅᓈᖅᑎᕐᓗᒋᑦ.

ᐊᑐᖅᑐᐊᖅᑎᓄᑦ ᑎᑎᕋᕐᕕᐊ

ᐊᑐᖅᑐᐊᖅᑎᓄᑦ ᑎᑎᕋᕐᕕᒃ ᒪᑐᓯᒪᓂᐊᖅᑐᖅ ᑭᒃᑯᑐᐃᓐᓇᓄᑦ. ᖃᐅᔨᒋᐊᕐᕕᒋᔪᒪᓗᒍ, ᐅᕗᖓ ᐅᖄᓚᔪᖃᕐᓗᓂ, 867-975-6314 ᐅᕗᖓᓘᓐᓃᑦ Rentaloffice@gov.nu.ca.

ᑎᑎᕋᕐᕕᖓ ᑭᒃᑯᑐᐃᓐᓇᕐᓄᑦ ᐸᖅᑭᔨᐅᑉ ᕿᒪᐃᔪᓄᓪᓗ ᐃᓅᔪᓐᓃᕐᓂᕐᒧᑦ ᐸᐸᑦᑎᔨᐅᑉ

ᑎᑎᕋᕐᕕᖓ ᑭᒃᑯᑐᐃᓐᓇᓄᑦ ᐸᖅᑭᔨᐅᑉ ᒪᑐᓯᒪᓂᐊᖅᑐᖅ ᑭᒃᑯᓕᒫᓄᑦ. ᑎᑎᕋᕐᕕᒃ ᖃᐅᔨᒋᐊᕐᕕᒋᓂᐊᕐᓗᒍ, ᐅᑯᐊ ᐊᑐᕐᓗᒋᑦ ᖃᐅᔨᒋᐊᕐᕕᐅᔪᓐᓇᖅᑐᑦ.

ᖃᑕᙳᑎᒌᓂᒃ ᐃᑲᔪᖅᑐᐃᔨᑦ

ᖃᑕᙳᑎᒌᓂ  ᐃᑲᔪᖅᑐᐃᕙᖕᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᑦ ᑲᔪᓯᕗᑦ. ᑎᑎᕋᕐᕕᒃ ᒪᑐᓯᒪᓂᐊᖅᑐᖅ ᑭᒃᑯᑐᐃᓐᓇᓄᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᑎᑎᖅᑲᖁᑎᖏᓐᓂᒃ ᐱᔾᔪᑎᖃᕐᓗᑎᒃ, ᐅᕗᖓ ᐅᖄᓚᓗᑎᑦ 867-975-6112 ᐅᕝᕙᓘᓐᓃᑦ ᐊᑭᖃᙱᑦᑐᒧᑦ 1-800-792-4183, ᖃᕆᑕᐅᔭᒃᑯᓪᓘᓐᓃᑦ ᑎᑎᕋᖃᑦᑕᐅᑎᕝᕕᒃᑯᑦl fsp@gov.nu.ca.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᐅᓚᐅᑲᒃᑐᖅ ᐱᔨᑦᑎᕋᐅᑏᑦ:

ᓄᓇᓕᖕᓂ ᐃᑲᔪᖅᑕᐅᕕᑦ

ᐃᖃᓗᖕᓂ ᑎᒍᔭᐅᓯᒪᔪᓕᕆᔨᑦ ᐊᒡᓚᕝᕕᖏᑦ ᑭᒃᑯᑐᐃᓐᓇᓄᑦ ᒪᑐᓯᒪᔪᑦ ᑭᓯᐊᓂ ᐅᖃᐅᓯᐅᒃᑲᓐᓂᖅᐸᑦ. ᓄᓇᓕᖕᓂ ᑎᒍᔭᐅᓯᒪᕝᕕᖕᓂ ᑲᒪᒋᔭᐅᖃᑦᑕᖅᑐᓕᒫᑦ ᐅᖃᓘᑎᒃᑯᑦ ᐅᖃᐅᓯᐅᖃᑦᑕᕆᐊᖃᖅᐳᑦ ᐅᑯᐊ ᖃᐅᔨᒋᐊᕐᕕᒃᓴᑦ ᐊᑐᕐᓗᒋᑦ:

ᐃᖃᓗᖕᓂ 979-3333

  • ᒥᐊᓕ ᔮᒃᓴᓐ 867-222-1932.
  • ᓘᕆ ᖃᕆᑕᖅ 867-222-3541.

ᑭᙵᐃᑦ

  • ᕈᔅ ᕌᔅᕕᐅᓪ: 867-222-9613.
  • ᒪᐃᒐᓐ ᓵᓐᑐᕚᓪ: 867-222-0390.

 

 

ᐃᓄᓕᕆᔨᒃᑯᑦ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᐅᑎᑦ:

ᑭᙵᕐᓂ ᓄᑕᖅᑲᑦ ᑲᒪᒋᔭᐅᑦᑎᐊᕆᐊᓖᑦ ᓴᐳᔾᔭᐅᓯᒪᔪᑦ

ᐃᓱᒫᓘᑎᖃᕌᖓᔅᓯ ᓄᑕᖅᑲᓂᒃ ᐊᒻᒪ/ᐅᕝᕙᓘᓐᓃᑦ ᒪᒃᑯᒃᑐᓂᒃ ᐊᑦᑕᕐᓇᖅᑕᐃᓕᒪᑎᑦᑎᓂᕐᒥᒃ, ᐅᖃᓗᖃᑦᑕᕆᔅᓯ ᓄᓇᔅᓯᓐᓂ ᐃᓄᓕᕆᔨᓄᑦ:

  • ᖃᑕᙳᑎᒌᓄᑦ ᐃᓅᓯᕆᒃᑐᓕᕆᔨ: 867-222-0795.
  • ᐊᖏᔪᖅᑳᖅ ᐃᓚᒌᓄᑦ ᖃᓄᐃᙱᑦᑎᐊᖅᑐᓕᕆᔨᑦ: 867-222-0645.
  • ᓄᓇᕗᓕᒫᒥ ᐅᖄᓚᕝᕕᒃᓴᑦ: 1-844-FW-CHILD (1-844-392-4453).

ᐃᓱᒫᓘᑎᖃᕈᕕᓪᓘᓐᓃᑦ ᓄᑕᖅᑲᓄᑦ ᐅᕝᕙᓘᓐᓃᑦ ᒪᒃᑯᒃᑐᓄᑦ ᐱᔨᑦᑎᕋᕈᑕᐅᔪᓂᒃ ᐅᖃᐅᓯᒃᓴᖃᕈᕕᓪᓘᓐᓃᑦ ᐅᐱᒋᔭᖃᕈᕕᓪᓘᓐᓃᖅ, ᐅᕙᑦᑎᓐᓄᑦ ᖃᐅᔨᒋᐊᖃᑦᑕᕆᑦ ᐅᕗᖓ ᐅᖃᓗᒡᓗᓯ 1-855-522-5201 ᐅᕝᕙᓘᓐᓃᑦ ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᓯ ᐅᕗᖓ PublicRelationsFS@gov.nu.ca

ᐸᓖᓯᒃᑯᓐᓄᑦ ᐅᖄᓚᔪᒪᒍᕕᑦ, ᐅᕗᖓ ᐅᖄᓚᓗᑎᑦ 867-897-1111.

ᐃᓄᓕᕆᔨᒃᑯᑦ ᓄᓇᓕᖕᓂᓗ ᐸᓖᓯᒃᑯᑦ ᖃᐅᔨᒋᐊᕐᕕᖃᕐᓂᕐᒧᑦ ᑐᓴᖅᑕᐅᔪᒃᓴᐃᑦ ᑕᒪᐃᓐᓄᑦ ᐊᑐᓂᑦ ᓄᓇᓕᖕᓄᑦ ᓇᓂᔭᐅᔪᓐᓴᖅᐳᑦ ᐅᕙᓂ, ᐃᓚᒌᓂᒃ ᖃᓄᐃᙱᑦᑎᐊᖅᑎᑦᑎᓂᕐᒧᑦ ᐱᓕᕆᕝᕕᖕᒥ ᐃᑭᐊᖅᑭᕕᑦᑎᓐᓂ ᐅᕙᓂ,  https://www.gov.nu.ca/family-services/information/child-protection.

ᑭᙵᕐᓂ ᐃᑲᔫᓯᐊᖅᑐᓕᕆᔨᒃᑯᖏᑦᑕ ᐊᕕᒃᑐᖅᓯᒪᔪᓄᑦ ᖃᐅᔨᒋᐊᕐᕕᒃᓴᐃᑦ ᑎᑎᕋᖅᓯᒪᔪᑦ

ᑭᙵᕐᓂ ᐃᑲᔫᓯᐊᖅᑐᓕᕆᔨᑦ: 867-897-3662.

ᕿᑭᖅᑖᓗᖕᒥ ᐊᕕᒃᑐᖅᓯᒪᔪᓂᒃ ᐊᓪᓚᕝᕕᖓ: 1-855-975-6580 ᐊᑭᖃᙱᑦᑐᖅ.

ᑭᙵᕐᓂ ᐃᖅᑲᓇᐃᔮᕆᔭᐅᔪᒪᔪᓕᕆᔨᓄᑦ ᑐᑭᓯᒋᐊᕐᕕᒃᓴᖅ

ᕿᑭᖅᑖᓗᒃ – 1-855-975-6580.

ᐃᓐᓇᕐᓄᑦ ᐃᓕᓐᓂᐊᖅᑐᓄᑦ ᐱᔭᕆᐅᖅᓴᔪᓄᑦ ᐃᑲᔫᓯᐊᑦ ᐃᓕᓐᓂᐊᖅᑏᑦ ᒫᓐᓇ ᐃᓚᐅᔪᑦ ᑲᔪᓰᓐᓇᕐᓂᐊᖅᐳᖅ ᑐᓂᔭᐅᕙᒡᓗᑎᒃ ᐊᔪᕈᓐᓃᖅᓴᖅᑐᓄᑦ ᐱᔭᐅᕙᒃᑐᓂᒃ ᐊᕐᕌᒍᒧᑦ ᑮᓇᐅᔭᓄᑦ ᐃᓱᐊᓄᑦ ᑎᑭᓪᓗᒍ.

 

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐊᐃᑉᐹᓂ, ᐊᐃᕐᕆᓕ 20, 2021−ᒥ, ᐅᑯᐊ ᐊᑐᖅᑕᐅᕙᓪᓕᐊᓂᐊᖅᑐᑦ ᐊᓯᔾᔨᖅᑕᐅᓂᐊᖅᑐᑦ:

  • ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᑭᙵᕐᓂ ᐊᑐᓕᕐᓂᐊᕐᐳᑦ 4−ᒥᑦ. 
  • ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᕿᑭᖅᑕᓂ ᐊᑐᓕᕐᓂᐊᖅᐳᑦ 3-ᒥᑦ, ᓴᓂᑭᓗᐊᖅ ᐊᒻᒪ ᐃᖃᓗᐃᑦ ᐱᙱᖦᖢᒍ.

ᐃᓕᓐᓂᐊᕐᕖᑦ ᓄᓇᓕᖕᓂ ᐊᕕᒃᑐᖅᓯᒪᔪᓂᓪᓘᓐᓃᑦ ᖁᓛᓂ ᑎᑎᕋᖅᓯᒪᔪᑦ ᐊᑐᓕᕐᓂᐊᖅᐳᑦ ᖃᓄᐃᓕᐅᖅᑎᑦᑎᓂᕐᒧᑦ ᐸᕐᓇᐅᑎᖓᓂᒃ ᐊᑐᖅᑕᒥᓄᑦ.

ᐱᔾᔪᑎᒋᓪᓗᒍ ᑕᒪᓐᓇ ᑐᓴᒐᒃᓴᐅᓯᑳᓪᓚᒃᑐᖅ, ᑕᒪᕐᒥᒃ ᐃᓕᓐᓂᐊᕐᕖᑦ ᐊᓯᔾᔨᕈᓐᓇᖅᑎᑕᐅᓂᐊᖅᐳᑦ ᐱᔭᕆᐊᓕᖕᒥᓂᒃ ᐋᖅᑭᒃᓱᐃᓂᐊᕐᓗᓂ ᐊᓯᔾᔨᖅᐸᓪᓕᐊᔪᒥᒃ ᑭᙵᕐᒥᐅᑦ ᐱᙱᖦᖢᒋᑦ, ᑖᒃᑯᐊ ᒪᑐᓯᒪᓯᑲᐅᑎᒋᓂᐊᖅᖢᑎᒃ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐊᐃᑉᐹᓂ, ᐊᐃᕐᕆᓕ 20, 2021−ᒥ ᐱᒋᐊᕐᓗᓂ ᑭᙵᕐᓂ ᐸᐃᕆᕕᑦ ᒪᑐᓯᒪᐃᓐᓇᕐᓂᐊᕐᑐᑦ ᑭᓯᐊᓂ ᑐᓴᖅᑎᑦᑎᒃᑲᓐᓂᕐᐸᑕ.

ᐱᔨᑦᑎᕋᖅᑕᐅᖏᓐᓇᖅᑐᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐊᐃᑉᐹᓂ, ᐊᐃᕐᕆᓕ 20, 2021-ᒥ ᐱᒋᐊᕐᓗᓂ, ᐅᑯᐊ ᑲᔪᓯᓂᐊᖅᑐᑦ ᐊᑐᖅᑕᐅᓕᕐᓗᑎᒃ:

  • ᐃᓕᓐᓂᐊᕐᕖᑦ ᐃᖃᓗᖕᓂ ᓱᓕ ᐊᑐᕐᓂᐊᖅᐳᑦ 4−ᒥ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.
  • ᐃᓕᓐᓂᐊᕐᕖᑦ ᓴᓂᑭᓗᐊᕐᒥ ᓱᓕ ᐊᑐᕐᓂᐊᖅᐳᑦ 1−ᒥ.
  • ᐃᓕᓐᓂᐊᕐᕕᑦ ᑲᖏᖅᖠᓂᕐᒥᑦ ᐊᕐᕕᐊᓂᓗ ᓱᓕ ᐊᑐᕐᓂᐊᖅᐳᑦ 2−ᒥᑦ ᐅᖃᐅᓯᐅᒃᑲᓐᓂᓚᐅᙱᓐᓂᖏᓐᓂ.
  • ᐃᓕᓐᓂᐊᕐᕖᑦ ᐊᓯᖏᓐᓂᒃ ᑭᕙᓪᓕᕐᒥ ᓱᓕ ᐊᑐᕐᓂᐊᖅᐳᑦ 1-ᒥᑦ.
  • ᐃᓕᓐᓂᐊᕐᕖᑦ ᐊᓯᖏᓐᓂᒃ ᑭᕙᓪᓕᕐᒥ ᓱᓕ ᐊᑐᕐᓂᐊᖅᐳᑦ 1-ᒥᑦ.

ᐊᑐᕐᐸᑕ, ᐃᓕᓐᓂᐊᕐᕕᑦ ᐊᑐᓕᕐᑎᑦᑎᓂᐊᕐᑐᑦ ᓈᒻᒪᒃᑐᒥᒃ ᖃᓄᐃᓕᐅᕐᓂᕐᒧᑦ ᐸᖕᓇᐅᑎᒥᑦ ᐊᑐᖅᑕᒥᓄᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐊᐃᑉᐹᓂ, ᐊᐃᕐᕆᓕ 20, 2021-ᒥ ᐱᒋᐊᕐᓗᓂ, ᐸᐃᕆᕝᕕᓕᒫᑦ ᐅᒃᑯᐃᖓᐃᓐᓇᕈᓐᓇᖅᐳᑦ, ᑭᙵᐃᑦ ᐊᒻᒪ ᐃᖃᓗᐃᑦ ᐱᙱᖦᖢᒋᑦ.

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS)

ᐃᓕᓐᓂᐊᕐᑎᑦ ᐃᓂᒃᓴᓕᐅᕐᑐᖅ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᒪᓕᒋᐊᖃᕐᓂᐊᕐᑐᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒃᑕᐅᔭᕆᐊᓕᖕᓂᑦ ᐊᑐᕐᑕᐅᔭᕆᐊᓕᖕᓂᓪᓗ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ.

ᐃᓕᓐᓂᐊᕐᑎᑦ ᐊᐱᖅᑯᑎᒃᓴᖃᕈᑎᒃ ᖃᓄᖅ ᐊᐅᓪᓚᕐᓂᕆᓇᔭᕐᑕᖏᑦ ᐊᒃᑐᕐᑕᐅᓇᔭᖕᒪᖔᖏᑦ, ᖃᐅᔨᒋᐊᕈᓐᓇᖅᑐᑦ ᐃᓕᓐᓂᐊᕐᑎᓄᑦ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᑎᑎᕋᕐᕕᐊᓄᑦ ᑐᑭᓯᒋᐊᒃᑲᓐᓂᕐᓂᐊᕐᓗᑎᒃ ᐅᕙᓂ fanstravel@gov.nu.ca.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᐅᑎᑦ:

ᐊᐃᑉᐹᓂ, ᐊᐃᕐᕆᓕ 20, 2021-ᒥ ᐱᒋᐊᕐᓗᓂ, ᐃᓕᓐᓂᐊᕐᕖᑦ ᕿᑭᖅᑖᓗᖕᒥ ᐊᑐᓕᕐᓂᐊᖅᐳᑦ
3−ᒥᑦ, ᓴᓂᑭᓗᐊᖅ, ᑭᙵᐃᑦ ᐊᒻᒪ ᐃᖃᓗᐃᑦ ᐱᙱᖦᖢᒋᑦ.

ᐊᑐᕐᓂᐊᖅᑐᑦ 3-ᒥᑦ, ᐃᓕᓴᖅᑕᐅᔪᑦ ᑕᒪᐃᓐᓂᒃ ᐊᔪᙱᓐᓂᓕᖕᓂᑦ ᐃᓕᓐᓂᐊᕐᕕᖕᒥ ᐃᓕᓴᖅᑕᐅᖃᑦᑕᕐᓂᐊᖅᐳᑦ ᐊᒻᒪ ᖃᕆᓴᐅᔭᒃᑯᑦ. ᓄᑲᖅᖡᑦ ᐃᓕᓐᓂᐊᕐᕕᖓᓂ ᐃᓕᓐᓂᐊᖅᑐᑦ ᐱᓇᓱᐊᕈᓯᕐᒥ ᐱᖓᓱᐃᖅᓱᕐᓗᑎᒃ ᐃᓕᓐᓂᐊᕆᐊᖃᑦᑕᕐᓂᐊᖅᐳᑦ. ᐊᑯᓪᓕᖅᐹᒥ ᖁᑦᑎᖕᓂᖅᓴᒥᓪᓗ ᐃᓕᓐᓂᐊᖅᑎᑦ ᐃᓕᓐᓂᐊᕆᐊᖃᑦᑕᕐᓂᐊᖅᐳᑦ ᐅᓪᓗᑦ ᒪᕐᕉᒃ ᐱᓇᓱᐊᕈᓯᕐᒥ ᓂᑭᑦᑖᕐᓗᑎᒃ ᐋᖅᑭᒃᓱᖅᓯᒪᕙᒡᓗᑎᒃ ᑲᑎᙵᑎᑕᐅᓗᐊᖅᑕᐃᓕᒪᓗᑎᒃ. ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᓕᒫᑦ ᐃᓕᓐᓂᐊᕐᕕᓕᐊᖃᑦᑕᕐᓂᐊᖅᐳᑦ, ᒪᓕᒋᐊᖃᕐᓗᑎᒡᓗ ᖃᓂᒌᓗᐊᖅᑕᐃᓕᒪᔭᕆᐊᖃᓪᓚᕆᒡᓗᑎᒃ ᐊᓯᖏᓐᓂᒡᓗ ᖃᓄᐃᙱᑦᑕᐃᓕᒪᔾᔪᑎᓂᒃ ᐊᑦᑕᕐᓇᖅᑕᐃᓕᒪᔾᔪᑎᓂᒡᓗ.  ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᑎᓕᒫᓂᒃ ᑐᓴᐅᒪᑎᑦᑎᖃᑦᑕᕐᓂᐊᖅᐳᑦ ᓈᒻᒪᒃᓯᔭᕌᖓᑦ. 

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᐅᓚᐅᑲᒃᑐᖅ ᐱᔨᑦᑎᕋᐅᑏᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐊᐃᑉᐹᓂ, ᐊᐃᕐᕆᓕ 20, 2021-ᒥ ᐱᒋᐊᕐᓗᓂ, ᑭᙵᕐᓂ ᐃᖃᓗᖕᓂᓗ ᐃᓕᓐᓂᐊᕐᕕᑦ ᒪᑐᓯᒪᐃᓐᓇᕐᓂᐊᖅᑐᑦ ᑭᓯᐊᓂ ᐅᖃᐅᓯᐅᒃᑲᓐᓂᖅᐸᑦ.

ᐊᑐᕆᐊᓕᖓ 4-ᒦᑦᑐᑦ ᖃᕆᓴᐅᔭᒃᑯᑦ ᑕᒪᕐᒥᑦᑎᐊᖅ ᐃᓕᓴᖅᑕᐅᑲᑕᖕᓂᐊᖅᐳᑦ. ᐃᓕᓐᓂᐊᕐᕕᓕᒫᑦ ᐃᓕᓐᓂᐊᖅᑎᓄᑦ, ᐃᖅᑲᓇᐃᔭᖅᑎᓄᑦ, ᑭᒃᑯᑐᐃᓐᓇᓄᓪᓗ ᒪᑐᓯᒪᕗᑦ. ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᑎᓕᒫᓂᒃ ᑐᓴᐅᒪᑎᑦᑎᖃᑦᑕᕐᓂᐊᖅᐳᑦ ᓈᒻᒪᒃᓯᔭᕌᖓᑦ. 

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐊᐃᑉᐹᓂ, ᐊᐃᕐᕆᓕ 20, 2021−ᒥ ᐱᒋᐊᕐᓗᓂ ᑭᙵᕐᓂ ᐃᖃᓗᖕᓂᓗ ᐸᐃᕆᕕᑦ ᒪᑐᓯᒪᐃᓐᓇᕐᓂᐊᕐᑐᑦ ᑭᓯᐊᓂ ᑐᓴᖅᑎᑦᑎᒃᑲᓐᓂᕐᐸᑕ.

 

 

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕝᕕᖓᑕ ᐱᔨᑦᑎᕈᑎᖏᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᒥᑦᑕᕐᕕᖕᒥ ᐊᐅᓚᔾᔪᑎᓄᑦ ᐋᖅᑭᐅᒪᔾᔪᑎᓄᓪᓗ

ᑭᙵᕐᓂ ᒥᑦᑕᕐᕕᒃ:

  • ᒥᑦᑕᕐᕕᖕᒥ ᐃᖏᕐᕋᐃᓐᓇᕆᐊᖃᓪᓚᕆᒃᑐᑦ ᓱᓕ ᐃᖏᕐᕋᓂᐊᖅᑐᑦ ᐅᓯᑲᖅᑕᖅᑏᑦ ᑐᐊᕕᕐᓇᖅᑐᓄᓪᓗ ᖃᖓᑕᓲᑦ.
  • ᒥᑦᑕᕐᕕᐅᑉ ᐅᑕᖅᑭᕕᖓᓂᒃ ᐃᖅᑲᓇᐃᔭᕆᐊᖃᓪᓚᕆᒃᑐᑦ, ᐊᐅᓪᓚᕆᐊᖅᑐᖅᑐᑦ, ᐊᒻᒪ ᐃᓄᐃᑦ ᐊᐅᓪᓚᕆᐊᖅᑐᖅᑐᓂᒃ ᐃᑲᔪᕆᐊᖃᖅᑐᑦ ᐊᑐᕈᓐᓇᖅᑐᑦ.
  • ᒥᑦᑕᕐᕕᐅᑉ ᐃᓗᐊᓃᑦᑐᑦ ᒪᑐᐊᖅᓯᒪᔭᕆᐊᖃᓪᓚᕆᒃᑐᑦ.
  • ᐊᐅᓪᓚᕐᓂᐊᖅᑐᑦ ᐃᖅᑲᓇᐃᔭᖅᑎᓪᓗ ᒪᓕᒋᐊᖃᖅᐳᑦ ᐋᓐᓂᐊᕐᓇᙱᑦᑐᓕᕆᔨᑦ ᒪᓕᒐᖏᓐᓂᒃ.

ᐃᖃᓗᖕᓂ ᒥᑦᑕᕐᕕᐊᓂ:

  • ᒥᑦᑕᕐᕕᖕᒥ ᐊᐅᓚᓂᕆᔭᐅᕙᒃᑐᑦ ᑲᒪᒋᔭᐅᕙᖕᓂᖏᓪᓗ ᑲᔪᓰᓐᓇᕐᓂᐊᖅᐳᑦ.
  • ᐃᖃᓗᖕᓂ ᐊᐅᓪᓚᕐᓂᐊᖅᑐᑦ ᒫᓐᓇᐅᔪᖅ ᐅᓪᓗᓄᑦ 14-ᓄᑦ ᐃᓄᑑᔭᕆᐊᖃᖅᑎᑕᐅᕗᑦ ᐊᖏᕐᕋᓵᖅᑎᓪᓗᒋᑦ.
  • ᒥᑦᑕᕐᕕᐅᑉ ᐅᑕᖅᑭᕕᖓᓂᒃ ᐃᓚᐃᓐᓇᖏᓐᓄᑦ ᐊᑐᖅᑕᐅᔭᕆᐊᖃᓕᖅᐳᖅ, ᖃᖓᑕᓂᐊᖅᑐᓄᑦ, ᐃᓄᖕᓄᓪᓗ ᐃᑲᔪᖅᑐᓄᑦ ᖃᖓᑕᕙᒃᑐᓂᒃ.
  • ᐃᖃᓗᒃᑎᒎᕐᓗᑎᒃ ᐊᐅᓪᓚᕐᓂᐊᖅᑐᑦ ᒥᑦᑕᕐᕕᖕᒦᖏᓐᓇᕆᐊᖃᓪᓚᕆᒃᐳᑦ.
  • ᒥᑦᑕᕐᕕᐅᑉ ᐃᓗᐊᓃᑦᑐᑦ ᒪᑐᐊᖅᓯᒪᔭᕆᐊᖃᓪᓚᕆᒃᑐᑦ.  
  • ᐊᐅᓪᓚᕐᓂᐊᖅᑐᑦ ᐃᖅᑲᓇᐃᔭᖅᑎᓪᓗ ᒪᓕᒋᐊᖃᖅᐳᑦ ᐋᓐᓂᐊᕐᓇᙱᑦᑐᓕᕆᔨᑦ ᒪᓕᒐᖏᓐᓂᒃ.

ᐱᕙᓪᓕᐊᔪᓕᕆᔨᒃᑯᓐᓂ ᐱᓕᕆᐊᖑᔪᑦ

ᓄᓇᓕᖕᓂ ᐱᕙᓪᓕᐊᔪᓕᕆᔨᒃᑯᑦ ᑎᑎᕋᕐᕕᖏᑦ ᐸᓐᓂᖅᑑᒥ ᓱᓕ ᐃᑲᔪᖅᑐᐃᖃᑦᑕᕐᓂᐊᖅᐳᑦ ᐱᔨᑦᑎᕋᖅᐸᒡᓗᑎᒡᓗ ᐃᖃᓗᐃᑦ ᓇᖕᒥᓂᖁᑎᖏᓐᓂᒃ ᐊᒻᒪ ᐃᖃᓗᖕᒥᐅᓂᒃ. ᐅᕗᖓ ᖃᐅᔨᒋᐊᕈᓐᓇᖅᑕᓯ:

ᑎᑎᖅᑲᒃᑯᕕᐊ 612, ᐸᓐᓂᖅᑑᖅ, ᓄᓇᕗᑦ  X0A 0R0
ᐊᑭᖃᖏᑦᑐᒃᑯᑦ ᐅᖃᓘᑎᒃᑯᑦ: 1-844-737-8628
ᐅᖄᓚᐅᑦ: (867) 473-2661
ᓱᑲᔪᒃᑯᑦ: (867) 473-2663
ᐃᙲᓐᓈᖅᑕᐅᒃᑯᑦ: edt@gov.nu.ca

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᐅᑎᑦ:

ᐃᖏᕐᕋᔪᓕᕆᔨᒃᑯᑦ

ᐃᖏᕐᕋᔪᓕᕆᔨᒃᑯᑦ ᐱᔨᑦᑎᕋᖅᑎᖏᑦ ᐃᖃᓗᖕᓂ ᑭᙵᕐᓂᓗ ᒪᑐᓯᒪᔪᑦ.

ᖃᕆᓴᐅᔭᒃᑯᑦ ᐊᑐᐃᓐᓇᐅᔪᐃᑦ ᐃᕐᙲᓐᓈᖅᑕᐅᒃᑰᕈᑖ MotorVehicles@gov.nu.ca ᐅᖄᓚᕝᕕᐅᓗᑎᒡᓘᓐᓃᑦ 1-888-975-5999−ᒧᑦ.

ᓄᓇᕗᒻᒥᐅᑦ ᐅᕗᖓ ᑕᑯᒋᐊᕈᓐᓇᕐᒥᔪᑦ gov.nu.ca/motorvehicles ᐱᔪᒪᒍᑎᒃ:

  • ᐊᖁᑦᑐᓐᓇᐅᑎᓄᑦ ᓄᑖᙳᕆᐊᖅᑎᑦᑎᓂᖅ
  • ᓄᓇᕗᒻᒥᑦ ᓇᓗᓇᐃᒃᑯᑕᕐᓄᑦ ᓄᑖᙳᕆᐊᖅᑎᑦᑎᓂᖅ
  • ᓄᓇᒃᑰᕈᑎᓄᑦ ᐊᑎᓕᐅᕐᕕᖕᒧᑦ ᓄᑖᙳᕆᐊᖅᑎᑦᑎᓂᖅ
  • ᑐᒃᓯᕋᐅᑏᑦ ᐊᖁᑦᑐᓐᓇᐅᑎᓂᑦ, ᓄᓇᑰᕈᑎᓯᐅᕐᓂᖅ, ᐊᒻᒪᓗ ᐱᕐᕈᓗᐊᕿᔪᓂ ᐅᓂᑳᕐᓂᖅ

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᐅᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᐃᖃᓗᖕᓂ ᐳᓛᕆᐊᕐᕕᒃ ᒪᑐᓯᒪᓕᖅᑐᖅ.
  • ᐃᖃᓗᓕᕆᔨᑦ ᓇᑦᑎᓕᕆᔨᓪᓗ ᑎᑎᕋᕐᕕᖓ ᕿᓯᖕᓂᒃ ᒫᓐᓇᐅᔪᖅ  ᓂᐅᕐᕈᑎᖃᕐᕕᐅᔪᓐᓇᙱᑦᑐᑦ. 
  • ᑐᐊᕕᕐᓇᙱᑦᑐᑦ ᐃᖏᕐᕋᔪᓕᕆᔨᒃᑯᓐᓄᑦ ᐱᔨᑦᑎᕋᖅᑕᐅᔪᒪᔪᑦ ᐅᑯᐊᓗᐊᖁᑦᑐᓐᓇᐅᑎᒧᑦ ᖃᐅᔨᓴᖅᑕᐅᔪᒪᔪᑦ ᓄᖅᑲᖅᑎᑕᐅᓯᒪᔪᑦ.
  • ᑲᑎᒪᖃᑦᑕᖅᑐᑦ ᐅᐸᒍᑎᓪᓗᑎᒡᓘᓐᓃᑦ ᐃᓕᓐᓂᐊᖃᑦᑕᖅᑐᑦ ᐱᓕᕆᕝᕕᖕᒥ ᐊᐅᓚᑕᐅᓪᓗᑎᒃ ᓄᖅᑲᖅᑎᑕᐅᔪᑦ.

 

 

ᐊᕙᑎᓕᕆᔨᒃᑯᑦ ᐱᔨᑦᑎᕋᖅᑎᖏᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᐊᕙᑎᓕᕆᔨᒃᑯᑦ ᓱᓕ ᐱᔨᑦᑎᕋᐃᓐᓇᕐᓂᐊᖅᐳᑦ ᓄᓇᕘᓕᒫᒥ ᐊᑐᖅᐸᒃᑕᒥᓂᒃ, ᒪᓕᒃᖢᑎᒃ ᐋᓐᓂᐊᖃᕐᓇᙱᑦᑐᓕᕆᔨᑦ ᐊᑐᖁᔭᖏᓐᓂᒃ.

 ᐱᓕᕆᕝᕕᖕᒥ ᓱᓕ ᑭᐅᖃᑦᑕᕐᓂᐊᖅᐳᑦ ᐊᑲᐅᙱᓕᐅᕈᑎᖃᖅᑐᖃᖅᐸᑦ ᓂᕐᔪᑎᓂᒃ ᑯᕕᔪᓄᓪᓗ.

  • ᓂᕐᔪᑎᓄᑦ ᑭᐅᓯᔪᒪᓂᕐᒧᑦ ᑭᙵᕐᓂ, ᐅᕗᖓ ᐅᖄᓚᔪᖃᕐᓗᓂ, 867-897-0123 (ᐸᓖᓯᒃᑯᓐᓄᑦ) ᖃᖓᓕᒫᑦᑎᐊᖅ.
  • ᓂᕐᔪᑎᓄᑦ ᖃᓄᐃᓕᐅᖁᔨᔪᑦ ᑭᙵᕐᓂ, ᐅᕗᖓ ᐅᖄᓚᓗᑎᒃ, 867-222-0167 ᖃᖓᓕᒫᑦᑎᐊᖅ.
  • ᑕᒪᕐᒥᑦᑎᐊᖅ ᑯᕕᔪᑦ ᐅᖃᐅᓯᐅᔭᕆᐊᖃᖅᐳᑦ ᓄᓇᕗᒻᒥ ᑯᕕᔪᓄ ᐅᖄᓚᕝᕕᐅᕙᒃᑐᒧᑦ ᐅᕗᖓ, 867-920-8130, 24−ᓄᑦ ᐃᑲᕐᕋᓄᑦ ᐅᓪᓗᒥ: https://www.gov.nu.ca/environment/documents/spill-response

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᐆᒪᔪᕐᓂᐊᖅᑏᑦ ᐊᒡᓚᕝᕕᖏᑦ ᑭᙵᕐᓂ, ᐆᒪᔪᕐᓂᐊᖅᑎᒃᑯᓪᓗ ᑎᑎᕋᕐᕕᖓ ᒥᕐᙳᐃᖅᓯᕐᕕᓪᓗ ᑎᑎᕋᕕᖏᑦ ᐃᖃᓗᖕᓂ ᒪᑐᓯᒪᔪᑦ ᑭᒃᑯᑐᐃᓐᓇᓄᑦ  ᑭᓯᐊᓂ ᐅᖃᐅᓯᐅᒃᑲᓐᓂᖅᐸᑦ.

 

 

ᐃᖅᑲᓇᐃᔭᖅᑐᓕᕆᔨᒃᑯᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᒫᓐᓇᐅᔪᒃᑯᑦ, ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᑕᒪᐃᓐᓂ ᓄᓇᓕᖕᓂ ᐃᖃᓗᖕᓂ ᑭᙵᕐᓂᓪᓗ ᐱᙱᖦᖢᒋᑦ ᐃᖅᑲᓇᐃᔭᕆᐊᖃᖅᐳᑦ ᐃᖅᑲᓇᐃᔭᕐᕕᒋᕙᒃᑕᒥᒍᑦ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᐅᑎᑦ:

ᐱᔭᕆᐊᖃᓪᓚᕆᙱᑦᑐᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐃᖃᓗᖕᓂ ᑭᙵᕐᓂᓗ ᐊᖏᕐᕋᒥᓂ ᐃᖅᑲᓇᐃᔭᕆᐊᖃᖅᐳᑦ. ᑲᒪᔨᒋᔭᐃᑦ ᐱᔭᕆᐊᓕᓐᓂᑦ ᐱᓕᕆᔾᔪᑎᒋᓂᐊᖅᑕᓐᓂᒃ ᐊᒻᒪ ᐱᔅᓴᕆᓂᐊᖅᑕᓐᓂᑦ ᐊᖏᕐᕋᓐᓂᑦ ᐃᖅᑲᓇᐃᔭᕐᓂᐊᖅᑎᓪᓗᑎᑦ ᐱᓕᕆᖃᑎᖃᕐᓂᐊᖅᐳᖅ. ᐊᖏᕐᕋᒥᓂ ᐃᖅᑲᓇᐃᔭᕐᓂᐊᖅᑐᓄᑦ ᐊᑐᖁᔭᐅᔪᑦ ᐃᑲᔫᑎᒃᓴᐃᓪᓗ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓᓂ ᓇᓂᔭᐅᔪᓐᓇᖅᐳᑦ ᐅᕙᓂ: http://intranet/covid19/ ᐃᕐᖐᓐᓈᖅᑕᐅᒃᑯᓪᓗ ᓇᒃᓯᐅᔾᔭᐅᓂᐊᖅᖢᑎᒃ.

ᐃᖅᑲᓇᐃᔭᕐᕕᖕᓂ ᐃᕐᖐᓐᓈᖅᑕᐅᒃᑯᑦ ᑎᑎᖅᑲᐅᓯᐊᕆᕙᒃᑕᑎᑦ ᐱᔪᓐᓇᖅᑕᑎᑦ Microsoft Office 365-ᒧᐊᕐᓗᑎᑦ ᖃᕆᓴᐅᔭᕐᓂ ᐅᕙᓂ https://www.office.com/ ᐅᕝᕙᓘᓐᓃᑦ Microsoft Outlook ᐅᖃᓘᑎᕋᓛᕐᓄᐊᕐᓗᒍ.

ᑕᒪᕐᒥᒃ ᐃᖅᑲᓇᐃᔭᕆᐊᖃᓪᓚᕆᒃᑐᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐃᖃᓗᖕᓂ ᑭᙵᕐᓂᓗ ᐊᖏᕐᕋᒥᓂ ᐃᖅᑲᓇᐃᔭᕈᒪᔪᑦ ᖃᓄᐃᓕᖓᔪᓐᓇᕐᒪᖔᑕ ᐋᖅᑭᖃᑎᖃᕈᓐᓇᖅᑐᑦ ᐅᖃᖃᑎᒋᓗᒍ ᑲᒪᔨᒋᔭᑎᒃ.  ᑕᐃᒪᐃᙱᑉᐸᑦ, ᐃᖅᑲᓇᐃᔭᕐᕕᖕᒥᓂ ᐱᓕᕆᖃᑦᑕᕐᓂᐊᖅᐳᑦ ᒪᓕᓪᓗᑎᓪᓗ ᐋᓐᓂᐊᖅᑕᐃᓕᒪᓂᕐᒧᑦ, ᐊᑦᑕᕐᓇᖅᑕᐃᓕᒪᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ ᖃᐅᔨᓴᕈᑎᓂᒃ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓄᑦ ᐊᒻᒪ ᐃᖅᑲᓇᐃᔭᕐᕕᖕᒧᑦ ᐅᑎᕐᓂᐊᖅᑐᓄᑦ ᖃᐅᔨᓴᕈᑎᒥᒃ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ, ᐅᖃᓕᒫᕐᓗᒍ ᓄᕙᒡᔪᐊᕐᓇᖅ-19−ᒧᑦ ᐊᐱᖅᑯᑏᑦ ᑭᒡᒍᓰᓪᓗ ᐊᒻᒪ ᒪᓕᓪᓗᒋᑦ ᓴᖅᑭᑎᑕᐅᓯᒪᔪᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᓇᓗᓇᐃᒃᑯᑕᑦ ᓄᕙᒡᔪᐊᕐᓇᖅ-19−ᒥ ᐊᐃᑦᑐᕐᓗᐃᑦᑕᐃᓕᒪᖁᓪᓗᒋᑦ. ᖃᐅᔨᓴᕈᑎᑦ, ᐊᐱᖅᑯᑎᑦ ᑭᐅᔾᔪᑎᓪᓗ ᐊᒻᒪ ᐊᑭᓐᓇᕐᒥᐅᑕᐃᑦ ᓇᓂᔪᓐᓇᖅᑕᑎᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑰᕈᑖᓂ: http/intranet/covid19/.

ᖃᐅᔨᒋᐊᕐᓗᑎᑦ ᐅᕗᖓHRcommunications@gov.nu.ca ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑰᕈᑖᓂ ᐱᖃᙱᒃᑯᕕᑦ ᐊᒻᒪ ᓇᓕᐊᖕᓂᑐᐃᓐᓇᖅ ᐃᑲᔫᑎᒃᓴᑦ ᐊᔾᔨᖓᓂ ᓴᖅᑭᔮᖅᑎᑕᐅᔪᓂᑦ ᐱᔭᕆᐊᖃᕐᓗᑎᑦ.

ᖃᐅᔨᒪᑦᑎᐊᙱᒃᑯᕕᑦ ᐃᖅᑲᓇᐃᔭᕆᐊᖃᓪᓚᕆᖕᒪᖔᖅᐱᑦ ᐋᒃᑲᓘᓐᓃᑦ, ᐊᖓᔪᖅᑳᔅᓯᓐᓄᑦ ᐃᖅᑲᓇᐃᔭᖅᑐᓕᕆᔨᒃᑯᓪᓘᓐᓃᑦ ᑲᒪᔨᖓᓄᑦ ᖃᐅᔨᒋᐊᕐᓗᑎᑦ. ᑖᓐᓇ ᐸᕐᓇᒃᑕᐅᓯᒪᔪᖅ ᐊᓯᔾᔨᖅᑕᐅᑐᐃᓐᓇᕆᐊᓕᒃ. ᐊᖓᔪᖅᑳᔅᓯᓐᓂ ᐃᖅᑲᓇᐃᔭᖅᑐᓕᕆᔨᒃᑯᓪᓘᓐᓃᑦ ᑲᒪᔨᖓᓄᑦ ᖃᐅᔨᒋᐊᖃᑦᑕᕆᑦ ᐊᓯᔾᔨᖅᑕᐅᔪᖃᕐᒪᖔᑦ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᐅᓚᐅᑲᒃᑐᖅ ᐱᔨᑦᑎᕋᐅᑏᑦ:

ᓄᓇᕗᑦ ᒐᕙᒪᒃᑯᑦ ᑎᑎᕋᕐᕕᓕᒫᖏᑦ ᐱᔭᕆᐊᖃᓪᓚᕆᙱᑦᑐᑦ ᐃᖃᓗᖕᓂ ᑭᙵᕐᓂᓗ ᑭᒃᑯᑐᐃᓐᓇᓄᑦ ᒪᑐᓯᒪᓂᐊᖅᐳᑦ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.

 

 

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᐅᓪᓗᒥ ᐱᒋᐊᕐᓗᓂ, ᓄᓇᕗᑦ ᒐᕙᒪᒃᑯᑦ ᑎᑎᕋᕐᕕᓕᒫᖏᑦ ᑭᙵᕐᓂ ᑮᒃᓯᒪᑲᑕᖕᓂᐊᓕᖅᑐᑦ ᖃᖓᓕᒫᑦᑎᐊᖅ.  ᑭᓇᑐᐃᓐᓇᑦᑎᐊᖅ ᑕᖅᑳᙵᑐᐃᓐᓇᑦᑎᐊᖅ ᐃᓅᖃᑎᖃᕐᓗᓂ ᐅᐸᒃᓯᔭᕆᐊᓕᒃ ᓇᓕᐊᖕᓄᑐᐃᓐᓇᖅ ᓄᓇᕗᑦ ᒐᕙᒪᖓᑕ ᐊᑐᓪᓚᕆᒋᐊᖃᖅᑐᓄᑦ ᐱᔨᑦᑎᕋᖅᑎᒋᔭᐅᔪᓄᑦ ᓄᓇᕗᑦ ᒐᕙᒪᖓᑕ ᑎᑎᕋᕐᕕᐊᓄᑦ ᐃᒡᓗᕐᔪᐊᒦᑦᑐᒧᑦ, ᑕᐃᔅᓱᒧᖓᒻᒪᕆᒃ ᐃᓄᖕᒧᑦ ᖃᐅᔨᒋᐊᕆᐊᖃᖅᐳᖅ ᐋᖅᑭᒃᓯᖃᑎᒋᓗᒍᓗ ᓈᒻᒪᒃᑐᓂᒃ ᐋᖅᑭᐅᒪᓕᕈᑎᓂᒃ.   

 

 

ᓄᓇᕗᒻᒥ ᓯᓚᑦᑐᖅᓴᕐᕕᒃ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᐅᑎᑦ:

ᐊᐃᕐᕆᓕ 20, 2021-ᒥ ᐱᒋᐊᕐᓗᓂ, ᓄᓇᕗᒻᒥ ᓯᓚᑦᑐᖅᓴᕐᕕᒃᑯᑦ ᑭᙵᕐᓂ ᐊᑐᓕᕐᓂᐊᖅᐳᑦ 4-ᒥ/ᐅᔾᔨᖅᓱᕆᐊᖃᓪᓚᕆᒃᑐᑦ, ᐊᒻᒪ ᓄᓇᕗᒻᒥ ᓯᓚᑦᑐᖅᓴᕐᕕᒃ ᐃᖃᓗᖕᓂ ᓱᓕ ᐊᑐᕐᓂᐊᖅᐳᖅ 4-ᒥ/ᐅᔾᔨᖅᓱᕆᐊᖃᓪᓚᕆᒃᑐᑦ:

  • ᓄᓇᕗᒻᒥ ᓯᓚᑦᑐᖅᓴᕐᕕᒃ ᑭᙵᕐᓂ ᐃᖃᓗᖕᓂᓗ ᐊᑐᕈᓐᓇᖅᑐᑐᐊᑦ ᑭᓯᐊᓂ ᐃᖅᑲᓇᐃᔭᕆᐊᖃᓪᓚᕆᒃᑐᑦ ᐊᒻᒪ ᒪᑐᐊᖅᓯᒪᔭᕆᐊᖃᓪᓚᕆᒃᖢᑎᒃ ᓯᓚᑦᑐᖅᓴᕐᕕᖕᒦᑎᓪᓗᒋᑦ.
  • ᐱᓕᕆᐊᒃᓴᐃᑦ ᓅᓐᓂᐊᓕᖅᐳᑦ ᖃᕆᓴᐅᔭᒃᑯᑦ ᐃᓕᓐᓂᐊᖅᑕᐅᓗᑎᒃ, ᐱᔭᕆᐊᓕᖕᓄᑦ. ᐃᓕᓐᓂᐊᖅᑏᑦ ᐃᓕᓴᐃᔨᒥᓄᑦ ᖃᐅᔨᒋᐊᖃᑦᑕᖁᔭᐅᓂᐊᖅᐳᑦ ᓄᑖᓂᒃ ᑐᓴᒐᒃᓴᖅᑕᖃᓕᕐᒪᖔᑦ.
  • ᐃᖃᓗᖕᓂ ᐃᒡᓗᖁᑎᒋᔭᐅᔪᖅ ᒪᑐᐃᖓᐃᓐᓇᕐᓂᐊᖅᑐᑦ ᐃᓕᓐᓂᐊᖅᑎᓄᑦ ᑐᔪᕐᒥᔪᓄᑦ ᐊᒻᒪ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ. ᒫᓐᓇᐅᔪᖅ ᐳᓛᖅᑕᐅᔭᕆᐊᖃᕈᓐᓃᖅᑐᑦ.
  • ᑲᐲᖅᑐᕐᕕᒃ ᐃᓕᓐᓂᐊᖅᑎᑦ ᐃᒡᓗᖁᑎᖓᓃᑦᑐᑦ ᒪᑐᐃᖓᐃᓐᓇᕐᓂᐊᖅᑐᖅ ᐃᓕᓐᓂᐊᖅᑎᓄᑦ ᑭᓯᐊᓂ.
  • ᐃᓕᓐᓂᐊᖅᑏᑦ ᓄᓇᕗᒻᒥ ᓯᓚᑦᑐᖅᓴᕐᕕᐅᑉ ᐃᒡᓗᖁᑎᖓᓃᑦᑐᑦ ᐊᖏᕐᕋᖅᓯᒪᐃᓐᓇᖁᔭᐅᕗᑦ ᐊᐅᓪᓚᙱᖔᕐᓗᑎᒃ ᐊᖏᕐᕋᖏᓐᓄᑦ ᒫᓐᓇᐅᔪᖅ.

ᓄᓇᕗᒻᒥ ᓯᓚᑦᑐᖅᓴᕐᕕᒃᑯᒃ ᐃᒡᓗᖁᑎᖏᑦ ᕿᑭᖅᑖᓗᖕᒥ (ᐃᖃᓗᐃᑦ ᑭᙵᐃᓪᓗ ᓯᓚᑖᓃᑦᑐᑦ) ᐊᑐᓕᕐᓂᐊᖅᐳᑦ 3-ᒥ/Code Orange:

  • ᐅᐸᒍᑎᓯᒪᔪᑦ ᐃᓕᓐᓂᐊᖅᑐᑦ ᐊᐅᓚᑕᐅᓗᑎᒃ ᑲᑎᙵᔪᑦ, ᐅᖓᓯᒌᒋᐊᖃᖅᑐᑦ, ᐊᒻᒪ ᒪᑐᐊᖅᓯᒪᔭᕆᐊᖃᓪᓚᕆᒃᑐᑦ.
  • ᓄᓇᓕᖕᓂ ᐃᓐᓇᐃᑦ ᐃᓕᓐᓂᐊᕐᕕᖏᑦ ᐃᖅᑲᓇᐃᔭᖅᑎᑐᐊᑦ/ᓯᓚᑦᑐᖅᓴᕐᕕᓕᕆᔩᑦ ᐊᒻᒪ ᐃᓕᓐᓂᐊᖅᑎᑐᐊᑦ ᑕᐃᑲᓃᑦᑕᕆᐊᓕᑦ.
  • ᐃᓕᓐᓂᐊᕆᐊᖅᐸᒃᑐᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᐃᓄᑑᔭᕆᐊᖃᖅᑎᑕᐅᓪᓚᕆᒃᑐᑦ ᒪᓕᒡᓗᒍ.

ᓄᓇᕗᒻᒥ ᓯᓚᑦᑐᖅᓴᕐᕕᒃᑯᑦ ᑲᖏᖅᖠᓂᕐᒥ ᓱᓕ ᐊᑐᕐᓂᐊᖅᐳᑦ 2-ᒥᑦ/Code yellow ᒪᑐᐊᖅᓯᒪᔭᕆᐊᖃᓪᓚᕆᒃᖢᑎᒃ.

  • ᐅᐸᒍᑎᓯᒪᔪᑦ ᐃᓕᓐᓂᐊᖅᑐᑦ ᐊᐅᓚᑕᐅᓗᑎᒃ ᑲᑎᙵᔪᑦ, ᐅᖓᓯᒌᒋᐊᖃᖅᑐᑦ, ᐊᒻᒪ ᒪᑐᐊᖅᓯᒪᔭᕆᐊᖃᓪᓚᕆᒃᑐᑦ.
  • ᐃᓕᓐᓂᐊᕆᐊᖅᐸᒃᑐᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᐃᓄᑑᔭᕆᐊᖃᖅᑎᑕᐅᓪᓚᕆᒃᑐᑦ ᒪᓕᒡᓗᒍ.
  • ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐊᑐᕈᓐᓇᖅᑐᑐᐊᑦ ᐃᖅᑲᓇᐃᔭᖅᑎᖏᑦ, ᓯᓚᑦᑐᖅᓴᕐᕕᓕᕆᔩᑦ, ᐊᒻᒪ ᐃᓕᓐᓂᐊᖅᑎᑦ. ᐳᓛᕆᐊᕈᒪᔪᑦ ᐃᓂᒃᓴᓕᐅᕆᐊᖃᖅᐳᑦ ᓯᓚᑦᑐᖅᓴᕐᕕᖕᒧᐊᕈᒪᔪᑦ. 

 

 

ᓄᓇᕗᒻᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.