ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᐊᐃᕐᕆᓕ 23, 2021

ᐄᐳᕈ 23, 2021

ᓯᕗᓕᖅᑎᒥᑦ ᑐᓴᒐᒃᓴᑦ:

ᐅᓪᓗᒥ, 9-ᓂᒃ ᓄᑖᓂ ᓇᓗᓇᐃᖅᓯᖅᑲᐅᕗᒍᑦ ᓄᕙᒡᔪᐊᕐᓇᖅ-19−ᑖᖅᑐᓂᒃ 8-ᓗ ᖃᓄᐃᑦᑐᓐᓃᖅᖢᑎᒃ ᓄᓇᕗᒻᒥ. ᒫᓐᓇ 37−ᖑᓕᖅᑐᑦ ᓄᕙᒡᔪᐊᖅᑐᑦ ᓄᓇᕗᒻᒥ- 33 ᐃᖃᓗᖕᓃᖦᖢᑎᒃ ᑎᓴᒪᓪᓗ ᑭᙵᕐᓂ.

ᒫᓐᓇᒧᑦ ᑎᑭᖦᖢᒍ, 14,915 ᓄᓇᕗᒻᐅᑦ ᓯᕗᓪᓕᕐᒥ ᑲᐱᔭᐅᓯᒪᓕᖅᑐᑦ ᒪᑑᓇᒧᑦ, ᐊᒻᒪ 11,940 ᓄᓇᕗᒥᐅᑦ ᑲᐱᔭᐅᓯᒫᓂᓕᖅᑐᑦ ᓄᕙᒡᔪᐊᕇᒃᑯᑎᒧᑦ.

ᓄᓇᕗᒻᒥᐅᑦ ᖁᔭᓕᔪᒪᕙᒃᑲ ᐱᓕᕆᖃᑎᒌᑦᑎᐊᖏᓐᓇᕐᒪᑕ ᕿᓄᐃᓵᑦᑎᐊᖅᖢᑎᒡᓗ. ᐊᕐᕌᒍᕆᓵᖅᑕᕗᑦ ᐊᑯᓂᐊᓘᓵᖅᐳᖅ, ᐊᒃᓱᕈᕐᓇᖅᖢᓂᓗ ᑭᓯᐊᓂ, ᓱᓕ ᑕᐃᒪᐃᓕᖓᒐᑦᑕ. ᖃᐅᔨᒪᔪᖓ ᐊᓂᒍᐃᔪᓐᓇᕐᓂᐊᕋᑦᑕ.

ᐊᑯᓂᐅᓂᖅᓴᒧᑦ ᑕᑯᒋᐊᕆᐊᖃᕋᑦᑕ ᐱᓕᕆᐊᒃᓴᑦᑎᓐᓂᓗ ᑕᑯᒋᐊᕐᓗᑕ. ᓄᕙᒡᔪᐊᕐᓇᖅ ᑕᖃᓇᓪᓚᑦᑖᖅᐳᖅ, ᑭᓯᐊᓂ ᑭᐱᙳᓂᖅ ᐱᔾᔪᑕᐅᓂᕋᕆᐊᖃᙱᑉᐸᕗᑦ.

ᐱᓇᓱᐊᕈᓯᐅᑉ ᓄᙳᕆᓂᐊᓕᕆᕙᐅᒃ ᓱᓕ ᑲᑎᙵᑲᑕᒋᐊᖃᔾᔮᙱᖦᖢᑎᒃ ᕿᑭᖅᑕᓂ ᑲᖏᖅᖠᓂᕐᒥᓗ. ᐱᓕᕆᖃᑕᐅᒋᑦ, ᐅᓗᕆᐊᓇᖅᑐᒦᑎᑦᑎᑦᑕᐃᓕᓗᑎᓪᓗ.

ᐃᑲᔪᖅᑕᐅᔪᒪᒋᑦ ᐱᔭᕆᐊᖃᕈᕕᑦ, ᑲᑎᙵᖃᑎᒌᓐᓇᕐᓗᒋᑦ ᐅᖓᓯᒃᑐᒦᑦᑐᑦ ᐊᒻᒪ ᖃᐅᔨᒪᓂᐊᖅᐳᓯ ᐅᐱᒋᔭᐅᑦᑎᐊᖅᐳᓯ ᐊᑐᕈᒪᔭᕋᓗᐊᔅᓯᓐᓂᒃ ᐱᑦᑕᐃᓕᒪᔪᓐᓇᕋᔅᓯ.

ᑕᐃᒪᐃᖏᓐᓇᖃᑦᑕᕐᒪᑦ, ᐃᓱᓕᔾᔪᑎᒋᓕᕆᕙᕋ ᐅᓇ - ᒪᑐᐊᖅᓯᒪᓗᓯ. ᐊᒡᒐᑎᑦ ᐅᐊᓴᖃᑦᑕᕐᓗᒋᑦ. ᐊᕐᕕᓂᓕᖕᓂ ᐃᓯᒃᑲᓐᓂᒃ ᐅᖓᓯᒌᒃᑎᒋᕙᒡᓗᓯ ᐊᓃᖅᑎᓪᓗᓯ. ᐊᖏᕐᕋᖅᓯᒪᕙᒡᓗᑎᑦ ᐊᔪᕐᓇᙱᓐᓂᓕᒫᖓᓂ. ᑲᐱᔭᐅᓗᑎᑦ ᐋᓐᓂᐊᓕᕇᒃᑯᑎᒧᑦ.

ᑲᒪᒋᑦᑎᐊᕐᓗᓯ ᐊᑦᑕᕐᓇᖅᑐᒦᑦᑕᐃᓕᓗᓯᓗ.

 

ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᑐᓴᒐᒃᓴᖏᑦ:

ᐅᓪᓗᒥ, ᓇᐃᑦᑐᒥᒃ ᐅᖃᐅᓯᖃᕈᒪᕗᖓ ᓄᕙᕐᔪᐊᕇᒃᑯᑎ ᑲᐴᑦ ᐱᒻᒪᕆᐅᓂᖓᓂᒃ.

ᓱᓕ ᐊᑐᐃᓐᓇᐅᑎᑦᑎᑎᓪᓗᑕ ᓄᕙᒡᔪᐊᕇᒃᑯᑎᒥᒃ ᑲᐴᑎᒥᒃ ᓄᓇᓕᖕᓂ ᓄᓇᕘᓕᒫᒥ, ᑕᒪᔅᓯ ᐃᖅᑲᐃᓯᔭᕆᐊᖃᓪᓚᕆᒃᐸᓯ ᑲᐴᑦ ᐊᑦᑕᕐᓇᙱᒻᒪᑦ, ᐊᑑᑎᖃᑦᑎᐊᖅᖢᓂ, ᕿᓚᒻᒥᐅᓪᓗᓂ ᐊᒻᒪ ᓴᐳᔾᔨᔾᔪᑎᑦᑎᐊᕙᐅᓛᖑᓪᓗᓂ ᓄᕙᕐᔪᐊᕐᓇᒧᑦ.

ᐊᐱᖅᑯᑎᒃᓴᖃᕈᕕᑦ ᑲᐴᑎᐅᑉ ᒥᒃᓵᓄᑦ, ᐋᓐᓂᐊᕕᔅᓯᓐᓄᑦ ᐅᖄᓚᓗᑎᑦ, ᐅᕝᕙᓘᓐᓃᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑰᕈᑖᓄᑦ ᑕᑯᒋᐊᕐᓗᑎᑦ. ᑕᒪᕐᒥᒃ ᓱᓕᔪᑦ ᑭᒡᒍᓰᓪᓗ ᐊᑐᐃᓐᓇᐅᑦᑎᐊᖅᐳᑦ.

ᑭᓯᐊᓂᓕ, ᖃᓄᐃᓕᖓᓇᓱᒋᔭᐅᔪᑦ ᐃᑭᐊᖅᑭᕕᒃᑯᑦ ᐅᕝᕙᓘᓐᓃᑦ ᑐᓴᓚᐅᖅᑕᑎᑦ ᐱᖃᓐᓇᕆᔭᕐᓂᑦ ᖃᕆᓴᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᓱᓕᙱᑐᐃᓐᓇᕆᐊᖃᖅᐳᑦ. ᖃᐅᔨᓇᓱᖕᓂᐊᖅᐸᑎᑦ ᑐᑭᓯᓇᓱᒡᓗᒋᓪᓗ ᐃᑲᔫᑎᖏᑦ. ᖃᐅᔨᓴᖅᑐᓕᕆᓂᖅ ᐱᒻᒪᕆᐅᖕᒪᑦ ᑲᐴᑎᒧᓪᓗ ᓴᐳᑎᔭᐅᔪᓐᓇᖅᖢᑕ.

ᐃᓱᒫᓗᖕᓂᖅ ᑲᑉᐱᐊᓱᖕᓂᕐᓗ ᐊᑐᖅᑕᐅᖃᑦᑕᖅᐳᖅ, ᐊᒃᑐᖅᑕᐅᑐᐃᓐᓇᕆᐊᖃᕐᓇᖅᖢᓂ, ᕿᓚᒥᑯᓗᒡᓗ ᐊᒃᑐᖅᑕᐅᓐᓇᖅᖢᓂ. ᑭᓯᐊᓂ ᑕᐃᒪᐃᓗᐊᖃᑦᑕᙱᑦᑐᑦ ᐊᓂᒍᑲᐅᑦᑐᖅᐸᒃᖢᓂᓗ.

ᐱᐅᓂᖏᑦ ᐱᐅᙱᓐᓂᖏᓐᓂᒃ ᐱᑕᖃᕐᓂᖅᓴᐅᓕᖃᑦᑕᖅᐳᑦ ᑕᒪᓐᓇᓗ ᓄᕙᒡᔪᐊᕐᓇᖅ ᐱᕐᔪᐊᖑᓗᐊᕐᒪᑦ ᐱᔪᓐᓇᖅᑕᑦᑎᓐᓂᒃ ᐱᓕᕆᙱᑐᐃᓐᓇᕆᐊᒃᓴᖅ.

ᓄᓇᕗᒻᒥᐅᑦ ᐃᓂᒃᓴᓕᐅᓚᐅᙱᒃᑯᔅᓯ ᐃᓂᒃᓴᓕᐅᕐᓂᐊᖅᐳᓯ. ᑲᐴᑏᑦ ᑕᒫᓃᑉᐳᑦ ᐊᑐᐃᓐᓇᐅᓪᓗᑎᒡᓗ. ᐊᑎ ᐱᓕᕆᖃᑕᐅᑕ.  

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ:

ᐅᓪᓛᒃᑯᑦ,

ᐅᓪᓗᒥ, 7-ᓂᒃ ᓄᕙᕐᔪᐊᓕᖅᑐᖃᖅᐳᖅ ᐃᖃᓗᖕᓂ ᒪᕐᕉᖕᓂᓪᓗ ᓄᕙᒡᔪᐊᓕᖅᑐᖃᖅᖢᓂ ᑭᙵᕐᓂ, ᐊᒻᒪᓗ 8-ᖑᓪᓗᑎᒃ ᐃᓄᐃᑦ ᖃᓄᐃᑦᑐᓐᓃᖅᑐᑦ ᐃᖃᓗᖕᓂ.

ᒫᓐᓇ ᖃᓄᐃᓕᖓᓂᖓ ᒪᓕᒃᖢᒍ, ᐃᑲᔪᖅᑐᐃᓂᐊᖅᐳᖓ ᐋᖅᑭᒃᓱᐃᔨᑦ ᐋᖅᑭᒃᑕᖓᓂᒃ ᓄᓇᕗᒻᒥ ᕿᒧᒃᓯᐅᔾᔪᐊᕐᓂᐊᓚᐅᖅᑐᑦ ᓄᖅᑲᖅᑎᑕᐅᖁᓪᓗᒋᑦ ᐊᐃᕐᕆᓕ 26-ᒥ ᐱᒋᐊᕐᕕᒃᓴᖃᓚᐅᖅᑐᑦ.  

ᖃᐅᔨᒪᔪᖓ ᑖᓐᓇ ᐃᓄᖕᓄᑦ ᐱᒻᒪᕆᐅᒋᔭᐅᓂᖓᓂ ᐊᒻᒪ ᓄᓇᓕᖕᓂ ᐱᓕᕆᖃᑕᐅᔪᑦ ᑕᒪᑐᒥᖓ ᓂᕆᐅᒋᔭᖃᑦᑎᐊᓚᐅᕐᓂᖏᓐᓂᒃ. ᑭᓯᐊᓂ, ᒫᓐᓇ ᐅᓪᓗᕆᐊᓇᕈᓐᓇᕐᓂᖓ ᑕᐅᑐᒃᖢᒍ, ᐋᖅᑭᒃᓱᐃᔩᑦ ᐋᖅᑭᒃᓯᓚᐅᖅᐳᑦ ᐅᓗᕆᐊᓇᙱᓐᓂᖅᓴᐅᔪᒥᒃ ᓄᕙᒡᔪᐊᕐᓇᖅ-19 ᐊᐃᑦᑐᕐᓘᑕᐅᓇᔭᕐᓂᖓ ᓄᓇᓕᖕᓄᑦ ᐅᓄᖅᑐᓄᑦ.

ᖃᐅᔨᒪᔪᖓ ᖃᓂᒪᓐᓇᖅ ᐅᓄᖅᑐᓂᒃ ᐊᕐᕌᒍᑕᒫ ᖃᓄᐃᓕᐅᖅᑕᐅᖃᑦᑕᖅᑐᓂᒃ ᓄᖅᑲᕈᑕᐅᖃᑦᑕᖅᓯᒪᖕᒪᑦ ᐊᒻᒪ ᐃᓄᐃᑦ ᖃᓄᐃᓕᐅᕈᑎᒋᕙᒃᑕᖏᓐᓂᒃ ᐱᓕᕆᐊᕆᕙᒃᑕᖏᓐᓂᒡᓗ. ᑕᒪᓐᓇ ᐅᕙᑦᑐᓐᓄᓕᒫᑦᑎᐊᖅ ᐊᔪᕐᓇᖅᐳᖅ, ᑭᓯᐊᓂ ᓄᓇᕗᒻᒥᐅᓂᒃ ᐃᑲᔪᖅᑕᐅᓪᓗᑕ, ᐋᓐᓂᐊᖃᕐᓇᙱᑦᑐᓕᕆᔨᑦ ᐊᑐᖁᔭᖏᓐᓂᒃ ᒪᓕᒃᖢᑕ ᐊᒻᒪ ᑲᐱᔭᐅᓪᓗᑕ, ᑕᒪᓐᓇ ᐊᓂᒍᕐᓂᐊᕐᒥᔭᕗᑦ.

ᒪᕐᕉᖕᓂᒃ ᐃᒥᕋᓚᒡᕕᖕᒦᓚᐅᖅᑑᖕᓂᒃ ᓄᕙᒡᔪᐊᓕᖅᑐᖃᓚᐅᖅᑎᓪᓗᒍ, ᐋᖅᑭᒃᓯᓕᓚᐅᕆᕗᒍᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖁᔭᖏᓐᓂᒃ ᐊᓯᔾᔨᕈᒪᓪᓗᒋᑦ ᐱᔪᓐᓇᐅᑎᓕᖕᓄᑦ ᐋᖅᑭᒃᑕᐅᔪᓄᑦ ᐊᒃᑐᐊᓂᖃᕐᒪᑕ. ᓇᒡᒐᔾᔭᒥ ᐱᒋᐊᕐᓗᓂ, ᐱᔪᓐᓇᐅᑎᖃᖅᑐᓄᑦ ᐋᖅᑭᒃᑕᐅᔪᑦ, ᓲᕐᓗ ᐃᒥᕋᓚᒡᕖᑦ, ᓂᕆᕝᕖᓪᓗ ᒪᑐᐃᖓᓂᐊᖅᐳᑦ, 50-ᐳᓴᓐ ᐃᓄᖃᕈᓐᓇᕐᓂᖓᓂ ᑭᒡᓕᖃᖅᑎᑕᐅᓂᐊᖅᑐᑦ. ᑭᙵᕐᓂ ᐃᖃᓗᖕᓂᓗ, ᓂᕆᕝᕖᑦ ᑎᑭᓴᐃᕝᕕᐅᖃᑦᑕᕐᓂᐊᓕᖅᐳᑦ.

ᑭᖑᓪᓕᖅᐹᕆᓗᒍ, ᐅᓐᓄᒃᓴᖅ, ᐃᖃᓗᖕᒥᐅᑦ ᐅᔾᔨᕈᓱᑐᐃᓐᓇᕆᐊᓖᑦ ᐃᖃᓗᖕᓂ ᐅᖁᒪᐃᓐᓂᕐᓂᐊᕐᕕᒃᑯᑦ ᓄᕙᒡᔪᐊᕐᓇᖅ-19−ᒧᑦ ᖃᐅᔨᓴᕐᓗᑎᒃ ᐲᖅᓯᕝᕕᐅᑲᑕᖕᓂᐊᕐᒪᑕ ᐅᓇᓕᒃᓴᔭᕋᓛᑦ ᐃᒡᓗᖁᑖᓂ.  ᓇᐅᑦᑎᖅᓱᕐᓗᑎᒃ ᖃᐅᔨᓴᕐᓂᐊᓕᕐᒪᑕ ᐋᖅᑭᒃᑕᐅᓪᓗᓂ ᐃᑲᔫᑕᐅᓪᓗᓂᓗ ᐅᖁᒪᐃᓐᓂᕐᓂᐊᕐᕕᒃᑯᓐᓂ ᖃᐅᔨᓇᓱᒃᑎᓪᓗᒋᑦ ᑕᐃᒃᑯᓂᖓ ᖃᐅᔨᓴᖅᑕᐅᖁᔭᐅᓚᐅᖅᑐᓂᒃ ᐊᒻᒪ ᐃᓂᒃᓴᓕᐅᖅᑕᐅᓯᒪᔪᓂᒃ. ᐅᓄᕐᓂᖅᓴᓂᒃ ᖃᐅᔨᓴᕈᓐᓇᕐᓂᐊᖅᐳᒍᑦ ᐲᖅᓯᕝᕕᐅᓗᑎᒃ, ᕿᓚᒻᒥᐅᓂᖅᓴᕐᓗ ᖃᐅᔨᔭᐅᔪᓐᓇᕐᓗᑎᒃ ᐊᒻᒪ ᑎᑭᐅᑎᔪᓐᓇᕐᓂᖅᓴᐅᓗᑕ ᐅᓗᕆᐊᓇᙱᑦᑐᒦᓐᓂᖅᓴᓂᒃ ᐊᒃᑐᖅᑕᐅᓯᒪᑐᐃᓐᓇᕆᐊᓕᖕᓂᒃ.

ᐲᖅᓯᕝᕕᐅᑲᑕᒃᑐᓄᑦ ᐅᐸᒃᑕᐃᓕᒋᑦ ᐃᓂᒃᓴᓕᐅᖅᑕᐅᓯᒪᙱᒃᑯᕕᑦ. ᓄᕙᒡᔪᐊᕐᓇᖅ-19-ᒧᑦ ᖃᐅᔨᓴᖅᑕᐅᔭᕆᐊᖃᕋᓱᒋᒍᕕᑦ ᐅᖄᓚᕝᕕᖓᓄᑦ ᐅᖃᓗᒡᓗᑎᑦ ᐅᕗᖓ 1-888-975-8601. ᑕᐃᒃᑯᐊ ᐃᓄᑑᔭᕆᐊᖃᖅᑎᑕᐅᔪᑦ ᓱᓕ ᐃᖢᐊᖅᓴᐃᔨᒧᑦ ᐅᐸᒃᑕᐅᓗᑎᒃ ᐲᖅᓯᕝᕕᐅᑲᑕᖕᓂᐊᖅᐳᑦ.

ᐊᒻᒪᓗ, ᐃᓄᖕᓂᒃ ᑕᑯᒍᕕᑦ ᖃᐅᔨᒪᔭᕐᓂᑦ ᑐᑭᓕᕇᖃᑕᐅᔪᒥᒃ, ᓄᕙᒡᔪᐊᓕᕋᓱᒋᑦᑕᐃᓕᒍᒃ. ᖃᐅᔨᓴᖅᑕᐅᓂᖅ ᐱᒻᒪᕆᐅᕗᖅ ᖃᓂᒻᒪᓐᓇᒥᒃ ᖃᐅᔨᔾᔪᑕᐅᔪᓐᓇᖅᖢᓂ ᐊᒻᒪ ᐃᖏᕐᕋᑦᑎᐊᕈᓐᓇᖅᖢᓂ ᑭᓯᐊᓂ ᐃᓄᐃᑦ ᐱᓕᕆᖃᑕᐅᑦᑎᐊᖅᐸᑕ ᐊᒻᒪ ᑕᓗᕈᒃᑯᔾᔨᓂᖅ ᑲᙳᓲᑎᖃᕐᓂᕐᓗ ᐋᓐᓂᕈᑕᐅᔪᓐᓇᖅᖢᓂ ᐱᓇᔪᒃᑑᒐᓗᐊᓂᒃ.

ᖁᔭᓐᓇᒦᒃ.

 

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᑦ ᐱᓇᔪᒃᑕᖏᓐᓄᑦ ᓄᓇᕗᒻᒥᐅᓂᒃ ᓴᐳᔾᔨᓯᒪᓇᓱᒃᖢᑎᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: https://www.gov.nu.ca/health/information/nunavuts-path

ᑐᑭᓯᒋᐊᕈᒪᒍᕕᑦ ᑲᐱᔭᐅᓐᓇᐅᓛᕐᑐᓂᑦ ᐅᕗᙵᐅᓗᑎᑦ: https://gov.nu.ca/health/information/covid-19-vaccination

 

ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ:  ᐊᐃᕆᓕ 23

ᑲᑎᓕᒫᖅᖢᒋᑦ ᖃᐅᔨᓴᖅᑕᐅᓯᒪᔪᑦ ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑐᖁᔪᑦ ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ
10,959 441 37 100 4 7493 254

*ᓇᓗᓇᐃᖅᑕᐅᓯᒪᔪᑦ ᐊᒻᒪ ᑕᐃᒪᐃᑦᑐᖃᑐᐃᓐᓇᕆᐊᓕᑦ ᐱᖃᓯᐅᔾᔨᕗᑦ ᑲᓇᑕᓕᒫᒥ ᖃᓂᒪᓇᓱᒋᔭᐅᔪᑦ ᖃᐅᔨᓴᖅᑕᐅᓯᒪᔪᓂᑦ. ᐅᑯᐊ ᐃᓄᐃᑦ ᖃᐅᔨᓴᖅᑕᐅᖃᑕᐅᔪᑦ ᓇᓗᓇᐃᖅᑕᐅᔪᑦ ᐋᓐᓂᐊᑲᑕᖕᓂᖏᓐᓂᒃ ᐊᒻᒪ ᐊᑦᑕᕐᓇᖅᑐᒦᓚᐅᖅᑐᑦ ᐊᓯᖏᓪᓗ ᓇᖕᒥᓂᖅ ᓇᐅᑦᑎᖅᓱᖅᑐᑦ ᐅᕝᕙᓘᓐᓃᑦ ᐅᐸᒃᑕᐅᑦᑕᐃᓕᔪᑦ. ᑖᒃᑯᐊᓕᒫᖅ ᐋᓐᓂᐊᑲᑕᒐᔭᙱᑦᑐᑦ ᐅᕝᕙᓘᓐᓃᑦ ᖃᐅᔨᓴᖅᑕᐅᔪᐃᓐᓇᐅᔭᕆᐊᖃᙱᑦᑐᑦ.

*ᑭᖑᕙᓯᒃᑐᖃᑐᐃᓐᓇᕆᐊᓕᒃ ᐅᖃᐅᓯᖃᕐᓂᐊᕐᓗᓂ ᖃᓄᐃᓕᖓᓂᖏᓐᓄᑦ ᑭᒡᓕᓯᓂᐊᖅᑕᐅᓯᒪᔪᓂᓪᓗ ᖃᓄᐃᓕᖓᔪᓂᑦ ᐱᔭᐅᔪᓂᑦ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥ. ᖁᓕᓪᓗ ᒪᕐᕉᒡᓗ ᓄᕙᒡᔪᐊᖅᑐᑦ ᖃᐅᔨᔭᐅᓚᐅᖅᑐᑦ ᓄᓇᕗᑦ ᓯᓚᑖᓂ ᓇᓗᓇᐃᖅᑕᐅᓚᐅᖅᐳᑦ ᓄᓇᕗᒻᒧᑦ. ᐱᖓᓱᑦ ᐃᓅᔪᓐᓃᖅᑐᑦ ᐱᖃᓯᐅᔾᔭᐅᓪᓗᑎᒃ. ᓄᓇᕗᒥᐅᑦ ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᕗᑦ ᓯᓚᑖᓂ ᖃᐅᔨᔭᐅᔪᑦ ᓇᓗᓇᐃᖅᑕᐅᔪᐃᓐᓇᐅᔾᔮᙱᑉᐳᑦ ᓄᓇᕗᒻᒧᑦ.

ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔪᑦ ᖃᓄᐃᓕᖓᓂᖏᑦ: ᐊᐃᕆᓕ 23

ᓯᕗᓪᓕᖅᐹᑦ ᑲᐱᔭᐅᔾᔪᑏᑦ ᐊᑐᖅᑕᐅᕗᑦ ᑐᒡᓕᖏᑦ ᑲᐱᔭᐅᔾᔪᑏᑦ ᐊᑐᖅᑕᐅᕗᑦ ᑲᑎᖦᖢᒋᑦ ᑲᐱᔭᐅᔾᔪᑏᑦ ᐊᑐᖅᑕᐅᔪᑦ
14,915 11,940 26,855

*ᑲᑎᓕᒫᖅᖢᒋᑦ ᑲᐱᔭᐅᓃᑦ ᓄᑖᙳᕆᐊᖅᑎᑕᐅᖃᑦᑕᖅᐳᑦ ᐊᔪᕐᓇᕈᓐᓃᑐᐊᕌᖓᑦ, ᑭᓯᐊᓂᓗ ᐊᑦᑎᖕᓂᖅᓴᐅᑐᐃᓐᓇᕆᐊᖃᖅᖢᑎᒃ ᓈᓴᖅᑕᐅᓯᒪᓪᓚᕆᒃᑐᓂᑦ.

ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᐊᐃᕐᕆᓕ 23

ᓄᓇᓕᒃ ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ   ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ ᑐᖁᔪᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ
ᐃᖃᓗᐃᑦ 35 42 7 0 9 33
ᑭᙵᐃᑦ 2 4 2 0 0 4
ᐊᕐᕕᐊᑦ 339 339 0 1 338 0
ᑎᑭᕋᕐᔪᐊᖅ 23 23 0 0 23 0
ᑲᖏᖅᖠᓂᖅ 19 19 0 0 19 0
ᓴᓂᑭᓗᐊᖅ  2 2 0 0 2 0
ᑲᑎᖦᖢᒋᑦ  420 429 9 1 391 37

ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᐊᐃᕆᓕ 23

ᓄᓇᓕᒃ  ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ
ᐃᖃᓗᐃᑦ 42 449
ᑭᙵᐃᑦ 4 31
ᐊᕐᕕᐊᑦ  339 2883
ᑎᑭᕋᕐᔪᐊᖅ  23 352
ᑲᖏᖅᖠᓂᖅ 19 399
ᓴᓂᑭᓗᐊᖅ  2 202
ᑲᑎᖦᖢᒋᑦ  429 4316

ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:

ᐊᐅᓪᓚᕈᑎᒋᔭᐅᓯᒪᔪᑦ

ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᐊᐃᕐᕆᓕ 23-ᒥᑦ ᐱᒋᐊᖅᖢᓂ

ᐋᓐᓂᐊᕐᕕᓕᐊᖅᑐᑦ

71

ᑭᒃᑯᑐᐃᓐᓇᑦ

21
ᑐᐊᕕᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓄᑦ ᐃᓄᑑᔭᕆᐊᖃᕐᓂᕐᓗ 49
ᐃᒡᓗᓕᐅᖅᑎᑦ 2

ᑲᑎᖢᒋᑦ

143

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ

ᐊᐃᕐᕆᓕ 23  

73

ᐊᐃᕐᕆᓕ 24

10

ᐊᐃᕐᕆᓕ 25 

38

ᐊᐃᕐᕆᓕ 26

43

ᐊᐃᕐᕆᓕ 27  

57

ᑲᑎᖢᒋᑦ

221

ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:

ᐊᐃᕆᓕ 22−ᒥ ᐱᒋᐊᖅᖢᓂ, 15,368−ᓂᒃ ᑐᒃᓯᕋᖅᑐᖃᓚᐅᖅᐳᖅ, 7,648−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ

# %

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ)

11,613 75.6%

ᐊᖏᖅᑕᐅᙱᑦᑐᑦ

307 2.0%
ᐅᑕᖅᑭᔪᑦ 521 3.4%

ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ

2927 19.0%
ᑲᑎᖢᒋᑦ 15368 100%

 

ᐃᖃᓗᐃᑦ ᐃᓱᒪᓕᕆᔨᖏᑦ ᐅᐃᕆᓯᒪᔪᓕᕆᔨᖏᓪᓗ

ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᑭᒡᓕᖃᖅᑎᑕᐅᑲᑕᒃᑐᑦ ᐃᖃᓗᖕᓂ, ᐃᖃᓗᐃᑦ ᐃᓱᒪᓕᕆᔨᖏᑦ ᐅᐃᕆᓯᒪᔪᓕᕆᔨᖏᓪᓗ (ᒪᒃᑯᒃᑐᓄᑦ ᖃᓄᐃᙱᑦᑐᓄᑦ ᐱᓕᕆᔨᖏᑦ ᐊᒻᒪ Greenstone-ᑯᑦ) ᐱᔨᑦᑎᕋᕈᑎᒥᓂᒃ ᐊᓯᔾᔩᖕᒪᑕ ᐅᖃᓘᑎᒃᑯᑦ ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᐱᓕᕆᖃᑦᑕᓕᖅᖢᑎᒃ ᖃᐅᔨᒋᐊᕐᕕᐅᔪᓐᓇᖅᖢᑎᒡᓗ 975-5900−ᒧᑦ ᐅᖄᓚᕝᕕᐅᓗᑎᒃ.  ᐃᓂᒃᓴᓕᐅᖅᑕᐅᒐᔪᒃᐳᑦ ᐅᖄᓚᕝᕕᒋᔭᖓᑕ ᐅᓪᓗᖓᓂ ᐊᒻᒪ ᐅᖃᓗᖅᑳᖅᑐᑦ ᐱᓕᕆᐊᖑᖅᑳᖅᐸᒃᖢᑎᒃ.

ᐊᑲᐅᓯᓴᕐᕕᒃᑯᓐᓂ ᐱᓕᕆᐊᖑᕙᒃᑐᑦ ᓄᖅᑲᖓᑎᑕᐅᓚᐅᑲᒃᑐᑦ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.

ᐊᑲᐅᓯᓴᕐᕕᖕᒥ ᐅᓂᒃᓯᒪᙱᑦᑐᑦ ᖃᐅᔨᓴᖅᑕᐅᖃᑦᑕᖅᑐᑦ ᐃᓚᐃᓐᓇᖏᑦ ᑕᑯᔭᐅᖃᑦᑕᕐᓂᐊᖅᐳᑦ ᐃᖢᐊᖅᓴᐅᑎᓄᑦ ᐃᑲᔪᖅᑕᐅᕙᒃᑐᑦ ᐊᒻᒪ ᐃᓂᒃᓴᓕᐅᖅᓯᒪᔪᑐᐊᑦ, ᓄᕙᒡᔪᐊᕐᓇᕐᒧᑦ ᒪᓕᒃᑕᐅᔭᕆᐊᓕᖕᓂᒃ ᒪᓕᒡᓗᑎᒃ.

ᕿᑭᖅᑕᓂ ᐋᓐᓂᐊᕕᖕᒥ ᐃᓱᒪᓕᕆᔨᑦ ᓱᓕ ᐱᓕᕆᓂᐊᖅᑐᑦ ᓄᕙᒡᔪᐊᕐᓇᖅ-19 ᒪᓕᒋᐊᓕᖏᓐᓂᒃ ᒪᓕᒡᓗᑎᒃ.

 

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᓄᓇᕗᒻᒥ ᐃᓕᓐᓂᐊᕐᕕᓕᒫᑦ ᐊᑐᕈᓐᓇᖅᑐᐃᓐᓇᐅᕗᑦ Edsby ᐃᑭᐊᖅᑭᕕᒃᑰᖅᑐᒥᒃ, ᖃᓄᐃᓕᖓᒐᓗᐊᖅᐸᑕ. Edsby ᓴᖅᑭᑎᑕᐅᓯᒪᕗᖅ ᐃᑲᔪᖅᑐᐃᔾᔪᑕᐅᓪᓗᓂ ᖃᕆᓴᐅᔭᒃᑯᑦ ᐃᓕᓐᓂᐊᕐᓂᕐᒥᒃ ᐃᓕᓐᓂᐊᕐᕕᓕᒫᓄᑦ.

ᐊᖓᔪᖅᑳᕆᔭᐅᔪᑦ ᐊᐱᖅᑯᑎᒃᓴᖃᖅᐸᑕ Edsby ᒥᒃᓵᓄᑦ, ᐃᓕᓴᐃᔨᑦ ᐊᖓᔪᖅᑳᖓᓄᑦ ᐊᐱᕆᔪᓐᓇᖅᐳᑦ.

ᐊᖓᔪᖅᑳᕆᔭᐅᔪᑦ ᐃᖅᑲᓇᐃᔭᖅᑎᓪᓗ ᖃᐅᔨᒪᓂᐊᖅᐳᑦ Edsby-ᒥ ᐊᑐᕋᓱᒃᑐᑦ ᓱᒃᑲᐃᓐᓂᖅᓴᐅᑐᐃᓐᓇᕆᐊᖃᕐᒪᑕ ᐅᓄᖅᓯᒋᐊᓗᐊᕐᓂᖏᓐᓄᑦ ᓄᓇᕗᒻᒥᐅᑦ ᐊᖏᕐᕋᒥᓂ ᐱᓕᕆᔪᑦ. ᕿᓄᐃᓵᑦᑎᐊᖃᑦᑕᖁᔨᓂᐊᖅᐳᒍᑦ Edsby-ᒥ ᐊᑐᕋᓱᒃᑐᓂᒃ.

ᐱᔨᑦᑎᕋᖅᑕᐅᖏᓐᓇᖅᑐᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐅᑯᐊ ᑲᔪᓯᓂᐊᖅᑐᑦ ᐊᑐᖅᑕᐅᓕᕐᓗᑎᒃ:

  • ᐊᑐᕆᐊᓕᒃ 4 − ᐃᓕᓐᓂᐊᕐᕖᑦ ᑭᙵᕐᓂ ᐃᖃᓗᓐᓂᓗ
  • ᐊᑐᕆᐊᓕᒃ 3 − ᐃᓕᓐᓂᐊᕐᕖᑦ ᕿᑭᖅᑕᓂ, ᓴᓂᑭᓗᐊᖅ, ᑭᙵᐃᑦ, ᐊᒻᒪᓗ ᐃᖃᓗᐃᑦ ᐱᖃᑕᐅᙱᑦᑐᑦ
  • ᐊᑐᕆᐊᓕᒃ 2 − ᐃᓕᓐᓂᐊᕐᕖᑦ ᑭᕙᓪᓕᕐᒥᑦ ᐊᒻᒪᓗ ᐊᕐᕕᐊᑦ (ᐊᕐᕕᐊᑦ ᐊᓯᔾᔨᖅᑕᐅᔪᖅ ᐊᑐᕆᐊᓕᒃ 1−ᒧ ᓇᒡᒐᔾᔭᐅ, ᐊᐃᕐᕆᓕ 26, 2021)
  • ᐊᑐᕆᐊᓕᒃ 1 − ᐃᓕᓐᓂᐊᕐᕖᑦ ᓴᓂᑭᓗᐊᕐᒥ, ᕿᑎᕐᒥᐅᓂ, ᐊᒻᒪᓗ ᑭᕙᓪᓕᕐᒥᐅᓂ, ᑖᒃᑯᐊ ᑭᓯᐊᓂ ᑲᖏᖅᖠᓂᖅ ᐊᒻᒪᓗ ᐊᕐᕕᐊᑦ ᐱᖃᑕᐅᙱᑦᑐᑦ

ᐃᓕᓐᓂᐊᕐᕕᑦ ᐊᑐᓕᕐᑎᑦᑎᓂᐊᕐᑐᑦ ᓈᒻᒪᒃᑐᒥᒃ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᒥᑦ ᒫᓐᓇ ᐊᑐᖅᑕᒥᓄᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᑕᒪᕐᒥᒃ ᓄᓇᕗᒻᒥ ᐸᐃᕆᕝᕕᓕᒫᑦ ᐅᒃᑯᐃᖓᐃᓐᓇᕈᓐᓇᖅᐳᑦ, ᑭᙵᐃᑦ ᐊᒻᒪ ᐃᖃᓗᐃᑦ ᐱᖃᑕᐅᙱᑦᑐᑦ.

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS)

ᐃᓕᓐᓂᐊᕐᑎᑦ ᐃᓂᒃᓴᓕᐅᕐᑐᖅ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᒪᓕᒋᐊᖃᕐᓂᐊᕐᑐᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒃᑕᐅᔭᕆᐊᓕᖕᓂᑦ ᐊᑐᕐᑕᐅᔭᕆᐊᓕᖕᓂᓪᓗ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ.

  • ᐃᓕᓐᓂᐊᕐᑎᑦ ᐊᐱᖅᑯᑎᒃᓴᖃᕈᑎᒃ ᖃᓄᖅ ᐊᐅᓪᓚᕐᓂᕆᓇᔭᕐᑕᖏᑦ ᐊᒃᑐᕐᑕᐅᓇᔭᖕᒪᖔᖏᑦ, ᖃᐅᔨᒋᐊᕈᓐᓇᖅᑐᑦ ᐃᓕᓐᓂᐊᕐᑎᓄᑦ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᑎᑎᕋᕐᕕᐊᓄᑦ ᑐᑭᓯᒋᐊᒃᑲᓐᓂᕐᓂᐊᕐᓗᑎᒃ ᐅᕙᓂ fanstravel@gov.nu.ca.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᐅᑎᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᓇᒡᒐᔾᔭᐅ, ᐊᐃᕐᕆᓕ 26, 2021, ᐊᕐᕕᐊᑦ ᐃᓕᓐᓂᐊᕐᕕᖏᑦ ᓅᑦᑎᑕᐅᓂᐊᖅᑐᑦ ᐊᑐᕆᐊᓕᒃ 1.

  • ᐊᑐᕆᐊᓕᒃ 1, ᐃᓕᓐᓂᐊᕐᕕᓕᒫᑦ ᒪᑐᐃᙶᖃᑦᑕᓂᐊᓕᕆᕗᑦ ᐅᓪᓗᓕᒫᖅ ᐃᓕᓐᓂᐊᕐᕕᖕᒥ ᐊᔪᕈᓐᓃᖅᓴᖅᑎᑕᐅᕙᒡᓗᑎᒃ ᐃᓕᓐᓂᐊᕐᑏᑦ, ᐃᓕᓐᓂᐊᓕᓵᖅᑐᓂᑦ ᖁᕝᕙᓯᖕᓂᓕᖕᓄᑦ 1-ᒧᑦ, ᐅᓪᓗᓄᑦ ᑕᓪᓕᒪᓄᑦ ᐱᓇᓱᐊᕈᓯᕐᒥ.

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᑭᙵᕐᓂ ᐃᖃᓗᖕᓂᓗ ᐃᓕᓐᓂᐊᕐᕕᑦ ᒪᑐᓯᒪᔪᑦ ᑭᓯᐊᓂ ᐅᖃᐅᓯᐅᒃᑲᓐᓂᖅᐸᑦ.

  • ᐊᑐᕆᐊᓕᖓ 4-ᒦᑦᑐᑦ ᖃᕆᓴᐅᔭᒃᑯᑦ ᑕᒪᕐᒥᑦᑎᐊᖅ ᐃᓕᓴᖅᑕᐅᑲᑕᖕᓂᐊᖅᐳᑦ. ᐃᓕᓐᓂᐊᕐᕕᓕᒫᑦ ᐃᓕᓐᓂᐊᖅᑎᓄᑦ, ᐃᖅᑲᓇᐃᔭᖅᑎᓄᑦ, ᑭᒃᑯᑐᐃᓐᓇᓄᓪᓗ ᒪᑐᓯᒪᕗᑦ. ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᑎᓕᒫᓂᒃ ᑐᓴᐅᒪᑎᑦᑎᖃᑦᑕᕐᓂᐊᖅᐳᑦ ᓈᒻᒪᒃᓯᔭᕌᖓᑦ. 

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᑭᙵᐃᑦ ᐃᖃᓗᐃᓪᓗ ᐸᐃᕆᕕᖏᑦ ᒪᑐᓯᒪᐃᓐᓇᕐᓂᐊᖅᑐᑦ ᑭᓯᐊᓂ ᓇᓗᓇᐃᖅᑕᐅᑉᐸᑕ ᒪᑐᐃᕈᓐᓇᖅᓯᐸᑦᑕ ᒪᑐᐃᓛᖅᑐᑦ.

 

 

ᐃᖅᑲᓇᐃᔭᖅᑐᓕᕆᔨᒃᑯᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᐊᐅᔭᒃᑯᑦ ᐃᓕᓐᓂᐊᖅᑏᑦ ᐃᖅᑲᓇᐃᔭᖅᑎᑕᐅᕙᒃᑐᑦ ᑲᔪᓯᓂᐊᖅᐳᖅ

ᓄᓇᕗᑦ ᒐᕙᒪᖓᑦ 2021 ᐊᐅᔭᒃᑯᑦ ᐃᓕᓐᓂᐊᖅᑎᓂᒃ ᐃᖅᑲᓇᐃᔭᖅᑎᑦᑎᕙᒃᑐᑦ ᑲᔪᓯᓂᐊᖅᐳᑦ.

ᓄᕙᒡᔪᐊᕐᓇᖅ-19−ᖃᖅᑐᓂᑦ ᓄᓇᓕᖕᓂ, ᐃᓕᓐᓂᐊᖅᑎᓂᑦ ᐃᖅᑲᓇᐃᔭᖅᑎᑖᖃᑦᑕᕐᓂᐊᖅᐳᑦ ᐊᑕᐅᓯᐅᑦᑕᕐᓗᒋᑦ.

ᐊᐅᔭᒃᑯᑦ ᐃᓕᓐᓂᐊᖅᑏᑦ ᐃᖅᑲᓇᐃᔭᖅᑎᑕᐅᕙᒃᑐᑦ ᐋᕿᒃᑕᐅᓯᒪᔪᖅ ᐱᕕᓴᖃᖅᑎᑕᐅᓗᑎᒃ ᓄᓇᕗᒻᒥᐅᑦ ᐃᓄᐃᑦ ᐊᒻᒪ ᐃᓕᓐᓂᐊᖅᑎᑦ ᐱᓕᕆᔪᓐᓇᖅᓯᕙᓪᓕᐊᖁᓪᓗᒋᑦ ᐱᓕᒻᒪᒃᓴᓗᑎᒡᓘᓐᓃᑦ ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔮᖃᕐᓂᕐᒥᒃ. ᑕᒪᓐᓇ ᐃᓚᒋᔭᐅᓪᓚᕆᒃᐳᖅ ᓄᓇᕗᑦ ᒐᕙᒪᒃᑯᑦ ᑐᕌᒐᖏᓐᓄᑦ, ᐃᓕᑦᑎᕙᓪᓕᐊᖏᓐᓇᖁᔨᓪᓗᑎᒃ, ᑲᔪᓯᑎᑦᑎᔪᒪᓪᓗᑎᒡᓗ ᒪᒃᑯᒃᑐᑦ ᐱᕙᓪᓕᐊᑎᑕᐅᓂᖏᓐᓄᑦ.

ᐱᓕᕆᕝᕕᖕᓄᑦ ᑐᓂᓯᖃᑦᑕᕈᓐᓇᕐᓂᐊᖅᐳᑦ ᔪᓚᐃ 16, 2021−ᒧᑦ ᑎᑭᓪᓗᒍ. ᐊᐅᔭᒃᑯᑦ ᐃᖅᑲᓇᐃᔭᓚᐅᑲᖕᓂᐊᖅᑐᑦ ᐃᓕᓐᓂᐊᖅᑎᑦ ᐊᖏᕐᕋᒥᓂ ᒐᕙᒪᒃᑯᓪᓘᓐᓃᑦ ᑎᑎᕋᕐᕕᖏᓐᓂ ᐃᖅᑲᓇᐃᔭᑐᐃᓐᓇᕆᐊᓖᑦ, ᖃᓄᐃᓕᖓᓂᖏᑦ ᒪᓕᒡᓗᒋᑦ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᐊᑐᖁᔭᖏᑦ ᒪᓕᒡᓗᒋᑦ. 

ᑐᓴᒃᑲᓐᓂᕈᒪᒍᕕᑦ ᑕᒪᑐᒪ ᒥᒃᓵᓄᑦ ᑕᑯᒋᐊᕈᓐᓇᖅᐳᑎᑦ ᐅᕗᖓ,https://gov.nu.ca/human-resources/information/employee-and-family-assist....

ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕐᓂᕈᕕᑦ, ᖃᐅᔨᒋᐊᕐᕕᒋᓗᒍ ᐊᐅᔭᒃᑯᑦ ᐃᖅᑲᓇᐃᔭᓚᐅᑲᖕᓂᐊᖅᑐᑦ ᐃᓕᓐᓂᐊᖅᑎᑦ ᐊᐅᓚᑦᑎᔨᖓᓄᑦ:

ᐃᑲᔪᖅᑕᐅᔪᓐᓇᖅᐳᑎᑦ

ᓄᓇᕗᑦ ᒐᕙᒪᒃᑯᑦ ᑎᓕᐅᕆᕗᑦ ᐃᖅᑲᓇᐃᔭᖅᑎᓂᒃ ᐃᓚᖏᓐᓂᒡᓗ ᖃᐅᔨᓇᓱᖃᑦᑕᖁᓪᓗᒋᑦ ᖃᓄᖅ ᐃᖅᑲᓇᐃᔭᖅᑎᑦ ᐃᓚᖏᓪᓗ ᐃᑲᔪᖅᑕᐅᔪᓐᓇᕐᒪᖔᑕ ᒫᓐᓇᐅᔪᖅ. ᐃᖅᑲᓇᐃᔭᖅᑎᑦ ᐃᓚᖏᓐᓄᓪᓗ ᐃᑲᔫᑎᑦ ᐱᖃᓯᐅᔾᔨᕗᑦ ᐊᑭᖃᙱᑦᑐᒥᒃ ᐅᖄᓚᕝᕕᐅᔪᓐᓇᖅᑐᒥᒃ ᐅᖃᐅᓯᐅᔭᕆᐊᖃᙱᖦᖢᓂ ᓈᓴᐅᑦ, 1-800-663-1142, ᐃᖅᑲᓇᐃᔭᖅᑎᓄᑦ ᐊᒻᒪ/ᐅᕝᕙᓘᓐᓃᑦ ᐃᓚᖏᓐᓄᑦ ᖃᖓᑐᐃᓐᓇᑦᑎᐊᖅ ᐅᖄᓚᕝᕕᐅᔪᓐᓇᖅᖢᓂ ᐃᓅᓯᓕᕆᔨᓪᓚᕆᖕᒧᑦ ᐅᖃᓪᓚᖃᑎᖃᕈᒪᔪᓄᑦ ᓇᓕᐊᖕᓂᑐᐃᓐᓇᖅ ᐅᖃᐅᓯᕐᒥ ᐃᓕᓴᕆᔭᐅᓯᒪᔪᒥᑦ ᐊᑐᕐᓗᓂ, ᐊᓯᖏᓐᓂᓪᓗ ᖃᕆᓴᐅᔭᒃᑯᑦ ᐃᑲᔫᑎᒃᓴᓂᒃ ᐱᖃᓯᐅᔾᔨᓪᓗᓂᓗ ᐊᑐᕈᓐᓇᖅᑐᓂᒃ ᐅᕙᓂ www.homewoodhealth.com.

 

 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓱᓕ ᐊᑦᑕᕐᓇᙱᑦᑐᒥᒃ ᐊᑐᕈᓐᓇᑦᑎᐊᖅᑐᒥᒃ ᐆᒻᒪᖅᑯᑎᖃᖅᑎᑦᑎᓂᐊᖅᑐᑦ ᓄᓇᕗᒻᒥᐅᓄᑦ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᐅᑎᑦ:

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓇᓚᐅᑦᑖᖅᓯᒪᔪᒥᒃ ᐊᑭᓕᒐᒃᓴᖅᑖᖅᑎᑦᑎᓂᐊᖅᑐᑦ ᑭᙵᕐᒥᐅᓂᑦ ᐊᐃᕐᕆᓕ 1-ᒥᑦ 30-ᒧᑦ ᐊᑭᓕᒃᓴᖅᑖᕆᔭᖓᓄᑦ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑭᓕᖅᓱᐃᔨᓄᑦ ᑲᒪᔨᐅᔪᑦ ᐊᒡᓚᕕᖓ ᒪᑐᓯᒪᓂᐊᖅᑐᖅ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ. ᐃᖃᓗᖕᓂ ᐊᑭᓕᖅᓱᐃᕙᒃᑐᑦ ᐱᔨᑦᑎᖅᑕᐅᖃᑦᑕᖅᐳᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᖃᒪᓂ'ᑐᐊᕐᒥ ᐊᑭᓕᖅᓱᐃᔨᑦ ᑲᒪᔨᖏᓐᓄᑦ ᐅᖄᓚᓗᑎᒃ 1-866-710-4200−ᒧᑦ ᐃᕐᙲᓐᓈᖅᑕᐅᒃᑯᓪᓘᓐᓃᑦ customercare@qec.nu.ca ᐊᐱᖅᑯᑎᒃᓴᓖᑦ ᐃᓱᒫᓘᑎᓖᓪᓘᓐᓃᑦ ᐊᑭᓕᒃᓴᖓᑕ ᒥᒃᓵᓄᑦ.

 

 

ᓄᓇᕗᒻᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.