ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᐄᐳᓗ 21, 2021

ᐄᐳᕈ 21, 2021

ᓯᕗᓕᖅᑎᒥᑦ ᑐᓴᒐᒃᓴᑦ:

ᐅᓪᓛᒃᑯᑦ. ᐅᓪᓗᒥ ᒪᕐᕉᓐᓂᒃ ᓄᑖᓐᓂᒃ ᐊᓐᓂᐊᓕᖅᓯᒪᔪᓕᖃᖅᐳᖅ ᐊᒻᒪ ᐊᑕᐅᓯᖅ ᖃᓄᐃᒍᓐᓃᖅᑐᖅ ᓄᕙᕐᔪᐊᕐᓇᖅ-19ᒧᑦ ᓄᓇᕗᒻᒥ. ᑖᒃᑯᐊ ᓱᓕ ᒫᓐᓇ 33 ᓄᕙᒡᔪᐊᓇᖅᑐᒧᑦ ᐋᓐᓂᐊᔪᑦ - 31 ᐃᖃᓗᖕᓃᖦᖢᑎᒃ ᒪᕐᕉᒡᓗ ᑭᙵᕐᓂ.

ᒫᓐᓇᒧᑦ ᑎᑭᖦᖢᒍ, 14,559 ᓄᓇᕗᒻᐅᑦ ᓯᕗᓪᓕᕐᒥ ᑲᐱᔭᐅᓯᒪᓕᖅᑐᑦ ᒪᑑᓇᒧᑦ, ᐊᒻᒪ 11,605 ᓄᓇᕗᒥᐅᑦ ᑲᐱᔭᓯᒫᓂᓕᖅᑐᑦ ᓄᕙᒡᔪᐊᕇᒃᑯᑎᒧᑦ.

ᑕᑯᓯᒪᓕᖅᑐᒍᑦ ᓄᕙᒡᔪᐊᕐᓇᖅᑐᖃᖅᓯᒪᓕᖅᑐᓂᑦ ᐱᖓᓲᔪᖅᑐᓂᑦ ᓄᓇᓕᓐᓂᑦ ᒫᓐᓇᒧᑦ. ᐊᒻᒪᓗ ᑕᑯᓯᒪᓕᖅᑐᒍ ᑖᓐᓇ ᐋᓐᓂᐊᓇᖅᑐᖅ ᓱᒃᑲᑦᑐᒥᑦ ᐊᐃᑦᑐᕐᓗᖃᑦᑕᐅᑎᓇᖅᑐᖅ. ᑲᐱᔭᐅᓯᒪᙱᑦᑐᓂᑦ ᓱᓕ ᑲᐱᔭᐅᔪᓐᓇᖅᑐᓂᑦ ᐃᓐᓇᕐᓂᑦ ᓄᓇᕗᒻᒥᐅᓂᑦ ᑲᐱᔭᐅᖁᔨᓪᓗᖓ ᐅᖃᑲᓐᓂᖅᐳᖓ ᒪᑑᓇ ᑲᐴᑎᒧᑦ. ᐃᓂᔅᓴᓕᐅᓚᙱᒃᑯᕕᑦ ᓱᓕ ᐃᓂᔅᓴᓕᐅᕈᓐᓇᖅᑐᓂᑦ ᐋᓐᓂᐊᕐᕕᒋᔭᔅᓯᓐᓄᑦ.

ᓄᓇᖃᖃᑦᒋᔭᕗᑦ ᑕᐅᓇᓂ ᓂᒋᖅᐸᓯᒻᒦᑦᑐᑦ ᐊᑯᓂ ᐅᑕᖅᑭᔪᑦ ᐱᓇᓱᐊᕈᓯᓂᑦ ᐊᒥᓱᓂᑦ ᐊᒻᒪᓗ ᑕᖅᑭᓄᑦ ᑲᐱᔭᐅᖃᑕᐅᔪᒪᔪᑦ. ᓄᓇᕗᒻᒥ ᐊᑐᐃᓐᓇᖅᑕᖃᖅᑐᖅ ᐋᓐᓂᐊᓕᕇᒃᑯᑎᓂᑦ; ᑕᒫᓃᑦᑐᑦ ᐊᒻᒪ ᐊᑐᐃᓐᓇᐅᔪᑦ. ᑕᕝᕙ ᐃᕝᕕᑦ ᐱᔭᕆᐊᓕᖅᐳᑎᑦ ᓇᒻᒥᓂᖅ ᐃᑲᔪᕐᓂᐊᕋᕕᑦ ᓄᓇᓕᒋᔭᑦᑎᓐᓂᑦ ᓴᑉᐳᔨᖃᑕᐅᓂᕐᒥᑦ ᓄᓇᓕᒋᔭᑦᑎᓐᓂᑦ.

ᑕᐃᒫᒃ ᓱᓕ, ᓄᖅᑲᐅᑎᒋᓗᒍ ᐅᓇ − ᖃᓄᐃᙱᑦᑎᐊᓂᐊᖅᐳᓯ. ᒪᑐᐊᖅᒪᓗᑎᑦ. ᐊᒡᒐᑎᑦ ᐅᐊᓴᖃᑦᑕᕐᓗᒋᑦ. ᐊᕐᕕᓂᓕᖕᓂ ᐃᓯᒃᑲᓐᓂᒃ ᐅᖓᓯᒌᒃᑎᒋᕙᒡᓗᓯ ᐊᓃᖅᑎᓪᓗᓯ. ᐊᖏᕐᕋᖅᓯᒪᕙᒡᓗᑎᑦ ᐊᔪᕐᓇᙱᓐᓂᓕᒫᖓᓂ. ᑲᐱᔭᐅᓗᑎᑦ ᐋᓐᓂᐊᓕᕇᒃᑯᑎᒧᑦ.

ᑲᒪᒋᑦᑎᐊᕐᓗᓯ ᐊᑦᑕᕐᓇᖅᑐᒦᑦᑕᐃᓕᓗᓯᓗ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:

ᐅᓪᓛᒃᑯᑦ.

ᐅᓪᓗᒥ ᐊᑕᐅᓯᖅ ᓇᓗᓇᐃᖅᓯᒪᔪᖃᓕᖅᐳ ᓱᓕ ᐋᓐᓂᐊᓕᖅᓯᒪᔪᒥᑦ ᓄᕙᕐᔪᐊᕐᓇᖅ-19ᒧᑦ ᐃᖃᓗᓐᓂ, ᐊᑕᐅᓯᖅ ᖃᓄᐃᒍᓐᓃᖅᑐᖅ. ᑲᑎᔭᐅᓯᒪᑐᐃᓐᓇᕆᐊᓖᑦ ᖃᐅᔨᓴᖅᑕᐅᔪᑦ ᑭᓇᒃᑰᓂᖏᓐᓂᑦ ᓱᓕ ᒫᓐᓇ ᑲᔪᓯᔪᖅ ᑕᒪᒃᑮᓐᓂᒃ ᐃᖃᓗᓐᓂᑦ ᑭᙵᕐᓂᓪᓗ. ᑖᒃᑯᐊ ᐅᓗᕆᐊᓇᖅᑐᒦᓐᓂᖅᓴᐅᔪᑦ ᐊᓂᑦᑕᐃᓕᑎᑕᐅᓯᒪᓕᖅᑐᑦ.

ᐅᐃᒻᒪᒃᓯᒪᖁᔨᓚᒍᑦ ᐅᕙᓗ ᓱᓕᙱᑦᑐᓂᑦ ᐅᖃᐅᓯᖃᖃᑦᑕᖏᓪᓗᓯ. ᑐᓴᖅᑕᐅᑎᑦᑎᖃᑦᑕᕐᓂᐊᖅᑐᒍᑦ ᐋᓐᓂᐊᓕᖅᑐᓂᑦ ᓇᓗᓇᐃᖅᑕᐅᓚᐅᖅᑎᓪᓗᒋᑦ. ᐃᓱᒪᒋᑐᐃᓐᓇᖅᑕᓯᓐᓂᑦ ᓇᒦᒻᒪᖔᖅ ᑖᓐᓇ ᓄᕙᕐᔪᐊᓐᓇᖅ ᐱᖃᑦᑕᖏᓪᓗᓯ. ᓱᓕᙱᑦᑐᑦ ᐅᖃᐅᓯᐅᑎᓪᓗᒋᑦ ᐋᓐᓂᖅᓯᑐᐃᓐᓇᕐᒪᑕ ᐃᓄᐃᑦ ᐃᓱᒪᖏᓐᓂ ᖃᓄᐃᓐᓂᕆᔭᖏᓐᓂᑦ ᐊᒻᒪᓗ ᑖᓐᓇ ᓄᖅᑲᖓᑎᑕᐅᓇᓱᑦᑎᓪᓗᒍ ᓯᐊᒻᒪᒃᑲᓐᓂᖁᓇᒍ ᓄᕙᕐᔪᐊᕐᓇᖅ-19.

ᓱᓕ ᒫᓐᓇ ᐊᐱᖅᑯᑎᔅᓴᖃᖅᑐᑦ ᐊᒥᓲᒻᒪᑕ ᐊᒻᒪᓗ ᖃᐅᔨᓴᖅᑕᐅᔭᕆᐊᓖᑦ. ᐃᓱᒫᓗᒃᑯᕕᑦ ᐋᓐᓂᐊᓇᖅᑐᖅᑕᓕᒦᓇᓱᒋᒍᕕᑦ ᐅᕙᓗ ᖃᐅᔨᔾᔪᑕᐅᔪᓐᓇᖅᑐᓂᑦ ᐋᓐᓂᐊᓕᕐᓂᕐᒧᑦ ᐅᖄᓚᕕᒋᓗᒍ ᖃᓄᐃᓕᐅᕆᐊᖃᕐᒪᖔᖅᐱᑦ ᐅᖃᐅᔾᔭᓂᐊᕋᕕᑦ. ᓇᓗᓇᐃᕆᐊᒃᑲᓐᓂᕐᓗᒍ ᑖᓐᓇ ᖃᐅᔨᔾᔪᑕᐅᔪᓐᓇᖅᑐᑦ ᐋᓐᓂᐊᓕᓂᕐᒧᑦ, ᐃᒪᑦᑑᕗᑦ ᐃᒡᒋᐊᕐᓗᒃ, ᑲᒃᑭᓕᒃ, ᖁᐃᖅᓱᖃᑦᑕᕐᓂᖅ ᐅᕙᓗ ᐱᓕᖅᐸᓪᓕᐊᑐᐃᓐᓇᕐᓗᑎᑦ, ᐊᓂᕐᓂᑭᓪᓗᑎᑦ, ᓂᕆᔪᒪᑦᑎᐊᕈᓐᓃᕐᓗᑎᑦ, ᓂᕆᔭᑎᑦ ᑎᐱᖃᕈᓐᓃᕐᓗᑎᑦ ᐊᒻᒪᓗ ᓇᐃᒪᔪᓐᓃᕐᓗᑎᑦ, ᑕᖃᓯᒪᓗᑎᑦ, ᐆᓇᖅᓯᓗᑎᑦ, ᐅᕙᓗ ᓈᕐᓗᓕᖅᓯᒪᓗᑎᑦ.

ᐋᓐᓂᐊᓕᕇᒃᑯᑎ ᓱᓕ ᐊᑐᐃᓐᓇᐅᑎᑕᐅᔪᑦ ᓄᓇᓕᓐᓂᑦ. ᐋᓐᓂᐊᕕᒻᒧᑦ ᐅᖄᓚᓗᑎᑦ ᓄᓇᒋᔭᓐᓂᑦ ᐅᕙᓗ ᐃᖃᓗᓐᓂ ᐅᖁᒪᐃᓐᓂᕐᓂᐊᕐᕕᒻᒧᑦ ᐃᓂᔅᓴᓕᐅᕐᓗᑎᑦ. ᐃᓄᑑᔭᕆᐊᖃᖅᑎᑕᐅᒍᕕᑦ ᑕᒪᒃᑯᐊ ᖃᓄᐃᓐᓂᐅᔪᑦ ᒫᓐᓇ ᐊᐃᑦᑐᐃᖃᑦᑕᐅᓯᒪᔪᑦ ᐱᓪᓗᒋᑦ ᐊᒻᒪᓗ ᐃᓱᒫᓗᒃᑯᕕᑦ ᐱᖃᑕᐅᙱᑐᐃᓐᓇᕆᐊᖃᕐᓂᓐᓂᑦ, ᐃᓱᒫᓗᙱᓪᓗᑎᑦ, ᐋᓐᓂᐊᓕᕇᒃᑯᑎ ᑲᐴᑎᑦ ᓱᓕ ᐱᑕᖃᕐᓂᐊᖅᑐᑦ. ᐃᓄᑑᔭᕆᐊᖃᓐᓃᕐᓂᕈᕕᑦ, ᐅᖄᓚᐅᑎᒃᑯᑦ ᐃᓂᔅᓴᓕᐅᕈᓐᓇᖅᑐᑎᑦ.

ᐃᑉᐸᔅᓴᖅ, ᐊᕐᕕᐊᓂ ᐊᐃᑦᑐᕐᓗᐃᖃᑦᑕᐅᑎᓂᐅᓚᐅᖅᑐᖅ ᓇᓗᓇᐃᖅᑕᐅᓚᐅᖅᑐᖅ ᐊᓂᒍᐃᓂᖏᓐᓂᑦ, ᐊᒻᒪᓗ ᑖᒃᑯᐊ ᐅᐱᒋᕙᒃᑲ ᓄᓇᓖᑦ ᑎᑭᐅᑎᔪᓐᓇᕐᒪᑕ.

ᐅᓪᓗᓂᑦ ᐊᑐᕐᓂᐊᖅᑕᑎᓐᓂᑦ ᓱᓕ ᐊᓯᔾᔨᕐᓂᖏᑉᐸᑦ ᒫᓐᓇ ᐅᓗᕆᐊᓇᖅᑐᒦᓐᓂᕆᔭᖏᓐᓂᑦ ᐊᕐᕕᐊᓂ, ᓄᖅᑲᖓᑎᑦᑎᒍᑕᐅᔪᑦ ᑖᒃᑯᐊ ᐅᖃᕈᓐᓇᓛᓕᖅᑐᖓ ᐲᖅᑕᐅᔪᓐᓇᓛᓕᕐᒪᑕ ᐄᐳᓗ 26ᒥ.

ᓇᒡᒐᔾᔭᐅᖑᓛᖅᑐᒥᑦ ᑭᖑᓪᓕᕐᒥᑦ, ᐊᕐᕕᐊᓂ ᓄᖅᑲᖓᑎᑦᑎᒍᑕᐅᓯᒪᔪᑦ ᑭᕙᓪᓕᕐᒥᐅᑦ ᖃᓄᐃᑦᑐᒦᓐᓂᕆᔭᖏᓐᓂᑦ ᐊᔾᔨᖓᓐᓂᑦ ᐱᖃᑕᐅᔪᓐᓇᓛᓕᖅᑐᑦ. ᐃᒫᒃ ᑐᑭᖃᕐᓂᐊᖅᑐᖅ:

  • ᓇᒻᒥᓂᖁᑎᒋᔭᐅᔪᖅ ᑕᒪᕐᒥᒃ ᒪᑐᐃᕈᓐᓇᓛᓕᖅᑐᑦ.
  • ᐃᓕᓐᓂᐊᕐᕖᑦ ᑕᒪᕐᒥᒃ ᒪᑐᐃᕈᓐᓇᓛᓕᖅᑐᑦ.
  • ᓯᓚᒥ ᑲᑎᙵᖃᑦᑕᕈᓐᓇᖅᑐᑦ 100 ᐅᖓᑖᓄᐊᕆᐊᖃᙱᑦᑐᑦ.
  • ᐃᓯᖅᓯᒪᓗᑎᒃ ᑲᑎᙵᖃᑦᑕᖅᑐᑦ ᐃᓪᓗᒥᐅᖃᑎᒌᑐᐊᖑᔭᕆᐊᖃᖅᐳᑦ ᐃᓚᒋᓗᒋᑦ ᖁᓪᓕᓪᓗ ᑕᓪᓕᒪᓪᓗ ᐃᓄᐃᑦ.
  • ᐃᓄᐃᑦ ᓯᓕ ᐅᖓᓯᒌᒃᑕᐃᓐᓇᕆᐊᖃᖅᐳᑦ 2 ᒦᑕᓂᒃ ᐊᓯᒥᓂᑦ ᐃᓄᒋᐊᒃᑐᓂ, ᐊᓯᖏᓐᓂᒃ ᐃᒡᓗᒥᐅᑕᐅᖃᑎᖏᑕ.
  • ᐃᓗᐊᓂ ᑲᑎᙵᔪᓐᓇᕐᑐᑦ ᓯᓚᑖᓂ ᐃᒡᓘᑉ ᑭᒡᓕᖃᖅᑎᑕᓗᓂ 15−ᓄᑦ.
  • ᑲᑎᙵᔪᑦ ᓲᕐᓗ ᐱᙳᐊᕐᕕᐅᔪᓂᑦ ᑲᑎᕝᕕᐅᔪᓂᑦ ᑲᑎᒪᕕᐅᔪᓂᓪᓗ ᑭᓪᓕᖃᖅᑎᑕᐅᕗᑦ 100ᓂᑦ ᐅᕙᓗ 75% ᐃᓄᖃᕈᓐᓇᕐᓂᖓᓂ.
  • ᐱᙳᐊᕐᕕᖏᑦ ᒪᑐᐃᕈᓐᓇᖅᓯᔪᑦ ᑖᒃᑯᐊ 25ᓂᑦ ᑭᓪᓕᖃᕐᓗᑎᑦ ᐅᐸᔅᓯᒪᔪᑦ.

ᒪᑐᐊᑦ ᐊᑐᖅᑕᐅᖁᔭᐅᓚᕆᒃᑐᑦ.

ᑕᑯᔭᒋᐊᖃᓐᓂᖁᓪᓗᒍ ᑖᓐᓇ ᐊᕐᕕᐊᑦ ᐊᒻᒪᓗ ᐊᓯᖏᑦ ᓄᓇᓖᑦ ᐋᓐᓂᐊᓕᖅᓯᒪᔪᓂᑦ ᓯᐊᒻᒪᕝᕕᐅᓚᐅᖅᑐᑦ ᑕᐅᑐᒐᔅᓴᐅᓂᖏᓐᓂᑦ ᖃᓄᖅ ᒪᓕᑦᑎᐊᖅᐸᑕ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐊᑐᖁᔭᐅᔪᓂᑦ ᑖᓐᓇ ᐊᑑᑎᖃᑦᑎᐊᕐᒪᑦ.

ᓱᓕ ᑲᔪᓯᓂᐊᕈᑦᑕ ᐊᑐᕐᓗᑎᒍ ᐱᓕᕆᖃᑎᒌᓐᓂᒃᑯᑦ ᐋᓐᓂᐊᕕᓪᓗ ᐱᓕᕆᐊᕆᔭᖏᑦ ᖃᐅᔨᓴᖅᐸᓪᓕᐊᓂᖏᑦ, ᑭᓇᒃᑰᓂᖏᓐᓂᑦ ᐊᒻᒪᓗ ᑖᓐᓇ ᐋᓐᓂᐊᓇᖅᑐᖅ ᓄᖅᑲᖅᑎᓪᓗᒍ ᐊᒻᒪᓗ ᑭᒃᑯᑐᐃᓇᑦ ᐃᓄᐃᑦ ᓈᓚᓪᓗᑎᑦ ᒪᓕᖁᔭᐅᔪᓂᑦ ᓄᖅᑲᖓᑎᑦᑎᒍᑕᐅᔪᓂᑦ, ᐊᓂᒍᐃᓂᐊᖅᑐᒍᑦ.

ᖁᔭᓐᓇᒦᒃ.

 

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᑦ ᐱᓇᔪᒃᑕᖏᓐᓄᑦ ᓄᓇᕗᒻᒥᐅᓂᒃ ᓴᐳᔾᔨᓯᒪᓇᓱᒃᖢᑎᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: https://www.gov.nu.ca/health/information/nunavuts-path

ᑐᑭᓯᒋᐊᕈᒪᒍᕕᑦ ᑲᐱᔭᐅᓐᓇᐅᓛᕐᑐᓂᑦ ᐅᕗᙵᐅᓗᑎᑦ: https://gov.nu.ca/health/information/covid-19-vaccination

 

ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ:  ᐊᐃᕆᓕ 21

ᑲᑎᓕᒫᖅᖢᒋᑦ ᖃᐅᔨᓴᖅᑕᐅᓯᒪᔪᑦ ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑐᖁᔪᑦ ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ
10,681 429 33 392 4 7493 254

*ᓇᓗᓇᐃᖅᑕᐅᓯᒪᔪᑦ ᐊᒻᒪ ᑕᐃᒪᐃᑦᑐᖃᑐᐃᓐᓇᕆᐊᓕᑦ ᐱᖃᓯᐅᔾᔨᕗᑦ ᑲᓇᑕᓕᒫᒥ ᖃᓂᒪᓇᓱᒋᔭᐅᔪᑦ ᖃᐅᔨᓴᖅᑕᐅᓯᒪᔪᓂᑦ. ᐅᑯᐊ ᐃᓄᐃᑦ ᖃᐅᔨᓴᖅᑕᐅᖃᑕᐅᔪᑦ ᓇᓗᓇᐃᖅᑕᐅᔪᑦ ᐋᓐᓂᐊᑲᑕᖕᓂᖏᓐᓂᒃ ᐊᒻᒪ ᐊᑦᑕᕐᓇᖅᑐᒦᓚᐅᖅᑐᑦ ᐊᓯᖏᓪᓗ ᓇᖕᒥᓂᖅ ᓇᐅᑦᑎᖅᓱᖅᑐᑦ ᐅᕝᕙᓘᓐᓃᑦ ᐅᐸᒃᑕᐅᑦᑕᐃᓕᔪᑦ. ᑖᒃᑯᐊᓕᒫᖅ ᐋᓐᓂᐊᑲᑕᒐᔭᙱᑦᑐᑦ ᐅᕝᕙᓘᓐᓃᑦ ᖃᐅᔨᓴᖅᑕᐅᔪᐃᓐᓇᐅᔭᕆᐊᖃᙱᑦᑐᑦ.

*ᑭᖑᕙᓯᒃᑐᖃᑐᐃᓐᓇᕆᐊᓕᒃ ᐅᖃᐅᓯᖃᕐᓂᐊᕐᓗᓂ ᖃᓄᐃᓕᖓᓂᖏᓐᓄᑦ ᑭᒡᓕᓯᓂᐊᖅᑕᐅᓯᒪᔪᓂᓪᓗ ᖃᓄᐃᓕᖓᔪᓂᑦ ᐱᔭᐅᔪᓂᑦ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥ. ᖁᓕᓪᓗ ᒪᕐᕉᒡᓗ ᓄᕙᒡᔪᐊᖅᑐᑦ ᖃᐅᔨᔭᐅᓚᐅᖅᑐᑦ ᓄᓇᕗᑦ ᓯᓚᑖᓂ ᓇᓗᓇᐃᖅᑕᐅᓚᐅᖅᐳᑦ ᓄᓇᕗᒻᒧᑦ. ᐱᖓᓱᑦ ᐃᓅᔪᓐᓃᖅᑐᑦ ᐱᖃᓯᐅᔾᔭᐅᓪᓗᑎᒃ. ᓄᓇᕗᒥᐅᑦ ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᕗᑦ ᓯᓚᑖᓂ ᖃᐅᔨᔭᐅᔪᑦ ᓇᓗᓇᐃᖅᑕᐅᔪᐃᓐᓇᐅᔾᔮᙱᑉᐳᑦ ᓄᓇᕗᒻᒧᑦ.

ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔪᑦ ᖃᓄᐃᓕᖓᓂᖏᑦ: ᐊᐃᕆᓕ 21

ᓯᕗᓪᓕᖅᐹᑦ ᑲᐱᔭᐅᔾᔪᑏᑦ ᐊᑐᖅᑕᐅᕗᑦ ᑐᒡᓕᖏᑦ ᑲᐱᔭᐅᔾᔪᑏᑦ ᐊᑐᖅᑕᐅᕗᑦ ᑲᑎᖦᖢᒋᑦ ᑲᐱᔭᐅᔾᔪᑏᑦ ᐊᑐᖅᑕᐅᔪᑦ
14,559 11,604 26,164

*ᑲᑎᓕᒫᖅᖢᒋᑦ ᑲᐱᔭᐅᓃᑦ ᓄᑖᙳᕆᐊᖅᑎᑕᐅᖃᑦᑕᖅᐳᑦ ᐊᔪᕐᓇᕈᓐᓃᑐᐊᕌᖓᑦ, ᑭᓯᐊᓂᓗ ᐊᑦᑎᖕᓂᖅᓴᐅᑐᐃᓐᓇᕆᐊᖃᖅᖢᑎᒃ ᓈᓴᖅᑕᐅᓯᒪᓪᓚᕆᒃᑐᓂᑦ.

ᓄᕙᕐᔪᐊᕐᓇᖅ-19−ᒧᑦ ᓄᓇᓕᖕᓂ ᐱᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᐊᐃᕆᓕ 21

ᓄᓇᓕᒃ ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ   ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ ᑐᖁᔪᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ
ᐃᖃᓗᐃᑦ 31 32 1 0 1 31
ᑭᙵᐃᑦ 2 2 0 0 0 2
ᐊᕐᕕᐊᑦ 339 339 0 1 338 0
ᑎᑭᕋᕐᔪᐊᖅ 23 23 0 0 23 0
ᑲᖏᖅᖠᓂᖅ 19 19 0 0 19 0
ᓴᓂᑭᓗᐊᖅ  2 2 0 0 2 0
ᑲᑎᖦᖢᒋᑦ  416 417 1 1 383 33

ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᐊᐃᕆᓕ 21

ᓄᓇᓕᒃ  ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ
ᐃᖃᓗᐃᑦ 32 235
ᑭᙵᐃᑦ 2 ᐊᑐᙱᑦᑐᖅ
ᐊᕐᕕᐊᑦ  339 2883
ᑎᑭᕋᕐᔪᐊᖅ  23 352
ᑲᖏᖅᖠᓂᖅ 19 399
ᓴᓂᑭᓗᐊᖅ  2 202
ᑲᑎᖦᖢᒋᑦ  417 4071

ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:

ᐊᐅᓪᓚᕈᑎᒋᔭᐅᓯᒪᔪᑦ

ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᐊᐃᕐᕆᓕ 20-ᒥᑦ ᐱᒋᐊᖅᖢᓂ

ᐋᓐᓂᐊᕐᕕᓕᐊᖅᑐᑦ

315

ᑭᒃᑯᑐᐃᓐᓇᑦ

220
ᑐᐊᕕᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓄᑦ ᐃᓄᑑᔭᕆᐊᖃᕐᓂᕐᓗ 67
ᐃᒡᓗᓕᐅᖅᑎᑦ 32

ᑲᑎᖢᒋᑦ

634

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ

ᐊᐃᕐᕆᓕ 21  

65

ᐊᐃᕐᕆᓕ 22

87

ᐊᐃᕐᕆᓕ 23 

40

ᐊᐃᕐᕆᓕ 24

3

ᐊᐃᕐᕆᓕ 25  

30

ᑲᑎᖢᒋᑦ

225

ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:

ᐊᐃᕆᓕ 21−ᒥ ᐱᒋᐊᖅᖢᓂ, 15,205−ᓂᒃ ᑐᒃᓯᕋᖅᑐᖃᓚᐅᖅᐳᖅ, 7,552−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ

# %

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ)

11,523 75.8%

ᐊᖏᖅᑕᐅᙱᑦᑐᑦ

306 2.0%
ᐅᑕᖅᑭᔪᑦ 449 3.0%

ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ

2927 19.3%
ᑲᑎᖢᒋᑦ 15,205 100%

 

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᓇᒡᒐᔾᔭᐅ, ᐄᐳᓗ 26, 2021-ᒥ ᐱᒋᐊᕐᓗᓂ, ᐃᓕᓐᓂᐊᕐᕕᓕᒫᑦ ᐊᕐᕕᐊᓂ ᐊᑐᕆᐊᓕᒃ 1-ᒧᐊᕐᓂᐊᓕᖅᐳᑦ ᐊᑐᓕᖅᑎᑦᑎᓗᑎᒡᓗ ᐊᑐᕆᐊᓕᒃ 1−ᒥ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᖓᓂ.

ᐱᔨᑦᑎᕋᖅᑕᐅᖏᓐᓇᖅᑐᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐅᑯᐊ ᑲᔪᓯᓂᐊᖅᑐᑦ ᐊᑐᖅᑕᐅᓕᕐᓗᑎᒃ:

  • ᐊᑐᕆᐊᓕᒃ 4 − ᐃᓕᓐᓂᐊᕐᕖᑦ ᑭᙵᕐᓂ ᐃᖃᓗᓐᓂᓗ
  • ᐊᑐᕆᐊᓕᒃ 3 − ᐃᓕᓐᓂᐊᕐᕖᑦ ᕿᑭᖅᑕᓂ, ᓴᓂᑭᓗᐊᖅ, ᑭᙵᐃᑦ, ᐊᒻᒪᓗ ᐃᖃᓗᐃᑦ ᐱᖃᑕᐅᙱᑦᑐᑦ
  • ᐊᑐᕆᐊᓕᒃ 2 − ᐃᓕᓐᓂᐊᕐᕖᑦ ᑭᕙᓪᓕᕐᒥᑦ ᐊᒻᒪᓗ ᐊᕐᕕᐊᑦ (ᐊᕐᕕᐊᑦ ᐊᓯᔾᔨᖅᑕᐅᔪᖅ ᐊᑐᕆᐊᓕᒃ 1ᒧ ᓇᒡᒐᔾᔭᐅ, ᐄᐳᓗ 26, 2021)
  • ᐊᑐᕆᐊᓕᒃ 1 − ᐃᓕᓐᓂᐊᕐᕖᑦ ᓴᓂᑭᓗᐊᕐᒥ, ᕿᑎᕐᒥᐅᓂ, ᐊᒻᒪᓗ ᑭᕙᓪᓕᕐᒥᐅᓂ, ᑖᒃᑯᐊ ᑭᓯᐊᓂ ᑲᖏᖅᖠᓂᖅ ᐊᒻᒪᓗ ᐊᕐᕕᐊᑦ ᐱᖃᑕᐅᙱᑦᑐᑦ

ᐃᓕᓐᓂᐊᕐᕕᑦ ᐊᑐᓕᕐᑎᑦᑎᓂᐊᕐᑐᑦ ᓈᒻᒪᒃᑐᒥᒃ ᖃᓄᐃᓕᐅᕐᓂᕐᒧᑦ ᐸᖕᓇᐅᑎᒥᑦ ᒫᓐᓇ ᐊᑐᖅᑕᒥᓄᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᑕᒪᕐᒥᒃ ᓄᓇᕗᒻᒥ ᐸᐃᕆᕝᕕᓕᒫᑦ ᐅᒃᑯᐃᖓᐃᓐᓇᕈᓐᓇᖅᐳᑦ, ᑭᙵᐃᑦ ᐊᒻᒪ ᐃᖃᓗᐃᑦ ᐱᖃᑕᐅᙱᑦᑐᑦ.

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS)

ᐃᓕᓐᓂᐊᕐᑎᑦ ᐃᓂᒃᓴᓕᐅᕐᑐᖅ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᒪᓕᒋᐊᖃᕐᓂᐊᕐᑐᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒃᑕᐅᔭᕆᐊᓕᖕᓂᑦ ᐊᑐᕐᑕᐅᔭᕆᐊᓕᖕᓂᓪᓗ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ. ᐃᓕᓐᓂᐊᕐᑎᑦ ᐊᐱᖅᑯᑎᒃᓴᖃᕈᑎᒃ ᖃᓄᖅ ᐊᐅᓪᓚᕐᓂᕆᓇᔭᕐᑕᖏᑦ ᐊᒃᑐᕐᑕᐅᓇᔭᖕᒪᖔᖏᑦ, ᖃᐅᔨᒋᐊᕈᓐᓇᖅᑐᑦ ᐃᓕᓐᓂᐊᕐᑎᓄᑦ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᑎᑎᕋᕐᕕᐊᓄᑦ ᑐᑭᓯᒋᐊᒃᑲᓐᓂᕐᓂᐊᕐᓗᑎᒃ ᐅᕙᓂ fanstravel@gov.nu.ca.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᐅᑎᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᓇᒡᒐᔾᔭᐅ, ᐄᐳᓗ 26, 2021, ᐊᕐᕕᐊᑦ ᐃᓕᓐᓂᐊᕐᕕᖏᑦ ᓅᑦᑎᑕᐅᓂᐊᖅᑐᑦ ᐊᑐᕆᐊᓕᒃ 1.

ᐊᑐᕆᐊᓕᒃ 1, ᐃᓕᓐᓂᐊᕐᕕᓕᒫᑦ ᒪᑐᐃᙶᖃᑦᑕᓂᐊᓕᕆᕗᑦ ᐅᓪᓗᓕᒫᖅ ᐃᓕᓐᓂᐊᕐᕕᖕᒥ ᐊᔪᕈᓐᓃᖅᓴᖅᑎᑕᐅᕙᒡᓗᑎᒃ ᐃᓕᓐᓂᐊᕐᑏᑦ, ᐃᓕᓐᓂᐊᓕᓵᖅᑐᓂᑦ ᖁᕝᕙᓯᖕᓂᓕᖕᓄᑦ 1-ᒧᑦ, ᐅᓪᓗᓄᑦ ᑕᓪᓕᒪᓄᑦ ᐱᓇᓱᐊᕈᓯᕐᒥ.

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᑭᙵᕐᓂ ᐃᖃᓗᖕᓂᓗ ᐃᓕᓐᓂᐊᕐᕕᑦ ᒪᑐᓯᒪᔪᑦ ᑭᓯᐊᓂ ᐅᖃᐅᓯᐅᒃᑲᓐᓂᖅᐸᑦ.

ᐊᑐᕆᐊᓕᖓ 4-ᒦᑦᑐᑦ ᖃᕆᓴᐅᔭᒃᑯᑦ ᑕᒪᕐᒥᑦᑎᐊᖅ ᐃᓕᓴᖅᑕᐅᑲᑕᖕᓂᐊᖅᐳᑦ. ᐃᓕᓐᓂᐊᕐᕕᓕᒫᑦ ᐃᓕᓐᓂᐊᖅᑎᓄᑦ, ᐃᖅᑲᓇᐃᔭᖅᑎᓄᑦ, ᑭᒃᑯᑐᐃᓐᓇᓄᓪᓗ ᒪᑐᓯᒪᕗᑦ. ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᑎᓕᒫᓂᒃ ᑐᓴᐅᒪᑎᑦᑎᖃᑦᑕᕐᓂᐊᖅᐳᑦ ᓈᒻᒪᒃᓯᔭᕌᖓᑦ. 

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᑭᙵᐃᑦ ᐃᖃᓗᐃᓪᓗ ᐸᐃᕆᕕᖏᑦ ᒪᑐᓯᒪᐃᓐᓇᕐᓂᐊᖅᑐᑦ ᑭᓯᐊᓂ ᓇᓗᓇᐃᖅᑕᐅᑉᐸᑕ ᒪᑐᐃᕈᓐᓇᖅᓯᐸᑦᑕ ᒪᑐᐃᓛᖅᑐᑦ.

 

 

ᓄᓇᕗᒻᒥ ᓯᓚᑦᑐᖅᓴᕐᕕᒃ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᓄᓇᕗᒻᒥ ᖃᐅᔨᓴᖅᑐᓕᕆᔨᒃᑯᑦ ᓄᓇᕗᒻᒥ ᓯᓚᑦᑐᖅᓴᕐᕕᖓᓐᓂ ᐃᖃᓗᓐᓂ ᓱᓕ ᑖᒃᑯᐊ ᐱᖃᑦᑕᕐᓂᐊᖅᑐᑦ ᐊᐃᕕᒥᓂᕐᓂᑦ ᖃᐅᔨᓴᕋᒃᓴᓂᑦ ᓄᓇᓕᓐᓂ ᐊᖑᓇᓱᑦᑐᓕᕆᔨᒃᑯᖏᓐᓂᑦ ᑖᒃᑯᐊ ᖃᐅᔨᓴᖅᑕᐅᖃᑦᑕᕐᓂᐊᕐᒪᑕ ᖁᐱᕐᕈᖃᙱᑲᓗᐊᕐᒪᖔᑕ.  ᖃᐅᔨᒪᔭᐅᓂᐊᖅᐳᖅ ᑖᒃᑯᐊ ᖃᐅᔨᓴᖅᑕᐅᓯᒪᔪᑦ ᖃᐅᔨᔭᐅᓇᓱᓐᓂᖏᑦ ᑭᖑᕙᖅᓯᒪᑐᐃᓐᓇᕆᐊᖃᕐᒪᑕ ᐃᖃᓗᐃᑦ ᒫᓐᓇ ᐱᑦᑕᐃᓕᑎᑕᐅᒻᒪᑕ ᑭᒃᑯᑐᐃᓐᓇᕐᓄᑦ ᓄᖅᑲᖓᑎᑦᑎᐅᔪᑦ ᐱᓪᓗᒋᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ.

 

 

ᓄᓇᕗᒻᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.