ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᒪᐃ 12, 2021

ᒪᐃ 12, 2021

ᓯᕗᓕᖅᑎᒥᑦ ᑐᓴᒐᒃᓴᑦ ᓄᑖᙳᕆᐊᖅᓯᒪᔪᑦ:

ᐅᓪᓗᒥ 8-ᓂᒃ ᓄᑖᓂ ᓇᓗᓇᐃᖅᓯᖅᑲᐅᕗᒍᑦ ᓄᕙᒡᔪᐊᕐᓇᖅ-19−ᑖᖅᑐᓂᒃ 14-ᓗ ᖃᓄᐃᑦᑐᓐᓃᖅᖢᑎᒃ. 69-ᖑᔪᑦ ᓇᓗᓇᐃᖅᑕᐅᓯᒪᔪᑦ ᓄᕙᕐᔪᐊᓕᖅᑐᑦ ᓄᓇᕗᒻᒥ, ᑕᒪᕐᒥᒡᓗ ᐃᖃᓗᖕᓃᖦᖢᑎᒃ. 130 ᖃᓄᐃᑦᑐᓐᓃᖅᓯᒪᔪᑦ ᐅᓪᓗᒥᒧᑦ ᐊᐃᑦᑐᕐᓗᒃᑕᐅᓯᒪᔪᑦ.

ᒫᓐᓇᒧᑦ ᑎᑭᖦᖢᒍ, 16,525 ᓄᓇᕗᒻᒥᐅᑦ ᓯᕗᓪᓕᕐᒥ ᑲᐱᔭᐅᓯᒪᓕᖅᑐᑦ ᒪᑑᓇᒧᑦ, ᐊᒻᒪ 12,995 ᓄᓇᕗᒥᐅᑦ ᑲᐱᔭᐅᓯᒫᓂᓕᖅᑐᑦ ᓄᕙᒡᔪᐊᕇᒃᑯᑎᒧᑦ.

ᐃᑉᐸᒃᓴᖅ, ᒐᕙᒪᑐᖃᒃᑯᑦ ᑐᓴᖅᑎᑦᑎᓚᐅᖅᐳᑦ ᑮᓇᐅᔭᖅᑖᖅᑎᑦᑎᒃᑲᓐᓂᕐᓂᐊᕐᓂᖏᓐᓂᒃ ᓄᓇᕗᒻᒥ ᐃᑲᔪᕈᒪᓪᓗᑎᒃ ᓄᕙᕐᔪᐊᕐᓇᖅ-19 ᐊᐃᑦᑐᕐᓘᑕᐅᑎᓪᓗᒍ. ᖁᔭᓕᑦᑎᐊᖅᐳᒍᑦ ᑖᒃᑯᓂᖓ ᐱᑎᑕᐅᒐᑦᑕ ᑐᓂᔭᐅᑐᐃᓐᓇᖅᑐᓂᒃ ᑮᓇᐅᔭᖅᑖᖅᑎᑦᑎᔪᓂᒡᓗ ᒫᓐᓇᓗ ᕿᒥᕐᕈᕙᓪᓕᐊᕗᑦ ᖃᓄᖅ ᐊᑐᓕᖅᑎᑦᑎᓂᐊᕐᒪᖔᑦ ᑮᓇᐅᔭᓕᐅᕈᑕᐅᒃᑲᓐᓂᕋᓱᒃᑐᓂᑦ ᖃᕆᓴᐅᔭᒃᑯᑦ ᐃᓕᓐᓂᐊᖅᑐᓄᑦ ᐃᑲᔪᖅᑐᐃᔪᓂᒃ, ᐸᐃᕆᕝᕕᖕᓄᑦ, ᐃᓅᖃᑎᒌᑦ ᐃᑲᔫᑎᖏᓐᓂᒃ ᐊᒻᒪ ᑎᒍᔭᐅᓯᒪᕝᕕᖕᒥ ᐱᔨᑦᑎᕋᐅᑎᖏᓐᓄᑦ.

ᓱᓕ ᐱᓕᕆᖃᑎᖃᕐᓂᐊᖅᐳᒍᑦ ᓄᓇᕗᑦ ᑐᙵᕕᒃᑯᓐᓂ ᐊᑐᑦᑎᐊᖁᓪᓗᑕ ᐊᑕᐅᓯᙱᑦᑐᒧᑦ ᑮᓇᐅᔭᖃᖅᑎᑕᐅᔪᓂᑦ ᕿᓚᒻᒥᐅᔪᒃᑯᑦ ᐊᑑᑎᖃᑦᑎᐊᖅᑐᒥᓪᓗ. 

ᐃᖃᓗᖕᒥᐅᑦ, ᖃᓄᒃᑲᓐᓂᖅ ᐅᖃᕆᐊᒃᓴᖅ ᓇᓗᓕᕋᑦᑕ, ᑭᓯᐊᓂ ᑲᑎᙵᑲᑕᖁᔪᓐᓃᖅᖢᓯ ᐅᖃᐅᑎᕙᔅᓯ. ᖁᕕᐊᓱᓗᒋᐊᖅᑐᖅᖢᑎᒃ, ᐃᓅᖃᑎᒌᒋᐊᖅᑐᖃᑦᑕᖅᑐᑦ ᐃᒡᓗᒥᐅᖃᑎᒋᙱᑕᒥᓂᒃ, ᐊᒻᒪᓗ ᐊᓯᖏᓐᓂᒃ ᐊᓃᖃᑎᖃᖅᐸᒃᑐᑦ ᒪᑐᐊᖅᓯᒪᙱᖦᖢᑎᒃ ᐃᑲᔫᑕᐅᙱᑉᐳᖅ. ᐃᓄᐃᑦ ᐊᑯᓂᐅᓂᖅᓴᖅ ᑕᐃᒪᐃᓕᐅᕈᑎᒃ, ᐊᑯᓂᐅᓂᖅᓴᖅ ᐊᑐᕆᐊᖃᕐᓂᐊᖅᐳᒍᑦ ᐋᓐᓂᐊᖅᑐᓕᕆᔨᒃᑯᑦ ᒪᓕᖁᔭᖏᓐᓂᒃ.

ᑲᑐᔾᔨᖃᑎᒌᒡᓗᑕ ᑕᒪᑦᑕ ᐱᓕᕆᐊᒃᓴᖃᖅᐳᒍᑦ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᓕᖁᔭᖏᓐᓂᒃ ᑕᒪᑦᑕ ᒪᓕᒋᐊᖃᓪᓚᕆᒃᐳᒍᑦ. ᐃᒡᓗᔅᓯᓐᓂ ᐊᓂᔭᕌᖓᔅᓯ ᒪᑐᐊᖅᓯᒪᕙᒡᓗᓯ. ᐊᖏᕐᕋᖅᓯᒪᕙᒡᓗᓯ ᐊᔪᕐᓇᙱᓐᓂᓕᒫᖓᓂ. ᐃᓚᑎᑦ ᐊᓂᖃᑎᒋᕙᙱᓪᓗᒋᑦ ᐱᓕᕆᔭᖅᑐᓕᕌᖓᕕᑦ, ᐱᔭᕆᐊᖃᙱᑐᐊᖅᐸᑕ. ᐃᓅᖃᑎᑎᑦ ᐃᒡᓗᒥᐅᖃᑎᒋᙱᑕᑎᑦ ᖃᒡᓕᓗᐊᖅᐸᙱᓪᓗᒋᑦ. ᑲᐱᔭᐅᓗᑎᑦ ᐋᓐᓂᐊᓕᕇᒃᑯᑎᒧᑦ.

ᐊᑦᑕᕐᓇᙱᑦᑐᓂᒃ, ᖃᓄᐃᙱᓐᓂᕐᒥᒃ, ᓂᕈᐊᖅᐸᒡᓗᓯ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:

ᐅᓪᓛᒃᑯᑦ.

ᐅᓪᓛᕐᓂ ᐱᒋᐊᖅᖢᓂ, ᑎᓴᒪᑦ ᐃᖃᓗᖕᒥᐅᑦ ᑐᐊᕕᕐᓇᖅᑐᒃᑯᑦ ᐊᐅᓪᓚᖅᑎᑕᐅᓯᒪᓕᖅᐳᑦ ᖃᓪᓗᓈᓄᑦ. ᒪᕐᕉᒃ ᓱᓕ ᐋᓐᓂᐊᕕᖕᒦᑦᑑᒃ, ᐊᑕᐅᓯᖅ ᐋᓐᓂᐊᓪᓚᕆᒃᑐᓄᑦ ᐅᓂᒃᓯᒪᓪᓗᓂ, ᒪᕐᕉᒃ ᖃᓄᐃᑦᑐᓐᓃᖅᐸᓪᓕᐊᔫᒃ ᐋᑐᕚᒦᑦᑑᒃ ᐊᖏᕐᕋᐅᓵᓕᑐᐃᓐᓇᕆᐊᖃᓛᓕᖅᖢᑎᒃ. ᓱᓕ ᖃᓂᒻᒪᓐᓇᖅ ᐃᖃᓗᖕᓂ ᐊᐃᑦᑐᕐᓘᑕᐅᕙᓪᓕᐊᔪᖅ, ᐃᓚᖏᓪᓗ ᐊᓃᖅᑎᓪᓗᒋᑦ ᐊᐃᑦᑐᕐᓗᒃᑕᐅᓯᒪᓪᓗᑎᒃ. ᐃᒡᓗᒥᐅᖃᑎᒋᙱᑕᑦᑎᓐᓂᒃ ᑲᑎᖃᑎᖃᕐᓂᐊᕌᖓᑦᑕ ᒪᑐᐊᖅᓯᒪᖃᑦᑕᕐᓗᑕ ᓯᓚᒥᓗ ᑲᑎᖃᑎᒋᕙᒡᓗᒋᑦ.

ᖁᕕᐊᓱᓗᒃᑐᓄᑦ ᐃᓚᐅᓚᐅᕈᕕᑦ ᐱᓇᓱᐊᕈᓯᕐᓂ ᐱᖓᓱᓂᒃ ᐊᓂᒍᖅᑐᓂᑦ ᓄᕙᒡᔪᐊᕐᓇᖅ-19−ᒧᑦ ᖃᐅᔨᓴᖅᑕᐅᔭᕆᐊᖃᖅᐳᑎᑦ. ᐅᖄᓚᕝᕕᖕᒧᑦ 1-888-975-8601−ᒧᑦ ᖃᐅᔨᒋᐊᕐᓗᑎᑦ. ᖁᕕᐊᓱᓗᒃᑐᓄᑦ ᐃᓚᐅᓚᐅᕈᕕᑦ, ᐅᖄᓚᔪᓐᓇᙱᓪᓗᑎᓪᓗ ᐊᖕᒪᐃᔪᓐᓇᙱᒃᑯᕕᓪᓘᓐᓃᑦ, ᐅᓇᓕᒃᓴᔭᒃᑯᑦ ᐃᒡᓗᖁᑖᓄᙵᐅᔪᓐᓇᖅᐳᑎᑦ, ᐅᓐᓄᒃᓴᒃᑯᑦ ᐱᖓᔪᐊᖑᓕᕌᖓᑦ, 2 ᐊᒻᒪ 5 ᐊᑯᓐᓂᖓᓂ ᐅᓐᓄᒃᓴᒃᑯᑦ. ᓄᕙᕐᔪᐊᕐᓇᖅ-19−ᖃᕐᒪᖔᑦ ᖃᐅᔨᓴᖅᑕᐅᓂᐊᖅᐳᑎᑦ ᐊᐃᑦᑐᕐᓗᐃᖏᓐᓂᖅᓴᐅᓕᕐᓗᑎᓪᓗ.

ᐋᓐᓂᐊᓕᕇᒃᑯᑎᒥᒃ ᐅᖃᐅᓯᖃᕈᒪᖕᒥᔪᖓ ᐅᕙᑦᑎᓐᓂᒃ ᓴᐳᔾᔨᔾᔪᑎᒥᒃ ᓄᕙᕐᔪᐊᕐᓇᖅ-19−ᒧᑦ. ᑖᒃᑯᐊ ᑲᐴᑎᑦ ᐋᓐᓂᐊᓕᕇᒃᑯᑎ ᐊᑑᑎᖃᑦᑎᐊᖅᐳᑦ ᓄᕙᒡᔪᐊᕐᓇᖅ-19−ᒧᑦ. ᐃᓄᐃᑦ ᑲᐱᔭᐅᓯᒪᔪᑦ ᖃᓂᒻᒪᙱᓐᓂᖅᓴᐅᔪᓐᓇᖅᐳᑦ, ᐊᒻᒪ ᖃᓂᒻᒪᒃᑯᑎᒃ, ᐋᓐᓂᐊᓗᐊᙱᓐᓂᖅᓴᐅᔪᓐᓇᖅᐳᑦ ᑲᐱᔭᐅᓯᒪᙱᑦᑐᓂᑦ. ᓱᓕᒃᑲᓐᓂᖅ, ᓇᓗᓇᐃᖅᓯᕙᓪᓕᐊᓕᕆᕗᖅ ᐃᓄᐃᑦ ᑲᐱᔭᐅᓯᒪᔪᑦ ᐊᐃᑦᑐᕐᓗᐃᙱᓐᓂᖅᓴᐅᔪᓐᓇᖅᐳᑦ ᑲᐱᔭᐅᓯᒪᙱᑦᑐᓂᑦ.

ᓇᐃᓈᕐᓗᒍ, ᑲᐴᑎᑦ ᐋᓐᓂᐊᓕᕇᒃᑯᑎᑦ ᐅᕙᑦᑎᓐᓄᑦ, ᐃᓚᑦᑎᓐᓄᑦ ᓄᓇᖅᑲᑎᑦᑎᓐᓄᓪᓗ ᓴᐳᔾᔨᔾᔪᑎᑦᑎᐊᕙᐅᓛᖑᕗᖅ.

ᐅᓇ ᐊᐱᖅᑯᑕᐅᒐᔪᒃᑐᖅ, ᓄᓇᕐᔪᐊᓕᒫᒥ, ᓄᕙᕐᔪᐊᕐᓇᖅ-19−ᒧᑦ ᑲᐴᑎᑦ ᓯᖓᐃᔪᓂᑦ ᐊᒃᑐᐃᔪᓐᓇᕐᒪᖔᑦ ᐋᒃᑲᓘᓐᓃᑦ. ᒫᓐᓇᒧᑦ ᑎᑭᖦᖢᒋᑦ, 90,000 ᐅᖓᑖᓂ ᐃᓄᐃᑦ ᑲᐱᔭᐅᓯᒪᓕᖅᐳᑦ ᓯᖓᐃᑎᓪᓗᒋᑦ, ᑕᒪᕐᒥᒡᓗ Moderna ᐊᒻᒪ Pfizer ᑲᐴᑎᑦ ᐊᑦᑕᕐᓇᙱᑦᑐᐃᓐᓇᐅᓪᓗᑎᒃ ᓯᖓᐃᔪᓄᑦ. ᓱᕋᐃᔾᔪᑕᐅᔪᓐᓇᙱᑦᑐᑦ, ᐅᕝᕙᓘᓐᓃᑦ ᕿᑐᕐᙵᒃᓴᕆᔭᐅᔪᒧᑦ ᐊᒃᑐᐃᔾᔪᑕᐅᓗᓂ, ᐊᒻᒪ ᕿᑐᕐᙵᒃᓴᖅᑖᕈᓐᓇᐃᓪᓕᔾᔪᑕᐅᙱᖦᖢᓂ. ᖃᐅᔨᒪᔪᒍᓪᓕ ᓯᖓᐃᑎᓪᓗᒋᑦ ᓄᕙᕐᔪᐊᕐᓇᖅ-19−ᑖᑐᐃᓐᓇᕆᐊᖃᕐᓂᖅᓴᐅᖕᒪᑕ, ᑲᐴᑎᓪᓗ ᓴᐳᔾᔨᔾᔪᑎᑦᑎᐊᕙᐅᓛᖑᓂᖏᓐᓄᑦ, ᑭᒃᑯᑐᐃᓐᓇᑦᑎᐊᑦ ᑲᐱᔭᐅᔪᓐᓇᖅᑐᑦ ᑲᐱᔭᐅᖁᔭᕗᑦ.

ᐱᓇᓱᐊᕈᓯᐅᓚᐅᖅᑐᖅ, ᐅᖃᐅᓯᐅᓚᐅᖅᐳᖅ Pfzer ᐋᓐᓂᐊᓕᕇᒃᑯᑎ ᒫᓐᓇ ᐊᖏᖅᑕᐅᓯᒪᓕᕐᒪᑦ ᑭᓇᑐᐃᓐᓇᕐᒧᑦ 12-ᒥᑦ ᐅᖓᑖᓂᓪᓗ ᐅᑭᐅᓕᖕᓄᑦ. ᑕᐃᒪᐃᒻᒪᑦ, ᐋᖅᑭᒃᓱᐃᓂᐊᓕᖅᐳᒍᑦ ᐃᓚᖏᓐᓂᒃ ᑲᐴᑎᓂᒃ ᐱᑎᑕᐅᔪᒪᓪᓗᑕ ᑭᓯᐊᓂ ᐅᖃᕈᓐᓇᙱᑦᑐᒍᑦ ᖃᑯᒍᑦ ᐱᑎᑕᐅᓇᔭᕐᒪᖔᑦᑕ. Pfizer ᐋᓐᓂᐊᓕᕇᒃᑯᑎ ᐱᓯᒪᓕᕈᑦᑎᒍᑦ, ᓯᕗᓪᓕᖅᐹᒥ ᓄᓇᓖᑦ ᐊᐃᑦᑐᕐᓗᐃᑲᑕᒃᑐᑦ ᐅᕝᕙᓘᓐᓃᑦ ᐅᓗᕆᐊᓇᖅᑐᒦᓐᓂᖅᓴᐃᑦ ᐱᒋᐊᕐᓂᐊᖅᐸᕗᑦ. ᐊᔾᔨᐸᓗᒋᓪᓗᓂᐅᒃ ᐊᑐᓚᐅᖅᑕᑦᑎᓐᓂᒃ ᓯᕗᓪᓕᖅᐹᒥ ᑲᐱᓯᑲᑕᖕᓂᐊᖅᑎᓪᓗᑕ, ᐃᖃᓗᖕᒥᐅᓪᓗ ᓯᕗᓪᓕᖅᐹᖑᓂᐊᖅᑐᒃᓴᐅᔪᑦ Pfizer ᐋᓐᓂᐊᓕᕇᒃᑯᑎᒥᒃ ᐊᑐᐃᓐᓇᐅᓕᖅᑎᑕᐅᔪᑦ ᓄᑕᖅᑲᓄᑦ 12-ᒥᑦ ᐅᖓᑖᓂᓪᓗ ᐅᑭᐅᓕᖕᓄᑦ.  ᓲᕐᓗ Moderna ᑲᐴᑎᑎᑐᑦ ᑲᐱᔭᐅᔪᒪᔪᑦ ᐃᓱᒪᖅᓱᕐᓂᐊᖅᑐᑦ.

ᐳᐃᒍᖅᑕᐃᓕᒋᑦ ᖃᔅᓯᑲᓪᓚᖕᓂᒃ ᑕᒪᑦᑕ ᐱᓕᕆᔪᓐᓇᖅᐳᒍᑦ ᓄᕙᒡᔪᐊᕐᓇᒥᒃ ᐊᐃᑦᑐᕐᓗᐃᑦᑕᐃᓕᒪᓗᑕ.

  • ᐃᓅᖃᑎᓯ ᖃᓂᒋᓗᐊᖅᐸᙱᓪᓗᒋᑦ ᐊᕕᒃᓯᒪᖃᑦᑕᕐᓗᓯᓗ.
  • ᒪᑐᐊᖅᓯᒪᖃᑦᑕᕐᓗᑎᑦ ᐃᓄᒋᐊᒃᑐᒃᑯᕕᖕᒦᑎᓪᓗᑎᑦ.
  • ᐊᒥᖅᑳᖃᑦᑕᙱᓪᓗᓯ ᓂᕆᔾᔪᑎᕈᔪᖕᓂᒃ ᓯᒡᒐᓕᐊᓂᒡᓗ.
  • ᖃᓂᒪᒍᕕᑦ ᐊᖏᕐᕋᖅᓯᒪᓗᑎᑦ ᐅᖄᓚᕝᕕᒋᓗᒍᓗ ᓄᕙᒡᔪᐊᕐᓇᖅᑐᒧᑦ ᐅᖄᓚᕝᕕᐅᕙᒃᑐᖅ.

ᖁᔭᓐᓇᒦᒃ.

 

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᑦ ᐱᓇᔪᒃᑕᖏᓐᓄᑦ ᓄᓇᕗᒻᒥᐅᓂᒃ ᓴᐳᔾᔨᓯᒪᓇᓱᒃᖢᑎᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: https://www.gov.nu.ca/health/information/nunavuts-path

ᑐᑭᓯᒋᐊᕈᒪᒍᕕᑦ ᑲᐱᔭᐅᓐᓇᐅᓛᕐᑐᓂᑦ ᐅᕗᙵᐅᓗᑎᑦ: https://gov.nu.ca/health/information/covid-19-vaccination

 

ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ:  ᒪᐃ 10

ᑲᑎᓕᒫᖅᖢᒋᑦ ᖃᐅᔨᓴᖅᑕᐅᓯᒪᔪᑦ ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑐᖁᔪᑦ ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ
13,770 594 69 521 4 8,656 437

*ᐱᑕᖃᕐᓂᕋᐃᓪᓚᕆᒃᑐᑦ ᐃᓚᖃᖅᐳᑦ ᑕᐃᒃᑯᓂᖓ ᐊᖑᒻᒪᑎᔪᓂᒃ ᑲᓇᑕᓕᒫᒥ ᑕᐃᒪᐃᑦᑐᓕᖕᓄᑦ ᑐᑭᒋᔭᐅᔪᓄᑦ. ᐅᑯᐊ ᐃᓄᐃᑦ ᒪᓕᒃᑕᐅᖃᑕᐅᔪᑦ ᓇᓗᓇᐃᖅᑕᐅᔪᑦ ᐊᓐᓂᐊᑲᑕᖕᓂᖏᓐᓂᒃ ᐊᒻᒪ ᐊᑦᑕᕐᓇᖅᑐᒦᓚᐅᖅᑐᑦ ᐊᓯᖏᓪᓗ ᓇᖕᒥᓂᖅ ᓇᐅᑦᑎᖅᓱᖅᑐᑦ ᐅᕝᕙᓘᓐᓃᑦ ᐅᐸᒃᑕᐅᑦᑕᐃᓕᔪᑦ.    ᑖᒃᑯᐊᓕᒫᖅ ᐋᓐᓂᐊᑲᑕᒐᔭᙱᑦᑐᑦ ᐅᕝᕙᓘᓐᓃᑦ ᖃᐅᔨᓴᖅᑕᐅᔪᐃᓐᓇᐅᔭᕆᐊᖃᙱᑦᑐᑦ.

*ᑭᖑᕙᕆᐊᖅᓯᒪᑐᐃᓐᓇᕆᐊᓕᑦ ᐅᖃᐅᓯᐅᓂᐊᖅᑐᑦ ᖃᓄᐃᓕᖓᓂᖏᑦ ᑭᒡᓕᓯᓂᐊᖅᑕᐅᓯᒪᔪᓪᓗ ᖃᓄᐃᓕᖓᔪᑦ ᐱᔭᐅᓯᒪᔪᑦ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥ. ᖁᓕᓪᓗ ᒪᕐᕉᒡᓗ ᓄᕙᒡᔪᐊᖅᑐᑦ ᖃᐅᔨᔭᐅᓚᐅᖅᑐᑦ ᓄᓇᕗᑦ ᓯᓚᑖᓂ ᓇᓗᓇᐃᖅᑕᐅᓚᐅᖅᐳᑦ ᓄᓇᕗᒻᒧᑦ. ᐱᖓᓱᑦ ᐃᓅᔪᓐᓃᖅᑐᑦ ᐱᖃᓯᐅᔾᔭᐅᓪᓗᑎᒃ. ᓄᓇᕗᒥᐅᑦ ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᕗᑦ ᓯᓚᑖᓂ ᖃᐅᔨᔭᐅᔪᑦ ᓇᓗᓇᐃᖅᑕᐅᔪᐃᓐᓇᐅᔾᔮᙱᑉᐳᑦ ᓄᓇᕗᒻᒧᑦ.

ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᒪᐃ 12

ᓄᓇᓕᒃ

ᓄᕙᒡᔪᐊᕐᓇᖅ-19−ᒧᑦ ᓯᐊᒻᒪᒃᓯᒪᔪᑦ

ᖃᖓᒃᑯᑦ

ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ   ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ ᑐᖁᔪᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ
ᐃᖃᓗᐃᑦ ᑲᔫᓰᓐᓇᖅᑐᖅ ᑕᐃᒪᖖᒐᓂᑦ 14/04/2021 183 191 8 0 122 69
ᑭᙵᐃᑦ ᑲᔫᓰᓐᓇᖅᑐᖅ

ᑕᐃᒪᖖᒐᓂᑦ 19/04/2021

6 6 0 0 6 0

ᑲᖏᖅᖠᓂᖅ

ᑲᔫᓰᓐᓇᖅᑐᖅ ᑕᐃᒪᖖᒐᓂᑦ 24/04/2021 2 2 0 0 2 0
ᐊᕐᕕᐊᑦ ᐅᖓᑖᓄᑦ

11/2020 – 04/2021

339 339 0 1 338 0
ᑎᑭᕋᕐᔪᐊᖅ ᐅᖓᑖᓄᑦ 11/2020 – 02/2021 23 23 0 0 23 0
ᑲᖏᖅᖠᓂᖅ ᐅᖓᑖᓄᑦ 11/2020 – 12/2020 19 19 0 0 19 0
ᓴᓂᑭᓗᐊᖅ  ᐅᖓᑖᓄᑦ 11/2020 – 12/2020 2 2 0 0 2 0
ᑲᑎᖦᖢᒋᑦ      574 582 8 1 512 69

ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔪᑦ ᖃᓄᐃᓕᖓᓂᖏᑦ: ᒪᐃ 12

  ᓄᓇᕗᒻᒥ ᑲᑎᖦᖢᒋᑦ ᐃᓄᖏᑦ ᓇᓚᐅᑦᑖᖅᑕᐅᓯᒪᔪᑦ ᓄᓇᓖᑦ ᒪᓕᒃᖢᒋᑦ, ᐱᒋᐊᖅᖢᒍ ᔪᓚᐃ 1 2020    ᑲᐱᔭᐅᔪᑦ Meditech ᓈᓴᖅᑕᐅᓯᒪᔪᑦ ᒪᐃ 10, 2021-ᒧᑦ ᑎᑭᖦᖢᒍ      
  ᑲᑎᓪᓗᒋᑦ 18 ᐅᖓᑖᓄᓪᓗ ᐊᑕᐅᓯᐊᖅᖢᑎᒃ ᑲᐱᔭᐅᔪᑦ % ᐊᐃᑉᐸᖓᓂᒃ ᑲᐱᔭᐅᔪᑦ %
ᓄᓇᕗᑦ 39,353 24,878 16,426 66% 12,879 52%
ᕿᑭᖅᑖᓗᖕᒥ 20,822 13,359 9,332 70% 6,687 50%

ᐃᒃᐱᐊᕐᔪᒃ 

946 530

339

64% 293 55%
ᑲᖏᖅᑐᒑᐱᒃ  1,192 688 474 69% 385 56%
ᐊᐅᓱᐃᑦᑐᖅ   140 96 68 71% 41 43%
ᐃᒡᓗᓕᒃ   1,987 1,094 481 44% 376 34%
ᐃᖃᓗᐃᑦ  8,284 6,049 5,016 83% 3,343 55%
ᑭᒻᒥᕈᑦ 427 265 178 67% 161 61%
ᑭᙵᐃᑦ 1,547 923 505 55% 316 34%
ᐸᓐᓂᖅᑑᖅ 1631 1008 612 61% 471 47%
ᒥᑦᑎᒪᑕᓕᒃ  1,794 1,031 602 58% 461 45%
ᕿᑭᖅᑕᕐᔪᐊᖅ  651 421 224 53% 163 39%
ᖃᐅᓱᐃᑦᑐᖅ 218 136 174 128% 113 83%
ᓴᓂᑭᓗᐊᖅ  1,014 573 328 57% 295 51%
ᓴᓂᕋᔭᒃ 1,000 545 331 61% 261 49%
ᑭᕙᓪᓕᕐᒥ 11,388 7,011 4,454 64% 3,845 55%
ᐊᕐᕕᐊᑦ  29,918 1,696 1,247 74% 1061 63%
ᖃᒪᓂ'ᑐᐊᖅ  2,265 1,471 828 56% 710 48%
ᐃᒡᓗᓕᒑᕐᔪᒃ 453 287 177 62% 159 55%
ᓴᓪᓕᖅ 973 554 269 49% 221 40%
ᓇᐅᔮᑦ  1,270 648 325 50% 280 43%
ᑲᖏᖅᖠᓂᖅ  3,026 2,089 1,438 69% 1279 61%
ᑎᑭᕋᕐᔪᐊᖅ 483 266 170 64% 136 51%
ᕿᑎᕐᒥᐅᑦ 7,143 4,508 2,640 59% 2,347 52%
ᐃᖃᓗᒃᑑᑦᑎᐊᖅ   1,902 1,352 976 72% 866 64%
ᐅᖅᓱᖅᑑᖅ  1,398 836 404 48% 368 44%
ᑰᒑᕐᔪᒃ  1,180 650 273 42% 256 39%
ᖁᕐᓗᒃᑑᖅ  1,517 1,000 570 57% 486 49%
ᑕᓗᕐᔪᐊᖅ   1,143 670 417 62% 371 55%

ᐅᑯᐊ ᑐᑭᓯᒋᐊᒐᒃᓴᑦ ᑕᑯᒃᓴᐅᑎᑦᑎᕗᑦ ᓈᓴᐅᑎᓂᒃ ᓄᓇᖅᑲᑎᒌᑦ ᑲᐱᔭᐅᔪᑦ ᓇᓗᓇᐃᖅᑕᐅᕙᓪᓕᐊᔪᓂᒃ ᐱᒋᐊᖅᖢᒍ ᒪᐃ 10, 2021.

ᓄᓇᕘᓕᒫᒥ ᑲᑎᖦᖢᒋᑦ ᑲᐱᔭᐅᔪᑦ ᑕᒻᒪᖅᓯᒪᙱᖦᖢᑎᒃ ᓇᐃᒡᓕᒋᐊᖅᓯᒪᔪᑦ. ᓄᓇᓖᑦ ᖃᕆᑕᐅᔭᒃᑯᑦ ᑎᑎᕋᖅᓯᒪᔪᑦ ᕿᒥᕐᕈᔭᐅᕙᓪᓕᐊᑐᐃᓐᓇᖅᐳᑦ ᖃᐅᔨᒪᔪᒪᓪᓗᑎᒃ ᓈᒻᒪᒃᑲᓗᐊᕐᒪᖔᑕ ᓇᓗᓇᐃᖅᓯᔾᔪᑎᑦ. ᓄᓇᓕᖕᓂ ᑲᑎᖦᖢᒋᑦ ᐋᖅᑭᒋᐊᖅᑕᐅᖃᑦᑕᕐᓂᐊᖅᐳᑦ ᐱᔭᕆᐊᖃᕌᖓᑦ. ᑐᕌᖓᑐᐃᓐᓇᕆᐊᖃᖅᑐᖅ ᐊᓯᔾᔨᒐᓚᒋᐊᖃᕋᔭᖅᑐᓄᑦ ᐳᓴᓐᑎᖏᑦ ᓄᓇᓖᑦ ᒪᓕᒡᓗᒋᑦ.

ᑲᐴᑎᑦ ᓇᓗᓇᐃᖅᑕᐅᖃᑦᑕᖅᐳᑦ ᓄᓇᓕᖕᓄᑦ ᐊᐅᓚᑦᑎᕝᕕᒋᔭᐅᔪᓄᑦ.

ᑲᑎᖦᖢᒋᑦ ᑲᐱᔭᐅᔪᑦ ᐅᑯᐊᖑᓂᐊᖅᐳᑦ ᓄᓇᖃᖅᑐᑦ ᓄᓇᖃᙱᑦᑑᒐᓗᐊᓪᓗ, ᐃᓚᓕᐅᔾᔭᐅᓪᓗᑎᒃ ᐅᓐᓄᐊᖅᓯᐅᑕᐅᓕᖅᐸᒃᑐᑦ ᐃᖅᑲᓇᐃᔭᖅᑏᑦ.

ᐃᓄᖕᒥᒃ ᑲᐱᔭᐅᓯᒪᔪᖃᑐᐃᓐᓇᕆᐊᖃᖅᐳᖅ ᓯᕗᓪᓕᕐᒥᒃ ᐊᒻᒪ/ᐅᕝᕙᓘᓐᓃᑦ ᐊᐃᑉᐸᖓᓂᒃ ᓄᓇᒋᙱᑕᒥᓂᒃ ᑲᐱᔭᐅᔪᓂᒃ.

ᑖᓐᓇ ᐱᔾᔪᑎᖃᙱᑦᑐᖅ ᐃᓄᖕᓄᑦ ᑲᐱᔭᐅᓚᐅᖅᑐᓄᑦ ᐃᓚᐃᓐᓇᖓᓂᒃ ᑕᒪᐃᓐᓂᒡᓘᓐᓃᑦ ᓄᓇᕘᑉ ᓯᓚᑖᓂ.

ᖁᑦᑎᒃᐸᑦ ᐳᓴᓐᑎᖓ ᐊᑕᐅᓯᕐᒥᒃ ᓄᓇᓕᖕᓂ ᓇᓕᒧᙱᒻᒪᑦ ᐃᓄᒐᓴᒡᔪᐊᓄᑦ ᑲᐳᖅᓴᖅᑕᐅᔪᓄᑦ.  ᐋᖅᑭᒃᑕᐅᔪᖃᖅᓯᒪᙱᑦᑐᖅ ᓇᓗᓇᐃᖅᑕᐅᓯᒪᔪᖃᙱᑦᑐᕐᓘᓐᓃᑦ ᐳᓴᓐᑎᖓᓐᓂᒃ ᖃᓄᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᔪᓂᒃ ᓄᕙᒡᔪᐊᕇᒃᑯᑎᓂᒃ. ᖃᓄᒥᐊᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᒐᓗᐊᖅᐸᑕ ᒫᓐᓇ ᑲᐴᑎᓄᑦ ᐊᖏᖅᑕᐅᓯᒪᔪᓄᑦ (ᓲᕐᓗ ᓄᑕᖅᑲᑦ 12 ᑐᖔᓂ ᐅᑭᐅᖃᑐᐊᖅᐸᑕ ᑲᐱᔭᐅᔪᓐᓇᙱᑦᑐᑦ).

ᓇᑭᙶᕐᓂᖏᑦ: ᑲᓇᑕᒥ ᑭᒡᓕᓯᓂᐊᖅᑎᒃᑯᑦ, ᓄᓇᓖᑦ ᐃᓄᖏᑦᑕ ᖃᓄᐃᓕᕙᓪᓕᐊᓂᖏᓐᓄᑦ ᐱᓕᕆᕝᕕᒃ, ᑎᑎᖅᑲᙳᖅᑎᑕᐅᔪᒃᓴᑦ. ᐱᕙᒌᔭᖅᑕᐅᔪᖅ ᐅᑯᓄᖓ: ᓄᓇᕗᒻᒥ ᑭᒡᓕᓯᓂᐊᖅᑎᒃᑯᑦ, ᔭᓄᐊᕆ 27, 2021.

ᐊᔪᙱᑦᑐᑦ ᐃᓐᓇᐃᑦ ᓄᓇᓕᖕᓂ ᓇᓗᓇᐃᖅᑕᐅᓯᒪᕗᑦ ᖃᔅᓯᐅᓂᖏᓐᓄᑦ ᐃᓄᐃᑦ ᐅᑭᐅᓖᑦ 18-ᓂᒃ ᐅᖓᑖᓂᓪᓗ ᒪᓕᒡᓗᒍ 2020-ᒥ ᐃᓄᐃᑦ ᖃᔅᓯᐅᓇᓱᒋᔭᐅᓂᖏᑦ.

ᓄᓇᖅᑲᑎᒌᑦ ᐃᓄᒋᐊᖕᓂᖏᑦ ᒥᒃᓴᐅᑦᑎᓯᒪᔪᑦ "ᐊᒃᑐᐊᓂᖃᙱᑦᑐᑦ" ᑐᙵᕕᖃᙱᓐᓂᖏᓐᓄᑦ ᐃᓗᓕᖅᑕᓄᑦ ᐃᓄᒋᐊᒃᓯᕙᓪᓕᐊᔪᓄᑦ (ᐃᓅᕙᓪᓕᐊᔪᑦ, ᑐᖁᕙᓪᓕᐊᔪᑦ ᐊᒻᒪ ᐊᓯᐊᓂᒃ ᓄᓇᓂᙶᖅᑐᑦ ᓄᒃᑕᖅᐸᒃᑐᑦ).  ᑲᒪᒋᔭᐅᑦᑎᐊᕐᓗᑎᒃ ᐊᑐᖅᑕᐅᔭᕆᐊᓖᑦ.  

ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᒪᐃ 12

ᓄᓇᓕᒃ  ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ
ᐃᖃᓗᐃᑦ 1914 2462
ᑭᙵᐃᑦ 6 147
ᑲᖏᖅᖠᓂᖅ 2 75
ᐊᕐᕕᐊᑦ  339 2883
ᑎᑭᕋᕐᔪᐊᖅ  23 352
ᑲᖏᖅᖠᓂᖅ 19 339
ᓴᓂᑭᓗᐊᖅ  2 202
ᑲᑎᖦᖢᒋᑦ  582 6,460

ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:

ᐊᐅᓪᓚᕈᑎᒋᔭᐅᓯᒪᔪᑦ

ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᒪᐃ 7-ᒥᑦ ᐱᒋᐊᖅᖢᓂ

ᐋᓐᓂᐊᕐᕕᓕᐊᖅᑐᑦ

390

ᑭᒃᑯᑐᐃᓐᓇᑦ

211
ᑐᐊᕕᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓄᑦ ᐃᓄᑑᔭᕆᐊᖃᕐᓂᕐᓗ 43
ᐃᒡᓗᓕᐅᖅᑎᑦ 21

ᑲᑎᖢᒋᑦ

665

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ

ᒪᐃ 11 

82

ᒪᐃ 12

65

ᒪᐃ 13

43

ᒪᐃ 14

21

ᒪᐃ 15 

3

ᑲᑎᖢᒋᑦ

244

ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:

ᒪᐃ 12−ᒥ ᐱᒋᐊᖅᖢᓂ, 16,271−ᓂᒃ ᑐᒃᓯᕋᖅᑐᖃᓚᐅᖅᐳᖅ, 8,077−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ

# %

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ)

12,506 76.9%

ᐊᖏᖅᑕᐅᙱᑦᑐᑦ

311 1.9%
ᐅᑕᖅᑭᔪᑦ 524 3.2%

ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ

2927 18.0%
ᑲᑎᖢᒋᑦ 16,271 100%

 

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ ᒪᓕᒃᖢᒍ, ᐅᑯᐊ ᐊᓯᔾᔨᕐᓂᐊᓕᖅᑐᑦ ᓄᓇᕗᒻᒥ ᐃᓕᓐᓂᐊᕐᕕᖏᓐᓄᑦ:

  • ᐱᖓᔪᐊᓂ, ᒪᐃ 12, 2021, ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᑭᙵᕐᓂ ᐊᑐᓕᕐᓂᐊᖅᐳᑦ 3-ᒥᑦ.

ᐃᓕᓐᓂᐊᕐᕖᑦ ᑭᙵᕐᓂ ᐊᑐᓕᖅᑎᑦᑎᒋᐊᖃᖅᐳᑦ ᐊᑐᕐᓂᐊᖅᑕᒥᓄᑦ 3−ᒥᑦ ᐱᓕᕆᐊᓄᑦ ᐸᕐᓇᐅᑎᒥᒃ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐱᖓᔪᐊᓂ, ᒪᐃ 12, 2021-ᒥ ᐱᒋᐊᕐᓗᓂ, ᑭᙵᕐᓂ ᐸᐃᕆᕝᕖᑦ ᒪᒃᐱᒃᑲᓐᓂᕈᓐᓇᖅᓯᔪᑦ.

ᐱᔨᑦᑎᕋᖅᑕᐅᖏᓐᓇᖅᑐᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐅᑯᐊ ᑲᔪᓯᓂᐊᖅᑐᑦ ᐊᑐᖅᑕᐅᓕᕐᓗᑎᒃ:

  • ᐊᑐᕐᓂᐊᓕᖅᑐᑦ 4-ᒥᑦ − ᐃᓕᓐᓂᐊᕐᕖᑦ ᐃᖃᓗᖕᓂᑦ
  • ᐊᑐᕐᓂᐊᖅᑐᑦ 3−ᒥ − ᐃᓕᓐᓂᐊᕐᕖᑦ ᕿᑭᖅᑕᓂ, ᑭᓯᐊᓂ ᓴᓂᑭᓗᐊᖅ, ᐊᒻᒪᓗ ᐃᖃᓗᐃᑦ ᐱᖃᑕᐅᙱᑦᑐᑦ.
  • ᐊᑐᕐᓂᐊᓕᖅᑐᑦ 2−ᒥᑦ − ᐃᓕᓐᓂᐊᕐᕕᓕᒫᑦ ᑲᖏᕐᖠᓂᕐᒥ
  • ᐊᑐᕐᓂᐊᓕᖅᑐᑦ 1−ᒥᑦ − ᐃᓕᓐᓂᐊᕐᕖᑦ ᓴᓂᑭᓗᐊᕐᒥ, ᕿᑎᕐᒥᐅᓂ, ᐊᒻᒪᓗ ᑭᕙᓪᓕᕐᒥᐅᓂ, ᑲᖏᖅᖠᓂᖅ ᐱᙱᖦᖢᒍ.

ᐃᓕᓐᓂᐊᕐᕕᑦ ᐊᑐᓕᕐᑎᑦᑎᓂᐊᕐᑐᑦ ᓈᒻᒪᒃᑐᒥᒃ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᒥᑦ ᒫᓐᓇ ᐊᑐᖅᑕᒥᓄᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᑕᒪᕐᒥᒃ ᓄᓇᕗᒻᒥ ᐸᐃᕆᕝᕕᓕᒫᑦ ᐅᒃᑯᐃᖓᐃᓐᓇᕈᓐᓇᖅᐳᑦ, ᐃᖃᓗᐃᑦ ᐱᖃᑕᐅᙱᑦᑐᑦ.

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ

ᐃᓕᓐᓂᐊᖅᑎᑦ ᐃᓂᒃᓴᓕᐅᖅᑐᑦ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐊᐅᓪᓚᕈᓐᓇᖅᑎᑕᐅᔪᑦ ᒪᓕᒋᐊᖃᕐᓂᐊᖅᑐᑦ ᐋᓐᓂᐊᖅᑐᓕᕆᔨᒃᑯᑦ ᒪᓕᖁᔭᖏᓐᓂᒃ ᐊᑐᓕᖁᔭᐅᔪᓂᓪᓗ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ. ᐃᓕᓐᓂᐊᕐᑎᑦ ᐊᐱᖅᑯᑎᒃᓴᖃᕈᑎᒃ ᐊᐅᓪᓚᕐᕕᒋᓂᐊᖅᑕᖓᑕ ᒥᒃᓵᓄᑦ, ᖃᐅᔨᒋᐊᕈᓐᓇᖅᑐᑦ ᐃᓕᓐᓂᐊᕐᑎᓄᑦ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᑎᑎᕋᕐᕕᐊᓄᑦ ᑐᑭᓯᒋᐊᒃᑲᓐᓂᕐᓂᐊᕐᓗᑎᒃ ᐅᕙᓂ fanstravel@gov.nu.ca.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᐅᑎᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ ᒪᓕᒃᖢᒍ, ᐅᑯᐊ ᐊᓯᔾᔨᕐᓂᐊᓕᖅᑐᑦ ᓄᓇᕗᒻᒥ ᐃᓕᓐᓂᐊᕐᕕᖏᓐᓄᑦ:

  • ᐱᖓᔪᐊᓂ, ᒪᐃ 12, 2021, ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᑭᙵᕐᓂ ᐊᑐᓕᕐᓂᐊᖅᐳᑦ 3-ᒥᑦ.

ᐃᓕᓐᓂᐊᕐᕖᑦ ᑭᙵᕐᓂ ᐊᑐᓕᖅᑎᑦᑎᒋᐊᖃᖅᐳᑦ ᐊᑐᕐᓂᐊᖅᑕᒥᓄᑦ 3−ᒥᑦ ᐱᓕᕆᐊᓄᑦ ᐸᕐᓇᐅᑎᒥᒃ.

  • ᐊᑐᕐᓂᐊᖅᑐᑦ 3-ᒥᑦ, ᐃᓕᓴᖅᑕᐅᔪᑦ ᑕᒪᐃᓐᓂᒃ ᐊᔪᙱᓐᓂᓕᖕᓂᑦ ᐃᓕᓐᓂᐊᕐᕕᖕᒥ ᐃᓕᓴᖅᑕᐅᖃᑦᑕᕐᓂᐊᖅᐳᑦ ᐊᒻᒪ ᖃᕆᓴᐅᔭᒃᑯᑦ. ᓄᑲᖅᖡᑦ ᐃᓕᓐᓂᐊᕐᕕᖓᓂ ᐃᓕᓐᓂᐊᖅᑐᑦ ᐱᓇᓱᐊᕈᓯᕐᒥ ᐱᖓᓱᐃᖅᓱᕐᓗᑎᒃ ᐃᓕᓐᓂᐊᕆᐊᖃᑦᑕᕐᓂᐊᖅᐳᑦ. ᐊᑯᓪᓕᖅᐹᒥ ᖁᑦᑎᖕᓂᖅᓴᒥᓪᓗ ᐃᓕᓐᓂᐊᖅᑎᑦ ᐃᓕᓐᓂᐊᕆᐊᖃᑦᑕᕐᓂᐊᖅᐳᑦ ᐅᓪᓗᑦ ᒪᕐᕉᒃ ᐱᓇᓱᐊᕈᓯᕐᒥ ᓂᑭᑦᑖᕐᓗᑎᒃ ᐋᖅᑭᒃᓱᖅᓯᒪᕙᒡᓗᑎᒃ ᑲᑎᙵᑎᑕᐅᓗᐊᖅᑕᐃᓕᒪᓗᑎᒃ. ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᓕᒫᑦ ᐃᓕᓐᓂᐊᕐᕕᓕᐊᖃᑦᑕᕐᓂᐊᖅᐳᑦ, ᒪᓕᒋᐊᖃᕐᓗᑎᒡᓗ ᖃᓂᒌᓗᐊᖅᑕᐃᓕᒪᔭᕆᐊᖃᓪᓚᕆᒡᓗᑎᒃ ᐊᓯᖏᓐᓂᒡᓗ ᖃᓄᐃᙱᑦᑕᐃᓕᒪᔾᔪᑎᓂᒃ ᐊᑦᑕᕐᓇᖅᑕᐃᓕᒪᔾᔪᑎᓂᒡᓗ.  ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᑎᓕᒫᓂᒃ ᑐᓴᐅᒪᑎᑦᑎᖃᑦᑕᕐᓂᐊᖅᐳᑦ ᓈᒻᒪᒃᓯᔭᕌᖓᑦ. 

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐱᖓᔪᐊᓂ, ᒪᐃ 12, 2021-ᒥ ᐱᒋᐊᕐᓗᓂ, ᑭᙵᕐᓂ ᐸᐃᕆᕝᕖᑦ ᒪᒃᐱᒃᑲᓐᓂᕈᓐᓇᖅᓯᔪᑦ.

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐃᖃᓗᖕᓂ ᐃᓕᓐᓂᐊᕐᕕᑦ ᒪᑐᓯᒪᔪᑦ ᑭᓯᐊᓂ ᐅᖃᐅᓯᐅᒃᑲᓐᓂᖅᐸᑦ.

  • ᐊᑐᕐᓂᐊᖅᑐᑦ 4-ᒥ ᖃᕆᓴᐅᔭᒃᑯᑦ ᑕᒪᕐᒥᑦᑎᐊᖅ ᐃᓕᓴᖅᑕᐅᑲᑕᖕᓂᐊᖅᐳᑦ. ᐃᓕᓐᓂᐊᕐᕕᓕᒫᑦ ᐃᓕᓐᓂᐊᖅᑎᓄᑦ, ᐃᖅᑲᓇᐃᔭᖅᑎᓄᑦ, ᑭᒃᑯᑐᐃᓐᓇᓄᓪᓗ ᒪᑐᓯᒪᕗᑦ. ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᑎᓕᒫᓂᒃ ᑐᓴᐅᒪᑎᑦᑎᖃᑦᑕᕐᓂᐊᖅᐳᑦ ᓈᒻᒪᒃᓯᔭᕌᖓᑦ. 

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐃᖃᓗᖕᓂ ᐸᐃᕆᕝᕖᑦ ᒪᑐᓯᒪᔪᑦ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.

 

 

ᒪᓕᒐᓕᕆᔨᒃᑯᑦ

ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:

ᑕᐃᒪᙵᑦ ᐅᖃᐅᓯᐅᓚᐅᖅᑎᓪᓗᒍ, ᐱᖓᓱᑦ ᑎᒍᔭᐅᓯᒪᕝᕕᖕᒦᓚᐅᖅᑐᑦ ᖃᓄᐃᑦᑐᓐᓃᖅᑐᑦ ᓄᑖᒧᓪᓗ ᐃᒡᓗᒧᑦ ᓅᑕᐅᓯᒪᓕᖅᖢᑎᒃ.  ᒫᓐᓇ ᑎᒍᔭᐅᓯᒪᔪᑦ ᓄᕙᕐᔪᐊᕐᓇᖅ-19−ᖃᖅᑐᑦ 8−ᖑᓕᖅᐳᑦ.

ᐃᖅᑲᓇᐃᔭᖅᑎᓕᒫᑦ ᑎᒍᔭᐅᒪᔪᓪᓗ ᐊᒃᑐᖅᑕᐅᓯᒪᔪ ᖃᐅᔨᓴᖅᑕᐅᓚᐅᖅᐳᑦ ᓄᕙᒡᔪᐊᕐᓇᖅ-19−ᒧᑦ ᖃᐅᔨᓴᐃᓐᓇᕐᖢᑎᒡᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ.

ᐱᔨᑦᑎᕋᖅᑕᐅᖏᓐᓇᖅᑐᑦ:

ᐊᓯᖏᑦ ᑎᒍᔭᐅᓯᒪᕕᖕᒥ ᐊᐅᓚᐃᓐᓇᖅᑐᑦ. 

ᓄᓇᓕᖕᓂ ᑎᒍᔭᐅᓯᒪᕝᕖᑦ ᑎᑎᕋᕐᕕᖏᑦ ᑭᙵᕐᓂ ᐅᒃᑯᐃᒃᑲᓐᓂᓛᓕᖅᑐᑦ ᑭᒃᑯᑐᐃᓐᓇᓄᑦ ᐱᖓᔪᐊᓂ, ᒪᐃ 12, 2021−ᒥ.

ᐋᖅᑭᒋᐊᖅᑕᑦ ᐱᔨᑦᑎᕋᐅᑎᑦ:

ᑎᒍᔭᐅᒪᔪᓕᒫᑦ ᐃᒡᓗᕈᓯᕐᒦᑦᑐᑦ ᐊᓂᑦᑕᐃᓕᓪᓗᑎᒃ.

ᐊᑦᑕᕐᓇᖅᑕᐃᓕᒪᒃᑲᓐᓂᕈᑎᓂ ᒪᓕᒐᒃᓴᖃᓕᖅᑐᑦ ᑕᒪᐃᓐᓂᒃ ᐃᒡᓗᕐᔪᐊᓂ, ᐅᑯᐊᓗ ᐊᑐᕆᐊᒃᑲᓐᓂᖅᑐᑦ ᓇᖕᒥᓂᖅ ᓴᐳᒻᒥᔾᔪᑎᑦ ᐊᓐᓄᕌᓂᒃ.

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᐅᐸᒃᑕᐅᔪᓐᓇᐃᓪᓕᔪᑦ ᒪᑭᒋᐊᕐᕕᖕᒥᐅᑦ ᕿᑭᖅᑖᓘᑉ ᐃᑲᔪᖅᑕᐅᕕᖕᒥᐅᑕᓪᓗ ᐃᖅᑲᓇᐃᔭᖅᑎᓄᑐᐊᖅ ᑭᓯᐊᓂ ᑎᒍᔭᐅᒪᔪᓄᓪᓗ.

 

 

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ

ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ: 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓄᓇᕗᒻᒥᐅᓂᒃ ᑐᓴᖅᑎᑦᑎᔪᒪᕗᑦ ᐊᑭᓕᖅᓱᐃᔨᓂᑦ ᐃᑲᔪᖅᑐᐃᔨᑦ ᐊᑐᐃᓐᓇᐅᖕᒪᑕ ᐊᑭᓕᖅᓱᐃᔨᑦ ᐃᑲᔪᖅᑕᐅᖁᓪᓗᒋᑦ ᓄᕙᒡᔪᐊᕐᓇᖅ-19−ᒥ ᖃᓂᒪᓐᓇᐅᑎᓪᓗᒍ.

ᐱᔨᑦᑎᕋᖅᑕᐅᖏᓐᓇᖅᑐᑦ:

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓱᓕ ᐊᑦᑕᕐᓇᙱᑦᑐᒥᒃ ᐊᑐᕈᓐᓇᑦᑎᐊᖅᑐᒥᒃ ᐆᒻᒪᖅᑯᑎᖃᖅᑎᑦᑎᓂᐊᖅᑐᑦ ᓄᓇᕗᒻᒥᐅᓄᑦ. ᐆᒻᒪᖅᑯᑎᓕᕆᔨᒃᑯᑦ ᐱᓕᕆᑦᑎᐊᖏᓐᓇᖅᓯᒪᕗᑦ ᐊᑐᓕᖅᑎᑦᑎᓇᓱᒃᖢᑎᒃ ᐸᕐᓇᐅᑎᓂᒃ ᐃᖅᑲᓇᐃᔭᖅᑏᑦ ᓴᐳᔾᔭᐅᓯᒪᖁᓪᓗᒋᑦ ᓱᕋᒃᓯᒪᔪᓂᒃ ᓴᓇᔭᕆᐊᖃᐃᓐᓇᖃᑦᑕᖅᑎᓪᓗᑕ ᐊᒻᒪ ᐊᑐᕆᐊᖃᓪᓚᕆᒃᑐᓂᑦ ᐅᐊᔭᓕᕆᔾᔪᑎᓂᒃ ᐊᐅᓚᐃᓐᓇᖅᑎᑦᑎᓗᑕ ᓄᓇᕘᓕᒫᒥ. 

ᐋᖅᑭᒋᐊᖅᑕᑦ ᐱᔨᑦᑎᕋᐅᑎᑦ:

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓇᓚᐅᑦᑖᖅᓯᒪᔪᒥᒃ ᐊᑭᓕᒐᒃᓴᖅᑖᖅᑎᑦᑎᓂᐊᖅᑐᑦ ᑭᙵᕐᒥᐅᓂᑦ ᐊᐃᕐᕆᓕ 1-ᒥᑦ 30-ᒧᑦ ᐊᑭᓕᒃᓴᖅᑖᕆᔭᖓᓄᑦ.

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑭᓕᖅᓱᐃᔨᓄᑦ ᑲᒪᔨᐅᔪᑦ ᐊᒡᓚᕕᖓ ᒪᑐᓯᒪᓂᐊᖅᑐᖅ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ. ᐃᖃᓗᖕᓂ ᐊᑭᓕᖅᓱᐃᕙᒃᑐᑦ ᐱᔨᑦᑎᖅᑕᐅᖃᑦᑕᖅᐳᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᖃᒪᓂ'ᑐᐊᕐᒥ ᐊᑭᓕᖅᓱᐃᔨᑦ ᑲᒪᔨᖏᓐᓄᑦ ᐅᖄᓚᓗᑎᒃ 1-866-710-4200−ᒧᑦ ᐃᕐᙲᓐᓈᖅᑕᐅᒃᑯᓪᓘᓐᓃᑦ customercare@qec.nu.ca ᐊᐱᖅᑯᑎᒃᓴᓖᑦ ᐃᓱᒫᓘᑎᓖᓪᓘᓐᓃᑦ ᐊᑭᓕᒃᓴᖓᑕ ᒥᒃᓵᓄᑦ.

 

 

ᓄᓇᕗᒻᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.