ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᒪᐃ 21, 2021

ᒪᐃ 21, 2021

ᓯᕗᓕᖅᑎᒥᑦ ᑐᓴᒐᒃᓴᑦ ᓄᑖᙳᕆᐊᖅᓯᒪᔪᑦ:

ᐅᓪᓗᒥ ᐊᑕᐅᓯᕐᒥᒃ ᓄᑖᒥᒃ ᓇᓗᓇᐃᖅᓯᖅᑲᐅᕗᒍᑦ ᓄᕙᒡᔪᐊᕐᓇᖅ-19−ᑖᖅᑐᒥᒃ 11-ᓗ ᖃᓄᐃᑦᑐᓐᓃᖅᖢᑎᒃ. ᒫᓐᓇ 45−ᖑᓕᖅᑐᑦ ᓄᕙᒡᔪᐊᖅᑐᑦ ᓄᓇᕗᒻᒥ, 44 ᐃᖃᓗᖕᓃᖦᖢᑎᒃ ᐊᑕᐅᓯᕐᓗ ᑭᙵᕐᓂ. 197 ᖃᓄᐃᑦᑐᓐᓃᖅᓯᒪᔪᑦ ᐅᓪᓗᒥᒧᑦ ᐊᐃᑦᑐᕐᓗᒃᑕᐅᓯᒪᔪᑦ.

ᒫᓐᓇᒧᑦ ᑎᑭᖦᖢᒍ, 16,918 ᓄᓇᕗᒻᒥᐅᑦ ᓯᕗᓪᓕᕐᒥ ᑲᐱᔭᐅᓯᒪᓕᖅᑐᑦ ᒪᑑᓇᒧᑦ, ᐊᒻᒪ 13,906 ᓄᓇᕗᒥᐅᑦ ᑲᐱᔭᐅᓯᒫᓂᓕᖅᑐᑦ ᓄᕙᒡᔪᐊᕇᒃᑯᑎᒧᑦ. ᑕᒪᓐᓇ ᑐᓴᕈᒥᓇᑦᑎᐊᖅᑐᖅ, ᑭᓯᐊᓂ ᐅᓄᖅᓯᕙᓪᓕᐊᑏᓐᓇᕆᐊᖃᖅᐸᕗᑦ. ᑲᐱᔭᐅᓂᐊᖅᐳᑎᑦ ᐃᓕᖕᓂᒃ ᓴᐳᑎᓯᒪᔪᒪᒍᕕᑦ ᓇᒡᓕᒋᔭᑎᓪᓗ ᓴᐳᑎᓯᒪᓗᒋᑦ.

ᒐᕙᒪᕗᑦ ᐃᓄᖕᓂᒃ ᐃᑲᔪᕈᒪᓪᓚᑦᑖᖅᐳᑦ ᐃᓄᑑᔭᕆᐊᖃᖅᑎᓪᓗᒋᑦ ᐊᓂᒍᐃᔪᓐᓇᑦᑎᐊᖃᑦᑕᖁᓪᓗᒋᑦ ᓄᕙᒡᔪᐊᕐᓇᖅ−19−ᒥᓪᓗ ᐊᐃᑦᑐᕐᓗᐃᒪᖁᓪᓗᒋᑦ. ᖁᕕᐊᓱᒃᐳᖓ ᑐᓴᖅᑎᑦᑎᔭᕆᐊᒃᓴᖅ ᓴᖅᑭᑎᑦᑎᓚᐅᕋᑦᑕ ᐊᑭᖃᙱᑦᑐᒥᒃ ᓄᓇᕘᓕᒫᒥ ᐃᓄᑑᔭᕆᐊᖃᖅᑎᑕᐅᔪᓄᑦ ᓂᕆᔭᒃᓴᓂᒃ ᐃᑲᔪᖅᑐᐃᔾᔪᑎᒥᒃ, ᐱᓇᓱᐊᕈᓰᖕᓂ ᒪᕐᕉᖕᓂᒃ ᓂᕆᔭᒃᓴᖃᖅᑎᑕᐅᔪᓐᓇᖅᖢᑎᒃ ᐊᒻᒪ ᐊᑐᕆᐊᓕᖏᓐᓂᒃ ᑭᒃᑯᑐᐃᓐᓇᑦ ᐃᓄᑑᔭᕆᐊᖃᖅᑎᓪᓗᒋᑦ.

ᐅᑯᐊ ᓂᕆᔭᒃᓴᐃᑦ ᑲᑎᙵᔪᑦ ᓰᕐᓇᖅᑐᑦ, ᐱᕈᖅᑐᑦ, ᐃᒻᒧᕈᔪᐃᑦ, ᓱᕈᔭᙱᑦᑐᑦ ᓂᖀᑦ, ᐊᒻᒪ ᐊᕿᕐᕈᔮᑦ. ᓂᕿᓪᓚᑦᑖᓂᒃᑕᐅᖅ ᑐᓂᔭᐅᖃᑦᑕᕐᓂᐊᕐᒥᔪᑦ. ᐋᖅᑭᒋᐊᖅᓯᒪᔪᑦ ᓂᕆᔭᒃᓴᑦ ᐊᑐᐃᓐᓇᐅᕗᑦ ᑎᒥᒥᒍᑦ ᓈᒻᒪᒍᓐᓃᕈᑎᖃᓲᓄ ᐊᒻᒪ ᐃᓚᖏᓐᓂᒃ ᓂᕆᔭᕆᐊᖃᖅᐸᙱᑦᑐᓄᑦ  ᐊᑐᖅᑕᐅᔪᓐᓇᖅᑐᓂᒃ, ᐊᒻᒪᓗᑦᑕᐅᖅ ᐃᓱᒪᖅᓲᑕᐅᓪᓗᑎᒃ ᐃᓚᓕᐅᑎᔪᓐᓇᖅᑐᓂᒃ.

ᑖᓐᓇ ᐱᓕᕆᐊᖑᓯᒋᐊᓚᐅᖅᐳᖅ ᒪᐃ 14−ᒥ ᐃᖃᓗᖕᓂ ᐃᑉᐸᒃᓴᕐᓗ ᐱᒋᐊᖅᖢᓂ, 116−ᓂᒃ ᓂᕆᔭᒃᓴᓂᒃ ᐊᒡᔭᖅᓯᕝᕕᐅᔪᖃᖅᓯᒪᓕᖅᖢᓂ. ᓂᕆᔭᒃᓴᓂᑦ ᐃᑲᔪᖅᑐᐃᔾᔪᑎᑦ ᐃᓄᖕᓄᑦ ᐊᑐᐃᓐᓇᐅᑎᑕᐅᖃᑦᑕᖅᐳᑦ ᐃᓄᑑᔭᕆᐊᖃᖅᑐᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᖃᐅᑕᒫ ᖃᓄᐃᓐᓂᖏᓐᓂᒃ ᖃᐅᔨᓴᕆᐊᕌᖓᒥᒃ. ᑭᓇᑐᐃᓐᓇᖅ ᐊᖏᖅᐸᑦ ᐅᖄᓚᕝᕕᐅᓂᐊᖅᐳᖅ ᑎᑭᓴᐃᖁᔭᐅᓗᓂ.

ᑖᓐᓇ ᐱᓕᕆᐊᖑᔪᖅ ᐅᓪᓗᓄᑦ 7−ᓄᑦ ᐊᑐᐃᓐᓇᐅᖃᑦᑕᕐᓂᐊᖅᐳᖅ ᐱᓇᓱᐊᕈᓯᕐᒥ 9:00−ᒥ ᐅᓪᓛᒃᑯᑦ ᐱᒋᐊᕐᓗᓂ 8:00−ᒧᑦ ᐅᓐᓄᒃᑯᑦ ᑎᑭᓪᓗᒍ ᑲᓇᖕᓇᐅᑉ ᖃᐅᔨᓴᐅᑎᖓ ᒪᓕᒡᓗᒍ ᐊᒻᒪ ᐅᖃᐅᓯᑦ ᐃᓕᓴᕆᔭᐅᓯᒪᔪᑦ ᑕᒪᕐᒥᒃ  ᐊᑐᖅᑕᐅᔪᓐᓇᖅᖢᑎᒃ.

ᓄᓇᕗᒻᒥᐅᑦ, ᖁᕕᐊᓱᒃᐳᖓ ᖃᓄᐃᑦᑐᓐᓃᖅᐸᓪᓕᐊᔪᓂᑦ ᑕᑯᔪᓐᓇᕋᑦᑕ ᐅᓪᓗᓂᑦ ᐅᓄᙱᑦᑐᓂᑦ ᐊᓂᒍᖅᑐᓂᑦ, ᑭᓯᐊᓂ ᐃᖅᑲᐃᓯᔪᒪᕙᔅᓯ ᓄᕙᒡᔪᐊᕐᓇᖅ ᓱᓕ ᐃᓱᓕᙱᒻᒪᑦ ᐃᖃᓗᖕᓂ ᓄᓇᕘᒥᓪᓘᓐᓃᑦ.

ᓱᓕ ᐱᓕᕆᐊᒃᓴᖃᕕᒡᔪᐊᖅᐳᒍᑦ. ᐃᒪᐃᓕᖓᕗᖅ ᐱᓇᓱᐊᕈᓯᐅᑉ ᓄᙳᕆᓂᐊᓕᕋᓗᐊᖅᑎᓪᓗᓂᐅᒃ, ᐹᑎᖅᑐᖃᕆᐊᖃᔾᔮᙱᑦᑐᖅ ᑲᑎᙵᔭᕆᐊᖃᙱᓪᓗᑕᓗ. ᐃᒪᓐᓇᐅᓂᐊᖅᐳᖅ ᐅᖓᓯᒌᑲᑕᒋᐊᖃᖅᐳᒍᑦ ᖃᓂᒪᓐᓇᒥᑦ ᐊᐃᑦᑐᕐᓗᐃᖏᓐᓂᖅᓴᐅᓇᓱᒡᓗᑕ. ᐃᒪᐃᓕᖓᕗᕐᓕ ᐅᔾᔨᖅᓱᑦᑎᐊᕆᐊᖃᖅᐳᒍᑦ ᐊᒻᒪ ᒪᓕᒋᐊᓖᑦ ᒪᓖᓐᓇᕐᓗᒋᑦ.

ᐊᑏ, ᓄᓇᕗᑦ. ᐃᒡᓗᔅᓯᓐᓂ ᐊᓂᔭᕌᖓᔅᓯ ᒪᑐᐊᖅᓯᒪᕙᒡᓗᓯ. ᐊᖏᕐᕋᖅᓯᒪᕙᒡᓗᓯ ᐊᔪᕐᓇᙱᓐᓂᓕᒫᖓᓂ. ᐊᒡᒐᑎᑦ ᐅᐊᓴᕋᔪᒡᓗᒋᑦ. ᐃᓅᖃᑎᑎᑦ ᐃᒡᓗᒥᐅᖃᑎᒋᙱᑕᑎᑦ ᖃᓂᒋᓗᐊᖅᐸᙱᓪᓗᒋᑦ. ᑲᐱᔭᐅᓗᑎᑦ ᐋᓐᓂᐊᓕᕇᒃᑯᑎᒧᑦ.

ᑕᒪᔅᓯᑦᑎᐊᖅ ᐅᐱᒋᕙᔅᓯ ᐊᒻᒪ ᖁᔭᓐᓇᒦᖅᐸᔅᓯ ᐱᓇᔪᐃᓐᓇᕋᔅᓯ ᐊᒻᒪ ᕿᓄᐃᓵᑦᑎᐊᕋᔅᓯ. ᐃᓄᑦᑎᐊᕙᐅᖏᓐᓇᕐᓗᑕ ᐱᑦᑎᐊᖃᑦᑕᐅᑎᓗᑕᓗ.  ᐃᓕᖕᓄᑦ ᓈᒻᒪᒃᑐᒥᒃ ᐊᑐᕐᓗᑎᑦ, ᐃᓚᖕᓄᑦ ᑭᒃᑯᓕᒫᓪᓗ ᐊᕙᑎᖕᓃᑦᑐᑦ. ᐊᖏᕐᕋᖅᓯᒪᓗᓯ ᐊᑦᑕᕐᓇᖅᑐᒧᐊᖅᑕᐃᓕᓗᓯᓗ.

 

ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᑐᓴᒐᒃᓴᖏᑦ:

ᐅᓪᓛᒃᑯᑦ ᑕᒪᔅᓯ. ᖃᐅᔨᒪᔪᖓ ᑐᓴᖅᑎᑦᑎᔾᔪᑎᒋᑲᑕᒃᑕᕗᑦ ᑐᓴᙳᓇᖅᓯᓕᕐᒪᑕ ᑖᒃᑯᐊᑦᑕᐃᓐᓇᐃᓪᓗ ᐅᖃᐅᓯᐅᑲᑕᒃᖢᑎᒃ, ᑭᓯᐊᓂ ᐅᖃᐅᓯᕆᒃᑲᓐᓂᕆᐊᖃᕋᒃᑭᑦ.

ᐱᓇᓱᐊᕈᓯᐅᑉ ᓄᙳᕆᓂᐊᓕᕐᒪᒍ, ᓯᕿᓐᓂᖅᖢᓂ, ᐊᒻᒪᓗ ᑕᖅᑭᓕᒫ ᓇᑉᐸᖓᓂᓪᓗ ᐃᖃᓗᖕᓂ ᐊᓂᑦᑕᐃᓕᒪᑎᑕᐅᓕᖅᖢᑎᒃ. ᑕᖃᒐᑦᑕ ᐊᑐᖃᑦᑕᓚᐅᖅᑕᑦᑎᓐᓄᓪᓗ ᐅᑎᕈᒪᓕᖅᖢᑕ.

ᐱᓕᕆᐊᕆᔭᑦᑎᓐᓄᑦ ᑲᔪᓯᑦᑎᐊᖅᐳᒍᑦ−ᐅᓄᕈᓐᓃᖅᐸᓪᓕᐊᓂᖏᓐᓄᑦ ᖃᐅᔨᔾᔪᑎᖃᖅᐳᒍᑦ. ᑭᓯᐊᓂ ᑲᔪᓯᔭᕆᐊᖃᖅᐳᒍᑦ. ᓄᕙᒡᔪᐊᕐᓇᖅ-19 ᓱᓕ ᑕᒫᓃᑉᐳᖅ, ᐊᐃᑦᑐᕐᓗᐃᓴᕋᐃᖦᖢᓂᓗ, ᖃᐅᔨᒪᔪᐃᓐᓇᐅᔪᒍᑦ.

ᐅᔾᔨᖅᓱᑦᑎᐊᖏᓐᓇᕆᔅᓯ ᐊᑦᑕᕐᓇᖅᑕᐃᓕᒪᓗᓯᓗ ᐱᓇᓱᐊᕈᓯᐅᑉ ᓄᙳᐊᓂ, ᓄᕙᓕᖅᐸᓪᓕᐊᔪᑦ ᓄᕙᒍᓐᓃᖅᐸᓪᓕᐊᔪᓪᓗ ᐅᓄᕈᓐᓃᖅᐸᓪᓕᐊᖏᓐᓇᕐᓂᐊᕐᒪᑕ.

ᑲᖏᖅᖠᓂᕐᒥ, ᑎᑭᕋᕐᔪᐊᕐᒥ, ᓴᓂᑭᓗᐊᕐᒥ ᐊᕐᕕᐊᓂᓗ ᑕᑯᓚᐅᖅᐳᒍᑦ ᐊᓂᒍᐃᔪᓂᒃ ᐊᒃᓱᕈᖅᖢᑎᒃ ᐱᓕᕆᓪᓗᑎᒃ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖁᔭᖏᓐᓂᒃ  ᒪᓕᒃᖢᑎᒃ. ᐃᖃᓗᖕᓂ ᑕᐃᒪᐃᑦᑐᓐᓇᕆᕗᒍᑦ.

ᑕᒪᔅᓯᑦᑎᐊᖅ, ᐊᑐᕆᐊᖃᖅᑐᓂᒃ ᐊᑐᐃᓐᓇᕆᔅᓯ, ᐅᓗᕆᐊᓇᖅᑐᒦᑎᑦᑎᑦᑕᐃᓕᓗᓯᓗ. ᓯᕗᓕᖅᑎ ᐅᖃᓚᐅᕐᒪᑦ−ᐊᑐᖁᔭᐅᔪᓕᒫᑦᑎᐊᑦ ᒪᓕᒡᓗᓯᐅᒃ ᐊᑦᑕᕐᓇᖅᑕᐃᓕᒪᓗᓯᓗ, ᖃᓄᖅᑑᑦᑎᐊᖅᐸᒡᓗᓯᓗ ᐱᓇᓱᐊᕈᓯᐅᑉ ᓄᙳᐊᓂ.

ᐱᓕᕆᐊᕆᔭᔅᓯᓐᓄᑦ ᖁᔭᓕᔭᐅᕗᓯ, ᐊᒻᒪ ᐱᑦᑕᐃᓕᒪᖃᑦᑕᕋᔅᓯ ᐊᒃᓱᕈᖅᖢᓯᓗ ᐱᓕᕆᖃᑦᑕᕋᔅᓯ. ᑕᐃᒪᐃᓕᐅᖏᓐᓇᕐᓂᐊᖅᐳᒍᑦ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:

ᐅᓪᓛᒃᑯᑦ.

ᑕᖅᑭᓕᒫ ᐅᖓᑖᓃᓕᖅᐳᖅ ᐃᖃᓗᖕᓂ ᐊᐃᑦᑐᕐᓗᐃᖃᑦᑕᐅᑎᓕᓚᐅᖅᑎᓪᓗᒋᑦ. ᒫᓐᓇ ᐊᑐᓕᖅᑕᑦᑎᓐᓂ ᑕᑯᕗᒍᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖁᔭᖏᑦ ᓄᓇᓕᐸᐅᔭᕐᒥ, ᐊᐅᓪᓚᑲᑕᓗᐊᕆᐊᖃᙱᑦᑐᑦ ᐃᖃᓗᖕᓂᙶᕐᓗᑎᒃ, ᐊᒻᒪ ᐃᖃᓗᖕᓂᙶᖅᑐᑦ ᐃᓄᑑᔭᕆᐊᖃᖅᑎᑕᐅᔪᑦ ᐊᑑᑎᖃᑦᑎᐊᖅᓯᒪᕗᑦ ᖃᓂᒪᓐᓇᒥ ᐊᓯᖏᓐᓄᑦ ᓄᓇᓕᖕᓄᑦ ᐊᐃᑦᑐᕐᓗᐃᑎᑦᑎᑦᑕᐃᓕᒪᑎᓪᓗᑕ.

ᑕᒪᓐᓇ ᐱᔾᔪᑎᒋᓪᓗᒍ, ᑭᒡᓕᖃᖅᑎᑕᐅᓗᐊᙱᒃᑲᓗᐊᖅᐸᑕ ᐊᑦᑕᕐᓇᙱᑉᐳᖅ ᕿᑭᖅᑖᓗᖕᒥᐅᑦ, ᐃᖃᓗᐃᑦ ᑭᙵᐃᓪᓗ ᐃᓚᐅᙱᖦᖢᑎᒃ. ᓇᒡᒐᔾᔭᒥ ᐱᒋᐊᕐᓗᓂ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖁᔭᖏᑦ ᐊᓯᖏᓐᓂᒃ ᓄᓇᓕᖕᓂ ᕿᑭᖅᑖᓗᖕᒥ ᑲᖏᖅᖠᓂᕐᒥᐅᑎᑐᑦ ᐊᔾᔨᒋᔭᐅᓕᕐᓂᐊᖅᐳᑦ. ᐃᑭᐊᖅᑭᕕᒃᑯᑦ ᑕᑯᒋᐊᕐᓗᒍ ᓇᓗᓇᐃᖅᓯᒪᔪᑦ.

ᐊᐃᑉᐹᓂ ᐱᒋᐊᕐᓗᓂ, ᐃᓕᓐᓂᐊᕐᕖᑦ ᒪᑐᐃᕈᓐᓇᖅᓯᓂᐊᓕᖅᐳᑦ ᐃᖃᓗᐃᑦ ᐊᓯᖏᑦ. ᕿᑭᖅᑕᓂ ᐃᓕᓐᓂᐊᕐᕖᑦ, ᓴᓂᑭᓗᐊᖅ ᐱᙱᖦᖢᒍ, ᐊᑐᓕᖅᑎᑦᑎᓂᐊᓕᖅᐳᑦ 2−ᒥᑦ ᐃᓕᓐᓂᐊᕐᓂᓕᕆᔨᒃᑯᑦ ᖃᓄᐃᓕᐅᖅᐸᓪᓕᐊᔪᑦ ᐸᕐᓇᐅᑎᖓᓂ. ᓴᓂᑭᓗᐊᕐᒥᐅᑦ ᐊᑐᕐᓂᐊᓕᖅᐳᑦ 1−ᒥᑦ. ᑲᖏᖅᖠᓂᕐᒥ ᐃᓕᓐᓂᐊᕐᕖᑦ ᓱᓕ ᐊᑐᕐᓂᐊᖅᐳᑦ 2−ᒥᑦ. ᐊᓯᓕᒫᖏᑦ ᑭᕙᓪᓕᕐᒥ ᕿᑎᕐᒥᐅᓂᓗ ᓄᓇᓖᑦ ᐊᑐᕐᓂᐊᖅᐳᑦ 1−ᒥᑦ. ᕿᑭᖅᑕᓂ ᐃᓕᓐᓂᐊᕐᕕᓕᒫᑦ ᐊᑐᕐᓂᐊᓕᖅᑐᑦ 2-ᒥᑦ ᐃᓱᒪᖅᓱᖅᑎᑕᐅᓂᐊᖅᑐᑦ ᐋᖅᑭᒃᓱᐃᓂᐊᖅᑎᓪᓗᒋᑦ ᐊᓯᔾᔨᖅᐸᓪᓕᐊᔪᒥᑦ.

ᐅᖃᐅᓯᕆᒃᑲᓐᓂᕈᒪᕙᕋ ᐱᒻᒪᕆᐅᓂᖓᓂᒃ ᖃᐅᔨᓴᖅᑕᐅᖃᑦᑕᕆᐊᓖᑦ ᐊᐃᑦᑐᕐᓗᐃᖃᑦᑕᐅᑎᔪᑦ ᐊᐅᓚᑕᐅᖁᓪᓗᒋᑦ. ᖃᐅᔨᓴᖅᑕᐅᑎᑦᑎᖃᑦᑕᖅᐳᒍᑦ ᐅᓗᕆᐊᓇᖅᑐᒦᓐᓂᖅᓴᓂᒃ ᓄᕙᕐᔪᐊᕐᓇᖅ-19−ᒧᑦ. ᖃᓂᒪᓐᓇᖅ ᐱᕈᖅᐸᓪᓕᐊᖃᑦᑕᕐᓂᖓ ᐱᔾᔪᑎᒋᓪᓗᒍ ᐊᒻᒪ ᐃᓄᐃᑦ ᐊᐃᑦᑐᕐᓗᐃᔪᓐᓇᖅᓯᖃᑦᑕᖅᑐᑦ, ᖃᐅᔨᓴᖅᑕᐅᖃᑦᑕᕐᓂᐊᖅᑐᑦ ᐃᓚᖏᑦ ᐊᑕᐅᓯᐊᙱᓪᓗᑎᒃ ᖃᐅᔨᓴᖅᑕᐅᑐᐃᓐᓇᕆᐊᖃᖅᐳᑦ. ᐅᔾᔨᖅᓱᑦᑎᐊᖃᑦᑕᕐᓗᑎᒃ ᐊᒻᒪ ᖃᐅᔨᓴᖅᑕᐅᒃᑲᓐᓂᖃᑦᑕᕐᓗᑎᒃ ᓇᓗᓇᐃᖅᓯᑲᐅᑦᑐᕈᓐᓇᖃᑦᑕᕐᓂᐊᖅᐳᒍᑦ ᖃᓂᒪᓐᓇᒥ ᐊᒻᒪ ᐊᐃᑦᑐᕐᓗᐃᑎᑦᑎᙱᓐᓂᖅᓴᐅᓗᑕ. ᑖᓐᓇ ᐊᑑᑎᖃᑦᑎᐊᓛᖑᕗᖅ ᐊᐃᑦᑐᕐᓗᐃᑎᑦᑎᑦᑕᐃᓕᒪᓂᕐᒧᑦ, ᑕᐃᒪᐃᒻᒪᑦ ᖁᔭᓐᓇᒦᕈᒪᕙᒃᑲ ᐃᓚᒋᔭᐅᓚᐅᖅᑐᓕᒫᑦ ᐱᓕᕆᐊᖑᑎᓪᓗᒍ.

ᑕᐃᑯᐊ ᐃᓱᒪᔪᑦ ᓄᕙᒡᔪᐊᕐᓇᖅ-19−ᒧᑦ ᖃᐅᔨᓴᖅᑕᐅᔪᑦ ᖃᐅᔨᓴᖅᑕᐅᔾᔪᑎᒃᑯᑦ, ᐃᓄᑑᔭᕆᐊᖃᔾᔮᙱᑦᑐᑎᑦ ᑭᓯᐊᓂ ᓄᕙᒡᔪᐊᕐᓂᕋᖅᑕᐅᔪᑦ.  ᐊᖏᕐᕋᒥᓂ ᐊᒃᑐᖅᑕᐅᓯᒪᔪᑦ, ᐱᓕᕆᖃᑕᐅᓂᐊᖅᐳᓯ, ᐃᓄᐃᑦ ᐅᓄᕐᓂᖅᓴᐃᑦ ᐃᓚᐅᒃᐸᑕ, ᖃᐅᔨᓴᖅᑕᐅᔾᔪᑎ ᐊᑑᑎᖃᑦᑎᐊᕐᓂᖅᓴᐅᓕᕐᓂᐊᖅᐳᖅ.

 

 

ᓄᓇᕗᑦ ᒐᕙᒪᒃᑯᑦ ᐱᓇᔪᒃᑕᖓᓄᑦ ᐃᓚᒋᔭᐅᓪᓗᓂ ᓄᓇᕗᒻᒥᐅᑦ ᓴᐳᔾᔭᐅᖁᓪᓗᒋᑦ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᓕᒫᖏᑦ ᐅᑯᓂᖓ ᐊᑐᓕᖅᑎᑦᑎᓂᐊᖅᐳᑦ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: https://www.gov.nu.ca/health/information/nunavuts-path

ᑐᑭᓯᒋᐊᕈᒪᒍᕕᑦ ᑲᐱᔭᐅᓐᓇᐅᓛᖅᑐᓂᑦ ᐅᕗᙵᕐᓗᑎᑦ: https://gov.nu.ca/health/information/covid-19-vaccination

 

ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ:  ᒪᐃ 21

ᑲᑎᓕᒫᖅᖢᒋᑦ ᖃᐅᔨᓴᖅᑕᐅᓯᒪᔪᑦ ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑐᖁᔪᑦ ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ
14,981 637 45 588 4 8,656 437

*ᓇᓗᓇᐃᖅᑕᐅᓯᒪᔪᑦ ᐊᒻᒪ ᑕᐃᒪᐃᑦᑐᖃᑐᐃᓐᓇᕆᐊᓕᑦ ᐱᖃᓯᐅᔾᔨᕗᑦ ᑲᓇᑕᓕᒫᒥ ᖃᓂᒪᓇᓱᒋᔭᐅᔪᑦ ᖃᐅᔨᓴᖅᑕᐅᓯᒪᔪᓂᑦ. ᐅᑯᐊ ᐃᓄᐃᑦ ᖃᐅᔨᓴᖅᑕᐅᖃᑕᐅᔪᑦ ᓇᓗᓇᐃᖅᑕᐅᔪᑦ ᐋᓐᓂᐊᑲᑕᖕᓂᖏᓐᓂᒃ ᐊᒻᒪ ᐊᑦᑕᕐᓇᖅᑐᒦᓚᐅᖅᑐᑦ ᐊᓯᖏᓪᓗ ᓇᖕᒥᓂᖅ ᓇᐅᑦᑎᖅᓱᖅᑐᑦ ᐅᕝᕙᓘᓐᓃᑦ ᐅᐸᒃᑕᐅᑦᑕᐃᓕᔪᑦ.    ᑖᒃᑯᐊᓕᒫᖅ ᐋᓐᓂᐊᑲᑕᒐᔭᙱᑦᑐᑦ ᐅᕝᕙᓘᓐᓃᑦ ᖃᐅᔨᓴᖅᑕᐅᔪᐃᓐᓇᐅᔭᕆᐊᖃᙱᑦᑐᑦ.

*ᑭᖑᕙᕆᐊᖅᓯᒪᑐᐃᓐᓇᕆᐊᓕᑦ ᐅᖃᐅᓯᐅᓂᐊᖅᑐᑦ ᖃᓄᐃᓕᖓᓂᖏᑦ ᑭᒡᓕᓯᓂᐊᖅᑕᐅᓯᒪᔪᓪᓗ ᖃᓄᐃᓕᖓᔪᑦ ᐱᔭᐅᓯᒪᔪᑦ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥ. ᖁᓕᓪᓗ ᒪᕐᕉᒡᓗ ᓄᕙᒡᔪᐊᖅᑐᑦ ᖃᐅᔨᔭᐅᓚᐅᖅᑐᑦ ᓄᓇᕗᑦ ᓯᓚᑖᓂ ᓇᓗᓇᐃᖅᑕᐅᓚᐅᖅᐳᑦ ᓄᓇᕗᒻᒧᑦ. ᐱᖓᓱᑦ ᐃᓅᔪᓐᓃᖅᑐᑦ ᐱᖃᓯᐅᔾᔭᐅᓪᓗᑎᒃ. ᓄᓇᕗᒥᐅᑦ ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᕗᑦ ᓯᓚᑖᓂ ᖃᐅᔨᔭᐅᔪᑦ ᓇᓗᓇᐃᖅᑕᐅᔪᐃᓐᓇᐅᔾᔮᙱᑉᐳᑦ ᓄᓇᕗᒻᒧᑦ.

ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᒪᐃ 21

ᓄᓇᓕᒃ

ᓄᕙᒡᔪᐊᕐᓇᖅ-19−ᒧᑦ ᓯᐊᒻᒪᒃᓯᒪᔪᑦ

ᖃᖓᒃᑯᑦ

ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ   ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ ᑐᖁᔪᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ
ᐃᖃᓗᐃᑦ ᑲᔫᓰᓐᓇᖅᑐᖅ ᑕᐃᒪᖖᒐᓂᑦ 14/04/2021 232 233 0 0 189 44
ᑭᙵᐃᑦ ᑲᔫᓰᓐᓇᖅᑐᖅ

ᑕᐃᒪᖖᒐᓂᑦ 19/04/2021

7 7 0 0 6 1

ᑲᖏᖅᖠᓂᖅ

ᑲᔫᓰᓐᓇᖅᑐᖅ ᑕᐃᒪᖖᒐᓂᑦ 24/04/2021 2 2 0 0 2 0
ᐊᕐᕕᐊᑦ ᐅᖓᑖᓄᑦ

11/2020 – 04/2021

339 339 0 1 338 0
ᑎᑭᕋᕐᔪᐊᖅ ᐅᖓᑖᓄᑦ 11/2020 – 02/2021 23 23 0 0 23 0
ᑲᖏᖅᖠᓂᖅ ᐅᖓᑖᓄᑦ 11/2020 – 12/2020 19 19 0 0 19 0
ᓴᓂᑭᓗᐊᖅ  ᐅᖓᑖᓄᑦ 11/2020 – 12/2020 2 2 0 0 2 0
ᑲᑎᖦᖢᒋᑦ      624 625 0 1 579 45

ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔪᑦ ᖃᓄᐃᓕᖓᓂᖏᑦ: ᒪᐃ 17

  ᓄᓇᕗᒻᒥ ᑲᑎᖦᖢᒋᑦ ᐃᓄᖏᑦ ᓇᓚᐅᑦᑖᖅᑕᐅᓯᒪᔪᑦ ᓄᓇᓖᑦ ᒪᓕᒃᖢᒋᑦ, ᐱᒋᐊᖅᖢᒍ ᔪᓚᐃ 1 2020    ᑲᐱᔭᐅᔪᑦ Meditech ᓈᓴᖅᑕᐅᓯᒪᔪᑦ ᒪᐃ 10, 2021-ᒧᑦ ᑎᑭᖦᖢᒍ      
  ᑲᑎᓪᓗᒋᑦ 18 ᐅᖓᑖᓄᓪᓗ ᐊᑕᐅᓯᐊᖅᖢᑎᒃ ᑲᐱᔭᐅᔪᑦ % ᐊᐃᑉᐸᖓᓂᒃ ᑲᐱᔭᐅᔪᑦ %
ᓄᓇᕗᑦ 39,353 24,878 16,720 67% 13,305 53%
ᕿᑭᖅᑖᓗᖕᒥ 20,822 13,359 9,595 72% 7,065 53%

ᐃᒃᐱᐊᕐᔪᒃ 

946 530

347

65% 293 55%
ᑲᖏᖅᑐᒑᐱᒃ  1,192 688 482 70% 415 60%
ᐊᐅᓱᐃᑦᑐᖅ   140 96 68 71% 41 43%
ᐃᒡᓗᓕᒃ   1,987 1,094 523 48% 384 35%
ᐃᖃᓗᐃᑦ  8,284 6,049 5,189 86% 3,602 60%
ᑭᒻᒥᕈᑦ 427 265 178 67% 161 61%
ᑭᙵᐃᑦ 1,547 923 518 56% 349 38%
ᐸᓐᓂᖅᑑᖅ 1631 1008 612 61% 471 47%
ᒥᑦᑎᒪᑕᓕᒃ  1,794 1,031 605 59% 476 46%
ᕿᑭᖅᑕᕐᔪᐊᖅ  651 421 236 56% 182 43%
ᖃᐅᓱᐃᑦᑐᖅ 218 136 174 128% 113 83%
ᓴᓂᑭᓗᐊᖅ  1,014 573 328 57% 295 51%
ᓴᓂᕋᔭᒃ 1,000 545 335 61% 285 52%
ᑭᕙᓪᓕᕐᒥ 11,388 7,011 4,460 64% 3,859 55%
ᐊᕐᕕᐊᑦ  29,918 1,696 1,247 74% 1060 63%
ᖃᒪᓂ'ᑐᐊᖅ  2,265 1,471 834 57% 713 48%
ᐃᒡᓗᓕᒑᕐᔪᒃ 453 287 177 62% 159 55%
ᓴᓪᓕᖅ 973 554 269 49% 221 40%
ᓇᐅᔮᑦ  1,270 648 325 50% 291 45%
ᑲᖏᖅᖠᓂᖅ  3,026 2,089 1,438 69% 1,279 61%
ᑎᑭᕋᕐᔪᐊᖅ 483 266 170 64% 136 51%
ᕿᑎᕐᒥᐅᑦ 7,143 4,508 2,665 59% 2,381 53%
ᐃᖃᓗᒃᑑᑦᑎᐊᖅ   1,902 1,352 992 73% 894 66%
ᐅᖅᓱᖅᑑᖅ  1,398 836 410 49% 369 44%
ᑰᒑᕐᔪᒃ  1,180 650 273 42% 256 39%
ᖁᕐᓗᒃᑑᖅ  1,517 1,000 572 57% 491 49%
ᑕᓗᕐᔪᐊᖅ   1,143 670 418 62% 371 55%

ᐅᑯᐊ ᑐᑭᓯᒋᐊᒐᒃᓴᑦ ᑕᑯᒃᓴᐅᑎᑦᑎᕗᑦ ᓈᓴᐅᑎᓂᒃ ᓄᓇᖅᑲᑎᒌᑦ ᑲᐱᔭᐅᔪᑦ ᓇᓗᓇᐃᖅᑕᐅᕙᓪᓕᐊᔪᓂᒃ ᐱᒋᐊᖅᖢᒍ ᒪᐃ 17, 2021.

ᐳᓴᓐᑎᖓ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐃᒪᐃᑉᐳᖅ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐊᕕᑦᓯᒪᓪᓗᑎᒃ ᓄᓇᕘᒥᐅᑦ ᐃᓄᒋᐊᓐᓂᖏᑕ ᓇᓚᐅᑦᑖᖅᑕᐅᓯᒪᓂᖏᑦ 18-ᓂ ᐅᖓᑖᓂᓪᓗ ᐊᕐᕌᒍᓖᑦ.

ᓄᓇᕘᓕᒫᒥ ᑲᑎᖦᖢᒋᑦ ᑲᐱᔭᐅᔪᑦ ᑕᒻᒪᖅᓯᒪᙱᖦᖢᑎᒃ ᓇᐃᒡᓕᒋᐊᖅᓯᒪᔪᑦ. ᓄᓇᓖᑦ ᖃᕆᑕᐅᔭᒃᑯᑦ ᑎᑎᕋᖅᓯᒪᔪᑦ ᕿᒥᕐᕈᔭᐅᕙᓪᓕᐊᑐᐃᓐᓇᖅᐳᑦ ᖃᐅᔨᒪᔪᒪᓪᓗᑎᒃ ᓈᒻᒪᒃᑲᓗᐊᕐᒪᖔᑕ ᓇᓗᓇᐃᖅᓯᔾᔪᑎᑦ. ᓄᓇᓕᖕᓂ ᑲᑎᖦᖢᒋᑦ ᐋᖅᑭᒋᐊᖅᑕᐅᖃᑦᑕᕐᓂᐊᖅᐳᑦ ᐱᔭᕆᐊᖃᕌᖓᑦ. ᑐᕌᖓᑐᐃᓐᓇᕆᐊᖃᖅᑐᖅ ᐊᓯᔾᔨᒐᓚᒋᐊᖃᕋᔭᖅᑐᓄᑦ ᐳᓴᓐᑎᖏᑦ ᓄᓇᓖᑦ ᒪᓕᒡᓗᒋᑦ.

ᑲᐴᑎᑦ ᓇᓗᓇᐃᖅᑕᐅᖃᑦᑕᖅᐳᑦ ᓄᓇᓕᖕᓄᑦ ᐊᐅᓚᑦᑎᕝᕕᒋᔭᐅᔪᓄᑦ.

ᑲᑎᖦᖢᒋᑦ ᑲᐱᔭᐅᔪᑦ ᐅᑯᐊᖑᓂᐊᖅᐳᑦ ᓄᓇᖃᖅᑐᑦ ᓄᓇᖃᙱᑦᑑᒐᓗᐊᓪᓗ, ᐃᓚᓕᐅᔾᔭᐅᓪᓗᑎᒃ ᐅᓐᓄᐊᖅᓯᐅᑕᐅᓕᖅᐸᒃᑐᑦ ᐃᖅᑲᓇᐃᔭᖅᑏᑦ.

ᐃᓄᖕᒥᒃ ᑲᐱᔭᐅᓯᒪᔪᖃᑐᐃᓐᓇᕆᐊᖃᖅᐳᖅ ᓯᕗᓪᓕᕐᒥᒃ ᐊᒻᒪ/ᐅᕝᕙᓘᓐᓃᑦ ᐊᐃᑉᐸᖓᓂᒃ ᓄᓇᒋᙱᑕᒥᓂᒃ ᑲᐱᔭᐅᔪᓂᒃ.

ᑖᓐᓇ ᐱᔾᔪᑎᖃᙱᑦᑐᖅ ᐃᓄᖕᓄᑦ ᑲᐱᔭᐅᓚᐅᖅᑐᓄᑦ ᐃᓚᐃᓐᓇᖓᓂᒃ ᑕᒪᐃᓐᓂᒡᓘᓐᓃᑦ ᓄᓇᕘᑉ ᓯᓚᑖᓂ.

ᖁᑦᑎᒃᐸᑦ ᐳᓴᓐᑎᖓ ᐊᑕᐅᓯᕐᒥᒃ ᓄᓇᓕᖕᓂ ᓇᓕᒧᙱᒻᒪᑦ ᐃᓄᒐᓴᒡᔪᐊᓄᑦ ᑲᐳᖅᓴᖅᑕᐅᔪᓄᑦ.  ᐋᖅᑭᒃᑕᐅᔪᖃᖅᓯᒪᙱᑦᑐᖅ ᓇᓗᓇᐃᖅᑕᐅᓯᒪᔪᖃᙱᑦᑐᕐᓘᓐᓃᑦ ᐳᓴᓐᑎᖓᓐᓂᒃ ᖃᓄᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᔪᓂᒃ ᓄᕙᒡᔪᐊᕇᒃᑯᑎᓂᒃ. ᖃᓄᒥᐊᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᒐᓗᐊᖅᐸᑕ ᒫᓐᓇ ᑲᐴᑎᓄᑦ ᐊᖏᖅᑕᐅᓯᒪᔪᓄᑦ (ᓲᕐᓗ ᓄᑕᖅᑲᑦ 12 ᑐᖔᓂ ᐅᑭᐅᖃᑐᐊᖅᐸᑕ ᑲᐱᔭᐅᔪᓐᓇᙱᑦᑐᑦ).

ᓇᑭᙶᕐᓂᖏᑦ: ᑲᓇᑕᒥ ᑭᒡᓕᓯᓂᐊᖅᑎᒃᑯᑦ, ᓄᓇᓖᑦ ᐃᓄᖏᑦᑕ ᖃᓄᐃᓕᕙᓪᓕᐊᓂᖏᓐᓄᑦ ᐱᓕᕆᕝᕕᒃ, ᑎᑎᖅᑲᙳᖅᑎᑕᐅᔪᒃᓴᑦ. ᐱᕙᒌᔭᖅᑕᐅᔪᖅ ᐅᑯᓄᖓ: ᓄᓇᕗᒻᒥ ᑭᒡᓕᓯᓂᐊᖅᑎᒃᑯᑦ, ᔭᓄᐊᕆ 27, 2021.

ᑲᐱᔭᐅᓯᒪᔪᑦ ᖃᑦᓯᐅᓂᖏᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐋᓐᓂᐊᕕᓕᐊᖅᑐᓄᑦ ᖃᕆᓴᐅᔭᒃᑯᑦ ᑎᑎᖅᑭᕆᔾᔪᑎᓃᖔᖅᑐᖅ.

ᐊᔪᙱᑦᑐᑦ ᐃᓐᓇᐃᑦ ᓄᓇᓕᖕᓂ ᓇᓗᓇᐃᖅᑕᐅᓯᒪᕗᑦ ᖃᔅᓯᐅᓂᖏᓐᓄᑦ ᐃᓄᐃᑦ ᐅᑭᐅᓖᑦ 18-ᓂᒃ ᐅᖓᑖᓂᓪᓗ ᒪᓕᒡᓗᒍ 2020-ᒥ ᐃᓄᐃᑦ ᖃᔅᓯᐅᓇᓱᒋᔭᐅᓂᖏᑦ.

ᓄᓇᖅᑲᑎᒌᑦ ᐃᓄᒋᐊᖕᓂᖏᑦ ᒥᒃᓴᐅᑦᑎᓯᒪᔪᑦ "ᐊᒃᑐᐊᓂᖃᙱᑦᑐᑦ" ᑐᙵᕕᖃᙱᓐᓂᖏᓐᓄᑦ ᐃᓗᓕᖅᑕᓄᑦ ᐃᓄᒋᐊᒃᓯᕙᓪᓕᐊᔪᓄᑦ (ᐃᓅᕙᓪᓕᐊᔪᑦ, ᑐᖁᕙᓪᓕᐊᔪᑦ ᐊᒻᒪ ᐊᓯᐊᓂᒃ ᓄᓇᓂᙶᖅᑐᑦ ᓄᒃᑕᖅᐸᒃᑐᑦ).  ᑲᒪᒋᔭᐅᑦᑎᐊᕐᓗᑎᒃ ᐊᑐᖅᑕᐅᔭᕆᐊᓖᑦ.  

ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᒪᐃ 20

ᓄᓇᓕᒃ  ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ
ᐃᖃᓗᐃᑦ 232 3201
ᑭᙵᐃᑦ 7 164
ᑲᖏᖅᖠᓂᖅ 2 94
ᐊᕐᕕᐊᑦ  339 2883
ᑎᑭᕋᕐᔪᐊᖅ  23 352
ᑲᖏᖅᖠᓂᖅ 19 339
ᓴᓂᑭᓗᐊᖅ  2 202
ᑲᑎᖦᖢᒋᑦ  6624 7,235

ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:

ᐊᐅᓪᓚᕈᑎᒋᔭᐅᓯᒪᔪᑦ

ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᒪᐃ 20-ᒥᑦ ᐱᒋᐊᖅᖢᓂ

ᐋᓐᓂᐊᕐᕕᓕᐊᖅᑐᑦ

370

ᑭᒃᑯᑐᐃᓐᓇᑦ

173
ᑐᐊᕕᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓄᑦ ᐃᓄᑑᔭᕆᐊᖃᕐᓂᕐᓗ 42
ᐃᒡᓗᓕᐅᖅᑎᑦ 34

ᑲᑎᖢᒋᑦ

619

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ

ᒪᐃ 21

82

ᒪᐃ 22

12

ᒪᐃ 23

23

ᒪᐃ 24

68

ᒪᐃ 25

47

ᑲᑎᖢᒋᑦ

232

ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:

ᒪᐃ 21−ᒥ ᐱᒋᐊᖅᖢᓂ, 16,680−ᓂᒃ ᑐᒃᓯᕋᖅᑐᖃᓚᐅᖅᐳᖅ, 8,253−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ

# %

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ)

12,919 77.5%

ᐊᖏᖅᑕᐅᙱᑦᑐᑦ

311 1.9%
ᐅᑕᖅᑭᔪᑦ 523 3.1%

ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ

2927 17.5%
ᑲᑎᖢᒋᑦ 16,680 100%

 

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ ᒪᓕᒃᖢᒍ, ᐅᑯᐊ ᐊᓯᔾᔨᕐᓂᐊᓕᖅᑐᑦ ᓄᓇᕗᒻᒥ ᐃᓕᓐᓂᐊᕐᕕᖏᓐᓄᑦ:

  • ᐊᐃᑉᐹᓂ, ᒪᐃ 25, 2021−ᒥ ᐱᒋᐊᖅᖢᓂ ᕿᑭᖅᑕᓂ ᐃᓕᓐᓂᐊᕐᕖᑦ, ᓴᓂᑭᓗᐊᕐᒥ, ᑭᙵᕐᓂ, ᐊᒻᒪ ᐃᖃᓗᖕᓂ ᐱᙱᖦᖢᒋᑦ, ᐊᑐᕐᓂᐊᓕᖅᐳᑦ 2−ᒥᑦ.

ᕿᑭᖅᑕᓂ ᐃᓕᓐᓂᐊᕐᕕᓕᒫᑦ, ᓴᓂᑭᓗᐊᕐᒥ, ᑭᙵᕐᓂ ᐊᒻᒪ ᐃᖃᓗᖕᓂ ᐱᙱᖦᖢᒋᑦ, ᐊᑐᓕᖅᑎᑦᑎᓂᐊᓕᖅᐳᑦ 2−ᒥᑦ ᖃᓄᖅᑑᕈᑎᒃᓴᑦ ᐸᕐᓇᐅᑎᖓᓂ.

ᑐᓴᖅᑎᑦᑎᔾᔪᑕᐅᔪᖅ ᒪᓕᒃᖢᒍ, ᕿᑭᖅᑕᓂ ᐃᓕᓐᓂᐊᕐᕖᑦ ᐊᑐᕐᓂᐊᓕᖅᐳᑦ 2-ᒥᑦ ᐃᓱᒪᖅᓱᖅᑎᑕᐅᓂᐊᖅᑐᑦ ᐋᖅᑭᒃᓱᐃᓂᐊᖅᑎᓪᓗᒋᑦ ᐊᓯᔾᔨᖅᐸᓪᓕᐊᔪᒥᑦ.

ᐱᔨᑦᑎᕋᖅᑕᐅᖏᓐᓇᖅᑐᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐅᑯᐊ ᑲᔪᓯᓂᐊᖅᑐᑦ ᐊᑐᖅᑕᐅᓕᕐᓗᑎᒃ:

  • ᐊᑐᕐᓂᐊᓕᖅᑐᑦ 4-ᒥᑦ − ᐃᓕᓐᓂᐊᕐᕖᑦ ᐃᖃᓗᖕᓂᑦ.
  • ᐊᑐᕐᓂᐊᓕᖅᑐᑦ 3−ᒥᑦ−ᐃᓕᓐᓂᐊᕐᕖᑦ ᕿᑭᖅᑕᓂ, ᓴᓂᑭᓗᐊᖅ, ᑭᙵᐃᑦ ᐊᒻᒪ ᐃᖃᓗᐃᑦ ᐱᙱᖦᖢᒋᑦ (ᕿᑭᖅᑕᓂ ᐃᓕᓐᓂᐊᕐᕖᑦ, ᓴᓂᑭᓗᐊᖅ, ᑭᙵᐃᑦ ᐊᒻᒪ ᐃᖃᓗᐃᑦ ᐱᙱᖦᖢᒋᑦ, ᐊᑐᕐᓂᐊᓕᖅᐳᑦ 2−ᒥᑦ ᐊᐃᑉᐹᓂ, ᒪᐃ 25, 2021−ᒥ).
  • ᐊᑐᕐᓂᐊᓕᖅᑐᑦ 2−ᒥᑦ − ᐃᓕᓐᓂᐊᕐᕕᓕᒫᑦ ᑲᖏᕐᖠᓂᕐᒥ.
  • ᐊᑐᕆᐊᓕᒃ 1 − ᐃᓕᓐᓂᐊᕐᕖᑦ ᓴᓂᑭᓗᐊᕐᒥ, ᕿᑎᕐᒥᐅᓂ, ᐊᒻᒪᓗ ᑭᕙᓪᓕᕐᒥᐅᓂ, ᑖᒃᑯᐊ ᑭᓯᐊᓂ ᑲᖏᖅᖠᓂᖅ.

ᐃᓕᓐᓂᐊᕐᕕᑦ ᐊᑐᓕᕐᑎᑦᑎᓂᐊᖅᑐᑦ ᓈᒻᒪᒃᑐᒥᒃ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᒥᑦ ᒫᓐᓇ ᐊᑐᖅᑕᒥᓄᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᑕᒪᕐᒥᒃ ᓄᓇᕗᒻᒥ ᐸᐃᕆᕝᕕᓕᒫᑦ ᐅᒃᑯᐃᖓᐃᓐᓇᕈᓐᓇᖅᐳᑦ, ᐃᖃᓗᐃᑦ ᐱᖃᑕᐅᙱᑦᑐᑦ.

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ

  • ᐃᓕᓐᓂᐊᖅᑎᑦ ᐃᓂᒃᓴᓕᐅᖅᑐᑦ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐊᐅᓪᓚᕈᓐᓇᖅᑎᑕᐅᔪᑦ ᒪᓕᒋᐊᖃᕐᓂᐊᖅᑐᑦ ᐋᓐᓂᐊᖅᑐᓕᕆᔨᒃᑯᑦ ᒪᓕᖁᔭᖏᓐᓂᒃ ᐊᑐᓕᖁᔭᐅᔪᓂᓪᓗ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ.
  • ᐃᓕᓐᓂᐊᖅᑎᑦ ᐊᐱᖅᑯᑎᒃᓴᖃᕈᑎᒃ ᐊᐅᓪᓚᕐᕕᒋᓂᐊᖅᑕᖓᑕ ᒥᒃᓵᓄᑦ, ᖃᐅᔨᒋᐊᕈᓐᓇᖅᑐᑦ ᐃᓕᓐᓂᐊᕐᑎᓄᑦ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᑎᑎᕋᕐᕕᐊᓄᑦ ᑐᑭᓯᒋᐊᒃᑲᓐᓂᕐᓂᐊᕐᓗᑎᒃ ᐅᕙᓂ fanstravel@gov.nu.ca.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᐅᑎᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ ᒪᓕᒃᖢᒍ, ᐅᑯᐊ ᐊᓯᔾᔨᕐᓂᐊᓕᖅᑐᑦ ᓄᓇᕗᒻᒥ ᐃᓕᓐᓂᐊᕐᕕᖏᓐᓄᑦ:

  • ᐊᐃᑉᐹᓂ, ᒪᐃ 25, 2021−ᒥ ᐱᒋᐊᖅᖢᓂ ᕿᑭᖅᑕᓂ ᐃᓕᓐᓂᐊᕐᕕᓕᒫᑦ, ᓴᓂᑭᓗᐊᖅ, ᑭᙵᐃᑦ, ᐊᒻᒪ ᐃᖃᓗᐃᑦ ᐱᙱᖦᖢᒋᑦ, ᐊᑐᕐᓂᐊᓕᖅᐳᑦ 2−ᒥᑦ.

ᕿᑭᖅᑕᓂ ᐃᓕᓐᓂᐊᕐᕕᓕᒫᑦ, ᓴᓂᑭᓗᐊᕐᒥ, ᑭᙵᕐᓂ ᐊᒻᒪ ᐃᖃᓗᖕᓂ ᐱᙱᖦᖢᒋᑦ, ᐊᑐᓕᖅᑎᑦᑎᓂᐊᓕᖅᐳᑦ 2−ᒥᑦ ᖃᓄᖅᑑᕈᑎᒃᓴᑦ ᐸᕐᓇᐅᑎᖓᓂ.

ᑐᓴᖅᑎᑦᑎᔾᔪᑕᐅᔪᖅ ᒪᓕᒃᖢᒍ, ᕿᑭᖅᑕᓂ ᐃᓕᓐᓂᐊᕐᕖᑦ ᐊᑐᕐᓂᐊᓕᖅᐳᑦ 2-ᒥᑦ ᐃᓱᒪᖅᓱᖅᑎᑕᐅᓂᐊᖅᑐᑦ ᐋᖅᑭᒃᓱᐃᓂᐊᖅᑎᓪᓗᒋᑦ ᐊᓯᔾᔨᖅᐸᓪᓕᐊᔪᒥᑦ.

  • ᐊᑐᕐᓂᐊᓕᖅᑐᑦ 2−ᒥ, ᓄᑲᖅᖡᑦ ᐃᓕᓐᓂᐊᖅᑏᑦ ᐅᐸᖃᑦᑕᕐᓂᐊᖅᐳᑦ ᐃᓕᓐᓂᐊᕐᕕᖕᓄᑦ ᐅᓪᓗᓕᒫᖅᐸᒡᓗᑎᒃ, ᐅᓪᓗᓄᑦ ᑕᓪᓕᒪᓄᑦ ᐱᓇᓱᐊᕈᓯᕐᒥ. ᕿᑎᐊᓃᑦᑐᑦ ᖁᑦᑎᖕᓂᖅᓴᒦᑦᑐᓪᓗ ᐃᓕᓐᓂᐊᖅᑏᑦ ᑲᑎᖅᓱᖅᓯᒪᔪᒥᒃ ᐊᑐᕐᓂᐊᖅᐳᑦ ᐃᓕᓐᓂᐊᕐᕕᖕᒥ ᐊᒻᒪᓗ ᐅᐸᒃᓯᒪᙱᒃᑲᓗᐊᕐᓗᒍ ᐃᓕᑦᑎᕙᓪᓕᐊᓂᕐᒥᒃ. ᐱᑐᐃᓐᓇᐅᙱᑦᑐᑦ ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒦᖃᑦᑕᕐᓂᐊᖅᑐᑦ ᐅᓪᓗᓂᑦ ᐱᖓᓱᓂᑦ ᐱᓇᓱᐊᕈᓯᕐᒥ. ᐱᑐᐃᓐᓇᐅᙱᑦᑐᑦ ᐊᑐᖅᑕᐅᕙᓪᓕᐊᓂᐊᖅᑐᑦ ᐋᖅᑭᒃᓯᒪᓕᖅᑎᑕᐅᓂᐊᖅᐳᑦ ᐊᑐᓂ ᐃᓕᓐᓂᐊᕐᕖᑦ ᐊᑐᖅᑕᐅᔪᒧᑦ 2−ᒧᑦ ᖃᓄᖅᑑᕐᓂᕐᒧᑦ ᐸᕐᓇᐅᑎᒥᑦ.

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᐅᑎᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐃᖃᓗᖕᓂ ᐃᓕᓐᓂᐊᕐᕕᑦ ᒪᑐᓯᒪᔪᑦ ᑭᓯᐊᓂ ᐅᖃᐅᓯᐅᒃᑲᓐᓂᖅᐸᑦ.

  • ᐊᑐᕐᓂᐊᖅᑐᑦ 4-ᒥ ᖃᕆᓴᐅᔭᒃᑯᑦ ᑕᒪᕐᒥᑦᑎᐊᖅ ᐃᓕᓴᖅᑕᐅᑲᑕᖕᓂᐊᖅᐳᑦ. ᐃᓕᓐᓂᐊᕐᕕᓕᒫᑦ ᐃᓕᓐᓂᐊᖅᑎᓄᑦ, ᐃᖅᑲᓇᐃᔭᖅᑎᓄᑦ, ᑭᒃᑯᑐᐃᓐᓇᓄᓪᓗ ᒪᑐᓯᒪᕗᑦ. ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᑎᓕᒫᓂᒃ ᑐᓴᐅᒪᑎᑦᑎᖃᑦᑕᕐᓂᐊᖅᐳᑦ ᓈᒻᒪᒃᓯᔭᕌᖓᑦ. 

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐃᖃᓗᖕᓂ ᐸᐃᕆᕝᕖᑦ ᒪᑐᓯᒪᔪᑦ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.

 

 

ᓄᓇᕗᒻᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.