ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᒪᐃ 4, 2021

ᒪᐃ 04, 2021

ᓯᕗᓕᖅᑎᒥᑦ ᑐᓴᒐᒃᓴᑦ ᓄᑖᙳᕆᐊᖅᓯᒪᔪᑦ:

ᐅᓪᓗᒥ, 7-ᓂᒃ ᓄᑖᓂ ᓇᓗᓇᐃᖅᓯᖅᑲᐅᕗᒍᑦ ᓄᕙᒡᔪᐊᕐᓇᖅ-19−ᑖᖅᑐᓂᒃ 7-ᓗ ᖃᓄᐃᑦᑐᓐᓃᖅᖢᑎᒃ. ᒫᓐᓇ 85−ᖑᓕᖅᑐᑦ ᓄᕙᒡᔪᐊᓕᖅᑐᑦ ᐊᕕᒃᓯᒪᓂᕐᒥ - 83 ᐃᖃᓗᖕᓃᖦᖢᑎᒃ ᒪᕐᕉᒡᓗ ᑭᙵᕐᓂ. ᓇᓗᓇᐃᖅᑕᐅᓯᒪᓪᓚᑦᑖᖅᑐᒃ ᒪᕐᕉᒃ ᑲᖏᕐᖠᓂᕐᒥ ᒫᓐᓇ ᐊᓂᒍᐃᕗᒃ. 50−ᓂᑦ ᖃᓄᐃᑦᑐᓐᓃᕐᓯᒪᔪᑦ ᐅᓪᓗᒥᒧᑦ ᐊᐃᑦᑐᕐᑕᐅᓯᒪᓂᖕᒥᑦ.

ᒫᓐᓇᒧᑦ ᑎᑭᖦᖢᒍ, 16,144 ᓄᓇᕗᒻᒥᐅᑦ ᓯᕗᓪᓕᕐᒥ ᑲᐱᔭᐅᓯᒪᓕᖅᑐᑦ ᒪᑑᓇᒧᑦ, ᐊᒻᒪ 12,568 ᓄᓇᕗᒥᐅᑦ ᑲᐱᔭᐅᓯᒫᓂᓕᖅᑐᑦ ᓄᕙᒡᔪᐊᕇᒃᑯᑎᒧᑦ.

ᐅᓪᓗᒥ ᐊᑐᓯᒋᐊᕐᓗᓂ ᐃᖃᓗᖕᓂ, ᐅᑯᐊᒃ Arctic Survival ᓂᐅᕕᕐᕕᒃ ᐊᖅᒪᓗ ᖃᒧᑕᐅᔭᓄᑦ ᓱᕋᒃᓯᒪᔪᓕᕆᕝᕖᑦ ᐃᓱᒪᒋᔭᐅᕗᑦ ᐊᑐᖅᑕᐅᓪᓚᕆᒋᐊᖃᕋᓱᒋᔭᐅᓪᓗᑎᒃ ᓇᖕᒥᓂᕆᔭᐅᓪᓗᑎᒃ ᒪᑐᐃᙶᖏᓐᓇᕈᓐᓇᖅᖢᑎᒡᓗ ᐅᑯᑎᒎᓇᖅ, ᓄᓇᕗᒻᒥᐅᑦ ᑭᒃᑯᑐᐃᓐᓇᓄᑦ ᖃᓄᐃᙱᑎᑦᑎᓂᕐᒧᑦ ᑎᓕᓯᔾᔪᑕᐅᓯᒪᔫᑉ ᐊᑖᒍᑦ. ᒪᑐᔭᐅᓂᖏᑦ ᑖᒃᑯᐊ ᓇᖕᒥᓂᕆᔭᐅᔪᑦ ᐃᓱᒪᒋᔭᐅᓚᐅᒪᙱᓚᖅ, ᖃᐅᔨᑐᐊᕋᑦᑕᓗ ᑭᑭᑕᐅᓯᒪᙱᓐᓂᖏᖕᓂᒃ, ᐱᓕᕆᐊᖃᓕᓚᐅᖅᐳᒍᑦ ᑕᒪᓐᓇ ᐋᖅᑭᒃᓯᒪᓕᖅᑎᑦᑐᒪᓪᓗᒍ.  ᒪᒥᐊᑉᐳᒍᑦ ᑭᒃᑯᓕᒫᓄᑦ ᑕᒪᑐᒧᖓ ᓇᓗᓇᖅᓯᓯᒪᓚᐅᑲᒃᑐᒧᑦ. ᐃᑲᔪᖅᑐᐃᓂᖅ ᐊᖑᓇᓱᒃᑎᖁᑎᑦᑎᓐᓂᒃ ᑲᔪᓰᓐᓇᕈᓐᓇᖅᑐᒥᒡᓗ ᓂᕿᖃᑦᑎᐊᖅᐸᖕᓂᕐᒧᑦ ᐱᕕᒃᓴᖃᕐᓂᕐᓗ ᓄᓇᒦᓐᓂᕐᒥᒃ ᒐᕙᒪᑦᑕ ᓯᕗᓪᓕᖅᐸᐅᑦᑎᐅᑎᑎᓯᒪᖃᑕᐃᓐᓇᐅᔭᖅᐸᐅᒃ.

ᐱᔾᔪᑎᒋᓪᓗᒍ ᒪᑐᔭᐅᓚᐅᑲᖕᓂᖓ ᐃᖃᓗᖕᒥᐅᑦ ᐊᑦᑎᒃᑐᒥᒃ ᐊᔭᖅᑭᑦᑕᕈᑎᓕᒃ ᐅᖅᑯᐃᓯᒪᕝᕕᐅᕙᒃᑐᖅ, ᓄᓇᕗᑦ ᒐᕙᒪᖓ ᐱᓕᕆᐊᖃᖅᐳᖅ ᐃᑲᔪᕈᒪᓪᓗᑎᒃ ᐅᑯᓂᖓ, ᐅᖂᑕᖅ ᑲᑐᔾᔨᖃᑎᒌᓂᒃ ᓇᓂᓯᔪᓐᓇᖁᓪᓗᒋᑦ ᐋᖅᑭᒃᓯᒪᓕᕈᑕᐅᕙᒃᑐᓂᒃ ᐃᑲᔪᕈᓐᓇᕈᒪᓪᓗᑎᒃ ᐊᒃᑐᖅᑕᐅᓴᕋᐃᑦᑐᓂᒃ ᐃᖃᓗᖕᒥᐅᓂᒃ.  ᑕᒪᒃᑯᐊ ᐅᖃᖃᑎᒌᖕᓃᑦ ᑲᔪᓰᓐᓇᖅᐳᑦ, ᐱᓕᕆᐊᖃᖅᐸᓪᓕᐊᕗᒍᓪᓗ ᐊᔪᙱᑕᑦᑎᓐᓂᒃ ᐱᑎᑦᑎᔪᒪᓪᓗᑕ ᐱᓕᕆᔾᔪᑎᓄᑦ ᐊᐅᓚᑦᑎᓂᕐᒧᓪᓗ ᐃᑲᔪᖅᑐᐃᓂᕐᒥᒃ. ᓂᕆᐊᒋᔭᖃᕋᓗᐊᖅᐳᖓ ᐱᑎᑦᑎᔪᓐᓇᓛᕐᓂᓐᓂᒃ ᐃᓗᓕᖃᐅᑦᑎᐊᕐᓂᖅᓴᒥᒃ ᓄᑖᙳᕆᐊᖅᓯᒪᔪᓂᒃ ᕿᑎᖅᑰᑕᐅᓕᖅᐸᑦ. 

ᑭᖑᓪᓕᕐᒥᒃ, ᓯᓚᕗᑦ ᓯᓚᑦᑎᐊᕙᒻᒪᕆᐅᖃᑦᑕᖅᓯᒪᕗᖅ, ᐅᐱᕐᙶᕐᓗ ᐊᑕᖏᖅᖢᓂ ᑎᑭᓯᒪᓕᖅᖢᓂ. ᐊᒥᓱᑦ ᓄᓇᓕᕗᑦ ᐱᓕᕆᐊᒃᓴᓂᒃ ᑲᓯᑎᑦᑎᑎᓪᓗᒋᑦ ᖁᕕᐊᓱᒍᑎᖃᖅᑎᓪᓗᒋᓪᓗ, ᐱᒻᒪᕆᐊᓘᕗᖅ ᑭᒃᑯᑐᐃᓐᓇᑦᑎᐊᑦ ᒪᓖᓐᓇᕈᑎᒃ ᐊᑐᖅᑕᐅᔭᕆᐊᓕᖕᓂᒃ ᖃᓄᐃᓕᐅᖅᑕᐅᔭᕆᐊᓕᖕᓂᒃ.

ᖃᐅᔨᒪᑦᑎᐊᕐᓂᐊᖅᐳᑎᑦ ᓴᙱᔪᒥᒃ ᐃᓅᖃᑎᖕᓂᒃ ᐅᖓᓯᒃᓴᖅᐸᖕᓂᕐᓂᒃ, ᒪᓕᒃᐸᒡᓗᑎᒃ ᑲᑎᓐᓂᕐᒧᑦ ᐃᓱᓕᑦᑕᕐᕕᖕᓂᒃ ᒪᓕᓪᓚᕆᓪᓗᒋᓪᓗ, ᐊᒥᖅᑳᕈᑎᖃᖅᐸᙱᓪᓗᑎᑦ ᓂᕿᓂᒃ, ᐃᒥᕐᓂᒃ ᓂᕆᔾᔪᑎᓂᒡᓘᓐᓃᑦ.

ᓄᓇᕗᒻᒥᐅᑦ, ᐊᑏ, ᒪᓖᓐᓇᕆᔅᓯ ᑕᒪᐃᓐᓂᑦᑎᐊᖅ ᑭᒃᑯᑐᐃᓐᓇᓂᒃ ᖃᓄᐃᙱᑎᑦᑎᓂᕐᒧᑦ ᐊᑐᖅᑕᐅᔭᕆᐊᓕᖕᓂᒃ. ᒪᑐᐊᕐᐸᒃᓗᑎᒃ ᐊᓂᓯᒪᒑᖓᕕᑦ ᐃᒡᓗᖕᓂᑦ. ᐊᒡᒐᑎᑦ ᐅᐊᓴᕋᔪᒡᓗᒋᑦ. ᐊᖏᕐᕋᖅᓯᒪᒋᑦ. ᑲᐱᔭᐅᓗᑎᑦ ᐋᓐᓂᐊᓕᕇᒃᑯᑎᒧᑦ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᓄᑖᙳᕆᐊᖅᑎᑕᖏᑦ:

ᐅᓪᓛᒃᑯᑦ.

ᐃᑉᐸᒃᓴᖅ ᐅᖃᐅᓯᐅᓚᐅᖅᑎᓪᓗᒍ, ᐱᑕᖃᖅᓯᒪᕗᖅ ᓄᕙᒡᔪᐊᕐᓇᖅ-19−ᒧᑦ ᐊᐃᑦᑐᕐᓗᒃᑕᐅᔪᓂᒃ ᓄᓇᑦᑎᐊᒥ ᐅᖃᐅᓯᐅᓯᒪᓪᓗᑎᒃ ᐅᓪᓘᓵᖅᑐᓂ ᑎᓴᒪᓂ, ᓄᓇᑦᑎᐊᒥᐅᓪᓗ ᒐᕙᒪᖓᑦ ᓴᖅᑭᑎᑦᑎᓯᒪᓕᖅᐳᖅ ᑎᑎᖃᖅᓯᒪᔪᓂᒃ ᖃᓄᐃᓕᐅᖅᑕᐅᓂᐊᖅᑐᓂᒃ ᐃᓂᓂᒡᓗ ᐃᓄᐃᑦ ᓵᑦᑎᐊᕐᒥᐅᑕᖃᑐᐃᓐᓇᕆᐊᖃᖅᓯᒪᓂᖏᓐᓂᒃ ᓄᕙᒡᔪᐊᕐᓇᖅ-19−ᒧᑦ. ᒥᑭᒡᓕᒋᐊᖅᑎᑦᑐᒪᓪᓗᒍ ᖁᐊᖅᓵᕐᓇᕐᓂᖓ ᓴᖅᑭᑎᑦᑎᓂᐊᕐᓗᓂ ᓄᕙᒡᔪᐊᕐᓇᖅ-19−ᒥᒃ ᐊᓯᒃᑲᓐᓂᕐᓄᑦ ᓄᓇᓕᖕᓄᑦ ᓄᓇᕗᒻᒥ, ᐃᒪᐃᓕᐅᖅᓯᒪᓕᖅᐳᒍᑦ:

  • ᑭᓇᑐᐃᓐᓇᑦᑎᐊᖅ ᓄᒃᑕᖅᑐᕕᓂᖅ ᓄᓇᑦᑎᐊᒥᑦ ᓄᓇᕗᒻᒧᑦ ᐊᐃᕐᕆᓕ 28−ᒥ, ᑕᓐᓇᓘᓐᓃᑦ ᐊᑐᐊᓂᒃᓯᒪᓕᖅᑎᓪᓗᒍ,ᐅᐸᒃᑕᐅᑦᑕᐃᓕᒪᔭᕆᐊᖃᖅᐳᑦ 14−ᓄᑦ ᐅᓪᓗᓄᑦ ᐊᐅᓪᓛᓪᓚᓚᐅᖅᖢᑎᒃ.
  • ᑭᓇᑐᐃᓐᓇᑦᑎᐊᖅ ᒫᓐᓇ ᓄᓇᑦᑎᐊᒦᑦᑐᖅ ᐅᐸᒃᑕᐅᑦᑕᐃᓕᒪᔭᕆᐊᖃᕐᓂᐊᖅᐳᖅ ᐅᓪᓗᓄᑦ 14−ᓄᑦ ᓄᒃᑕᓚᐅᙱᓐᓂᕐᒥᓂ, ᑭᓯᐊᓂ ᐊᔪᖅᑎᑕᐅᑕᙱᒃᑯᑎᒃ ᑭᑭᑕᐅᔪᓐᓇᕐᓂᕐᒥᒃ ᑕᒪᑐᒪᙵ ᐊᕕᒃᓯᒪᓂᕐᒥ ᐅᐸᒃᑕᐅᑦᑕᐃᓕᒪᓂᕐᒥ.
  • ᐳᐅᒍᖅᑕᐃᓕᒋᑦ ᐊᓯᔾᔨᖅᑕᐅᔪᓄᑦ ᒪᓕᒋᐊᓕᖕᓂ ᑭᑭᑕᐅᔪᓐᓴᖅᑐᓄᑦ ᑕᒪᑐᒧᖓ ᐊᕕᒃᓯᒪᓂᕐᒥ ᐅᐸᒃᑕᐅᑦᑕᐃᓕᒪᓂᕐᒥ, ᐊᑐᓪᓚᕆᒋᐊᖃᖅᐳᖅ ᐃᒡᓗᒥᐅᑕᐅᖃᑎᓖᒫᖅ ᐅᐸᒃᑕᐅᑦᑕᐃᓕᒪᓕᕐᓗᑎᒃ.

ᐃᖃᓗᖕᓂ, ᑐᔾᔭᖅᓯᕙᓪᓕᐊᖏᓐᓇᖅᐳᒍᑦ ᓯᐊᒻᒪᒃᑎᑕᐅᔪᒥᒃ ᒪᑐᒧᖓ, B.1.1.7−ᒧᑦ ᑕᐃᒪᐃᑦᑐᒥᙶᖅᑐᒧᑦ.. ᑕᒪᓐᓇ ᐊᐃᑦᑐᕐᓗᒃᑕᐅᓂᖅ ᓯᐊᒻᒪᒃᐸᓪᓕᐊᓯᒪᕗᖅ ᐊᔾᔨᒌᙱᑦᑐᑎᒍᑦ, ᑭᓯᐊᓂᓗ ᐊᔪᕐᓇᙱᑦᑐᑯᓗᒃᑎᒍᑦ ᐊᑐᖅᑕᐅᔪᓐᓇᖅᑐᑎᒍᑦ, ᑕᒪᓐᓇ ᐊᐅᓚᑕᐅᔪᓐᓇᖅᐳᖅ.

  • ᐃᓚᒋᔭᐅᒃᐸᒃ ᑭᓯᐊᓂ ᐱᓕᕆᐊᖑᓪᓚᕆᒋᐊᖃᖅᑯᕝᑐᒧᑦ ᐱᓕᕆᐊᒧᑦ, ᐳᓛᖅᑎᖃᖃᑦᑕᙱᓪᓗᑎᑦ ᐊᖏᕐᕋᕆᔭᕐᓂ, ᐳᓛᕆᐊᖅᐸᙱᓪᓗᑎᓪᓗ ᐊᓯᖏᓐᓄ ᐊᖏᕐᕋᕆᔭᐅᔪᓄᑦ.
  • ᐊᑐᖅᐸᒡᓗᑎᑦ ᒪᑐᐊᒥᒃ ᐃᓄᖕᓃᒃᑳᖓᕕᑦ ᐃᓚᒋᔭᐅᑎᑦᑐᓂ ᐃᒡᓗᒥᐅᑕᐅᖃᑎᖕᒥᑦ.
  • ᑲᑎᙵᖃᖅᑕᐃᓕᒋᔅᓯ.
  • ᐊᔪᕐᓇᙱᓐᓂᓕᒪᖓᓄᑦ, ᐅᖓᓯᒃᓴᖅᐸᒡᓗᑎᑦ 6−ᓂᒃ ᐃᓯᒐᓂᒃ ᐅᖓᓯᒋᑎᒋᓗᒋᑦ.
  • ᑲᐱᔭᐅᓗᑎᑦ.

ᑐᑭᓯᓇᖅᓯᑎᑦᑎᔪᒪᒋᕗᖓᑦᑕᐅᖅ ᐅᖃᐅᓯᐅᓯᕆᓚᐅᖅᑕᓐᓂᒃ ᖃᓄᖅ ᕿᒪᒃᑕᐅᓯᒪᑎᒋᓕᕐᒪᖔᑦᑕ ᑕᒪᑐᒧᖓ ᖃᓂᒪᓐᓇᒧᑦ. ᑖᒃᑯᐊ ᐅᖃᐅᓰᑦ ᑐᑭᓕᐅᖅᑕᐅᓚᐅᖅᐳᑦ ᐃᒪᓐᓇ ᑐᑭᖃᖅᑎᑕᐅᓪᓗᑎᒃ, ᐅᓪᓗᓄᑦ ᑎᓴᒪᓄᑦ ᑭᖑᕙᓯᒃᑎᒋᓯᒪᓕᕐᓂᕐᒥᒃ ᐊᐴᑎᓯᒪᔪᓄᑦ ᑐᔾᔭᖅᓯᓂᕐᒥ ᖃᐅᔨᓴᖅᓯᓂᕐᒥᓘᓐᓃᑦ, ᑖᒃᑯᐊᒡᓗ ᐊᑐᓂᑦ ᑕᒪᕐᒥᒃ ᓱᓕᙱᖦᖢᑎᒃ. ᐊᓪᓚᖅᑕᐅᔪᑦ ᖃᐅᔨᓴᖅᑕᐅᕙᒃᐳᑦ ᐅᓪᓗᐊᓂᓘᓐᓃᑦ ᐱᔭᐅᓂᖏᑕ ᖃᐅᑉᐸᙳᖅᐸᓪᓘᓐᓃᑦ, ᖃᐅᔨᒃᑲᐃᔪᖃᖅᐸᒃᖢᓂ ᐱᑕᖃᕐᓂᕋᐃᔪᓂᒃ, ᑐᔾᔭᖅᓯᓂᕐᒧᓪᓗ ᐱᓕᕆᐊᖑᔪᖅ ᐳᓕᕆᐊᖑᓗᓂ ᐃᑲᒃᕋᐃᑦ 12 ᐃᓗᐊᓂ. ᑐᔾᔭᖅᓯᕙᖕᓂᖅ ᐊᐴᑎᓯᒪᓂᑯᓂᒃ ᑲᔪᓯᑦᑎᐊᕈᓐᓇᖅᐳᖅ, ᐱᕕᒃᓴᖃᕐᓂᓐᓂᓗ ᖁᔭᓕᔪᒪᓪᓗᒋᑦ ᑭᒃᑯᑐᐃᓐᓇᓄᑦ ᖃᓄᐃᙱᑎᑦᑎᓂᕐᒧᑦ ᐃᖅᑲᓇᐃᔭᖅᑏᑦ ᑕᒪᑐᒥᖓ ᐱᓕᕆᐊᖃᖅᑐᑦ, ᐃᓄᐃᓪᓗ ᑖᒃᑯᓂᖓ ᐱᓕᕆᖃᖃᑎᖃᖅᓯᒪᔪᑦ. ᐱᓕᕆᖃᑎᒌᒡᓗᑕ ᐊᔪᙱᓚᒍᑦ ᐊᒻᒪᓗ ᑕᒪᓐᓇ ᐊᐅᓚᑦᑎᕝᕕᒋᓕᕐᓂᐊᖅᖢᑎᒍ.

ᓇᒡᒐᔾᔭᒥᑦ, ᑲᑎᖦᖢᒋᑦ 8−ᖑᕗᑦ ᓄᕙᒡᔪᐊᕐᓇᖅ-19−ᖃᖅᑐᑦ ᕿᑭᖅᑖᓗᖕᒥ ᐃᑲᔪᖅᑕᐅᕝᕕᖕᒥ. ᐋᓐᓂᐊᕕᓕᐊᖅᑐᓄᑦ ᐃᓂᒋᔭᐅᕙᒃᑐᒥ ᑕᐃᒪᐃᑦᑐᓖᑦ ᐅᑯᐊᑐᐊᖑᕗᑦ, ᐃᖅᑲᓇᐃᔭᖅᑏᑦ. ᖃᐅᔨᓴᖅᑕᐅᕌᓪᓚᓚᐅᖅᖢᑎᒃ ᐃᖅᑲᓇᐃᔭᖅᑏᑦ ᑕᐃᑲᓃᑦᑐᓪᓗ, ᐃᓗᐊᖅᓴᖅᑕᐅᔭᖅᑐᖅᓯᒪᔪᑦ ᐊᖏᕐᕋᐅᔪᓐᓇᖅᓯᑎᑕᐅᓚᐅᖅᐳᑦ. ᒪᓐᓇᓯᐅᑎᑦ ᑎᓕᓯᔾᔪᑕᐅᓯᒪᔪᑦ ᒪᓕᒃᖢᒋᑦ, ᑕᐃᒃᑯᐊ ᐃᒡᓗᒥᐅᑕᐅᖃᑎᖏᓪᓗ ᐅᐸᒃᑕᐅᑦᑕᐃᓕᒪᔭᕆᐊᖃᖅᐳᑦ 14−ᓄᑦ ᐅᓪᓗᓄᑦ ᐅᓪᓗᒥᑦ ᐊᖏᕐᕋᕐᕕᒋᓚᐅᖅᑕᒥᓂᑦ.

ᐊᒻᒪᓗᒃᑲᓐᓂᖅᑕᐅᖅ, ᑐᑭᓯᓇᖅᓯᑎᑦᑎᔪᒪᕗᖓ ᓄᑖᓂᒃ ᐅᐸᒃᑕᐅᑦᑕᐃᓕᒪᓂᕐᒧᑦ ᐊᑐᖅᑕᐅᔭᕆᐊᓕᖕᓂᒃ. ᐊᑐᖅᐳᑦ ᑖᒃᑯᐊ ᐃᒡᓗᒥᐅᑕᐅᖃᑎᒌᓄᑦ ᑭᓇᑐᐃᓐᓇᑦᑎᐊᒧᑦ ᓄᒃᑕᖅᑐᕕᓂᕐᒧᑦ ᖃᓪᓗᓈᓂᑦ ᑭᑭᑕᐅᓯᒪᔪᒃᑯᑦ, ᐊᐅᓪᓚᖅᓯᒪᓕᕐᓗᓂᓗ ᐃᖃᓗᖕᓂᑦ ᐊᐃᕐᕆᓕ 7−ᖑᓚᐅᕐᓂᖓᓂᑦ, ᑕᐃᒃᑯᐊᓘᓐᓃᑦ ᐊᐅᓪᓚᖅᑐᕕᓃᑦ ᔭᓗᓇᐃᒥᑦ ᐊᐃᕐᕆᓕ 28−ᖑᒪᐅᕐᓂᖓᓂᑦ ᐅᐸᒃᑕᐅᑦᑕᓕᒪᕝᕕᖕᒦᓚᐅᙱᖦᖢᑎᒃ ᓄᓇᕗᑦ ᒐᕙᒪᖓᑕ ᐅᐸᒃᑕᐅᑦᑕᐃᓕᒪᕝᕕᖁᑎᒋᔭᖓᓄᑦ. ᐅᐸᒃᑕᐅᑦᑕᐃᓕᒪᓂᖅ 14−ᓄᑦ ᐅᓪᓗᓅᖓᕗᖅ ᐅᓪᓗᐊᓂᑦ ᑕᐃᓐᓇ ᓄᒃᑕᖅᑐᖅ ᐊᖏᕐᕋᓚᐅᕐᓂᖓᓂᑦ. ᐅᐸᒃᑕᐅᑦᑕᐃᓕᒪᓃᑦ ᐅᖓᕙᕆᐊᖅᑎᑕᐅᔪᓐᓇᖅᐳᑦ ᓵᑦᑎᐊᕐᒥᐅᑕᖃᖅᑐᖃᕐᓂᖅᐸᑦ ᓄᕙᒡᔪᐊᕐᓇᖅ-19−ᒥᒃ ᐅᐸᒃᑕᐅᑦᑕᐃᓕᒪᔪᖃᕐᓂᖓᓂ ᐱᑕᖃᕐᓂᕋᐃᓪᓚᑦᑖᖅᑐᒥᒡᓘᓐᓃᑦ ᓄᕙᒡᔪᐊᕐᓇᖅᑐᒧᑦ ᖃᐅᔨᓴᖅᑕᐅᓗᓂ.

ᐱᓇᓱᐊᕈᓯᐅᑉ ᓄᙳᒋᓵᖅᑕᖓᓂ, ᓇᓗᓇᐃᖅᓯᓪᓚᕆᓚᐅᕆᕗᒍᑦ ᓯᐊᒻᒪᒃᑐᖃᕐᓂᖓᓂᒃ ᓄᕙᒡᔪᐊᕐᓇᖅ-19-ᒥᒃ ᓄᓘᔮᖕᓂ. ᑖᓐᓇ ᐅᔭᕋᖕᓂᐊᕐᕕᒃ 12−ᓂᒃ ᐱᓕᒃᑕᖃᖅᐳᖅ ᑕᐃᑲᓂ ᐃᓂᒥ ᒫᓐᓇᐅᔪᒃᑯᑦ. ᑕᒪᕐᒥᑦᑎᐊᖅ ᐃᓄᐃᑦ ᖁᐊᖅᓵᕐᓇᖅᑐᓚᕆ`ᖕᒦᑦᑐᓪᓗ ᐊᐴᑎᓯᒪᓃᑦ ᐅᐸᒃᑕᐅᑦᑕᐃᓕᒪᕗᑦ ᖃᓄᙱᑦᑎᐊᖅᖢᑎᒡᓗ. ᑕᒪᕐᒥᑦᑎᐊᖅ ᓄᒃᑕᕐᓃᑦ ᑕᐃᑯᖓ ᑕᐃᑲᙵᓪᓗ ᐅᔭᕋᖕᓂᐊᕐᕕᖕᒥᑦ ᓄᖅᑲᖅᑎᑕᐅᕗᑦ ᑕᒪᑐᒪᓂ ᐱᓇᓱᐊᕈᓯᕐᒥ ᖃᐅᔨᓴᖅᑐᖃᕐᓂᐊᕐᓗᓂ ᖁᐊᖅᓵᕐᓇᕐᓂᖓᓂᒃ. ᓇᐅᑦᑎᖅᓱᖅᓯᕗᒍᑦ ᖃᓄᐃᓕᕙᓪᓕᐊᓂᖓᓂᒃ ᑕᐃᒪᐃᑦᑕᕆᐊᑲᖅᐸᓪᓗ, ᐱᕙᒌᖅᓯᒪᕗᒍᑦ ᑕᐃᑯᙵᖅᑎᑦᑎᓇᔭᕐᓂᕐᒥᒃ ᐃᑲᔪᖅᑐᐃᔪᓂᒃ ᐊᑐᖅᑕᐅᔪᓐᓇᖅᑐᓂᒃ. ᒫᓐᓇᐅᔪᒃᑯᑦ, ᐃᑲᔪᖅᑐᐃᕗᒍᑦ ᐃᔭᕋᖕᓂᐊᕐᕕᐅᑉ ᓯᐊᒻᒪᒃᑕᐅᕝᕕᒋᔭᖓᓄᑦ ᑭᐅᓯᓂᕐᒥᒃ ᐅᐸᒃᓯᒪᙱᒃᑲᓗᐊᕐᓗᒍ. ᒥᑭᑦᑐᒥᒃ ᖁᐊᖅᓵᕐᓇᖅᑐᖅᑕᖃᖅᐳᖅ ᓄᓇᕗᒻᒥᐅᓄᑦ ᑕᒪᑐᒪᙵᑦ ᓇᒧᙵᕈᓘᔭᓕᖅᑐᒥᑦ, ᐱᑕᖃᙱᓐᓂᖓᓄᑦ ᓄᓇᕗᒻᒥᐅᓂᒃ ᐃᖅᑲᓇᐃᔭᖅᑎᓂᒃ ᑕᐃᑲᓂ ᐃᓂᒥ ᓄᖣᔭᓕᕆᔨᒃᑯᓪᓗ ᓄᕙᒡᔪᐊᕐᓇᖅ-19−ᒧᑦ ᒪᓕᒃᑕᖏᑦ ᓇᓗᙱᑦᑎᐊᕈᑕᐅᕗᑦ ᐊᐅᓚᓂᕆᔭᐅᔪᑦ ᐃᓱᓕᑦᑕᖅᑎᑦᑎᓂᖏᓐᓂᒃ ᐊᐴᑎᖃᑦᑕᐅᑎᕙᖏᖕᓂᕐᒥᒃ ᓄᓇᕗᒻᒥᐅᓂᒃ ᓄᓇᓕᖕᓂᒃ.

 

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᑦ ᐱᓇᔪᒃᑕᖏᓐᓄᑦ ᓄᓇᕗᒻᒥᐅᓂᒃ ᓴᐳᔾᔨᓯᒪᓇᓱᒃᖢᑎᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: https://www.gov.nu.ca/health/information/nunavuts-path

ᑐᑭᓯᒋᐊᕈᒪᒍᕕᑦ ᑲᐱᔭᐅᓐᓇᐅᓛᕐᑐᓂᑦ ᐅᕗᙵᐅᓗᑎᑦ: https://gov.nu.ca/health/information/covid-19-vaccination

 

 

ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ:  ᒪᐃ 4

ᑲᑎᓕᒫᖅᖢᒋᑦ ᖃᐅᔨᓴᖅᑕᐅᓯᒪᔪᑦ ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑐᖁᔪᑦ ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ
12,667 535 85 446 4 8,656 437

*ᐱᑕᖃᕐᓂᕋᐃᓪᓚᕆᒃᑐᑦ ᐃᓚᖃᖅᐳᑦ ᑕᐃᒃᑯᓂᖓ ᐊᖑᒻᒪᑎᔪᓂᒃ ᑲᓇᑕᓕᒫᒥ ᑕᐃᒪᐃᑦᑐᓕᖕᓄᑦ ᑐᑭᒋᔭᐅᔪᓄᑦ. ᐅᑯᐊ ᐃᓄᐃᑦ ᒪᓕᒃᑕᐅᖃᑕᐅᔪᑦ ᓇᓗᓇᐃᖅᑕᐅᔪᑦ ᐊᓐᓂᐊᑲᑕᖕᓂᖏᓐᓂᒃ ᐊᒻᒪ ᐊᑦᑕᕐᓇᖅᑐᒦᓚᐅᖅᑐᑦ ᐊᓯᖏᓪᓗ ᓇᖕᒥᓂᖅ ᓇᐅᑦᑎᖅᓱᖅᑐᑦ ᐅᕝᕙᓘᓐᓃᑦ ᐅᐸᒃᑕᐅᑦᑕᐃᓕᔪᑦ.    ᑖᒃᑯᐊᓕᒫᖅ ᐋᓐᓂᐊᑲᑕᒐᔭᙱᑦᑐᑦ ᐅᕝᕙᓘᓐᓃᑦ ᖃᐅᔨᓴᖅᑕᐅᔪᐃᓐᓇᐅᔭᕆᐊᖃᙱᑦᑐᑦ.

*ᑭᖑᕙᕆᐊᖅᓯᒪᑐᐃᓐᓇᕆᐊᓕᑦ ᐅᖃᐅᓯᐅᓂᐊᖅᑐᑦ ᖃᓄᐃᓕᖓᓂᖏᑦ ᑭᒡᓕᓯᓂᐊᖅᑕᐅᓯᒪᔪᓪᓗ ᖃᓄᐃᓕᖓᔪᑦ ᐱᔭᐅᓯᒪᔪᑦ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥ. ᖁᓕᓪᓗ ᒪᕐᕉᒡᓗ ᓄᕙᒡᔪᐊᖅᑐᑦ ᖃᐅᔨᔭᐅᓚᐅᖅᑐᑦ ᓄᓇᕗᑦ ᓯᓚᑖᓂ ᓇᓗᓇᐃᖅᑕᐅᓚᐅᖅᐳᑦ ᓄᓇᕗᒻᒧᑦ. ᐱᖓᓱᑦ ᐃᓅᔪᓐᓃᖅᑐᑦ ᐱᖃᓯᐅᔾᔭᐅᓪᓗᑎᒃ. ᓄᓇᕗᒥᐅᑦ ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᕗᑦ ᓯᓚᑖᓂ ᖃᐅᔨᔭᐅᔪᑦ ᓇᓗᓇᐃᖅᑕᐅᔪᐃᓐᓇᐅᔾᔮᙱᑉᐳᑦ ᓄᓇᕗᒻᒧᑦ.

ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔪᑦ ᖃᓄᐃᓕᖓᓂᖏᑦ: ᒪᐃ 4

ᓯᕗᓪᓕᖅᐹᑦ ᑲᐱᔭᐅᔾᔪᑏᑦ ᐊᑐᖅᑕᐅᕗᑦ ᑐᒡᓕᖏᑦ ᑲᐱᔭᐅᔾᔪᑏᑦ ᐊᑐᖅᑕᐅᕗᑦ ᑲᑎᖦᖢᒋᑦ ᑲᐱᔭᐅᔾᔪᑏᑦ ᐊᑐᖅᑕᐅᔪᑦ
16,144 12,568 28,712

*ᑲᑎᓕᒫᖅᖢᒋᑦ ᑲᐱᔭᐅᓃᑦ ᓄᑖᙳᕆᐊᖅᑎᑕᐅᖃᑦᑕᖅᐳᑦ ᐊᔪᕐᓇᕈᓐᓃᑐᐊᕌᖓᑦ ᑭᓯᐊᓂᓗ ᐊᑦᑎᖕᓂᖅᓴᐅᑐᐃᓐᓇᕆᐊᖃᖅᖢᑎᒃ ᓈᓴᖅᑕᐅᓯᒪᓪᓚᕆᒃᑐᓂᑦ.

ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᒪᐃ 4

ᓄᓇᓕᒃ

ᓄᕙᒡᔪᐊᕐᓇᖅ-19−ᒧᑦ ᓯᐊᒻᒪᒃᓯᒪᔪᑦ

ᖃᖓᒃᑯᑦ

ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ   ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ ᑐᖁᔪᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ
ᐃᖃᓗᐃᑦ ᑲᔫᓰᓐᓇᖅᑐᖅ ᑕᐃᒪᖖᒐᓂᑦ 14/04/2021 125 132 7 0 49 83
ᑭᙵᐃᑦ ᑲᔫᓰᓐᓇᖅᑐᖅ

ᑕᐃᒪᖖᒐᓂᑦ 19/04/2021

6 6 0 0 4 2

ᑲᖏᖅᖠᓂᖅ

ᑲᔫᓰᓐᓇᖅᑐᖅ ᑕᐃᒪᖖᒐᓂᑦ 24/04/2021 2 2 0 0 2 0
ᐊᕐᕕᐊᑦ ᐅᖓᑖᓄᑦ

11/2020 – 04/2021

339 339 0 1 338 0
ᑎᑭᕋᕐᔪᐊᖅ ᐅᖓᑖᓄᑦ 11/2020 – 02/2021 23 23 0 0 23 0
ᑲᖏᖅᖠᓂᖅ ᐅᖓᑖᓄᑦ 11/2020 – 12/2020 19 19 0 0 19 0
ᓴᓂᑭᓗᐊᖅ  ᐅᖓᑖᓄᑦ 11/2020 – 12/2020 2 2 0 0 2 0
ᑲᑎᖦᖢᒋᑦ      516 523 7 1 437 85

ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᒪᐃ 4

ᓄᓇᓕᒃ  ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ
ᐃᖃᓗᐃᑦ 125 1408
ᑭᙵᐃᑦ 6 131
ᑲᖏᖅᖠᓂᖅ 2 42
ᐊᕐᕕᐊᑦ  339 2883
ᑎᑭᕋᕐᔪᐊᖅ  23 352
ᑲᖏᖅᖠᓂᖅ 19 339
ᓴᓂᑭᓗᐊᖅ  2 202
ᑲᑎᖦᖢᒋᑦ  516 5,375

ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:

ᐊᐅᓪᓚᕈᑎᒋᔭᐅᓯᒪᔪᑦ

ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᒪᐃ 4-ᒥᑦ ᐱᒋᐊᖅᖢᓂ

ᐋᓐᓂᐊᕐᕕᓕᐊᖅᑐᑦ

320

ᑭᒃᑯᑐᐃᓐᓇᑦ

240
ᑐᐊᕕᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓄᑦ ᐃᓄᑑᔭᕆᐊᖃᕐᓂᕐᓗ 62
ᐃᒡᓗᓕᐅᖅᑎᑦ 32

ᑲᑎᖢᒋᑦ

654

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ

ᒪᐃ 4  

85

ᒪᐃ 5

62

ᒪᐃ 6

68

ᒪᐃ 7

56

ᒪᐃ 8 

7

ᑲᑎᖢᒋᑦ

278

ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:

ᒪᐃ 3−ᒥ ᐱᒋᐊᖅᖢᓂ, 15,840−ᓂᒃ ᑐᒃᓯᕋᖅᑐᖃᓚᐅᖅᐳᖅ, 7,879−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ

# %

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ)

12,110 76.5%

ᐊᖏᖅᑕᐅᙱᑦᑐᑦ

308 1.9%
ᐅᑕᖅᑭᔪᑦ 495 3.1%

ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ

2927 18.5%
ᑲᑎᖢᒋᑦ 15,840 100%

 

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐅᑯᐊ ᑲᔪᓯᓂᐊᖅᑐᑦ ᐊᑐᖅᑕᐅᓕᕐᓗᑎᒃ:

  • ᐊᑐᕆᐊᓕᒃ 4 − ᐃᓕᓐᓂᐊᕐᕖᑦ ᑭᙵᕐᓂ ᐃᖃᓗᓐᓂᓗ
  • ᐊᑐᕆᐊᓕᒃ 3 − ᐃᓕᓐᓂᐊᕐᕖᑦ ᕿᑭᖅᑕᓂ, ᓴᓂᑭᓗᐊᖅ, ᑭᙵᐃᑦ, ᐊᒻᒪᓗ ᐃᖃᓗᐃᑦ ᐱᖃᑕᐅᙱᑦᑐᑦ.
  • ᐊᑐᕆᐊᓕᒃ 2 − ᐃᓕᓐᓂᐊᕐᕕᓕᒫᑦ ᑲᖏᕐᖠᓂᕐᒥ ᒪᑐᔭᕆᐊᓕᑦ.
  • ᐊᑐᕆᐊᓕᒃ 1 − ᐃᓕᓐᓂᐊᕐᕖᑦ ᓴᓂᑭᓗᐊᕐᒥ, ᕿᑎᕐᒥᐅᓂ, ᐊᒻᒪᓗ ᑭᕙᓪᓕᕐᒥᐅᓂ, ᑖᒃᑯᐊ ᑭᓯᐊᓂ ᑲᖏᖅᖠᓂᖅ.

ᐃᓕᓐᓂᐊᕐᕕᑦ ᐊᑐᓕᕐᑎᑦᑎᓂᐊᕐᑐᑦ ᓈᒻᒪᒃᑐᒥᒃ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᒥᑦ ᒫᓐᓇ ᐊᑐᖅᑕᒥᓄᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᑕᒪᕐᒥᒃ ᓄᓇᕗᒻᒥ ᐸᐃᕆᕝᕕᓕᒫᑦ ᐅᒃᑯᐃᖓᐃᓐᓇᕈᓐᓇᖅᐳᑦ, ᑭᙵᐃᑦ ᐊᒻᒪ ᐃᖃᓗᐃᑦ ᐱᖃᑕᐅᙱᑦᑐᑦ.

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS)

ᐃᓕᓐᓂᐊᕐᑎᑦ ᐃᓂᒃᓴᓕᐅᕐᑐᖅ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᒪᓕᒋᐊᖃᕐᓂᐊᕐᑐᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒃᑕᐅᔭᕆᐊᓕᖕᓂᑦ ᐊᑐᕐᑕᐅᔭᕆᐊᓕᖕᓂᓪᓗ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ. ᐃᓕᓐᓂᐊᕐᑎᑦ ᐊᐱᖅᑯᑎᒃᓴᖃᕈᑎᒃ ᖃᓄᖅ ᐊᐅᓪᓚᕐᓂᕆᓇᔭᕐᑕᖏᑦ ᐊᒃᑐᕐᑕᐅᓇᔭᖕᒪᖔᖏᑦ, ᖃᐅᔨᒋᐊᕈᓐᓇᖅᑐᑦ ᐃᓕᓐᓂᐊᕐᑎᓄᑦ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᑎᑎᕋᕐᕕᐊᓄᑦ ᑐᑭᓯᒋᐊᒃᑲᓐᓂᕐᓂᐊᕐᓗᑎᒃ ᐅᕙᓂ fanstravel@gov.nu.ca.

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᑭᙵᕐᓂ ᐃᖃᓗᖕᓂᓗ ᐃᓕᓐᓂᐊᕐᕕᑦ ᒪᑐᓯᒪᔪᑦ ᑭᓯᐊᓂ ᐅᖃᐅᓯᐅᒃᑲᓐᓂᖅᐸᑦ.

  • ᐊᑐᕆᐊᓕᖓ 4-ᒦᑦᑐᑦ ᖃᕆᓴᐅᔭᒃᑯᑦ ᑕᒪᕐᒥᑦᑎᐊᖅ ᐃᓕᓴᖅᑕᐅᑲᑕᖕᓂᐊᖅᐳᑦ. ᐃᓕᓐᓂᐊᕐᕕᓕᒫᑦ ᐃᓕᓐᓂᐊᖅᑎᓄᑦ, ᐃᖅᑲᓇᐃᔭᖅᑎᓄᑦ, ᑭᒃᑯᑐᐃᓐᓇᓄᓪᓗ ᒪᑐᓯᒪᕗᑦ. ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᑎᓕᒫᓂᒃ ᑐᓴᐅᒪᑎᑦᑎᖃᑦᑕᕐᓂᐊᖅᐳᑦ ᓈᒻᒪᒃᓯᔭᕌᖓᑦ. 

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᑭᙵᐃᑦ ᐃᖃᓗᐃᓪᓗ ᐸᐃᕆᕕᖏᑦ ᒪᑐᓯᒪᐃᓐᓇᕐᓂᐊᖅᑐᑦ ᑭᓯᐊᓂ ᓇᓗᓇᐃᖅᑕᐅᑉᐸᑕ ᒪᑐᐃᕈᓐᓇᖅᓯᐸᑦᑕ ᒪᑐᐃᓛᖅᑐᑦ.

 

 

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᑕᒪᕐᒥᑦᑎᐊᖅ ᐅᐸᒃᑕᐅᑦᑕᐃᓕᒪᓂᕐᒧᑦ ᐱᔪᒪᔾᔪᑕᐅᔪᑦ ᐃᒡᓗᓕᐅᑎᒧᑦ ᐋᖅᑭᒃᑕᐅᔭᕆᐊᖃᖅᐳᑦ ᐅᑯᑎᒎᓇᖅ, CPHOConstructionRequests@gov.nu.ca. ᐅᐸᒃᑕᐅᑦᑕᐃᓕᒪᓃᑦ ᐊᑐᖅᑕᐅᓚᐅᖅᐳᑦ ᐋᑐᕚᒥ ᑯᐃᐸᒃ ᓯᑎᒥᓗ ᐃᒡᓗᓕᐅᕐᓂᕐᒧᑦ ᐃᓂᒋᔭᐅᔪᓂ ᐊᒻᒪᓗᑦᑕᐅᖅ ᐅᐃᓂᐲᒡᒥ ᐃᑦᒪᓐᑕᓐᒥᓗ.
 

ᐃᓘᓕᐅᖅᑏᑦ ᐱᔭᕇᖅᓯᔪᑦ ᐅᐸᒃᑕᐅᑦᑕᐃᓕᒪᓂᕐᒥᒃ ᐊᐅᓪᓚᖅᖢᑎᒡᓗ ᓄᓇᕗᓕᐊᖅᖢᑎᒃ.  
2021−ᒥ ᐅᓪᓗᒥᒧᑦ ᑎᑭᖦᖢᒍ ᑲᑎᖦᖢᒋᑦ 857
ᔮᓄᐊᕆ 164
ᕕᕗᐊᕆ 220
ᒫᑦᓯ 204
ᐊᐃᕐᕆᓕ 269
ᒪᐃ − ᑎᓯᐱᕆ 2020−ᒥ ᑲᑎᖦᖢᒋᑦ 2,183

 

 

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ

ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ: 

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC) ᑐᓴᖅᑎᑦᑎᔪᒪᕗᑦ ᓄᓇᕗᒻᒥᐅᓂ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓄᑖᙳᖅᑎᕆᓂᕐᒧᑦ ᐋᖅᑭᐅᒪᑎᑦᓯᓂᕐᒧᓪᓗ ᐱᒋᐊᖅᐸᓪᓕᐊᓯᒪᓕᖅᑐᑦ.

ᐱᔨᑦᑎᕋᖅᑕᐅᖏᓐᓇᖅᑐᑦ:

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓱᓕ ᐊᑦᑕᕐᓇᙱᑦᑐᒥᒃ ᐊᑐᕈᓐᓇᑦᑎᐊᖅᑐᒥᒃ ᐆᒻᒪᖅᑯᑎᖃᖅᑎᑦᑎᓂᐊᖅᑐᑦ ᓄᓇᕗᒻᒥᐅᓄᑦ. ᐅᖅᑰᓇᕐᓂᖅᓴᐅᓕᕋᐃᒻᒪᑦ ᓯᓚ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᔭᕇᖅᓯᖃᑦᑕᖅᑐᑦ ᓴᓇᔭᐅᓂᖏᓐᓄᑦ, ᓄᑖᙳᕆᐊᖅᑕᐅᓂᖏᓐᓄᑦ ᐋᖅᑭᐅᒪᑎᑦᓯᓂᕐᒧᓪᓗ ᐆᒻᒪᖅᑯᑎᖃᕐᕕᓐᓂᑦ ᐆᒻᒪᖅᑯᑏᓪᓗ ᐅᐊᔭᖏᓐᓂᑦ ᐊᑐᖅᑕᐅᔪᓂᑦ. ᑖᓐᓇ ᐱᓕᕆᐊᖑᔭᕆᐊᖃᕐᒪᑦ ᓇᓗᓇᐃᖅᓯᓂᕐᒧᑦ ᐆᒻᒪᖅᑯᑎᖃᖅᑏᑦ ᐊᑦᑕᕐᓇᙱᑦᑐᒥ ᑕᑎᒋᔭᒃᓴᐅᔪᒥᓪᓗ ᐆᒻᒪᖅᑯᑎᖃᕐᕕᖃᕐᓂᕐᒥᑦ ᐊᕐᕌᒍᓕᒫᒥ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᐅᓚᐅᑲᒃᑐᖅ ᐱᔨᑦᑎᕋᐅᑏᑦ:

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑭᓕᖅᓱᐃᔨᓄᑦ ᑲᒪᔨᐅᔪᑦ ᐊᒡᓚᕕᖓ ᒪᑐᓯᒪᓂᐊᖅᑐᖅ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ. ᐃᖃᓗᖕᓂ ᐊᑭᓕᖅᓱᐃᕙᒃᑐᑦ ᐱᔨᑦᑎᖅᑕᐅᖃᑦᑕᖅᐳᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᖃᒪᓂ'ᑐᐊᕐᒥ ᐊᑭᓕᖅᓱᐃᔨᑦ ᑲᒪᔨᖏᓐᓄᑦ ᐅᖄᓚᓗᑎᒃ 1-866-710-4200−ᒧᑦ ᐃᕐᙲᓐᓈᖅᑕᐅᒃᑯᓪᓘᓐᓃᑦ customercare@qec.nu.ca ᐊᐱᖅᑯᑎᒃᓴᓖᑦ ᐃᓱᒫᓘᑎᓖᓪᓘᓐᓃᑦ ᐊᑭᓕᒃᓴᖓᑕ ᒥᒃᓵᓄᑦ.

 

 

ᓄᓇᕗᒻᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.