ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᓄᕙᔾᔪᐊᕐᓇᖅ COVID-19 ᓄᓇᕗᑦ ᒐᕙᒪᒃᑯᖏᓐᓂᒃ ᓄᑖᖑᓂᖅᐹᑦ ᓇᓗᓇᐃᕈᑎᑦ - ᒫᑦᓯ 24, 2020

ᒫᑦᓯ 24, 2020

ᓯᕗᓕᖅᑎᐅᑉ ᑐᓴᖅᑎᑦᓯᒋᐊᕈᑎᖓ:

ᓱᓕ ᓇᓗᓇᐃᖅᑕᐅᓯᒪᔪᖃᙱᑦᑐᖅ ᓄᕙᔾᔪᐊᕐᓇᖅᑖᖅᓯᒪᔪᓂᒃ COVID-19 ᓄᓇᕗᒻᒥ.

ᐱᒋᐊᕐᓗᓂ 11:59 ᐅᓐᓄᐊᖅ ᒪᓕᑦᑕᐅᒋᐊᖃᓪᓚᕆᑦᑐᓂᒃ ᑎᑭᒍᓐᓇᓂᕐᒧᑦ ᐃᓱᓕᑦᑕᕐᕕᓕᐅᖅᑕᐅᓯᒪᔪᑦ ᓄᓇᕗᒻᒧᑦ.

ᓄᓇᕗᒻᒥᐅᑦ ᐅᑎᕈᒪᔪᑦ ᓄᓇᕗᒻᒧᑦ ᐊᓯᐊᒎᕐᕕᖃᙱᑦᑐᒥᒃ ᐅᓪᓗᓂᒃ 14-ᓂᒃ ᓇᒻᒥᓂᖅ ᐊᓂᑦᑕᐃᓕᒋᐊᓖᑦ ᓇᓪᓕᐊᓐᓂ ᓯᑕᒪᓂ ᖃᓪᓗᓈᓂ ᑲᓇᑕᒥ. ᖃᐅᔨᒋᐊᕆᒃ ᖃᓄᐃᓕᐅᕆᐊᖃᕐᒪᖔᖅᐱᑦ ᐅᕗᖓ CPHOTravelRequests@gov.nu.ca

ᐱᒻᒪᕆᐅᔪᓂᒃ ᐃᖅᑲᓇᐃᔮᓖᑦ ᐅᑎᕐᓂᐊᖅᑐᑦ ᐃᖅᑲᓇᐃᔭᕆᐊᕐᓗᑎᒃ ᓄᓇᕗᒻᒥᑦ ᑐᑦᓯᕋᖅᑳᕆᐊᓖᑦ ᖁᔭᓈᖅᑕᐅᓯᒪᒍᑎᒥᒃ ᐊᖏᖅᑕᐅᓗᑎᒃ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᖏᔪᖅᑳᒧᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᒪᓕᑦᑕᐅᒋᐊᓖᑦ ᒥᑦᓵᓄᑦ, ᖃᐅᔨᒋᐊᕐᓗᑎᑦ ᐅᕗᖓ CPHOTravelRequests@gov.nu.ca

ᓄᓇᕗᒻᒥ ᐃᓕᓐᓂᐊᖅᑏᑦ ᐃᓕᓐᓂᐊᖅᑐᑦ ᓄᓇᕗᑦ ᓯᓚᑖᓂ ᐅᑎᕈᒪᒍᑎᒃ ᐊᖏᕐᕋᒧᑦ ᑎᑭᒍᓐᓇᖅᑐᑦ ᓄᖅᑲᖅᑎᑕᐅᓯᒪᑎᓪᓗᒋᑦ ᐅᓪᓗᓂᒃ 14-ᓂᒃ ᓇᒻᒥᓂᖅ ᐊᓂᑦᑕᐃᓕᒪᑎᒋᐊᓖᑦ ᓇᓪᓕᐊᓐᓂ ᒪᕐᕉᓐᓂ ᖃᓪᓗᓈᓂ ᑲᓇᑕᒥ. ᖃᐅᔨᒋᐊᕐᓗᑎᑦ ᐅᕗᖓ fans@gov.nu.ca ᑐᑭᓯᒋᐊᕐᓗᑎᑦ ᐋᖅᑭᑦᓱᐃᓯᒪᑦᓴᐅᑎᒋᙱᒃᑯᕕᑦ.

ᐱᒻᒪᕆᐅᙱᑦᑐᓂᒃ ᐋᓐᓂᐊᕐᕕᓕᐊᖅᑐᑎᒃ ᐊᐅᓪᓚᖃᑦᑕᕆᐊᓖᑦ ᓄᖅᑲᖅᑎᑕᐅᓯᒪᓕᖅᑐᑦ. ᐋᓐᓂᐊᕐᕕᓕᐊᕆᐊᓖᑦ ᖃᐅᔨᒃᑲᖅᑕᐅᓂᐊᖅᑐᑦ ᐊᓯᔾᔨᖅᑕᐅᓂᖓᓂᒃ.

ᑭᒃᑯᓕᒫᑦ ᑎᑭᑦᑐᒥᓃᑦ ᓄᓇᕗᒻᒥ ᑕᐃᒪᙵᓂᒃ ᒫᑦᓯ 15-ᒥ ᑭᖑᓂᐊᒍᓪᓗ ᓇᒻᒥᓂᖅ ᐊᓂᑦᑕᐃᓕᑎᒋᐊᓖᑦ. ᑖᓐᓇ ᐊᑐᓕᖁᔨᔾᔪᑎᑐᐃᓐᓇᐅᙱᑦᑐᖅ. ᐊᓯᐊᒎᕐᕕᖃᙱᑦᑐᖅ ᒪᓕᑦᑕᐅᒋᐊᖃᕐᓂᖓ.

ᐱᐅᓂᖅᐹᖅ ᐃᓅᓕᓴᐅᑎᐅᒍᓐᓇᖅᑐᖅ ᒫᓐᓇ ᓈᓚᑦᓯᐊᖃᑦᑕᕐᓂᖅ ᐅᖃᐅᔾᔨᒋᐊᕈᑎᖏᓐᓂᒃ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐃᖅᑲᓇᐃᔭᖅᑏᑦ, ᐊᒡᒐᑎᑦ ᐅᐊᓴᖃᑦᑕᕐᓗᒋᑦ ᓯᓯᔪᓂᓗ ᐊᑦᑐᖅᑕᐅᒐᔪᑦᑐᓂ, ᖃᓂᑦᓴᓗᐊᑦᑕᐃᓕᖃᑦᑕᕐᓗᑎᑦ ᐊᓯᓐᓂᒃ. ᐃᓅᖃᑎᒌᑦ ᐅᖓᓯᒌᖃᑦᑕᕐᓗᑎᒃ ᐊᖏᕐᕋᖅᓯᒪᑐᐃᓐᓇᕐᓗᑎᓪᓗ ᐱᔪᓐᓇᕐᓂᓕᒫᕐᓂ ᐊᑐᓕᖁᔨᔾᔪᑎᑐᐃᓐᓇᐅᙱᑦᑐᖅ.

ᐅᔾᔨᖅᓱᑦᓯᐊᕆᑦ ᖃᓄᐃᓐᓂᕐᓂᒃ ᐊᓯᓐᓂᓪᓗ: ᐊᖏᕐᕋᖅᓯᒪᑐᐃᓐᓇᕐᓂᖅ ᐃᓅᓕᑦᓯᓯᒪᒍᑕᐅᓂᐊᖅᑐᖅ.

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᖏᑕ ᓴᐳᒻᒥᑦᓯᒐᓱᐊᕐᓂᖏᓐᓂᒃ ᓄᓇᕗᒻᒥᐅᓂᒃ ᓄᕙᔾᔪᐊᕐᓇᖅᑖᖁᓇᒋᑦ, ᓄᓇᕗᑦ ᒐᕙᒪᒃᑯᖏᑕ ᐱᓕᕆᕕᖏᑦ ᐊᑐᓕᖅᑎᑦᓯᓂᐊᖅᑐᑦ ᐅᑯᓂᖓ:

 

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᔨᑦᓯᕋᐅᑎᖏᑦ

ᐱᒋᐊᕐᓗᓂ ᒫᑦᓯ 25, 2020, ᑎᑭᑦᑐᒥᓂᓕᒫᑦ ᓇᒻᒥᓂᖅ ᐊᓂᑦᑕᐃᓕᑎᒋᐊᓖᑦ ᓇᓗᓇᐃᖅᑕᐅᓯᒪᔪᓂ ᐃᓂᑦᓴᐅᔪᓂ ᓄᓇᕗᑦ ᓯᓚᑖᓂ ᐅᓪᓗᓂᒃ 14-ᓂᒃ, ᐋᒡᒐᑐᐊᖅ ᐱᒻᒪᕆᐅᔪᓂᒃ ᐃᖅᑲᓇᐃᔮᓖᑦ ᖃᓄᐃᒍᑎᖃᖅᑑᔮᙱᑦᑐᐃᑦ. ᑕᐃᒃᑯᐊ ᐅᑎᖅᑐᐃᑦ ᓄᓇᕗᒻᒧᑦ ᐊᖏᖅᑕᐅᒋᐊᖃᕐᓂᐊᖅᑐᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᖏᔪᖅᑳᑉ ᐊᓪᓚᕝᕕᖓᑎᒍᑦ.

ᑐᑭᓯᒋᐊᕈᑏᑦ ᓄᓇᕗᒻᒥᐅᓄᑦ ᐱᒻᒪᕆᐅᔪᓂᓪᓗ ᐃᖅᑲᓇᐃᔮᓖᑦ ᑎᑭᓐᓂᐊᖅᑐᓄᑦ

ᓄᓇᕗᒻᒥᐅᑦ ᐅᑎᕈᒪᔪᐃᑦ ᓄᓇᕗᒻᒧᑦ ᑎᑭᒍᓐᓇᖅᑐᑦ ᓄᖅᑲᖓᑎᑕᐅᑎᓪᓗᒋᑦ ᐊᓯᐊᒎᕐᕕᖃᙱᑦᑐᒥᒃ ᐅᓪᓗᓂᒃ 14-ᓂᒃ ᓇᒻᒥᓂᖅ ᐊᓂᑦᑕᐃᓕᓯᒪᑎᒋᐊᓖᑦ ᓇᓪᓕᐊᓐᓂ ᓯᑕᒪᓂ ᖃᓪᓗᓈᓂ ᑲᓇᑕᒥ. ᖃᐅᔨᒋᐊᕐᓗᑎᑦ ᐅᕗᖓ CPHOTravelRequests@gov.nu.ca

ᐱᒻᒪᕆᐅᔪᓂᒃ ᐃᖅᑲᓇᐃᔮᓖᑦ ᐅᑎᕆᐊᓖᑦ ᐃᖅᑲᓇᐃᔮᒥᓄᑦ ᓄᓇᕗᒻᒥ ᑎᑭᒍᓐᓇᖅᑐᑦ ᓄᖅᑲᖓᑎᑕᐅᑎᓪᓗᒋᑦ ᑐᑦᓯᕋᕆᐊᓖᑦ ᑎᑭᒍᓐᓇᕐᓂᖓᓄᑦ ᐊᖏᖅᑕᐅᖅᑳᕆᐊᓕᒃ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᖏᔪᖅᑳᖓᓄᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᑭᓱᓂᒃ ᒪᓕᒋᐊᖃᕐᒪᖔᖅᐱᑦ, ᖃᐅᔨᒋᐊᕐᕕᒋᓗᒍ CPHOTravelRequests@gov.nu.ca

ᐅᖃᖃᑎᖃᕆᐊᖃᕈᕕᑦ ᓄᕙᔾᔪᐊᕐᓇᖅᑖᖅᓯᒪᒻᒪᖔᖅᐱᑦ, ᑎᑭᕋᑖᖅᑐᒥᓂᐅᒍᕕᓪᓘᓐᓃᑦ ᓄᕙᔾᔪᐊᕐᓇᖅᑕᓕᓐᓂᒃ? ᐅᖄᓚᓗᑎᑦ 75-8601 ᐅᕝᕙᓘᓐᓃᑦ 1-888-875—8601 7:30-ᒥᒃ ᐅᓪᓛᒃᑯᑦ 7:30-ᒧᑦ ᐅᓐᓄᒃᑯᑦ ᐅᖃᖃᑎᖃᕐᓂᐊᕋᕕᑦ. ᐃᖅᑲᐅᒪᓂᐊᖅᑯᑎᑦ ᑖᓐᓇ ᐅᖄᓚᕕᒃ ᑭᓯᐊᓂ ᐱᔭᕆᐊᖃᓪᓚᕆᑦᑐᓄᑦ − ᐊᑐᖅᑕᐅᒋᐊᖃᙱᑦᑐᖅ ᑭᓱᑐᐃᓐᓇᕐᓂᒃ ᐊᐱᖅᑯᑎᓕᓐᓄᑦ.

ᑐᑭᓯᒋᐊᕈᑎᑦ ᐅᖓᓯᑦᑐᒥᒃ ᐊᑭᖃᙱᑦᑐᒧᑦ ᐅᖄᓚᐅᑎᒧᑦ, ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᖏᔪᖅᑳᑉ ᑎᓕᓯᒍᑎᒋᓯᒪᔭᖏᑦ ᑎᑭᒍᓐᓇᖅᑐᓪᓗ/ᐱᒻᒪᕆᐅᔪᓂᓪᓗ ᐃᖅᑲᓇᐃᔮᓕᓐᓄᑦ ᒪᓕᑦᑕᐅᒋᐊᓖᑦ ᐊᑐᐃᓐᓇᐅᓕᖅᑐᑦ ᐅᕙᓂ: https://www.gov.nu.ca/health/information/covid-19-novel-coronavirus 

ᓄᓇᕗᒻᒥᐅᑦ ᐅᖄᓚᖅᑳᖃᑦᑕᕆᐊᓖᑦ ᕿᑭᖅᑕᓂ ᐋᓐᓂᐊᕐᕕᐊᓗᒻᒨᓚᐅᙱᓐᓂᖏᓐᓂ, ᐃᖃᓗᐃᑦ ᐅᖁᒪᐃᓐᓂᓂᐊᕐᕕᖓᓄᑦ ᐅᕝᕙᓗ ᓇᓪᓕᐊᓐᓄᑐᐃᓐᓇᖅ ᓄᓇᓕᓐᓂ ᐋᓐᓂᐊᕐᕕᖏᓐᓄᑦ. ᐅᖄᓚᐅᑎᖏᑦ ᓇᓂᒍᓐᓇᖅᑕᑎᑦ ᐅᕙᓂ https://gov.nu.ca/health/information/health-centres

 

ᑲᔪᓯᒍᑕᐅᔪᑦ ᐱᔨᑦᓯᕋᐅᑏᑦ:

  • ᐃᓱᒪᓕᕆᓂᕐᒧᑦ ᐊᔪᓕᕈᑎᖃᖅᓯᒪᔪᓄᓪᓗ ᐱᓕᕆᔨᖏᑦ ᐅᖄᓚᐅᑎᒃᑯᑦ ᑭᓯᐊᓂ ᖃᐅᔨᒋᐊᖃᑦᑕᕈᓐᓇᖅᓯᔪᑦ ᐃᑲᔪᕈᓐᓇᖅᑐᑎᓪᓗ ᐃᑲᔪᖅᑕᐅᒋᐊᓕᓐᓂᒃ ᐃᓚᖏᓐᓂᒃ. ᐃᓂᑦᓴᓕᐅᖅᓯᒪᔪᑦ ᐄᔭᒐᕐᓂᒃ ᐊᐃᑦᓯᕐᓂᕐᒧᑦ ᐊᐅᓚᑦᓯᓂᕐᒧᓪᓗ ᓱᓕ ᓱᕐᕋᑦᑕᐅᓯᒪᙱᑦᑐᑦ. ᖁᐊᖅᓵᕐᓇᖅᑐᒃᑰᕈᕕᑦ, ᐅᐸᒍᑎᓗᑎᑦ ᐋᓐᓂᐊᕐᕕᒻᒧᑦ.
  • ᐊᖏᕐᕋᕆᔭᐅᔪᓄᑦ ᐅᐸᒍᑎᖃᑦᑕᕐᓃᑦ ᐄᔭᒐᖅᑎᑦᓯᒋᐊᖅᑐᕐᓗᑎᒃ ᑲᒪᒋᔭᐅᖃᑦᑕᕐᓂᐊᖅᑐᑦ ᐊᑐᓃᕋᖅᑕᐅᓗᑎᒃ.
  • ᐊᑐᐃᓐᓇᖃᕐᓂᖅ ᐋᓐᓂᐊᕐᕕᓐᓂ ᐱᔨᑦᓯᕋᐅᑎᓄᑦ ᐊᑐᐃᓐᓇᐅᙱᓐᓇᕐᓂᐊᖅᑐᑦ ᓄᓇᓕᓕᒫᓂ ᐅᓪᓗᓂᒃ 7-ᓂᒃ ᐱᓇᓱᐊᕈᓯᓕᒫᖅ.
  • ᑐᐊᕕᕐᓇᙱᑦᑐᓕᒫᑦ ᑐᑦᓯᕋᐅᑎᐅᔪᑦ ᓇᓪᓕᐊᑦ ᓯᕗᓪᓕᐅᔾᔭᐅᒋᐊᖃᕐᒪᖔᑕ ᓇᓗᓇᐃᔭᖅᑕᐅᖃᑦᑕᓂᐊᖅᑐᑦ ᐅᓪᓗᑕᒫᑦ.
  • ᐊᑐᐃᓐᓇᖃᕐᓂᖅ ᕿᓚᒥᒃᑯᑦ ᑐᐊᕕᕐᓇᖅᑐᒃᑯᓪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᓯᕋᐅᑎᓄᑦ ᓱᓕ ᐊᑐᐃᓐᓇᐅᖏᓐᓇᕐᓂᐊᖅᑐᑦ ᐃᑲᕐᕋᐃᑦ 24 ᐅᓪᓗᑕᒫᑦ, 7 ᐅᓪᓗᐃᑦ ᐱᓇᓱᐊᕈᓯᓕᒫᑦ.
  • ᐃᖃᓗᓐᓂ, ᐅᖁᒪᐃᓐᓂᓂᐊᕐᕕᒃ, ᑐᐊᕕᕐᓇᖅᑐᒃᑯᕕᒃ ᐅᓂᑦᓯᒪᕕᓪᓗ ᒪᑐᐃᖓᐃᓐᓇᕐᓂᐊᖅᑐᑦ.
  • ᐱᐊᕋᕐᓄᑦ ᖃᐅᔨᓴᖅᑕᐅᕕᑦ, ᓇᔾᔨᔪᓄᑦ ᖃᐅᔨᓴᖅᑕᐅᓇᐃᑦ ᑲᐱᔭᐅᖃᑦᑕᕆᐊᓖᓪᓗ ᑲᔪᓯᔪᑦ ᓄᓇᕗᓕᒫᒥ.
  • ᓘᑦᑖᑦ ᓱᓕ ᓄᓇᓕᓐᓄᑦ ᐳᓚᕋᑦᑕᕐᓂᐊᖅᑐᑦ. ᑕᐃᒪᐃᒍᓐᓇᙱᑉᐸᑕ, ᑕᑯᔭᐅᒋᐊᓕᓐᓂᒃ ᑕᓚᕕᓴᒃᑯᑦ ᖃᖓᑦᑕᖅᑎᑕᐅᓯᒪᔪᑎᒍᑦ ᐅᖄᓚᐅᑎᒃᑯᓪᓘᓐᓃᑦ ᑲᒪᒋᔭᐅᖃᑦᑕᕐᓂᐊᖅᑐᑦ.

 

ᐋᖅᑭᒋᐊᖅᑕᐅᓯᒪᔪᑦ ᐱᔨᑦᕋᐅᑏᑦ:

  • ᐋᓐᓂᐊᕐᕕᓕᐊᕐᓗᑎᒃ ᐊᐅᓪᓚᖃᑦᑕᖅᑐᓄᑦ ᐱᔨᑦᓯᕋᐅᑏᑦ ᓇᑲᑕᐅᓯᒪᔪᑦ ᑭᓯᐊᓂ ᑐᐊᕕᕐᓇᖅᑐᓄᑦ ᐋᓐᓂᐊᕐᕕᓕᐊᓗᑎᒃ ᐊᐅᓪᓚᕆᐊᓕᓐᓄᑦ. ᐋᓐᓂᐊᕐᕕᓕᐊᕆᐊᓖᑦ ᖃᐅᔨᒃᑲᖅᑕᐅᓛᖅᑐᑦ ᐊᓯᔾᔨᖅᑕᐅᔪᓂᒃ ᐅᖃᖃᑎᐅᓂᐊᖅᑐᑎᓪᓗ.
  • ᐃᖃᓗᓐᓂ, ᐋᓐᓂᐊᕐᕕᓕᐊᕐᓇᐃᑦ ᑎᒥᒥᒍᓪᓗ ᐃᖃᐃᓕᓴᕐᓇᐃᑦ ᓇᓗᓇᐃᔭᖅᑕᐅᖃᑦᑕᖅᑐᑦ ᓇᓪᓕᐊᑦ ᓯᕗᓪᓕᐅᔾᔭᐅᒋᐊᖃᕐᒪᖔᑕ ᐃᓂᑦᓴᓕᐅᖅᑕᐅᒋᐊᓖᑦ ᐃᓂᑦᓴᓕᐅᖅᑕᐅᖃᑦᑕᕐᓗᑎᒃ.
  • ᐊᐅᖏᖅᓯᕕᒃ ᑕᕐᕋᑐᖅᑕᐅᕕᓪᓗ ᕿᑭᖅᑕᓂ ᐋᓐᓂᐊᕐᕕᐊᓗᒻᒥ ᓇᑲᑕᐅᓯᒪᔪᑦ ᐱᔨᑦᓯᕋᐅᑎᖏᑦ.
  • ᐃᓂᑦᓴᓕᐅᖅᑕᐅᓯᒪᔪᓕᒫᑦ ᓇᓪᓕᐊᑦ ᓯᕗᓪᓕᐅᔾᔭᐅᒋᐊᖃᕐᒪᖔᑕ ᓇᓗᓇᐃᔭᖅᑕᐅᔪᑦ.
  • ᐃᓱᒪᓕᕆᔨᒃᑯᑦ ᐊᓯᔾᔨᖅᓯᓯᒪᔪᑦ ᐅᖄᓚᐅᑎᒃᑯᑦ ᖃᐅᔨᒋᐊᕐᕕᖃᖃᑦᑕᕐᓂᕐᒥᒃ ᐃᑲᔪᖃᑦᑕᓂᕐᒥᓪᓗ ᐃᓚᖏᓐᓂᒃ ᐃᑲᔪᖅᑕᐅᒋᐊᓕᓐᓂᒃ. ᐃᓂᑦᓴᓕᐅᖅᑕᐅᓯᒪᔪᑦ ᐄᔭᒐᕐᓂᒃ ᐊᐃᑦᓯᖃᑦᑕᓂᕐᒧᑦ ᐊᐅᓚᑦᓯᖃᑦᑕᓂᕐᒧᓪᓗ ᓱᓕ ᓱᕐᕋᑦᑕᐅᓯᒪᙱᑦᑐᑦ. ᖁᐊᖅᓵᕐᓇᖅᑐᒃᑰᕈᕕᑦ, ᐅᐸᒍᑎᓗᑎᑦ ᐋᓐᓂᐊᕐᕕᒻᒧᑦ.
  • ᐊᖏᕐᕋᕆᔭᐅᔪᓄᑦ ᐅᐸᒍᑎᖃᑦᑕᕐᓃᑦ ᐄᔭᒐᖅᑎᑦᓯᒋᐊᖅᑐᖃᑦᑕᓂᕐᒧᑦ ᑲᒪᒋᔭᐅᖃᑦᑕᕐᓂᐊᖅᑐᑦ ᐊᑑᓃᕋᖅᑕᐅᓗᑎᒃ.

 

ᒪᑐᓯᒪᔪᑦ/ᓄᖅᑲᖅᑎᑕᐅᓯᒪᔪᑦ/ᓄᖅᑲᖓᑲᐃᓐᓇᖅᑐᓪᓗ ᐱᔨᑦᓯᕋᐅᑏᑦ:

  • ᐱᖓᑦᓯᕐᒥ ᐅᓐᓄᒃᑯᑦ ᐋᓐᓂᐊᕐᕕᓕᐊᕐᓇᖅ ᕿᑭᖅᑕᓂ ᐋᓐᓂᐊᕐᕕᐊᓗᒻᒥ ᓄᖅᑲᖓᑎᑕᐅᑲᐃᓐᓇᖅᑐᖅ ᑭᖑᓂᐊᒍᑦ ᓇᓗᓇᐃᖅᑕᐅᓛᕐᓗᓂ ᖃᖓᒃᑯᑦ ᒪᑐᐃᓛᕐᒪᖔᖅ
  • ᓘᑦᑖᒻᒪᕆᓐᓄᑦ ᐋᓐᓂᐊᕐᕕᓕᐊᕐᕕᑦ ᓄᖅᑲᖅᑎᑕᐅᓯᒪᔪᑦ. ᐱᓕᕆᐊᕆᔭᐅᔪᖅ ᓇᓗᓇᐃᔭᐃᓂᖏᑦ ᓇᓪᓕᐊᑦ ᐋᓐᓂᐊᕐᕕᓕᐊᕆᐊᓖᑦ ᐅᖃᖃᑎᐅᒍᓐᓇᕐᓂᐊᕐᒪᖔᑕ ᐅᖄᓚᐅᑎᒃᑯᑦ/ᖃᕆᓴᐅᔭᒃᑯᓪᓘᓐᓃᑦ.
  • ᕿᑭᖅᑕᓂ ᐋᓐᓂᐊᕐᕕᐊᓗᒻᒥ ᓂᕆᕕᖓ ᒪᑐᓯᒪᔪᖅ ᑭᒃᑯᓕᒫᓄᑦ.
  • ᐱᒻᒪᕆᐅᙱᑦᑐᓕᒫᑦ ᑎᑭᑎᑕᐅᖃᑦᑕᕐᓂᖏᑦ ᐃᓱᒪᓕᕆᓂᕐᒧᑦ ᐃᑲᔪᖅᑕᐅᒋᐊᓕᓐᓄᑦ ᐃᓚᒌᓄᓪᓗ ᓄᖅᑲᖅᑎᑕᐅᓯᒪᔪᑦ.
  • ᐱᒻᒪᕆᐅᙱᑦᑐᓕᒫᑦ ᑎᑭᑎᑕᐅᖃᑦᑕᕐᓂᖏᑦ ᐃᓚᒋᔭᐅᔪᑦ ᐳᓛᕆᐊᖅᑐᑦ ᐅᓂᑦᓯᒪᔪᓂᒃ ᓄᖅᑲᖅᑎᑕᐅᓯᒪᔪᑦ.

 

ᐃᓄᓕᕆᔨᒃᑯᑦ

  • ᓄᓇᕗᒻᒥ ᐃᓕᓐᓂᐊᖅᑏᑦ ᐅᑎᕈᒪᒍᑎᒃ ᓄᓇᕗᒻᒧᑦ ᑎᑭᒍᓐᓇᖅᑐᐃᑦ ᓄᖅᑲᖓᑎᑕᐅᑎᓪᓗᒋᑦ ᐅᓪᓗᓂᒃ 14-ᓂᒃ ᓇᒻᒥᓂᖅ ᐊᓂᑦᑕᐃᓕᓯᒪᑎᒋᐊᓖᑦ ᓇᓪᓕᐊᓐᓂ ᒪᕐᕉᓐᓂ ᖃᓪᓗᓈᓂ ᑲᓇᑕᒥ. ᖃᐅᔨᒋᐊᕆᑦ ᖃᓄᐃᓕᐅᕆᐊᖃᕐᒪᖔᖅᐱᑦ ᐅᕗᖓ fans@gov.nu.ca

 

ᐃᓕᓐᓂᐊᕐᓂᓕᕆᔨᒃᑯᑦ ᐱᔨᑦᓯᕋᐅᑎᖏᑦ

  • ᐃᓕᓐᓂᐊᕐᓂᓕᕆᔨᒃᑯᑦ ᐃᑲᔪᖅᑐᑦ ᐃᓄᓕᕆᔨᒃᑯᓐᓂᒃ ᑐᑭᒧᐊᖅᑎᑦᓯᓪᓗᑎᒃ ᐅᑎᖅᑎᑕᐅᒍᓐᓇᕐᓂᖏᓐᓂᒃ ᓄᓇᕗᑦ ᓯᓚᑖᓂ ᐃᓕᓐᓂᐊᕆᐊᖅᓯᒪᔪᓂᒃ ᐃᓚᖏᓐᓂᓪᓗ ᓄᓇᕗᒻᒧ.
  • ᐃᓕᓐᓂᐊᕐᓂᓕᕆᔨᒃᑯᑦ ᑮᓇᐅᔭᖃᖅᑎᑦᓯᔪᑦ ᓚᐃᓴᓐᓯᓕᓐᓄᑦ ᐸᐃᕆᕕᓐᓄᑦ ᑭᖑᕝᕕᐅᑎᒐᑦᓴᓂᒃ ᐊᖏᔪᖅᑳᕆᔭᐅᔪᓂᒃ ᐊᑭᓕᐅᑎᐅᖃᑦᑕᖅᑐᓂᒃ ᒫᑦᓯ 17-ᒥᒃ ᐃᐳᕈ 7-ᒧᑦ, 2020.
  • ᓚᐃᓴᓐᓯᓖᑦ ᐸᐃᕆᕕᓕᒫᑦ ᓄᓇᕗᒻᒥ ᐊᑭᓖᑎᑦᓯᖃᑦᑕᖅᑐᑦ ᐊᖏᔪᖅᑳᕆᔭᐅᔪᓂᒃ ᐱᔪᓐᓇᖃᑕᐅᓂᐊᖅᑐᑦ ᐃᑲᔫᑎᒥᒃ.
  • ᑮᓇᐅᔭᐃᑦ ᐊᑭᓕᐅᑎᑦ ᑲᒪᒋᔭᐅᓂᐊᖅᑐᑦ ᐊᐅᓪᓚᖅᑎᑕᐅᓗᑎᓪᓗ ᓚᐃᓴᓐᓯᓕᓐᓄᑦ ᐸᐃᕆᕕᓐᓄᑦ ᑐᖔᓂ ᑕᓪᓕᒻᒥᖅ, ᒫᑦᓯ 27, 2020. ᒫᓐᓇᐅᓂᖓᓂ, ᐊᖏᔪᖅᑳᕆᔭᐅᔪᑦ ᐊᑭᓖᖃᑦᑕᕆᐊᑐᙱᑦᑐᑦ ᐸᐃᕆᕕᓐᓄᑦ.

 

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᔨᑦᓯᕋᐅᑎᖏᑦ

ᑲᔪᓯᒍᑕᐅᔪᑦ ᐱᔨᑦᕋᐅᑏᑦ:

  • ᖃᖓᑕᔫᒃᑯᕕᓐᓂ ᐊᐅᓚᑕᐅᔪᑦ ᒪᑭᒪᐃᓐᓇᖅᑎᑕᐅᓂᖏᓪᓗ.

ᐋᖅᑭᒋᐊᖅᑕᐅᓯᒪᔪᑦ ᐱᔨᑦᓯᕋᐅᑏᑦ:

  • ᐊᓯᓕᒫᖏᑦ ᐱᓕᕆᕕᖓᓂ ᐱᔨᑦᓯᕋᐅᑏᑦ ᐊᓯᔾᔨᖅᑕᐅᕙᓪᓕᐊᔪᑦ ᐃᖅᑲᓇᐃᔭᕐᕕᖏᓐᓂᒃ ᐊᖏᕐᕋᖏᓐᓄᑦ, ᑐᑭᒧᐊᖅᑎᑦᓯᔨᖏᑦ ᐊᓯᖏᓪᓗ ᐱᒻᒪᕆᐅᔪᓂᒃ ᐃᖅᑲᓇᐃᔮᓖᑦ ᐊᓪᓚᕝᕕᖏᓐᓃᑦᑐᑎᒃ.
  • ᓄᓇᓯᐅᑎᓄᑦ ᐊᑎᓕᐅᖅᑎᑦᓯᔩᑦ ᐃᓘᓐᓇᑎᒐᓚᓪᓗ ᓚᐃᓴᓐᓯᓂᒃ ᓄᑖᕐᖑᕆᐊᖅᓯᓂᕐᒧᑦ ᓱᓕ ᑲᒪᒋᔭᐃᑦ.
  • ᑭᓇᐅᓂᕐᒧᑦ ᓇᓗᓇᐃᒃᑯᑕᐃᑦ ᑲᒪᒋᔭᐅᖃᑦᑕᕈᓐᓇᖅᑐᑦ ᑐᐊᕕᕐᓇᖅᑐᓄᒃ ᑭᓯᐊᓂ.
  • ᓄᑖᓂᒃ ᐊᖁᑦᑐᖅᓯᐅᑎᓂᒃ ᓚᐃᓴᓐᓯᓂᒃ ᑲᒪᒋᔭᐅᔪᖃᔾᔮᙱᑦᑐᖅ ᑭᓯᐊᓂ ᑭᖑᓂᐊᒍᑦ ᓇᓗᓇᐃᖅᑕᐅᑉᐸᑦ ᖃᖓᒃᑯᑦ.

ᒪᑐᓯᒪᔪᑦ/ᓄᖅᑲᖅᑎᑕᐅᓯᒪᔪᑦ/ᓄᖅᑲᖓᑲᐃᓐᓇᖅᑐᓪᓗ ᐱᔨᑦᓯᕋᐅᑏᑦ:

  • ᑐᐊᕕᕐᓇᙱᑦᑐᓕᒫᑦ ᓄᓇᓯᐅᑎᓕᕆᓂᕐᒧᑦ ᐱᔨᑦᓯᕋᐅᑏᑦ ᐃᓚᒋᔭᐅᓪᓗᑎᒃ ᐊᖁᑦᑐᖅᓯᐅᑎᑖᕋᓱᐊᖅᑐᑦ ᖃᐅᔨᓴᕈᑎᐅᔪᑦ, ᐳᓚᕋᑎᓄᑦ ᑐᑭᓯᒋᐊᕕᓕᒫᓂ ᐱᓕᕆᐊᑦ, ᐱᓕᕆᕕᖓᑕ ᑐᙵᓱᑦᑎᑦᓯᒍᑎᓕᒫᖏᑦ ᑲᑎᒪᕐᔪᕐᓃᑦ ᑲᑎᙵᓗᑎᓪᓗ ᐱᓕᒻᒪᑦᓴᐃᒍᑎᐅᔪᑦ ᓄᖅᑲᖅᑕᐅᓯᒪᔪᑦ.
  • ᑐᐊᕕᕐᓇᖅᑐᒃᑯᑦ ᖃᐅᔨᒋᐊᕈᒪᒍᕕᑦ ᓄᓇᓯᐅᑎᓕᕆᔨᒃᑯᑦ ᐊᓪᓚᕝᕕᖓᓄᑦ, EDT@gov.nu.ca, ᐅᕝᕙᓘᓐᓃᑦ 1-888-975-5999.

 

ᓄᓇᓕᓐᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ

  • ᐅᓪᓗᒥ ᐱᒋᐊᕐᓗᓂ, ᓄᓇᕗᑦ ᒐᕙᒪᒃᑯᖏᑕ ᐊᓪᓚᕝᕕᓕᒫᖏᑦ ᐃᓪᓗᕐᔪᐊᑦ ᑮᑦᓯᒪᐃᓐᓇᕐᓂᐊᓕᖅᑐᑦ ᑕᐃᒪᙵᓕᒫᖅ. ᑭᒃᑯᑐᐃᓐᓇᐃᑦ ᑲᑎᖃᑎᖃᕆᐊᖃᕈᑎᒃ ᓇᓪᓕᐊᓐᓂᑐᐃᓐᓇᖅ ᓄᓇᕗᑦ ᒐᕙᒪᒃᑯᖏᓐᓂ ᐱᒻᒪᕆᐅᔪᓂᒃ ᐱᔨᑦᓯᕋᐅᑎᓕᓐᓄᑦ ᐃᖅᑲᓇᐃᔭᖅᑎᓂᒃ ᐅᐸᑦᓯᒪᔪᓄᑦ ᓄᓇᕗᑦ ᒐᕙᒪᒃᑯᖏᓐᓂ ᐊᓪᓚᕝᕕᖏᓐᓂ ᖃᐅᔨᒃᑲᐃᖅᑳᕆᐊᓖᑦ ᐅᐸᒋᐊᓕᒻᒥᓄᑦ ᓈᒻᒪᓈᖅᑐᓂᒃ ᐋᖅᑭᑦᓱᐃᖃᑎᒋᓗᒋᑦ.

 

ᐊᕙᑎᓕᕆᔨᒃᑯᑦ

  • ᑮᓇᐅᔭᖃᖅᑎᑦᓯᓂᕐᒧᑦ ᐊᖏᖃᑎᒌᒍᑏᑦ ᓄᓇᓕᓐᓂ ᐊᖑᓇᓱᑦᑎᑦᓯᓂᕐᒧᑦ ᐃᑲᔫᑎᓄᑦ ᐊᐅᓪᓚᖅᑎᑕᐅᓚᐅᖅᑐᑦ ᒫᑦᓯ 23.

 

ᖁᓪᓕᖅ ᐅᒻᒪᖅᑯᑎᓕᕆᔨᒃᑯᑦ (QEC)

ᑲᔪᓯᒍᑕᐅᔪᑦ ᐱᔨᑦᕋᐅᑏᑦ:

  • QEC-ᑯᓐᓅᖓᔪᑦ ᑐᐊᕕᕐᓇᖅᑐᒃᑯᑦ ᐱᔨᑦᓯᕋᐅᑏᑦ ᐊᑐᐃᓐᓇᐅᖏᓐᓇᓚᖓᔪᑦ ᐊᑕᖏᖅᑐᓂᓪᓗ ᐃᖅᑲᓇᐃᔭᖅᑎᖃᐃᓐᓇᕐᓗᑎᒃ (ᐃᓚᒋᔭᐅᓗᑎᒃ ᖃᒥᑦᑐᖃᕐᓂᖅᑲᑦ).
  • QEC-ᑯᑦ ᐊᐅᓚᑦᓰᓐᓇᕐᓂᐊᖅᑐᑦ ᐊᑦᑕᓇᙱᑦᑐᓂᒃ ᑕᑎᒋᔭᑦᓴᓂᒃ ᐅᒻᒪᖅᑯᑎᓂᒃ ᓄᓇᕗᒻᒥᐅᓄᑦ ᑐᓴᖅᑎᑦᓯᒋᐊᖃᑦᑕᕐᓂᕐᒥᓪᓗ ᐊᑭᓕᖅᓱᐃᕙᑦᑐᓄᑦ ᐃᖅᑲᓇᐃᔭᖅᑎᖏᓐᓄᓪᓗ.

ᐋᖅᑭᒋᐊᖅᑕᐅᓯᒪᔪᑦ ᐱᔨᑦᓯᕋᐅᑏᑦ:

  • QEC−ᑯᑦ ᓱᓕ ᐊᑐᐃᓐᓇᐅᑎᑦᓯᔪᑦ ᐊᑭᓕᖅᓱᐃᕙᑦᑐᓂᒃ ᐅᖄᓚᐅᑎᒃᑯᑦ ᐃᑲᔪᕈᓐᓇᓂᕐᒥᒃ ᐱᔨᑦᓯᕋᐅᑎᖃᕐᓂᒥᓪᓗ.

ᒪᑐᓯᒪᔪᑦ/ᓄᖅᑲᖅᑎᑕᐅᓯᒪᔪᑦ/ᓄᖅᑲᖓᑲᐃᓐᓇᖅᑐᓪᓗ ᐱᔨᑦᓯᕋᐅᑏᑦ:

  • QEC-ᑯᑦ ᐊᓪᓚᕝᕕᖏᑦ ᒪᑐᔭᐅᓯᒪᓕᖅᑐᑦ

 

ᓄᓇᕗᑦ ᓯᓚᑦᑐᓴᕐᕕᒃᑯᑦ (NAC)

  • ᓄᓇᕗᑦ ᓯᓚᑦᑐᓴᕐᕕᒃᑯᑦ ᐱᓕᕆᖃᑎᖃᖅᑐᑦ ᒐᕙᒪᒃᑯᑦ ᐱᓕᕆᕕᖏᓐᓂᒃ ᑎᒥᖁᑎᖏᓐᓂᓪᓗ ᐅᑎᖅᑎᑕᐅᖁᓪᓗᒋᑦ ᐃᓕᓐᓂᐊᖅᑏᑦ ᓄᓇᕗᒻᒥ ᐊᒻᒪᓗ ᓄᓇᕗᑦ ᓯᓚᑖᓂ ᐃᑲᔪᖅᓱᖅᑕᐅᒍᓐᓇᖁᓪᓗᒋᑦ ᐱᔨᑦᓯᕋᖅᑕᐅᒍᓐᓇᖁᓪᓗᒋᓪᓗ ᐃᓕᓐᓂᐊᖅᑏᑦ ᐃᓚᖏᓪᓗ ᑎᑭᓐᓂᐊᖅᑲᑕ ᑎᑭᔾᔮᙱᒃᑲᓗᐊᖅᑲᑕᓘᓐᓃᑦ.
  • ᐃᓕᓐᓂᐊᕈᑏᑦ ᓱᓕ ᓄᖅᑲᖓᑎᑕᐅᑲᐃᓐᓇᖅᑐᑦ, ᓄᖅᑲᖅᑎᑕᐅᓪᓚᕆᙱᑦᑐᑦ, NAC-ᑯᑦ ᖃᐅᔨᓴᖅᑐᑦ ᓇᓖᕌᕈᑎᑦᓴᓂᒃ ᐃᓕᓐᓂᐊᖅᑎᑦᓯᓂᕐᒧᑦ ᑲᑐᔾᔨᖃᑎᑦᑎᓐᓂᒃ ᑲᔪᓯᑦᓯᐊᕈᑕᐅᓗᑎᒃ ᐃᓕᓐᓂᐊᕈᑏᑦ ᐱᔭᕇᖅᑕᐅᒍᓐᓇᖁᓪᓗᒋᑦ.
  • NAC-ᑯᑦ ᐊᑦᓱᕉᑎᖃᖅᑐᑦ ᐊᑐᐃᓐᓇᐅᑎᑦᓯᓂᕐᒥᒃ ᐱᐅᔪᓂᒃ ᐃᓕᓐᓂᐊᕈᑎᒥᒃ ᓄᓇᕗᒻᒥᐅᓄᑦ. ᖃᓄᐃᑦᑕᐃᓕᒪᑎᑦᓯᓂᖅ ᐊᑦᑕᓇᖅᑐᒦᑦᑕᐃᓕᑎᑦᓯᓂᕐᓗ ᐃᓕᓐᓂᐊᖅᑎᑦᑎᓐᓂᒃ ᐃᖅᑲᓇᐃᔭᖅᑎᑦᑎᓂᓪᓗ ᐱᒻᒪᕆᐊᓘᑎᑦᓯᓂᕐᒧᑦ.
  • ᓄᓇᕗᑦ ᓯᓚᑦᑐᓴᕐᕕᒃᑯᑦ ᓱᓕ ᖃᐅᔨᓴᖅᐸᓪᓕᐊᖏᓐᓇᖅᑐᑦ ᖃᓄᐃᑉᐸᓪᓕᐊᒍᑕᐅᔪᓂᒃ ᑐᑭᓯᒋᐊᖅᑎᑦᓯᖃᑦᑕᕐᓂᐊᖅᑐᑎᓪᓗ ᐊᑦᑐᖅᑕᐅᓯᒪᔪᓄᑦ ᐃᓕᓐᓂᐊᖅᑎᓄᑦ ᐊᑐᐃᓐᓇᕈᕋᐃᑉᐸᑕ.
  • ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑏᑦ ᓇᓖᕌᕈᑎᖃᕈᓐᓇᖅᑐᑦ ᐃᓕᓐᓂᐊᖅᑎᓄᑦ ᑐᔪᕐᒥᕕᖏᓐᓃᖏᓐᓇᕈᒪᒍᑎᒃ ᐃᓚᒌᑦ ᑕᐃᒪᐃᒍᒪᑉᐸᑕ. ᑕᐃᒪᐃᑦᑐᒃᑰᕈᑎᖃᖅᑎᓪᓗᑕ, ᓯᓚᑦᑐᓴᕐᕕᒃ ᓇᓗᓇᐃᖅᓯᓯᒪᐃᓐᓇᕐᓂᐊᖅᑐᑦ ᐃᑲᔪᖅᓱᐃᓂᕐᒥᒃ ᐃᓕᓐᓂᐊᖅᑎᓄᑦ.

 

ᓄᓇᕗᒻᒥᐅᑦ ᖃᓄᐃᑦᑕᐃᓕᒍᓐᓇᕐᓂᖏᑦ ᐊᑕᖏᖅᑐᑕ ᐱᓕᕆᐊᑦᓴᕆᔭᕗᑦ! ᐃᖅᑲᐅᒪᒋᑦ: ᐅᐊᓴᖃᑦᑕᕐᓗᒋᑦ ᐊᒡᒐᑎᑦ ᓯᓯᔪᓪᓗ ᐊᑦᑐᖅᑕᐅᒐᔪᑦᑐᑦ, ᐊᑑᑎᖃᕐᓗᑎᑦ ᐃᓅᖃᑎᒌᓂ ᐅᖓᓯᒌᖃᑦᑕᓂᕐᒥᒃ, ᓈᓚᑦᓯᐊᖃᑦᑕᕐᓗᑎᑦ ᐅᖃᐅᔾᔨᒋᐊᕈᑎᖏᓐᓂᒃ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐃᖅᑲᓇᐃᔭᖅᑏᑦ, ᐊᖏᕐᕋᖅᓯᒪᓗᑎᑦ ᖃᓂᒪᒍᕕᑦ.