ᐅᖃᓚᐅᑎᓯᐅᑏᑦ

You are here

ᐱᓕᕆᖃᖅᑎᒌᖕᓂᖅ ᐅᑭᐅᖅᑕᖅᑐᖃᖁᑦᑎᐊᖁᓗᒍ

ᓯᑎᐱᕆ 05, 2014

ᑐᓴᒐᒃᓴᖅ 2014-ᒥᑦ ᐅᑭᐅᖅᑕᖅᑐᒥᒃ ᓯᕗᓕᖅᑏᑦ ᑲᑎᒪᓂᕆᔭᖓᑦ 

ᐱᓕᕆᖃᖅᑎᒌᖕᓂᖅ ᐅᑭᐅᖅᑕᖅᑐᖃᖁᑦᑎᐊᖁᓗᒍ 

ᔭᓗᓇᐃᒥᑦ (ᓯᑎᑉᐱᕆ 4, 2014-ᒥᑦ)-ᐅᑭᐅᖅᑕᖅᑐᒥᒃ ᓯᕗᓕᖅᑏᑦ ᐅᓪᓗᒥ ᑲᑎᖃᐅᖕᒪᑕ 12-ᙵᓂᒃ ᐊᕐᕌᒍᑕᒫᖅ ᐅᑭᐅᖅᑕᖅᑐᒥᑦ ᓯᕗᓕᖅᑏᑦ ᑲᑎᑎᓪᓗᒋᑦ. 

ᑲᑎᓐᓂᕆᔭᐅᔪᖅ ᓯᕗᓕᖅᑎᓄᑦ ᐅᖃᖃᐅᑎᒌᒍᓐᓇᖅᓯᖁᓗᒋᑦ ᐊᑲᐅᖏᓕᐅᕈᑎᓂᒃ ᐃᓱᒫᓗᑎᒋᔭᕐᒥᓄᑦ, ᐱᕙᓪᓕᐊᑎᑦᑎᓂᖅ ᐅᑭᐅᖅᑕᖅᑐᒥᒃ ᐃᓱᒪᒃᓴᖅᓯᐅᕈᑎᓄᑦ, ᓯᕗᒻᒧᐊᒃᓴᐃᓗᓂᓗ ᐅᑭᐅᖅᑕᖅᑐᒥᑦ ᐱᔪᒪᔭᖏᓐᓂᒃ. ᐊᕐᕌᒍᔪᖅ, ᓯᕗᓕᖅᑏᑦ ᕿᒥᕐᕈᖕᒪᑕ ᐅᑭᐅᖅᑕᖅᑐᒥᑦ ᑲᑐᔾᔨᖃᑎᒌᒐᓱᐊᖅᖢᑎᒃ, ᐊᖏᕈᑎᐅᔪᖅ ᓇᓗᓇᐃᖅᓯᕗᖅ ᖃᓄᖅ ᐱᖓᓱᑦ ᒐᕙᒪᐃᑦ ᐱᓕᕆᖃᑎᒌᒍᓐᓇᕐᒪᖔᑕ. ᓯᕗᓕᖅᑏᑦ ᓴᖅᑭᑎᑦᑎᓚᐅᕐᒪᑕ ᐅᑭᐅᖅᑕᖅᑐᒥᑦ ᐱᓇᓱᐊᖅᑕᖓᑦ: ᐱᓕᕆᖃᑎᒌᖕᓂᖅ ᐅᑭᐅᖅᑕᖅᑐᖃᖁᑦᑎᐊᖁᓗᒍ, ᐅᓪᓗᒥᐅᒨᖓᔪᖅ ᐅᑭᐅᖅᑕᖅᑐᒥᑦ ᑲᑎᖅᓱᑦᑎᐊᕐᓂᖅ ᐱᓇᓱᐊᖅᑕᖏᓐᓄᑦ ᓯᕗᓪᓕᕐᒥᑦ ᓴᖅᑭᑕᐅᓚᐅᖅᐳᖅ 2007-ᒥᑦ. 

ᐃᓱᒪᒥᑦ ᖃᓄᐃᖏᑦᑎᐊᕐᓂᖅ 

ᓯᕗᓕᖅᑏᑦ ᐊᖏᖅᓯᒪᕗᖅ ᐃᓱᒪᓕᕆᓂᕐᒧᑦ ᖃᓄᐃᖏᑦᑎᐊᕐᓂᖅ ᐊᑑᑎᖃᓪᓚᕆᒃᐳᖅ ᑕᒪᒃᑭᖅᖢᑎᒃ ᓄᓇᓕᖕᓂᑦ, ᖃᑕᙳᑎᒌᓂᒃ ᐃᓄᖕᓂᓪᓗ. ᐅᖃᖃᑎᒌᓚᐅᖅᐳᑦ ᐊᒃᓱᕈᕐᓇᖅᑐᓂᒃ ᐃᓱᒪᓕᕆᓂᕐᒧᑦ ᐱᔨᑦᑎᕐᓂᒃᑯᑦ ᐅᖓᓯᒃᑑᑎᓂᒃ ᓄᓇᓕᖕᓂᒃ ᓇᓗᓇᐃᕐᓗᒍᓗ ᐅᓪᓗᒥᒨᖓᔪᑦ ᐊᑐᖅᑕᐅᒐᔪᒃᐳᑦ ᑲᒪᓇᓱᐊᕐᓂᒃᑯᑦ ᐊᓯᐊᓂᒃ ᐊᔾᔨᒌᖏᑦᑐᓂᒃ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ. ᓯᕗᓕᖅᑏᑦ ᐃᑲᔪᖅᓯᒪᕗᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒥᓂᔅᑕᖏᓐᓄᑦ ᐃᓱᒪᒃᓴᖅᓯᐅᖁᔨᓪᓗᑎᑦ ᐃᓂᓕᐅᒃᑲᓐᓂᕋᓱᐊᖅᖢᑎᒃ ᐃᒃᐱᖕᓂᐃᓐᓂᕐᒧᑦ ᐃᓱᒪᒧᓪᓗ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ, ᐊᓯᖏᓪᓗ ᐊᑐᖅᑕᐅᖃᑦᑕᖅᑐᑦ ᑲᒪᑎᓪᓗᒋᑦ ᐃᓱᒪᓕᕆᓂᕐᒧᑦ ᐱᔨᑦᑎᕋᐃᓂᖅ ᐅᖓᓯᒌᒃᑐᓂᒃ ᓄᓇᓕᖕᓂᑦ ᐅᓂᒃᑳᓕᐅᕐᓂᕐᓗ ᖃᓄᐃᓕᕐᓂᕆᔭᖓᑦ ᐃᖅᑲᓇᐃᔭᕐᕕᐊᓂᒃ 2015-ᒥᑦ ᐅᑭᐅᖅᑕᖅᑐᒥᑦ ᓯᕗᓕᖅᑏᑦ ᑲᑎᒪᑎᓪᓗᒋᑦ. 

ᐃᒡᓗᓕᕆᓂᖅ 

ᓯᕗᓕᖅᑏᑦ ᑎᒃᑯᐊᖅᓯᒪᕗᑦ ᐊᑐᐃᓐᓇᐅᔭᕆᐊᖃᓪᓚᕆᖕᓂᖓᓄᑦ ᖃᓄᐃᖏᑦᑎᐊᕐᓗᑎᑦ ᐊᑭᓕᕈᓐᓇᑦᑎᐊᖅᑐᒥᒃ ᐃᒡᓗᖃᕐᓂᖅ ᐅᑭᐅᖅᑕᖅᑐᒥᐅᓄᑦ ᖃᑕᙳᑎᒌᓄᑦ, ᓄᓇᓕᖕᓂᑦ ᐊᒻᒪ ᑮᓇᐅᔭᓕᕆᓂᖅ ᐅᑭᐅᖅᑕᖅᑐᒥᑦ. 

ᓇᓗᓇᐃᖅᓯᒪᔭᖓᓂᒃ ᐅᑭᐅᖅᑕᖅᑐᒥᑦ ᐱᓇᓱᐊᖅᑕᖓᑦ, ᓯᕗᓕᖅᑏᑦ ᐊᖏᓚᐅᖅᐳᑦ ᑮᓇᐅᔭᒃᓴᖅᑕᖃᑐᐃᓐᓇᕆᐊᖃᕐᓂᖓᓂᒃ ᐅᑭᐅᖅᑕᖅᑐᒥᑦ ᖃᐅᔨᒪᔭᐅᑦᑎᐊᕐᓂᐊᓕᕐᒪᑕ ᓴᓇᓂᒃᑯᑦ ᐸᕐᓇᖅᓯᒪᔭᖓᓂᒃ ᑲᑐᔾᔨᖃᑎᒌᓂᒃᑯᑦ, ᓲᕐᓗ ᐃᒡᓗᓕᕆᓂᖅ, ᑮᓇᐅᔭᒃᓴᖅᑖᕈᑎᐅᓕᕈᓐᓇᕐᓗᓂ, ᐃᖅᑲᓇᐃᔭᒃᓴᓂᒃ ᓴᖅᑭᑎᑦᑎᔪᓐᓇᕋᔭᕐᓗᓂ ᐊᑲᐅᓂᖅᓴᐅᓕᕐᓗᓂᓗ ᐆᒪᓇᓱᐊᕐᓂᕐᒧᑦ. 

ᓯᕗᓕᖅᑏᑦ ᐃᓕᓴᖅᓯᕆᖕᒥᒪᒍᑦᑕᐅᖅ ᐱᓕᕆᐊᖓᑦ ᒐᕙᒪᑐᖃᒃᑐᑦ ᑲᔾᔨᖃᑎᒌᒋᐊᖃᖅᑐᑦ ᐅᑭᐅᖅᑕᖅᑐᒥᑦ ᓴᖏᓂᖅᑖᖅᑎᑦᑎᖃᑦᑕᕐᒪᑕ ᐅᑭᐅᖅᑕᖅᑑᑉ ᐃᒡᓗᖃᖅᑎᑕᐅᖃᑦᑕᕐᓂᖏᓐᓄᑦ, ᓄᓇᓖᑦ ᑮᓇᐅᔭᖃᕐᓂᕐᒧᓪᓗ. 

ᐃᑯᒻᒪᖅᑯᑎᓕᕆᓂᖅ 

ᓯᕗᓕᖅᑏᑦ ᐊᖏᖅᓯᒪᕗᑦ ᓴᓗᒪᓂᖅ, ᑲᔪᓯᑎᑦᑎᐊᕈᓐᓇᕐᓂᖅ, ᐊᑭᓕᕈᓐᓇᖅᑐᒥᑦ ᐃᑯᒻᒪᖅᑯᑎᖃᕐᓂᖅ ᐃᑲᔫᑎᐅᔪᓐᓇᕐᒪᑦ ᑲᒪᑦᑎᐊᕐᓂᒃᑯᑦ ᑮᓇᐅᔭᓕᕆᓂᕐᒧᑦ, ᐅᑭᐅᖅᑕᖅᑐᒥᐅᑕᓄᑦ ᖃᓄᐃᖏᑦᑎᐊᕈᓐᓇᖁᓗᒋᑦ, ᓯᕗᒻᒪᒃᓴᐃᑦᑎᐊᕈᓐᓇᕐᒪᓗ ᑮᓇᐅᔭᒃᓴᐅᑎᐅᔪᓐᓇᖅᑐᓂᒃ ᐊᒻᒪ ᑮᓇᐅᔭᑦ ᐱᕈᖅᐹᓪᓕᖁᓗᒋᑦ ᐅᑭᐅᖅᑕᖅᑐᒥᑦ. 

ᓯᕗᓕᖅᑏᑦ ᐅᖃᖃᐅᑎᒌᓚᐅᕐᒪᑕ ᐊᑭᓕᕈᓐᓇᖅᑐᒥᑦ ᐃᑯᒻᒪᖅᑯᑎᑖᕆᐊᖃᕐᓂᕐᒥᓄᑦ, ᐱᓗᐊᖅᑐᒥᑦ ᐅᖓᓯᒌᑦᑐᑦ ᓄᓇᓖᑦ, ᐊᑲᐅᖏᓕᕈᑎᖃᓪᓚᕆᒃᑐᓂᒃ ᐊᒃᑐᐃᓯᒪᓂᕆᖏᓐᓄᑦ ᐅᑭᐅᖅᑕᖅᑐᒥᐅᓄᑦ. ᑖᓐᓇ ᐊᑲᐅᖏᓪᓕᕈᑎ ᐃᓱᒪᒋᔭᐅᓯᒪᕗᖅ 2014-ᒥᑦ ᐱᙵᓇᕐᒥᑦ ᓯᕗᓕᖅᑏᑦ ᑲᑎᒪᑎᓪᓗᒋᑦ ᐃᖃᓗᖕᓂᑦ ᑲᑎᒪᒃᑲᓐᓂᖅᑎᓪᓗᒋᑦ ᑲᓇᑕᒥᑦ ᓯᕗᓕᖅᑏᑦ ᐱᓇᓱᐊᕈᓯᐅᓚᐅᖅᑐᒥᑦ ᓴᓕᑦᑖᐅᓐᒥᑦ. ᓯᕗᓕᖅᑏᑦ ᐊᒃᓱᕈᑎᖃᖅᑕᓯᒪᕗᑦ ᐱᓕᕆᖃᑎᒌᒋᐊᖃᓪᓚᕆᖕᓂᕐᒥᑦ ᐊᔾᔨᒌᖏᑦᑐᒥᑦ ᐃᓚᖏᓐᓂᒃ, ᐱᖃᓯᐅᑎᕗᖅ ᐊᕙᑎᓕᕆᓂᕐᒧᑦ ᐊᔾᔨᒌᖏᑦᑐᓂᒡᓗ ᐃᑯᒻᒪᖅᑯᑎᓂᒃ. ᓇᓗᓇᐃᖅᓯᓚᐅᖅᐳᑦ ᐃᑯᒻᒪᖅᑎᐅᑉ ᐊᑲᐅᖏᓕᐅᕈᑎᖏᓐᓂᒃ ᑕᐃᑲᓂ ᐅᑭᐅᖅᑕᖅᑐᒥᑦ ᐱᓇᓱᐊᖅᑕᖓᑦ. 

ᐅᑭᐅᖅᑕᖅᑐᒥᑦ ᑲᑐᔾᔨᑎᖃᑎᒌᖕᓂᖅ 

ᓯᕗᓕᖅᑏᑦ ᐅᖃᖃᐅᑎᒌᓚᐅᖅᐳᑦ ᓄᑖᙳᖅᑎᑕᐅᔭᕆᐊᖃᓪᓚᕆᖕᓂᖓ ᑲᑐᔾᔨᖃᑎᒌᖕᓂᒃᑯᑦ ᐱᕙᓕᐊᑎᑦᑎᓂᕐᒧᑦ ᑲᓇᑕᐅᑉ ᐅᑭᐅᖅᑕᖅᑐᖓᓂᒃ. ᐅᑭᐅᖅᑕᖅᑐᒥᑦ ᓄᓇᓕᒐᓚᐃᑦ ᖃᖓᑕᓲᓂᒃ ᐊᑐᓪᓚᕆᖕᒪᑕ ᐅᒥᐊᕐᒧᓗ ᐃᖏᕋᔪᓕᕆᓂᕐᒧᑦ ᐱᔨᑦᑎᕋᐃᓂᒃᑯᑦ, ᐊᖅᑯᑎᓂᒡᓗ ᐊᑐᓗᐊᕈᓐᓇᖏᓐᓂᖏᓐᓄᑦ. ᐊᖅᑯᑎᑦ ᐊᕐᕌᒍᓕᒫᒧᑦ ᓴᓇᐅᔭᐅᔪᓐᓇᕆᐊᖃᕐᓂᖓ, ᐅᒥᐊᓂᒃ ᐊᑐᖅᑕᐅᔪᓐᓇᖅᑐᓂᒃ ᐊᒻᒪ ᓇᒧᙵᐅᓂᐊᕐᓂᕆᔭᖓᑦ ᓇᓗᓇᐃᔭᐅᑎᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂᒃ ᐃᑲᔫᑎᐅᔭᕆᐊᖃᓪᓚᕆᒃᑐᑦ ᐱᕙᓕᐊᑎᑦᑎᓂᒃᑯᑦ ᐅᑭᐅᖅᑕᖅᑐᒥᑦ ᐱᕙᓕᐊᔾᔪᑎᖃᐅᑐᒪᕆᐅᓂᖓ. ᐊᑦᑕᕐᓇᖅᑐᒥᑦᑐᓐᓂᖅᐹᓕᕈᓐᓇᖅᐳᖅ ᐊᒻᒪ ᐊᑑᑎᔪᓐᓇᖅᑐᓂᒃ ᓴᓇᔪᓕᕆᔭᕆᐊᖃᓪᓚᕆᒃᑐᒥᑦ ᐊᒻᒪ ᓄᓇᓕᖕᓂᑦ ᐅᒥᐊᑦ ᐊᑐᓕᒃᑲᓐᓂᖁᓗᒍ ᐊᑐᐃᓐᓇᐅᔪᓐᓇᖅᑐᓂᒃ ᐊᐅᓚᑦᑎᔨᒻᒪᕆᓄᑦ. ᐃᓚᓗᒍ, ᓯᕗᓕᖅᑏᑦ ᓇᓗᓇᐃᖅᓯᒪᔭᖓᑦ ᐊᒃᑐᕆᐊᖃᓪᓚᕆᖕᓂᕐᓂᖓ ᖃᕋᓴᐅᔭᒃᑯᑦ ᐅᖃᖃᑎᒌᒍᓐᓇᖅᓯᖁᓗᒋᑦ ᐅᑭᐅᖅᑕᖅᑐᒥᐅᓄᑦ ᓇᖕᒥᓂᖃᖅᑎᓄᓪᓗ ᓄᓇᓕᖕᓂᑦ. 

ᓯᕗᓕᖅᑏᑦ ᓇᓗᓇᐃᖅᓯᒪᒋᕗᑦ ᑮᓇᐅᔭᒃᓴᐅᑎᔪᓐᓇᖅᑐᓂᒃ ᒐᕙᒪᑐᖃᒃᑯᓐᓄᑦ ᑲᔫᓯᓐᓇᖁᓗᒋᑦ ᐅᑭᐅᖅᑕᖅᑐᒥᑦ ᑲᑐᔾᔨᖃᑎᒌᖕᓂᒃᑯᑦ. ᐅᖃᖅᓯᒪᕗᑦ ᑲᑐᔾᔨᖃᑎᒌᑦᑎᐊᕆᐊᖃᕐᓂᖅ ᖃᕋᓴᐅᔭᕐᓄᑦ ᐱᕙᓪᓕᐊᖁᓪᓗᒋᑦ ᐅᑭᐅᖅᑕᖅᑐᒥᑦ, ᐃᑲᔫᑎᐅᔪᓐᓇᖅᑐᓂᒃ ᐅᑭᐅᖅᑕᖅᑑᑉ ᓄᓇᓕᖕᓂᒃ ᑲᓇᑕᒥᒡᓗ. 

ᐅᑭᐅᖅᑕᖅᑐᒥᑦ ᑲᑎᒪᔨᖏᑦ 

ᑭᖑᓕᐅᑎᓪᓗᒍ ᐊᕝᕙᖓᓂᒃ ᑲᓇᑕᐅᑉ ᐃᓯᕙᐅᑕᕆᔪᓐᓇᖅᑕᖓᓂᒃ ᐅᑭᐅᖅᑕᖅᑑᑉ ᑲᑎᒪᔨᖏᑦ ᐱᕙᓪᓕᐊᑎᑦᑎᓂᕆᖓᓂᒃ ᒥᓂᔅᑕᓪᓗ ᑲᑎᒪᓂᕆᔭᖓᑦ ᐅᐸᓗᖓᐃᔭᖅᑕᖏᑦ, ᓯᕗᓕᖅᑏᑦ ᓱᓕᓂᐊᓂᕆᒃᑲᓐᓂᖅᑕᖏᑦ ᐱᓇᓱᐊᖅᑕᖏᓐᓄᑦ ᐱᓕᕆᖃᑎᖃᕐᓂᖅ ᑲᓇᑕᒥᑦ ᐅᑭᐅᖅᑕᖅᑐᑦ ᓯᕗᓪᓕᐅᔾᔨᔭᖏᓐᓂᒃ ᑲᔪᓯᖁᓗᒍ ᑐᕌᒐᖏᓐᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂᒃ ᑲᑎᒪᔨᒌᑦ ᐱᓕᕆᐊᖏᓐᓂᒃ. ᐅᑭᐅᖅᑕᖅᑐᒥᑦ ᐱᓇᓱᐊᖅᑕᖓᑦ ᓇᓗᓇᐃᖅᓯᒪᕗᑦ, ᓯᓚᕐᔪᐊᒥᐅᑦ ᐅᑭᐅᖅᑕᖅᑐᒥᐅᖃᑎᖏᑦ ᑲᑎᒪᖃᑕᐅᔭᕆᐊᖃᓪᓚᕆᒃᐳᑦ. 

ᓯᕗᓕᖅᑏᑦ ᐊᓕᐊᓇᐃᒍᓱᒃᐳᑦ ᑲᓇᑕᒥᐅᑉ ᐃᒃᓯᕙᐅᑕᐅᓂᐊᕐᓂᕆᔭᖓᑦ ᑲᑎᒪᓂᐅᓂᐊᖅᑐᒥᒃ ᐅᑭᐅᖅᑕᖅᑐᒥᑦ. ᓯᕗᓕᖅᑏᑦ ᑲᓇᑕᒥᐅᑉ ᑲᔪᓰᓐᓇᖁᓗᒋᑦ ᐱᖃᑕᐅᓗᑎᑦ ᐅᑭᐅᖅᑕᖅᑑᑉ ᒐᕙᒪᖏᓐᓂᒃ ᐅᑭᐅᖅᑕᖅᑑᑉ ᑲᑎᒪᔨᖏᑦ ᐱᓕᕆᐊᖃᕐᓗᑎᑦ. ᓯᕗᓕᖅᑏᑦ ᐱᓇᓱᐊᖃᑕᐅᒋᕗᑦᖅ ᐱᓕᕆᖃᑎᖃᕐᓗᑎᑦ ᑲᓇᑕᒥᑦ ᒪᒃᑯᒃᑐᑦ ᐅᐸᓗᖓᐃᔭᖃᑕᐅᓗᑎᑦ ᐅᑭᐅᖅᑕᖅᑑᑉ ᑲᑎᒪᔨᖏᓐᓂᒃ. 

ᐅᑭᐅᖅᑕᖅᑐᒥᑦ ᒪᓕᒐᓕᕆᔩᑦ ᓱᖏᐅᑕᐅᓇᓱᒃᑐᓂᒃ ᐸᕐᓇᐅᑎ 

ᓯᕗᓕᖅᑏᑦ ᓇᓗᓇᐃᖅᑕᐅᓚᐅᕆᐅᕗᑦ ᐅᑭᐅᖅᑕᖅᑐᒥᑦ ᒪᓕᒐᓕᕆᔩᑦ ᓱᖏᐅᑕᐅᓇᓱᒃᑐᓂᒃ ᐸᕐᓇᐅᑎᐊᓂᒃ, ᓯᕗᓕᕐᒥᒃ ᓴᖅᑭᑕᐅᓚᐅᖅᑐᖅ 2011-ᒥᑦ ᐅᑭᐅᖅᑕᖅᑐᒥᑦ ᓯᕗᓕᖅᑏᑦ ᑲᑎᒪᑎᓪᓗᒋᑦ. ᐱᓇᓱᐊᖅᑕᖓᑦ, ᐱᕈᖅᐸᓪᓕᐊᓚᐅᖅᓯᒪᕗᖅ ᓯᕗᓂᐊᓂ ᐅᑭᐅᖅᑕᖅᑐᒥᑦ ᐱᓇᓱᐊᖅᑕᖏᓐᓂᒃ, ᑲᑐᔾᔨᖃᑎᒌᓕᓚᐅᖅᓯᒪᕗᑦ ᐱᖓᓱᓂᒃ ᐅᑭᐅᖅᑕᖅᑐᒥᐅᑕᕐᓂᒃ ᑐᕌᒐᕆᓪᓗᓂᒋᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ ᐊᑲᐅᖏᓕᐅᕈᑎᑦ ᓇᓗᓇᐃᖅᑕᐅᓗᑎᒡᓗ ᐱᓕᕆᐊᕆᔭᐅᒐᔪᒃᑐᑦ ᐊᒻᒪ ᐊᑐᖅᑕᐅᓂᐊᖅᑐᑦ ᑭᓇᓱᐊᕐᓗᑎᑦ ᑐᐊᕕᕐᓇᖅᑑᖃᑦᑕᖅᑎᓪᓗᒍ. ᑖᓐᓇ ᑲᑐᔾᔨᖃᑎᒌᖕᓂᖅ ᑲᔪᓰᓐᓇᕐᓂᐊᖅᐳᖅ ᐱᓕᕆᐊᖑᔭᕆᐊᖃᓪᓚᕆᒃᑐᒥᒃ ᑐᕌᒐᕆᓗᓂᐅᒃ ᐊᒃᓱᕈᕐᓇᖅᑑᖃᑦᑕᕐᓂᖓ ᓯᓚ ᐊᓯᔾᔨᖅᐸᓪᓕᐊᓂᖓ ᐊᑲᐅᖏᓕᐅᕈᑎᐊᓂᒃ, ᓯᕗᓕᖅᑎᓪᓗ ᓂᕆᐅᒃᐳᑦ ᐱᓛᕐᓂᕆᔭᖏᓐᓂᒃ ᓯᕗᓂᒃᓴᒧᑦ ᑐᓴᐅᒪᑎᑕᐅᓛᕐᓂᕆᔭᖏᓐᓂᒃ. 

ᑭᖑᓪᓕᕐᒥᑦ ᑲᑎᒪᓛᖅᑐᑦ 

ᓯᕗᓕᖅᑎᑦ ᑕᑉᑑᓇ ᓇᓗᓇᐃᖅᓯᓚᐅᖅᐳᖅ 2015-ᒥᑦ ᐅᑭᐅᖅᑕᖅᑐᒥᑦ ᓯᕗᓕᖅᑏᑦ ᑲᑎᒪᓛᕐᓂᕆᔭᒥᓂᒃ ᓄᓇᕗᒥᑦ. 

ᐅᓇ ᓇᕿᓪᓗᒍ ᐅᖃᓕᒫᒃᑲᓐᓂᕆᑦ www.anorthernvision.ca/northernvision.html