ᐅᖃᓚᐅᑎᓯᐅᑏᑦ

You are here

(QEC)-ᑯᑦ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᑦ ᐊᖏᖃᑎᒌᒍᑎᖏᑦ ᐊᖏᖅᑕᐅᕗᑦ

ᐊᒐᓯ 20, 2015

ᑐᓴᒐᒃᓴᖅ ᓴᖅᑭᑕᐅᔪᖅ

ᓴᖅᑭᑕᐅᑲᐅᑎᒋᔭᕆᐊᓕᒃ

(QEC)-ᑯᑦ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᑦ ᐊᖏᖃᑎᒌᒍᑎᖏᑦ ᐊᖏᖅᑕᐅᕗᑦ

ᐃᖃᓗᐃᑦ, ᓄᓇᕗᑦ (ᐋᒡᒌᓯ 20, 2015) – ᑖᒃᑯᐊ ᓄᓇᕗᑦ ᒐᕙᒪᒃᑯᖏᑦ (GN) ᐅᓪᓗᒥ ᐊᖏᖅᓯᖅᑲᐅᕗᑦ ᑖᔅᓱᒥᖓ ᓄᑖᒥᒃ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᑦ ᐊᖏᖃᑎᒌᒍᑎᖓᓂᒃ ᑖᒃᑯᐊ ᖁᓪᓕᖅ ᐆᒻᒪᖅᑯᓯᓕᕆᔨᒃᑯᑦ ᑯᐊᐳᕇᓴᓐᑯᖏᑦ (QEC) ᐊᒻᒪ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᒃᑯᖏᑦ (NEU)-ᑯᑦ. ᑖᓐᓇ ᐊᖏᖃᑎᒌᒍᑕᐅᓚᐅᖅᓯᒪᔪᖅ ᐃᓱᓕᕝᕕᖃᓚᐅᖅᐳᖅ ᑎᓯᐱᕆ 31, 2013-ᒥ. ᑖᓐᓇ ᐊᖏᖃᑎᒌᒍᑕᐅᓂᑯ ᐊᖏᖅᑕᐅᓪᓗᓂ (NEU)-ᑯᓐᓂᑦ ᐋᒡᒌᓯ 14, 2015-ᖑᑎᓪᓗᒍ. ᑖᓐᓇ ᓄᑖᖅ ᐊᕐᕌᒍᓄᑦ ᐱᖓᓱᓄᑦ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᑦ ᐊᖏᖃᑎᒌᒍᑎᒋᔭᖓᑦ ᐅᖃᖅᓯᒪᓂᖃᖅᐳᖅ ᓱᓕᔪᒥᒃ ᐃᖅᑲᓇᐃᔭᖅᑏᑦ ᑮᓇᐅᔾᔭᒃᓵᖏᑦ ᐊᑭᑦᑐᕆᐊᕐᓂᐊᕐᓂᕋᖅᓯᒪᓪᓗᑎᒃ (2%)-ᒥᒃ ᐊᕐᕌᒍᒥ ᓯᕗᓪᓕᖅᐹᒥᒃ ᐊᒻᒪᓗ (1.5%)-ᒥᒃ ᑭᖑᓪᓕᕐᒥᒃ ᐊᒻᒪ ᐱᖓᔪᐊᓐᓂ ᐊᕐᕌᒍᓂ.

"(QEC)-ᑯᑦ ᐊᑐᐃᓐᓇᐅᑎᑦᓯᔪᑦ ᐊᑭᑦᑐᕆᐊᕈᑎᓂᒃ (NEU)-ᑯᓐᓄᑦ ᓄᖅᑲᕈᓐᓇᖁᓪᓗᒋᑦᑦ ᓄᖅᑲᖓᑲᐃᓐᓇᕐᓂᕆᔭᖏᓐᓂᒃ ᐊᒻᒪᓗ ᐃᖅᑲᓇᐃᔭᖅᑎᖏᑦ ᐅᑎᕈᓐᓇᖅᓯᖁᓪᓗᒋᑦ ᐃᑲᔪᕐᓂᖃᑦᑎᐊᓕᖁᓪᓗᒋᓪᓗ ᓈᒻᒪᒃᑐᒥᒃ ᐊᑐᒐᒃᓴᑦᑎᐊᕙᖕᒥᒃ ᐆᒻᒪᖅᑯᑎᓂᒃ ᐱᖃᑦᑎᐊᖁᓪᓗᒋᑦ ᓄᓇᕗᒻᒥᐅᑦ," ᐅᖃᖅᓯᒪᔪᖅ ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ ᐊᒻᒪ ᒥᓂᔅᑕ ᐊᐅᓚᑦᑎᓪᓗᓂ ᖁᓪᓕᖅ ᐆᒻᒪᖅᑯᓯᓕᕆᔨᒃᑯᑦ ᑯᐊᐳᕇᓴᒃᑯᖏᓐᓂᒃ, ᑮᑦ ᐲᑐᓴᓐ. "ᑖᓐᓇ ᓄᑖᖅ ᐊᖏᖃᑎᒌᒍᑎ, ᑲᑎᙵᓪᓗᓂ ᑖᔅᓱᒧᖓ ᒫᓐᓇ ᐱᖃᑦᑕᕇᖅᑕᖏᓐᓄᑦ ᐃᑲᔫᑎᓄᑦ ᐊᒻᒪ (QEC)-ᑯᑦ ᐃᖅᑲᓇᐃᔭᖅᑎᖁᑎᖏᑕ ᐃᒡᓗᒋᕙᒃᑕᖏᓐᓄᑦ, ᒫᓐᓇ ᐊᒃᓱᐊᓗᒃ ᐱᓕᐅᑎᖃᑕᐅᓇᓱᐊᓪᓚᕆᖕᓂᖃᖅᐳᖅ ᑮᓇᐅᔭᓕᐅᕐᕕᐅᓇᓱᒃᐸᒃᑐᓂ."

"(QEC)-ᑯᑦᖁᔭᓕᔪᑦᑦ ᐱᔨᑦᑎᖅᓯᕋᕐᕕᒋᕙᑦᑕᖏᓐᓄᑦᑦ ᕿᓄᐃᓵᕐᓂᖏᓐᓄᑦ ᑐᑭᓯᐅᒪᓂᖏᓐᓄᓪᓗ ᕿᑲᑲᐃᓐᓇᕐᓂᕆᔭᕗᑦ ᐊᑐᖅᑎᓪᓗᑎᒍ," ᐅᖃᖅᓯᒪᔪᖅ (QEC)-ᑯᑦ ᓯᕗᓕᖅᑎᖓᑦ ᐲᑕ ᑐᒧᓪᑎ.

ᓇᓗᓇᐃᔭᖅᓯᒪᔪᑦ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᑦ ᐊᖏᖃᑎᒌᒍᑎᖏᑦ ᑭᒃᑯᓕᒫᓄᑦ ᑐᓴᖅᑎᑦᑎᔾᔪᑕᐅᔪᓐᓇᖅᓯᓂᐊᖅᑐᖅ ᐱᔭᕇᖅᑕᐅᑦᑎᐊᖅᐸᑕ.

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:
ᓈᑕᓕ ᓴᐃᕝ-ᔪᐊ
ᑐᑭᒧᐊᒃᑎᑦᑎᔨ ᐊᓪᓚᕝᕕᓕᕆᔨᓄᑦ
ᖁᓪᓕᖅ ᐆᒻᒪᖅᑯᓯᓕᕆᔨᒃᑯᑦ ᑯᐊᐳᕇᓴᖏᓐᓂ
867-979-7532
nchafe-yuan@qec.nu.ca

ᔮᓂᔅ ᖃᐅᓐᓂᖅ
ᑐᓴᐅᒪᖃᑦᑕᐅᑎᔪᓕᕆᔨᒻᒪᕆᒃ
ᑮᓇᐅᔭᓕᕆᔨᒃᑯᑦ
867-975-6821
jqaunirq@gov.nu.ca