ᐅᖃᓚᐅᑎᓯᐅᑏᑦ

You are here

ᓴᓇᙳᐊᒐᕐᓂᒃ ᓂᐅᕕᐊᒃᓴᖃᕐᓂᖅ ᒪᑭᒋᐊᕐᕕᖕᒥ

ᔪᓚᐃ 15, 2015

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ 

ᓴᓇᙳᐊᒐᕐᓂᒃ ᓂᐅᕕᐊᒃᓴᖃᕐᓂᖅ ᒪᑭᒋᐊᕐᕕᖕᒥ 

ᓴᓇᙳᐊᒐᕐᓂᒃ ᓂᐅᕕᐊᒃᓴᖃᖃᑦᑕᓛᖅᑐᑦ ᒪᑭᒋᐊᕐᕕᖕᒥ ᑭᒃᑯᑐᐃᓐᓇᕐᓄᑦ ᐅᒃᑯᐃᖓᕙᒡᓗᓂ ᐅᓪᓗᑐᐃᓐᓇᒃᑯᑦ 2-ᒥᑦ ᐅᓐᓄᒃᓴᒃᑯᑦ 4:30-ᒧᑦ ᒪᑭᒋᐊᕐᕕᐅᑉ ᐅᑕᖅᑭᕝᕕᖓᓂ. 

ᒪᑭᒋᐊᕐᕕᐅᑉ ᓴᓇᙳᐊᒐᓕᕆᓂᕐᒧᑦ ᐱᓕᕆᐊᖓ ᐱᕕᖃᖅᑎᑦᑎᕗᖅ ᐃᓄᐃᑦ ᐱᖅᑯᓯᖓᒍᑦ ᓴᓇᙳᐊᕐᓂᕐᒥᑦ, ᑎᒍᔭᐅᒪᔪᓂᒡᓗ ᑮᓇᐅᔾᔭᒃᓴᐃᔪᓐᓇᖅᑎᑦᑎᕙᒃᖢᓂ ᐃᑲᔪᖅᓯᕐᓗᓂᒋᓗ ᐃᓚᖏᑦ ᑎᒍᔭᐅᒪᒐᓗᐊᖅᑎᓪᓗᒍ. 

ᐱᖅᑯᓯᖅᑎᒍᑦ ᓴᓇᙳᐊᕐᓂᖅ ᒪᒥᓴᕈᑕᐅᖃᑦᑕᕐᓂᕋᖅᑕᐅᕗᖅ ᓴᓇᙳᐊᖅᑎᓄᑦ ᒪᑭᒋᐊᕐᕕᖕᒥ, ᑎᒍᔭᐅᒪᔪᓄᓪᓗ ᓇᓂᓕᒫᖅ ᓴᓇᙳᐊᒐᓕᕆᓂᕐᒧᑦ ᐱᓕᕆᐊᒥᑦ ᐃᓚᐅᔪᓄᑦ. ᓴᓇᙳᐊᒐᓕᕆᓂᕐᒧᑦ ᐱᓕᕆᐊᖃᖃᑕᐅᓪᓗᓂ ᑎᒍᔭᐅᒪᔪᑦ ᐅᖃᖃᑎᒌᖃᑦᑕᖅᐳᑦ, ᓴᓇᖃᑦᑕᖅᐳᑦ, ᐃᓱᒪᒋᔭᒥᖕᓂᓪᓗ ᐅᖃᓪᓚᒃᐸᒃᖢᑎᒃ ᑕᐅᑐᙳᐊᖅᑕᒥᖕᓂᓪᓗ ᐊᓯᖏᓐᓄ, ᐃᓕᓐᓂᐊᖃᑎᒌᒃᐸᒃᑭᓪᓗᑎᒃ. 

ᑮᓇᐅᔭᓕᐊᑦ ᓴᓇᙳᐊᖅᑎᓄᐊᖅᐸᓪᓕᐊᓂᐊᖅᑐᑦ ᐊᒻᒪᓗ ᑎᒍᔭᐅᒪᔪᑦ-ᐃᓅᓯᖃᑦᑎᐊᕐᓂᕐᒧᑦ ᐃᑲᔫᑕᐅᕙᒃᖢᑎᒃ ᐃᓕᓐᓂᐊᒐᒃᓴᓄᑦ ᐊᑭᓕᕆᐊᓕᖕᓄ ᒪᑭᒋᐊᕐᕕᖕᒥ ᐊᑐᖅᑕᐅᓂᐊᖅᑐᓂᒃ. 

ᑮᓇᐅᔭᓕᐊᑦ ᐃᑲᔪᕈᓐᓇᖅᑐᑦ ᓴᓇᙳᐊᖅᑎᓂᒃ ᓴᓂᕐᕙᐃᓇᓱᐊᖅᑎᓪᓗᒋᑦ ᐸᕐᓇᐅᑎᓕᐅᖅᑎᓪᓗᒋᓪᓗ ᓯᕗᓂᒃᓴᒥᖕᓄ ᑎᒍᔭᐅᒪᔭᐅᕌᓂᒃᑯᑎᒃ. 

ᐊᐅᒃᑕᔫᑦ ᐊᒻᒪᓗ ᑮᓇᐅᔭᑦ ᐊᔪᙱᑎᑕᐅᔪᑦ. 

### 

ᑐᓴᒐᒃᓴᒧᑦ ᑐᑭᓯᒋᐊᕐᕕᒃ: 

ᓯᑏᕙᓐ ᒫᓐᓱᓪ 
ᑐᑭᒧᐊᒃᑎᑦᑎᔨ ᐊᑐᐊᒐᓕᕆᓂᕐᒧᑦ
ᐸᕐᓇᐃᓂᕐᒧᓪᓗ ᒪᓕᒐᓕᕆᔨᒃᑯᑦ 
867-975-6325
SMansell@gov.nu.ca