ᓯᕗᓕᖅᑎ ᓴᕕᑲᑖᖅ ᐃᒃᐱᒍᓱᑦᑎᐊᕐᓂᖓᓂ ᐅᖃᐅᓯᖃᖅᐳᖅ ᑰᐊᓴᔅ ᐊᓪᓚᐃᑦ ᓄᓇᖃᖅᑳᖅᓯᒪᔪᓂᑦ

ᐅᖃᐅᓯᐅᔪᑦ

ᓯᕗᓕᖅᑎ ᓴᕕᑲᑖᖅ ᐃᒃᐱᒍᓱᑦᑎᐊᕐᓂᖓᓂ ᐅᖃᐅᓯᖃᖅᐳᖅ ᑰᐊᓴᔅ ᐊᓪᓚᐃᑦ ᓄᓇᖃᖅᑳᖅᓯᒪᔪᓂᑦ

ᐊᕐᕕᐊᑦ, ᓄᓇᕗᑦ (ᔫᓂ 24, 2021) - ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᐅᖃᐅᓯᒃᓴᖃᖅᐳᖅ ᐅᑯᓂᖓ:

"ᐃᒃᐱᒍᓱᖃᑎᒋᑦᑎᐊᖅᐸᕗᑦ ᓴᙱᔫᖃᑎᒋᓪᓗᒋᓪᓗ ᑰᐊᓴᔅ ᐊᓪᓚᐃᑦ ᓄᓇᖃᖅᑳᖅᓯᒪᔪᑦ ᑕᐃᒃᑯᐊᓗ ᐊᒃᑐᖅᑕᐅᓯᒪᔪᓕᒫᑦ ᑖᒃᑯᓂᖓ ᓇᓂᔭᐅᓚᐅᖅᑐᓂᑦ ᒧᕆᕕᐅᓪ ᐊᓪᓚᐃᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᕕᖓᓂ.

ᓄᓇᖃᖅᑳᖅᓯᒪᔪᑦ ᐃᓄᐃᑦ ᖃᔅᓯᐊᓗᖕᓂ ᓱᓕ ᓇᓂᓯᓂᐊᖅᐹᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓂᑦ ᐃᓗᕕᖅᑕᐅᓯᒪᔪᓂᑦ? ᐅᐊᑲᓪᓚᓗᐊᖑᐊᓂᓚᐅᖅᐳᖅ ᕿᑐᕐᙵᕗᑦ ᑎᒡᓕᒃᑕᐅᖃᑦᑕᓕᖅᑎᓪᓗᒋᑦ 1883−ᒥ ᐱᒋᐊᓚᐅᖅᓯᒪᓪᓗᓂ.

ᓄᓇᖃᖅᑳᖅᓯᒪᔪᑦ, ᐃᓄᐃᑦ, ᐊᒻᒪ ᐊᓪᓚᖓᔪᑦ ᓱᓕᔪᒥᒃ ᑐᓴᖅᑎᑕᐅᔭᕆᐊᖃᖅᐳᑦ. ᑕᒪᐃᓐᓂᓕᒫᑦᑎᐊᖅ.

ᒪᒥᐊᕝᕕᐅᔭᕆᐊᖃᖅᐳᒍᑦ. ᑭᒃᑯᓕᒫᑦᑎᐊᓂᒃ, ᐃᓚᒋᔭᐅᖃᑦᑕᓚᐅᖅᑐᓂᒃ, ᑕᐅᓴᖏᓐᓃᑦᑐᓂᑦ ᐊᒃᑐᖅᑕᐅᓯᒪᔪᓂᑦ ᐃᓚᒌᓂᑦ ᓄᓇᖅᑲᑎᒌᓂᓪᓗ.

ᐃᖅᑲᖅᑐᐃᕕᓕᕆᔭᕆᐊᖃᖅᐳᒍᑦ. ᓱᓕᔪᒥᒃ, ᐃᖅᑲᖅᑐᐃᕕᓕᕆᓪᓚᑦᑖᕐᓗᑕ ᑎᒡᓕᒃᑕᐅᓯᒪᔪᓄᑦ ᓄᑕᖅᑲᓄᑦ ᐊᒻᒪ ᓱᕋᒃᑕᐅᓯᒪᔪᓄᑦ ᐃᓚᒌᓄᑦ.

ᑕᑎᒋᔭᐅᔪᓐᓇᕆᐊᖃᖅᐳᒍᑦ. ᐃᕐᖐᓐᓈᖅ ᑕᑎᒋᔭᐅᔪᓐᓇᕐᓗᑕ ᑕᐃᒪᐃᓕᐅᓚᐅᖅᑐᓕᒫᓄᑦ.

ᐃᓱᒪᒋᔪᓐᓇᐃᖃᑎᒌᒋᐊᖃᖅᐳᒍᑦ. ᐱᓪᓚᕆᒃᑐᒥᒃ, ᐃᓱᒪᒋᔪᓐᓇᐃᖃᑎᒌᓪᓚᕆᒡᓗᑕ ᐱᓕᕆᐊᒃᓴᑦᑎᓐᓂ ᐱᔭᕆᐊᖃᖅᑕᑦᑎᓐᓂᓗ ᑐᙵᕕᖃᕐᓗᑕ.

ᐋᖅᑭᒋᐊᕆᐊᖃᖅᐳᒍᑦ. ᑐᑭᖃᑦᑎᐊᖅᑐᒥᒃ, ᐋᖅᑭᒋᐊᑦᑎᐊᕐᓗᑕ.

ᐊᓯᔾᔩᔭᕆᐊᖃᖅᐳᒍᑦ. ᐊᔾᔨᒌᒃᑎᑕᐅᓕᕐᓗᑕ ᐊᔾᔨᒌᒥᒡᓗ ᐱᕕᒃᓴᖃᓕᕐᓗᑎᒃ ᑕᒪᕐᒥᒃ ᓄᓇᖃᖅᑳᖅᓯᒪᔪᑦ ᐃᓄᐃᑦ ᑲᓇᑕᒥ, ᒫᓐᓇ. ᓄᑕᕋᓕᒫᑦᑎᐊᑦ ᐱᒻᒪᕆᐅᖕᒪᑕ. ᑕᐃᔅᓱᒪᓂ, ᒫᓐᓇ ᖃᖓᓕᒫᖅ.

ᑖᓐᓇ ᐋᓐᓂᕐᓇᖅᑐᖅ, ᑲᑉᐱᐊᓇᖅᑐᒻᒪᕆᐊᓗᒃ ᖃᓄᐃᓕᐅᕈᑕᐅᒃᑲᓐᓂᖅᑐᖅ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᑲᓇᑕᒥ, ᑭᖑᕚᕇᓄᑦ ᖁᐊᖅᓵᕐᓇᖅᑐᒃᑰᖅᓯᒪᔪᑦ ᐋᓐᓂᕐᓇᖅᑐᒃᑰᖅᓯᒪᔪᓪᓗ ᖄᒃᑲᓐᓂᐊᒍᑦ. ᐃᑲᔪᖅᑕᐅᔭᕆᐊᖃᕈᕕᑦ, ᐅᖄᓚᔪᓐᓇᖅᐳᑎᑦ ᐊᓪᓚᐃᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕆᐊᖅᐸᓚᐅᖅᑐᑦ ᐅᖄᓚᕝᕕᖓᓄᑦ 1-866-925-4419−ᒧᑦ, ᖃᖓᓕᒫᑦᑎᐊᖅ, ᐱᓇᓱᐊᕈᓯᓕᒫᑦᑎᐊᖅ ᐅᖄᓚᕝᕕᒃᓴᖅ."

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
cmacleod@gov.nu.ca