ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᓴᕕᑲᑖᖅ ᑭᐅᔪᖅ ᒐᕙᒪᑐᖃᒃᑯᑦ ᐳᕙᒃᓗᖕᓇᒥ ᒪᒥᐊᓐᓂᖓᓄᑦ

ᒫᑦᓯ 08, 2019

ᐅᖃᐅᓯᐅᔪᖅ

ᓯᕗᓕᖅᑎ ᓴᕕᑲᑖᖅ ᑭᐅᔪᖅ ᒐᕙᒪᑐᖃᒃᑯᑦ ᐳᕙᒃᓗᖕᓇᒥ ᒪᒥᐊᓐᓂᖓᓄᑦ

ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ:

“ᐃᖅᑲᐅᒪᔾᔪᑕᐅᒍᑎᒃᓴᖏᓐᓂ ᐳᕙᒃᓗᖕᓇᖅ ᐃᓄᖕᓄᑦ ᐋᖅᑭᒃᓯᓯᒪᔪᖅ ᑭᖑᕚᕇᓂᑦ ᐋᓐᓂᐊᕐᓂᕐᒥᒃ, ᐊᒃᓱᕈᕐᓇᕐᓂᕐᒥᒃ ᐊᒻᒪ ᕿᒃᓵᖕᓂᕐᒥᒃ. ᓄᓇᕗᒻᒥ, ᑕᒪᒃᑭᑲᓴᒃᑐᑦ ᐃᓚᒌᑦ ᐱᐅᙱᑦᑐᒃᑯᑦ ᐊᒃᑐᖅᑕᐅᓯᒪᔪᑦ ᒐᕙᒪᑐᖃᒃᑯᑦ ᒪᒥᓴᐃᔾᔪᑎᖏᓐᓄᑦ ᐳᕙᒃᓗᒃᑐᓄᑦ ᐋᓐᓂᐊᕕᓕᐊᖅᓯᒪᔪᖁᑎᑦᑎᓐᓄᑦ 1940−ᖏᓐᓂ, 1950−ᖏᓐᓂ ᐊᒻᒪ 1960−ᖏᓐᓂ.

ᓱᓕᔪᖅ ᐅᓄᖅᑐᑦ ᓇᒡᓕᒋᔭᕗᑦ ᐃᓅᔪᓐᓃᖅᓯᒪᔪᑦ ᐃᓄᑑᓪᓗᑎᒃ ᐊᖏᕐᕋᖅᑎᑕᐅᓚᐅᖅᓯᒪᙱᖦᖢᑎᒃᓗ ᓈᒻᒪᒃᑐᒃᑯᑦ ᑕᕝᕙᐅᕗᑏᕐᓂᕐᓄᑦ ᓄᑕᐅᙱᑦᑑᖏᓐᓇᖅᐳᖅ ᒪᒥᐊᓇᐃᓐᓇᕐᖢᓂᓗ.

ᑭᒡᒐᖅᑐᐃᓗᒋᑦ ᒐᕙᒪᒃᑯᑦ ᓄᓇᕗᒻᒥ, ᖁᔭᒋᕙᕋ ᑲᓇᑕᐅᑉ ᐊᖓᔪᖅᑳᕐᔪᐊᖓ ᑖᑦᓱᒧᖓ ᒪᒥᐊᓐᓂᖓᓄᑦ, ᒐᕙᒪᑐᖃᒃᑯᓪᓗ ᐱᓕᕆᐊᖓᓄᑦ ᑕᑎᒋᔭᑦᓴᐅᓂᕐᒥᒃ. ᑕᐃᒪᐃᒃᑲᓗᐊᖅᑎᓪᓗᒍ, ᓱᓕᒻᒪᕆᖕᓂᖓ ᓄᓇᕗᒻᒥ ᐃᓄᐃᑦ ᐋᓐᓂᐊᖅᑐᑦ ᓱᓕ ᑕᕝᕙᙵᑦ ᑖᖅᑐᒦᓐᓇᓚᐅᖅᑐᒥᒃ, ᐊᒃᓱᕈᕐᓇᖅᑐᒃᑰᖏᓐᓇᕐᖢᑎᒃᓗ ᐃᓚᐃᓐᓇᖓᒎᙱᑦᑐᖅ ᐳᕙᒃᓗᖕᓇᒧᑦ.

ᐱᔭᕆᐊᖃᒻᒪᕆᒃᑐᖅ ᑲᓇᑕᒥ ᒐᕙᒪᖓ ᐃᑲᔪᕐᓗᑎᒍᑦ ᐱᑕᖃᕈᓐᓃᖅᑎᓪᓗᒍ ᑖᓐᓇ ᐋᓐᓂᐊᖅ ᒫᓐᓇ − ᑮᓇᐅᔭᖃᖅᑎᑦᑎᒃᑲᓐᓂᕈᑎᒃᑯᑦ ᐊᖏᒃᓕᒋᐊᕐᓗᒍᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᐊᒃᓴᓕᕆᓂᖅ ᒪᒥᓴᐃᓂᕐᓗ, ᓈᒻᒪᒃᑐᓂᒃ ᐃᒡᓗᖃᕐᓃᑦ, ᓄᓇᓕᖕᓂ ᖃᓄᐃᙱᑦᑎᐊᖅᑐᓕᕆᓂᖅ, ᐃᓕᓐᓂᐊᕐᓂᓕᕆᓂᖅ, ᐊᒃᓱᕈᕐᓇᖅᑐᒃᑰᖅᑐᓄᓪᓗ ᑭᐅᒋᐊᕐᓂᖅ. ᐱᓕᕆᐊᕆᔪᓐᓇᙱᑕᕗᑦ ᐃᓄᑑᓗᑕ, ᖃᐅᔨᔭᕆᐊᖃᕐᖢᑎᒍᓪᓗ ᑖᓐᓇ ᑐᕌᒐᖅ, ᐊᑕᐅᑦᑎᒃᑯᑦ.”

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒃᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ
ᓯᕗᓕᖅᑎᐅᑉ ᔫ ᓴᕕᑲᑖᖅ ᑎᑎᕋᕐᕕᐊᓂᑦ
867-975-5059
cmacleod@gov.nu.ca