ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᓴᕕᑲᑖᖅ ᑐᓴᖅᑎᑦᓯᔪᖅ ᐊᓯᔾᔨᕐᓂᖏᓐᓄᑦ ᐊᐅᓚᑦᑎᔨᒻᒪᕇᑦ

ᔪᓚᐃ 19, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓴᖅᑭᖅᑕᐅᑲᐅᑎᒋᔭᕆᐊᓕᒃ

ᓯᕗᓕᖅᑎ ᓴᕕᑲᑖᖅ ᑐᓴᖅᑎᑦᓯᔪᖅ ᐊᓯᔾᔨᕐᓂᖏᓐᓄᑦ ᐊᐅᓚᑦᑎᔨᒻᒪᕇᑦ

ᐃᖃᓗᐃᑦ, ᓄᓇᕗᑦ (ᔪᓚᐃ 19, 2021) − ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᑐᓴᖅᑎᑦᑎᔪᖅ ᐊᓯᔾᔨᕐᓂᖏᓐᓄᑦ ᓄᓇᕗᑦ ᒐᕙᒪᖓᑕ ᐊᐅᓚᑦᑎᔨᒻᒪᕆᖏᑦ.

ᐊᑐᓯᒋᐊᕐᓗᓂ ᓯᑎᐱᕆ 1, ᔨᐊᕝ ᓴᐅᓐ ᓄᒃᑎᕐᓗᓂ ᒥᓂᔅᑕᐅᑉ ᑐᒡᓕᐊ ᑮᓇᐅᔭᓕᕆᔨᒃᑯᓐᓂ ᒥᓂᔅᑕᐅᑉ ᑐᒡᓕᐊ ᒐᕙᒪᓕᕆᔨᒃᑯᓐᓄᑦ, ᐊᒻᒪ ᑖᓐ ᑲᐅᕈᓴᓐ ᓄᒃᑎᕐᓗᓂ ᒥᓂᔅᑕᐅᑉ ᑐᒡᓕᒃᑲᓐᓂᖓᓂᑦ ᒥᓂᔅᑕᐅᑉ ᑐᒡᓕᐊ ᑮᓇᐅᔭᓕᕆᔨᒃᑯᓐᓄᑦ. ᕕᓕᐊᒻ ᒪᒃᑲᐃ, ᒫᓐᓇ ᒥᓂᔅᑕᐅᑉ ᑐᒡᓕᐊ ᒐᕙᒪᓕᕆᔨᒃᑯᓐᓄᑦ, ᕿᒪᐃᓯᔪᖅ ᓄᓇᕘᑉ ᒐᕙᒪᒃᑯᓐᓂ ᐱᔨᑦᑎᕐᓂᕐᒥ ᐃᓚᐅᕝᕕᒋᓕᕐᓗᓂᒋᑦ ᓄᓇᑦᓯᐊᕐᒥ ᒐᕙᒪᖓᑕ ᐊᐅᓚᑦᑎᔨᒻᒪᕆᐅᖃᑕᐅᓂᕐᒧᑦ.

“ᒪᒃᑲᐃ 17−ᓄᑦ ᐊᕐᕌᒍᓄᑦ ᐱᔨᑦᑎᕋᑦᑎᐊᖅᓯᒪᔪᖅ ᑐᓂᓯᒪᓪᓗᓂᓗ ᓄᓇᕗᑦᑎᓐᓄᑦ ᐱᕚᓪᓕᖅᑎᑦᑎᓯᒪᔪᖅ ᒐᕙᒪᑦᑎᓐᓂ ᐊᒃᓱᒻᒪᕆᒃ. ᑭᙴᒪᒋᔭᐅᓂᐊᖅᑐᖅ ᖃᓄᒃᑲᓐᓂᖅ ᖁᔭᓕᔪᒪᔭᕋᐅᒐᓗᐊᖅ ᐱᓕᕆᐊᕆᓵᖅᑕᖓᓄᑦ ᐊᔾᔨᒌᖏᑦᑐᓄᑦ, ᐱᔭᕆᐊᖃᒻᒪᕆᒃᑐᓄᑦ ᐃᖅᑲᓇᐃᔮᓄᑦ,” ᐅᖃᖅᑐᖅ ᔫ ᓴᕕᑲᑖᖅ. “ᓴᐅᓐ ᐊᒻᒪ ᑲᐅᕈᓴᓐ ᑕᒪᒃᑮ ᐃᖅᑲᓇᐃᔭᖅᑎᒋᑯᑖᒃᑕᕗᒃ ᖃᐅᔨᒪᑦᑎᐊᕐᖢᑎᒃ ᓯᕗᓕᖅᓯᓂᕐᒧᓪᓗ ᐱᔪᓐᓇᕐᖢᑎᒃ. ᒫᓐᓇ ᐃᖅᑲᓇᐃᔮᖏᑦ ᑐᑭᒧᐊᕈᑎᖃᑦᑎᐊᖅᑐᑦ ᓄᑖᖅ ᐃᖅᑲᓇᐃᔮᖅᑕᕆᔭᖏᓐᓄᑦ, ᖁᓱᙱᑦᑐᖓᓗ ᐊᔪᙱᑦᑎᐊᕐᓂᐊᕐᓂᖏᓐᓂᒃ ᑎᑭᐅᑎᓕᖅᑎᓪᓗᑕ ᓄᓇᕗᒻᒥ ᓂᕈᐊᕐᓇᒧᑦ, ᐊᒻᒪ ᓄᓇᕗᒻᒥ ᒐᕙᒪᒃᑯᑦ ᓄᒃᑎᖅᑎᓪᓗᒍ ᑭᖑᓕᕐᒧᑦ ᐱᓕᕆᐊᒃᓴᒧᑦ.

ᓴᐅᓐ ᑎᑎᕋᖅᑎᕈᕆᓪᓗᓂ ᒥᓂᔅᑕᐃᓐᓇᐃᑦ ᑲᑎᒪᔨᐅᕝᕕᖓᓄᑦ, ᐊᒻᒪ ᑲᐅᕈᓴᓐ ᓂᕆᐅᖕᓂᐊᖅᑐᖅ ᐃᖅᑲᓇᐃᔮᒧᑦ ᑎᑎᕋᖅᑎ ᑮᓇᐅᔭᕆᓕᕆᓂᕐᒧᑦ ᑲᒪᓂᕐᒧᑦ ᑲᑎᒪᔨᓄᑦ. ᑖᒃᑯᐊ ᐊᓯᔾᔨᖅᑐᑦ ᐊᑐᐃᓐᓇᕐᓂᐊᖅᑐᑦ ᐃᓱᓕᓐᓇᓱᖕᓂᖓᓄᑦ ᑐᕌᖅᑕᕗᑦ ᐱᓕᕆᐊᒃᓴᒧᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
cmacleod@gov.nu.ca