ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᓴᕕᑲᑖᖅ ᑐᓴᖅᑎᑦᑎᔪᖅ ᐊᓯᔾᔨᕐᓂᖏᓐᓄᑦ ᐊᐅᓚᑦᑎᔨᒻᒪᕇᑦ

ᓯᑎᐱᕆ 06, 2019

ᐱᕙᓪᓕᐊᔪᑦ ᓴᖅᑭᑕᑦ

ᓯᕗᓕᖅᑎ ᓴᕕᑲᑖᖅ ᑐᓴᖅᑎᑦᑎᔪᖅ ᐊᓯᔾᔨᕐᓂᖏᓐᓄᑦ ᐊᐅᓚᑦᑎᔨᒻᒪᕇᑦ

ᐊᕐᕕᐊᑦ, ᓄᓇᕗᑦ (ᓯᑎᐱᕆ 6, 2019) − ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᑐᓴᖅᑎᑦᑎᔪᖅ ᐊᓯᔾᔨᕐᓂᖏᓐᓄᑦ ᓄᓇᕗᑦ ᒐᕙᒪᖓᑕ ᐊᐅᒪᑦᑎᔨᒻᒪᕆᖏᑦ.

ᐱᒋᐊᕐᓗᓂ ᓯᑎᐱᕆ 9, 2019:

  • ᖃᐃᖃᑎᒋᓯᒪᖕᒥᔭᕋᑦᑕᐅᖅ ᐅᓪᓗᒥ ᑳᑎ ᐅᒃᐱᒃ, ᒥᓂᔅᑕᐅᑉ ᑐᒡᓕᐊ ᒐᕙᒪᓕᕆᔨᒃᑯᓐᓄᑦ ᒥᓂᔅᑕᒧᑦ ᑐᒡᓕᕆᔭᐅᓂᐊᓕᖅᑐᖅ ᐃᓕᓐᓂᐊᕐᓂᓕᕆᔨᒃᑯᓐᓄᑦ.
  • ᐅᐃᓕᐊᒻ ᒪᑲᐃ, ᒥᓂᔅᑕᐅᑉ ᑐᒡᓕᐊ ᒪᓕᒐᓕᕆᔨᒃᑯᓐᓄᑦ ᒐᕙᒪᓕᕆᔨᒃᑯᑦ ᒥᓂᔅᑕᖓᓐᓄᑦ ᑐᒡᓕᕆᔭᐅᓂᐊᓕᖅᑐᖅ.
  • ᓴᐃᒪᓐ ᐊᕙ ᒪᓕᒐᓕᕆᔨᒃᑯᓄᑦ ᒥᓂᔅᑕᐅᑉ ᑐᒡᓕᐊᓄᑦ ᐃᓇᖏᐅᑎᓯᒪᓗᓂ ᒥᓂᔅᑕᒧᑦ ᑐᒡᓕᕆᔭᐅᓂᐊᓕᖅᑐᖅ.
  • ᒋᑎᐅᓂ ᔫᒥ ᐃᓇᖏᐅᑎᓯᒪᓗᓂ ᐃᓕᖅᑯᓯᓕᕆᔨᒃᑯᓄᑦ ᒥᓂᔅᑕᒧᑦ ᑐᒡᓕᕆᔭᐅᑲᐃᓐᓇᕐᓂᐊᖅᑐᖅ.

ᐱᒋᐊᕐᓗᓂ ᐅᑐᐱᕆ 21, 2019−ᒥᑦ.

  • ᑐᕇᓴ ᕼᐃᐅᔅ, ᒥᓂᔅᑕᐅᑉ ᑐᓪᓕᕆᓂᐊᓕᖅᑕᖓ ᐃᓕᖅᑯᓯᓕᕆᔨᒃᑯᓐᓄᑦ.

“ᐱᒋᐊᖅᐸᓪᓕᐊᓕᖅᑎᓪᓗᑕ ᐊᕝᕙᓪᓗᐊᖓᓄᑦ ᑐᕌᖅᑕᕗᒧᑦ ᐱᓕᕆᐊᒃᓴᓄᑦ, ᓇᓗᓇᕈᓐᓃᕐᒪᑦ ᐱᓕᕆᐊᕆᔭᕆᐊᖃᓪᓚᕆᑦᑕᕗᑦ ᑲᔪᓯᑎᑦᑕᕆᐊᕋᓪᓚᕆᒃᑲᑦᑎᒍ ᐱᓕᕆᐊᕆᖃᑦᑕᖅᓯᒪᔭᕗᑦ ᑲᔪᓯᓯᒪᑦᑎᐊᖅᑐᑦ ᒫᓇᒧᑦ. ᑖᑯᐊ ᐊᓯᔾᔨᕈᑎᔪᑦ ᐋᕿᒍᑎᒋᑦᑎᐊᕐᓂᐊᖅᑐᑦ ᐊᔾᔨᒌᖏᑦᑐᓂᑦ ᐊᔪᙱᑕᓕᓐᓂᑦ ᐊᒻᒪ ᐃᒻᒥᒃᑯᑦ ᖁᕕᐊᒋᔭᒥᓐᓂᒃ, ᐱᓕᕆᐊᑦᓴᓕᒪᕆᐊᓘᓪᓗᑎᒃ. ᑖᑯᐊ ᐊᓯᔾᔨᕈᑎᑦᑎᐊᕚᓗᐃᑦ, ᐊᒻᒪ ᑕᐅᑐᒃᑕᒃᑯᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᑕ ᓯᕗᓕᖅᑎᖏᑦ ᑲᔪᓯᔪᑦ ᖁᔭᓕᓪᓗᑎᒃ ᑕᑎᖃᑦᑎᐊᖅᑐᑎᒡᓗ, “ ᐅᖃᓚᐅᖅᑐᖅ ᓯᕗᓕᖅᑎ ᓴᕕᑲᑖᖅ.

ᓯᕗᓕᖅᑎ ᓴᕕᑲᑖᖅ ᖁᔭᓕᔪᖅ ᐳᔾᔫᑦ ᑯᓱᒐᕐᒥᑦ ᑕᓯᐅᖅᑎᐅᓚᐅᕐᓂᖓᓄᑦ ᐱᓕᕆᐊᖃᖅᑎᓪᓗᒍ ᒥᓂᔅᑕᐅᑉ ᑐᒡᓕᐊᓄᑦ ᐃᓕᖅᑯᓯᓕᕆᔨᒃᑯᓄᑦ ᐊᒻᒪᓗ ᐃᓕᓐᓂᐊᕐᓂᓕᕆᔨᒃᑯᓄᑦ, ᐊᒻᒪᓗ ᑲᔪᓯᖁᑦᑎᐊᖅᑕᖓ ᓄᑖᒥᑦ ᐱᓕᕆᐊᖅᓴᖃᖅᓂᐊᖅᑎᓪᓗᒍ. ᐃᓚᒋᓗᒍ, ᓯᕗᓕᖅᑎ ᓴᕕᑲᑖᖅ ᑐᙵᓱᑦᑎᑦᑎᔪᖅ ᔨᒥ ᐅᓈᓕᒻᒥᑦ ᒥᓂᔅᑕᐅᑉ ᑐᒡᓕᕆᓂᐊᓕᖅᑕᖓ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒃᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ ᓯᕗᓕᖅᑎ ᔫ ᓴᕕᑲᑖᖅ ᑎᑎᕋᕐᕕᐊᓂ
867-975-5059
867-222-5763
cmacleod@gov.nu.ca