ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᓴᕕᑲᑖᖅ ᐅᖃᐅᓯᒃᓴᖓ ᐅᑭᐅᖅᑕᖅᑐᒥᑦ ᓂᕿᑦᑎᐊᕙᓕᕆᓂᒧᑦ ᑐᓴᒐᒃᓴᑦ

ᑎᓯᐱᕆ 10, 2018

ᐅᖃᐅᓯᐅᔪᖅ

ᓯᕗᓕᖅᑎ ᓴᕕᑲᑖᖅ ᐅᖃᐅᓯᒃᓴᖓ ᐅᑭᐅᖅᑕᖅᑐᒥᑦ ᓂᕿᑦᑎᐊᕙᓕᕆᓂᒧᑦ ᑐᓴᒐᒃᓴᑦ

ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᑎᑎᕋᖅᓯᒪᔪᓂᒃ:

“ᐊᖏᓪᓕᒋᐊᖅᑕᐅᔪᑦ ᑮᓇᐅᔭᐃᑦ ᐱᔭᐅᔪᓐᓇᖅᓯᓂᓴᐅᓂᐊᓕᖅᑐᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᓂᕿᑦᑎᐊᕙᓕᕆᓂᖅ ᐱᒻᒪᕆᐅᒻᒪᑦ ᐋᓐᓂᐊᖃᖅᑕᐃᓕᓂᕐᒧᑦ ᖃᓄᐃᖏᑦᑎᐊᕐᓂᕐᒧᓗ ᓄᓇᕗᒻᒥᐅᓄᑦ. ᐅᓪᓗᒥ ᖁᕕᐊᑦᑐᖓ ᑐᓴᕆᐊᑦᓴᖅ ᒐᕙᒪᑐᖃᒃᑯᑦ ᑐᓴᖅᑎᑦᑎᒻᒪᑕ ᐱᓕᕆᐊᖑᔪᖅ ᐃᓚᖃᕐᓂᐊᕐᒪᑦ ᐊᑭᑭᓪᓕᒋᐊᕈᑕᐅᔪᓄᑦ ᓲᕐᓗ ᖁᐃᖏᓕᓴᐃᑦ ᓄᑕᕋᓐᓄᓗ ᓂᖀᑦ. ᑭᓯᐊᓂ, ᑐᑭᓯᓇᓗᐊᖏᑦᑐᖅ ᑐᒃᓯᕋᖅᑕᐅᓯᒪᔪᓄᑦ ᐊᓯᔾᔨᕈᑎᔪᓄᑦ ᐃᓚᒋᐊᕈᑎᔪᑦ ᐊᑐᐃᓐᓇᐅᑎᑕᐅᓂᖏᓐᓄᑦ ᒪᓂᒪᑎᑕᐅᓂᖏᓐᓄᓪᓗ ᐋᓂᐊᖃᖅᑕᐃᓕᓂᕐᒧᑦ, ᓂᕿᑦᑎᐊᕙᓐᓄ ᓄᓇᕗᒻᒥ ᐃᓛᒌᓄᑦ.

ᖁᕕᐊᑦᑐᖓ ᐱᓕᕆᐊᔅᓴᑦ ᐃᓕᓴᖅᓯᓯᒪᒻᒪᑕ ᐃᓄᓕᖅᑕᐃᑦ ᓂᖀᑦ ᓂᕿᑦᑎᐊᕙᐅᓂᖏᓐᓂᑦ, ᐊᒻᒪᓗ ᐃᑲᔫᑎᖃᑦᑎᐊᖅᑐᑦ ᑲᔪᓯᑎᑦᑎᓂᕐᒥᑦ ᓇᖕᒥᓂᖅᓱᕈᓐᓇᖅᓯᓇᓱᖕᓂᖅᓴᐅᓂᕐᒧᑦ ᓄᓇᓕᐅᔪᓄᑦ. ᐊᖑᓇᓱᒃᑎᓄᑦ ᐃᑲᔫᑎᒃᓴᓄᑦ ᐊᐃᑦᑑᓯᐊᖑᔪᓐᓇᖁᓪᓗᒍ ᐃᓱᒪᒃᓴᖅᓯᐅᕈᑎᒋᓗᒍ ᑕᐃᒪᐃᓗᐊᕆᐊᖃᖅᑐᖅ ᑲᔪᓯᑎᑦᑎᐊᕐᓗᒍ ᐊᓯᕙᖅᑎᓄᑦ ᑭᖑᕚᑦᑎᓐᓄᑦ ᐊᑐᖅᑕᐅᖃᑦᑕᕐᓂᐊᒪᑦ. ᑕᑯᒃᑲᓐᓂᕈᒪᒐᓗᐊᖅᑐᒍᑦ ᐃᑲᔫᑎᖃᑦᑎᐊᕐᓂᐊᕐᒪᖔᑦ ᐊᑭᑭᓪᓕᒋᐊᕈᑎᒋᔪᒧᓪᓗ ᓄᓇᕗᒻᒥᐅᓄᑦ, ᐃᑲᔪᖅᑐᕐᓗᒍ ᐃᓚᒋᐊᕈᑎ ᐃᓱᒪᒃᓴᖅᓯᐅᕈᑎᒋᑦᑎᐊᕈᓐᓇᕐᓗᒍ. ᓄᓇᕗᑦ ᒐᕙᒪᖓ ᕿᓂᕐᓂᐊᖅᑐᑦ ᐱᖁᔭᑎᒍᑦ ᓱᓕᓂᕋᕈᑎᒥᒃ ᐊᓯᔾᔨᕈᑎᔪᓄᑦ ᐱᓕᕆᐊᔅᓴᓄᑦ ᐊᑦᑕᕐᓇᖏᑦᑎᐊᖁᓪᓗᒍ, ᐊᔪᕐᓇᖏᑦᑐᒃᑯᓪᓗ ᐱᔭᐅᔪᓐᓇᑦᑎᐊᕐᓗᓂ ᓂᕿᑦᓯᐊᕙᓕᕆᓂᖅ ᐱᒻᒪᕆᐅᔪᓄᓪᓗ.

ᐊᐱᕆᒃᑲᓐᓂᓚᐅᖅᑐᖓ ᓄᓇᕗᒻᒥᐅᑦ ᐱᓕᕆᖃᑦᑕᕐᓂᖏᑦ ᐃᓚᒋᔭᐅᓂᖓ ᑲᓇᑕᐅᑉ ᐅᑭᐅᖅᑕᖅᑐᖓᓂ ᓂᕿᑦᑎᐊᕙᓕᕆᓂᕐᒧᑦ ᑲᔪᓯᒃᑲᓐᓂᕈᒪᓪᓗᖓ ᐅᖃᖃᑦᑕᐅᑎᓂᒃᑯᑦ ᓄᓇᕗᑦ ᑐᙵᕕᒃᑯᑦ ᑎᒥᖓᓄᑦ ᐊᒻᒪᓗ ᒐᕙᒪᐅᖃᑎᒌᓄᑦ ᐊᒻᒪᓗ ᐃᓄᓕᕆᔨᑐᖃᒃᑯᑦ ᒥᓂᔅᑕᖓ ᓗᐸᓚ ᖃᓄᖅ ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᒥ ᐱᐅᓯᑎᒋᐊᑲᓐᓂᖁᓗᒍ, ᐊᑑᑎᖃᓪᓚᕆᓐᓂᐊᕐᒪᑦ ᓄᓇᕗᒻᒥᐅᓄᑦ. ᑲᔪᓰᓐᓇᖅᑐᒥᑦ ᐱᐅᓯᕙᓪᓕᐊᖁᓪᓗᒋᑦ ᐃᑲᔫᑎᖃᑦᑎᐊᕐᓂᐊᕐᒪᑦ ᐅᑭᐅᖅᑕᖅᑐᒥᐅᓄᑦ, ᐋᖅᑭᒋᐊᕈᑎᒃᓴᖅᑎᐊᕙᒃ ᓂᕿᖃᑦᑎᐊᖏᓐᓂᕐᒧᑦ ᓄᓇᕗᒥᐅᓕᒫᓄᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ
ᓯᕗᓕᖅᑎᐅᑉ ᔫ ᓴᕕᑲᑖᖅ ᑎᑎᕋᕐᕕᐊᓂᑦ
867-975-5059
cmacleod@gov.nu.ca