ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᑐᓴᖅᑎᑦᑎᕗᖅ ᐊᐅᓚᑦᑎᔨᒻᒪᕇᑦ ᐊᓯᔾᔨᕐᓂᖏᓐᓂᑦ

ᓯᑎᐱᕆ 10, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓯᕗᓕᖅᑎ ᑐᓴᖅᑎᑦᑎᕗᖅ ᐊᐅᓚᑦᑎᔨᒻᒪᕇᑦ ᐊᓯᔾᔨᕐᓂᖏᓐᓂᑦ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 10, 2021) − ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᑐᓴᖅᑎᑦᓯᔪᖅ ᐊᓯᔾᔨᕐᓂᖏᓐᓄᑦ ᓄᓇᕗᑦ ᒐᕙᒪᖓᑕ ᐊᐅᓚᑦᑎᔨᒻᒪᕆᖏᑦ.

ᐱᒋᐊᕐᓗᓂ ᓯᑎᐱᕆ 17, ᕇᐱᑲ ᕼᐊᐃᓐᓄ ᒥᓂᔅᑕᐅᑉ ᑐᒡᓕᒋᓂᐊᓕᕐᑕᖓ ᐃᓕᓐᓂᐊᓂᓕᕆᔨᒃᑯᓐᓄᑦ. ᕼᐊᐃᓄ ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᒋᓯᒪᔭᖓ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐊᕐᕌᓂᐅᓚᐅᕐᑐᖅ, ᐱᕙᒌᔭᖅᐸᓪᓕᐊᓪᓗᓂ ᓅᓐᓂᐊᕐᓂᖕᒧᑦ ᐱᓕᕆᐊᒃᓴᖓᓄᑦ. ᕼᐊᐃᓐᓄ ᐊᑯᓂᐊᓗᒃ ᐃᓕᓐᓂᐊᕐᑎᑦᑎᔨᐅᓯᒪᓕᕐᑐᑦ ᐃᓕᓴᐃᔨᐅᓚᐅᕐᖢᓂ, ᐃᓕᓴᐃᔨᑦ ᐊᖓᔪᖅᑳᖓᑕ−ᑐᓪᓕᐅᓚᐅᖅᖢᓂ ᐊᒻᒪᓗ ᐃᓕᓴᐃᔨᓄᑦ ᐊᖓᔪᖅᑳᖑᓚᐅᕐᖢᓂ ᖁᓗᐊᖅ ᐃᓕᓐᓂᐊᕐᕕᖕᒥᑦ ᑲᖏᕐᑑᒑᐱᖕᒥᑦ.

ᐱᒋᐊᕐᖢᓂ ᑕᖅᑭᐅᓚᐅᕐᑐᒥᑦ, ᕆᒃ ᕼᐊᓐᑦ ᐊᖓᔪᖅᑳᙳᓚᐅᕐᐳᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ. ᕼᐊᓐᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓃᓕᕐᑐᖅ ᐊᕐᕌᒍᓄᑦ 17−ᓄᑦ, ᖃᓄᕈᓘᔮᓗᖕᓂᑦ, ᑐᑭᒧᐊᒃᑎᐅᓪᓗᓂ, ᐋᓐᓂᐊᖅᑕᐃᓕᒪᔪᓕᕆᓂᖕᒧᑦ, ᐊᑦᑕᖕᓇᕐᑕᐃᓕᒪᓂᖕᒧᑦ, ᐊᕙᑎᒧᑦ ᐃᒡᓗᕐᔪᐊᓄᓪᓗ, ᐊᒻᒪᓗ ᐱᓕᕆᐊᖃᑲᐃᓐᓇᕐᐸᒃᓯᒪᓪᓗᓂ ᑐᑭᒧᐊᒃᑎ ᐊᐅᓚᑕᓄᑦ, ᑐᑭᒧᐊᒃᑎᑦᑎᔨ ᐱᓕᕆᐊᖑᔪᓄᑦ, ᐊᖓᔪᖅᑳᑉ ᑐᓪᓕᐊ ᐊᒻᒪᓗ ᑐᑭᔪᐊᒃᑎᑦᑎᔨᒻᒪᕆᐅᓯᒪᓪᓗᓂ.

“ᐊᓕᐊᓇᐃᒍᓱᒃᐳᖓ ᕼᐊᐃᓐᓄ ᐊᒻᒪᓗ ᕼᐊᓐᑦ ᓄᑖᒥ ᐱᓕᕆᐊᖃᕐᓂᐊᕐᒪᑕ, ᓂᕆᐅᒃᖢᖓᓗ ᐱᐅᔪᓂ ᐃᑲᔪᕐᓂᐊᕐᒪᑕ ᑲᑐᔾᔨᖃᑎᒌᖏᓐᓄᑦ," ᐅᖃᓚᐅᕐᑐᖅ ᓯᕗᓕᖅᑎ ᓴᕕᑲᑖᖅ. “ᑕᒪᖕᒥᒃ ᓯᕗᓕᖅᑎᐅᓯᒪᔪᑦ ᐱᓕᕆᓯᒪᓂᑯᖏᓪᓗ ᐊᔪᙱᑕᓕᓪᓗ ᐊᑑᑎᖃᒻᒪᕆᖕᓂᐊᕐᑐᑦ ᒐᕙᒪᖁᑎᑦᑎᓐᓄᑦ.”

ᓯᕗᓕᖅᑎ ᓴᕕᑲᑖᖅ ᐱᐅᓛᑦᑎᐊᒥ ᕿᑲᓕᑦᑎᐊᖁᕙᐅᒃ ᑳᑎ ᐅᒃᐱᒃ, ᒥᓂᔅᑕᐅᑉ ᑐᒡᓕᐊ ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᐱᒋᐊᕐᓗᓂ ᓄᕕᐱᕆ 1. ᐅᒃᐱᒃ ᐊᑯᓂᐊᓗ ᖃᐅᔨᒪᔭᐅᑦᑎᐊᕐᑐᖅ ᐃᖅᑲᓇᐃᔮᖓᓂ ᓄᓇᕗᑦ ᒐᕙᒪᒃᑯᖏᓐᓄᑦ, ᖃᓄᐃᓕᐅᕈᓘᔭᕐᖢᓂ – ᐃᓕᓴᐃᔨᐅᓚᐅᕐᓯᒪᓪᓗᓂ, ᒥᓂᔅᑕᐅᑉ ᑐᖏᓕᖓᑕ ᐃᑲᔪᖅᑎᖓ ᐊᒻᒪᓗ ᒥᓂᔅᑕᐅᑉ ᑐᒡᓕᐊ ᐊᒥᓱᓄᑦ ᐱᓕᕆᕝᕕᖕᓄᑦ, ᐃᖅᑲᓇᐃᔭᖅᑐᓕᕆᔨᒃᑯᓐᓄᓪᓗ ᒐᕙᒪᓕᕆᔨᒃᑯᓐᓄᓪᓗ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ
867-975-5059
cmacleod@gov.nu.ca