You are here

ᓯᕗᓕᖅᑎ ᑐᓴᖅᑎᑦᑎᕗᖅ ᐊᐅᓚᑦᑎᔨᒻᒪᕇᑦ ᐊᓯᔾᔨᕐᓂᖏᓐᓂᑦ

ᐊᒃᑐᐸ 20, 2022

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓯᕗᓕᖅᑎ ᑐᓴᖅᑎᑦᑎᕗᖅ ᐊᐅᓚᑦᑎᔨᒻᒪᕇᑦ ᐊᓯᔾᔨᕐᓂᖏᓐᓂᑦ

ᐃᖃᓗᐃᑦ, ᓄᓇᕗᑦ (ᐅᑐᐱᕆ 20, 2022) − ᓯᕗᓕᖅᑎ ᐲᔭᐃᑦ ᐊᕿᐊᕈᖅ ᐅᓪᓗᒥ ᑐᓴᖅᑎᑦᑎᖅᑲᐅᕗᖅ ᐊᓯᔾᔨᖅᑐᓂ ᓄᓇᕗᑦ ᒐᕙᒪᒃᑯᖏᑦᑕ ᐊᖓᔪᖅᑲᐅᑎᖏᓐᓂᑦ.

ᓰᓚ ᑯᓗᓚ, ᒥᓂᔅᑕᐅᑉ ᑐᒡᓕᐊ ᐃᖅᑲᓇᐃᔭᖅᑐᓕᕆᔨᒃᑯᓐᓂᑦ, ᒐᕙᒪᒃᑯᑦ ᐃᖅᑲᓇᐃᔭᓛᕈᓐᓃᕐᒪᑦ ᓯᕗᓕᖅᑎᐅᓂᐊᕐᓗᓂ ᑲᑭᕙᒃᑯᑦ ᑲᑐᔾᔨᖃᑎᒌᖏᓐᓄᑦ. ᓯᕗᓕᖅᑎ ᐊᕿᐊᕈᖅ ᐅᐱᒍᓱᓚᐅᕐᐳᖅ ᑯᓗᓛᑉ ᐃᖅᑲᓇᐃᔭᒻᒪᕆᖃᑦᑕᓚᐅᕐᓂᖓᓂ, ᐃᓚᖃᕐᖢᓂ ᐊᖓᔪᖅᑳᖑᓪᓗᓂ ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ.

“ᑯᓗᓚ ᐊᑯᓂᐊᓗ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᓯᒪᔪᖅ, ᐃᓕᓐᓂᐊᕐᓂᖕᓂᑦ ᖃᐅᔨᒪᓂᖓ ᔭᒐᑉᐳᖅ ᒐᕙᒪᒃᑯᑎᓐᓄᑦ. ᖃᓄᐃᙱᑦᑎᐊᖁᕙᕋ ᓯᕗᒧᐊᓕᕈᓂ ᐃᑲᔪᖅᑐᐃᓗᓂ ᓄᓇᕗᒻᒥᑦ ᐊᓯᐊᒍᑦ,” ᐅᖃᖅᑐᖅ ᓯᕗᓕᖅᑎ ᐊᕿᐊᕈᖅ.

ᓚᔅ ᕼᐃᑭ ᑲᔪᓰᓐᓇᕐᓂᐊᕐᑐᖅ ᑎᓕᔭᐅᓯᒪᓂᕐᒥᓂ ᒥᓂᔅᑕᐅᑉ ᑐᒡᓕᐊᓄᑦ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐱᓕᕆᐊᒃᓴᖅ ᐃᓐᓄᓪᓚᕆᒃᐸᑦ ᑭᓯᐊᓂ.

ᐱᑦ ᐳᕋᐅᓐ ᐃᓚᐅᓕᕐᐳᖅ ᒐᕙᒪᒃᑯᓐᓄ ᐱᕙᓪᓕᐊᔪᓂᒃ ᑐᓴᒐᒃᓴᓕᐅᖅᑎᐅᓪᓗᓂ ᑲᒪᒋᔭᖃᕐᓂᐊᕐᓗᓂ ᑐᓴᐅᒪᔪᓕᕆᓂᖕᓂᑦ ᐱᕙᓪᓕᐊᔪᓕᕆᔨᓂᓪᓗ ᑎᑎᕋᕐᕕᐊᓄ ᓯᕗᓕᖅᑎᐅᑉ.

“ᐱᕙᓪᓕᐊᔪᓂᒃ ᑐᓴᒐᒃᓴᓕᐅᖅᑎ ᐱᕚᓪᓕᕐᑎᑦᑎᖃᑦᑕᕐᐳᖅ ᑐᓴᐅᒪᔪᓕᕆᓂᖕᓂᑦ ᓴᖅᑭᔮᕐᑎᑦᑎᓂᕐᒥᓪᓗ ᒐᕙᒪᒃᑯᑦᑎᓐᓄᑦ,” ᐅᖃᖅᑐᖅ ᓯᕗᓕᖅᑎ ᐊᕿᐊᕈᖅ. “ᓄᓇᕗᒻᒥᐅᑦ ᑐᓴᐅᒪᑦᑎᐊᖁᔨᕗᖓ ᐱᓕᕆᐊᓂᑦ ᑎᑎᕋᕐᕕᒃᐳᑦ ᒥᓂᔅᑕᐅᖃᑎᒌᓪᓗ ᐱᓕᕆᐊᖏᓐᓂᑦ ᒪᓕᒐᓱᒃᖢᑎᒃ ᑲᑐᔾᔨᓗᑕ ᐱᓕᕆᐊᒃᓴᓂᑦ.

ᐳᕋᐅᓐ ᐱᕙᓪᓕᐊᔪᓕᕆᔨᐅᓚᕐᓯᒪᔪᖅ ᓰᐲᓰ ᐅᖃᐅᖅᑕᖅᑐᒥ, ᓄᓇᑦᑎᐊ ᐱᕙᓪᓕᐊᔪᓂ, ᐅᖃᓕᒫᒐᓂ Up Here ᐊᒻᒪᓗ ᓄᓇᕗᒻᒥᑦ ᐱᕙᓪᓕᐊᔪᓂᑦ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐸᑦ ᐳᓚᐅᓐ
ᐱᕙᓪᓕᐊᔪᓂᒃ ᑐᓴᒐᒃᓴᓕᐅᖅᑏᑦ
ᑎᑎᕋᕐᕕᐊᓂᑦ ᓯᕗᓕᖅᑎ ᐊᕿᐊᕈᖅ
867-222-1061
bbrown6@gov.nu.ca