ᐅᖃᓚᐅᑎᓯᐅᑏᑦ

You are here

Update: Departments Question and Answers

ᓄᕕᐱᕆ 04, 2019

ᐱᓕᕆᕝᕖᑦ ᐊᐱᖅᑯᑎᖏ ᑭᐅᔾᔪᑏᓪᓗ

ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐊᐱᖅᑯᑏᑦ ᑭᐅᔾᔪᑏᓪᓗ

ᐱᔨᑦᑎᕈᑏ ᓇᓪᓕᐊᑐᐃᓐᓇᖅ ᓄᖅᑲᖅᑎᑕᐅᓂᐊᖅᐸ?

  • ᒫᓐᓇ, ᐱᔨᑦᑎᕈᑏᑦ ᑲᔪᓯᔪᑦ ᑕᐃᒫᒃ ᐱᕙᒻᒪᑕ. ᑭᖑᕙᖅᓯᒪᓂᐊᖅᑐᑦ ᑭᓯᐊᓂ ᐋᓐᓂᐊᕕᒻᒥᑦ ᐃᖅᑲᓇᐃᔭᖅᑎᖏᑦ ᐸᐃᑉᐹᓄᑦ ᐊᑐᒃᑲᓐᓂᕆᐊᖃᓕᕐᒪᑕ ᑖᒃᑯᐊ ᖃᕆᓴᐅᔭᒃᑯᑦ ᐃᑭᐊᖅᑭᕕᒃᑰᕈᓐᓇᐅᑎᖓ ᐊᔪᕈᓐᓃᖅᑎᑕᐅᓚᐅᙱᓐᓂᖓᓂᑦ.
  • ᐋᓐᓂᐊᕕᓕᐊᖅᑐᑦ ᑕᑯᔭᐅᔭᖅᑐᖅᑐᑦ ᐱᔭᕆᐊᑭᓪᓕᑎᕆᔪᓐᓇᖅᑐᑦ ᑕᑯᔭᐅᓴᕋᐃᓐᓂᖅᓴᐅᔪᓐᓇᖁᓪᓗᑎᑦ ᓇᔅᓴᕐᓗᑎᑦ ᐋᓐᓂᐊᕕᓕᖅᐊᑐᖅᓯᐅᑎᖏᓐᓂᑦ ᐊᒻᒪ ᐄᔭᒐᖅᑕᖏᓐᓂᑦ ᐋᓐᓂᐊᕕᓕᐊᕋᐃᑉᐸᑕ.

 

ᐋᓐᓂᐊᕕᓕᐊᖅᑐᓄᑦ ᖃᖓᑦᑕᐅᑎᓕᕆᔩᑦ
  • ᐃᖅᑲᓇᐃᔭᐃᖅᑎᒃᑲᓐᓂᕐᓂᑦ ᐱᒋᐊᖅᑎᑦᑎᓯᒪᔪᑦ ᐃᑲᔪᕐᓂᐊᖅᑐᓂᑦ ᐋᓐᓂᐊᕕᓕᐊᖅᑐᓄᑦ ᖃᖓᑦᑕᐅᑎᓕᕆᔨᒃᑯᓐᓄᑦ. ᐋᓐᓂᐊᕕᓕᐊᖅᑐᓂᑦ ᖃᖓᑦᑕᐅᑎᓕᕆᔩᑦ ᐊᐅᓚᕆᐊᓕᓐᓂᑦ ᑲᒪᕙᓪᓕᐊᖏᓐᓇᕐᓂᐊᖅᑐᑦ ᑭᖑᕙᖅᓯᒪᖁᓇᒋᑦ ᐊᒻᒪ ᓈᒻᒪᓈᖅᓯᒪᑦᑎᐊᕈᓐᓇᖁᓪᓗᒋᑦ. 
  • ᐊᑲᐅᙱᓕᐅᕈᑎᖃᕈᕕᑦ ᓈᒻᒪᓈᖅᓯᒪᔪᖃᕐᓂᖏᑉᐸᑦ ᐅᖄᓚᐅᑏᑦ ᑎᑎᖅᓯᒪᔪᑦ ᑕᑯᓂᐊᕈᓐᓇᖅᑕᑎᑦ ᐅᕙᓂ ᐃᑭᐊᖅᑭᕕᖓᓐᓂᑦ www.gov.nu.ca/health
 
ᐋᓐᓂᐊᕕᓕᐊᖅᓯᒪᔪᓕᕆᔨᒃᑯᑦ:

ᐋᓐᓂᐊᕕᓕᐊᖅᓯᒪᔪᑦ ᖃᓄᐃᑕᐅᓐᓂᖅᐸᑕ ᐃᓱᒫᓗᑕᐅᔪᑦ ᐅᖃᐅᓯᔅᓴᐃᓪᓘᓐᓃᑦ ᑖᔅᓱᒧᖓ ᓱᓕ ᐅᖄᓚᖃᑦᑕᕈᓐᓇᖅᑐᑦ ᐊᑭᖃᖏᑦᑐᒃᑯᑦ 1-855-438-3003.

 

ᓱᓕ ᑕᕐᕋᖅᑐᖅᑕᐅᖃᑦᑕᕈᓐᓇᖅᐸ ᐅᕙᓗ ᐊᐅᖏᖅᑕᐅᓗᑎᑦ?

  • ᐄ.

 

ᐋᓐᓂᐊᕕᓕᖅᐊᑐᓄᑦ ᒪᓕᑦᑎᖏᑦ ᐊᓯᔾᔨᖅᑕᐅᕙ ᐊᖏᖅᑕᐅᔭᕆᐊᖃᖅᐸᒻᒪᑕ ᒪᓕᑦᑎᔅᓴᐅᓂᐊᖅᑐᑦ?

  • ᑖᒃᑯᐊ ᐋᖅᑭᓱᖅᑕᐅᖃᑦᑕᕐᓂᕆᔭᖏᑦ ᒪᓕᑦᑎᔅᓴᖏᑕ ᐊᓯᔾᔨᔮᖏᑦᑐᖅ.

 

ᐋᓐᓂᐊᕕᐊᓗᓪᓗ ᐋᓐᓂᐊᕖᓪᓗ ᒪᑐᐃᖓᕙᑦ?

  • ᐄ ᑕᒪᕐᒥ ᐋᓐᓂᐊᖃᕐᓇᖏᑦᑐᓕᕆᔾᔪᑎᓕᒫᑦ ᓄᓇᕗᒻᒥ ᒪᑐᐃᖓᔪᐃᓐᓇᐃᑦ.    

 

ᑕᓚᕖᓴᒃᑯᑦ ᑕᑯᓐᓇᖃᑦᑕᐅᔾᔪᑎᖏᑦ ᐊᑐᐃᓐᓇᐅᕙᑦ?

  • ᑕᓚᕖᓴᒃᑯᑦ ᑕᑯᓐᓇᖃᑦᑕᐅᑎᔾᔪᑏᑦ ᒫᓐᓇ ᐊᑐᐃᓐᓇᖏᑦᑐᑦ. 
  • ᐃᓂᔅᓴᓕᐅᖅᑕᐅᓯᒪᓚᐅᖅᑐᓕᒫᑦ ᓯᕗᓂᖓᒍᑦ ᐊᓯᔾᔨᓱᖅᑕᐅᓂᐊᖅᑐᑦ ᑕᑯᔭᐅᕕᔅᓴᖏᑕ ᐅᓪᓗᖏᑦ. 

ᐱᔭᕆᐊᖃᑐᐊᖅᐸᑕ, ᑕᑯᔭᐅᕕᔅᓴᓕᐅᖅᑕᐅᓯᒪᔪᑦ ᐊᓯᐊᒍᖔᖅ ᐊᑐᖅᑕᐅᔪᓐᓇᒃᑯᑦ ᑲᒪᔪᓐᓇᖅᑐᓄᑦ ᑕᑯᔭᔅᓴᓕᐊᖑᓂᐊᖅᑐᑦ.

 

ᐄᔭᒐᖅᑖᕕᒻᒥᑦ ᐃᔭᒐᖅᑖᕆᔭᐅᖃᑦᑕᖅᑐᑦ ᑎᑭᑕᐅᔭᕆᐊᓖᑦ ᓄᓇᓕᓐᓅᖅᑐᑦ ᓄᖅᑲᖓᕙᑦ?

  • ᐋᒃᑲ. 

 

ᐅᕙᖓ ᒥᔅᓵᓄᖓᔪᑦ ᑐᑭᓯᔾᔪᑕᐅᔪᓐᓇᖅᑐᑦ ᐱᔭᐅᓯᒪᓕᖅᐸᑦ?

  • ᐋᒃᑲ. ᐃᒪᓐᓇᐃᒐᔪᒃᑐᖅ, ᖃᕆᑕᐅᔭᓄᑦ ᐱᑦᑎᐊᙱᔾᔪᑏᑦ ᑐᓂᐅᖅᑲᐃᖃᑦᑕᙱᑦᑐᑦ ᑐᑭᓯᐅᒪᔾᔪᑎᓂᒃ ᐊᓯᖏᓐᓄᐊᖅᖢᒋᑦ ᐊᒻᒪᓗ ᐃᓗᐊᓃᑦᑐᓂᒃ ᐱᓂᖅ ᐊᔪᖅᖢᓂ. ᐊᑐᖅᑎᐅᔪᓂᒃ ᐊᔪᓕᖅᑎᑦᑎᔪᖕᓇᑐᐃᓐᓇᖅᑐᖅ ᐱᓂᐊᕐᓗᒋᑦ ᑐᑭᓯᐅᒪᔾᔪᑏᑦ.

 

ᖃᓄᕐᓕ ᑐᓴᐅᒪᖃᑦᑕᐅᑎᖃᑎᖃᖅᐱᓯ ᐋᓐᓂᐊᓯᐅᖅᑎᓂᑦ ᐃᓗᐊᖅᓴᐃᔨᓂᑦ ᐃᖃᓗᐃᑦ ᓯᓚᑖᓃᑦᑐᓂᑦ?

  • ᐅᐸᓗᖓᐃᔭᖅᓯᒪᔾᔪᑎᓂᑦ ᐋᖅᑭᔅᓱᐃᕙᒌᖅᓯᒪᒐᑦᑕ ᖃᓄᐃᓐᓇᖅᑐᒨᑳᓪᓚᓐᓂᕈᑦᑕ ᖃᖓᑐᐃᓐᓇᖅ ᑐᓴᐅᒪᖃᑦᑕᐅᑎᔾᔪᑎᖃᑦᑎᐊᕈᓐᓇᖁᓪᓗᑕ ᑕᐃᒫᔅᓴᐃᓐᓇᓕᖓᔪᒥᑦ.
  • ᐅᓪᓗᑕᒫᖅ ᑐᓴᐅᖃᑦᑕᐅᑎᔪᒍᑦ ᑲᑎᒪᓂᒃᑯᑦ ᐊᒻᒪ ᑐᓴᖅᑕᐅᑎᑦᑎᑦᑕᐅᑎᒋᖃᑦᑕᖅᑐᒍᑦ ᖃᓄᐃᑦᑐᖃᑐᐊᕌᖓ ᐊᒻᒪ ᖃᓄᐃᓐᓇᖅᑐᖃᓕᑐᐊᖅᐸᓪᓗ. ᐅᐸᓗᖓᐃᔭᖅᓯᒪᔾᔪᑎᓂᑦ ᐋᖅᑭᔅᓱᐃᕙᒌᖅᓯᒪᒐᑦᑕ ᖃᓄᐃᓐᓇᖅᑐᒨᑳᓪᓚᓐᓂᕈᑦᑕ ᖃᖓᑐᐃᓐᓇᖅ ᑐᓴᐅᒪᖃᑦᑕᐅᑎᔾᔪᑎᖃᑦᑎᐊᕈᓐᓇᖁᓪᓗᑕ ᑕᐃᒫᔅᓴᐃᓐᓇᓕᖓᔪᒥᑦ.

 

ᐱᓚᑦᑐᖅᑕᐅᔭᕆᐊᓖᑦ ᑭᖑᕙᖅᐸ?

  • ᐋᒃᑲ    

 

ᖃᓄᖅ ᓇᓪᓕᐅᒃᑯᒫᖃᖏᑦᑐᓄᑦ ᐃᓅᓕᓴᖅᑕᐅᔭᕆᐊᓕᖕᓄᑦ ᐃᑲᔫᓯᐊᓄᑦ ᐊᑭᓖᔪᓐᓇᖅᐳᖓ?

  • ᓇᓪᓕᐅᒃᑯᒫᖃᖏᑦᑐᓄᑦ ᐃᓅᓕᓴᖅᑕᐅᔭᕆᐊᓕᖕᓄᑦ ᐃᑲᔫᓯᐊᓄᑦ, ᑕᐃᒫᑦᑕᐅᖅ ᐸᐃᑉᐹᓄᑦ ᑭᓯᐊᓂ ᐊᑐᕐᓂᐊᖅᑐᑦ ᐱᓕᕆᐊᖏᓐᓂᑦ. ᓄᖅᑲᖓᙱᑦᑑᒐᓗᐊᑦ ᑭᓯᐊᓂ ᑭᖑᕙᖅᓯᒪᑐᐃᓐᓇᕆᐊᓖᑦ ᐱᔨᑦᑎᕐᓂᖏᑦ.

 

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐅᐸᓗᖓᐃᔭᖅᓯᒪᕙᑦ ᑲᒪᔪᓐᓇᖁᓪᓗᒋᑦ ᑎᑭᐅᑎᓐᓂᖅᐸᑕ ᑕᐃᒪᐃᑦᑐᒧᑦ?

  • ᐄ. ᐅᐸᓗᖓᐃᔭᖅᓯᒪᔾᔪᔅᓴᑎᓐᓂᑦ ᐸᕐᓇᓯᒪᔪᒍᑦ ᑐᐊᕕᕐᓇᖅᑐᖃᓕᕐᓂᖅᐸᑦ ᐊᑐᐃᓐᓇᐅᒪᑦᑎᐊᕈᓐᓇᖁᓪᓗᑕ ᐋᓐᓂᐊᖃᕐᓇᖏᑦᑐᓕᕆᔩᑦ ᖃᓄᐃᓕᐅᖅᑐᔅᓴᐅᒻᒪᖔᑦᑕ ᐱᓕᕆᔾᔪᑎᔅᓴᖏᓐᓂᑦ ᓲᕐᓗ ᒫᓐᓇ ᐊᑐᖅᑕᕗᑦ ᑕᐃᒫᖑᒻᒪᑦ. ᐋᓐᓂᐊᖃᕐᓇᖏᑦᑐᓕᕆᔨᕗᑦ ᐃᖅᑲᓇᐃᔭᖅᑏᑦ ᐊᔅᓱᕈᕐᓗᑎᑦ ᐱᓕᕆᐊᖃᖅᐸᓪᓕᐊᔪᑦ ᐊᑦᑐᐃᓂᕆᔭᖓᓐᓂᑦ ᐱᓗᐊᕈᓐᓃᖅᑎᔾᔪᒦᑎᑦᑎᓇᓱᓪᓗᑎᑦ. 

 

ᐃᖅᑲᓇᐃᔭᖅᑏᑦ ᐊᒥᒐᖅᓯᖏᑦᑑᒐᓗᐊᑦ ᐱᓕᕆᔨᔅᓴᓂᑦ ᐱᓕᕆᐊᔅᓴᖏᑦ ᐃᓚᓯᒪᓕᖅᑎᓪᓗᒋᑦ?

  • ᖃᐅᔨᓴᖅᐸᓪᓕᐊᖏᓐᓇᖅᑕᕗᑦ ᐃᖅᑲᓇᐃᔭᖅᑏᑦ ᐊᓯᖏᓐᓂ ᐱᓕᕆᐊᔅᓴᓂᑦᑎᑕᐅᓯᒪᔪᑦ ᑲᒪᒋᔭᐅᔭᕆᐊᖃᓪᓚᕆᑦᑐᓂᑦ ᑲᒪᔪᓐᓇᖁᓪᓗᒋᑦ.

 

ᐋᓐᓂᐊᕕᓕᐊᖅᑐᓄᑦ ᖃᕆᓴᐅᔭᒃᑯᑦ ᑎᑎᖅᑭᕆᔾᔪᑎ:
  • ᐊᔪᕈᓐᓃᖅᑎᑕᐅᕙᓪᓕᐊᓇᓱᑦᑐᑦ ᐋᓐᓂᐊᕕᓕᐊᖅᑐᓄᑦ ᖃᕆᓴᐅᔭᒃᑯᑦ ᑎᑎᖅᑭᕆᔾᔪᑎᖓ ᓯᕗᓪᓕᖅᐸᐅᔾᔭᐅᓯᒪᓪᓗᓂ ᓄᓇᕗᑦ ᒐᕙᒪᒃᑯᓐᓄᑦ ᐱᓕᕆᐊᔅᓴᕆᔭᐅᓯᒪᔪᑦ. 

 

 

ᒪᓕᒐᓕᕆᔨᒃᑯᑦ 

ᖃᓄᕐᓕ ᑐᓴᖅᑕᐅᔭᕆᐊᖃᙱᑦᑐᑦ ᐃᓅᑉ ᒥᒃᓵᓅᖓᔪᑦ ᐱᔾᔭᐃᖅᑕᐅᓯᒪᓂᐊᖕᒪᑕ?

  • ᑐᑭᓯᒋᐊᕐᓂᖕᒧᑦ ᑲᙳᓇᖅᑑᑎᒋᔭᕐᓄᓪᓗ ᑲᒥᓯᓇ ᑐᓴᖅᑎᑕᐅᓯᒪᓕᖅᐳᖅ.
  • ᒪᓕᒐᓕᕆᔨᒃᑯᑦ ᑐᓴᐅᒪᑎᑦᑎᖃᑕᐅᖏᓐᓇᖕᓂᐊᖅᐳᑦ ᑲᒥᓯᓇᒥᑦ ᐅᖃᐅᓯᐅᔪᓂᑦ ᑕᒪᑐᒧᖓ ᐱᓕᕆᐊᖑᕙᓪᓕᐊᔪᒧᑦ. 

 

ᑮᓇᐅᔭᖕᓂᐊᕈᑕᐅᓇᓱᒃᑐᖅ ᖃᕆᑕᐅᔭᒃᑯᑦ ᐊᒃᑐᐃᓂᐊᖅᐸ ᑎᑎᖅᑲᓂᑦ ᐱᓯᒪᔭᓂᑦ?

  • ᑖᒃᑯᐊ ᒐᕙᒪᒃᑯᑦ ᒪᓕᑦᑎᐊᖏᓐᓇᕆᐊᓗᕆᐊᒃᓴᖏᓐᓂᑦ ᑎᑎᖅᑲᖁᑎᑐᖃᐅᔪᓄᑦ ᐱᖁᔭᖏᓐᓂᑦ ᐱᓕᕆᐊᖑᕙᖕᓂᖏᓐᓂᒡᓗ,  ᐃᖅᑲᓇᐃᔭᖅᑎᓕᒫᑦ ᑎᓕᔭᐅᓯᒪᔪᑦ ᐱᓯᒪᒃᓯᖁᔭᐅᓪᓗᑎᒃ ᑐᓴᐅᒪᔭᒃᓴᓕᒫᓂᑦ ᓇᒃᓯᐅᔾᔭᓂᑦ ᐱᔭᓂᓪᓗ ᑕᒪᓐᓇ ᐊᑐᕐᑎᓪᓗᒍ. 
  • ᖃᕆᑕᐅᔭᑦ ᐅᑎᕐᑎᑕᐅᑦᑎᐊᖅᐸᑕ ᐊᐅᓚᓐᓂᖏᓐᓄᑦ, ᑕᒪᓐᓇ ᑐᓴᐅᒪᔭᒃᓴᖅ ᓅᑕᐅᔭᕆᐊᖃᖕᓂᐊᖅᑐᖅ ᒐᕙᒪᒃᑯᑦ ᐱᖁᑎᖏᓐᓄᑦ ᓈᒻᒪᒃᑐᓂᑦ ᑎᑎᖅᑲᑦ ᐊᐅᓚᑕᐅᖁᓪᓗᒋᑦ ᐱᓯᒪᔭᐅᓗᑎᒡᓗ.

 

ᑎᒍᔭᐅᒪᔪᓕᕆᔨᒃᑯᓐᓄᑦ ᐊᐱᖅᑯᑎᑦ ᑭᒡᒍᓰᓪᓗ

ᐊᑦᑕᕐᓇᖅᑐᒦᑎᑦᑕᐃᓕᒪᔾᔪᑎᑦ ᑎᒍᔭᐅᒪᕕᑦᑎᓐᓂᑦ ᐊᒃᑐᖅᑕᐅᕙᑦ ᖃᕆᑕᐅᔭᑦ ᖃᒥᓐᓂᖏᓐᓄᑦ?

  • ᐊᑦᑕᕐᓇᖅᑐᒦᑎᑦᑕᐃᓕᔾᔪᑎᑦ ᐊᒃᑐᖅᑕᐅᙱᑦᑐᑦ ᖃᒥᙵᓂᖏᓐᓄᑦ. 
  • ᐊᒥᓱᑦ ᐊᑦᑕᕐᓇᖅᑐᒦᑎᑦᑕᐃᓕᒪᔾᔪᑎᑦ ᑎᒍᔭᐅᒪᕕᑦᑎᓐᓂᑦ ᐱᓯᒪᔭᐅᙱᒻᒪᑕ ᒐᕙᒪᒃᑯᑦ ᖃᕆᑕᐅᔭᖁᑎᖏᓐᓄᑦ.
  • ᐅᓗᕆᐊᓇᖅᑐᒦᑦᑕᐃᓕᒪᓂᖅ ᐊᑦᑕᖕᓇᖅᑐᒦᑦᑕᐃᓕᒪᓂᕐᓗ ᐃᖅᑲᓇᐃᔭᖅᑎᖁᑎᑦᑎᓐᓄᑦ ᑎᒍᔭᐅᒪᔪᓄᑦ ᓯᕗᓪᓕᖅᐸᐅᒋᕙᕗᑦ. 

 

ᖃᓄᕐᓕ ᒪᓐᓇ ᐊᒃᑐᐃᓂᖃᖕᓂᐊᖅᐸ ᑎᒍᔭᐅᒪᔪᑦ ᐊᓂᕝᕕᒃᓴᖏᓐᓂᑦ, ᐃᖅᑲᖅᑐᖅᑕᐅᕕᒃᓴᖏᓐᓂᑦ, ᐊᓯᖏᓐᓂᒡᓘᓐᓃᑦ ᐱᒻᒪᕆᐅᔪᓂᑦ?

  • ᑎᒍᔭᐅᒪᔪᓕᕆᒡᒃᑯᑦ ᐱᓯᒪᒃᓯᓲᑦ ᑎᑎᖅᑲᓂᑦ ᑎᒍᔭᐅᒪᔪᓕᒫᓂᑦ ᓯᓚᑖᓂᑦ ᓄᓇᕗᑦ ᒐᕙᒪᒃᑯᖏᑦᑕ ᖃᕆᑕᐅᔭᖏᓐᓂᑦ. ᐊᑐᕈᓐᓇᖅᑐᐃᑦ ᑐᓴᐅᒪᔭᒃᓴᓂᑦ ᐊᑐᐃᓐᓇᐅᔪᓂᑦ ᐃᒻᒥᓄᑦ ᑖᒃᑯᐊ ᐱᒻᒪᕆᐅᔪᓕᒫᑦ ᐅᓪᓗᐃᑦ ᓇᓗᓇᐃᔭᖅᑕᐅᓯᒪᓗᑎᒃ ᑎᒍᔭᐅᒪᔪᓪᓗ ᐊᒃᑐᖅᑕᐅᙱᓪᓗᑎᒃ. 

 

ᐊᒃᑐᐃᓕᐊᒻᐸ ᐃᑲᔪᖅᑕᐅᔪᒪᔪᓂᑦ ᐊᑐᕈᒪᔪᑦ ᒪᓕᒐᓕᕆᔨᒃᑯᓐᓂᑦ ᑐᓗᖅᑕᕈᑕᐅᓂᐊᖅᐸᓘᓐᓃᑦ ᑐᓴᐅᒪᖃᑎᒌᖕᓂᑎᒃ ᐃᓚᖏᓐᓂᑦ? 

  • ᑕᒪᓐᓇ ᖃᒥᙵᓂᐅᔪᖅ ᐊᒃᑐᐃᔾᔮᙱᑦᑐᖅ ᒪᓕᒐᖕᓄᑦ ᐊᑐᕈᓐᓇᖕᓂᖕᒥᑦ ᑐᓴᐅᒪᖃᑎᖃᖕᓂᖕᒥᓪᓘᓐᓃᑦ ᑎᒍᔭᐅᒪᔪᖁᑎᑦᑎᓐᓂᑦ. 

 

ᓄᓇᓕᖕᓂᑦ ᐃᖅᑲᖅᑐᖅᑕᐅᓯᒪᔪᓕᕆᔨᒃᑯᑦ ᓇᐅᑦᑎᕐᓱᕈᓐᓇᖕᓂᐊᖅᐸᑦ ᐃᖅᑲᖅᑐᖅᑕᐅᓯᒪᔪᓂᑦ?

  • ᒫᓐᓇᐅᔪᖅ, ᓂᕆᐅᙱᑦᑐᒍᑦ ᐅᓚᕕᓴᐅᑎᖃᖕᓂᐊᖕᒪᖔᑦ ᓇᐅᑦᑎᖅᓱᐃᓂᖕᒧᑦ ᐱᔨᑦᑎᕋᐅᑎᓂᑦ.
  • ᐃᖅᑲᖅᑐᖅᑕᐅᓯᒪᔪᓕᕆᔨᒃᑯᑦ ᖃᐅᔨᓴᖕᓂᐊᖅᐳᑦ ᐊᑦᑕᖕᓇᑐᐃᓐᓇᕆᐊᓕᖕᓂᑦ ᑐᓴᖅᑎᑦᑎᓗᑎᒡᓗ ᐃᑲᔪᖅᑕᐅᓇᓱᐊᖅᑐᓂᑦ ᐊᓯᔾᔨᖅᑐᖃᖅᐸᑦ ᑕᑯᔭᐅᕝᕕᒃᓴᖏᓐᓂᑦ ᓇᒥᓪᓘᓐᓃᑦ. 
  • ᐊᑲᐅᙱᓕᐅᕈᑕᐅᔾᔮᙱᑦᑐᑦ ᒪᓕᒐᑎᒍᑦ ᒪᓕᒋᐊᓕᖏᓐᓂᑦ ᐃᖅᑲᖅᑐᖅᑕᐅᕌᓂᒃᓯᒪᔪᓄᑦ. 
  • ᓄᓇᓕᖕᓂᑦ ᐃᖅᑲᖅᑐᖅᑕᐅᓯᒪᔪᓕᕆᔨᒃᑯᑦ ᐱᓕᕆᖃᑎᖃᑦᑎᐊᖕᓂᐊᖅᑐᑦ ᐸᓖᓯᒃᑯᓐᓂᑦ ᑕᒪᓐᓇ ᐊᑦᑕᖕᓇᖅᑐᖃᙱᒃᑲᓗᐊᕆᐊᒃᓴᖓᓂᑦ ᓄᓇᓕᖕᓄᑦ. 

 

ᓄᓇᓕᖕᓂᑦ ᐃᖅᑲᖅᑐᐃᔨᕋᓛᒃᑯᓐᓄᑦ ᐊᐱᖅᑯᑎᑦ ᑭᒡᒍᓰᓪᓗ

ᓄᓇᓕᖕᓂᑦ ᐃᖅᑲᖅᑐᐃᔨᕋᓛᒃᑯᑦ ᑎᑎᕋᕐᕕᖏᑦ ᐅᒃᑯᐃᖓᓛᖅᐸᑦ ᓄᓇᓕᖕᓂᑦ? 

  • ᐄ, ᓄᓇᓕᖕᓂᑦ ᐃᖅᑲᖅᑐᐃᕕᕋᓛᒃᑯᑦ ᑎᑎᕋᕐᕕᖏᑦ ᐅᒃᑯᐃᖓᓂᐊᖅᑐᑦ ᐃᑲᔪᖅᑐᐃᙱᓐᓂᓇᕐᓂᐊᖅᖢᑎᒡᓗ ᐃᓄᖕᓄᑦ ᐃᑲᔪᖅᑕᐅᔭᕆᐊᓕᖕᓄᑦ. 

 

ᖃᓄᕐᓕ ᑕᒪᓐᓇ ᐊᒃᑐᐃᓂᖃᖕᓂᐊᕐᒪᑦ ᐱᔨᑦᑎᕋᐅᑎᓂᒃ ᓄᓇᓕᖕᓂᑦ ᐃᖅᑲᖅᑐᐃᔨᕋᓛᒃᑯᑦ ᐃᖅᑲᓇᐃᔭᖅᑎᖏᓐᓄᑦ?

  • ᓄᓇᓕᖕᓂᑦ ᐃᖅᑲᖅᑐᐃᔨᕋᓛᓕᕆᔨᒃᑯᑦ ᓇᓗᓇᐃᔭᐃᔪᑦ ᓄᓇᓕᖕᓂᑦ ᐊᒃᑐᖅᑕᐅᓯᒪᑐᐃᓐᓇᕆᐊᓕᖕᓂᑦ ᖃᕆᑕᐅᔭᓄᑦ ᐅᓚᕕᑕᓄᑦ. 
  • ᓲᖃᐃᒻᒪ ᐃᓚᖏᑦ ᐃᖅᑲᖅᑐᐃᔨᕋᓛᒃᑯᓐᓄᑦ ᐃᖅᑲᓇᐃᔭᖅᑎᑦ ᐃᖅᑲᓇᐃᔭᖅᑎᑕᐅᖕᒪᑕ ᕼᐋᒻᒪᓚᑦᑯᑎᒍᑦ ᐊᓯᖏᓐᓄᓪᓘᓐᓃᑦ ᒐᕙᒪᐅᙱᑦᑐᓄᑦ ᑲᑐᔾᔨᖃᑎᒌᓄᑦ ᐃᓕᓯᒪᙱᓚᓪᓕ ᓄᓇᕗᑦ ᒐᕙᒪᒃᑯᖏᑦᑕ ᖃᕆᑕᐅᔭᖏᑎᒍᑦ.  
  • ᐱᓕᕆᖃᑎᒋᓂᐊᖅᐸᕗᑦ ᑖᒃᑯᐊ ᐊᒃᑐᖅᑕᐅᓯᓚᒧᑦ ᐃᖅᑲᖅᑐᐃᔨᕋᓛᒃᑯᓐᓄᑦ ᐃᖅᑲᓇᐃᔭᖅᑎᑦ ᐃᑲᔪᐃᓐᓇᖁᓪᓗᑎᒍᑦ ᓄᓇᓕᓕᒫᑦ.
  • ᑎᑎᕋᕐᕕᒃᐳᑦ ᐃᖅᑲᓇᐃᔭᖅᑎᖃᐃᓐᓇᖕᓂᐊᖅᑐᑦ ᐃᑲᔪᖅᑐᐃᓂᐊᕐᓗᑎᒃ ᐃᖅᑲᓇᐃᔭᖅᑎᐅᔪᓄᑦ ᑐᓴᐅᒪᑎᑦᑎᓗᑎᒡᓗ ᐃᑲᔪᖅᑕᐅᓇᓱᐊᖅᑐᓂᑦ. 

 

ᐱᕋᔭᒃᑕᐅᓯᒪᔪᓄᑦ ᐱᔨᑦᑎᕋᐅᑎᓄᑦ ᐊᐱᖅᑯᑎᑦ ᑭᒡᒍᓰᓪᓗ

ᐱᕋᔭᒃᓴᐅᓯᒪᔪᓄᑦ ᐱᔨᑦᑎᕋᐅᑏᑦ ᐃᑲᔪᖅᑐᐃᔪᓐᓇᖕᓂᐊᖅᐸᑦ ᐱᕋᔭᒃᑕᐅᓯᒪᔪᓄᑦ ᐃᓚᖏᓪᓗ ᖃᒥᙵᓂᖏᓐᓂᑦ ᖃᕆᑕᐅᔭᑦ? 

  • ᓂᕆᐅᙱᑦᑐᒍᑦ ᐅᓚᕕᓴᐅᑎᒃᓴᓂᑦ ᐱᔨᑦᑎᕋᐅᑎᑦᑎᓐᓂᑦ, ᐃᓚᐅᓪᓗᑎᒃ ᖃᖓᑦᑕᐅᓯᕆᓃᑦ ᐃᑲᔪᖅᑐᐃᓃᓪᓗ.  
  • ᐱᓕᕆᕝᕕᑦᑕ ᐃᖅᑲᓇᐃᔭᖅᑎᖏᑦ ᐱᓕᕆᖃᑎᒌᒃᑐᑦ ᐱᔨᑦᑎᕋᕋᓗᐊᕆᐊᒃᓴᖏᓐᓂᑦ ᓄᓇᕗᒻᒥᐅᓄᑦ ᐱᕋᔭᒃᑕᐅᓯᒪᔪᓄᑦ ᐱᔨᑦᑎᕋᐅᑏᑦ ᐅᓚᕕᑕᐅᙱᒃᑲᓗᐊᕆᐊᒃᓴᖏᓐᓂᑦ.

 

ᑭᒃᑯᓕᒫᓄᑦ ᑭᒡᒐᖅᑐᖅᑎᓄᑦ ᐊᐱᖅᑯᑎᑦ ᑭᒡᒍᓰᓪᓗ

ᐃᑲᔪᖅᑕᐅᓇᓱᐊᖅᑐᑦ ᑭᒃᑯᓕᒫᓄᑦ ᑭᒡᒐᖅᑐᑎᓄᑦ ᐅᓚᕕᔾᔪᔾᔭᐅᓂᐊᖅᐸᑦ ᐊᑭᓕᖅᑕᐅᔾᔪᑎᒃᓴᖏᓐᓂᑦ? 

ᐋᒃᑲ.  ᐊᑭᓕᐅᑎᓕᐅᕈᑏᑦ ᑭᒃᑯᓕᒫᓄᑦ ᑭᒡᒐᖅᑐᖅᑎᓄᑦ ᑎᑎᕋᖅᑕᐅᓪᓚᑦᑖᓲᖑᕗᑦ. ᑕᐃᒪᐃᒻᒪᑦ, ᓂᕆᐅᙱᑦᑐᒍᑦ ᐅᓚᕕᔾᔪᑎᒃᓴᓂᑦ ᐃᑲᔪᖅᑕᐅᓇᓱᒃᑐᓄᑦ ᐊᑭᓕᐅᑎᒃᓴᓄᑦ. 

 

ᐃᖅᑲᖅᑐᐃᕕᒻᒥ ᐊᐱᖅᑯᑏᑦ ᑭᐅᔾᔪᑏᓪᓗ

ᐃᖅᑲᓇᐃᔨᒃᑯᑦ ᑲᔪᓯᑲᓐᓂᓚᖓᕚᑦ ᐋᖅᑭᑦᓯᒪᓂᕆᒐᔪᑦᑕᖏᓐᓂᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ ᐊᑐᕋᑦᓴᐅᑎᓐᓇᒍ? 

  • ᓂᕆᐅᒋᔭᖃᖏᑦᑐᒍᑦ ᐸᕝᕕᓴᑦᑕᐅᓂᕐᒥᑦ ᐃᖅᑲᖅᑐᐃᕕᑦᑕ ᐱᔨᑦᓯᕋᐅᑎᖏᓐᓂᑦ, ᐃᓚᒋᔭᖃᖅᑐᓂᑦ ᓄᓇᓕᓐᓂᑦ ᐃᖅᑲᖅᑐᐃᔨᕗᑦ ᓄᓇᓕᓐᓅᖃᑦᑕᕐᓂᕐᒧᓪᓗ ᐃᖅᑲᖅᑐᐃᔪᓂᑦ. 
  • ᖃᕆᑕᐅᔭᓕᕆᔨᕗᑦ ᐃᖅᑲᓇᐃᔭᖅᑏᑦ ᐱᓕᕆᖃᑎᖃᖅᓯᒪᔪᑦ ᐃᖅᑲᖅᑐᐃᔪᓂᑦ ᐋᖅᑭᑦᓱᐃᓂᕐᒥᑦ ᖃᕆᑕᐅᔭᕐᓂᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᑦ ᐊᑐᕐᓇᑎᒃ ᐃᑲᔪᖅᑐᕐᓂᕐᒥᑦ ᐃᖅᑲᖅᑐᐃᕕᒻᒥᑦ ᐊᐅᓚᓂᐅᔪᓂᑦ. 

 

ᖃᓄᐃᓕᐅᖅᑲᑦ ᒪᓕᒐᓕᕆᔨᒃᑯᑦ ᑲᒪᒋᔭᖃᕐᓂᕐᒧᑦ ᑲᔪᓯᖏᓐᓇᕐᓂᖓᓄᑦ ᐃᖅᑲᖅᑐᐃᕕᓕᕆᔨᒃᑯᑦ ᐱᔨᑦᓯᕋᐅᑎᖏᓐᓂᑦ?

  • ᐃᖅᑲᖅᑐᐃᕕᓕᕆᔨᒃᑯᑦ ᐱᔨᑦᓯᕋᖅᑎᖏᑦ  ᓂᕆᐅᓇᙱᑦᑐᓕᕆᓂᕐᒧᑦ ᐸᕐᓇᐅᑎᒥᒃ ᑲᒪᒋᔭᖃᖅᑐᑦ ᐃᓗᓵᕆᓂᖃᖁᓇᒍᑦ ᐱᔨᑦᑎᕋᐅᑎᓂᒃ ᓄᓇᕗᒻᒥᐅᓄᑦ.  
  • ᐃᖅᑲᖅᑐᐃᕕᒃᑯᑦ ᑎᑎᕋᕐᕕᖓ ᒪᑐᐃᖓᐃᓐᓇᖅᑐᖅ 9-ᒥ ᐅᓪᓛᒃᑯᑦ 4-ᒧᓄ ᐅᓐᓄᓴᒃᑯᑦ ᓇᒡᒐᔾᔭᐅᒥ ᑕᓪᓕᒥᕐᒧᑦ. ᓇᓪᓕᐊᑐᐃᓐᓇᖅ ᐱᕋᔭᓐᓂᕐᒧᑦ ᐃᓅᖃᑎᒌᑐᓄᓪᓘᓐᓃᑦ ᑲᔪᓯᕙᓪᓕᐊᔪᓄᑦ ᑐᖅᑯᖅᓯᒍᓐᓇᖅᑐᐃᑦ ᑐᕋᐃᓐᓇᕐᓗᑎᒃ ᐃᖅᑲᖅᑐᐃᕕᒃᑯᑦ ᑎᑎᕋᕐᕕᖓᓄᑦ ᐅᐸᓪᓗᑎᒃ, ᓱᑲᑦᑐᒃᑯᓪᓗ ᐅᕙᓂ: (867) 975-6550 ᐃᕐᖐᓐᓈᕈᑎᒃᑯᓪᓘᓐᓃᑦ ᐅᕗᖓ:
  • ᓇᓪᓕᐊᑐᐃᓐᓇᖅ ᐃᓅᖃᑎᒌᓂᑦ ᐃᖅᑲᖅᑐᖅᑕᐅᑎᑦᓯᓂᕐᒧᑦ ᖃᓄᐃᓐᓂᐅᔪᓄᑦ:  NCJcivilstaff@gmail.com
  • ᐱᕋᔭᓐᓂᕐᒧᑦ ᐃᖅᑲᖅᑐᖅᑕᐅᔪᓄᑦ ᖃᓄᐃᓐᓂᐅᔪᓄᑦ: staffncj@gmail.com
  • ᐱᔪᓐᓇᕐᓂᕐᒧᑦ ᐃᖅᑲᖅᑐᐃᕕᒻᒥᑦ ᑎᑎᕋᖅᓯᒪᔪᓂᑦ ᐱᔪᒪᓂᕐᒧᑦ ᐅᐸᓪᓗᑎᑦ, ᓱᑲᑦᑐᒃᑯᑦ ᐊᖅᑯᑎᒋᓗᒍᓘᓐᓃᑦ ᐃᓅᖃᑎᒌᓄᑦ ᐃᖅᑲᖅᑐᖅᑕᐃᑎᑦᓯᓂᕐᒧᑦ ᐃᖅᑲᓇᐃᔭᖅᑎᓂᑦ ᐃᕐᖐᓈᖅᑕᐅᑎᖏᓐᓄᑦ. 
  • ᒐᕙᒪᒃᑯᑦ ᓄᓇᕗᒻᒥ ᐱᓕᕆᐊᖃᐃᓐᓇᖅᑐᖅ ᐱᔪᓐᓇᑲᓐᓂᕐᓂᕐᒧᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ. ᑐᓴᖅᑎᑦᓯᔾᔪᑏᑦ ᓴᖅᑭᔮᖅᑎᑕᐅᓂᐊᖅᑐᑦ ᓄᓇᕗᒻᒥ ᒪᓕᒐᓕᕆᔨᒃᑯᑦ ᐃᑭᐊᖅᑭᕕᖓᓂᑦ ᐊᑐᐃᓐᓇᐅᑎᑦᓯᓂᕐᒧᑦ ᑐᓴᐅᒪᑦᑎᑦᓯᔾᔪᑎᓂᑦ ᒫᓐᓇᐅᔪᖅ ᖃᓄᐃᓐᓂᐅᔪᓂᑦ.

ᑐᑭᓯᒋᐊᑲᓐᓂᕈᒪᒍᕕᑦ ᖃᐅᔨᒃᑲᕐᓗᒍ ᐃᖅᑲᖅᑐᐃᕕᒃᑯᑦ ᐅᕙᓂ:

  • ᑎᑎᕋᕐᕕᖓ ᐃᓅᖃᑎᒌᒻᒨᖓᔪᓄᑦ: (867) 975-6102
  • ᐱᕋᔭᓐᓂᕐᒧᑦ ᑎᑎᕋᕐᕕᖓ: (867) 975-6101
  • ᐃᖅᑲᖅᑐᐃᕕᒻᒥ ᐸᓖᓯᒃᑯᖏᑦᑕ ᐊᓪᓚᕝᕕᖓ: (867) 975- 6103

    

ᖃᓄᖅ ᐊᑐᐃᓂᖃᖅᑲ ᐃᓅᖃᑎᒌᒻᒧᖓᔪᓄᑦ ᑎᑎᕋᕐᕕᖓᓂᑦ? 

  • ᐃᓅᖃᑎᒌᓐᓄᖓᔪᓄᑦ ᑎᑎᕋᕐᕕᖓ ᐊᑐᖅᑕᐅᖃᑦᑕᖅᑐᖅ ᐊᑐᐃᓐᓇᐅᖏᑦᑐᖅ.
  • ᐃᖅᑲᖅᑐᐃᕕᒻᒥ ᐃᖅᑲᓇᐃᔭᖅᑏᑦ ᒫᓐᓇ ᖃᐅᔨᓴᖅᑐᑦ ᐱᓕᕆᕙᓪᓕᐊᓂᖏᓐᓄᑦ ᐱᔪᓐᓇᕐᓂᕐᒥᑦ ᖃᕆᑕᐅᔭᒃᑯᑦ ᑐᓂᔭᐅᔪᓂᑦ ᐱᔾᔪᑎᓕᓐᓄᑦ ᐃᓅᖃᑎᒌᓐᓂᕐᒧᑦ ᐱᕋᔭᓐᓂᕐᒧᓪᓗ ᖃᓄᐃᓐᓂᐅᔪᓂᑦ, ᐊᑐᖅᑕᐅᖃᑦᑕᖅᑐᖅ ᓱᓕ ᐱᔪᓐᓇᖏᒻᒪᑦ. 
  • ᐱᓕᕆᕝᕕᒃ ᐊᑐᐃᓐᓇᐅᑎᑦᓯᓂᐊᖅᑐᖅ ᑐᓴᐅᒪᑎᑦᓯᑲᓐᓂᕐᓂᕐᒥᑦ ᐋᖅᑭᒋᐊᕈᑎᓴᖅ ᖃᐅᔨᔭᐅᑉᐸᑦ ᐱᔪᓐᓇᑲᓐᓂᓕᕈᑦᑕᓗ ᖃᕆᑕᐅᔭᒃᑯᑦ ᑐᓂᔭᐅᔪᓂᑦ.  

 

ᒪᓕᒐᕐᓂᒃ ᓇᓗᓇᐃᖅᓯᕕᒻᒧᑦ ᐊᐱᖅᑯᑏᑦ ᑭᐅᔾᔪᑏᓪᓗ

ᖃᓄᖅ ᐊᑦᑐᐃᓂᖃᖅᑲ ᐱᔨᑦᓯᕋᕐᓂᐅᔪᖅ ᐊᑐᐃᓐᓇᐅᑎᑕᐅᒐᔪᓐᓂᖓᓂᑦ ᐊᖅᑯᑕᐅᑦᓱᓂ ᒪᓕᒐᕐᓂᒃ ᓇᓗᓇᐃᖅᓯᕕᒻᒧᑦ?

  • ᒫᓐᓇᐅᔪᖅ, ᐊᓪᓚᕝᕕᒃ ᐊᑐᐃᓐᓇᐅᑎᑦᓯᒍᓐᓇᖏᑦᑐᖅ ᐱᔨᑦᓯᕋᕐᓂᕐᒥᑦ ᐱᔾᔪᑎᓕᓐᓂᑦ ᑎᒥᐅᔪᓄᑦ ᑎᑎᕋᕐᕕᓐᓂᑦ, ᓄᓇᖁᑎᖃᖅᑐᓕᕆᔩᑦ ᐱᖁᑎᖃᕐᓂᕐᒧᓪᓘᓐᓃᑦ ᓇᓗᓇᐃᒃᑯᑕᓂᑦ ᐃᕐᖐᓐᓈᖅᑕᐅᑎᒃᑯᑦ ᓇᓗᓇᐃᖅᓯᓕᕐᒧᑦ. 
  • ᐱᔨᑦᓯᕋᖅᑕᐅᔪᑦ ᖃᐅᔨᒋᐊᕈᓐᓇᖅᑐᑦ ᐅᖄᓚᓗᑎᓪᓘᓐᓃᑦ ᐊᓪᓚᕝᕕᖓᓄᑦ ᑐᑭᓯᒋᐊᓂᕐᒧᑦ ᐃᑲᔪᖅᑐᖅᑕᐅᓂᕐᒧᓪᓗ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ ᐱᔪᓐᓇᖅᑎᓐᓇᒍ. 
  • ᒪᓕᒐᖅᑎᒍᑦ ᓇᓗᓇᐃᖅᓯᕕᕗᑦ ᐃᖅᑲᓇᐃᔭᑎᖏᑦ ᐱᓕᕆᐊᖃᖅᑐᑦ ᖃᐅᔨᓴᕐᓂᕐᒥᑦ ᒫᓐᓇᐅᔪᖅ ᐱᔨᑦᓯᕋᕐᓂᕐᒧᑦ ᒪᓕᒋᐊᓕᓐᓂᑦ.

 

 

ᑮᓇᐅᔭᓕᕆᔨᒃᑯᑦ ᐊᐱᖅᑯᑏᑦ ᑭᐅᔾᔪᑏᓪᓗ

ᑖᓐᓇ ᐊᔪᓕᖅᑎᑦᓯᔾᔪᑕᐅᔪᖅ ᖃᕆᑕᐅᔭᕐᓂᑦ ᑲᑉᐱᐊᓵᕆᓂᕐᒧᑦ ᐊᑦᑐᐃᓂᖃᖅᑳ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦᑕ ᐊᑭᓕᖅᑕᐅᓂᕐᒧᑦ ᐋᖅᑭᑦᓯᒪᓂᖏᓐᓂᑦ?

  • ᐱᓕᕆᕝᕕᒃ ᐱᓕᕆᖃᖅᑐᖅ ᐱᒋᐊᖅᑎᑦᓯᓂᕐᒥᑦ ᐊᑭᓕᖅᑕᐅᓂᕐᒧᑦ ᑭᖑᓪᓕᕐᒥᑦ ᐊᑭᓕᖅᑕᐅᓂᕐᒧᑦ ᐋᖅᑭᑦᑕᐅᓯᒪᓂᖓᓄᑦ. ᒪᕐᕉᒻᒪᑎᒃ ᐱᓇᓱᐊᕈᓰᒃ ᑭᖑᓪᓕᕐᒥᑦ ᐊᑭᓕᖅᑕᐅᓂᕐᒧᑦ.

 

ᓂᐅᕕᖅᑎᑦᑎᔩᑦ ᐊᑭᓕᖅᑕᐅᔾᔪᑎᑖᕈᓐᓇᓚᖓᕚᑦ ᐋᖅᑭᑦᑕᐅᓯᒪᓂᖏᑎᒍᑦ?

  • ᑭᖑᕙᕆᐊᓂᖅᑕᖃᓚᖓᔪᖅ ᑮᓇᐅᔭᓕᕆᓂᕐᒧᑦ ᐱᓕᕆᕝᕕᐅᔪᓂᑦ ᐊᑐᖅᑕᐅᖃᑦᑕᖅᑐᓂᑦ.  ᒫᓐᓇᓕ, ᑮᓇᐅᔭᓕᕆᔨᒃᑯᑦ ᐱᓕᕆᖃᑎᖃᖅᑐᑦ ᐊᓯᖏᓐᓂᑦ ᐱᓕᕆᕝᕕᐅᔪᓂᑦ ᓯᕗᓪᓕᐅᔾᔨᓂᕐᒥᑦ ᐊᑭᓕᐅᑕᐅᔪᓂᑦ. 

 

ᐅᑎᖅᑎᑦᓯᕕᐅᓂᐊᖅᑯᖔ ᐋᓐᓂᐊᕕᓕᐊᕐᓂᕐᒧᑦ ᓄᓇᓕᐅᑉᓘᓐᓃᑦ ᐊᓯᐊᓄᑦ ᐃᖅᑲᓇᐃᔭᕆᐊᕐᓗᓂ ᐊᐅᓪᓚᕐᓂᕐᒧᑦ?

  • ᐊᑭᓕᐅᑕᐅᔪᑦ ᐅᑎᖅᑎᑦᓯᕕᐅᔪᐃᓪᓗ ᓯᕗᓪᓕᐅᔾᔭᐅᓂᐊᖅᑐᑦ ᐱᔪᓐᓇᖅᓯᑐᐊᕐᓯᐊᖅᐸᑦ ᐊᑐᖅᑕᐅᖃᑦᑕᖅᑐᖅ. 

 

ᑮᓇᐅᔭᓕᕆᔨᒃᑯᑦ ᐊᓪᓚᕝᕕᖓ ᒪᑐᐃᖓᓂᐊᖅᑲ?

  • ᐄ, ᑮᓇᐅᔭᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᓂᕆᐅᒋᔭᐅᔪᑦ ᐃᖅᑲᓇᐃᔭᕐᓂᐊᖅᑎᓪᓗᒋ ᐃᖅᑲᓇᐃᔭᕆᐊᕕᒋᒐᔪᑦᑕᖏᓐᓂᑦ. ᐃᓚᖏᑦ ᐱᔨᑦᓯᕋᐅᑏᑦ ᐊᑐᐃᓐᓇᐅᑐᐃᓐᓇᕆᐊᓖᑦ ᐅᐸᓪᓗᑎᑦ, ᐅᖄᓚᐅᑎᒃᑯᑦ ᓱᑲᑦᑐᒃᑯᓪᓘᓐᓃᑦ.
  • ᖃᐅᔨᒋᐊᕆᑦ ᐅᖄᓚᓗᑎᓪᓘᓐᓃᑦ ᓄᓇᓕᓐᓂᑦ ᑮᓇᐅᔭᓕᕆᔨᒃᑯᑦ ᐊᓪᓚᕝᕕᖓᓄᑦ ᑐᑭᓯᒋᐊᑲᓐᓂᕈᒪᒍᕕᑦ.

 

ᕕᐊᑖᕐᕕᒃ ᐊᒻᒪ ᐅᐊᐃᓂᑖᕐᕕᒃ ᒪᑐᐃᖓᐃᓐᓇᓚᖓᕚ?

  • ᓂᐅᕕᐊᑦᓴᖃᕐᓂᐅᔪᖅ ᕕᐊᓂᑦ ᐅᐊᐃᓂᓪᓗ ᓂᐅᕕᕐᕕᒃ ᐊᑐᖅᑕᐅᓂᖃᖏᑦᑐᖅ ᑖᑦᓱᒧᖓ ᖃᓄᐃᓐᓂᐅᔪᒧᑦ. ᐃᖅᑲᓇᐃᔭᕐᓇᐅᑉ ᐃᑲᕐᕋᖏᑦ ᖃᓄᕐᓗ ᐊᑭᓕᐅᑎᐅᔪᑦ ᑕᐃᒪᐃᓕᖓᐃᓐᓇᕐᓂᐊᖅᑐᑦ.

 

ᑮᓇᐅᔭᓕᕆᔨᒃᑯᑦ ᓯᓚᑖᓂᑦ ᖃᐅᔨᒋᐊᖅᑕᐅᓂᕐᒧᑦ ᑎᑎᕋᖅᓯᒪᔪᑦ

ᐃᖃᓗᐃᑦ - ᐸᕐᓇᐃᕕᒃᒥ
ᐅᖄᓚᐅᑎᖓ: 867-975-5803
ᓱᑲᑦᑐᒃᑯᑦ: 867-975-5845

ᐃᖃᓗᐃᑦ - ᑲᔪᖅᑐᖅ ᐃᓪᓗᕐᔪᐊᖅ
ᐅᖄᓚᐅᑎᖓ: 867-975-5800
ᓱᑲᑦᑐᒃᑯᑦ: 867-975-6814

ᑲᖏᖅᖠᓂᖅ ᐊᕕᑦᑐᖅᓯᒪᔪᓄᑦ ᐊᓪᓚᕝᕕᒃ
ᐅᖄᓚᐅᑎᖓ: 867-645-8500
ᓱᑲᑦᑐᒃᑯᑦ: 867-645-8511

ᐃᒡᓗᓕᒃ ᐊᕕᑦᑐᖅᓯᒪᔪᓄᑦ ᐊᓪᓚᕝᕕᒃ
ᐅᖄᓚᐅᑎᖓ: 867-934-2009
ᓱᑲᑦᑐᒃᑯᑦ: 867-934-8677

ᐃᖃᓗᒃᑑᑦᑎᐊᖅ ᐊᕕᑦᑐᖅᓯᒪᔪᓄᑦ ᐊᓪᓚᕝᕕᒃ
ᐅᖄᓚᐅᑎᖓ: 867-983-4043
ᓱᑲᑦᑐᒃᑯᑦ: 867-983-4041

ᑖᒃᓯᓕᕆᓂᕐᒧᑦ ᓇᓪᓕᐊᒃᑯᒫᓕᕆᓂᕐᒧᓪᓗ
ᐅᖄᓚᐅᑎᖓ: 1-800-316-3324
ᓱᑲᑦᑐᒃᑯᑦ: 867-975-5845

ᐊᔾᔨᐅᙱᑦᑐᒥᑦ ᖃᓄᐃᓕᐅᕈᑎᖃᕐᓂᕐᒧᑦ ᐱᔪᓐᓇᐅᑎᑖᕐᓂᕐᒧᑦ, ᐃᒥᐊᓗᑦᑖᕈᓐᓇᕐᓂᕐᒧᑦ ᐱᔪᓐᓇᐅᑎᑖᕐᓂᖅ
ᐅᖄᓚᐅᑎᖓ: 867-975-6807
ᓱᑲᑦᑐᒃᑯᑦ: 867-975-5845

ᐱᔪᓐᓇᐅᑎᑖᕐᓂᕐᒧᑦ ᑎᑭᓵᖑᓯᒪᔪᑦ, ᐃᒥᐊᓗᓕᔭᕈᓐᓇᐅᑦ

ᐃᖃᓗᐃᑦ
ᐅᖄᓚᐅᑎᖓ: 867-975-6869
ᓱᑲᑦᑐᒃᑯᑦ: 867-975-5836

ᑲᖏᖅᖠᓂᖅ
ᐅᖄᓚᐅᑎᖓ: 1-855-844-5488
ᓱᑲᑦᑐᒃᑯᑦ: 867-645-3327

 

 

ᐃᓪᓗᓕᕆᔨᕐᔪᐊᒃᑯᓐᓄᑦ ᐊᐱᖅᑯᑏᑦ ᑭᐅᔾᔪᑏᓪᓗ

ᐃᓪᓗᓕᕆᔨᕐᔪᐊᒃᑯᑦ ᐊᓪᓚᕝᕕᖏᑦ ᒪᑐᐃᖓᕙ?

  • ᐄ, ᑕᒪᕐᒥᒃ ᐃᓪᓗᓕᕆᔨᕐᔪᐊᒃᑯᑦ ᐊᓪᓚᕝᕕᓕᒫᖏᑦ ᒪᑐᐃᖓᓂᐊᖅᑐᖅ ᐃᑲᕐᕋᖏᑦ ᑕᐃᒫᖑᕙᒻᒪᑕ.

 

ᓄᓇᓕᖕᓂ ᐃᓪᓗᓕᕆᔨᒃᑯᑦ ᑲᑐᔾᔨᖃᑎᒌᖏᑦ ᐊᑦᑐᖅᑕᐅᓯᒪᕙᑦ?

  • ᐋᒃᑲ, ᓄᓇᓕᓐᓂᑦ ᐃᒡᓗᓕᕆᔩᑦ ᑲᑐᔾᔨᖃᑎᒌᒃᑯᖏᑕ ᐊᓪᓚᕝᕕᖏᑦ ᓱᕐᕋᖏᑦᑐᑦ ᓱᓕ ᒪᑐᐃᖓᐃᓐᓇᕐᓂᐊᖅᑐᑦ ᑕᐃᒫᖑᕙᒻᒪᑕ.

 

ᐃᓪᓗᓕᕆᔨᒃᑯᑦ ᐱᓕᕆᐊᔅᓴᖏᑦ ᐊᒻᒪ ᐱᔨᑦᑎᕈᑎᖏᑦ ᓱᓕ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᓱᓕ ᐊᑐᕋᔅᓴᐅᓂᐊᖅᐸ?

  • ᐄ, ᐃᓪᓗᓕᕆᔨᕐᔪᐊᒃᑯᑦ ᓄᖅᑲᖓᔪᖅᑲᖏᑦᑐᑦ ᓇᓪᓕᐊᑐᐃᓐᓇᑦ ᐱᓕᕆᐊᔅᓇᖏᑦ ᐊᒻᒪ ᐱᔨᑦᑎᕈᑎᒋᖃᑦᑕᖅᑕᖏᑦ ᑲᒪᒋᔭᐅᖏᓐᓇᕐᓂᐊᖅᑐᑦ

 

 

ᓄᓇᕗᒻᒥ ᓯᓚᑦᑐᖅᓴᕐᕕᒃ ᐊᐱᖅᑯᑏᑦ ᑭᐅᔾᔪᑏᓪᓗ

ᐊᔪᓕᖅᑎᑦᑎᔾᔪᑕᐅᔪᖅ ᖃᕆᓴᔭᐅᔭᓂᑦ ᐊᑦᑐᐃᖃᑕᐅᓯᒪᕙ ᓄᓇᕗᑦ ᓯᓚᑦᑐᖅᓴᕐᕕᒃᑯᑦ ᖃᕆᓴᐅᔭᒃᑯᑦ ᐃᑭᐊᖅᑭᕕᒃᑰᕈᓐᓇᐅᑎᖏᓐᓂᑦ?

  • ᖃᕆᓴᐅᔭᒃᑯᑦ ᐱᓕᕆᔾᔪᑎᓕᒫᑦ (ᓇᔅᓴᒐᑦ, ᐅᖄᓚᐅᑎᕋᓛᑦ, ᖃᕆᓴᐅᔭᒃᑰᕈᓐᓇᐅᑎᕋᓛᑦ ᑖᒃᑯᐊ ᑲᑉᐳᔾᔮᖅᓯᒪᔪᐃᓐᓇᐅᒋᐊᓖᑦ ᑕᕙᙵᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑰᕈᓐᓇᐅᑎᓕᒫᖏᓐᓂᑦ ᐅᐊᔭᒃᑰᖓᖏᑦᑐᓄ (ᐱᖃᓯᐅᑎᓪᓗᒋᑦ ᒑᓚᒃᓯ ᐃᑭᐊᖅᑭᕕᒃᑰᕈᓐᓇᐅᑎᖏᑦ).

 

ᐊᑐᕈᒪᓕᑭᐊᖅ ᖃᕆᓴᔭᐅᓄᑦ ᐱᓕᕆᔾᔪᑎᓄᑦ ᑲᑉᐳᑎᓯᒪᖃᑕᐅᙱᑦᑐᓄᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑰᕈᓐᓇᐅᑎᖏᑎᒍᑦ?

  • ᐊᑦᑐᖅᑕᐅᓯᒪᖃᑕᐅᔾᔮᖏᑦᑐᑎᑦ.

 

ᓇᒻᒥᓂᓐᓄᑦ ᐃᑭᐊᖅᑭᕕᒃᑰᕈᓐᓇᐅᑎᓐᓂᑦ ᐊᑐᕈᒪᓕᑭᐊᖅ, ᑖᒃᑯᓂᖓ ᕿᓂᖅ ᐃᑭᐊᖅᑭᕕᒃᑰᕈᓐᓇᐅᑎᖏᓐᓂᑦ?

  • ᖃᓄᐃᔾᔮᖏᑦᑐᑦ ᑖᒃᑯᐊ ᑲᑉᐳᑎᓯᒪᔪᑦ ᐃᑭᐊᖅᑭᕕᒃᑰᕈᓐᓇᐅᑎᓄᑦ ᓄᓇᕗᑦ ᒐᕙᒪᒃᑯᖏᓐᓃᖏᑦᑐᓄᑦ ᑭᓯᐊᓂ ᖃᐅᔨᒪᑦᑎᐊᕆᐊᖏᓐᓇᕐᓂᐊᖅᐳᑎᑦ ᐃᕝᕕᑦ ᐃᖅᑲᓇᐃᔭᕈᑎᒋᖃᑦᑕᖅᑕᓐᓂᑦ ᖃᕆᓴᐅᔭᖓᓐᓂᖔᖓᔪᓂᑦ ᐊᐅᓪᓛᖅᑎᕆᓇᓕᖅᕈᕕᑦ (ᑲᑉᐳᑎᓯᒪᔪᒧᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑰᕈᓐᓇᐅᑎᖓᓐᓄᑦ) ᓇᒻᒥᓂᕐᓄᑦ ᖃᕆᓴᐅᔭᓐᓄᑦ.

 

ᐃᓕᓐᓂᐊᖅᑐᑦ ᓄᖅᑲᖅᑎᑕᐅᕙ?

  • ᐋᒃᑲ, ᐃᓕᓐᓂᐊᖅᑐᑦ ᑲᔪᓯᓂᐊᖅᑐᑦ ᑕᐃᒫᖑᕙᒻᒪᑦ.

 

ᐊᓪᓚᕝᕖᑦ ᒪᑐᓯᒪᕙᑦ?

  • ᐋᒃᑲ. ᐊᓪᓚᕝᕖᑦ ᒪᑐᐃᖓᐃᓐᓇᕐᓂᐊᖅᑐᑦ ᐊᒻᒪ ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔭᐃᓐᓇᕐᓂᐊᖅᑐᑦ ᓱᓕ ᐃᑲᕐᕋᖏᑦ ᒪᓕᓪᓗᒋᑦ.

 

ᖃᓄᕐᓕ ᐱᓂᐊᕋᑦᑎᒍ ᐃᑲᕐᕋᓕᐊᕆᓯᒪᔭᑦᑕ ᓇᓕᖅᑲᖏᑦ?

  • ᐃᖅᑲᓇᐃᔭᖅᑎᖁᑎᒋᔭᔅᓯ ᐃᑲᕐᕋᖏᑦ ᖃᐅᔨᒪᒋᐊᖅᑕᐅᖏᓐᓇᕐᓂᐊᖅᐳᑦ, ᐱᓗᐊᖅᑐᒥᑦ ᑖᒃᑯᓄᖓ ᐃᖅᑲᓇᐃᔭᖅᑎᐅᓚᐅᑲᑦᑐᓄᑦ.

 

ᖃᖓᒃᑯᑦ ᓂᕆᐅᓐᓇᖅᐸ ᑐᓴᖅᑎᑕᐅᒃᑲᓐᓂᓛᕐᓂᑎᓐᓂᑦ ᖃᓄᐃᓕᕐᒪᖔᑕ?

  • ᓄᑖᖑᓛᓂᑦ ᑐᓴᕋᔅᓴᓂᑦ ᖃᓄᐃᓕᕐᒪᖔᑕ ᑐᑭᓯᒋᐊᕐᕕᔅᓴᖅ, ᑕᑯᓂᐊᕐᓗᒍ ᓄᓇᕗᑦ ᒐᕙᒪᒃᑯᑦ ᑐᓴᕋᔅᓴᖏᓐᓄᑦ ᑭᒃᑯᑐᐃᓐᓇᕐᓄᑦ − ᐱᓗᐊᖅᑐᒥᑦ ᑕᕘᓇ ᕙᐃᔅᐳᒃᑯᑎᒍᑦ.
  • ᓄᓇᕗᑦ ᓯᓚᑦᑐᖅᓴᕐᕕᒃ ᐋᖅᑭᔅᓱᐃᕙᓪᓕᐊᔪᑦ ᐅᖄᓚᐅᑏᑦ ᐊᒻᒪ ᓱᑲᔪᒃᑳᕈᑏᑦ ᓈᓴᐅᑎᖏᓐᓂᑦ ᑲᑎᖅᓱᐃᕙᓪᓕᐊᔪᑦ. ᐃᕐᖐᓐᓈᖅᑕᐅᑎᒃᑯᑦ ᑎᑎᖅᑲᓂᑦ ᓇᔅᓯᐅᔾᔨᔪᑎᓂᑦ ᖃᕆᓴᐅᔭᒃᑯᑦ ᐊᑐᖅᑕᐅᑲᐃᓐᓇᕐᓂᐊᖅᑐᓂᑦ ᐱᕙᓪᓕᐊᑎᑦᑎᔪᑦ ᑐᓴᐅᒪᖃᑦᑕᐅᑎᔾᔪᑕᐅᓂᐊᖅᑐᒥᑦ ᐱᓕᕆᕝᕕᒻᒥ ᐃᖅᑲᓇᐃᔭᖅᑎᓕᒫᖏᓐᓄᑦ ᐊᑐᖅᑕᐅᓂᐊᖅᑐᒥᑦ.
  • ᒫᓐᓇ ᖃᓄᐃᓐᓂᐅᔪᖅ ᐊᓯᔾᔨᖅᑕᓗᐊᕐᒪᑦ, ᑕᐃᒪᐃᓐᓂᖓᓄᑦ ᑐᓴᕋᔅᓴᐃᑦ ᓴᖅᑭᐸᓪᓕᐊᖏᓐᓇᕐᓂᐊᖅᑐᑦ.

 

 

ᑕᒪᓐᓇ ᐊᑦᑐᐃᓯᒪᓂᐊᖅᐸ ᐱᔨᑦᑎᕈᑎᖏᓐᓂᑦ ᓯᓚᑦᑐᖅᓴᕐᕕᐅᑉ ᐃᓕᓐᓂᐊᖅᑎᖏᓐᓄᑦ?

  • ᑖᒃᑯᓄᖓ ᓯᓚᑦᑐᓴᕐᕕᑯᓐᓄᑦ ᑐᕌᒐᕆᔭᐅᔪᖅ ᒫᓐᓇ ᐱᔨᑦᑎᕈᑎᒋᔭᖏᑦ ᐃᓕᓐᓂᐊᖅᑎᓄᑦ ᐊᓯᔾᔨᖅᑕᐅᓯᒪᖁᓇᒋᑦ.
  • ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎ ᐊᒻᒪ ᐃᓐᓇᕐᓄᑦ ᐃᓕᓐᓂᐊᖅᑐᓄᑦ ᐱᓕᒻᒪᒃᓴᕐᓂᕐᒧᑦ ᐃᑲᔫᑏᑦ (ALTs) ᐊᑭᓕᐅᑎᖏᑦ ᐊᑐᐃᓐᓇᕈᖅᓴᖅᑕᐅᒌᖅᓯᒪᒻᒪᑕ ᐊᑭᓕᐅᑎᔅᓴᐃᑦ ᐋᖅᑭᓱᖅᑕᐅᒌᖅᓯᒪᔪᑦ ᖃᓄᐃᓕᔭᐅᔪᖃᓚᐅᖅᑎᓐᓇᒍ ᓱᓕ, ᑭᕙᓪᓕᖅ ᓯᓚᑦᑐᓴᕐᕕᖓ ᑐᓂᐅᖅᑲᐃᔭᕇᓚᐅᖅᑐᑦ ᓂᕿᖅᑖᕈᑎᔅᓴᓂᑦ ᐃᓕᓐᓂᐊᖅᑎᖏᓐᓄᑦ ᓅᕖᕝᕙ ᓇᑉᐸᖓᑕ ᓯᕗᓪᓕᖓᓐᓂᑦ.
  • ᐃᓱᒫᓗᓐᓇᖅᑐᖃᑐᐊᖅᐸᑦ, ᖃᐅᔨᒃᑲᖅᑕᐅᔭᕆᐊᓖᑦ ᐊᖓᔪᖅᑳᑦ ᐊᐅᓚᑦᑎᔩᑦ ᐊᒻᒪ ᖃᓄᖅᑑᕆᐊᕈᑎᖃᕈᓐᓇᕐᓂᐊᕐᒪᑕ ᐋᖅᑭᒋᐊᕈᑎᔅᓴᓄᑦ.

 

 

ᒐᕙᒪᓕᕆᔨᒃᑯᑦ ᐱᓕᕆᕝᕕᖓ ᐊᐱᖅᑯᑏᑦ ᑭᐅᔾᔪᑏᓪᓗ

ᒐᕙᒪᓕᕆᔨᒃᑯᑦ ᐱᓕᕆᕝᕕᖏᑦ ᒪᑐᐃᖓᕙᑦ?

  • ᐄ. ᒐᕙᒪᓕᕆᔨᒃᑯᑦ ᐱᓕᕆᕝᕕᓕᒫᖏᑦ (ᑖᒃᑯᐊᓗ ᒐᕙᒪᒃᑯᑦ ᑐᓴᒐᒃᓴᓕᕆᔨᖓᖏᑦ) ᒪᑐᐃᖓᔪᐃᓐᓇᐅᓂᐊᖅᑐᑦ.

 

ᑖᒃᑯᐊ ᒐᕙᒪᒃᑯᑦ ᑐᓴᒐᒃᓴᓕᕆᔨᖏᑦ ᐊᑐᐃᓐᓇᐅᓂᐊᖅᐸᑦ?    

  • ᒫᓐᓇᐅᓂᖓᓂᑦ ᐱᔨᑦᑎᕋᐅᑏᑦ ᐅᓚᕕᓴᖅᑕᐅᔪᖃᔾᔮᕋᓱᒋᖏᑕᕗᑦ.

 

ᐃᓄᐃᑦ ᐅᖃᕐᕕᖃᕋᔪᒻᒪᑕ ᒐᕙᒪᒃᑯᑦ ᑐᓴᒐᒃᓴᓕᕆᔨᖏᓐᓂ ᐃᕐᖐᓈᖅᑕᐅᑎᒃᒃᑯᑦ, ᓇᐅᒃᑯᓪᓕ ᐅᖃᕐᕕᐅᔪᓐᓇᖃᑦᑕᕐᓂᐊᖅᐸ ᒐᕙᒪᒃᑯᑦ ᑐᓴᒐᒃᓴᓕᕆᔨᖏᑦ?

  • ᒐᕙᒪᒃᑯᑦ ᑐᓴᒐᒃᓴᓕᕆᔨᖏᓪᓗ ᐊᒻᒪ ᐊᓯᖏᑦ ᒐᕙᒪᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐅᖃᕐᕕᐅᔪᓐᓇᖅᑐᑦ ᐅᖄᓚᐅᑎᒃᑯᓪᓗ, ᓱᒃᑲᔪᒃᑯᓪᓗ ᐅᕙᓗ ᑕᑯᔭᖅᑐᕐᓗᒋᑦ. ᓱᒃᑲᔪᒃᑰᕈᑎᖏᑦ ᐆᑦᑐᕋᖅᑕᐅᓚᐅᖅᑐᑦ ᖃᓄᐃᒻᒪᖔᑕ ᐊᒻᒪ ᐊᐅᓚᔪᓐᓇᖅᑐᐃᓐᓇᐅᓪᓗᑎᑦ.

 

 

ᐃᓕᖅᑯᓯᓕᕆᔨᒃᑯᑦ ᐱᓕᕆᕝᕕᖓᓐᓄ ᐊᐱᖅᑯᑏᑦ ᑭᐅᔾᔪᑏᓪᓗ

ᐃᓕᖅᑯᓯᓕᕆᔨᒃᑯᑦ ᐊᓪᓚᕝᕕᖏᑦ ᒪᑐᐃᖓᕙᑦ?

  • ᐄ. ᐄ, ᐃᓕᖅᑯᓯᓕᕆᔨᒃᑯᑦ ᐊᓪᓚᕝᕕᖏᑦ ᓱᕐᕋᖏᑦᑐᑦ ᓱᓕ ᒪᑐᐃᖓᐃᓐᓇᕐᓂᐊᖅᑐᑦ ᑕᐃᒫᖑᕙᒻᒪᑕ

 

ᐃᓕᖅᑯᓯᓕᕆᔨᒃᑯᑦ ᑐᑭᓕᐅᕆᔨᖏᑦ ᐊᑐᐃᓐᓇᐅᕙᑦ?

  • ᐄ. ᐅᐸᓗᖓᐃᔭᖅᓯᒪᔪᒍᑦ ᑐᐊᕕᕐᓇᖅᑐᖃᓕᕐᓂᖅᐸᑦ ᐱᓕᕆᔾᔪᑎᒋᓂᐊᖅᑕᑎᓐᓂᑦ. ᑐᓴᕆᐊᕐᕕᒋᓗᒍ ᑐᑭᓕᐅᖅᑕᐅᔭᕆᐊᓕᓐᓄᑦ ᐊᐅᓚᑦᑎᔨᓯ

 

ᖃᓄᖅ ᐅᖃᕐᕕᒋᔪᓐᓇᖅᐸᒃᑲ ᐃᓕᖅᑯᓯᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ?

  • ᐃᓕᖅᑯᓯᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐅᖃᕐᕕᐅᔪᓐᓇᖅᑐᑦ ᐊᓪᓚᕝᕕᖏᑦ ᐅᖄᓚᐅᑎᒃᑯᓪᓗ, ᓱᒃᑲᔪᒃᑰᕈᑎᒃᑯᑦ ᐅᕙᓗ ᑕᑯᔭᖅᑐᕐᓗᒋᑦ.

 

 

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄ ᐊᐱᖅᑯᑏᑦ ᑭᐅᔾᔪᑏᓪᓗ

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐱᓕᕆᕝᕕᖏᑦ ᒪᑐᐃᖓᕙᑦ?

  • ᐄ. ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐊᓪᓚᕝᕕᓕᒫᖏᑦ ᓱᓕ ᒪᑐᐃᖓᐃᓐᓇᕐᓂᐊᖅᑐᑦ ᑕᐃᒫᖑᕙᒻᒪᑕ.

 

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐃᓄᓐᓂ ᐱᔨᑦᑎᕈᑎᖏᑦ ᐊᒻᒪ ᐱᓕᕆᐊᔅᓴᖏᑦ ᐊᑐᐃᓐᓇᐅᓂᐊᖅᐸᑦ?

  • ᓄᖅᑲᖓᔪᖃᕐᓂᐊᕐᒫᖓᑕ ᓂᕆᐅᓐᓇᖏᑦᑐᖅ ᐱᔨᑦᑎᕈᖏᓐᓂᑦ, ᑖᒃᑯᐊ ᑭᓯᐊᓂ ᖃᕆᓴᐅᔭᓕᕆᓂᕐᒧᑦ ᐱᔨᑦᑎᑕᐅᔾᔪᑎᖏᑦ.
  • ᐅᓪᓗᖅ ᐊᓂᒍᖅᐸᑦ ᒪᕐᕉᓪᓘᓐᓃᑦ ᑐᑭᓯᓯᒪᓂᖅᓴᐅᓕᕐᓂᐊᖅᑐᒍᑦ ᖃᓄᑎᒋᑦ ᐊᑦᑐᐃᓂᖃᕐᒪᖔᑕ ᐱᔨᑦᑎᕈᑎᒋᔭᑦᑎᓐᓂᑦ ᐱᓕᕆᐊᔅᓴᑎᓐᓂᓪᓗ.

 

ᖃᓄᖅ ᐅᖃᕐᕕᒋᔪᓐᓇᖅᐸᒃᑲ ᒐᕙᒪᒃᑯᑦ?

  • ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔭᖅᑎᖏᓪᓗ ᐅᖃᕐᕕᐅᔪᓐᓇᖅᑐᑦ ᐅᖄᓚᐅᑎᒃᑯᑦ, ᓱᒃᑲᔪᒃᑰᕈᑎᒃᑯᓪᓗ ᐅᕙᓗ ᑕᑯᔭᖅᑐᕐᓗᒋᑦ.

 

ᓄᓇᓖᑦ ᑐᓴᖅᑎᑕᐅᓯᒪᓕᖅᐹᑦ?

  • ᐄ. ᓄᓇᓖᑦ ᑕᒪᕐᒥᒃ ᑐᓴᐅᒪᑎᑕᐅᔪᑦ ᓄᓇᕗᒻᒥ ᓄᓇᓕᓐᓂ ᒐᕙᒪᐅᔪᓄᑦ ᑲᑐᔾᔨᖃᑎᒌᒃᑯᖏᑎᒍᑦ.

 

ᐱᔨᑦᑎᕈᑏᑦ ᐱᒻᒪᕆᐅᔪᑦ ᒪᑯᐊ ᓄᓇᓖᑦ ᐊᒻᒪ ᐃᓪᓗᖁᑎᖏᓐᓄᑦ ᖃᓄᐃᑦᑐᖃᖅᐸᑦ ᖃᓄᐃᓕᐅᕆᐊᕈᑕᐅᔪᓐᓇᕐᓂᐊᖅᐸᑦ?

  • ᐄ. ᐱᔨᑦᑎᖅᐸᓪᓕᐊᖏᓐᓇᕐᓂᐊᖅᑕᕗᑦ ᓱᓕ ᓄᓇᓖᑦ. 

 

ᓇᒧᑦ ᓄᓇᕗᑦ ᒐᕙᒪᒃᑯᖏᑕ ᐃᖅᑲᓇᐃᔭᖅᑎᖏᑦ ᐅᖄᓚᕕᒋᔪᓐᓇᖅᐸᕗᑦ?

  • ᐅᖄᓚᐅᑏᑦ ᓈᓴᐅᑎᖏᑦ ᓴᖅᑭᖅᑕᐅᑎᑕᐅᓂᐊᖅᑐᑦ ᒫᓐᓇᒫᖅ.    

 

 

ᐃᓕᓐᓂᐊᕐᓂᓕᕆᔨᒃᑯᑦ ᐊᐱᖅᑯᑏᑦ ᑭᒡᒍᓰᓪᓗ

ᐃᓕᓐᓂᐊᕐᕖᑦ ᐅᒃᑯᐃᖓᓂᐊᕐᐸᑦ?

  • ᐄ, ᐃᓕᓐᓂᐊᕐᕖᑦ ᐅᒃᑯᐃᖓᔪᑦ. 
  • ᐃᓕᓐᓂᐊᕐᑎᓕᒫᑦ ᐃᖅᑲᓇᐃᔭᖅᑎᓕᒫᓪᓗ ᐃᓕᓐᓂᐊᕐᕕᓕᐊᕆᐊᓖᑦ ᑕᐃᒫᑐᐃᓐᓇᖅᑎᑐᑦ ᐊᓯᖏᓐᓂᒡᓗ ᑐᓴᖅᑎᑕᐅᕙᖕᓂᐊᖅᐳᑦ ᐃᓕᓴᐃᔨᑦ ᐊᖓᔪᖅᑳᖏᓐᓄᑦ. 

 

ᐊᑦᑕᖕᓇᙱᓚᖅ ᓄᑕᕋᓐᓄᑦ ᐃᓕᓐᓂᐊᕆᐊᕆᐊᒃᓴᖅ?

ᐄ. ᑎᒥᒧᑦ ᐊᑦᑕᖕᓇᖅᑐᖃᙱᑦᑐᖅ ᐃᓕᓐᓂᐊᕐᑎᓄᑦ. 
ᐃᓕᓐᓂᐊᕐᕕᓕᒫᑦ ᑐᐊᕕᖕᓇᐅᑎᖏᑦ, ᓲᕐᓗ ᐃᑭᑦᑐᖃᓕᕈᓂᑦ, ᐊᑐᙱᒻᒪᑕ ᓄᓇᕗᑦ ᒐᕙᒪᒃᑯᖏᑦᑕ ᖃᕆᑕᐅᔭᖏᓐᓂᑦ ᐊᐅᓚᔪᓐᓇᕐᖢᑎᒃᓗ.
ᐃᓕᓐᓂᐊᕐᕕᓕᒫᑦ ᑐᐊᕕᖕᓇᖅᑐᖅᓯᐅᑎᓂᑦ ᐅᖄᓚᐅᑎᖃᖅᑐᑦ ᐊᔪᙱᑦᑐᓂᑦ.
ᐃᓕᓐᓂᐊᕐᕕᖕᒥᑦ ᐊᑦᑕᖕᓇᖅᑕᐃᓕᒪᔾᔪᑎᖏᑦ ᐊᒃᑐᖅᑕᐅᓯᒪᙱᑦᑐᑦ ᖃᕆᑕᐅᔭᓄᑦ ᐊᑲᐅᙱᓕᐅᕈᑕᐅᔪᓄᑦ.

ᑮᑦ ᐊᒃᑐᖅᑎᑦᑕᕆᐊᓖᑦ ᐊᔪᙱᑦᑐᑦ.

 

ᐃᓕᓐᓂᐊᕐᕖᑦ ᖃᕆᑕᐅᔭᖃᕈᓐᓇᖕᓂᐊᕐᐸᑦ?

  • ᐃᓕᓐᓂᐊᕐᕖᑦ ᖃᕆᑕᐅᔭᕋᔾᔮᙱᑦᑐᑦ.

 

ᐃᓕᓐᓂᐊᕐᕖᑦ ᓱᓕ ᑎᑎᕋᕈᓐᓇᖕᓂᐊᖅᐸᑦ ᐃᓕᓐᓂᐊᕐᑏᑦ ᐅᓂᒃᑳᖏᑦᑕ ᒥᒃᓵᓄᑦ?

  • ᐄ, ᓄᓇᕗᒻᒥᑦ ᐃᓕᓐᓂᐊᕐᕖᑦ ᑎᑎᕋᖅᑕᐅᑎᑦᑎᔪᓐᓇᖕᓂᐊᖅᑐᑦ ᐃᓕᓐᓂᐊᕐᑏᑦ ᐅᓂᒃᑳᖏᓐᓂᑦ.
  • ᐃᓕᓐᓂᐊᕐᑏᑦ ᒥᒃᓵᓅᖓᔪᖅᓯᐅᑏᑦ (ᒪᐃᐳᕗᑦ) ᑲᒪᒋᔭᐅᖕᒪᑕ ᓯᓚᑖᓂ ᓄᓇᕗᑦ ᒐᕙᒪᒃᑯᖏᑦᑕ ᒪᑭᒪᐅᑎᖏᓐᓂᑦ ᐊᒃᑐᖅᑕᐅᓯᒪᓇᑎᒡᓗ ᑮᓇᐅᔭᖕᓂᐊᕈᑕᐅᓇᓱᒃᑐᓄᑦ ᖃᕆᑕᐅᔭᒃᑯᑦ. 
  • ᐃᓕᓴᐃᔨᑦ ᑎᑎᕋᕐᕕᖕᒥᓪᓗ ᐃᖅᑲᓇᐃᔭᖅᑏᑦ ᐊᑐᕈᓐᓇᖕᓂᐊᖅᑐᑦ ᒪᐃᐳᕗᑦᒥ ᑎᑎᕋᖅᑕᐅᑎᑦᑎᓗᑎᒃᒡᓗ ᐅᓂᒃᑳᓂᑦ ᐊᑦᑕᖕᓇᔾᔭᐃᖅᓯᒪᔪᒃᑯᑦ ᐃᑭᐊᖅᑭᕕᒃᑯᑦ.
  • ᐱᓕᕆᕝᕕᐅᔪᖅ ᒫᓐᓇ ᑲᑎᕐᓱᐃᔪᑦ ᑐᓴᐅᒪᔭᒃᓴᓂᑦ ᐃᓕᓐᓂᐊᕐᑰᑦ ᖃᕆᑕᐅᔭᒃᑰᙱᑦᑐᒃᑰᕐᑐᓂᑦ ᐃᑭᐊᖅᑭᕕᒃᑯᓪᓗ.
  • ᐊᓯᖏᑦ ᓇᓖᕌᕈᑏᑦ ᐅᖃᐅᓯᐅᓂᐊᖅᑐᑦ ᐃᓕᓐᓂᐊᕐᕕᖕᓄᑦ ᐊᑐᕈᓐᓇᙱᑦᑐᓄᑦ ᓯᓚᑖᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐱᖏᓐᓂᑦ.
  • ᐊᑐᓕᖅᑎᑕᐅᔭᕆᐊᖃᖕᓂᖏᓐᓄᑦ ᐊᓯᖔᖏᑦ, ᑭᖑᕙᓯᓕᑐᐃᓐᓇᕆᐊᓕᒃ. ᑭᓯᐊᓂᓕ, ᖃᔅᓯᐊᕐᔪᐃᑦ ᐃᓕᓐᓂᐊᕐᕖᑦ ᓇᒃᓯᐅᔾᔨᓯᒫᓂᓕᖅᑐᑦ ᐅᓂᒃᑳᓂᑦ ᐊᒃᑐᖅᑕᐅᓚᐅᕋᑎᒡᓗ ᐊᑐᐃᓐᓇᐅᙱᒃᑲᓗᐊᖅᑎᓪᓗᒍ ᓄᓇᕗᑦ ᒐᕙᒪᒃᑯᖏᑦᑕ ᖃᕆᑕᐅᔭᖓᑎᒍᑦ.

 

 

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐊᐱᖅᑯᑎᑦ ᑭᒡᒍᓰᓪᓗ

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᑎᑎᕋᕐᕕᖏᑦ ᐅᒃᑯᐃᖓᓂᐊᖅᐸᑦ?

  • ᐄ, ᓂᕆᐅᒃᑐᒍᑦ ᑕᒪᖕᒥᓕᒫᖅ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᑎᑎᕋᕐᕕᖏᑦ ᐅᒃᑯᐃᖓᓂᐊᖅᑐᑦ, ᑭᓯᐊᓂᓕ ᐃᓚᖏᑦ ᐱᔨᑦᑎᕋᐅᑏᑦ ᐊᒥᓲᙱᑐᐃᓐᓇᕆᐊᓖᑦ.

 

ᒥᑦᑕᕐᕕᖕᓄᑦ ᐱᔨᑦᑎᕋᐅᑏᑦ ᐊᒃᑐᖅᑕᐅᓂᐊᖅᐸᑦ?

  • ᐊᐅᓚᑦᑎᓂᖕᒧᑦ ᐊᒃᑐᐃᓂᖃᔾᔮᕋᓱᒋᔭᐅᙱᑦᑐᖅ.
  • ᓄᓇᕗᒻᒥᑦ ᒥᑦᑕᕐᕕᓕᕆᔨᒃᑯᑦ ᐊᑐᓕᖅᑎᑦᑎᓚᐅᖅᐳᑦ ᐅᐸᓗᖓᐃᔭᐅᑎᒥᑦ ᐸᖕᓇᐅᑎᒥᑦ ᐊᑦᑕᖕᓇᖁᓇᒋᑦ ᑐᓴᐅᒪᖃᑎᒌᑦᑎᐊᖁᓪᓗᒋᓪᓗ ᒥᑦᑕᕐᕕᓕᒫᑦ.
  • ᐊᕕᒃᑐᖅᓯᒪᔪᓂᑦ ᒥᑦᑕᕐᕕᖕᓄᑦ ᐊᐅᓚᑦᑎᔩᑦ ᐱᓕᕆᖃᑎᖃᖕᓂᐊᖅᑐᑦ ᕼᐋᒻᓚᐅᔪᓂᑦ ᐊᓯᖏᓐᓂᓪᓗ ᑳᓐᑐᕌᖃᖅᑎᓂᑦ ᐊᑦᑕᖕᓇᖁᓇᒋᑦ ᐊᐅᓚᑦᑎᐊᖁᓪᓗᒋᓪᓗ. 

 

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᐊᖏᑦ ᐱᔨᑦᑎᕋᐅᑎᖏᓪᓗ ᐃᓄᖕᓄᑦ ᐊᑐᐃᓐᓇᐅᓂᐊᖅᐸᑦ?

  • ᑐᓗᕈᑎᖃᖃᑦᑕᖕᓂᐊᖅᑐᑦ ᐊᖁᑦᑐᓐᓇᐅᑎᓕᕆᓂᖕᓂᑦ ᓇᓗᓇᐃᒃᑯᑕᖕᓂᓪᓗ. 
  • ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᖃᑎᖃᖅᑐᑦ ᓄᓇᕗᑦ ᒐᕙᒪᒃᑯᖏᑦᑕ ᐱᓕᕆᖃᑎᖏᓐᓂᑦ ᓴᖅᑭᑦᑎᓇᓱᒃᖢᑎᑦ ᑐᐊᕕᖕᓇᖅᑐᓂᑦ ᓇᓗᓇᐃᒃᑯᑕᖕᓂᖅ. 
  • ᐱᓕᕆᐊᖑᕙᖕᓂᖓ ᓴᖅᑭᑕᐅᓂᐊᖅᑐᖅ ᐃᓄᖕᓄᑦ ᐊᑐᐃᓐᓇᐅᓕᖅᐸᑦ. 
  • ᓄᓇᕗᒻᒥᐅᑦ ᑐᒃᓯᕋᖅᓯᒪᔪᑦ ᐱᕙᓪᓕᐊᓂᖕᒧᑦ ᐊᐃᑦᑑᑎᓂᒃ ᑐᓐᓂᖅᑯᓯᐊᒃᓴᓂᒡᓗ ᑭᖑᕙᓯᓈᕐᓯᓂᐊᖅᑐᑦ ᑐᒃᓯᕋᐅᑎᖏᓐᓂᑦ. 
  • ᑎᑎᕋᕐᕕᓕᒫᑦ ᐅᒃᑯᐃᖓᓂᐊᖅᑐᑦ ᖃᐅᔨᒋᐊᕐᕕᐅᔪᓐᓇᖅᖢᑎᒡᓗ ᐅᖄᓚᐅᑎᒃᑯᑦ ᓱᑲᑦᑐᒃᑯᓪᓘᓐᓃᑦ.  ᐅᖄᓚᐅᑎᑦ ᑎᑎᕋᕐᓯᒪᔪᓂᑦ ᓴᖅᑭᑦᑎᓂᐊᕐᑐᑦ 12:00 ᑲᓇᖕᓇᖓᓂᑦ ᓇᒡᒐᔾᔭᒥᑦ, ᓄᕕᐱᕆ 4−ᒥᑦ. 
  • ᑐᐅᕕᖕᓇᖅᑐᓄᑦ ᑐᓴᕈᑎᒃᓴᓄᑦ ᐱᔾᔪᑎᓕᖕᓂᑦ ᐊᑦᑕᖕᓇᖅᑐᓂᑦ ᒫᓐᓇᑲᐃᓐᓇᖕᒧᑦ ᐃᕐᖐᓐᓈᖅᑕᐅᒻᒥᑦ ᓴᖅᑭᑕᐅᓯᒪᔪᖃᓕᖅᑐᑦ ᖃᐅᔨᓴᕐᕕᐅᔪᓐᓇᖅᖢᓂᓗ: edthqyfb@gmail.com

 

 

ᐃᖅᑲᓇᐃᔭᖅᑐᓕᕆᔨᒃᑯᑦ ᐊᐱᖅᑯᑎᑦ ᑭᒡᒍᓰᓪᓗ

ᐃᖅᑲᓇᐃᔭᖅᑐᓕᕆᔨᒃᑯᑦ ᐊᒃᑐᖅᑕᐅᕙᑦ?

  • ᒫᓐᓇ ᐋᒃᑲ, ᐱᓕᕆᑐᐃᓐᓇᖅᑐᑦ ᑕᐃᒫᑐᐃᓐᓇᖅ. 

 

 

ᐃᓄᓕᕆᔨᒃᑯᓐᓄᑦ ᐊᐱᖅᑯᑏᑦ ᑭᐅᔾᔪᑏᓪᓗ

ᐃᓄᓕᕆᔨᒃᑯᑦ ᐊᒡᓚᕕᖓ ᒪᑐᐃᖓᓂᐊᖅᐸ?

  • ᐄ, ᐃᓄᓕᕆᔨᒃᑯᑦ ᐊᒡᓚᕕᓕᒫᖏᑦ ᒪᑐᐃᖓᓂᐊᖅᑐᑦ ᐃᑲᕐᕋᕆᕙᑦᑕᖏᑦ ᒪᓕᒡᓗᒋᑦ. 

 

ᓇᒧᑦ ᐅᖄᓚᒐᔭᕋᒪ ᐊᐱᖅᑯᑎᒃᓴᖃᕈᒪ ᐱᔨᑦᑎᕋᕈᑕᐅᕙᑦᑐᓄᑦ ᐃᓄᓕᕆᔨᒃᑯᑦ ᐊᑭᓖᓐᓂᖏᑉᐸᑕ, ᐅᕝᕙᓗᓃᑦ ᐃᓄᓕᕆᔨᒃᑯᑦ ᒥᑦᓵᓄᑦ ᐃᓱᒫᓗᑎᑕᖃᖅᐸᑦ? 

  • ᐃᓄᓕᕆᔨᒃᑯᑦ ᑭᒃᑯᑐᐃᓐᓇᕐᓄᑦ ᑐᓴᐅᒪᑎᑦᑎᔾᔪᑎᖓ ᐅᖄᓚᕕᐅᔪᓐᓇᖅᑐᖅ ᐅᕗᖓ 1-855-522-5201. 
  • ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐅᖄᓚᐅᑎᖓᑕ ᓈᓴᐅᑖ 1-877-860-0680, ᐅᖄᓚᐅᑎᓯᐅᑎᓃᑦᑐᖅ ᓄᓇᕗᑦ ᒐᕙᒪᖓᑕ ᐃᑭᐊᖅᑭᕕᖓᓂᑦ ᐃᓄᓕᕆᔨᒃᑯᑦ. 

 

ᐃᑲᔫᓯᐊᓄᑦ ᐊᑭᓕᖅᑕᐅᓂᐊᖅᐳᖓ?

  • ᐃᑲᔫᓯᐊᖅᑐᓕᕆᔨ ᓂᕿᑖᕈᑎᑦᓴᓂᒃ ᑐᓂᓯᔪᓐᓇᕐᓂᐊᖅᑐᑦ. ᓂᕿᑖᕈᑎᑦᓴᑖᕈᒪᒍᕕᑦ, ᓂᕿᑖᕆᐊᖅᑐᖅᑐᑦ ᐃᑲᔫᓯᐊᖅᑐᓕᕆᔨᒃᑯᑦ ᐊᒡᓚᕕᖓᓅᕈᓐᓇᖅᑐᑦ ᓄᓇᓕᒡᒥᓂᑦ. 

 

ᖃᓄᖅ ᓂᑭᑖᕈᑎᑖᕈᓐᓇᖅᐳᖓ?

  • ᐃᑲᔫᓯᐊᑦ ᓂᕿᑖᕈᑎᓄᑦ ᐊᑐᓕᖅᑎᑕᐅᔪᑦ ᐅᓪᓗᒥ ᓄᓇᕗᓕᒫᒥᑦ. 
  • ᐃᑲᔫᓯᐊᖅᑐᓕᕆᔨᑕᖃᖏᑉᐸᑦ ᓄᓇᓖᑦ ᐃᓚᖏᓐᓂᑦ, ᐃᓄᓕᕆᔨ ᐃᑲᔪᕈᓐᓇᕋᔭᖅᑐᖅ ᓂᕿᑖᕈᑎᑖᖅᑎᑦᑎᓗᓂ.  
  • ᓴᓂᑭᓗᐊᕐᒥᐅᑦ, ᐃᓄᓕᕆᔨᒃᑯᖏᑦ ᐋᖅᑭᒌᐊᖅᓯᒪᔪᑦ ᓄᓇᓕᖏᓐᓂᑦ ᓂᐅᕕᕐᕕᓐᓂᑦ ᓂᕿᑖᖅᑎᑕᐅᔪᓐᓇᕐᓗᑎᒃ ᓂᕿᑖᕈᑏᑦ ᖃᖓᑕᓲᒃᑯᑦ ᓄᓇᓕᖓᓐᓄᑦ ᑎᑭᓚᐅᖏᓐᓂᖏᓐᓂᑦ ᓄᓇᓖᑦ ᖁᔭᒋᕙᕗᑦ ᕿᓄᐃᓴᕈᓐᓇᑦᑎᐊᕐᓂᖏᓐᓄᑦ ᑕᐃᒪᐃᑦᑐᑰᕋᓗᐊᖅᑎᓪᓗᑕ. 

 

ᐃᓕᓐᓂᐊᖅᑎᓄᑦ ᑮᓇᐅᔭᑦ ᐃᑲᔫᓯᐊᕈᑕᐅᓲᓄᑦ ᐊᑭᓕᖅᑕᐅᓂᐊᖅᐳᖓ?

  • ᐄ, ᓄᕕᐱᕆᒥᑦ ᐃᑲᔫᓯᐊᖑᓂᐊᖅᑐᑦ ᐱᕙᒌᖅᑕᐅᓯᒪᔪᑦ. 
  • ᑖᓐᓇ ᐊᐃᑉᐸᕆᓕᖅᑕᖓ ᓄᕕᐱᕆᒥᑦ ᐊᑭᓕᖅᑕᐅᔭᕆᐊᓕᓐᓄᑦ ᐊᑭᓕᕆᐊᓕᒃ ᐊᑭᓕᖅᑕᐅᒐᔭᖅᑐᖅ 15−ᖑᓕᖅᐸ ᐊᒻᒪᓗ ᑭᖑᕙᖏᓪᓗᓂ ᐊᑭᓕᖅᑕᐅᒐᔭᖅᑐᖅ. 

 

ᐊᖏᕐᕋᓐᓄᑦ ᐊᐅᓪᓚᐅᑎᒋᓂᐊᖅᑕᓐᓄᑦ ᐃᓂᒃᓴᓕᐅᕈᓐᓇᖅᐳᖔ ᓱᓕ?

  • ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᓯᐊᖃᑦᑕᖅᑐᑦ ᐊᖏᕐᕋᕈᓐᓇᕐᓂᐊᖅᑐᑦ ᖁᕕᐊᓱᕝᕕᒻᒥᑦ. 
  • ᖃᖓᑕᓲᑯᕈᕕᑦ ᑲᓇᐃᑎᐊᓐ ᓄᐊᑦᑯᑦ (Canadian North) ᐅᕝᕙᓗᓃᑦ ᑳᓪᒻ ᐊᐃᑯᑦ (Calm Air), ᓇᒻᒥᓂᖅ ᐅᖄᓚᕕᒋᓗᒋᑦ ᐃᓂᑦᓴᓕᐅᕆᐊᖃᖅᑐᑎᑦ. ᐅᖃᐅᑎᓗᒋᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑕᖃᑦᑕᕐᓂᕋᕐᓗᑎᑦ ᐃᓕᓐᓂᐊᖅᑎᐅᒐᕕᑦ ᐊᒻᒪᓗ ᐊᐅᓚᕐᓂᐊᕐᓂᕋᕐᓗᑎᑦ ᐊᑭᓕᖅᑕᐅᓗᓂ ᓄᓇᕗᑦ ᒐᕙᒪᖓᓄᑦ. ᐊᐅᓪᓚᕈᑎᒋᓂᐊᖅᑕᕐᓄᑦ ᓇᓗᓇᐃᖅᓯᒪᔪᑦ ᑐᔫᑎᒋᔭᕆᐊᖃᕋᔭᖅᑕᑎᑦ ᓱᑲᑦᑐᒃᑯᑦ ᐅᕗᖓ 1 877 860 0167.
  • ᑲᖓᑕᓂᐊᕈᕕᑦ ᐊᐃᐅ ᑲᓇᑕᒃᑯᑦ (Air Canada) ᐅᕝᕙᓗᓃᑦᐅᐃᒡᔨᐊᑦ (Westjet), ᐅᖄᓚᕕᒋᔭᕆᐊᖃᖅᑕᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓕᕆᔨᒃᑯᑦ ᐊᒡᓚᑯᖓ ᐅᕗᖓ 1 877 860 0680 ᐊᐅᓪᓚᕐᕕᒋᓂᐊᖅᑕᕕᑦ ᐅᓪᓗᖏᓐᓂᑦ ᓇᓗᓇᐃᔭᐃᕕᒋᓗᒋ. ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓕᕆᔨᒃᑯᑦ ᐊᒡᓚᕕᖓᑦ ᐃᑲᔪᕈᓐᓇᕋᔭᖅᑐᑦ ᐃᓂᑦᓴᓕᐅᕐᓗᑎᒃ.
  • ᐊᐱᖁᑎᑦᓴᖃᕈᕕᑦ, ᖃᐅᔨᒋᐊᕐᕕᒋᔪᓐᓇᖅᑕᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓕᕆᔩᑦ ᐊᒡᓚᕕᖓ (8:30−ᒥ ᐅᓪᓛᑯᑦ 5:00−ᒧᑦ ᐅᓐᓄᓴᒃᑯᑦ ᑭᕙᓪᓕᐅᑉ ᓯᕿᕐᖑᔭᖓ ᒪᓕᓪᓗᒍ) ᐅᕗᖓ 1 877 860 0680.

 

ᐊᑭᓕᖅᑕᐅᒐᔭᖅᐳᖓ ᐃᓄᓕᕆᔨᒃᑯᓐᓂᑦ ᐱᓯᒪᑦᓯᑎᑕᐅᒍᒪ ᐸᖅᑭᑦᑎᐊᕈᓐᓇᕋᔭᕋᒃᑭᑦ ᐃᓄᓕᕆᔨᒃᑯᑎᒍᑦ ᐱᓯᒪᔭᓐᓄᑦ?

  • ᐄ, ᓄᕕᐱᕆᒥᑦ ᐊᑭᓕᖅᑕᐅᔾᔪᑎᑦᓴᑦ ᐱᔭᕇᖅᑕᐅᓯᒪᔪᑦ. ᐊᐃᑉᐸᖓ ᐊᑭᓕᖅᑕᐅᔾᔪᑎᐅᒐᔭᖅᑐᖅ ᓄᕕᐱᕆ 15−ᒥ ᓂᕆᐅᒋᔭᐅᓪᓗᓂᓗ ᑭᖑᕙᔾᔮᖏᑦᑕᕆᐊᑦᓴᖓᓂᑦ. 

 

ᑮᓇᐅᔭᑎᒍᑦ ᐃᑲᔪᓯᐊᕋᔭᖅᐳᖓ ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᔭᕆᐅᖅᓴᓂᕐᒧᓪᓗ ᐃᑲᔫᓯᐊᓄᑦ?

  • ᐄ. ᐊᔪᐃᓐᓇᕐᓂᐊᖅᑐᑦ ᐊᑭᓕᖅᑕᐅᔭᕆᐊᖃᖅᑐᓕᒫᑦ ᐊᑭᓕᖅᑕᐅᕕᑦᓴᖏᑦ ᓇᓪᓕᕌᖓᑕ ᐊᑭᓕᖅᑕᐅᖃᑦᑕᕐᓗᑎᒃ. 

 

ᐅᖃᐅᓯᖃᕆᐊᖃᕈᕕᑦ ᓄᑕᕋᕐᒥᑦ − ᓱᕈᓯᕐᒥᑦ ᐃᓖᔭᖅᓱᐃᔪᒥᑦ ᐅᕝᕙᓗᓃᑦ ᓄᑕᖃᓄᑦ − ᓱᕈᓯᕐᓄᑦ ᐃᓱᒫᓗᑎᒋᔭᐅᔪᓂᑦ, ᓇᒧᓪᓕ ᐅᖄᓚᒐᔭᕋᒪ ᐅᕝᕙᓗᓃᑦ ᑭᓇ ᐅᖄᓚᕕᒋᔪᓐᓇᕋᔭᖅᐸᕋ?

  • ᐃᓄᓕᕆᔨᒃᑯᓕᒫᑦ ᑕᐃᒪᐃᑦᑕᐃᓐᓇᖅ ᐊᐅᓚᓂᖃᕐᓂᐊᖅᑐᑦ. ᓄᓇᑦᓯᓐᓂᑦ ᐃᓄᓕᕆᔨᒃᑯᑦ ᐅᖄᓚᕕᒋᔪᓐᓇᖅᑕᑎᑦ ᐅᕝᕙᓗᓃᑦ ᐃᓄᓕᕆᔨᒃᑯᑦ ᐊᒡᓚᕕᖓᓅᕈᓐᓇᖅᑐᑎᑦ. 
  • ᑭᒃᑯᑐᐃᓐᓇᑦᑎᐊᑦ ᐅᖃᐅᓯᖃᕈᓐᓇᖅᑐᑦ ᓄᑕᕋᕐᒥᑦ − ᓱᕈᓯᕐᒥ ᐃᓖᔭᖅᓱᐃᔪᖃᖅᐸ ᐅᖃᐅᑎᓗᒋᑦ ᐃᓄᓕᕆᔨᒃᑯᑦ.

 

 

ᐊᕙᑎᓕᕆᔨᒃᑯᓄᑦ ᐊᐱᖅᑯᑏᑦ ᑭᐅᔾᔪᑏᓪᓗ 

ᐊᕙᑎᓕᕆᔨᒃᑯᑦ ᐊᒡᓚᕕᖏᑦ ᒪᑐᐃᖓᓂᐊᖅᐹᑦ? 

  • ᐄ, ᓄᓇᓕᓐᓂᑦ ᐃᐊᕙᑎᓕᕆᔨᒃᑯᑦ ᐊᓪᓚᕝᕕᖏᑦ ᓱᕐᕋᖏᑦᑐᑦ ᓱᓕ ᒪᑐᐃᖓᐃᓐᓇᕐᓂᐊᖅᑐᑦ ᑕᐃᒫᖑᕙᒻᒪᑕ. 

 

ᐊᕙᑎᓕᕆᔨᒃᑯᑦ ᐱᓕᕆᐊᖏᑦ ᐱᔨᑦᑎᕋᐅᑎᖏᓪᓗ ᐃᓄᖕᓄᑦ ᐊᑐᐃᓐᓇᐅᓂᐊᖅᐸᑦ ᑭᒃᑯᑐᐃᓐᓇᕐᓄᑦ?

  •  ᒫᓐᓇᐅᓂᖓᓂᑦ ᐱᔨᑦᑎᕋᐅᑏᑦ ᐅᓚᕕᓴᖅᑕᐅᔪᖃᔾᔮᕋᓱᒋᖏᑕᕗᑦ. 

 

ᐱᕕᔾᔪᐊᖑᔪᑦ ᐱᔨᑦᑎᕋᐅᑏᑦ ᓲᕐᓗ ᐊᑲᐅᖏᓗᑕᖅᑕᖃᖅᐸᑦ ᓂᕐᔪᑎᓄᑦ ᑲᒪᒋᔭᐅᔭᕆᐊᓕᓐᓄᑦ ᐊᒻᒪᓗ ᓲᕐᓗ ᐅᖅᓱᐊᓗᒻᒥᑦ ᖁᕕᔪᖃᖅᐸᑦ ᐱᓕᕆᐊᖑᔪᓐᓇᕋᔭᖅᐸᑦ?

  •  ᐄ, ᓂᕐᔪᑏᑦ ᒥᑦᓵᓄᑦ ᐊᑲᐅᖏᓗᑕᖃᖅᐸᑦ ᐊᒻᒪᓗ ᐅᖅᓱᐊᓗᒻᒥᑦ ᑯᕕᔪᖃᕐᓂᖅᐸᑦ ᑕᐃᒪᐃᑦᑕᐃᓐᓇᖅ ᑲᒪᒋᔭᐅᒐᔭᖅᑐᖅ. 

 

ᑭᒃᑯᑐᐃᓐᓇᐃᑦ ᐅᖄᓚᒐᒧᓲᖑᒻᒪᑕ ᓄᓇᕗᑦ ᒐᕙᒪᖓᓄᑦ ᐃᕐᖐᓐᓈᖅᑕᐅᑎᒃᑯᑦ. ᓇᒧᑦ ᓄᓇᕗᑦ ᒐᕙᒪᒃᑯᖏᑕ ᐃᖅᑲᓇᐃᔭᖅᑎᖏᑦ ᐅᖄᓚᕕᒋᔪᓐᓇᖅᐸᕗᑦ? 

  • ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔭᖅᑎᖏᓪᓗ ᐅᖃᕐᕕᐅᔪᓐᓇᖅᑐᑦ ᐅᖄᓚᐅᑎᒃᑯᑦ, ᓱᒃᑲᔪᒃᑰᕈᑎᒃᑯᓪᓗ ᐅᕙᓗ ᑕᑯᔭᖅᑐᕐᓗᒋᑦ.