ᐅᖃᓚᐅᑎᓯᐅᑏᑦ

You are here

ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐱᓕᕆᖃᑎᒌᑦ ᐅᐃᒍᓯᔪᑦ ᐸᕐᓇᐅᒻᒥᑦ

ᒫᑦᓯ 20, 2014

Our Mission: "Inuit Economic, Social and Cultural Well-being Through Implementation of the Nunavut Land Claims Agreement" ᑐ ᓴ ᒐ ᒃ ᓴ ᖅ

NR 14-09 NSP ENG – For Immediate Release

ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐱᓕᕆᖃᑎᒌᑦ ᐅᐃᒍᓯᔪᑦ ᐸᕐᓇᐅᒻᒥᑦ

(ᒫᔨ 20, 2014 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᐃᒻᒥᓃᖅᑕᐃᓕᒪᓂᖕᒧᑦ ᐅᐸᓗᖓᐃᔭᐅᑎᓄᑦ ᐃᑲᔪᖅᑎᒌᑦ ᐅᓪᓗᒥ ᓇᓗᓇᐃᖅᓯᕗᑦ ᐊᕐᕌᒍᓕᒫᒥᑦ ᐅᐃᒍᓯᓂᖓᓂᑦ ᓯᕗᓪᓕᖅ ᓄᓇᕗᑦ ᐃᒻᒥᓃᖅᑕᐃᓕᒪᓂᖕᒧᑦ ᐅᐸᓗᖓᐃᔭᐅᑎᐅᓚᐅᖅᑐᖅ ᐸᕐᓇᐅᑎᖓᓗ. ᓄᓇᕗᑦ ᑐᙵᕕᒃᑯᑦ, ᓄᓇᕗᑦ ᒐᕙᒪᒃᑯᑦ, ᐸᓖᓯᒃᑯᑦ ᐊᒻᒪᓗ ᐃᓵᒃᓯᒪᒋᑦ ᐃᓅᓯᖕᓄᑦ ᑲᑎᒪᔨᖏᑦ ᓴᖅᑭᑦᑎᓯᒪᕗᑦ ᐱᓕᕆᖃᑎᒌᖕᓂᕐᒥᑦ 2008-ᖑᑎᓪᓗᒍ. ᐊᑐᓕᖁᔭᐅᔪᖅ ᓴᖅᑭᑕᐅᓚᐅᖅᐳᖅ 2010-ᒥ ᐊᒻᒪ ᐱᖃᑎᖃᖅᖢᓂ ᐊᐅᓚᔾᔭᐃᒋᐊᒍᑎᐅᓗᓂ ᐸᕐᓇᐅᑎ 2011-ᒥᑦ.

ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓ ᑳᑎ ᑕᐅᑐᙱ ᐅᖃᓚᐅᖅᐳᖅ ᑖᓈ ᐅᐃᒍᔭᐅᓂᖓ ᐱᓕᕆᖃᑎᒌ ᐱᓕᕆᔭᕆᐊᖃᖕᓂᐊᕐᓂᖏᓐᓂᒃ ᖃᐅᔨᓴᖅᑕᐅᑦᑎᐊᕆᐊᖃᖕᓂᖓᓂᒃ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᐅᑉ ᓴᖅᑭᑕᐅᓂᖓ ᐅᓪᓗᕐᒧᑦ, ᐱᐊᓂᒃᓯᕙᓪᓕᐊᓕᖅᐸᑕ ᑭᖑᓪᔨᖅᐹᖅᓯᐅᑎᓂᒃ ᐅᑯᐊ ᐊᑦᑕᓇᖅᑐᑦ ᐱᓕᕆᐊᑦ ᑲᔪᓯᑦᑎᐊᕐᓂᐊᖅᑐᑦ ᑲᒪᒋᔭᐅᓗᓂ ᑕᒪᓐᓇ ᐃᒻᒥᓃᖃᑦᑕᕐᓂᕐᒧᑦ ᐅᓗᕆᐊᓇᖅᑐᒦᑦᑐᑦ ᓄᓇᕗᑦ ᓵᓯᒪᔭᖏᑦ.

"ᐱᔭᕆᑐᔪᐊᓘᖕᒪᑦ ᑖᓇ ᐊᒃᓱᕈᖕᓇᑐᖅᓯᐅᕐᓂᖅ, ᑭᓯᐊᓂ ᓄᓇᕗᑦ ᑐᙵᕕᒃᑯᑦ ᐊᒻᒪᓗ ᐱᓕᕆᖃᑎᒋᔭᕗᑦ ᑖᓱᒥᖓ ᐊᑐᓕᖁᔭᑦᑎᓐᓂᒃ ᖃᐅᔨᒪᔪᒍᑦ ᐱᕕᒃᓴᕗᑦ ᐃᓚᖃᒃᑲᓐᓂᕆᐊᖃᕐᓂᖓᓂᑦ ᐱᓕᕆᔭᕆᐊᖃᕐᓂᐊᕐᓂᖏᓐᓂᒃ ᖃᓄᐃᓕᐅᕐᓂᕐᒧᑦ ᐸᕐᓇᐅᒻᒥᑦ, ᐃᓕᓐᓂᐊᕈᑎᒋᓚᐅᕋᑦᑎᒍᑦ ᐱᔭᕇᑕᐅᓚᐅᖅᑐᑦ ᐊᒻᒪ ᐃᓚᓕᐅᔾᔨᓯᒪᔪᑦ ᑖᒃᑯᓂᖓ ᐱᒻᒪᕆᐅᔪᓂᑦ ᐱᓕᕆᐊᒃᓴᑦᑎᓐᓂᒃ ᓯᕗᒻᒧᐊᒃᐸᓪᓕᐊᓗᑕᓗ ᓴᖅᑮᑕᐅᔪᐃᓐᓇᐅᒃᐸᑦ ᐊᑐᓕᖁᔭᐅᔪᖅ. ᑖᓇ ᐱᓕᕆᖃᑎᒌᖕᓂᑦ ᖃᐅᔨᒪᔭᐅᔭᕆᐊᓕᒃ. ᑲᔪᓰᓐᓇᕐᓂᐊᖅᑐᖅ ᓇᓂᓯᓚᐅᖏᓐᓂᑦᑎᓐᓂᒃ ᐱᔾᔪᑎᓪᓚᑦᑖᖓᓂᑦ ᐃᒻᒥᓃᖃᑦᑕᕈᓐᓃᖅᐹᓪᓕᖅᕈᑎᒃᓴᓂᒃᓗ ᓄᓇᕘᒥ," ᐅᖃᖅᐳᖅ ᑕᐅᑐᙱ.

"ᓯᕗᓪᓕᐅᑎᑕᐅᔪᑦ ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᐱᓕᕆᖃᑎᒋᔭᕗᑦ ᑲᔪᓯᑎᑦᑎᖁᔨᓪᓗᑎᒃ ᐃᖅᑲᓇᐃᔭᖃᑎᒌᖕᓂᕐᒥᑦ ᑲᒪᒋᕙᓪᓕᐊᓗᒍ ᐃᒻᒥᓃᕐᓂᖅ" ᐅᖃᖅᐳᖅ ᐋᓐᓂᐊᖃᖅᑕᐃᓕᑎᑦᑎᔨᒃᑯᑦ ᒥᓂᔅᑕᖓ ᒫᓂᑲ ᐃᐅᓪ. "ᐱᒻᒪᕆᐅᕗᖅ ᓄᓇᕗᒥᐅᑦ ᐊᒃᓱᕈᖕᓂᖏᑦ ᓂᑲᓪᓗᖓᓂᕐᒧᑦ ᐊᒻᒪᓗ ᐅᐃᕆᓯᒪᓂᖏᓐᓄᑦ ᐃᑲᔪᖅᑐᖅᑕᐅᕗᑦ ᐊᒻᒪᓗ ᑐᑭᓯᐅᒪᔭᐅᓪᓗᑎᒃ ᐃᓚᒥᖕᓂᑦ, ᐱᖃᓐᓇᕆᔭᒥᖕᓂᑦ ᐊᒻᒪᓗ ᓄᓇᓕᖕᓂᑦ ᓯᕗᓕᖅᑎᓂᒃ."

"ᐱᓕᕆᖃᑎᖃᕈᒪᓪᓚᑖᖅᐳᒍᑦ ᐱᓕᕆᖃᑎᒋᔭᑦᑎᓐᓂᒃ ᐊᒻᒪᓗ ᓄᓇᕗᒥᐅᓂᑦ ᐊᑐᓕᖅᑎᑦᑎᔪᒪᓪᓗᑕ ᐸᕐᓇᐅᓯᐊᖑᓯᒪᔪᒥᒃ ᐊᒻᒪᓗ ᑲᔪᓯᑎᑦᑎᓂᕐᒥᑦ ᑕᐅᑐᖅᑰᖅᑕᑦᑎᓐᓂᒃ ᓄᓇᕘᒧᑦ ᐃᒻᒥᓃᖃᑦᑕᕐᓂᐅᔪᖅ ᑕᐃᒪᓐᓇᑕᐃᓐᓇᐅᓗᓂ ᐅᕝᕙᓘᓃᑦ ᒥᒃᖠᕚᓕᖅᓯᒪᓕᕐᓗᓂ ᑲᓇᑕᓕᒫᒥᑦ," ᐅᖃᖅᐳᖅ ᐃᓵᒃᓯᒪᒋ ᐃᓅᓯᕐᒧᑦ ᑲᑎᒪᔩᑦ ᐊᖓᔪᖅᑳᖓ ᓴᓐᑐᕋ ᑲᐅᓐᓇᒃ.

"ᐸᓕᓯᒃᑯᑦ ᐃᖅᑲᓇᐃᔭᖃᑎᖃᑦᑎᐊᕆᐊᖃᖅᐳᑦ ᐱᓕᕆᖃᑎᒋᔭᑦᑎᓐᓂᒃ ᐊᒻᒪᓗ ᓄᓇᓕᖕᓂᑦ ᑕᒪᐃᓐᓂ. ᖁᕝᕙᓯᓗᐊᕐᒪᑦ ᐃᒻᒥᓃᖃᑦᑕᕐᓂᐅᔪᖅ ᓄᓇᕘᒥ ᑲᔪᓯᕙᓪᓕᐊᑐᐃᓐᓇᖅᖢᓂᓗ ᐊᒻᒪ ᐋᕿᒃᓱᐃᓂᕐᒧᑐᐊᖅ ᐊᒻᒪ ᐊᑐᖅᐸᓪᓕᐊᓗᑎᒃ ᑐᑭᓯᓇᖅᑐᒥᒃ ᐊᒻᒪ ᒪᑭᓇᑦᑎᐊᕐᓂᕐᒧᑦ ᑭᒃᑯᓕᒫᓄᑦ ᐊᑐᖅᑕᐅᔪᖅ ᐊᒻᒪᓗ ᐱᔾᔪᑏᑦ, ᐃᑲᔪᕈᓐᓇᕐᓂᐊᖅᐳᒍᑦ ᐃᑲᔪᖅᑕᐅᔭᕆᐊᓕᖕᓂᑦ," ᐅᖃᖅᐳᖅ ᐸᓖᓯ, /ᓱᑉᑦ. ᓕᓐᓐᓯ ᐳᕇᓐ.

ᑕᐃᒪᙵᑦ ᐱᓕᕆᕙᓪᓕᐊᓕᓚᐅᖅᑎᓪᓗᑕ ᖃᓄᐃᓕᐅᕐᓂᖕᒧᑦ ᐸᕐᓇᐅᒻᒥᒃ, ᐱᓕᕆᖃᑎᒌᖑᔪᑦ ᑲᒪᕙᓪᓕᐊᓕᓚᐅᖅᐳᑦ ᖃᐅᔨᒪᓂᕐᒥᒃ ᐊᒻᒪᓗ ᐱᕕᑦᑎᕋᕐᕖᑦ ᐱᑕᖃᖏᓐᓂᖏᓐᓂᒃ ᐃᓱᒪᓕᕆᔨᖏᒃ ᐊᒻᒪᓗ ᐃᒻᒥᓃᖅᑕᐃᓕᒪᑎᑦᑎᔨᓂᒃ ᓄᓇᕘᒥ. ᐃᓚᖃᒃᑲᓐᓂᖅᖢᓂ, ᐃᓱᒪᒋᔭᐅᔪᑦ ᐱᓕᕆᔭᐅᓂᖏ ᑕᒪᐃᓐᓂᑦ 8-ᓂᒃ ᐊᑐᕆᐊᖃᖕᓂᕋᖅᓯᒪᔪᓂᒃ ᐊᑐᖅᑕᐅᔪᒃᓴᓂᑦ ᖃᓄᐃᓕᐅᕐᓂᖕᒧᑦ ᐸᕐᓇᐅᒻᒧᑦ.

-30-

ᑐᑭᓯᒋᐊᒃᑲᓐᓂᕈᒪᒍᕕᑦ:

ᑭᐅᕆ ᒪᒃᓚᔅᑭ

ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ

ᓄᓇᕗᑦ ᑐᙵᕕᒃ ᑎᒥᖓᓂᑦ

ᐅᖃᓘᑖ: (867) 975-4914 ᐊᑭᖃᙱᑦᑐᖅ: 1-888-646-0006

ᐅᖃᓘᑎᕋᓛᖅ: (867) 222-2893

kmccluskey@tunngavik.com

www.tunngavik.com

 

ᕌᓐ ᐅᐊᓯᓐᒃ

ᑐᓴᒐᒃᓴᓕᕆᔨ

ᐋᓐᓂᐊᖃᖅᑕᐃᓕᑎᑦᑎᔨᒃᑯᓐᓄᑦ

867-975-5710

rwassink@gov.nu.ca

www.gov.nu.ca

 

ᔭᓂ ᑕᐃᕐᓂ

ᑐᑭᒧᐊᒃᑎᑦᑎᔨᒻᒪᕆᒃ

ᐃᓵᒃᓯᒪᒋᑦ ᐃᓅᓯᖕᒧᑦ ᑲᑎᒪᑭᖏᓐᓄᑦ

ᐅᖃᓘᑖ: 867-975-3233 ᓇᐃᓱᑖ: 226 ᐊᑭᖃᙱᑦᑐᖅ: 1- 866-804-2782

jennytierney@inuusiq.com

www.inuusiq.com