ᑲᓇᑕᒥ ᐅᐃᕆᓯᒪᔪᓄᑦ ᐅᔾᔨᕈᓱᒃᑎᑦᓯᓂᕐᒧᑦ ᐱᓇᓱᐊᕈᓯᖅ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᑲᓇᑕᒥ ᐅᐃᕆᓯᒪᔪᓄᑦ ᐅᔾᔨᕈᓱᒃᑎᑦᓯᓂᕐᒧᑦ ᐱᓇᓱᐊᕈᓯᖅ

ᑕᒪᑐᒪᓂ ᐱᓇᓱᐊᕈᓯᖕᒥᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖁᕕᐊᓲᑎᖃᕐᒪᑕ ᑲᓇᑕᒥ ᐅᐃᕆᓯᒪᔪᓄᑦ ᐅᔾᔨᕈᓱᒃᑎᑦᓯᓂᖕᒧᑦ ᐱᓇᓱᐊᕈᓯᖕᒥᑦ, ᑕᒪᑐᒪᓂ ᐱᔾᔪᑕᐅᓂᐊᕐᑐᑦ “ᑲᔪᖏᕐᓴᐃᓂᖅ, ᐃᓱᒪᑐᓂᖅ ᐊᒻᒪᓗ ᐃᓚᓕᐅᔾᔨᓂᖅ”. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᙵᓱᒃᑎᑦᑎᕗᑦ ᓄᓇᕗᒻᒥᐅᓂ ᐃᓕᑦᑎᒃᑲᓐᓂᖁᔨᓪᓗᑎ ᐱᔾᔪᑕᐅᔪᓂ ᐱᑦᑕᐃᓕᒪᓂᖕᒥᓪᓗ ᓱᕐᕋᖕᓇᖅᑐᓄ ᓱᕈᕈᑕᐅᒡᓱᓂ, ᐃᓅᓕᓴᐃᓂᖅ ᒪᒥᓴᕐᓂᖕᓂᓪᓗ ᓇᓖᕌᒐᒃᓴᑦ. ᐅᕙᑦᑎᓐᓂ ᐃᓕᑦᑎᕚᓪᓕᕐᓗᑕ ᑕᒪᒃᑯᓂᖓ ᐃᑲᔪᖅᐳᖅ ᐱᕙᓪᓕᐊᓂᖕᒥᑦ ᓱᓕᔪᒥ ᐊᓯᔾᔨᕐᓂᖕᒥᑦ ᐊᒻᒪᓗ ᒥᒃᖠᕚᓪᓕᕐᑎᓪᓗᒍ ᐅᖃᐅᓯᐅᑦᑎᐊᖃᑦᑕᙱᓐᓂᖏᑦ ᐋᖓᔮᕐᓇᖅᑐᓲᑦ.

ᑭᓇᑐᐃᓐᓇᐃᑦ ᑲᒪᔭᑦᓴᖃᖅᑐᐃᓐᓇᐅᒻᒪᑕ ᐃᑲᔪᖅᑐᐃᓂᕐᒧᑦ ᐃᓱᒪᓕᕆᓂᕐᒧᑦ ᐅᐃᕆᓯᒪᓂᕐᒧᓗ ᑕᕝᕘᓇ ᐃᓅᖃᑎᒌᑦᓯᐊᕐᓂᖅ: ᐃᑉᐱᒍᓱᑦᓯᐊᕐᓂᖅ ᐊᓯᑦᑎᓐᓂ, ᐃᓚᒌᑦᓯᐊᕐᓂᖅ ᐱᑦᓯᐊᕐᓂᕐᓗ ᐃᓅᖃᑎᑦᑎᓐᓂᒃ.

ᓄᓇᓕᖕᓂᑦ ᐃᑲᔪᖅᑕᐅᓗᓂ ᐱᒻᒪᕆᐅᕗᖅ ᐱᕈᕐᐸᓪᓕᐊᓂᐊᕐᓗᓂ ᐃᑲᔪᖅᑐᐃᖏᓐᓇᕐᓗᓂᓗ ᓄᓇᓖᑦ. ᑕᒪᓐᓇ ᐃᑲᔪᖅᑐᐃᓂᖅ ᐃᓚᖃᕐᐳᖅ ᐊᔪᕆᕐᓱᐃᓗᑎᒃ ᐃᓐᓇᑐᖃᑦ, ᑲᒪᒋᔭᐅᓗᓂ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᓂᑦ, ᐅᖃᐅᔾᔪᖅᑕᐅᓂᕐᓗ ᓇᖕᒥᓂᖅ ᐊᑐᕐᓯᒪᔭᒥᓂᒃ. ᐊᑕᐅᑦᑎᒃᑯᑦ ᐱᐅᓯᕚᓪᓕᕈᓐᓇᕐᐸᕗᑦ ᐃᓅᓯᖏᑦ ᐊᒃᓱᕉᑎᖃᕐᑐᑦ ᐋᖓᔮᕐᓇᕐᑐᓂ ᑲᔪᖏᕐᓱᕐᓗᒋᓪᓗ ᐃᑲᔪᖅᑕᐅᔪᒪᖁᓗᒋᑦ ᐃᑲᔪᖅᑕᐅᓗᑎᒃᓗ.

ᐃᓄᑑᙱᓐᓇᕕᑦ. ᖃᐅᔨᒪᔭᖃᕈᕕᑦ ᐊᒃᓱᕈᖅᑐᒥᑦ ᐅᐃᕆᓯᒪᓂᕐᒧᑦ, ᐅᖃᓗᒍᓐᓇᖅᐳᑎᑦ ᐅᕝᕙᓗᓐᓂᑦ ᐅᐸᒍᓐᓇᖅᐳᑎᑦ ᐊᓐᓂᐊᕐᕕᖕᒧᑦ, ᐅᕝᕙᓘᓐᓃᑦ ᐅᖃᖃᑎᖃᕐᓗᑎᑦ ᐱᖃᓐᓇᕆᔭᕐᓄᑦ, ᐃᓚᒋᔭᕐᓄᑦ, ᐃᓐᓇᕐᒧᑦ, ᐅᕝᕙᓘᓐᓃᑦ ᐃᓅᓯᓕᕆᔨᒥᑦ. 

ᑲᙳᓇᖅᑐᒃᑯᑦ ᐃᑲᔪᖅᑕᐅᔪᒪᒍᕕᑦ, ᐅᕗᖓ ᐅᖃᓗᒍᓐᓇᖅᐳᑎᑦ:

ᐃᓅᓯᓕᕆᔨ

• ᒪᒥᓴᕐᓂᖅ ᐅᖃᓪᓚᖕᓂᒃᑯᑦ.
  • ᖃᕆᑕᐅᔭᒃᑯᑦ ᐃᓅᓯᓕᕆᓂᕐᒧᑦ ᐱᔨᑦᑎᕋᖅᑎᒃᑯᑦ ᐃᓄᖕᓄᑦ ᓄᓇᕘᓕᒫᒥᑦ.
  • ᐋᓐᓂᐊᕕᔅᓯᓐᓄᐊᕈᓐᓇᖅᐳᑎᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᐃᕐᖐᓐᓈᖅᑕᐅᒃᑯᓪᓘᓐᓃᑦ ᐅᑯᓄᖓ ᑎᑎᕋᕐᓗᓯ healing@gov.nu.ca ᐊᑭᖃᙱᑦᑐᒧᓪᓘᓐᓃᑦ ᐅᖄᓚᓗᑎᑦ ᐅᕗᖓ 1-888-648-0070 ᐅᕝᕙᓘᓐᓃᑦ (867) 975-5367.
• ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐃᓚᒌᑦ ᐃᑲᔪᖅᑎᖏᑦ.
  • 1-800-663-1142.
• ᐃᓕᓴᖅᓯᕕᒃ ᐅᖄᓚᐅᑎᒃᑯᑦ ᐃᓅᓯᓕᕆᔨ
  • ᐅᖄᓚᐅᑎᒃᑯᑦ ᖃᓪᓗᓈᑐᑦ ᐃᓄᒃᑎᑐᓪᓗ ᐃᓅᓯᓕᕆᔨ, ᓇᒡᒐᔾᔭᒥ−ᐅᓪᓗᑐᐃᓐᓇᕐᒧᑦ 8:30−ᒥ 5−ᒧᐊᕋᓱᖕᓂᖓᓄᑦ. ᐅᖄᓚᓗᑎᑦ ᐊᑭᖃᙱᑦᑐᒧᑦ 1-888-331-4433−ᒧᑦ.

ᐃᑲᔪᖅᑕᐅᔪᒪᔪᓄᑦ ᐅᖄᓚᕝᕕᒃ ᖃᕆᑕᐅᔭᒃᑯᓪᓗ ᐅᖄᓚᕝᕕᒃᓴᖅ

• ᓄᓇᕗᒻᒥ ᑲᒪᑦᓯᐊᖅᑐᑦ ᐅᖄᓚᐅᑎᖓᑦ (ᐃᑲᕐᕋᓄᑦ 24−ᓄᑦ ᐅᖄᓚᕝᕕᒃᓴᖅ, ᐱᓇᓱᐊᕈᓯᓕᒫᖅ).
  • ᐅᖄᓚᓗᑎᑦ (867) 979-3333−ᒧᑦ ᐊᑭᖃᙱᑦᑐᒧᓪᓘᓐᓃᑦ ᐅᕗᖓ, 1-800-265-3333.
• ᐊᒃᓱᕈᕐᓇᖅᑐᒃᑰᖅᑐᓄᑦ ᐱᔨᑦᑎᕋᖅᑎᑦ ᑲᓇᑕᒥ.
  • ᐅᖄᓚᓗᑎᑦ ᑎᑎᕋᕐᕕᒋᓗᒍᓘᓐᓃᑦ ᐅᖄᓚᐅᑎᕋᓛᒃᑯᑦ ᐅᕗᖓ, 1-833-456-4566.
  • ᐃᑭᐊᖅᑭᕕᒃᑯᑦ ᐅᖃᖃᑎᖃᕈᓐᓇᕐᓂᖅ ᐅᕙᓂ www.crisisservicescanada.ca.
• Youthspace.ca.
  • ᐅᖄᓚᓗᑎᑦ 1-833-456-4566−ᒧᑦ − ᑎᑎᕋᕐᓗᑎᑦ 778-783-0177−ᒧᑦ.
  • ᐃᑭᐊᖅᑭᕕᒃᑯᑦ ᐅᖃᖃᑎᖃᕈᓐᓇᖅᑐᑦ ᐅᕙᓂ, www.youthspace.ca
  • ᐃᕐᖐᓐᓈᖅᑕᐅᒃᑯᑦ ᐃᓅᓯᓕᕆᔭᐅᓐᓇᖅᑐᑦ ᐅᕗᖓ ᐅᖃᓗᒡᓗᑎᑦ 1-866-478-8357.
• ᓄᑕᖅᑲᑦ ᐃᑲᔪᖅᑕᐅᕕᖓᓄᑦ ᐅᖄᓚᕝᕕᒃᓴᖅ
  • ᐅᖃᓗᒡᓗᑎᑦ 1-800-668-6868−ᒧᑦ.
  • ᑕᕝᕙᑲᐅᑎᒋ ᐅᖃᖃᑎᖃᕐᓂᖅ ᒪᓂᒪᕗᖅ ᐅᕙᓂ kidshelpphone.ca
  • ᓇᕿᑦᑕᕐᓗᒍ 'CONNECT' ᐅᕗᖓ, 686868 ᑐᓴᖅᑎᑦᑎᓗᑎᑦ ᐃᓕᓐᓂᐊᖅᓯᒪᔪᒧᑦ ᐃᑲᔪᖅᑎᒧᑦ.

ᐃᑭᐊᖅᑭᕕᖕᒧᑦ ᐃᑲᔫᑎᒃᓴᑦ

• ᐃᓵᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ.
  • ᐃᑭᐊᖅᑭᕕᒃᑯᑦ ᑕᑯᒋᐊᕐᓗᑎᑦ www.inuusiq.com ᑐᑭᓯᒋᐊᒃᑲᓐᓂᕈᒪᒍᕕᑦ, ᐃᑲᔪᖅᑕᐅᔪᒪᒍᕕᑦ ᐃᑲᔫᑎᒃᓴᓂᒡᓗ ᖃᐅᔨᒋᐊᕈᒪᒍᕕᑦ.
• ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖅ ᐊᒻᒪᓗ ᐅᐃᕆᓐᓇᕐᑐᓄ ᖃᓄᐃᓕᐅᒐᒃᓴᑦ ᓇᓂᔪᓐᓇᕐᐸᐃᑦ ᐅᕙᓂ: ᐋᖓᔮᕐᓇᖅᑐᑦ ᐃᒥᐊᓗᓪᓗ |  ᐃᓅᓯᖃᑦᑎᐊᕐᓂᖅ.

ᐃᕝᕕᓪᓘᓐᓃᑦ ᖃᐅᔨᒪᔭᖃᕈᕕᓪᓘᓐᓃᑦ ᐊᒃᓱᕈᕐᓇᖅᑐᖅᓯᐅᖅᑐᒥᒃ, ᐸᓖᓯᒃᑯᑦ ᐅᖄᓚᕝᕕᒋᓗᒋᑦ, ᐃᕐᖐᓐᓇᖅ ᐋᓐᓂᐊᕐᕕᔅᓯᓐᓄᙵᐅᓗᑎᓪᓘᓐᓃᑦ ᐋᓐᓂᐊᕐᕕᐊᓗᖕᒧᓪᓘᓐᓃᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐱᐊᕆ ᐃᐊᓱ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
pessoh@gov.nu.ca