ᐅᖃᓚᐅᑎᓯᐅᑏᑦ

You are here

ᓄᑖᖃᓂᒃ ᐋᓐᓂᐊᖅᑐᓕᕆᔩᑦ ᐃᓕᓴᕆᔭᐅᔾᔪᓯᐊᖅᑐᑦ ᖃᓄᐃᖏᑦᑐᓄᑦ ᓄᑕᖅᑲᓄᑦ ᐱᑖᖅᑎᑕᐅᔪᓯᐊᕐᒥᒃ

ᒫᑦᓯ 27, 2014

ᑐᓴᒐᒃᓴᖅ ᓴᖅᑭᑕᖅ

ᓴᖅᑭᑕᐅᑲᐅᑎᒋᔭᕆᐊᓕᒃ

ᓄᑖᖃᓂᒃ ᐋᓐᓂᐊᖅᑐᓕᕆᔩᑦ ᐃᓕᓴᕆᔭᐅᔾᔪᓯᐊᖅᑐᑦ ᖃᓄᐃᖏᑦᑐᓄᑦ ᓄᑕᖅᑲᓄᑦ ᐱᑖᖅᑎᑕᐅᔪᓯᐊᕐᒥᒃ

ᐃᖃᓗᐃᑦ, ᓄᓇᕗᑦ (ᒫᑦᓯ 27, 2014) – ᓄᓇᕘᒥ ᓄᑕᖅᑲᓂᒃ ᐋᓐᓂᐊᖅᑐᓕᕆᔩᑦ ᑲᒪᕙᒃᑐᑦ ᐱᑖᖅᑎᑕᐅᓚᐅᖅᑐᑦ ᐱᓕᕆᖃᑎᒌᑦ ᐱᓕᕆᐊᖏᑦᑎᒍᑦ ᐱᕚᓕᖅᑎᑦᑎᓇᓱᐊᖅᑏᑦ ᓄᑖᖃᓂᒃ ᖃᓄᐃᖏᖁᔨᓂᕐᒧᑦ ᐱᑖᖅᑎᑕᐅᔪᓯᐊᕐᒥᒃ ᑕᐃᑲᓂ ᐱᑖᖅᑎᑎᓚᐅᖅᑐᓂᑦ ᐋᑐᕚᒥ ᑕᒪᑐᒪᓂ ᐱᓇᓱᐊᕈᓯᕐᒥ ᐱᓕᕆᐊᖏᓐᓄᑦ ᐱᐅᓂᖅᐹᖑᓕᖅᑎᑦᑎᓇᓱᖕᓂᕐᒧᑦ ᐋᓐᓂᐊᖅᑐᓕᕆᓂᕐᒥ ᐱᔨᑦᑎᕐᓂᐅᔪᓂᒃ ᓄᑕᖅᑲᓄᑦ ᐱᔭᕆᑐᔪᒃᑯᑦ ᐃᑲᔪᖅᑕᐅᔭᕆᐊᖃᖅᐸᒃᑐᓄᑦ.

ᑲᑐᔾᔭᐅᔪᖅ CTV-ᑯᓐᓂᑦ ᐊᒻᒪᓗ ᓄᑕᖅᑲᓄᑦ ᐋᓐᓂᐊᕕᖕᒥᑦ ᑲᓇᖕᓇᖅᐸᓯᐊᓂ ᐋᓐᑎᐅᕆᔫᑉ ᖃᓄᐃᙱᑦᑐᓄᑦ ᓄᑖᖃᓄᑦ ᐱᑖᖅᑎᑕᐅᔾᔪᓯᐊᖅ ᐃᓕᓴᖅᓯᔾᔪᑕᐅᔪᖅ ᐱᓕᕆᐊᖑᔪᓄᑦ "ᐱᓕᕆᖃᑎᒌᖕᓂᖅ ᐱᐊᓂᒃᓯᓂᕐᒧᑦ ᐊᑕᐅᓯᐅᖏᖦᖢᑎᒃ ᐱᓕᕆᖃᑎᒌᑦ ᐱᓕᕆᓇᔭᖅᑕᖏᓐᓂᒃ ᐃᓄᑑᓗᑎᒃ ᐃᑲᔪᕈᒪᓂᕐᒧᑦ ᓄᑖᖅᑲᓂᒃ ᐊᒻᒪᓗ ᐃᓚᒌᓂᒃ ᖃᓄᐃᙱᑦᑎᐊᖁᓪᓗᒋᑦ" ᑕᕝᕘᓇ ᐱᓕᕆᖃᑎᒌᑦ ᐱᓕᕆᐊᖏᑦᑎᒍᑦ ᐱᕚᓕᖅᑎᑦᑎᓇᓱᐊᖅᑏᑦ ᓄᑖᖃᓂᒃ ᖃᓄᐃᖏᖁᔨᓂᕐᒧᑦ ᑎᑎᕋᖅᓯᒪᐅᖅᑐᓂᑦ. ᔫᓕ ᒪᔅᓯᑯᑎ, ᐃᓗᐊᖅᓴᐃᔨᐅᔪᖅ ᐊᒻᒪᓗ ᑲᒪᕙᒃᖢᓂ ᐋᓐᓂᐊᖅᑐᓕᕆᓂᕐᒧᑦ ᑖᑯᓇᓂ ᐱᓕᕆᐊᖃᒋᑏᖑᔪᓂ, ᐊᒻᒪᓗ ᓘᒃᑖᖅ ᐋᒻᐳ ᒪᐃᓄᕐ, ᐱᓕᕆᖃᑎᒌᖑᔪᓂ ᐊᖓᔪᖅᑳᕆᔭᐅᔪᖅ, ᐱᓕᓚᐅᖅᑕᖓ ᐱᑖᖅᑎᑕᐅᔾᔪᓯᐊᖅ ᖁᕕᐊᓲᑎᖃᖅᑐᓂ ᐋᑐᕚᒥ ᐱᖓᔪᐊᖑᑎᓪᓗᒍ, ᒫᑦᓯ 26.

"ᖁᕕᐊᒋᑦᑎᐊᖅᐸᕋ ᓄᓇᕘᒥ ᐃᖢᐊᖅᓴᐃᔩᑦ ᐃᓕᓴᕆᔭᐅᖕᒪᑕ ᐱᓕᕆᐊᕆᑦᑎᐊᖅᓯᒪᔭᖏᓐᓄᑦ,"ᐅᖃᖅᑐᖅ ᒨᓂᑲ ᐃᐅᓪ, ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ."ᐱᒃᑯᒋᑦᑎᐊᖅᐸᕗᑦ ᑕᒪᑐᒥᖓ ᑲᔪᓯᑎᑦᑎᑦᑎᐊᓚᐅᕐᒪᑕ ᑖᑯᐊᓗᐊᙳᐊᖅ ᐱᓕᕆᖃᑎᒌᖑᔪᑦ ᐱᔭᕆᐊᖃᖅᑐᑦ ᐱᑖᖅᑎᑕᐅᔾᔪᐊᓯᐊᕐᒥᒃ."

ᓄᑖᖃᓂᒃ ᐋᓐᓂᐊᖅᑐᓕᕆᔩᑦ ᐱᔭᕆᑐᔪᒃᑯᑦ ᑲᒪᕙᒃᑐᑦ ᐱᓕᕆᖃᑎᒌᑦ ᓴᖅᑭᑕᐅᓚᐅᖅᓯᒪᔪᑦ 2009-ᒥ ᐱᐅᓯᑎᑦᑎᒋᐊᕋᓱᒃᖢᑎᒃ ᐊᐅᓚᑦᑎᓂᐅᔪᓂᒃ ᑲᒪᔭᕆᐊᖃᕐᓂᕐᒧᑦ, ᐊᐅᓚᓪᓗᒍ ᖃᐅᔨᓇᓱᒃᑐᓄᑦ ᖃᐅᔨᒪᖃᑦᑕᐅᑎᓂᖅ, ᐊᒻᒪᓗ ᐱᐅᓯᑎᒋᐊᕐᓗᒋᑦ ᐃᑲᔫᑕᐅᔪᓐᓇᖅᑐᑦ ᓄᓇᓕᖕᓄᑦ ᓇᓕᒧᒃᓲᑎᓗᑎᒃ. ᐱᓕᕆᖃᑎᒌᑦ ᐅᑲᐅᐊᖑᕗᑦ ᓘᒃᑖᑦ, ᐃᖢᐊᖅᓴᐃᔩᑦ, ᐅᖁᒪᐃᓐᓂᕐᓂᐊᕐᕕᖕᒥ ᐋᓐᓂᐊᖃᕐᓇᙱᑦᑐᓕᕆᓂᖅ, ᐊᖏᕐᕋᕆᔭᐅᔪᓂ ᐊᒻᒪᓗ ᓄᓇᓕᖕᓂ ᑲᒪᔨᐅᕙᒃᑐᑦ, ᐃᓄᓕᕆᔨᒃᑯᑦ, ᒪᒥᓴᐃᕕᐅᕙᒃᑐᑦ ᐱᔨᑦᑎᕐᓂᖏᑦ ᐊᒻᒪᓗ ᕿᑭᖅᑖᓗᖕᒥ ᐊᕕᒃᓯᒪᓂᐅᔪᒥ ᓂᕿᑦᑎᐊᕙᓕᕆᔨ.

ᐱᓕᕆᖃᑎᒌᑦ ᐃᑲᔪᖃᑦᑕᕐᒪᑕ ᓄᑕᖅᑲᓂᒃ ᐱᔭᕆᑐᔪᒃᑯᑦ ᐱᔾᔪᑎᓕᖕᓂᒃ, ᓄᑕᖅᑲᑦ ᑲᒪᒋᔭᐅᔭᕆᐊᓖᑦ ᐊᑯᓂᐅᔪᒧᑦ, ᐅᕝᕙᓘᓐᓃᑦ ᑭᓇᑐᐃᓐᓇᖅ ᓄᑕᕋᖅ ᑖᒃᑯᓇᙵᑦ ᐱᓕᕆᖃᑎᒌᓂᑦ ᐃᒃᐱᒋᔭᐅᒃᐸᑦ ᐃᑲᔪᖅᑕᐅᔭᕆᐊᖃᕆᔭᐅᓗᓂ ᐱᔨᑦᑎᕐᓂᖏᑦᑎᒍᑦ.

###

ᑐᓴᒐᒃᓴᒧᑦ ᖃᐅᔨᒋᐊᕐᕕᒃ:

ᐊᐅᑐᕆ ᓕᒥᐅ

ᑐᓴᒐᒃᓴᓕᕆᔨ ᐊᒻᒪᓗ ᐃᓄᖕᓂᒃ ᐅᔾᔨᕐᓇᖅᓯᑎᑦᑎᓂᒧᑦ ᖃᐅᔨᓇᓱᐊᖅᑎ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

867-979-5949

alemieux@gov.nu.ca