ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᐊᐅᓚᑦᑎᔩᑦ

ᖁᒃᓴᓇᖅᑐᓂᒃ ᐊᐅᓚᑦᑎᔨᑦ ᐱᓕᕆᕕᖓ ᑮᓇᐅᔭᓕᕆᔨᒃᑯᑦ ᓄᓇᕗᑦ ᒐᕙᒪᒃᑯᖏᓐᓂ ᐊᖅᑭᒃᓱᖅᓯᒪᓂᖃᕐᒪᑕ ᐱᖓᓱᐃᓕᖓᔪᓂᒃ ᐃᖃᓇᐃᔭᑎᒍ: ᐊᐅᓚᑦᑎᔨᑦ, ᐊᑕᐅᓯᕐᒥᒃ ᖁᒃᓴᓇᖅᑐᓂ ᐊᐅᓚᑦᑎᔨ ᖃᐅᔨᓴᖅᓯᔨᖃᕐᓗᑎᒃ ᐊᒻᒪᓗ ᐊᑕᐅᓯᕐᒥᒃ ᖁᒃᓴᓇᑐᑦ ᐊᐅᓚᑦᑎᔨ ᖃᐅᔨᓇᓱᐊᖅᓯᔨᖃᕐᓗᑎᒃ.

ᑭᒃᑰᕙᑦ ᑖᒃᑯᐊ ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᐊᐅᓚᑦᑎᔩᑦ?

ᑖᒃᑯᐊ ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᐊᐅᓚᑦᑎᔩᑦ ᑖᒃᑯᓇᓂ ᑮᓇᐅᔭᓕᕆᔨᒃᑯᓐᓂ ᓄᓇᕘᑦ ᒐᕙᒪᒃᑯᖏᓐᓂ ᐱᖓᓱᐃᓕᖓᓪᓗᓂ ᐃᒪᐃᓕᖓᕗᖅ: ᐊᐅᓚᑦᑎᔨᖃᕐᖢᑎᒃ, ᐊᑕᐅᓯᕐᒥᒃ ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᓇᓗᓇᐃᔭᐃᔨᖃᕐᖢᑎᒃ ᐊᒻᒪᓗ ᐊᑕᐅᓯᖅ ᓇᓗᓇᐃᔭᐃᔨᑐᐃᓐᓇᐅᓪᓗᓂ.

ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᐊᐅᓚᑦᑎᔩᑦ ᖃᓄᐃᓕᐅᕈᓯᖏᑦ:

ᑖᒃᑯᐊ ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᐊᐅᓚᑦᑎᔩᑦ ᐱᔭᒃᓴᖃᕐᒪᑕ ᐸᕐᓇᐅᑎᓂᒃ ᐋᖅᑭᒃᓯᓯᒪᔭᕆᐊᖃᕐᖢᑎᒃ ᑖᓐᓇ ᓄᓇᕗᑦ ᒐᕙᒪᖓᑦ ᓴᐳᑎᓯᒪᔭᕆᐊᖃᕋᒥᔾᔪᒃ ᖃᓄᐃᑦᑐᖃᕐᓂᕐᓗᓂ ᐊᓯᐅᔨᖁᓇᒋᑦ ᑕᐃᒃᑯᐊ ᑲᑎᕐᓱᐊᕆᔭᐅᓯᒪᔪᑦ ᐊᒃᑐᕐᑕᐅᓇᔭᕐᒪᑕ ᑮᓇᐅᔭᑎᒍᑦ ᐊᒻᒪᓘᓐᓃᑦ ᑖᒃᑯᐊ ᒐᕙᒪᒃᑯᑦ ᐱᓕᕆᓂᕆᔭᖓᑦ ᓈᒻᒪᒃᑐᒥᒃ ᐃᖏᕐᕋᑦᑎᐊᖁᓪᓗᒍ ᑕᒪᒃᑯᓄᖓ ᑖᒃᓰᔭᕐᑎᓄᑦ ᐊᒻᒪᓗ ᐃᓄᑐᐃᓐᓇᕐᓄᑦ. ᒐᕙᒪᒃᑯᑦ ᑕᒪᐃᑎᒍᑦ ᖃᐅᔨᒪᐃᓐᓇᕋᓱᒃᐳᑦ ᑕᒪᓐᓇ ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᐊᒻᒪᓗ ᓇᓪᓕᐅᒃᑯᒫᑎᒍᑦ ᐋᖅᑭᒃᑕᐅᓯᒪᓇᓱᖕᒪᓐ ᐊᓯᐅᔨᓗᐊᖁᓇᒋᑦ ᐊᒻᒪᓗ ᐅᑎᕐᑐᒃᓴᒫᓂᒃ ᐱᓇᓱᒋᐊᖃᕋᔭᖏᒻᒪᑕ ᐊᓯᐅᔨᒐᓗᐊᕐᓂᕈᑎᒃ.

ᖃᓄᕐᓕ ᑕᒪᓐᓇ ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᐊᐅᓚᑦᑎᔩᑦ ᐱᓕᕆᐊᕆᖃᑦᑕᕐᐸᔾᔪᒃ?

ᐊᑐᕐᑕᐅᔾᔪᓯᕐᒥᒃ ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᑐᙵᕕᓕᖕᓂᒃ ᐊᑐᕋᑦᑕ ᐋᔅᑐᓖᓕᐊ ᐊᒻᒪ ᓂᐅ ᔩᓚᓐ ᐱᔾᔪᓯᖏᓐᓂᒃ. ᑕᐃᒪᐃᒻᒪᑦ ᑕᒪᓐᓇ ᐊᑐᕈᓯᕆᔭᕗᑦ ᐃᑲᔫᑎᖃᕐᐳᖅ ᖃᐅᔨᔾᔪᑎᒋᕙᓪᓕᐊᒐᑦᑎᒍ, ᖃᐅᔨᓴᕐᖢᒋᑦ ᐊᑦᑕᕐᓇᖅᑐᒃᑰᕐᑕᐃᓕᖁᔨᔾᔪᑕᐅᔪᓄᑦ ᑕᒪᒃᑯᐊ ᑲᒪᒋᔪᓐᓇᕐᓂᐊᕋᑦᑎᒍ ᐱᑕᖃᕐᓂᕐᐸᑦ. ᑖᓐᓇᑦᑕᐃᓐᓇᖅ ᐊᑐᕐᑕᕗᑦ ᐊᑐᕐᑕᐅᒋᕗᖅ ᑲᓇᑕᒥ ᖃᐅᔨᓴᕐᑐᓕᕆᓂᕐᒧᑦ ᑲᑎᒪᔨᕐᔪᐊᖏᓐᓂᑦ ᐊᒻᒪᓗ ᐳᓕᔅᑎᔅ ᑲᓚᒻᐱᐊᒥᐅᓂᑦ ᐊᑐᕐᑕᐅᒋᓪᓗᓂ.

ᐆᒃᑑᑎᑦ ᑖᒃᑯᐊ ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᐱᓕᕆᔩᑦ ᐱᔨᑦᑎᕈᑎᖏᑦ:

  • ᑖᒃᑯᐊ ᑲᑎᒪᔨᐅᔪᑦ ᐊᒻᒪᓗ ᐃᓕᓐᓂᐊᕐᑐᓕᕆᔩᑦᓴᖅᑭᑦᑎᓚᐅᕐᓯᒪᖕᒪᑕ ᐊᑐᐊᒐᕐᓂᒃ ᐊᑐᕐᑕᐅᖃᑦᑕᕋᔭᕐᑐᓂᒃ ᑕᒪᒃᑯᐊ ᖁᑭᐅᑎᑦ ᐊᑐᕐᑕᐅᖃᑦᑕᕋᔭᕐᑐᑦ ᐃᓕᓐᓂᐊᖅᑏᑦ ᐃᓚᐅᖃᑕᐅᖃᑦᑕᕐᑎᓪᓗᒋᑦ ᐊᐅᓪᓚᕈᔾᔭᐅᕙᒃᖢᑎᒃ.
  • ᑖᓐᓇᓗ ᐊᑐᐊᒐᖅ ᐊᑐᓕᖁᔭᐅᓯᒪᕗᖅ ᒥᓂᔅᑕᐅᖃᑎᒌᒃᑯᓐᓂᑦ.
  • ᑖᒃᑯᐊ ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᐱᓕᕆᐊᓖᑦ ᐋᖅᑭᒃᓯᓚᐅᕐᐳᑦ ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦᕿᒥᕐᕈᔨᐅᓂᐊᕐᑐᓂᒃ ᑖᒃᑯᓄᖓ ᐆᒪᔪᕐᓂᐊᕐᑏᑦ ᐱᓕᕆᐊᒃᓴᖏᓐᓄᑦ ᑐᕌᕐᑐᓂᒃ.
  • ᑖᒃᑯᐊᓗ ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᐱᓕᕆᔩᑦ ᑲᒪᒋᔭᖃᕐᐳᑦ ᐱᓇᔪᒍᑕᐅᓲᓂᒃ ᑭᒃᑯᓐᓄᑦ ᐅᕝᕙᓘᓐᓃᑦ ᓄᓇᕗᑦ ᒐᕙᒪᒃᑯᖏᓐᓄᑦ. ᐆᒃᑑᑎᒋᓗᒍ, ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᐱᓕᕆᔩᑦ ᐋᖅᑭᒃᓯᓚᐅᕐᐳᑦ ᒪᕐᕉᖕᓂᒃ 500-ᓂᒃ "ᐅᖅᓱᕐᓘᑎᒧᑦ" ᐱᓇᔪᒍᑕᐅᓲᓂᒃ. ᑖᒃᑯᐊᓗ ᑲᒪᔨᐅᒋᕗᑦ ᑎᒥᐅᔪᓂᒃ ᓱᕋᐃᔪᖃᕋᓱᒃᐸᑦ ᒐᕙᒪᒃᑯᓐᓂᒃ ᓴᐳᒻᒥᒃᖠᕐᑎᐅᖕᒪᑕ.
  • ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᐱᓕᕆᔩᑦ ᐱᓕᕆᖃᑎᖃᕆᕗᑦ ᒪᓕᒐᓕᕆᔨᒃᑯᓐᓂᒃ ᑕᐃᒃᑯᐊ ᑲᓐᑐᓚᒃᑕᐅᓲᑦ ᐱᔾᔪᑕᐅᓪᓗᑎᒃ.
  • ᐊᑦᑕᕐᓇᖅᑐᒃᑰᕐᑕᐃᓕᖁᔨᓂᕐᒧᑦ ᐱᓕᕆᔩᑦ ᐋᖅᑭᒃᓱᐃᕙᓪᓕᐊᕗᑦ ᑐᖅᑯᖅᑐᐃᕝᕕᒃᓴᒥᒃ ᖃᐅᔨᒋᐊᕐᕕᒋᖃᑦᑕᕐᓂᐊᕐᑕᒥᖕᓂᒃ ᐊᓯᐅᔨᑦᑕᐃᓕᒪᓂᕐᒧᑦ ᐊᑐᓕᖁᔭᐅᔪᑦ ᐱᔾᔪᑎᒋᓪᓗᒋᑦ.
  • ᑖᓐᓇ ᐃᑭᐊᖅᑭᕕᒃ ᓴᖅᑭᑕᐅᓚᐅᕐᑐᖅ ᖃᐅᔨᒪᔾᔪᑕᐅᓂᐊᕐᒪᑦ ᐱᓕᕆᕝᕕᐅᔪᓂᑦ, ᑎᒥᐅᔪᓂᑦ, ᑲᑎᒪᔨᐅᔪᓂᑦ, ᑲᑐᔾᔨᖃᑎᒌᖕᓂᑦ ᐊᒻᒪᓗ ᐊᓯᖏᓐᓂᑦ, ᐊᒃᑐᐊᓂᓕᖕᓄᑦ ᓄᓇᕗᑦ ᒐᕙᒪᒃᑯᖏᓐᓄᑦ.

ᑭᓱᓂᒡᓕ ᑖᒃᑯᓇᙵᓐ ᐅᓂᒃᑳᕐᓂᕐᒧᑦ ᐅᕝᕙᓘᓐᓃᑦ ᓇᐅᑦᑎᐅᒃᑯᒫᖃᕐᓂᕐᒧᑦ ᐱᔪᒪᔭᖃᕐᐱᑦ?

ᑎᑎᕋᕐᕕᒃᓴᒃ

ᐊᑦᑕᓇᖅᑕᐃᓕᒪᑎᑦᑎᓂᕐᒧᑦ ᐊᐅᓚᑦᑎᓂᖅ

ᓇᖕᒥᓂᖁᑎᒋᔭᓕᒫᓄᑦ ᓇᓪᓕᐅᒃᑯᒻᒫᑦ − ᓇᖕᒥᓂᖁᑎᓄᑦ ᔭᒐᐃᓂᖕᒧᑦ ᐅᓂᒃᑳᓕᐅᖕᓂᖅ

ᓇᖕᒥᓂᖁᑎᒋᔭᓕᒫᓄᑦ ᓇᓪᓕᐅᒃᑯᒻᒫᓄᑦ ᐊᑐᐊᒐᖅ

ᐃᓗᐃᑦᑑᓕᖓᔪᓄᑦ ᐊᑭᓕᕆᐊᓕᖕᓄᑦ ᓇᓪᓕᐅᒃᑯᒻᒫᑦ - ᔭᒐᑕᓄᑦ ᐅᓂᒃᑳᓕᐅᕈᓰᑦ

ᖃᓄᐃᑦᑐᖃᖅᑎᓪᓗᒍ ᐅᓂᒃᑳᑦ - ᐊᐅᓪᓚᖅᓯᒪᓗᓂ ᖃᓄᐃᑦᑐᕕᓂᐅᓗᓂ ᐅᑎᕐᑎᑦᑎᓂᖅ

ᓄᓇᓯᐅᑎᒧᑦ ᓇᓪᓕᐅᒃᑯᒻᒫᑦ

ᐃᑲᔪᖅᑕᐅᓯᒪᓃᑦ ᐊᖏᕈᑕᐅᓯᒪᔪᓪᓗ ᐃᓕᓐᓂᐊᖅᑏᑦ ᐊᐅᓪᓚᖅᑎᑕᐅᓂᖏᓐᓄᑦ

ᐃᓕᓐᓂᐊᕐᑏᑦ ᐱᕐᕈᓗᐊᕿᑎᓪᓗᒋᑦ - ᑎᑎᕋᕐᕕᒃᓴᖅ

 

ᐅᕝᕙᐅᓇ ᖃᐅᔨᒋᐊᕐᕕᐅᔪᓐᓇᖅᑐᖅ:

Risk Management
P. O. Box 2260 – Parnaivik building
ᐃᖃᓗᐃᑦ, ᓄᓇᕗᑦ
X0A-0H0
ᑮᓇᐅᔭᓕᕆᔨᒃᑯᑦ

Government of Nunavut
ᐅᖄᓚᐅᑖ: (867) 975-5809
ᓱᒃᑲᔪᒃᑯᑦ: (867) 975-5845
ᖃᕆᓴᐅᔭᒃᑯᑦ: riskmanagement@gov.nu.ca