ᐅᖃᓚᐅᑎᓯᐅᑏᑦ

You are here

2020-21 ᓄᓇᕗᒻᒥ ᐃᓕᓐᓂᐊᕐᕖᑦ ᒪᒃᐱᓛᕐᓂᖏᓐᓄᑦ ᐸᕐᓇᐃᓂᖅ

ᑐᙵᓱᒋᑦᓯ ᐃᓕᓐᓂᐊᕐᕕᒻᒧᑦ ᐅᑎᕋᑦᓯ!

ᐃᓕᓐᓂᐊᖅᑎᓂᑦ, ᐃᓚᒌᓂᑦ, ᐃᖅᑲᓇᐃᔭᖅᑎᓂᓪᓗ ᖃᓄᐃᖏᑦᑎᐊᖅᑎᑦᑎᓂᖅ ᐊᑦᑕᕐᓇᖏᑦᑐᒦᑎᑦᑎᓂᕐᓗ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᓯᕗᓪᓕᐅᔾᔭᐅᒋᐊᖃᕐᓂᖅᐹᖑᕗᖅ.

ᑖᓐᓇ ᐸᕐᓇᐅᑎ, ᑐᕌᒐᖃᓪᓗᐊᑕᖅᑎᓪᓗᒍ ᖃᓄᐃᙱᑦᑎᐊᕐᓂᕐᒥᒃ ᐊᑦᑕᕐᓇᖅᑕᐃᓕᒪᓂᕐᒥᓪᓗ, ᐃᑲᔪᖅᑐᐃᕗᖅ ᐱᓕᕆᕝᕕᒃ ᐃᓕᓐᓂᐊᕈᑎᒃᓴᑦᑎᐊᕙᖕᓂᒃ ᑲᔪᓯᑎᑦᑎᔪᓐᓇᕐᓂᖏᓐᓂᒃ ᐃᓕᓐᓂᐊᖅᑎᓕᒫᓄᑦ, ᐃᓕᓐᓂᐊᕐᕕᖕᒦᒃᑲᓗᐊᖅᐸᑕ ᐊᖏᕐᕋᖅᓯᒪᒐᓗᐊᖅᐸᑕᓗ. ᐃᓕᓐᓂᐊᕐᑎᖁᑎᕗᑦ ᐃᓕᓐᓂᐊᑦᑎᐊᕈᓐᓇᕐᓂᐊᖅᐳᑦ ᐊᑦᑕᖕᓇᙱᑦᑐᒥᑦ, ᐃᑲᔪᖅᑐᐃᔪᒥᓪᓗ ᐃᓂᒥᒃ.

ᐃᓕᓐᓂᐊᕐᓂᓕᕆᔨᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᒃ ᐊᒻᒪ ᓄᓇᕗᒻᒥ ᐃᓕᓐᓂᐊᕐᓂᓕᕆᔨᑦ ᐱᓕᕆᔨᖏᓐᓂᒃ ᐱᓕᕆᖃᑎᖃᑦᑎᐊᑲᑕᒃᓯᒪᕗᑦ ᐸᕐᓇᐅᑎᒥᒃ ᐋᖅᑭᒃᓱᐃᓪᓗᑎᒃ.  ᐃᓕᓐᓂᐊᖅᑎᕗᑦ ᐅᑎᑐᐃᓐᓇᕆᐊᖃᓕᖅᐳᑦ ᐃᓕᓐᓂᐊᕐᕕᖕᒧᑦ, ᑖᓐᓇᓗ ᐸᕐᓇᐅᑎ ᓇᓗᓇᐃᖅᓯᕗᖅ ᐅᑎᑐᐃᓐᓇᕆᐊᖃᓕᕐᓂᖏᓐᓂᒃ ᐊᑦᑕᕐᓇᙱᑦᑐᒃᑯᑦ.

ᐱᓕᕆᕝᕕᒃ ᖃᐅᔨᒪᔪᑦ ᐃᓕᓐᓂᐊᕐᕖᑦ ᐱᒻᒪᕆᐅᓂᖏᓐᓂᒃ ᐃᓕᓐᓂᐊᖅᑎᓄᑦ' ᑎᒥᒃᑯᑦ ᐃᓱᒪᒃᑯᓪᓗ ᐃᑲᔪᖅᑐᐃᖏᓐᓇᕐᓂᐊᖅᐳᒍᓪᓗ ᐃᓕᓐᓂᐊᖅᑎᓂᒃ ᑕᖅᑭᓂ ᐊᒡᒋᖅᑐᓂᑦ.

2020-21-ᒥ ᒪᑐᐃᕐᓂᐊᖅᑐᑦ ᐸᕐᓇᐅᑎᖓ ᓄᓇᕗᒻᒥ ᐃᓕᓐᓂᐊᕕᖏᓐᓄᑦ ᓇᓗᓇᐃᖅᓯᕗᖅ ᑎᓴᒪᐅᓕᖅᑲᖓᔪᓂᑦ ᐃᓕᓐᓂᐊᕐᕖᑦ ᐊᐅᓚᓂᖏᓐᓂᒃ ᐊᐅᓚᑦᑎᔾᔪᑕᐅᓂᐊᖅᑐᒥᒃ ᓄᕙᒡᔪᐊᕐᓇᖅ-19 ᐊᑐᖅᑎᓪᓗᒍ, ᖃᓂᒪᓐᓇᐅᑉ ᐊᒃᑐᐃᓂᖓ ᒪᓕᒡᓗᒍ ᓄᓇᓕᑦᑎᓐᓂ.

ᐱᔾᔪᑎᒋᓪᓗᒍ ᐱᔭᕆᐊᖃᕐᓂᖅ ᐊᑐᐃᓐᓇᐅᔪᓂᑦ ᑐᓴᐅᒪᔾᔪᑎᒃᓴᓂᑦ ᑭᖑᕙᖏᑦᑐᒥ, ᐱᓕᕆᕝᕕᒃ ᓇᒃᓯᐅᔾᔨᓂᐊᕐᑐᑦ ᑐᓴᐅᒪᔾᔪᑎᒃᓴᓂᑦ ᐅᖃᐅᓰᑦ ᐃᓕᓴᕆᔭᐅᓯᒪᔪᓂᑦ ᐊᑐᐃᓐᓇᐅᓕᕐᐸᑦ.