ᐅᖃᓚᐅᑎᓯᐅᑏᑦ

You are here

ᐃᓕᓴᐃᔨᙳᕆᐅᖅᑐᑦ ᐃᖅᑲᓇᐃᔭᓕᓵᖅᑐᑦ

ᐊᓕᐊᓇᐃᑦ ᐃᓕᓴᐃᔨᙳᕐᓂᕐᒧᑦ ᐃᖅᑲᓇᐃᔮᒃᓴᖅᑖᕋᕕᑦ! ᐃᓕᓐᓂᐊᕐᓂᓕᕆᔨᒃᑯᑦ ᐊᒃᓱᕈᕐᓂᐊᖅᐳᑦ ᓯᕗᒧᐊᖕᓂᖃᑦᑎᐊᕐᓂᐊᕋᕕᑦ ᐱᓕᕆᐊᖅᑖᕐᓂᒃ. ᓄᓇᕗᒻᒥᐅᑕᐅᖃᑕᐅᓗᓂ ᐊᒃᓱᐊᓗᒃ ᐊᔾᔨᐅᙱᑦᑐᓂᒃ ᐱᕕᖃᖃᑕᐅᓐᓇᖅᑐᖅ ᐱᓕᕆᐊᖃᕐᓂᒃᑯᑦ ᐊᒻᒪ ᓇᖕᒥᓂᖅ ᐃᓅᓯᒃᑯᑦ. ᖃᐅᔨᓂᐊᖅᑯᑎᑦ ᐅᖃᐅᓯᑦᓯᐊᕚᓗᑦᑎᓐᓂᑦ ᐃᓕᖅᑯᓯᑦᑎᓐᓂᓗ ᖁᕕᐊᒋᔭᖃᕐᓂᕐᒥᓪᓗ ᓄᓇᓕᓐᓂᑦ ᓱᓕᕆᓂᐅᔪᓂᑦ ᐊᓃᖃᑦᑕᑦᓯᐊᕐᓂᕐᒥᓪᓗ!

 

ᕿᒥᕐᕈᓇᖕᓂᐊᖅᐸᑎᑦ ᑐᓴᐅᒪᔭᐅᔭᕆᐊᓖᑦ ᑐᑭᓯᕚᓪᓕᖅᑎᑕᐅᓂᕐᒧᓪᓗ ᑎᑎᖅᑲᓕᐊᖑᓯᒪᔪᑦ ᐊᒻᒪ ᐱᓕᕆᔨᒻᒪᕆᙳᖅᐸᓪᓕᐊᓂᕐᒧᑦ ᐱᓕᒻᒪᒃᓴᕈᑎᒃᓴᒃᑲᓐᓃᑦ ᐃᓕᖕᓄᑦ ᐃᑲᔪᕐᓂᐊᖅᑐᑦ ᐃᓂᓪᓚᒃᐸᓪᐊᓕᑎᓪᓗᑎᑦ. 

 

ᓄᒃᑎᕐᓂᐊᕈᕕᓪᓕ ᐊᓯᐊᓄᑦ ᓄᓇᒧᑦ ᐱᓕᕆᐊᖅᑖᑦ ᐱᔾᔪᑎᒋᓪᓗᒍ, ᑐᓴᒐᒃᓴᖃᕆᕗᖅ ᓄᓇᕗᒻᒥ ᓅᒃᑕᕐᓂᖅ, ᓄᓇᑖᕐᓂᕐᓘᓃᑦ ᑕᑯᔪᓐᓇᕐᓂᐊᕐᒥᔭᑎᑦ ᐃᓗᖕᓄᑦ ᐃᑲᔫᑎᒃᓴᐃᑦ.