You are here
ᑭᓇ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᑲᑎᒪᔨᐅᖃᑕᐅᔪᓐᓇᖅᐸ?
ᐃᓕᓐᓂᐊᖅᑐᓕᕆᔨᑦ ᑲᑎᒪᔨᖏᓐᓄᑦ ᓂᕈᐊᒐᒃᓴᐅᔪᒪᔪᑦ ᒪᓕᒐᒃᓴᖏᑦ ᐊᐅᓚᑕᐅᕗᑦ ᑎᑎᕋᖅᓯᒪᔪᑦ ᐃᓚᖓᓂ 19-ᒥᑦ ᐅᕙᓂ ᓄᓇᓕᖕᓂ ᐱᔪᓐᓇᐅᑎᓕᖕᓄᑦ ᓂᕈᐊᖅᑐᓕᕆᓂᕐᒧᑦ ᐱᖁᔭᖅ. ᐊᑕᖏᕐᓗᒍ ᐃᒪᐃᓕᖓᓕᕐᓂᐊᖅᑐᖅ, ᓂᕈᐊᕐᓇᐅᑎᓪᓗᒍ ᐃᓕᓐᓂᐊᕐᑐᓕᕆᔨᒃᑯᑦ ᒪᒃᐲᖓᕙᒃᑐᖅ ᐃᓚᒋᔭᐅᖃᑕᐅᔪᓄᑦ ᓄᓇᓕᖕᓂᑦ ᐊᕐᕋᒍᖃᕐᓗᓂ 18−ᓂᒃ ᐅᕝᕙᓘᓐᓂᑦ ᐅᖓᑖᓄᑦ ᐊᒻᒪᓗ ᓂᕈᐊᕈᓐᓇᕐᓗᓂ ᓄᓇᕗᒻᒥᑦ.
ᐃᓕᓐᓂᐊᖅᑐᓕᕆᔨᒃᑯᓐᓄᑦ ᓂᕈᐊᒐᒃᓴᙳᖅᑎᑕᐅᔪᓐᓇᖅᐳᑎᑦ ᐃᒪᐃᓪᓗᑎᑦ:
- ᑲᓇᑕᒥᐅᑕᐅᓗᑎᑦ
- 18−ᓂᑦ ᐅᑭᐅᖃᕐᓗᑎᑦ ᐅᖓᑖᓄᓪᓗ,
- 12−ᓂᑦ ᑕᕿᓄᑦ ᓄᓇᕗᒻᒥᐅᑕᐅᓗᑎᑦ ᑎᑭᓪᓗᒍ ᓂᕈᐊᖅᑕᐅᓇᓱᓕᖅᑎᓪᓗᑎᑦ
- ᓄᓇᓕᖕᒥᐅᑕᐅᓗᑎᑦ ᓇᓗᓇᐃᖅᑕᐅᓯᒪᖏᑦᑐᖅ ᖃᓄᖅ ᐊᑯᓂᐅᑎᒋᔪᖅ
ᐃᓕᓐᓂᐊᖅᑐᓕᕆᔨᒃᑯᓐᓄᑦ ᓂᕈᐊᖅᑕᐅᓇᓱᒍᓐᓇᙱᑦᑐᑎᑦ ᐅᕝᕙᓘᓐᓃᑦ ᓂᕈᐊᒐᒃᓴᐅᔪᓐᓇᙱᑦᑐᑎᑦ ᐃᒪᐃᒃᑯᕕᑦ:
- ᐃᓚᒋᔭᐅᖃᑕᐅᓗᑎᑦ ᐃᓕᓐᓂᐊᕐᕕᐅ ᐃᖃᓇᐃᔭᖅᑎᖏᓐᓂᑦ
- ᐃᖃᓇᐃᔮᖅᑖᖅᑎᑕᐅᓯᒪᒍᕕᑦ ᐃᓐᓇᕐᓄᑦ ᐃᓕᓐᓂᐊᖅᑎᑕᐅᔪᓄᑦ ᐱᓕᕆᐊᒃᓴᓂᑦ
- ᐃᖃᓇᐃᔭᖅᑎᐅᒍᕕᑦ ᐃᓕᓐᓂᐊᕐᑐᓕᕆᔨᒃᑯᓐᓄᑦ
- ᓂᕈᖅᑐᓕᕆᔨᓄᑦ ᑎᑎᕋᖅᑎᐅᒍᕕᑦ, ᐱᖃᓯᐅᑎᓗᒍ ᓂᕈᐊᖅᑐᓕᕆᔨᒃᑯᑦ ᓄᓇᕗᒻᒥ
- ᑎᒍᔭᐅᓯᒪᒍᕕᑦ ᐅᕝᕙᓘᓐᓃᑦ ᐊᓯᐊᓂ ᐊᓄᓪᓚᒃᓯᕕᖕᒥᑦ
- ᐸᓯᔭᒃᓴᖑᖅᑎᑕᐅᓯᒪᒍᕕᑦ ᓂᕈᐊᕐᓂᕐᒧᑦ ᐱᖁᔭᕐᒥᑦ ᐊᕐᕌᒍᑦ ᑎᓴᒪᓂᑦ ᐃᓗᐊᓂ
- ᖃᐅᔨᔭᐅᓯᒪᒍᕕᑦ ᑮᓇᐅᔭᓕᕆᓂᕐᒧᑦ ᐅᑭᑳᓂᑦ ᒪᓕᒍᓇᖏᓐᓂᕐᒥᑦ ᒪᓕᒐᓕᐅᖅᑎᒃᑯᑦ ᓂᕈᐊᕐᑐᓕᕆᔨᓄᑦ ᐊᕐᕌᒍᑦ ᑎᓴᒪᓄᑦ ᐃᓗᐊᓂ
- ᖃᐅᔨᔭᐅᓯᒪᒍᕕᑦ ᓇᖕᒥᓄᑦ ᐃᓱᒪᒃᓴᖅᓯᐅᕈᓐᓇᖏᓐᓂᕐᒥᑦ ᐃᖃᖅᑐᐃᕕᖕᒥᑦ
ᑐᑭᓯᒋᐊᒃᑲᓐᓂᕈᒪᒍᕕᑦ ᑎᑎᕋᖅᓯᒪᔪᑦ ᐃᓚᖓ 19 ᑕᑯᒋᐊᕐᓗᒍ ᐅᕙᓂ ᓄᓇᓕᖕᓂ ᐱᔪᓐᓇᐅᑎᓕᖕᓄᑦ ᓂᕈᐊᖅᑐᓕᕆᓂᕐᒧᑦ ᐱᖁᔭᖅ ᐅᕝᕙᓘᓐᓃᑦ ᓄᓇᔅᓯᓐᓂ ᐃᓕᓐᓂᐊᖅᑐᓕᕆᔨᒃᑯᑦ ᖃᐅᔨᒋᐊᕐᕕᒋᓗᒋᑦ.