ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᓄᒃᑕᕐᓂᖅ, ᓄᓇᑖᕐᓂᕐᓘᓐᓃᑦ

ᐊᑐᓂ ᓄᓇᓖᑦ ᐊᔾᔨᐅᙱᑦᑑᕗᑦ, ᐃᒻᒥᒃᑰᖓᓪᓗᑎᒃ, ᐊᒻᒪ ᐅᖓᓯᒌᒃᑕᖅᖢᑎᒃ. ᐊᔾᔨᒌᙱᑦᑕᕐᒪᑕ ᐃᓚᖓᑦ ᐃᓄᒋᐊᒃᑐᐊᓘᓪᓗᓂ ᑎᑎᖅᑲᓕᕆᕝᕕᐅᓪᓗᓂ ᐊᒻᒪ ᑐᑦᑕᕐᕕᐊᓘᓪᓗᑎᒃ ᑎᑭᖦᖢᒍ ᐃᓄᑭᑦᑐᑯᓗᖕᓄᑦ ᓄᓇᓕᕋᓛᖑᓂᖅᓴᓄᑦ 500 ᑐᖔᓂ ᐃᓄᒋᐊᒃᑎᒋᓪᓗᑎᒃ.

 

ᐊᑐᓂ ᓄᓇᓖᑦ ᑕᐅᓴᙱᓐᓃᑦᑐᓂᒃ ᐅᖓᓯᒌᒃᑕᖅᐳᑦ, ᐊᖅᑯᑎᖃᙱᖦᖢᑎᒃ ᐊᑯᓐᓂᖏᓐᓂᒃ, ᐊᒻᒪᑦᑕᐅᖅ ᖃᓪᓗᓈᑦ ᓄᓇᖓᓐᓄᑦ ᐊᖅᑯᑎᑕᖃᙱᒃᑭᓪᓗᓂ. ᖃᖓᑕᓲᒃᑯᑦ ᑭᓯᐊᓂ ᐅᐸᒍᑎᓐᓇᖅᑐᑦ ᐅᒥᐊᒃᑯᓪᓘᓃᑦ, ᐊᐅᔭᒃᑯᓪᓗ ᑭᓯᐊᓂ ᐅᒥᐊᖅᔪᐊᑕᐅᕙᒃᖢᑎᒃ, ᐊᐅᔭᕐᓗ ᕿᓚᒻᒥᐅᕙᒃᖢᓂ.

 

ᓄᓇᕗᑦ ᐱᙳᖅᑎᑕᐅᓚᐅᖅᓯᒪᔪᖅ ᐊᐃᕆᓕ 1, 1999 ᐱᖁᔭᖅ ᐃᓕᓴᕆᔭᐅᑎᓪᓗᒍ ᑕᐃᔭᖅ ᓄᓇᕗᑦ ᐱᖁᔭᖅ ᐊᒻᒪᓗ ᓄᓇᕗᒻᒧ ᐊᖏᖃᑎᒌᒍᑦ ᓄᓇᑖᕈᑎᓄᑦ. ᓄᓇᕗᑦ ᓄᓇᒋᔭᐅᔪᑐᖄᓗᒃ ᐃᓄᖕᓄᑦ ᐊᖏᕐᕋᕆᔭᐅᓪᓗᓂ. ᓄᓇᕗᑦ ᐃᓄᒃᑎᑐᑦ ᑐᑭᓕᐅᖅᖢᒍ ᑕᐃᓯᔪᖅ "ᓄᓇᕗᑦ". 

 

ᓄᓇᕗᑦ 3 ᒥᓕᐊᓐ ᑭᑉᐹᕆᒃᑐᑦ ᑭᓚᒦᑕᓂᒃ ᓂᕈᑐᑎᒋᔪᖅ ᓄᓇᖓ, ᑕᕆᐅᖏᑦ, ᓯᑯᖓᓗ, ᑕᒪᓐᓇᓗ ᐱᖓᓱᓂᒃ ᓯᕿᕐᖑᔭᑎᒍᑦ ᐊᔾᔨᒌᙱᖦᖢᑎᒃ. ᑭᓯᐊᓂᓕ ᐃᓄᒋᐊᒃᑎᒋᓂᖓ 36,000−ᑐᐃᓐᓇᐅᓂᕋᖅᑐᑦ (2016−ᒥ ᓇᐃᓴᐃᓂᖅ). ᑖᒃᑯᓇᖓᑦ ᐃᓄᒋᐊᓂᒃ, 85%−ᑲᓴᑦᑎᐊᑦ ᐃᓄᓪᓚᕆᐅᔪᑦ.

 

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᔪᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᖃᓪᓗᓈᑐᑦ, ᐅᐃᕖᑐᓪᓗ. 

 

ᓄᓇᕗᑦ ᐊᒡᒍᖅᑐᖅᓯᒪᔪᖅ ᐱᖓᓱᓄᑦ ᐊᕕᒃᓯᒪᓪᓗᑎᒃ. ᐅᑯᐊᖑᔪᑦ ᕿᑎᕐᒥᐅᑦ (ᓄᓇᕗᑦ ᐅᐊᖕᓇᖓᓂ), ᑭᕙᓪᓕᖅ (ᓄᓇᕗᑦ ᕿᑎᖅᐸᓯᐊᓂ), ᐊᒻᒪ ᕿᑭᖅᑕᓂ (ᑲᓇᖕᓇᕐᒥᐅᑦ). ᐊᑐᓂ ᐊᕕᒃᑐᖅᓯᒪᔪᑦ ᐃᓕᓐᓂᐊᕐᕕᓕᕆᔨᒃᑯᑦ ᑎᑎᕋᕐᕕᖃᕐᑐᑦ. ᐊᒻᒪᑦᑕᐅᖅ, ᐅᐃᕖᒃᑯᑦ ᐃᓕᓐᓂᐊᕐᕕᓕᕆᔨᖃᕐᑐᑦ ᓄᓇᕗᒻᒥ ᐅᐃᕖᒃᑯᑦ ᐃᓕᓐᓂᐊᕐᕕᖓᑕ ᑲᑎᒪᔨᖏᑦ ᐅᕝᕙᓘᓐᓃᑦ CSFN ᓇᐃᑦᑑᓕᖅᑎᑉᐸᑦ ᐃᖃᓗᖕᓃᖦᖢᑎᒃ.

 

ᐊᐱᖅᑯᑕᐅᒐᔪᑦᑐᑦ

Frequently Asked Questions