You are here
ᐅᐃᕖᑎᑐᑦ ᐃᓕᓐᓂᐊᕐᓂᖅ
ᐅᐃᕖᑎᑐᑦ ᐃᓕᓐᓂᐊᕐᓂᖅ ᐊᕕᒃᑐᖅᓯᒪᓪᓗᑎᒃ ᐃᖅᑲᓇᐃᔭᕐᕕᖕᓂᑦ ᐃᓕᓐᓂᐊᕐᓂᓕᕆᔨᒃᑯᓐᓄ ᐱᑎᑦᑎᓲᑦ ᐅᓄᖅᑐᓂᑦ ᐃᑲᔫᑎᓂᑦ ᐊᒻᒪᓗ ᐱᔨᑦᑎᕋᕈᑎᓂᑦ ᐅᐃᕖᑎᑐᑦ, ᓱᕈᓯᓕᕆᓂᕐᒧᑦ ᐃᓐᓇᕐᓄᑦ ᐃᓕᓐᓂᐊᕐᓂᕐᓄᑦ.
ᐅᐃᕖᑎᑐᑦ ᐃᓕᓐᓂᐊᕐᓂᖅ ᑭᐅᓲᑦ ᑐᒃᓯᕋᖅᑕᐅᔪᓂᑦ ᑭᒃᑯᑐᐃᓐᓇᕐᓂᑦ ᐱᔪᒪᔪᓂᑦ ᑐᑭᓯᒋᐊᕈᑎᓂᑦ, ᐃᓕᓐᓂᐊᕐᓂᕐᒥᑦ ᐅᕝᕙᓘᓐᓃᑦ ᐱᔭᕇᕈᓯᐊᕈᑎᒥᑦ ᐅᐃᕖᑎᑐᑦ. ᐃᖅᑲᓇᐃᔭᕐᕕᒃ ᐃᑲᔪᖅᓱᐃᔪᖅ ᑕᒪᐃᓐᓂᒃ ᐃᓕᓐᓂᐊᕐᓂᕐᒧᑦ ᓯᓚᑦᑐᖅᓴᕐᕕᒡᔪᐊᓂᑦ ᐃᓚᐅᖃᑕᐅᔪᓂᑦ ᐅᐃᕖᑎᑐᑦ ᐅᖃᐅᓯᕐᓂᑦ ᐱᓕᕆᐊᒃᓴᓂᑦ ᐅᕝᕙᓘᓐᓃᑦ ᐱᔭᕇᕈᓯᐊᕈᑎᓂᑦ ᐅᐃᕖᑎᑐᑦ ᐅᖃᐅᓯᖃᕐᓂᕐᒧᑦ ᒪᓕᒐᒃᓴᓂᑦ ᓇᓕᐊᒃᑯᑐᐃᓐᓇᖅ ᓯᕗᓪᓕᖅᐸᐅᒃᐸᑦ ᐅᕝᕙᓘᓐᓃᑦ ᐃᓚᒋᐊᕈᑕᐅᒃᐸᑦ ᐅᖃᐅᓯᕐᒧᑦ. ᓯᕗᓕᖅᑎᐅᓪᓗᓂ ᐅᐃᕖᑎᑐᑦ-ᐅᖃᐅᓰᑦ ᐃᓕᓐᓂᐊᕐᓂᕐᒧᑦ ᓄᓇᕗᒻᒥ, ᓴᖅᑭᑎᑦᑎᖕᒪᑦ ᐃᓕᓐᓂᐊᒃᑲᓐᓂᕐᓂᕐᒧᑦ ᐃᑲᔪᖅᓱᐃᓂᕐᒥᑦ ᐅᓄᖖᒋᓛᖑᔪᓄᑦ ᐅᖃᐅᓯᕆᔭᐅᔪᒧᑦ ᐃᓕᓐᓂᐊᖅᑎᑦᑎᓂᕐᒥᑦ ᐊᒻᒪᓗ ᐅᐃᕖᑎᑐᑦ ᐃᓚᒋᐊᕈᑎᐅᑎᓪᓗᒍ ᐅᖃᐅᓯᕐᒧᑦ, ᑕᐃᒪᐃᑎᓪᓗᒍ ᐃᑲᔪᕐᓂᖅ ᓄᓇᕗᒻᒥ ᒐᕙᒪᒃᑯᖓᓂᑦ ᖁᕕᐊᓲᑎᒋᑦᑎᐊᕐᓗᒋᑦ ᐃᓕᓐᓂᐊᕐᓂᕐᒧᑦ ᐱᓕᕆᐊᒃᓴᑦ ᓴᖅᑭᑕᐅᔪᑦ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᒥᑦ ᐊᒻᒪᓗᑦᑕᐅᖅ ᑎᑎᕋᖅᓯᒪᔪᖅ 23-ᒥ ᐱᔪᓐᓇᐅᑎᓂᑦ ᐃᓱᒪᖅᓲᑎᖏᓐᓂᒡᓗ. ᐅᐃᕖᑎᑐᑦ ᐃᓕᓐᓂᐊᕐᓂᖅ ᐱᓕᕆᑦᑎᐊᖅᑐᑦ ᓄᓇᓕᖕᓂ ᑐᓂᔭᐅᓯᒪᔪᓄᑦ, ᓄᑖᑦ ᐱᓕᕆᐊᒃᓴᑦ, ᐃᓕᓐᓂᐊᒃᑲᓐᓂᕐᓂᕐᒧᑦ ᓄᑖᖑᕆᐊᕈᑎᓂᑦ, ᐊᓯᔾᔨᖅᑐᓂᑦ ᒪᓕᒐᓕᐅᕐᕕᖕᓂᑦ, ᐊᒻᒪᓗ ᐱᓕᕆᓪᓗᓂ ᐊᒃᑐᐊᓂᖃᕐᓂᕐᒥᑦ ᐊᔾᔨᒌᖏᑦᑐᓂᑦ ᑮᓇᐅᔭᖃᖅᑎᑦᑎᔪᓂᑦ ᐃᓚᐅᖃᑕᐅᔪᓂᑦ ᐃᓕᓐᓂᐊᕐᑐᓕᕆᓂᕐᒧᑦ ᐱᔨᑦᑎᕋᕈᑎᓄᓪᓗ ᐅᐃᕖᑎᑐᑦ. ᐃᓚᒋᐊᒃᑲᓐᓂᕐᓗᒍ, ᐅᐃᕖᑎᑐᑦ ᐃᓕᓐᓂᐊᕐᓂᖅ ᑕᐅᑐᒃᖢᒍ ᑐᑭᓕᐅᕆᔾᔪᑎᑦ, ᖁᕝᕙᕆᐊᖅᑎᑕᐅᔪᑦ ᐊᒻᒪᓗ ᑐᓂᔭᐅᓂᖏᑦ ᐃᓕᓐᓂᐊᕈᑎᒃᓴᑦ ᐅᐃᕖᑎᑐᑦ ᐊᒻᒪᓗᑦᑕᐅᖅ ᐊᓯᖏᑦ ᑎᑎᖅᑲᑦ ᐊᒻᒪᓗ ᓴᖅᑭᑕᐅᔪᑦ ᐊᑑᑎᖃᖅᑐᑦ ᐃᓕᓐᓂᐊᕐᓂᕐᒧᑦ.
ᐅᖃᖅᑎᒻᒪᕆᐅᓪᓗᖓ ᐱᓕᕆᐊᖑᔪᒃᓴᒥᑦ ᒥᓂᔅᑕᒧᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᐅᐃᕖᑎᑐᑦ ᐃᓕᓐᓂᐊᕐᓂᖅ ᐱᓕᕆᖃᑎᖃᓲᖅ ᐊᒻᒪᓗ ᐊᐅᓚᑉᐸᒃᖢᒋᑦ ᑮᓇᐅᔭᑦ ᑲᓇᑕᒥ ᐃᑦᑕᕐᓂᓴᓕᕆᔨᒃᑯᓐᓂᑦ ᐊᑐᖅᖢᒍ ᐃᓕᓴᕆᔭᐅᓯᒪᔪᑦ ᐅᖃᐅᓯᖅᑕᑦ ᐃᓕᓐᓂᐊᕐᓂᓕᕆᓂᕐᒧᑦ ᐋᖅᑭᒃᓱᖅᑕᐅᓯᒪᔪᖅ ᐊᒻᒪᓗ ᐅᓂᒃᑳᓕᐅᕐᐸᒃᖢᑎᒃ ᐅᐃᕖᑎᑐᑦ ᐃᓕᓐᓂᐊᕐᓂᕐᒥᑦ ᓄᓇᕗᒻᒥ.
ᑭᖑᓪᓕᖅᐹᒥ, ᐅᐃᕖᑎᑐᑦ ᐃᓕᓐᓂᐊᕐᓂᖅ ᐱᓕᕆᖃᑎᖃᑦᑎᐊᖅᑐᑦ ᐊᔾᔨᒌᖏᑦᑐᓂᑦ ᐱᓕᕆᖃᑎᒌᔭᒥᖕᓂᑦ ᓴᖅᑮᔪᒪᓂᕐᒧᑦ ᐊᒥᒐᖏᑦᑐᒥᑦ ᐃᓕᓐᓂᐊᕐᓂᕐᒥᑦ ᐅᐃᕖᑎᑐᑦ ᓄᓇᕗᒻᒥ ᐊᒻᒪᓗ ᑲᓇᑕᒥ ᐊᑐᕐᓗᒋᑦ ᓇᐅᒃᑯᑐᐃᓐᓇᖅ ᐃᓕᐅᖅᑲᖅᑕᐅᔪᑦ.
* ᐅᐃᕖᖅ ᐅᖃᐅᓯᒃᑲᓐᓂᐅᑎᓪᓗᒍ ᐊᑐᖅᑕᐅᕙᒃᑐᖅ ᐃᒃᐱᒋᓪᓗᒍ ᒪᕐᕉᒃ ᑖᒃᑯᐊᒃ ᐊᓯᖏᑦ ᐃᓕᓴᕆᔭᐅᓯᒪᔫᒃ ᐅᖃᐅᓰᒃ ᐃᓕᑕᕆᔭᐅᓯᒪᓪᓗᑎᒃ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᖅᑕᓂᒃ ᐱᖁᔭᕐᒥ ᓄᓇᕗᒻᒥ.
ᐅᐃᕖᑎᑐᑦ ᐱᔨᑦᑎᕋᖅᑏᑦ:
ᐊᖏᕈᑏᑦ
ᐊᐅᓚᑦᑎᓂᕐᒧᑦ ᑎᓕᐅᕈᑕᐅᓯᒪᔪᖅ: ᐃᓕᓐᓂᐊᖅᑎᓂᒃ ᐃᓚᐅᔪᓐᓇᖅᑎᑦᑎᓂᕐᒧᑦ ᐅᐃᕖᑎᑐᑦ-ᐅᖃᐅᓯᕐᒥ ᐃᓕᓐᓂᐊᕐᕕᓂᑦ