ᐅᖃᓚᐅᑎᓯᐅᑏᑦ

You are here

ᐊᕐᕌᒍᓂ ᖁᓕᓂᑦ ᓄᓇᕗᒻᒥ ᐃᓕᓐᓂᐊᖅᑎᑦᑎᓂᕐᒧᑦ ᐅᖃᐅᓯᓕᕆᓂᕐᒧᓪᓗ ᐱᔪᓐᓇᐅᑎᖏᑦ

ᓯᑎᐱᕆ 18, 2018


ᐱᕙᓪᓕᐊᔪᑦ ᓴᖅᑭᑕᑦ

ᐊᕐᕌᒍᓂ ᖁᓕᓂᑦ ᓄᓇᕗᒻᒥ ᐃᓕᓐᓂᐊᖅᑎᑦᑎᓂᕐᒧᑦ ᐅᖃᐅᓯᓕᕆᓂᕐᒧᓪᓗ ᐱᔪᓐᓇᐅᑎᖏᑦ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 18, 2018) – ᐅᓪᓗᒥ ᐊᕐᕌᒍᓄᑦ ᖁᓕᓄᑦ ᓇᓪᓕᐅᓐᓂᖅᓯᐅᓕᖅᐳᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᕐᒥᑦ ᐊᒻᒪ ᐃᓄᐃᑦ ᐅᖃᐅᓯᖓᓂᒃ ᓴᐳᔾᔨᓯᒪᓂᕐᒧᑦ ᐱᖁᔭᕐᒥᑦ. ᐊᕐᕌᒍᓂ ᖁᓕᓂᑦ ᐊᓂᒍᖅᑐᓂᑦ ᐱᓕᕆᓯᒪᕐᔪᐊᖅᐳᑦ ᐃᓄᒃᑐᑦ ᐅᖃᐅᓯᖅ ᐊᑐᖅᑕᐅᓕᒃᑲᓐᓂᖁᓪᓗᒍ ᐃᓕᓐᓂᐊᕐᕕᖕᓂ, ᐃᖅᑲᓇᐃᔭᕐᕕᖕᒥ ᐊᒻᒪ ᒐᕙᒪᒃᑯᑦ ᐱᔨᑦᑎᕋᖅᑕᐅᔾᔪᑎᖏᓐᓂᒃ.

“ᐱᒻᒪᕆᐅᓂᖅᓴᖅᑕᖃᙱᑉᐳᖅ ᐅᖃᐅᓯᑦᑎᓐᓂ ᐃᓕᖅᑯᓯᑦᑎᓐᓂᓪᓗ ᓴᐳᔾᔨᓯᒪᓂᕐᒧᑦ ᓴᖅᑭᔮᖅᑎᑦᑎᒃᑲᓐᓂᕋᓱᖕᓂᕐᒧᓪᓗ, ᕿᑐᕐᙵᕗᓪᓗ ᐊᔪᕈᓐᓃᖅᑎᑦᑎᐊᕐᓗᒋᑦ, ᓄᓇᕐᔪᐊᕐᒥᐅᑕᐃᑦ,” ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ ᐅᖃᐅᓯᓕᕆᓂᕐᒧᓪᓗ ᑕᐃᕕᑦ ᔪᐊᓇᓯ ᐅᖃᖅᑐᖅ. “ᑭᓇᐅᓂᑦᑎᓐᓂ ᓇᓗᓇᐃᖅᓯᖕᒪᑦ ᑲᓇᑕᒥᐅᑕᐅᓪᓗᑕ.”

ᓄᓇᕗᑦ ᒐᕙᒪᖓᑦ ᐋᖅᑭᒃᑕᐅᓯᒪᕗᖅ ᑐᙵᕕᖃᑦᑎᐊᖅᖢᓂ ᐊᖏᕈᑕᐅᓯᒪᔪᒥᑦ ᓄᓇᕗᑦ ᐅᖃᐅᓯᖓᓄᑦ ᐃᓕᖅᑯᓯᖓᓄᓪᓗ ᑖᒃᑯᐊᒡᓗ ᒪᕐᕉᒃ ᒪᓕᒐᓕᐊᖑᔫᒃ, ᐊᖏᕈᑕᐅᓚᐅᖅᐳᑦ ᓯᑎᐱᕆ 18, 2008−ᒥᑦ, ᐱᒻᒪᕆᐅᓪᓗᑎᒃ ᐱᓕᕆᐊᒃᓴᕆᔭᐅᔪᒥᑦ. ᓄᓇᕗᑦ ᒐᕙᒪᖓᑦ ᓂᕆᐅᒃᐳᑦ ᑖᒃᑯᓂᖓ ᐱᐅᓯᒋᐊᖅᑎᑦᑎᔪᒪᓪᓗᑎᒃ, ᐊᒻᒪ ᐱᓕᕆᖃᑎᖃᕈᒪᓪᓗᑎᒃ ᓄᓇᕗᒻᒥᐅᓕᒫᑦᑎᐊᓂᒃ ᐱᔭᐅᔪᒪᔪᑦ ᓯᕗᓪᓕᐅᑎᑕᐅᔪᒪᔪᓪᓗ ᓴᖅᑭᑎᑦᑐᒪᓪᓗᒋᑦ ᓄᓇᕘᓕᒫᒥ ᐊᕐᕌᒍᓂ ᖁᓕᓂ ᐊᑐᕐᓂᐊᖅᑐᓂᑦ ᐅᖓᑖᓄᓪᓗ.

ᑕᒪᑐᒪᓂ ᐱᓇᓱᐊᕈᓯᕐᒥ ᓇᓗᓇᐃᖅᓯᒋᕗᑦ ᐱᒋᐊᕐᓂᖓᓂᒃ ᑐᓴᕋᓱᒃᑎᑦᑎᓗᑎᒃ ᐳᓚᕋᕐᓂᐊᖅᑐᓂᒃ ᒪᕐᕉᖕᓂᒃ ᐅᖃᐅᓰᖕᓂᒃ ᐃᓕᓐᓂᐊᖅᑎᑦᑎᓂᖅ ᐱᔾᔪᑎᒋᓪᓗᒍ ᑕᒪᐃᓐᓂᒃ 25-ᓂᑦ ᓄᓇᓕᖕᓂ. ᓄᓇᕗᒻᒥᐅᑦ ᐃᓚᐅᖁᔭᐅᕗᑦ ᓄᓇᓕᖕᓂ ᐱᓕᕆᑎᑦᑎᓕᖅᐸᑕ ᐃᓱᒪᒋᔭᒥᓂᒡᓗ ᑐᓴᖅᑎᑦᑎᖁᔭᐅᓪᓗᑎᒃ ᑭᖑᕚᒃᓴᑦᑎᓐᓄᑦ. ᐋᖅᑭᒃᓱᖅᑕᐅᓯᒪᔪᑦ ᑕᑯᔪᒪᒍᕕᒋᑦ ᐅᕝᕙᓘᓐᓃᑦ ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕗᖓ ᑕᑯᒋᐊᕐᓗᑎᑦ ourgoalsforeducation.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᔩᓐ ᐱᓕᑉ ᓚᐳᕆᔅ ᓇᐸᔅᓯ ᑯᓗᓛ
ᐊᐅᓚᑦᑎᔨ, ᑐᓴᐅᒪᔪᓕᕆᓂᕐᒧᑦ

ᐸᕐᓇᐃᓂᕐᒧᓪᓗ

867-975-5645

jplaprise@gov.nu.ca 

ᓇᐸᔅᓯ ᑯᓗᓛ

ᑐᑭᒧᐊᑦᑎᑦᑎᔨ ᐊᑐᐊᒐᓕᕆᓂᕐᒧᑦ  

ᐃᓕᓐᓂᐊᕐᓂᓕᕆᔨᒃᑯᑦ

867-975-5533
nkolola@gov.nu.ca