ᐅᖃᓚᐅᑎᓯᐅᑏᑦ

You are here

ᐊᑐᓕᕐᑕᐅᑲᓐᓂᐸᓪᓕᐊᓂᖓ ᐊᒻᒪᓗ ᐳᐃᒍᖅᑕᐅᖁᓇᒍ ᐃᓄᒃᑐᑦ ᐅᖃᐅᓯᐅᑉ ᓄᓇᕗᖕᒥ

ᓯᑎᐱᕆ 09, 2019

ᑐᓴᕈᑎ

ᑎᑎᕋᖅᓯᒪᔫᑉ ᑕᐃᔭᐅᓂᖓ - ᐊᑐᓕᕐᑕᐅᑲᓐᓂᐸᓪᓕᐊᓂᖓ ᐊᒻᒪᓗ ᐳᐃᒍᖅᑕᐅᖁᓇᒍ ᐃᓄᒃᑐᑦ ᐅᖃᐅᓯᐅᑉ ᓄᓇᕗᖕᒥ

ᓇᐃᓈᕐᓯᒪᓗᒍ ᓴᖅᑭᔮᐃᕈᑖ - ᐃᖅᑲᓇᐃᔭᖃᑎᒌᓐᓂᒃᑯᑦ ᑕᑎᖃᖅᑎᑕᐅᓗᓂ ᐳᐃᒍᖅᑕᐅᖁᓇᒍ ᐊᑑᑎᖃᖅᑎᑕᐅᓂᕐᓴᐅᖁᓪᓗᒍᓗ ᐃᓄᒃᑐᑦ ᐅᖃᐅᓯᖅ

ᑭᒃᑯᓕᒫᓄᑦ ᑕᑯᔭᐅᔪᓐᓇᑐᒃᑯᑦ (Tweet) - #GoC, @GOVofNUNAVUT ᐊᒻᒪ @NTunngavik ᐃᖅᑲᓇᐃᔭᖃᑎᒌᒻᒪᑕ ᐳᐃᒍᖅᑕᐅᖁᓇᒍ ᐊᒻᒪ ᐊᑑᑎᖃᖅᑎᑕᐅᓂᕐᓴᐅᖁᓪᓗᒍ #ᐃᓄᒃᑐᑦ

ᒥᓂᔅᑕᐃᑦ ᐊᑎᖏᑦ - ᒥᓂᕐᑕ ᐹᑉᓗ ᕆᑎᒍᐃᔾ

ᐱᓕᐅᕆᕕᖏᑦ - ᑲᓇᑕᒥ ᐃᑦᑕᕐᓂᓴᓕᕆᔨᒃᑯᑦ

ᓄᓇᑉ ᓇᓃᓐᓂᖓ - ᑲᓇᑕᒥ

ᑎᑎᕋᖅᓯᒪᔪᑦ ᐃᓗᓕᖏᑦ - 

ᓄᓇᕗᑦ, ᓯᑎᑉᐱᕆ 8, 2019

ᒐᕙᒪᒃᑯᖏᑦ ᑲᓇᑕᐃ, ᒐᕙᒪᒃᑯᖏᑦ ᓄᓇᕘᑉ, ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᖁᕕᐊᒃᐳᑦ ᑐᓴᖅᑎᑦᑎᔭᕆᐊᒃᓴᖅ ᑲᔪᓯᑎᑦᑎᓂᐊᕋᒥᒃ ᐆᒃᑐᕋᕈᑕᐅᓪᓗᓂ ᐊᖏᕈᑎᒥᒃ ᐃᑲᔪᕐᓯᓂᖃᕈᑕᐅᓂᐊᕐᓗᓂ ᐊᑐᓕᖅᑎᑕᐅᒃᑲᓐᓂᕈᑎᒋᓂᐊᕐᑕᖏᓐᓂᒃ ᐊᒻᒪᓗ ᐊᑐᖅᑕᐅᓂᕐᓴᐅᓕᕈᑎᒋᐊᕐᑕᖏᓐᓂᒃ ᐃᓄᐃᒃᑐᑦ ᐅᖃᐅᓯᐅᑉ ᓄᓇᕗᖕᒥ.

ᒪᓕᓪᓗᒍ ᐃᓚᖓ 9 ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂᒃ ᒪᓕᒐᖅ, ᐆᒃᑐᕋᕈᑕᐅᓪᓗᓂ ᐊᖏᕈᑦ ᐃᑲᔪᕐᓯᒍᑕᐅᕗᖅ:

  • ᐊᑐᐃᓐᓇᐅᔪᕐᑕᖃᓐᓂᕐᓴᐅᓕᕐᓗᓂ ᐃᓄᒃᑐᑦ ᐅᖃᐅᖅ ᐃᓕᓴᐃᒍᑕᐅᓂᖓᓄᑦ ᓄᓇᕗᖕᒥ;
  • ᐅᓄᕐᓯᒋᐊᖅᑕᐅᓗᑎᒃ ᐊᒻᒪ ᑐᖔᓅᖅᑕᐃᓕᒪᑎᑕᐅᓗᑎᒃ ᐅᖃᓪᓚᒍᓐᓇᑎᐊᕐᑐᑦ ᐃᓄᒃᑐᑦ ᐃᓄᐃᑦ ᐃᓕᓴᐃᔩᑦ;
  • ᐅᓄᕐᓯᒋᐊᖅᑕᐅᓗᑎᒃ ᐅᓄᕐᓂᖏᑦ ᐅᖃᓪᓚᒍᓐᓇᑎᐊᖅᑐᑦ ᐃᓄᒃᑐᑦ ᓄᓇᕗᖕᒥ;
  • ᓴᖅᑮᓗᑎᒃ ᓄᓇᕗᖕᒥ ᐱᓕᕆᖃᑎᒌᒃᑲᔭᕐᑐᓂᒃ ᑲᑎᒪᔨᓂᒃ ᐱᓪᓗᒋᑦ ᐅᖃᐅᓯᓕᕆᓂᖅ ᐊᒻᒪ ᐃᓕᓐᓂᐊᕐᓂᓕᕆᓂᖅ

ᐊᖏᕈᑏᑦ ᐱᔭᕇᖅᑕᐅᑦᑎᐊᕐᓂᐊᖅᑎᓪᓗᒍ, ᒐᕙᒪᒃᑯᖏᑦ ᑲᓇᑕᐅᑉ ᐊᓕᐊᓇᐃᒍᓱᒃᐳᑦ ᑐᓴᖅᑎᑦᑎᔭᕆᐊᒃᓴᖅ ᐱᓂᐊᕐᓂᖃᓪᓚᕆᖕᒪᑕ $42 ᒥᓕᓂᐊᓂᒃ ᐅᑭᐅᓄᑦ ᑕᓪᓕᒪᓅᖓᓗᑎᒃ ᐃᑲᔪᕐᓯᕈᑕᐅᔪᒃᓴᑦ ᑕᒪᑦᓱᒧᖓ ᐃᖅᑲᓇᐃᔮᒃᓴᒧᑦ.

ᐅᑭᐅᑦ ᑖᒃᑯᐊ ᐊᑐᖅᑎᓪᓗᒋᑦ, ᒐᕙᒪᒃᑯᖏᑦ ᓄᓇᕗᑦ ᑮᓇᐅᔭᖃᖅᑎᑦᑎᓂᐊᕐᓗᑎᒃ ᑲᑎᓪᓗᒋᑦ $25 ᒥᓕᐊᓂᒃ ᓴᖅᑮᒍᑕᐅᓂᐊᕐᓗᓂ ᓄᑖᓂᒃ ᑲᒪᒋᐊᕈᓯᓂᒃ ᓄᓇᕗᖕᒥ ᐃᓕᓴᐃᔨᒃᓴᓄᑦ ᐃᓕᓐᓂᐊᕈᑎᓂᒃ ᑕᕝᕘᓇ ᐃᓕᓐᓂᐊᕐᑏᑦ ᐊᔾᔨᒌᙱᑦᑐᓂᒃ ᐃᓂᕐᓯᒍᑎᑖᕈᓐᓇᕐᓗᑎᑐᒃ: ᓄᓇᕗᒻᒥ ᐃᓄᒃᑐᑦ ᐅᖅᑲᕆᐅᖅᓴᑎᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐃᓂᕐᓯᒍᑎᑦ,

ᐅᖃᐅᓯᓕᕆᓂᕐᒧᑦ ᐃᓂᕐᓯᒍᑎᑖᑦ ᐅᕝᕙᓗ ᐃᓂᕐᓯᒍᑎᑦ ᐃᓕᓐᓂᐊᕐᓂᓕᕆᓂᕐᒧᑦ.

ᑖᓐᓇ ᐃᖅᑲᓇᐃᔭᖃᑎᒌᒍᑕᐅᔪᖅ ᓯᕗᓪᓕᖅᐹᖑᓂᐊᕐᐳᖅ ᐊᑐᓕᕐᑎᑦᑎᒋᐅᕈᑕᐅᓗᓂ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓄᑦ ᒪᓕᒐᓐᓂᒃ, ᒪᓕᒐᙳᖅᑎᑕᐅᔪᔪᖅ ᔫᓂ 2019-ᒥ. ᒪᓕᒐᖅ ᑐᕌᓐᓂᖃᓗᐊᕐᑐᖅ ᐃᑲᔪᕐᓯᒍᑕᐅᓂᐊᕐᓗᓂ ᓄᓇᖃᖅᑳᖅᓯᒪᔪᓂᒃ ᐅᑎᖅᑎᑦᑎᑎᓪᓗᒋᑦ, ᐊᑐᓕᕐᑎᑦᑎᑲᓐᓂᐸᓪᓕᐊᑎᓪᓗᒋᑦ, ᐳᐃᒍᖁᓇᒋᑦ ᐊᒻᒪᓗ ᐊᑑᑎᖃᖅᑎᑦᑎᓂᕐᓴᐅᓕᖁᓪᓗᒋᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂᒃ.

ᓇᓗᓇᐃᔭᕈᑎᖏᑦ ᐊᖏᕈᑏᑦ ᐱᔭᕇᖅᑕᐅᑦᑎᐊᓐᓂᐊᕐᓗᑎᒃ ᓄᓇᕗᖕᒥ ᐱᓕᕆᖃᑎᒌᓐᓂᒃᑯᑦ ᑲᑎᒪᔨᖏᓐᓄᑦ ᐱᓪᓗᒍ ᐅᖃᐅᓯᓕᕆᓂᖅ ᐊᒻᒪᓗ ᐃᓕᓐᓂᐊᕐᓂᓕᕆᓂᖅ.

ᐅᖃᖅᑕᐅᓯᒪᔪᖅ

“ᐅᖃᐅᓯᓕᕆᓂᖅ ᐱᒻᒪᕆᐅᓂᕐᐹᖑᒻᒪᑦ ᓄᓇᖃᖅᑳᖅᓯᒪᔪᑦ ᑭᓇᐅᓂᖏᓐᓄᑦ ᐊᒻᒪᓗ ᐃᓕᖅᑯᓯᖏᓐᓄᑦ. ᒐᕙᒪᕗᑦ ᐱᓂᐊᕐᓂᕋᕈᑎᖃᕐᒪᑕ ᐃᑲᔪᕐᓯᒍᑎᒃᓴᓂᒃ ᐊᑐᓕᖅᑎᑕᐅᒃᑲᓐᓂᕈᑎᒋᓂᐊᕐᑕᖏᓐᓂᒃ ᐊᒻᒪᓗ ᐊᑐᖅᑕᐅᓂᕐᓴᐅᓕᕈᑎᒋᐊᕐᑕᖏᓐᓂᒃ ᐊᒻᒪᓗ ᐳᐃᒍᖅᑕᐅᖁᓇᒋᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦ. ᐊᓕᐊᓇᐃᒍᓱᒃᐳᒍᑦ ᑕᖏᓕᖕᒥᒃ ᖃᓄᖅᑑᕆᐊᕈᑐᖃᕋᑦᑕ ᐊᑯᓂᐅᖏᑦᑐᖅ ᓄᓇᖃᖅᑳᕐᓯᒪᔪᑦ ᐅᖃᐅᓯᖏᓐᓄᑦ ᒪᓕᒐᖅ ᒪᓕᒐᙳᖅᑎᑕᐅᕋᑖᒥᓂᐅᑎᓪᓗᒍ. ᒪᓕᒐᖅ ᐱᔪᓐᓇᑎᑦᑎᕕᖃᕐᒪᑦ ᓇᓕᐊᒃᑰᖓᔪᓐᓇᑎᑦᑎᓪᓗᓂ ᐋᖅᑭᒃᓱᐃᑎᓪᓗᒋᑦ ᑖᒃᑯᓂᖓ ᐊᖏᕈᑎᓂᒃ ᐊᒻᒪᓗ ᓴᓂᕐᕙᕐᑕᐅᔪᑦ ᑮᓇᐅᔭᖃᕈᑎᒃᓴᖏᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓄᑦ. ᐱᖃᑎᒋᓗᒋᑦ ᐱᓕᕆᖃᑎᒌᓐᓂᒃᑯᑦ ᓄᓇᕗᑦ ᒐᕙᒪᖓᑦ ᐊᒻᒪᓗ ᓄᓇᕗᑦ ᑐᓐᖓᕕᒃ, ᖁᓚᓐᓇᐃᕐᓯᒋᐊᖅᐳᒍᑦ ᐃᓄᒃᑐᑦ ᐅᖃᐅᓯᖅ ᐊᑐᖅᑕᐅᖏᓐᓇᖁᓪᓗᒍ ᓄᓇᕗᖕᒥ ᐅᓪᓗᒥᐅᔪᖅ ᐃᓅᓱᒃᑐᕆᔭᒃᑎᓐᓄᑦ ᐊᒻᒪᓗ ᑭᖑᕚᕆᔭᐅᓂᐊᕐᑐᓄᑦ.”
—ᒥᓂᔅᑕ ᐹᑉᓗ ᕆᑎᕆ2ᔾ, ᒥᓂᔅᑕᖓᑦ ᑲᓇᑕᒥ ᐃᑦᑕᕐᓂᓴᓕᕆᔨᒃᑯᑦ ᐊᒻᒪᓗ ᐃᓕᖅᑯᓯᖃᑎᒌᙱᑦᑐᓕᕆᔨᒃᑯᑦ

“ᒐᕙᒪᒃᑯᖏᑦ ᓄᓇᕘᑉ ᐊᓕᐊᓇᐃᒍᓱᒃᐳᑦ ᐱᖃᑕᐅᔪᓐᓇᕋᒥᒃ ᐱᒻᒪᕆᐅᔪᒥ ᐱᓕᕆᖃᑎᒌᓐᓂᒃᑯᑦ ᑲᒪᒋᔭᖃᓐᓂᐊᕐᑐᓂᒃ ᓴᖅᑭᑕᐅᕙᓪᓕᐊᓂᖏᓐᓄᑦ ᐃᓄᒃᑐᑦ ᐅᖃᐅᓯᐅᑉ. ᑖᓐᓇ ᓄᓇᕗᖕᒥᐅᓄᑦ ᐅᒻᒪᑎᒻᒥᐅᑕᕆᔭᐅᖕᒪᑦ. ᐊᑐᕐᓗᒍ ᑐᕌᖅᑕᕗᑦ ᑎᓕᔭᐅᔾᔪᑎᒋᓯᒪᔭᖏᑦ, ᐊᒻᒪᓗ ᒪᓕᓪᓗᒋᑦ ᐃᑲᔪᕐᑎᒌᓐᓂᒃᑯᑦ, ᐃᖅᑲᓇᐃᔭᖃᑎᒌᓐᓂᒃ ᑖᑦᓱᒥᖓᑦᓴᐃᓐᓇᖅ ᐱᔾᔪᑎᖃᕐᓂᕐᒧᑦ, ᓄᓇᕗᑦ ᓯᓚᑦᑐᓴᕐᕕᒃ ᐃᖅᑲᓇᐃᔭᖃᑎᖃᖅᐳᑦ ᓄᓇᕗᑦ ᒐᕙᒪᒃᑯᖏᑕ ᐱᓕᕆᕕᖓᓐᓂᒃ ᐃᓕᖅᑯᓯᓕᕆᔨᒃᑯᓐᓂᒃ, ᐃᖅᑲᓇᐃᔭᕐᑐᓕᕆᔨᒃᑯᓐᓂᒃ ᐊᒻᒪᓗ ᐃᓕᓐᓂᐊᕐᑐᓕᕆᔨᒃᑯᓐᓂᒃ ᐱᕚᓪᓕᕐᑕᐅᒋᐊᒃᑲᓐᓂᕈᑎᒋᓂᐊᖅᑕᖏᓐᓂᒃ ᐅᖃᐅᓯᓕᕆᓂᒃᑯᑦ ᐃᓕᓐᓂᐊᕈᑎᓂᒃ ᓄᓇᓕᖕᓂ ᓯᓚᑦᑐᓴᕐᕕᒃᑯᑦ ᐃᓕᓴᕕᖏᓐᓂᒃ ᐊᒻᒪᓗ ᓯᓚᑦᑐᓴᕐᕕᓂ ᓄᓇᕘᓕᒫᕐᒥ.”
—ᒥᓂᔅᑕ ᐸᑎᖅ ᓇᑦᓯᖅ, ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᖕᒥ ᓯᓚᑦᑐᓴᕐᕕᖕᒥᒃ

“ᓄᓇᕗᑦ ᓯᕗᓕᕐᑎᐅᓯᒪᕗᑦ ᓴᐳᑎᔭᐅᓯᒪᖁᔨᓪᓗᑎᒃ ᐊᒻᒪᓗ ᓴᖅᑭᔮᕐᑎᑎᓪᓗᑎᒃ ᐊᑑᑎᖃᖅᑎᑕᐅᓂᖓᓂᒃ ᐃᓄᒃᑐᑦ ᐅᖃᐅᓯᐅᑦ ᑕᕝᕘᓇ ᐅᖃᐅᓯᓕᕆᓂᕐᒧᑦ ᐊᒻᒪᓗ ᐃᓕᓐᓂᐊᖅᑐᓕᕆᓂᕐᒧᑦ ᒪᓕᒐᖅᑎᒍᑦ. ᐱᓕᕆᖃᑎᒌᒍᑎᑎᒍᑦ, ᐊᑑᑎᖃᖅᑎᑕᐅᑎᓐᓇᓂᐊᕐᐸᕗᑦ ᑕᒪᒃᑮᓐᓂᒃ ᐅᖃᐅᓰᓐᓂᒃ ᐃᓕᓐᓂᐊᑎᑦᑎᓂᖅ ᓄᓇᕗᖕᒥ. ᐊᓕᐊᓇᐃᒍᓱᒃᐳᖓ ᒐᕙᒪᐅᓪᓗᑕ, ᓴᖅᑮᓂᐊᕋᑦᑕ ᐅᖃᐅᓯᕐᓂᖅ ᖃᐅᔨᒪᓂᖃᖅᑎᐊᖅᑐᓂᒃ ᐃᓅᓱᒃᑐᓂᒃ ᐃᓕᓐᓂᐊᕐᕕᑎᓐᓂ ᐊᒻᒪ ᓄᓇᓕᖕᓂ, ᐅᓄᕐᓯᕙᓪᓕᐊᑎᑦᑎᓯᓐᓈᑦ ᐱᔪᓐᓇᕐᓂᕆᔭᑦᑎᓐᓂᒃ ᐃᓕᓴᐃᑎᓪᓗᑕ ᓱᕈᓯᑦᑎᓐᓂᒃ ᐃᓄᒃᑐᑦ. ᕿᓚᓈᕐᐳᖓᓗ ᓴᖅᑮᓛᕐᓂᑎᓐᓂᒃ ᐊᑯᓂᐅᓂᕐᓴᒧᑦ ᐸᕐᓇᒍᑎᓂᒃ ᐱᖃᑎᒋᓗᒋᑦ ᐱᓕᕆᖃᑎᒋᔭᕗᑦ ᓈᖕᒪᒃᑐᓂᒃ ᐊᒻᒪᓗ ᐱᑕᖃᐃᓐᓇᓂᐊᕐᑐᓂᒃ ᑮᓇᐅᔭᓂᒃ
ᓄᓇᕗᖕᒥ ᐊᑐᓕᖅᑎᑦᑎᒍᑕᐅᔪᓐᓇᓂᐊᕐᑐᓂᒃ ᐃᓄᒃᑐᑦ ᐅᖃᐅᓯᒃᑎᓐᓂᒃ ᐊᒻᒪᓗ ᐃᓕᓐᓂᐊᕐᓂᓕᕆ2ᓂᕐᒥᒃ ᑲᒪᒋᔭᕆᐊᖃᖅᑕᑎᓐᓂᒃ.”
—ᒥᓂᔅᑕ ᑕᐃᕕᑎ ᔪᐊᓇᓯ, ᒥᓂᔅᑕᖓᑦ ᐃᓕᓐᓂᐊᖅᑐᓕᕆᔨᒃᑯᑦ, ᐃᓕᖅᑯᓯᓕᕆᔨᒃᑯᑦ ᐊᒻᒪ ᐃᑦᑕᕐᓂᓴᓕᕆᔨᒃᑯᑦ, ᐊᒻᒪᓗ ᐅᖃᐅᓯᓕᕆᓂᕐᒧᑦ

“ᐊᓕᐊᓇᐃᒍᓱᒃᐳᖓ ᑮᓇᐅᔭᖃᖅᑎᑦᑎᒍᑎᓂᒃ ᐱᓗᐊᖅᑐᒥᒃ ᐃᓕᓴᐃᔨᒃᓴᓄᑦ ᐃᓕᓴᒍᑎᒃᓴᓂᒃ ᓄᓇᕗᖕᒥ ᓴᐃᒻᒪᖃᑎᒌᒃᐸᓪᓕᐊᓂᖃᓕᕐᑎᓪᓗᑕ. ᐃᓄᒃᑐᑦ ᐅᖃᐅᓯᖅ ᓯᕗᓪᓕᐅᓗᓂ ᐅᖃᓪᓚᒍᓯᐅᔭᕆᐊᖃᕐᒪᑦ ᓄᓇᕗᒥ ᐃᓕᓐᓂᐊᕐᕕᓂ ᒪᓕᒃᑐᒋᑦ ᐃᓕᓐᓂᐊᖅᑐᓕᕆᓂᕐᒧᑦ ᒪᓕᒐᑦ ᐊᒻᒪᓗ ᐃᓄᐃᑦ ᐅᖃᐅᓯᖏᓐᓂᒃ ᓴᐳᑎᓯᒪᒍᑎᓄᑦ ᒪᓕᒐᖅ ᐊᒻᒪᓗ ᐅᒃᐱᕈᓱᒃᐳᖓ ᓯᕗᒧᐊᒋᐊᑦᑎᐊᕙᒍᑎᐅᔭᕆᐊᖓᓂᒃ ᐱᑕᖃᓕᕐᓂᐊᓂᖓᓄᑦ. ᑎᑭᐅᑎᔪᓐᓇᕋᑦᑎᒍ ᑐᕌᖅᑕᕗᑦ ᐃᖅᑲᓇᐃᔭᖃᑎᒌᓕᕋᐃᒐᑦᑕ ᑕᐃᒪᓐᓇᓴᐃᓐᓇᖅ ᐊᓕᐊᓇᐃᒍᓱᒃᐳᖓ ᓴᖅᑭᑕᐅᓂᐊᕐᓂᖏᓐᓂᒃ ᓄᓇᕗᖕᒥ ᐱᓕᕆᖃᑎᒌᓪᓗᑎᒃ ᑲᑎᒪᔨᐅᓂᐊᕐᑐᓂᒃ ᐅᖃᐅᓯᓕᕆᓂᕐᒧᑦ ᐊᒻᒪᓗ ᐃᓕᓐᓂᐊᕐᑐᓕᕆᓂᕐᒧᑦ. ᑲᔪᓯᓂᖃᓐᓂᐊᕐᐳᒍᑦ ᐃᓕᓴᐃᔨᒃᓴᓂᒃ ᐃᓕᓴᐃᓂᕐᒥᒃ ᐅᓄᕐᓂᓴᐅᒋᐊᕐᓗᒋᑦ ᓄᓇᕗᖕᒥ ᓄᓇᓕᖏᓐᓂ ᖃᐅᔨᓴᕐᓂᒃᑯᑦ, ᓴᖅᑮᓂᒃᑯᑦ, ᐸᕐᓇᓂᒃᑯᑦ ᐊᒻᒪᓗ ᐊᑐᓕᕐᑎᑦᑎᓂᒃᑯᑦ, ᐅᔾᔨᑐᕐᓂᒃᑯᑦ ᐊᒻᒪᓗ ᖃᐅᔨᓴᕐᓯᓂᒃᑯᑦ ᑲᒪᒋᔭᐅᓗᑎᒃ ᓄᓇᕗᖕᒥ ᐱᓕᕆᖃᑎᒌᓐᓂᒃᑯᑦ ᑲᑎᒪᔨᖏᓐᓄᑦ ᐅᖃᐅᓯᓕᕆᓂᕐᒧᑦ ᐊᒻᒪᓗ ᐃᓕᓐᓂᐊᕐᑐᓕᕆᓂᕐᒧᑦ.”
—ᐊᖓᔪᖅᑳᖅ ᐊᓗᑭ ᑰᑦᑎᖅ, ᓄᓇᕗᑦ ᑐᙵᕕᒃ ᑎᒥᖓ

ᐊᑐᖅᑕᐅᓯᒪᔪᑦ

  • ᓄᓇᕐᔪᐊᕐᒥ ᓄᓇᓖᑦ ᐃᓕᓐᓂᐊᕐᑐᓕᕆᓂᕐᒧᑦ, ᖃᐅᔨᓴᕐᓂᕐᒧᑦ ᐊᒻᒪ ᐃᓕᖅᑯᓯᓕᕆᓂᕐᒧᑦ ᑎᒥᐅᔪᑦ ᓇᓗᓇᐃᖅᓯᓚᐅᕐᐳᑦ 2019 ᓄᓇᕐᔪᐊᓕᒫᕐᒥ ᐊᕐᕌᒍᒋᓂᐊᕐᒪᒍ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓄᑦ. ᒪᓕᒃᑐᒋᑦ ᓄᓇᕐᔪᐊᕐᒥ ᓄᓇᓖᑦ ᐃᓕᓐᓂᐊᕐᑐᓕᕆᓂᕐᒧᑦ, ᖃᐅᔨᓴᕐᓂᕐᒧᑦ ᐊᒻᒪ ᐃᓕᖅᑯᓯᓕᕆᓂᕐᒧᑦ ᑎᒥᐅᔪᑦ, 3/4−ᖏᑦ ᑖᒃᑯᐊ 90 ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦ ᑲᓇᑕᒥ ᐊᑦᑕᓇᕐᑐᒦᒻᒪᑕ.
  • 2016-ᒥ, 15.6 ᐳᓴᑐᐃᓐᓇᐃᑦ ᓄᓇᖃᖅᑳᖅᓯᒪᔪᑦ ᑲᓇᑕᒥ ᐅᖃᐅᓯᕐᒥᓂᒃ ᐅᖃᓪᓚᒍᓐᓇᓚᐅᕐᐳᑦ, ᐅᓄᕈᓐᓃᐹᓪᓕᕐᓯᒪᔪᖅ 17 ᐳᓴᒦᓚᐅᕐᓯᒪᓪᓗᓂ 2011-ᒥ ᐊᒻᒪ 21 ᐳᓴᓐᒦᓚᐅᕐᓯᒪᓪᓗᓂ 20-06-ᖑᑎᓪᓗᒍ.
  • 2016−ᖑᑎᓪᓗᒍ, 23,225 ᓄᓇᕗᖕᒥᐅᑦ (65.3 ᐳᓴᖏᑦ) ᖃᐅᔨᒃᑲᐃᓚᐅᕐᐳᑦ ᐃᓄᒃᑐᑦ ᐅᖃᐅᓯᖃᕆᐊᙵᐅᑎᖃᓐᓂᕋᖅᑐᑎᒃ. ᑖᓐᓇ ᐅᓄᕐᓂᖓ ᒥᑭᓪᓕᒋᐊᖅᓯᒪᔪᖅ 71.7 ᐳᓴᖑᓚᐅᕐᓯᒪᒐᓗᐊᕐᒪ 2001−ᒥ.
  • ¾−ᒋᓗᐊᕐᑕᖏᑦ ᓄᓇᕗᖕᒥᐅᑦ ᐃᓄᐃᑦ (76.6 ᐳᓴᓐ) ᖃᐅᔨᒃᑲᐃᓯᒪᕗᑦ ᐃᓄᒃᑐᑦ ᐅᖃᐅᓯᕆᒋᐊᙵᕐᓯᒪᓂᕋᖅᑐᑎᒃ 2016-ᒥ, ᑕᐃᓐᓂᖓᓄᑦ ᐃᓄᒃᑐᑦ ᐅᖃᓪᓚᖃᑦᑕᕐᓯᒪᙱᓚᑦ 23.4 ᐳᓴᓐᖏᑦ ᐃᓄᐃᑦ, ᐅᕝᕙᓗ 7,075 ᐃᓄᐃᑦ.
  • 2016−ᒥ, 76.8 ᐳᓴᖏ ᓄᓇᕗᖕᒥᐅᑦ ᖃᐅᔨᒃᑲᐃᓯᒪᕗᑦ ᐅᖃᓪᓚᖃᑎᖃᕈᓐᓇᕐᓂᕋᖅᑐᑎᒃ ᐃᓄᒃᑐᑦ. ᑖᓐᓇ ᐅᓄᕐᓂᖓ ᒥᑭᓪᓕᕚᓪᓕᕐᓯᒪᔪᖅ 79.0 ᐳᓴᓐᖑᓚᐅᕐᓯᒪᒐᓗᐊᕐᒪ 2001-ᒥ.
  • ᔪᓂ 21, 2019, ᑯᐃᑉ ᑭᒡᒐᑐᖅᑎᖓ ᐱᔪᓐᓇᓕᕐᑎᑦᑎᓚᐅᕐᐳᖅ ᒪᓕᒐᙳᑎᑕᐅᔪᓐᓇᕐᓂᖓᓂᒃ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓄᑦ ᒪᓕᒐᕐᒥ. 2017-ᒥᓂᑦ, ᑲᓇᑕᒥ ᐃᑦᑕᕐᓂᓴᓕᕆᔨᒃᑯᑦ ᐱᓕᕆᖃᑎᖃᖅᓯᒪᔪᑦ ᑲᓇᑕᓕᒫᕐᒥ ᓄᓇᖃᖅᑳᖅᓯᒪᔪᑦ ᑎᒥᖁᑎᖏᓐᓂᒃ ᓴᖅᑮᔪᒪᓪᓗᑎᒃ ᑖᑦᓱᒥᖓ ᒪᓕᒐᕐᒥ.
  • ᑮᓇᐅᔭᑦ ᐊᑑᑎᖃᕈᒫᕐᓂᐊᕐᑐᑦ 2019−ᒥ ᓴᓂᕐᕙᐃᓚᐅᕐᐳᑦ $333.7 ᒥᓕᐊᓂᒃ ᑕᓪᓕᒪᓄᑦ ᐅᑭᐅᓄᑦ, ᐱᒋᐊᕐᓗᒍ 2019-2020, ᐊᒻᒪ $115.7 ᒥᓕᐊᓐ ᐊᕐᕌᒍᑕᒫᑦ ᐃᑲᔪᕐᓯᓂᐊᕐᑐᓂᒃ ᐊᑐᓕᖅᑎᑕᐅᓂᖏᓐᓄᒃ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓄᑦ ᒪᓕᒐᖅ.

ᖃᕆᓴᐅᔭᒃᑯᑦ ᑐᕌᕈᑏᑦ

ᓄᓇᕗᑦ ᒐᕙᒪᒃᑯᖏᑦ - www.gov.nu.ca
ᓄᓇᕗᑦ ᑐᙵᕕᒃᑯᑦ ᑎᒥᖓ - https://www.tunngavik.com/
ᖁᕕᐊᓱᒍᑎᒋᓚᕗᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦ ᑲᓇᑕᒥ - https://www.canada.ca/en/canadian-heritage/campaigns/celebrate-indigenou...
ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓄᑦ ᒪᓕᒐᖅ - https://www.parl.ca/DocumentViewer/en/42-1/bill/C-91/royal-assent
ᓄᓇᕐᔪᐊᕐᒥ ᓄᓇᓖᑦ ᐃᓕᓐᓂᐊᕐᑐᓕᕆᓂᕐᒧᑦ, ᖃᐅᔨᓴᕐᓂᕐᒧᑦ ᐊᒻᒪ ᐃᓕᖅᑯᓯᓕᕆᓂᕐᒧᑦ ᑎᒥᐅᔪᑦ 2019 ᓄᓇᕐᔪᐊᓕᒫᕐᒥ ᐊᕐᕌᒍᒋᓂᐊᕐᒪᒍ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓄᑦ - https://en.unesco.org/IY2019

ᑐᓴᕆᐊᒃᑲᓐᓂᕈᒪᒍᕕᑦ

ᖃᐅᔨᒋᐊᒃᑲᓐᓂᕈᓐᓇᕐᐳᑎᑦ (ᐱᕙᓪᓕᐊᔪᓕᕆᔨᒃᑯᐃᓐᓇᑦ), ᖃᐅᔨᒃᑲᕐᓗᒍ::

ᓴᐃᒪᓐ ᕌᔅ
ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎ
ᑎᑎᕋᕐᕕᖓᓂ ᒥᓂᔅᑕᖓᑦᑕ ᑲᓇᑕᒥ ᐃᑦᑕᓐᓂᓴᓕᕆᔨᒃᑯᑦ
ᐊᒻᒪ ᐃᓕᖅᑯᓯᖃᑎᒌᙱᑦᑐᓕᕆᔨᒃᑯᑦ
819-997-7788

ᐱᕙᓪᓕᐊᔪᓕᕆᔨᓂᒃ ᑲᒪᔨ
ᑲᓇᑕᒥ ᐃᑦᑕᕐᓂᓴᓕᕆᔨᒃᑯᑦ
819-994-9101
1-866-569-6155
pch.media-media.pch@canada.ca

ᒐᕙᒪᒃᑯᖏᑦ ᓄᓇᕗᑦ
867-975-6000
1-877-212-6438
info@gov.nu.ca

ᔮᓐ ᐹᓴᑦ
ᑐᑭᒧᐊᒃᑎᑦᑎᔨᐅᑲᐃᓐᓇᕐᑐᖅ ᓄᓇᕗᑦ ᑐᙵᕕᒃᑯ
867-975-4900
1-888-646-0006 (toll free)